ᠨᠠᠾᠦ᠋ᠮ ᠨᠢᠭᠡ
1 ᠨᠢᠨᠧᠸᠧ ᠶᠢᠨ ᠲᠠᠯᠠ ᠪᠠᠷ ᠬᠢ ᠰᠡᠷᠡᠮᠵᠢᠯᠡᠭᠦᠯᠦᠯᠭᠡ᠂ ᠡᠯᠺᠣᠱ ᠬᠥᠮᠦᠨ ᠨᠠᠾᠦ᠋ᠮ ᠤᠨ ᠦᠵᠡᠭᠰᠡᠨ ᠦᠵᠡᠭᠳᠡᠯ ᠦᠨ ᠨᠣᠮ᠄
ᠶᠣᠬᠣᠸᠠ ᠶᠢᠨ ᠳᠣᠭᠰᠢᠨ ᠬᠢᠯᠢᠩ
2 ᠶᠣᠬᠣᠸᠠ ᠪᠣᠯ ᠬᠠᠷᠠᠲᠠᠢ᠂ ᠥᠰᠢᠶᠡ ᠠᠪᠤᠭᠴᠢ ᠪᠤᠷᠬᠠᠨ ᠶᠣᠬᠣᠸᠠ ᠪᠣᠯ ᠥᠰᠢᠶᠡ ᠠᠪᠤᠭᠴᠢ᠂ ᠬᠢᠯᠢᠩᠨᠡᠭᠴᠢ ᠡᠵᠡᠨ ᠶᠤᠮ ᠶᠣᠬᠣᠸᠠ ᠥᠰᠲᠡᠨ ᠡᠴᠡ ᠪᠡᠨ ᠥᠰᠢᠶᠡ ᠠᠪᠳᠠᠭ ᠳᠠᠢᠰᠤᠨ ᠨᠤᠭᠤᠳ ᠤᠨ ᠢᠶᠠᠨ ᠡᠰᠡᠷᠭᠦ ᠠᠭᠤᠷ ᠢᠶᠠᠨ ᠬᠤᠷᠠᠮᠳᠤᠭᠤᠯᠳᠠᠭ᠃
3 ᠶᠣᠬᠣᠸᠠ ᠪᠣᠯ ᠠᠭᠤᠷᠯᠠᠬᠤ ᠳᠠᠭᠠᠨ ᠤᠳᠠᠭᠠᠨ᠂ ᠬᠦᠴᠦ ᠴᠢᠳᠠᠯ ᠢᠶᠠᠷ ᠠᠭᠤᠤ ᠬᠠᠷᠢᠨ ᠶᠣᠬᠣᠸᠠ ᠰᠢᠳᠬᠡᠯ ᠢ ᠥᠭᠭᠥᠯ ᠦᠭᠡᠢ ᠥᠩᠭᠡᠷᠡᠭᠡᠬᠦ ᠦᠭᠡᠢ ᠶᠣᠬᠣᠸᠠ ᠶᠢᠨ ᠵᠠᠮ ᠬᠤᠢ ᠰᠠᠯᠬᠢ᠂ ᠰᠢᠭᠤᠷᠭᠠᠨ ᠳᠣᠲᠣᠷᠠ ᠪᠤᠢ᠂ ᠡᠭᠦᠯᠡᠰ ᠪᠣᠯ ᠲᠡᠭᠦᠨ ᠦ ᠬᠥᠯ ᠦᠨ ᠲᠣᠭᠣᠰᠣ᠃
4 ᠲᠡᠷᠡ ᠳᠠᠯᠠᠢ ᠶᠢ ᠵᠢᠮᠡᠯᠡᠵᠦ᠂ ᠬᠠᠲᠠᠭᠠᠨ ᠪᠦᠬᠦ ᠭᠣᠣᠯ ᠢ ᠰᠢᠷᠭᠢᠭᠡᠨᠡ᠂ ᠪᠠᠱᠠᠨ᠂ ᠺᠠᠷᠮᠧᠯ ᠭᠠᠩᠳᠠᠵᠤ ᠯᠧᠪᠠᠨᠣᠨ ᠤ ᠴᠡᠴᠡᠭ ᠬᠣᠷᠪᠣᠢᠨᠠ᠃
5 ᠲᠡᠭᠦᠨ ᠡᠴᠡ ᠪᠣᠯᠵᠤ ᠠᠭᠤᠯᠠᠰ ᠭᠠᠩ᠋ᠬᠤᠵᠤ᠂ ᠲᠣᠯᠣᠭᠠᠳ ᠬᠠᠢᠯᠳᠠᠭ ᠲᠡᠭᠦᠨ ᠦ ᠡᠮᠦᠨᠡ ᠳᠡᠯᠡᠬᠡᠢ ᠪᠣᠯᠣᠨ ᠳᠡᠭᠡᠷᠡᠬᠢ ᠰᠠᠭᠤᠭᠠᠯᠢᠴᠢᠳ ᠨᠢ ᠲᠠᠭᠵᠢᠳᠠᠭ
6 ᠵᠢᠪᠡᠭᠦᠴᠡᠯ ᠦᠨ ᠬᠢᠨᠢ ᠡᠮᠦᠨᠡ ᠬᠡᠨ ᠵᠣᠭᠰᠣᠵᠤ ᠴᠢᠳᠠᠬᠤ ᠪᠤᠢ︖ ᠳᠦᠷᠡᠯᠵᠡᠵᠦ ᠪᠤᠢ ᠳᠣᠭᠰᠢᠨ ᠠᠭᠤᠷ ᠢ ᠨᠢ ᠬᠡᠨ ᠳᠠᠭᠠᠭᠠᠵᠤ ᠴᠢᠳᠠᠬᠤ ᠪᠤᠢ︖ ᠭᠠᠯ ᠮᠡᠲᠦ ᠬᠢᠯᠢᠩ ᠢᠶᠠᠨ ᠭᠠᠷᠭᠠᠬᠤ ᠳᠤ ᠬᠠᠳᠠᠳ ᠲᠡᠭᠦᠨ ᠦ ᠡᠮᠦᠨᠡ ᠬᠠᠭᠠᠷᠠᠳᠠᠭ᠃
7 ᠶᠣᠬᠣᠸᠠ ᠪᠣᠯ ᠰᠠᠢᠨ᠂ ᠲᠡᠷᠡ ᠭᠠᠢ ᠵᠣᠪᠠᠯᠠᠩ ᠤᠨ ᠡᠳᠦᠷ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠪᠣᠯᠵᠤ ᠥᠪᠡᠷ ᠲᠤᠨᠢ ᠢᠲᠡᠭᠡᠭᠴᠢᠳ ᠢ ᠬᠠᠯᠠᠮᠵᠢᠯᠠᠳᠠᠭ ᠠᠪᠠᠴᠤ
8 ᠥᠰᠲᠡᠨ ᠢᠶᠡᠨ ᠬᠠᠯᠢᠬᠤ ᠦᠶᠡᠷ ᠢᠶᠡᠷ ᠡᠴᠦᠰᠯᠡᠭᠦᠯᠵᠦ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠬᠠᠷᠠᠩ᠋ᠭᠤᠢ ᠤᠷᠤᠭᠤ ᠬᠥᠭᠡᠭᠡᠨᠡ᠃
9 ᠲᠠ ᠨᠠᠷ ᠶᠣᠬᠣᠸᠠ ᠶᠢᠨ ᠡᠰᠡᠷᠭᠦ ᠶᠠᠭᠤ ᠰᠡᠳᠦᠭᠰᠡᠨ ᠴᠤ ᠶᠣᠬᠣᠸᠠ ᠲᠡᠭᠦᠨ ᠢ ᠡᠴᠦᠰᠯᠡᠭᠦᠯᠦᠨᠡ ᠭᠠᠢ ᠵᠣᠪᠠᠯᠠᠩ ᠠᠬᠢᠨ ᠭᠠᠷᠬᠤ ᠦᠭᠡᠢ᠃
10 ᠲᠡᠳᠡ ᠣᠷᠢᠶᠠᠩ᠋ᠭᠤ ᠮᠡᠲᠦ ᠤᠷᠢᠶᠠᠴᠠᠯᠳᠤᠪᠠ ᠰᠣᠭᠲᠣᠭᠤ ᠮᠡᠲᠦ ᠰᠣᠭᠲᠣᠪᠠ ᠲᠡᠳᠡ ᠬᠠᠲᠠᠭᠰᠠᠨ ᠰᠦᠷᠡᠯ ᠮᠡᠲᠦ ᠭᠠᠯ ᠳᠤ ᠰᠢᠲᠠᠭᠠᠭᠳᠠᠨᠠ᠃
11 ᠨᠢᠨᠧᠸᠧ ᠡ᠂ ᠶᠣᠬᠣᠸᠠ ᠶᠢᠨ ᠡᠰᠡᠷᠭᠦ ᠮᠠᠭᠤ ᠶᠢ ᠰᠡᠳᠦᠭᠴᠢ᠂ ᠪᠦᠲᠦᠯ ᠦᠭᠡᠢ ᠵᠥᠪᠯᠡᠭᠴᠢ ᠴᠢᠮᠠ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ᠃
ᠪᠠᠶᠠᠷ ᠤᠨ ᠮᠡᠳᠡᠭᠡ ᠠᠢᠰᠤᠢ
12 ᠶᠣᠬᠣᠸᠠ ᠢᠩᠭᠢᠵᠦ ᠠᠢᠯᠠᠳᠴᠠᠢ᠄ 《ᠲᠡᠳᠡ ᠪᠦᠷᠢᠨ ᠬᠦᠴᠦ ᠲᠠᠢ᠂ ᠣᠯᠠᠭᠤᠯᠠ ᠪᠣᠯᠪᠠᠴᠤ ᠲᠠᠰᠤᠯᠤᠭᠳᠠᠵᠤ᠂ ᠥᠩᠭᠡᠷᠡᠬᠦ ᠪᠣᠯᠣᠨᠠ ᠶᠦᠳᠠ ᠡ᠂ ᠪᠢ ᠴᠢᠮᠠᠶᠢ ᠵᠣᠪᠠᠭᠠᠭᠰᠠᠨ ᠪᠣᠯᠪᠠᠴᠤ ᠴᠢᠨᠠᠭᠰᠢᠳᠠ ᠳᠠᠬᠢᠨ ᠵᠣᠪᠠᠭᠠᠬᠤ ᠦᠭᠡᠢ᠃
13 ᠡᠳᠦᠭᠡ ᠪᠢ ᠪᠤᠭᠤᠯᠠᠭᠠ ᠶᠢ ᠨᠢ ᠴᠢᠮᠠ ᠠᠴᠠ ᠲᠠᠢᠯᠤᠨ ᠡᠪᠳᠡᠵᠦ ᠳᠥᠩᠭᠡ ᠨᠦᠭᠦᠳ ᠢ ᠴᠢᠨᠢ ᠲᠠᠰᠤᠯᠤᠨᠠ᠃》
14 ᠴᠢᠨᠦ ᠲᠠᠯᠠ ᠪᠠᠷ ᠬᠢ ᠲᠤᠰᠢᠶᠠᠯ ᠢ ᠶᠣᠬᠣᠸᠠ ᠥᠭᠭᠥᠭᠰᠡᠨ᠂ ᠨᠢᠨᠧᠸᠧ ᠡ 《ᠴᠢᠨᠦ ᠨᠡᠷᠡ ᠴᠢᠨᠠᠭᠰᠢᠳᠠ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ ᠴᠢᠨᠦ ᠪᠤᠷᠬᠠᠳ ᠤᠨ ᠭᠡᠷ ᠳᠠᠬᠢ ᠰᠢᠲᠦᠭᠡᠨ ᠪᠠ ᠬᠥᠷᠥᠭ ᠢ ᠪᠢ ᠤᠰᠠᠳᠬᠠᠨᠠ ᠴᠢ ᠪᠤᠵᠠᠷᠲᠤᠭᠰᠠᠨ ᠲᠤᠯᠠ ᠴᠢᠨᠦ ᠪᠤᠯᠠᠰᠢ ᠶᠢ ᠪᠢ ᠪᠡᠯᠡᠳᠬᠡᠨᠡ᠃》
15 ᠬᠠᠷᠠ᠂ ᠪᠠᠶᠠᠷ ᠤᠨ ᠮᠡᠳᠡᠭᠡᠴᠢ᠂ ᠠᠮᠤᠭᠤᠯᠠᠩ ᠢ ᠲᠤᠩ᠋ᠬᠠᠭᠯᠠᠭᠴᠢ ᠶᠢᠨ ᠬᠥᠯ ᠠᠭᠤᠯᠠᠰ ᠤᠨ ᠳᠡᠭᠡᠷᠡ ᠪᠠᠢᠨᠠ ᠪᠠᠶᠠᠷ ᠨᠠᠭᠠᠳᠤᠮ ᠤᠳ ᠢᠶᠠᠨ ᠲᠡᠮᠳᠡᠭᠯᠡᠵᠦ᠂ ᠲᠠᠩ᠋ᠭᠠᠷᠢᠭ ᠤᠳ ᠢᠶᠠᠨ ᠪᠡᠶᠡᠯᠡᠭᠦᠯ᠂ ᠶᠦᠳᠠ ᠡ ᠪᠦᠲᠦᠯ ᠦᠭᠡᠢ ᠨᠢ ᠪᠤᠲᠠ ᠴᠣᠬᠢᠭᠳᠠᠭᠰᠠᠨ᠂ ᠲᠠᠨ ᠤ ᠬᠢ ᠪᠠᠷ ᠳᠠᠬᠢᠨ ᠥᠩᠭᠡᠷᠡᠬᠦ ᠦᠭᠡᠢ᠃