ᠬᠣᠶᠠᠳᠤᠭᠠᠷ ᠲᠧᠰᠠᠯᠦ᠋ᠨᠢᠺ ᠬᠣᠶᠠᠷ
ᠡᠵᠡᠨ ᠦ ᠳᠠᠬᠢᠨ ᠢᠷᠡᠬᠦ ᠲᠤᠬᠠᠢ
1 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠢᠷᠡᠬᠦ ᠪᠠ ᠲᠡᠭᠦᠨ ᠦ ᠡᠮᠦᠨᠡ ᠪᠢᠳᠡᠨ ᠦ ᠴᠤᠭᠯᠠᠬᠤ ᠲᠤᠬᠠᠢ᠂ 2 ᠰᠦᠨᠡᠰᠦ ᠪᠡᠷ ᠴᠤ᠂ ᠦᠭᠡ ᠪᠡᠷ ᠴᠤ᠂ ᠪᠢᠳᠡᠨ ᠦ ᠪᠢᠴᠢᠭᠰᠡᠨ ᠬᠡᠮᠡᠳᠡᠭ ᠵᠠᠬᠢᠳᠠᠯ ᠢᠶᠠᠷ ᠴᠤ᠂ ᠡᠵᠡᠨ ᠦ ᠡᠳᠦᠷ ᠢᠷᠡᠴᠢᠬᠡᠯᠡ ᠭᠡᠳ ᠲᠠ ᠨᠠᠷ ᠪᠦᠦ ᠠᠮᠠᠷᠬᠠᠨ ᠤᠬᠠᠭᠠ ᠠᠯᠳᠠ᠂ ᠪᠦᠦ ᠰᠠᠨᠳᠤᠷ᠂ 3 ᠬᠡᠨ ᠦ ᠶᠠᠮᠠᠷ ᠠᠷᠭᠠ ᠳᠤ ᠴᠤ ᠪᠦᠦ ᠮᠡᠬᠡᠯᠡᠭᠳᠡ ᠭᠡᠵᠦ ᠲᠠ ᠨᠠᠷ ᠠᠴᠠ ᠭᠤᠶᠤᠶᠠ᠃ ᠤᠴᠢᠷ ᠨᠢ᠂ ᠡᠬᠢᠯᠡᠭᠡᠳ ᠥᠨᠥᠬᠢ ᠤᠷᠪᠠᠯᠲᠠ ᠲᠣᠬᠢᠶᠠᠯᠳᠤᠵᠤ᠂ ᠬᠠᠤᠯᠢ ᠪᠤᠰᠤ ᠬᠥᠮᠦᠨ᠂ ᠲᠤᠬᠠᠢᠯᠠᠪᠠᠯ ᠰᠦᠢᠷᠡᠯ ᠦᠨ ᠬᠦᠦ ᠢᠯᠡᠷᠡᠬᠦ ᠡᠴᠡ ᠨᠠᠰᠢ ᠲᠡᠷᠡ ᠡᠳᠦᠷ ᠢᠷᠡᠬᠦ ᠦᠭᠡᠢ᠃ 4 ᠲᠡᠷᠡ ᠬᠥᠮᠦᠨ ᠪᠤᠷᠬᠠᠨ ᠭᠡᠭᠳᠡᠨ ᠪᠢᠰᠢᠷᠡᠭᠳᠡᠳᠡᠭ᠌ ᠪᠦᠬᠦᠨ ᠢ ᠡᠰᠡᠷᠭᠦᠴᠡᠵᠦ᠂ ᠥᠪᠡᠷ ᠢ ᠪᠠᠨ ᠲᠡᠳᠡᠨ ᠦ ᠳᠡᠭᠡᠷᠡ ᠡᠷᠭᠦᠬᠦ ᠪᠥᠭᠡᠳ ᠥᠪᠡᠷ ᠢ ᠪᠠᠨ ᠪᠤᠷᠬᠠᠨ ᠬᠡᠮᠡᠨ ᠪᠤᠷᠬᠠᠨ ᠤ ᠥᠷᠭᠥᠭᠡᠨ ᠳᠦ ᠰᠠᠭᠤᠬᠤ ᠪᠣᠯᠣᠨᠠ᠃ 5 ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠳᠠᠭᠠᠨ ᠡᠳᠡᠭᠡᠷ ᠢ ᠬᠡᠯᠡᠳᠡᠭ ᠪᠠᠢᠭᠰᠠᠨ ᠢ ᠮᠠᠨᠢ ᠲᠠ ᠨᠠᠷ ᠰᠠᠨᠠᠬᠤ ᠦᠭᠡᠢ ᠭᠡᠵᠢ ᠤᠤ︖ 6 ᠲᠡᠭᠦᠨ ᠢ ᠥᠪᠡᠷ ᠦᠨ ᠬᠢᠨᠢ ᠴᠠᠭ ᠲᠤ ᠢᠯᠡᠷᠡᠭᠦᠯᠬᠦ ᠶᠢᠨ ᠲᠤᠯᠠᠳᠠ ᠣᠳᠣ ᠲᠡᠭᠦᠨ ᠢ ᠶᠠᠭᠤ ᠬᠣᠷᠢᠭᠯᠠᠵᠤ ᠪᠠᠢᠭᠠ ᠶᠢ ᠲᠠ ᠨᠠᠷ ᠮᠡᠳᠡᠨᠡ᠂ 7 ᠬᠠᠤᠯᠢ ᠪᠤᠰᠤ ᠶᠢᠨ ᠨᠢᠭᠤᠴᠠ ᠬᠦᠴᠦ ᠨᠢᠭᠡᠨᠲᠡ ᠠᠵᠢᠯᠯᠠᠵᠤ ᠪᠠᠢᠨᠠ᠃ ᠲᠡᠭᠦᠨ ᠢ ᠬᠣᠷᠢᠭᠯᠠᠭᠴᠢ ᠵᠠᠢᠯᠠᠭᠤᠯᠤᠭᠳᠠᠬᠤ ᠪᠣᠯᠲᠠᠯᠠ ᠲᠡᠷᠡ ᠠᠵᠢᠯᠯᠠᠬᠤ ᠪᠣᠯᠣᠨᠠ᠃ 8 ᠵᠠᠢᠯᠠᠬᠤ ᠦᠶᠡ ᠳᠦ ᠬᠠᠤᠯᠢ ᠪᠤᠰᠤ ᠨᠢᠭᠡᠨ ᠨᠢ ᠢᠯᠡᠷᠡᠬᠦ ᠪᠣᠯᠪᠠᠴᠤ ᠡᠵᠡᠨ ᠢᠰᠦ᠋ᠰ ᠠᠮᠠᠨ ᠤ ᠪᠠᠨ ᠠᠮᠢᠰᠬᠤᠯ ᠢᠶᠠᠷ ᠲᠡᠭᠦᠨ ᠢ ᠰᠥᠨᠥᠭᠡᠨ᠂ ᠬᠦᠷᠴᠦ ᠢᠷᠡᠬᠦ ᠴᠣᠭ ᠵᠢᠪᠬᠤᠯᠠᠩ ᠢᠶᠠᠷ ᠢᠶᠠᠨ ᠲᠡᠭᠦᠨ ᠢ ᠡᠴᠦᠰᠯᠡᠭᠦᠯᠦᠨᠡ᠃ 9 ᠲᠡᠷᠡ ᠬᠠᠤᠯᠢ ᠪᠤᠰᠤ ᠨᠢᠭᠡᠨ ᠨᠢ ᠰᠠᠲ᠋ᠠᠨ ᠤ ᠠᠵᠢᠯᠯᠠᠭᠠ ᠶᠢ ᠳᠠᠭᠠᠵᠤ ᠢᠷᠡᠭᠡᠳ ᠶᠠᠩᠵᠤ ᠪᠦᠷᠢ ᠶᠢᠨ ᠬᠠᠭᠤᠷᠮᠠᠭ ᠬᠦᠴᠦᠲᠦ ᠦᠢᠯᠡ᠂ ᠰᠢᠳᠢ ᠲᠡᠮᠳᠡᠭ᠂ ᠭᠠᠢᠬᠠᠮᠰᠢᠭ ᠢ ᠦᠢᠯᠡᠳᠬᠦ ᠪᠥᠭᠡᠳ 10 ᠮᠥᠬᠥᠵᠦ ᠪᠠᠢᠭᠠ ᠬᠥᠮᠦᠰ ᠢ ᠶᠠᠩᠵᠤ ᠪᠦᠷᠢ ᠶᠢᠨ ᠵᠥᠪ ᠪᠤᠰᠤ ᠠᠷᠭᠠ ᠪᠠᠷ ᠮᠡᠬᠡᠯᠡᠨᠡ᠂ ᠤᠴᠢᠷ ᠨᠢ᠂ ᠲᠡᠳᠡ ᠪᠡᠶᠡ ᠪᠡᠨ ᠠᠪᠤᠷᠠᠬᠤ ᠦᠨᠡᠨ ᠦ ᠬᠠᠢᠷᠠ ᠶᠢ ᠬᠦᠯᠢᠶᠡᠨ ᠠᠪᠤᠭᠠ ᠦᠭᠡᠢ᠃ 11 ᠪᠤᠷᠬᠠᠨ ᠲᠡᠢᠮᠦ ᠬᠥᠮᠦᠰ ᠲᠦ ᠪᠠᠴᠢᠯᠠᠭᠴᠢ ᠬᠦᠴᠦ ᠶᠢ ᠶᠠᠪᠤᠭᠤᠯᠤᠨ ᠬᠤᠳᠠᠯ ᠢ ᠢᠲᠡᠭᠡᠭᠦᠯᠳᠡᠭ᠃ 12 ᠡᠢᠨ ᠬᠦ ᠦᠨᠡᠨ ᠢ ᠦᠯᠦ ᠢᠲᠡᠭᠡᠨ᠂ ᠵᠥᠪ ᠪᠤᠰᠤ ᠶᠢ ᠲᠠᠭᠠᠰᠢᠶᠠᠭᠰᠠᠨ ᠬᠥᠮᠦᠨ ᠪᠦᠬᠦᠨ ᠶᠠᠯᠠᠯᠠᠭᠳᠠᠨᠠ᠃
13 ᠬᠠᠷᠢᠨ ᠡᠵᠡᠨ ᠳᠦ ᠬᠠᠢᠷᠠᠯᠠᠭᠳᠠᠭᠰᠠᠨ ᠠᠬᠠ ᠳᠡᠭᠦᠦ ᠨᠠᠷ ᠮᠢᠨᠢ︕ ᠪᠢᠳᠡ ᠲᠠ ᠨᠠᠷ ᠠᠴᠠ ᠪᠣᠯᠵᠤ ᠪᠤᠷᠬᠠᠨ ᠳᠤ ᠦᠷᠭᠦᠯᠵᠢ ᠲᠠᠯᠠᠷᠬᠠᠬᠤ ᠦᠭᠡᠢ ᠪᠠᠢᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠤᠴᠢᠷ ᠨᠢ᠂ ᠪᠤᠷᠬᠠᠨ ᠲᠠ ᠨᠠᠷ ᠢ ᠠᠷᠢᠭᠤᠨ ᠰᠦᠨᠡᠰᠦ ᠪᠡᠷ ᠠᠷᠢᠭᠤᠳᠬᠠᠨ᠂ ᠦᠨᠡᠨ ᠳᠦ ᠢᠲᠡᠭᠡᠭᠦᠯᠵᠦ ᠠᠪᠤᠷᠠᠯ ᠳᠤ ᠬᠦᠷᠭᠡᠬᠦ ᠭᠡᠵᠦ ᠠᠩ᠋ᠬᠠᠨ ᠠᠴᠠ ᠪᠠᠨ ᠰᠣᠩ᠋ᠭᠣᠵᠤ ᠠᠪᠤᠭᠰᠠᠨ᠃ 14 ᠲᠡᠢᠮᠦ ᠵᠣᠷᠢᠯᠭᠠ ᠲᠠᠢ ᠤᠴᠢᠷ ᠠᠴᠠ ᠪᠤᠷᠬᠠᠨ ᠪᠢᠳᠡᠨ ᠦ ᠲᠤᠩ᠋ᠬᠠᠭᠯᠠᠭᠰᠠᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠪᠡᠷ ᠲᠠ ᠨᠠᠷ ᠢ ᠳᠠᠭᠤᠳᠠᠨ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠠᠯᠳᠠᠷ ᠢ ᠬᠦᠷᠲᠡᠭᠡᠵᠡᠢ᠃ 15 ᠲᠡᠢᠮᠦ ᠡᠴᠡ ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠪᠠᠲᠤ ᠵᠣᠭᠰᠣᠭᠲᠤᠨ᠂ ᠪᠢᠳᠡᠨ ᠦ ᠦᠭᠡ ᠪᠤᠶᠤ ᠵᠠᠬᠢᠳᠠᠯ ᠢᠶᠠᠷ ᠰᠤᠷᠭᠠᠭᠰᠠᠨ ᠤᠯᠠᠮᠵᠢᠯᠠᠯ ᠤᠳ ᠢ ᠪᠠᠷᠢᠮᠲᠠᠯᠠ᠃
16 ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠬᠢᠭᠡᠳ ᠪᠢᠳᠡᠨ ᠢ ᠬᠠᠢᠷᠠᠯᠠᠵᠤ᠂ ᠮᠥᠩᠬᠡ ᠶᠢᠨ ᠲᠠᠢᠳᠬᠤᠷᠠᠯ ᠪᠠ ᠰᠠᠢᠬᠠᠨ ᠡᠷᠡᠮᠡᠯᠵᠡᠯ ᠢ ᠢᠪᠡᠭᠡᠯ ᠲᠡᠢ ᠪᠠᠷ ᠰᠣᠶᠣᠷᠬᠠᠭᠰᠠᠨ ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ 17 ᠲᠠ ᠨᠠᠷ ᠤᠨ ᠰᠡᠳᠬᠢᠯ ᠢ ᠠᠮᠤᠷᠵᠢᠭᠤᠯᠤᠨ᠂ ᠠᠯᠢᠪᠠ ᠰᠠᠢᠨ ᠦᠢᠯᠡ ᠪᠠ ᠦᠭᠡ ᠶᠠᠷᠢᠶᠠᠨ ᠤ ᠲᠠᠯᠠ ᠪᠠᠷ ᠪᠡᠬᠢᠵᠢᠭᠦᠯᠬᠦ ᠪᠣᠯᠲᠤᠭᠠᠢ᠃