ᠬᠠᠪᠠᠺᠦ᠋ᠺ ᠨᠢᠭᠡ
1 ᠡᠰᠢ ᠦᠵᠡᠭᠦᠯᠦᠭᠴᠢ ᠬᠠᠪᠠᠺᠦ᠋ᠺ ᠤᠨ ᠦᠵᠡᠭᠰᠡᠨ ᠰᠡᠷᠡᠮᠵᠢᠯᠡᠭᠦᠯᠦᠯᠭᠡ᠄
ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠭᠣᠮᠣᠳᠠᠯ
2 ᠶᠣᠬᠣᠸᠠ᠂ ᠪᠢ ᠬᠡᠳᠦᠢ ᠪᠣᠯᠲᠠᠯᠠ ᠬᠠᠰᠬᠢᠷᠴᠤ ᠲᠠ ᠰᠣᠨᠣᠰᠬᠤ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠶᠤᠮ ᠪᠤᠢ︖ 《ᠬᠦᠴᠦᠷᠬᠡᠭᠯᠡᠯ︕》 ᠬᠡᠮᠡᠨ ᠪᠢ ᠲᠠᠨ ᠤᠷᠤᠭᠤ ᠣᠷᠢᠯᠠᠪᠠᠴᠤ ᠲᠠ ᠠᠪᠤᠷᠠᠬᠤ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠠᠢᠨᠠ᠃
3 ᠲᠠ ᠶᠠᠭᠠᠬᠢᠭᠠᠳ ᠨᠠᠳᠠ ᠳᠤ ᠭᠡᠮ ᠪᠤᠷᠤᠭᠤ ᠶᠢ ᠦᠵᠡᠭᠦᠯᠵᠦ ᠭᠠᠢ ᠵᠣᠪᠠᠯᠠᠩ ᠢ ᠬᠠᠷᠠᠭᠰᠠᠭᠠᠷ ᠯᠠ ᠪᠠᠢᠨᠠ ᠪᠤᠢ︖ ᠬᠣᠬᠢᠷᠠᠭᠤᠯᠤᠯ ᠪᠠ ᠬᠦᠴᠦᠷᠬᠡᠭᠯᠡᠯ ᠮᠢᠨᠦ ᠡᠮᠦᠨᠡ ᠪᠠᠢᠨᠠ ᠬᠡᠷᠡᠭᠦᠯ ᠭᠠᠷᠴᠤ᠂ ᠲᠡᠮᠡᠴᠡᠯ ᠥᠷᠨᠢᠵᠦ ᠪᠠᠢᠨᠠ᠃
4 ᠲᠡᠢᠮᠦ ᠡᠴᠡ ᠬᠠᠤᠯᠢ ᠰᠤᠯᠠᠷᠠᠵᠤ ᠰᠢᠳᠤᠷᠭᠤ ᠶᠣᠰᠣ ᠨᠢ ᠶᠡᠷᠦ ᠬᠡᠷᠡᠭᠵᠢᠬᠦ ᠦᠭᠡᠢ ᠪᠠᠢᠨᠠ ᠪᠤᠷᠤᠭᠤᠲᠠᠨ ᠨᠢ ᠵᠥᠪᠲᠡᠨ ᠢ ᠪᠦᠰᠡᠯᠡᠵᠦ ᠪᠠᠢᠭᠠ ᠲᠤᠯᠠ ᠰᠢᠳᠤᠷᠭᠤ ᠶᠣᠰᠣ ᠭᠠᠵᠢᠭᠤ ᠪᠠᠷ ᠬᠡᠷᠡᠭᠵᠢᠵᠦ ᠪᠠᠢᠨᠠ᠃
ᠪᠤᠷᠬᠠᠨ ᠤ ᠬᠠᠷᠢᠭᠤ
5 ᠲᠠ ᠨᠠᠷ ᠡᠷᠭᠢᠨ ᠲᠣᠭᠣᠷᠢᠨ ᠤ ᠪᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠤᠷᠤᠭᠤ ᠬᠠᠷᠠᠭᠠᠳ ᠦᠵᠡᠵᠡᠭᠡ᠂ ᠭᠠᠢᠬᠠᠵᠠᠭᠠ᠂ ᠲᠠ ᠨᠠᠷ ᠤᠨ ᠡᠳᠦᠷ ᠤᠳ ᠲᠤ ᠪᠢ ᠨᠢᠭᠡ ᠦᠢᠯᠡ ᠶᠢ ᠬᠢᠨᠡ ᠲᠡᠭᠦᠨ ᠢ ᠬᠡᠨ ᠨᠢᠭᠡᠨ ᠨᠢ ᠥᠭᠦᠯᠡᠭᠰᠡᠨ ᠴᠤ ᠲᠠ ᠨᠠᠷ ᠶᠡᠷᠦ ᠢᠲᠡᠭᠡᠬᠦ ᠦᠭᠡᠢ᠂
6 ᠬᠠᠷᠠ᠂ ᠪᠢ ᠪᠠᠪᠢᠯᠣᠨᠴᠤᠳ ᠢ ᠪᠣᠰᠬᠠᠵᠤ ᠪᠠᠢᠨᠠ ᠲᠡᠳᠡ ᠪᠣᠯ ᠳᠣᠭᠰᠢᠨ᠂ ᠲᠦᠷᠭᠡᠨ ᠵᠠᠩ ᠲᠠᠢ ᠦᠨᠳᠦᠰᠦᠲᠡᠨ ᠠᠭᠤᠳᠠᠮ ᠭᠠᠵᠠᠷ ᠤᠳ ᠢᠶᠠᠷ ᠶᠠᠪᠤᠵᠤ ᠥᠪᠡᠷ ᠦᠨ ᠢᠶᠠᠨ ᠪᠤᠰᠤ ᠨᠤᠲᠤᠭ ᠢ ᠡᠵᠡᠯᠡᠵᠦ ᠪᠠᠢᠨᠠ᠃
7 ᠲᠡᠳᠡ ᠠᠶᠤᠮᠰᠢᠭᠲᠠᠢ ᠰᠢᠷᠦᠭᠦᠨ ᠬᠥᠮᠦᠰ ᠳᠤᠷᠠ ᠵᠣᠷᠢᠭ ᠢᠶᠠᠷ ᠢᠶᠠᠨ ᠰᠢᠭᠦᠵᠦ ᠠᠯᠪᠠᠳᠠᠳᠠᠭ᠃
8 ᠲᠡᠳᠡᠨ ᠦ ᠬᠦᠯᠦᠭ ᠤᠳ ᠢᠷᠪᠢᠰ ᠡᠴᠡ ᠴᠤ ᠬᠤᠷᠳᠤᠨ ᠦᠳᠡᠰᠢ ᠶᠢᠨ ᠴᠢᠨᠣᠠ ᠠᠴᠠ ᠴᠤ ᠳᠣᠭᠰᠢᠨ ᠲᠡᠳᠡᠨ ᠦ ᠮᠣᠷᠢᠲᠠᠳ ᠳᠠᠪᠬᠢᠨ ᠢᠷᠡᠨᠡ ᠬᠣᠯᠠ ᠠᠴᠠ ᠢᠳᠡᠰᠢ ᠤᠷᠤᠭᠤ ᠳᠠᠭᠠᠷᠢᠬᠤ ᠪᠦᠷᠭᠦᠳ ᠮᠡᠲᠦ ᠬᠠᠯᠢᠨ ᠢᠷᠡᠨᠡ᠃
9 ᠲᠡᠳᠡ ᠨᠢᠭᠤᠷ ᠢᠶᠠᠨ ᠤᠷᠤᠭᠰᠢ ᠴᠢᠭᠯᠡᠭᠦᠯᠵᠦ ᠪᠦᠭᠦᠳᠡᠭᠡᠷ ᠢᠶᠡᠨ ᠬᠦᠴᠦᠷᠬᠡᠭᠯᠡᠬᠦ ᠪᠡᠷ ᠢᠷᠡᠵᠦ ᠡᠯᠡᠰᠦ ᠮᠡᠲᠦ ᠣᠯᠠᠨ ᠣᠯᠵᠠᠯᠠᠭᠳᠠᠭᠰᠠᠳ ᠢ ᠬᠤᠷᠢᠶᠠᠨᠠ᠃
10 ᠲᠡᠳᠡ ᠬᠠᠭᠠᠳ ᠢ ᠳᠣᠷᠣᠮᠵᠢᠯᠠᠵᠤ᠂ ᠨᠣᠶᠠᠳ ᠢ ᠳᠣᠭᠣᠭᠢᠯᠠᠨᠠ ᠲᠡᠳᠡ ᠪᠡᠬᠢᠯᠡᠯᠲᠡ ᠪᠣᠯᠭᠠᠨ ᠢ ᠪᠠᠰᠤᠮᠵᠢᠯᠠᠵᠤ ᠲᠡᠳᠡᠭᠡᠷ ᠢ ᠡᠵᠡᠯᠡᠬᠦ ᠪᠡᠷ ᠰᠢᠷᠣᠢ ᠶᠢᠨ ᠣᠪᠣᠭᠠ ᠪᠣᠰᠬᠠᠨᠠ᠃
11 ᠲᠡᠳᠡ ᠰᠠᠯᠬᠢ ᠮᠡᠲᠦ ᠱᠦᠭᠦᠷᠳᠡᠵᠦ ᠥᠩᠭᠡᠷᠡᠨᠡ ᠲᠡᠳᠡ ᠪᠣᠯ ᠭᠡᠮᠲᠡᠨ ᠥᠪᠡᠷᠰᠡᠳ ᠦᠨ ᠬᠢᠨᠢ ᠬᠦᠴᠦ ᠴᠢᠳᠠᠯ ᠥᠪᠡᠷᠰᠡᠳ ᠦᠨ ᠬᠢᠨᠢ ᠪᠤᠷᠬᠠᠨ ᠪᠣᠯᠳᠠᠭ᠃
ᠳᠠᠷᠠᠭᠠᠬᠢ ᠭᠣᠮᠣᠳᠠᠯ
12 ᠬᠠᠷᠢᠨ ᠲᠠ ᠥᠨᠢ ᠮᠥᠩᠬᠡ ᠶᠢᠨ ᠪᠢᠰᠢ ᠤᠤ︖ ᠶᠣᠬᠣᠸᠠ᠂ ᠮᠢᠨᠦ ᠪᠤᠷᠬᠠᠨ᠂ ᠮᠢᠨᠦ ᠠᠷᠢᠭᠤᠨ ᠨᠢᠭᠡᠨ ᠡ᠂ ᠪᠢᠳᠡ ᠦᠬᠦᠬᠦ ᠦᠭᠡᠢ᠂ ᠶᠣᠬᠣᠸᠠ ᠲᠠ ᠰᠢᠳᠬᠡᠯ ᠦᠨ ᠲᠥᠯᠥᠭᠡ ᠲᠡᠳᠡᠨ ᠢ ᠲᠠᠯᠪᠢᠭᠰᠠᠨ ᠬᠠᠳᠠ ᠮᠢᠨᠢ᠂ ᠲᠠ ᠭᠡᠰᠬᠡᠯᠲᠡ ᠶᠢᠨ ᠲᠥᠯᠥᠭᠡ ᠲᠡᠳᠡᠨ ᠢ ᠲᠣᠮᠢᠯᠠᠭᠰᠠᠨ᠃
13 ᠲᠠᠨ ᠤ ᠮᠡᠯᠮᠡᠢ ᠲᠤᠩ᠋ᠭᠠᠯᠠᠭ ᠪᠣᠯᠬᠣᠷ ᠮᠠᠭᠤ ᠶᠢ ᠦᠵᠡᠵᠦ ᠴᠢᠳᠠᠬᠤ ᠦᠭᠡᠢ ᠭᠠᠢ ᠵᠣᠪᠠᠯᠠᠩ ᠢ ᠵᠦᠭᠡᠷ ᠯᠠ ᠬᠠᠷᠠᠵᠤ ᠲᠦᠪᠳᠡᠬᠦ ᠦᠭᠡᠢ ᠶᠠᠭᠠᠬᠢᠭᠠᠳ ᠲᠠ ᠬᠣᠷᠣᠨ ᠰᠠᠨᠠᠭᠠᠲᠠᠨ ᠢ ᠵᠦᠭᠡᠷ ᠯᠠ ᠬᠠᠷᠠᠨᠠ ᠪᠤᠢ︖ ᠪᠤᠷᠤᠭᠤᠲᠠᠨ ᠥᠪᠡᠷ ᠡᠴᠡ ᠨᠢ ᠵᠥᠪᠲᠦ ᠨᠢᠭᠡᠨ ᠢ ᠵᠠᠯᠭᠢᠵᠤ ᠪᠠᠢᠬᠤ ᠳᠤ᠂ ᠶᠠᠭᠠᠬᠢᠭᠠᠳ ᠲᠠ ᠴᠢᠮᠡᠭᠡ ᠦᠭᠡᠢ ᠪᠠᠢᠨᠠ ᠪᠤᠢ︖
14 ᠶᠠᠭᠠᠬᠢᠭᠠᠳ ᠲᠠ ᠬᠥᠮᠦᠨ ᠢ ᠳᠠᠯᠠᠢ ᠶᠢᠨ ᠵᠢᠭᠠᠰᠤ ᠮᠡᠲᠦ ᠵᠠᠬᠢᠷᠤᠭᠴᠢ ᠦᠭᠡᠢ ᠮᠥᠯᠬᠥᠭᠴᠢ ᠠᠮᠢᠲᠠᠨ ᠮᠡᠲᠦ ᠪᠦᠲᠦᠭᠡᠪᠡ︖
15 ᠪᠠᠪᠢᠯᠣᠨᠴᠤᠳ ᠲᠡᠳᠡᠨ ᠦ ᠪᠦᠭᠦᠳᠡ ᠶᠢ ᠳᠡᠭᠡᠭᠡ ᠪᠡᠷ ᠳᠡᠭᠡᠭᠡᠯᠡᠵᠦ ᠲᠣᠣᠷ ᠢᠶᠠᠷ ᠢᠶᠠᠨ ᠪᠠᠷᠢᠨ᠂ ᠤᠭᠤᠲᠠᠨ ᠳᠠᠭᠠᠨ ᠴᠤᠭᠯᠠᠭᠤᠯᠵᠤ ᠲᠡᠭᠦᠨ ᠢᠶᠡᠷ ᠢᠶᠠᠨ ᠪᠠᠶᠠᠷᠯᠠᠯᠳᠤᠨ ᠬᠥᠭᠡᠷᠳᠡᠭ᠃
16 ᠡᠢᠮᠦ ᠡᠴᠡ ᠲᠡᠳᠡ ᠲᠣᠣᠷ ᠤᠨ ᠢᠶᠠᠨ ᠠᠴᠢ ᠪᠠᠷ ᠲᠠᠩᠰᠤᠭ ᠠᠮᠢᠳᠤᠷᠠᠵᠤ᠂ ᠥᠭᠡᠬᠦ ᠪᠡᠷ ᠬᠣᠭᠣᠯᠠᠯᠠᠬᠤ ᠪᠣᠯᠣᠯᠠ ᠭᠡᠳ ᠲᠣᠣᠷ ᠤᠨ ᠢᠶᠠᠨ ᠡᠮᠦᠨᠡ ᠲᠠᠬᠢᠯ ᠡᠷᠭᠦᠵᠦ᠂ ᠤᠭᠤᠲᠠᠨ ᠤ ᠪᠠᠨ ᠡᠮᠦᠨᠡ ᠤᠲᠤᠯᠭᠠ ᠤᠭᠤᠭᠢᠭᠤᠯᠳᠠᠭ᠃
17 ᠲᠡᠳᠡ ᠲᠣᠣᠷ ᠢᠶᠠᠨ ᠶᠡᠭᠦᠯᠡᠭᠰᠡᠭᠡᠷ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠬᠠᠢᠷᠠ ᠨᠠᠢᠷ ᠦᠭᠡᠢ ᠬᠢᠳᠤᠭᠰᠠᠭᠠᠷ ᠪᠠᠢᠵᠤ ᠪᠣᠯᠣᠨᠠ ᠭᠡᠵᠢ ᠤᠤ︖