ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ ᠳᠣᠯᠣᠭᠠ
1 ᠢᠵᠠᠭᠤᠷᠲᠠᠨ ᠤ ᠥᠬᠢᠨ ᠮᠢᠨᠢ ᠳᠠ ᠱᠠᠬᠠᠢ ᠲᠠᠢ ᠬᠥᠯ ᠴᠢᠨᠢ ᠶᠠᠭᠤᠲᠠᠢ ᠭᠣᠶᠣ ᠪᠤᠢ︕ ᠲᠠᠰᠢᠶᠠᠨ ᠤ ᠴᠢᠨᠢ ᠲᠣᠭᠣᠷᠢᠭ ᠳᠠᠷᠬᠠᠨ ᠤ ᠤᠷᠠᠯᠠᠭᠰᠠᠨ ᠡᠷᠳᠡᠨᠢ ᠶᠢᠨ ᠴᠢᠮᠡᠭ᠃
2 ᠬᠦᠢᠰᠦ ᠨᠢ ᠭᠡᠪᠡᠯ ᠬᠣᠯᠢᠮᠠᠭ ᠳᠠᠷᠠᠰᠤ ᠳᠤᠨᠳᠠᠷᠠᠳᠠᠭ ᠦᠭᠡᠢ ᠬᠣᠮᠪᠣᠭᠠ ᠬᠤᠨᠳᠠᠭᠠ ᠬᠡᠪᠡᠯᠢ ᠶᠢ ᠨᠢ ᠬᠡᠯᠡᠪᠡᠯ ᠰᠠᠷᠠᠨᠠ ᠪᠠᠷ ᠬᠦᠷᠢᠶᠡᠯᠡᠭᠰᠡᠨ ᠪᠤᠭᠤᠳᠠᠢ ᠶᠢᠨ ᠴᠣᠮᠣᠭ᠃
3 ᠢᠵᠢᠯ ᠬᠣᠶᠠᠷ ᠬᠥᠬᠥ ᠨᠢ ᠢᠬᠡᠷᠡ ᠬᠣᠶᠠᠷ ᠢᠨᠵᠠᠭᠠ᠃
4 ᠬᠦᠵᠦᠭᠦᠦ ᠴᠢᠨᠢ ᠶᠠᠭ ᠵᠠᠭᠠᠨ ᠤ ᠶᠠᠰᠤᠨ ᠴᠠᠮᠬᠠᠭ ᠬᠣᠶᠠᠷ ᠨᠢᠳᠦ ᠨᠢ ᠭᠡᠪᠡᠯ᠂ 〈ᠬᠣᠲᠠᠯᠠ ᠶᠢᠨ ᠥᠬᠢᠨ〉 ᠬᠠᠭᠠᠯᠭᠠᠨ ᠳᠠᠬᠢ ᠾᠧᠱᠪᠣᠨ ᠤ ᠴᠥᠭᠥᠷᠥᠮ ᠬᠠᠮᠠᠷ ᠨᠢ ᠭᠡᠪᠡᠯ᠂ ᠳ᠋ᠠᠮᠠᠰᠺᠦ᠋ᠰ ᠤᠷᠤᠭᠤ ᠬᠠᠷᠠᠵᠤ ᠪᠠᠢᠭᠠ ᠯᠧᠪᠠᠨᠣᠨ ᠤ ᠴᠠᠮᠬᠠᠭ᠃
5 ᠴᠢᠨᠦ ᠪᠡᠨ ᠳᠡᠭᠡᠷᠡ ᠲᠣᠯᠣᠭᠠᠢ ᠨᠢ ᠺᠠᠷᠮᠧᠯ ᠠᠭᠤᠯᠠ ᠲᠣᠯᠣᠭᠠᠢ ᠳᠡᠭᠡᠷᠡᠬᠢ ᠭᠡᠵᠢᠭᠡ ᠨᠢ ᠲᠣᠷᠭᠠ ᠯᠤᠭᠠ ᠠᠳᠠᠯᠢ ᠡᠨᠡ ᠭᠡᠵᠢᠭᠡᠨ ᠳᠦ ᠴᠢᠨᠢ ᠡᠵᠡᠨ ᠬᠠᠭᠠᠨ ᠴᠤ ᠣᠯᠵᠠᠯᠠᠭᠳᠠᠨᠠ᠃
6 ᠬᠡᠭᠡᠨᠴᠢᠷ ᠢᠶᠠᠷ ᠢᠶᠠᠨ ᠬᠠᠢᠷᠠᠲᠤ ᠮᠢᠨᠢ ᠶᠠᠭᠤᠲᠠᠢ ᠭᠣᠶᠣᠬᠠᠨ᠂ ᠶᠠᠭᠤᠲᠠᠢ ᠳᠤᠷᠠ ᠪᠤᠯᠢᠶᠠᠮᠠ
7 ᠮᠥᠨ ᠪᠡᠶᠡ ᠨᠢ ᠳᠠᠯᠳᠠᠤ 10 ᠂ ᠮᠥᠮᠥ ᠨᠢ ᠲᠡᠭᠦᠨ ᠦ ᠬᠣᠩ᠋ᠭᠣᠷᠴᠠᠭ᠃
8 ᠪᠢ᠄ 〈ᠳᠠᠯᠳᠠᠤ ᠳᠡᠭᠡᠷᠡ ᠭᠠᠷᠤᠶᠠ ᠮᠥᠴᠢᠷ ᠡᠴᠡ ᠨᠢ ᠪᠠᠷᠢᠶᠠ〉 ᠭᠡᠪᠡ᠂ ᠬᠣᠶᠠᠷ ᠬᠥᠬᠥ ᠨᠢ ᠪᠠᠭᠴᠠ ᠦᠵᠦᠮ ᠬᠠᠮᠠᠷ ᠤᠨ ᠠᠮᠢᠰᠬᠤᠯ ᠨᠢ ᠶᠠᠭ ᠯᠠ ᠠᠯᠮᠤᠷᠠᠳ
9 ᠠᠮᠠ ᠴᠢᠨᠢ ᠠᠮᠲᠠ ᠰᠠᠢᠲᠠᠢ ᠳᠠᠷᠠᠰᠤ ᠮᠡᠲᠦ᠃》 《ᠠᠮᠠᠷᠠᠭ ᠲᠤ ᠮᠢᠨᠢ ᠲᠡᠷᠡ ᠳᠠᠷᠠᠰᠤ ᠠᠶᠠᠳᠠᠭᠤᠬᠠᠨ ᠣᠴᠢᠵᠤ ᠣᠷᠣᠭᠤᠯ ᠰᠢᠳᠦ ᠪᠡᠷ ᠨᠢ ᠤᠷᠤᠰᠤᠩ᠋ᠬᠠᠨ ᠭᠤᠯᠭᠤᠨᠠ᠃
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
10 ᠪᠢ ᠬᠣᠩ᠋ᠭᠣᠷ ᠤᠨ ᠬᠢ ᠪᠠᠨ᠂ ᠲᠡᠷᠡ ᠮᠢᠨᠢ ᠨᠠᠳᠠ ᠤᠷᠤᠭᠤ ᠲᠡᠮᠡᠦᠯᠦᠨᠡ᠃
11 ᠢᠩᠭᠢᠭᠡᠳ ᠬᠣᠩ᠋ᠭᠣᠷ ᠮᠢᠨᠢ᠂ ᠬᠡᠭᠡᠷᠡ ᠭᠠᠷᠤᠶᠠ ᠡᠨᠡ ᠰᠥᠨᠢ ᠶᠢ ᠲᠣᠰᠬᠣᠨ ᠳᠤ ᠥᠩᠭᠡᠷᠡᠭᠡᠶᠡ᠃
12 ᠦᠵᠦᠮ ᠦᠨ ᠴᠡᠴᠡᠷᠯᠢᠭ ᠲᠤ ᠡᠷᠲᠡᠯᠡᠨ ᠣᠴᠢᠶᠠ ᠦᠵᠦᠮ ᠨᠠᠬᠢᠶᠠᠯᠠᠵᠤ᠂ ᠴᠣᠮᠣᠷᠯᠢᠭ ᠳᠡᠯᠭᠡᠷᠡᠭᠰᠡᠨ ᠤᠤ︖ ᠠᠨᠠᠷ ᠴᠡᠴᠡᠭᠯᠡᠭᠰᠡᠨ ᠤᠤ︖ ᠦᠵᠡᠶᠡ ᠠᠮᠠᠷᠠᠭᠯᠠᠯ ᠢᠶᠠᠨ ᠲᠡᠨᠳᠡ ᠯᠠ ᠴᠢᠮᠠ ᠳᠤ ᠥᠭᠭᠥᠶᠡ᠃
13 ᠮᠠᠨᠳᠠᠷᠠᠭᠤᠷ ᠠᠩᠬᠢᠯᠤᠮᠠ ᠦᠨᠦᠷ ᠢᠶᠡᠨ ᠬᠠᠩ᠋ᠬᠤᠯᠤᠭᠤᠯᠵᠠᠢ ᠮᠠᠨ ᠤ ᠡᠭᠦᠳᠡᠨ ᠳᠦ ᠰᠢᠨᠡ ᠬᠠᠭᠤᠴᠢᠨ ᠵᠢᠮᠢᠰ ᠪᠤᠢ ᠬᠠᠮᠤᠭ ᠤᠨ ᠣᠬᠢ ᠶᠢ ᠨᠢ ᠬᠣᠩ᠋ᠭᠣᠷ ᠴᠢᠮᠠ ᠳᠠᠭᠠᠨ ᠯᠠ ᠬᠠᠳᠠᠭᠠᠯᠠᠵᠤ ᠪᠠᠢᠯᠠ᠃》