ᠬᠣᠶᠠᠳᠤᠭᠠᠷ ᠺᠣᠷᠢᠨᠲ ᠨᠢᠭᠡ
1 ᠪᠤᠷᠬᠠᠨ ᠤ ᠰᠠᠨᠠᠭᠠ ᠪᠠᠷ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠤᠨ ᠰᠢᠳᠠᠷ ᠱᠠᠪᠢ ᠪᠣᠯᠣᠭᠰᠠᠨ ᠫᠠᠦ᠋ᠯ ᠪᠠ ᠳᠡᠭᠦᠦ ᠲᠢᠮᠣᠲ ᠠᠴᠠ ᠺᠣᠷᠢᠨᠲ ᠳᠠᠬᠢ ᠪᠤᠷᠬᠠᠨ ᠤ ᠴᠢᠭᠤᠯᠭᠠᠨ ᠬᠢᠭᠡᠳ ᠪᠦᠬᠦ ᠠᠺᠠᠢᠶᠠ ᠶᠢᠨ ᠪᠦᠬᠦ ᠠᠷᠢᠭᠤᠨ ᠬᠥᠮᠦᠰ ᠲᠦ᠄
2 ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ ᠪᠠ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠢᠪᠡᠭᠡᠯ᠂ ᠠᠮᠤᠭᠤᠯᠠᠩ ᠲᠠ ᠨᠠᠷ ᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃
ᠲᠠᠯᠠᠷᠬᠠᠯ
3 ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠡᠴᠢᠭᠡ ᠪᠤᠷᠬᠠᠨ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ᠃ ᠲᠡᠷᠡ ᠪᠣᠯ ᠡᠨᠡᠷᠢᠯ ᠤᠨ ᠡᠴᠢᠭᠡ᠂ ᠬᠠᠮᠤᠭ ᠲᠠᠢᠳᠬᠤᠷᠠᠭᠤᠯᠤᠯ ᠤᠨ ᠪᠤᠷᠬᠠᠨ ᠤᠴᠢᠷ ᠠᠴᠠ 4 ᠪᠢᠳᠡᠨ ᠢ ᠠᠯᠢᠪᠠ ᠵᠣᠪᠠᠯᠠᠩ ᠤᠨ ᠦᠶᠡ ᠳᠦ ᠲᠠᠢᠳᠬᠤᠷᠠᠭᠤᠯᠳᠠᠭ᠃ ᠡᠢᠨ ᠬᠦ ᠪᠢᠳᠡ ᠪᠤᠷᠬᠠᠨ ᠠᠴᠠ ᠠᠪᠤᠭᠰᠠᠨ ᠲᠡᠷᠡ ᠬᠦ ᠲᠠᠢᠳᠬᠤᠷᠠᠯ ᠢᠶᠠᠷ ᠠᠯᠢᠪᠠ ᠵᠣᠪᠠᠯᠠᠩ ᠲᠠᠢ ᠬᠥᠮᠦᠰ ᠢ ᠲᠠᠢᠳᠬᠤᠷᠠᠭᠤᠯᠵᠤ ᠴᠢᠳᠠᠳᠠᠭ᠃ 5 ᠾᠷᠢᠰᠲ᠋ᠣᠰ ᠤᠨ ᠵᠣᠪᠠᠯᠠᠩ ᠪᠢᠳᠡᠨ ᠦ ᠳᠣᠲᠣᠷᠠ ᠳᠦᠭᠦᠷᠬᠦ ᠲᠤᠰᠤᠮ ᠪᠢᠳᠡᠨ ᠦ ᠲᠠᠢᠳᠬᠤᠷᠠᠯ ᠴᠤ ᠾᠷᠢᠰᠲ᠋ᠣᠰ ᠢᠶᠠᠷ ᠳᠠᠮᠵᠢᠨ ᠳᠦᠭᠦᠷᠳᠡᠭ᠃ 6 ᠬᠠᠷᠢᠨ ᠪᠢᠳᠡ ᠵᠣᠪᠠᠯᠠᠩ ᠠᠮᠰᠠᠭᠰᠠᠨ ᠴᠤ ᠲᠠ ᠨᠠᠷ ᠤᠨ ᠲᠠᠢᠳᠬᠤᠷᠠᠯ ᠪᠠ ᠠᠪᠤᠷᠠᠭᠳᠠᠯ ᠳᠤ ᠲᠤᠰᠠ ᠪᠣᠯᠣᠨᠠ᠂ ᠲᠠᠢᠳᠬᠤᠷᠠᠯ ᠣᠯᠬᠤ ᠨᠢ ᠴᠤ ᠲᠠ ᠨᠠᠷ ᠤᠨ ᠲᠠᠢᠳᠬᠤᠷᠠᠯ ᠳᠤ ᠲᠤᠰᠠ ᠪᠣᠯᠣᠨᠠ᠂ ᠡᠨᠡ ᠬᠦ ᠲᠠᠢᠳᠬᠤᠷᠠᠭᠤᠯᠤᠯ ᠦᠷᠡ ᠨᠥᠯᠥᠭᠡ ᠲᠠᠢ ᠤᠴᠢᠷ ᠠᠴᠠ ᠪᠢᠳᠡᠨ ᠦ ᠠᠮᠰᠠᠵᠤ ᠪᠤᠢ ᠵᠣᠪᠠᠯᠠᠩ ᠲᠠᠢ ᠠᠳᠠᠯᠢ ᠵᠣᠪᠠᠯᠠᠩ ᠢ ᠲᠡᠰᠪᠦᠷᠢᠯᠡᠬᠦ ᠲᠡᠪᠴᠢᠶᠡᠷᠢ ᠶᠢ ᠲᠠ ᠨᠠᠷ ᠤᠨ ᠳᠣᠲᠣᠷᠠ ᠲᠥᠷᠥᠭᠦᠯᠳᠡᠭ᠃ 7 ᠲᠠ ᠨᠠᠷ ᠵᠣᠪᠠᠯᠠᠩ ᠤᠨ ᠬᠤᠪᠢᠶᠠᠯᠴᠠᠭᠴᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠥᠨ ᠲᠠᠢᠳᠬᠤᠷᠠᠯ ᠤᠨ ᠬᠤᠪᠢᠶᠠᠯᠴᠠᠭᠴᠢ ᠪᠣᠯᠣᠯᠠ᠃ ᠪᠢᠳᠡ ᠡᠭᠦᠨ ᠢ ᠮᠡᠳᠡᠳᠡᠭ ᠲᠤᠯᠠ ᠲᠠ ᠨᠠᠷ ᠲᠤ ᠪᠠᠲᠤ ᠡᠷᠡᠮᠡᠯᠵᠡᠯ ᠲᠡᠢ ᠪᠠᠢᠳᠠᠭ᠃
ᠳᠤᠭᠤᠯᠤᠭᠰᠠᠨ ᠪᠡᠷᠬᠡᠰᠢᠶᠡᠯ
8 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠪᠢᠳᠡᠨ ᠦ ᠠᠽᠢᠶᠠ ᠳᠤ ᠠᠮᠰᠠᠭᠰᠠᠨ ᠵᠣᠪᠠᠯᠠᠩ ᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠬᠤ ᠶᠢ ᠴᠢᠨᠢ ᠪᠢᠳᠡ ᠬᠦᠰᠡᠬᠦ ᠦᠭᠡᠢ᠃ ᠲᠡᠷᠡ ᠦᠶᠡ ᠳᠦ ᠪᠢᠳᠡ ᠬᠢᠷᠢ ᠡᠴᠡ ᠪᠡᠨ ᠬᠡᠲᠦᠷᠡᠲᠡᠯᠡ ᠳᠠᠷᠤᠭᠳᠠᠭᠰᠠᠨ ᠠᠴᠠ ᠠᠮᠢᠳᠤᠷᠠᠬᠤ ᠡᠷᠡᠮᠡᠯᠵᠡᠯ ᠲᠠᠰᠤᠷᠠᠨ 9 ᠦᠬᠦᠬᠦ ᠪᠠᠢᠬᠠ ᠡ ᠬᠡᠮᠡᠨ ᠪᠣᠳᠣᠪᠠ᠃ ᠲᠡᠭᠡᠬᠦ ᠳᠦ ᠪᠢᠳᠡ ᠥᠪᠡᠷᠰᠡᠳ ᠲᠡᠭᠡᠨ ᠦᠯᠦ ᠨᠠᠢᠳᠠᠨ᠂ ᠬᠠᠷᠢᠨ ᠦᠬᠦᠭᠰᠡᠳ ᠢ ᠠᠮᠢᠯᠠᠭᠤᠯᠤᠭᠴᠢ ᠪᠤᠷᠬᠠᠨ ᠳᠤ ᠨᠠᠢᠳᠠᠬᠤ ᠪᠣᠯᠣᠭᠰᠠᠨ᠃ 10 ᠲᠡᠷᠡ ᠪᠢᠳᠡᠨ ᠢ ᠲᠡᠢᠮᠦ ᠬᠦᠨᠳᠦ ᠦᠬᠦᠯ ᠦᠨ ᠠᠶᠤᠯ ᠠᠴᠠ ᠭᠡᠲᠦᠯᠭᠡᠭᠰᠡᠨ ᠪᠥᠭᠡᠳ ᠭᠡᠲᠦᠯᠭᠡᠬᠦ ᠪᠣᠯᠣᠨᠠ᠃ ᠪᠢᠳᠡ ᠲᠡᠭᠦᠨ ᠳᠦ ᠡᠷᠡᠮᠡᠯᠵᠡᠯ ᠲᠡᠢ᠂ ᠲᠠ ᠨᠠᠷ ᠴᠤ ᠪᠢᠳᠡᠨ ᠦ ᠲᠥᠯᠥᠭᠡ ᠳᠠᠭᠠᠳᠬᠠᠵᠤ ᠲᠤᠰᠠᠯᠠᠳᠠᠭ ᠲᠤᠯᠠ ᠲᠡᠷᠡ ᠪᠢᠳᠡᠨ ᠢ ᠯᠠᠪ ᠭᠡᠲᠦᠯᠭᠡᠬᠦ ᠯᠠ ᠪᠣᠯᠣᠨᠠ᠃ 11 ᠲᠡᠭᠡᠪᠡᠯ ᠣᠯᠠᠨ ᠤ ᠤᠯᠠᠮ ᠠᠴᠠ ᠪᠢᠳᠡᠨ ᠳᠦ ᠢᠷᠡᠭᠰᠡᠨ ᠰᠣᠶᠣᠷᠬᠠᠯ ᠠᠴᠠ ᠪᠣᠯᠣᠭᠠᠳ ᠣᠯᠠᠭᠤᠯᠠ ᠪᠠᠨ ᠪᠢᠳᠡᠨ ᠦ ᠡᠮᠦᠨᠡ ᠡᠴᠡ ᠲᠠᠯᠠᠷᠬᠠᠬᠤ ᠪᠣᠯᠣᠨᠠ᠃
ᠣᠴᠢᠬᠤ ᠲᠥᠯᠥᠪᠯᠡᠭᠡ ᠪᠡᠨ ᠥᠭᠡᠷᠡᠴᠢᠯᠡᠭᠰᠡᠨ ᠨᠢ
12 ᠪᠢᠳᠡᠨ ᠦ ᠣᠮᠣᠭᠰᠢᠯ ᠡᠨᠡ ᠶᠤᠮ᠄ ᠪᠢᠳᠡ ᠪᠤᠷᠬᠠᠨ ᠤ ᠴᠠᠢᠯᠭᠠᠨ᠂ ᠴᠡᠪᠡᠷ ᠰᠡᠳᠬᠢᠯ ᠢᠶᠠᠷ ᠶᠢᠷᠲᠢᠨᠴᠦ ᠳᠦ᠂ ᠢᠯᠠᠩ᠋ᠭᠤᠶᠠ ᠲᠠ ᠨᠠᠷ ᠤᠨ ᠳᠤᠮᠳᠠ ᠠᠮᠢᠳᠤᠷᠠᠭᠰᠠᠨ ᠢ ᠪᠢᠳᠡᠨ ᠦ ᠮᠥᠰᠥ ᠴᠢᠨᠠᠷ ᠭᠡᠷᠡᠴᠢᠯᠡᠨᠡ᠃ ᠪᠢᠳᠡ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠦ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠪᠤᠰᠤ᠂ ᠬᠠᠷᠢᠨ ᠪᠤᠷᠬᠠᠨ ᠤ ᠢᠪᠡᠭᠡᠯ ᠢᠶᠡᠷ ᠠᠮᠢᠳᠤᠷᠠᠵᠤ ᠢᠷᠡᠯᠡ᠃ 13 ᠣᠳᠣ ᠪᠢᠳᠡ ᠲᠠ ᠨᠠᠷ ᠤᠨ ᠤᠩ᠋ᠰᠢᠵᠤ ᠣᠢᠯᠠᠭᠠᠬᠤ ᠵᠦᠢᠯᠡᠰ ᠢ ᠯᠠ ᠪᠢᠴᠢᠶᠡ᠃ 14 ᠲᠠ ᠨᠠᠷ ᠨᠢᠭᠡᠨᠲᠡ ᠪᠢᠳᠡᠨ ᠳᠦ ᠬᠡᠰᠡᠭ ᠣᠢᠯᠠᠭᠠᠯᠲᠠ ᠲᠠᠢ ᠪᠣᠯᠣᠭᠰᠠᠨ ᠲᠠᠢ ᠪᠠᠨ ᠠᠳᠠᠯᠢ᠂ ᠪᠢᠳᠡᠨ ᠢ ᠪᠦᠷᠢᠨ ᠣᠢᠯᠠᠭᠠᠬᠤ ᠶᠢ ᠪᠢ ᠬᠦᠰᠡᠵᠦ ᠪᠠᠢᠨᠠ᠃ ᠪᠢᠳᠡᠨ ᠦ ᠡᠵᠡᠨ ᠢᠰᠦ᠋ᠰ ᠤᠨ ᠡᠳᠦᠷ ᠲᠦ ᠪᠢᠳᠡ ᠲᠠ ᠨᠠᠷ ᠢᠶᠠᠷ ᠣᠮᠣᠭᠰᠢᠬᠤ ᠲᠠᠢ ᠠᠳᠠᠯᠢ᠂ ᠲᠠ ᠨᠠᠷ ᠴᠤ ᠪᠢᠳᠡᠨ ᠢᠶᠡᠷ ᠣᠮᠣᠭᠰᠢᠬᠤ ᠪᠣᠯᠲᠤᠭᠠᠢ᠃
15 ᠪᠢ ᠡᠭᠦᠨ ᠳᠦ ᠢᠲᠡᠭᠡᠯ ᠲᠡᠢ ᠪᠣᠯᠬᠣᠷ ᠤᠷᠢᠳᠠᠪᠠᠷ ᠲᠠ ᠨᠠᠷ ᠤᠷᠤᠭᠤ ᠣᠴᠢᠵᠤ᠂ ᠲᠠ ᠨᠠᠷ ᠲᠤ ᠬᠣᠶᠠᠳᠠᠬᠢ ᠢᠪᠡᠭᠡᠯ ᠢ ᠣᠯᠭᠣᠶᠠ ᠭᠡᠰᠡᠨ ᠶᠤᠮ᠃ 16 ᠪᠢ ᠮᠠᠺᠧᠳᠣᠨᠢᠶᠠ ᠤᠷᠤᠭᠤ ᠶᠠᠪᠤᠬᠤ ᠳᠠᠭᠠᠨ ᠲᠠᠨ ᠤ ᠬᠢ ᠪᠠᠷ ᠳᠠᠭᠠᠷᠢᠭᠠᠳ ᠳᠠᠬᠢᠨ ᠮᠠᠺᠧᠳᠣᠨᠢᠶᠠ ᠠᠴᠠ ᠲᠠ ᠨᠠᠷ ᠤᠷᠤᠭᠤ ᠪᠤᠴᠠᠵᠤ᠂ ᠲᠠ ᠨᠠᠷ ᠤᠨ ᠲᠤᠰᠠᠯᠠᠮᠵᠢ ᠪᠠᠷ ᠶᠦᠳᠠᠢ ᠤᠷᠤᠭᠤ ᠮᠣᠷᠳᠠᠬᠤ ᠭᠡᠰᠡᠨ ᠪᠠᠢᠯᠠ᠃ 17 ᠲᠡᠷᠡ ᠰᠢᠢᠳᠪᠦᠷᠢ ᠮᠢᠨᠢ ᠠᠷᠠᠢ ᠬᠥᠩᠭᠡᠨ ᠬᠠᠭᠤᠳᠠᠮ ᠪᠠᠢᠭᠰᠠᠨ ᠤᠤ︖ ᠪᠢ ᠰᠢᠢᠳᠬᠦ ᠳᠡᠭᠡᠨ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠦ ᠶᠣᠰᠣᠭᠠᠷ ᠰᠢᠢᠳᠴᠦ ᠨᠢᠭᠡ ᠠᠮᠠ ᠪᠠᠷ 《ᠲᠡᠢᠮᠦ᠂ ᠲᠡᠢᠮᠦ》 ᠭᠡᠰᠡᠨ ᠢᠶᠡᠨ 《ᠦᠭᠡᠢ᠂ ᠦᠭᠡᠢ》 ᠭᠡᠳᠡᠭ ᠤᠤ︖ 18 ᠬᠠᠷᠢᠨ ᠪᠤᠷᠬᠠᠨ ᠪᠣᠯ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠭ ᠲᠠᠢ ᠠᠳᠠᠯᠢ ᠪᠠᠷ᠂ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠭᠰᠠᠨ ᠪᠢᠳᠡᠨ ᠦ ᠦᠭᠡ ᠪᠣᠯ 《ᠲᠡᠢᠮᠦ》 ᠪᠣᠯᠣᠨ 《ᠦᠭᠡᠢ》 ᠬᠣᠶᠠᠷ ᠤᠨ ᠬᠣᠭᠣᠷᠣᠨᠳᠣᠬᠢ ᠦᠭᠡ ᠪᠢᠰᠢ᠃ 19 ᠰᠢᠯᠦ᠋ᠶᠠᠨ᠂ ᠲᠢᠮᠣᠲ ᠪᠢᠳᠡ ᠭᠤᠷᠪᠠᠭᠤᠯᠠ ᠶᠢᠨ ᠲᠠ ᠨᠠᠷ ᠤᠨ ᠳᠤᠮᠳᠠ ᠲᠤᠩ᠋ᠬᠠᠭᠯᠠᠭᠰᠠᠨ ᠪᠤᠷᠬᠠᠨ ᠤ ᠬᠦᠦ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠪᠣᠯ 《ᠲᠡᠢᠮᠦ》 ᠪᠣᠯᠣᠨ 《ᠦᠭᠡᠢ》 ᠬᠣᠶᠠᠷ ᠤᠨ ᠬᠣᠭᠣᠷᠣᠨᠳᠣ ᠪᠢᠰᠢ᠂ ᠲᠡᠭᠦᠨ ᠳᠦ 《ᠲᠡᠢᠮᠦ》 ᠯᠠ ᠪᠠᠢᠳᠠᠭ᠃ 20 ᠤᠴᠢᠷ ᠨᠢ᠂ ᠲᠡᠭᠦᠨ ᠦ ᠳᠣᠲᠣᠷᠠ ᠪᠤᠷᠬᠠᠨ ᠤ ᠠᠮᠠᠯᠠᠯᠲᠠ ᠪᠦᠬᠦᠨ 《ᠲᠡᠢᠮᠦ》 ᠪᠣᠯᠳᠠᠭ᠂ ᠲᠡᠭᠦᠨ ᠦ ᠠᠴᠢ ᠪᠠᠷ ᠪᠢᠳᠡ 《ᠠᠮᠧᠨ》 ᠭᠡᠰᠡᠨ ᠢᠶᠡᠷ ᠪᠤᠷᠬᠠᠨ ᠢ ᠠᠯᠳᠠᠷᠰᠢᠭᠤᠯᠳᠠᠭ᠃ 21 ᠪᠢᠳᠡᠨ ᠢ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠪᠠᠲᠤᠳᠬᠠᠭᠴᠢ ᠨᠢ ᠪᠤᠷᠬᠠᠨ ᠪᠢᠯᠡ᠃ ᠲᠡᠷᠡ ᠪᠢᠳᠡᠨ ᠢ ᠲᠣᠰᠣᠯᠠᠵᠤ᠂ 22 ᠪᠢᠳᠡᠨ ᠢ ᠲᠠᠮᠠᠭᠠᠯᠠᠨ ᠪᠢᠳᠡᠨ ᠦ ᠰᠡᠳᠬᠢᠯ ᠳᠤ ᠠᠷᠢᠭᠤᠨ ᠰᠦᠨᠡᠰᠦ ᠶᠢ ᠪᠠᠲᠤᠯᠠᠭᠠ ᠪᠣᠯᠭᠠᠨ ᠰᠣᠶᠣᠷᠬᠠᠵᠠᠢ᠃
23 ᠪᠢ ᠠᠮᠢ ᠪᠠᠷ ᠢᠶᠠᠨ ᠪᠠᠷᠢᠴᠠᠭᠠ ᠲᠠᠯᠪᠢᠵᠤ᠂ ᠪᠤᠷᠬᠠᠨ ᠢ ᠭᠡᠷᠡᠴᠢ ᠪᠠᠷ ᠳᠠᠭᠤᠳᠠᠶᠠ᠃ ᠺᠣᠷᠢᠨᠲ ᠲᠤ ᠣᠴᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠮᠢᠨᠢ ᠲᠠ ᠨᠠᠷ ᠢ ᠬᠠᠢᠷᠠᠯᠠᠭᠰᠠᠨ ᠤᠴᠢᠷ ᠠᠴᠠ ᠶᠤᠮ᠃ 24 ᠪᠢᠳᠡ ᠪᠣᠯ ᠲᠠ ᠨᠠᠷ ᠤᠨ ᠢᠲᠡᠭᠡᠯ ᠢ ᠡᠵᠡᠯᠡᠭᠴᠢᠳ ᠪᠤᠰᠤ᠂ ᠬᠠᠷᠢᠨ ᠢᠲᠡᠭᠡᠯ ᠳᠡᠭᠡᠷᠡ ᠪᠠᠲᠤ ᠵᠣᠭᠰᠣᠭᠰᠠᠨ ᠲᠠ ᠨᠠᠷ ᠤᠨ ᠪᠠᠶᠠᠰᠤᠯ ᠤᠨ ᠲᠥᠯᠥᠭᠡ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠴᠢᠳ ᠪᠢᠯᠡ᠃