ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ ᠨᠢᠭᠡ
ᠬᠠᠢᠷᠠ ᠶᠢᠨ ᠡᠬᠢᠯᠡᠯ
1 ᠰᠣᠯᠣᠮᠣᠨ ᠤ ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ᠂
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
2 《ᠣᠷᠣᠭᠤᠯ ᠢᠶᠠᠷ ᠢᠶᠠᠨ ᠰᠢᠮᠩᠭᠡᠨ ᠨᠠᠮᠠ ᠪᠠᠨ ᠲᠡᠷᠡ ᠦᠨᠦᠰᠦᠭ︕ ᠤᠴᠢᠷ ᠨᠢ ᠬᠠᠢᠷᠠ ᠴᠢᠨᠢ ᠳᠠᠷᠠᠰᠤᠨ ᠠᠴᠠ ᠰᠠᠢᠨ᠃
3 ᠲᠣᠰᠣ ᠴᠢᠳᠬᠤᠭᠳᠠᠭᠰᠠᠨ ᠯᠤᠭᠠ ᠢᠵᠢᠯ ᠴᠢᠨᠦ ᠨᠡᠷᠡ ᠲᠣᠰᠣᠨ ᠤ ᠴᠢᠨᠢ ᠠᠩᠬᠢᠯᠤᠭᠤᠨ ᠠᠳᠠᠯᠢ ᠦᠯᠡᠮᠵᠢ ᠤᠴᠢᠷ ᠥᠬᠢᠳ ᠪᠦᠰᠡᠭᠦᠢᠴᠦᠦᠯ ᠴᠢᠮᠠ ᠳᠤ ᠳᠤᠷᠠᠯᠠᠬᠤ ᠨᠢ ᠠᠷᠭᠠ ᠦᠭᠡᠢ᠃
4 ᠨᠠᠮᠠ ᠪᠠᠨ ᠬᠥᠲᠥᠯᠥᠭᠡᠴᠢ ᠴᠢᠨᠦ ᠠᠷᠤ ᠠᠴᠠ ᠪᠢᠳᠡ ᠭᠦᠶᠦᠵᠡᠭᠡᠶᠡ ᠬᠠᠭᠠᠨᠲᠠᠨ ᠨᠠᠮᠠᠶᠢ ᠥᠪᠡᠷ ᠦᠨ ᠲᠠᠩᠬᠢᠮ ᠳᠤ ᠠᠪᠴᠢᠷᠠᠯᠠ᠃》
〔ᠨᠠᠢᠵᠠ ᠨᠠᠷ᠄〕 《ᠲᠠᠨ ᠢ ᠪᠠᠨ ᠪᠢᠳᠡ ᠪᠠᠬᠠᠳᠤᠩ᠋ᠬᠠᠨ᠂ ᠪᠠᠶᠠᠰᠤᠯᠳᠤᠵᠤ ᠲᠠᠨ ᠤ ᠪᠠᠨ ᠬᠠᠢᠷᠠ ᠶᠢ ᠳᠠᠷᠠᠰᠤᠨ ᠠᠴᠠ ᠢᠯᠡᠭᠦᠦ ᠪᠡᠷ ᠰᠠᠨᠠᠨᠠ᠃》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕 《ᠲᠡᠳᠡᠨ ᠦ ᠲᠠᠨ ᠳᠤ ᠳᠤᠷᠠᠯᠠᠳᠠᠭ ᠨᠢ ᠲᠠᠰᠢᠶᠠ ᠦᠭᠡᠢ ᠵᠥᠪ ᠪᠠᠢᠨᠠ᠃
5 ᠬᠠᠷᠠ ᠪᠠᠷᠠᠭᠠᠨ ᠴᠤ ᠪᠢ ᠬᠠᠷᠠᠭᠠ ᠪᠤᠯᠢᠶᠠᠮᠠ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠳ ᠡ︕ ᠺᠧᠳᠠᠷ ᠤᠨ ᠮᠠᠢᠬᠠᠨ ᠮᠡᠲᠦ ᠴᠤ ᠰᠣᠯᠣᠮᠣᠨ ᠤ ᠬᠥᠰᠢᠭᠡ ᠠᠳᠠᠯᠢ᠃
6 ᠬᠠᠷᠠ ᠪᠣᠷᠣ ᠭᠡᠵᠦ ᠨᠠᠮᠠᠶᠢ ᠪᠦᠦ ᠬᠠᠷᠠ ᠨᠠᠷᠠ ᠨᠠᠮᠠᠶᠢ ᠰᠢᠷᠲᠡᠭᠰᠡᠨ ᠨᠢ ᠲᠡᠷᠡ ᠠᠭᠤᠷ ᠲᠠᠭᠠᠨ ᠰᠢᠲᠠᠭᠠᠳ ᠡᠬᠡ ᠶᠢᠨ ᠮᠢᠨᠢ ᠬᠥᠪᠡᠭᠦᠳ ᠦᠵᠦᠮ ᠦᠨ ᠬᠦᠷᠢᠶᠡᠯᠡᠩ ᠶᠢᠨ ᠢᠶᠠᠨ ᠰᠠᠬᠢᠭᠤᠯ ᠪᠣᠯᠭᠠᠭᠰᠠᠨ ᠶᠤᠮ ᠨᠠᠮᠠᠶᠢ ᠥᠪᠡᠷ ᠲᠦ ᠮᠢᠨᠢ ᠪᠠᠢᠭᠠ ᠦᠵᠦᠮ ᠦᠨ ᠬᠦᠷᠢᠶᠡᠯᠡᠩ ᠢᠶᠡᠨ ᠦᠯᠦ ᠰᠠᠬᠢᠭᠰᠠᠨ ᠤ ᠮᠢᠨᠢ ᠤᠴᠢᠷ ᠨᠢ ᠡᠨᠡ ᠶᠤᠮ᠃
7 〈ᠬᠠᠢᠷᠠᠲᠤ ᠴᠢ ᠮᠢᠨᠢ ᠬᠠᠮᠢᠭᠠᠭᠤᠷ ᠰᠦᠷᠦᠭ ᠢᠶᠡᠨ ᠪᠡᠯᠴᠢᠭᠡᠵᠦ ᠬᠠᠮᠢᠭᠠ ᠨᠢ ᠦᠳᠡᠯᠡᠬᠦ ᠪᠡᠨ ᠬᠡᠯᠡᠭᠡᠴᠢ ᠨᠥᠬᠥᠳ ᠦᠨ ᠴᠢᠨᠢ ᠰᠦᠷᠦᠭ ᠦᠨ ᠬᠠᠪᠢ ᠳᠤ ᠪᠢ ᠨᠢᠭᠤᠷ ᠤᠨ ᠪᠦᠲᠡᠭᠡᠯᠭᠡ ᠲᠠᠢ ᠡᠮᠡᠭᠲᠡᠢ ᠮᠡᠲᠦ ᠪᠠᠢᠬᠤ ᠬᠡᠷᠡᠭ ᠶᠠᠭᠤᠨ︖〉》
〔ᠨᠠᠢᠵᠠ ᠨᠠᠷ᠄〕
8 《ᠡᠭᠦᠨ ᠢ ᠬᠡᠷᠪᠡ ᠮᠡᠳᠡᠬᠦ ᠦᠭᠡᠢ ᠪᠠᠢᠪᠠᠯ ᠥᠬᠢᠳ ᠤᠨ ᠳᠤᠮᠳᠠ ᠠᠴᠠ ᠬᠥᠭᠡᠷᠦᠬᠦᠨ ᠴᠢ ᠮᠢᠨᠢ ᠰᠦᠷᠦᠭ ᠦᠨ ᠮᠥᠷ ᠢ ᠮᠥᠰᠬᠢᠨ ᠢᠷᠡᠵᠦ ᠮᠠᠯᠴᠢᠳ ᠤᠨ ᠮᠠᠢᠬᠠᠨ ᠤ ᠬᠠᠪᠢ ᠪᠠᠷ ᠢᠰᠢᠭᠡ ᠬᠤᠷᠠᠭᠠ ᠪᠠᠨ ᠢᠳᠡᠰᠢᠯᠡᠭᠦᠯ᠃
〔ᠠᠮᠠᠷᠠᠭ ᠵᠠᠯᠠᠭᠤ᠄〕
9 ᠹᠠᠷᠠᠣ᠋ ᠶᠢᠨ ᠲᠡᠷᠭᠡᠨ ᠦ ᠪᠠᠢᠳᠠᠰᠤ ᠲᠠᠢ ᠠᠮᠠᠷᠠᠭ ᠢᠶᠠᠨ ᠪᠢ ᠦᠯᠢᠳᠬᠡᠨᠡ᠃
10 ᠤᠨᠵᠢᠯᠭᠠᠨ ᠵᠠᠰᠠᠯ ᠲᠠᠢ ᠬᠠᠴᠠᠷ ᠰᠢᠨᠠ ᠰᠣᠨᠳᠣᠷ ᠲᠠᠢ ᠬᠦᠵᠦᠭᠦᠦ ᠴᠢᠨᠢ ᠰᠠᠢᠬᠠᠨ ᠡ᠂
11 ᠮᠥᠩᠭᠥᠨ ᠰᠢᠭᠢᠳᠬᠡᠷᠢᠲᠦ ᠠᠯᠲᠠᠨ ᠤᠨᠵᠢᠯᠭᠠ ᠶᠢ ᠴᠢᠮᠠ ᠳᠠᠭᠠᠨ ᠪᠢᠳᠡ ᠤᠷᠠᠯᠠᠵᠤ ᠥᠭᠭᠥᠶᠡ᠃》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
12 《ᠬᠠᠭᠠᠨᠲᠠᠨ ᠢᠰᠠᠷᠢ ᠳᠡᠭᠡᠨ ᠵᠠᠯᠠᠷᠠᠬᠤ ᠳᠤ ᠠᠩᠬᠢᠯᠤᠭᠤᠨ ᠦᠨᠦᠷᠲᠡᠨ ᠦ ᠮᠢᠨᠢ ᠦᠨᠦᠷ ᠭᠠᠷᠪᠠ᠃
13 ᠬᠣᠩ᠋ᠭᠣᠷ ᠮᠢᠨᠢ ᠨᠠᠳᠠ ᠳᠠᠭᠠᠨ ᠬᠥᠬᠥᠨ ᠦ ᠮᠢᠨᠢ ᠬᠣᠭᠣᠷᠣᠨᠳᠣ ᠰᠥᠨᠢᠵᠢᠨ ᠪᠠᠢᠭᠠ ᠤᠭᠤᠲᠠ ᠮᠢᠷᠷᠠ ᠠᠳᠠᠯᠢ ᠪᠢᠯᠡ᠃
14 ᠡᠩᠬᠦᠷᠡᠢ ᠴᠢ ᠮᠢᠨᠢ ᠨᠠᠳᠠ ᠳᠠᠭᠠᠨ ᠧᠨ ᠭᠧᠳᠢ 1 ᠶᠢᠨ ᠦᠵᠦᠮ ᠦᠨ ᠴᠡᠴᠡᠷᠯᠢᠭ ᠤᠨ ᠰᠤᠮᠤᠨ ᠴᠡᠴᠡᠭ ᠪᠤᠶᠤ᠃》
〔ᠠᠮᠠᠷᠠᠭ ᠵᠠᠯᠠᠭᠤ᠄〕
15 《ᠬᠥᠭᠡᠷᠦᠬᠦᠨ ᠬᠠᠨᠢ ᠮᠢᠨᠢ᠂ ᠬᠥᠭᠡᠷᠦᠬᠦᠨ ᠡ ᠬᠣᠶᠠᠷ ᠨᠢᠳᠦ ᠴᠢᠨᠢ ᠲᠠᠭᠲᠠᠭᠠᠨ ᠤ ᠬᠢ ᠡ︕》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
16 《ᠡ ᠳᠠ ᠴᠢ ᠮᠢᠨᠢ᠂ ᠵᠢᠪᠬᠤᠭᠠᠲᠠᠢᠬᠠᠨ︕ ᠡᠩᠬᠦᠷᠡᠢ ᠬᠣᠩ᠋ᠭᠣᠷ ᠮᠢᠨᠢ ᠠᠶᠠᠲᠠᠢᠬᠠᠨ ᠢᠰᠡᠷᠢ ᠣᠷᠣ ᠮᠢᠨᠢ ᠨᠣᠭᠣᠭᠠᠬᠠᠨ᠃
〔ᠠᠮᠠᠷᠠᠭ ᠵᠠᠯᠠᠭᠤ᠄〕
17 ᠠᠰᠠᠷ ᠳᠡᠭᠡᠪᠦᠷ ᠮᠢᠨᠢ ᠬᠤᠱᠢ ᠮᠣᠳᠣ ᠠᠳᠠᠷ ᠲᠠᠭᠠᠵᠠ ᠨᠢ ᠠᠭᠠᠷᠤ ᠮᠣᠳᠣ᠃》