ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ ᠵᠢᠷᠭᠤᠭᠠ
〔ᠨᠠᠢᠵᠠ ᠨᠠᠷ᠄〕
1 《ᠬᠣᠩ᠋ᠭᠣᠷ ᠴᠢᠨᠢ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠭᠠ ᠪᠣᠯ︖ ᠶᠠᠩᠵᠤ ᠶᠢᠨ ᠰᠠᠢᠬᠠᠨ ᠪᠦᠰᠡᠭᠦᠢ ᠮᠢᠨᠢ ᠬᠣᠩ᠋ᠭᠣᠷ ᠴᠢᠨᠢ ᠬᠠᠮᠢᠭᠠᠰᠢ ᠪᠠᠨ ᠬᠠᠨᠳᠤᠭᠠ ᠪᠣᠯ︖ ᠬᠠᠮᠲᠤ ᠴᠢᠮᠠ ᠲᠠᠢ ᠬᠠᠢᠶᠠ ᠯᠠ ᠳᠠ᠃》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
2 《ᠴᠡᠴᠡᠷᠯᠢᠭ ᠤᠷᠤᠭᠤ ᠪᠠᠨ ᠬᠣᠩ᠋ᠭᠣᠷ ᠮᠠᠨᠢ ᠦᠨᠦᠷᠲᠡᠨ ᠦ ᠪᠠᠨ ᠮᠠᠨᠳᠠᠯ ᠤᠷᠤᠭᠤ ᠪᠠᠨ ᠰᠦᠷᠦᠭ ᠢᠶᠡᠨ ᠲᠡᠷᠡ ᠴᠡᠴᠡᠷᠯᠢᠭ ᠤᠳ ᠢᠶᠠᠷ ᠪᠡᠯᠴᠢᠭᠡᠵᠦ ᠰᠠᠷᠠᠨᠠ ᠴᠡᠴᠡᠭ ᠲᠡᠭᠦᠬᠦ ᠪᠡᠷ ᠶᠠᠪᠤᠭᠰᠠᠨ᠃
3 ᠪᠢ ᠬᠣᠩ᠋ᠭᠣᠷ ᠤᠨ ᠬᠢ ᠪᠠᠨ᠂ ᠬᠣᠩ᠋ᠭᠣᠷ ᠮᠢᠨᠢ ᠮᠢᠨᠦᠬᠢ ᠰᠠᠷᠠᠨᠠ ᠴᠡᠴᠡᠭ ᠦᠨ ᠳᠤᠮᠳᠠᠭᠤᠷ ᠲᠡᠷᠡ ᠮᠢᠨᠢ ᠰᠦᠷᠦᠭ ᠢᠶᠡᠨ ᠪᠡᠯᠴᠢᠭᠡᠵᠦ ᠪᠠᠢᠨᠠ᠃》
〔ᠠᠮᠠᠷᠠᠭ ᠵᠠᠯᠠᠭᠤ᠄〕
4 《ᠬᠠᠨᠢ ᠮᠢᠨᠢ᠂ ᠲᠢᠷᠽᠠ ᠰᠢᠭ᠋ ᠬᠠᠷᠠᠭᠠ ᠪᠤᠯᠢᠶᠠᠮᠠ ᠶᠧᠷᠦ᠋ᠰᠠᠯᠧᠮ ᠰᠢᠭ᠋ ᠳᠤᠷᠠ ᠪᠤᠯᠢᠶᠠᠮᠠ ᠴᠤ ᠲᠤᠭᠲᠤ ᠴᠡᠷᠢᠭ ᠰᠢᠭ ᠰᠦᠷ ᠳᠠᠷᠤᠮᠠ᠃
5 ᠨᠠᠳᠠ ᠠᠴᠠ ᠬᠠᠷᠠᠴᠠ ᠪᠠᠨ ᠰᠢᠯᠵᠢᠭᠦᠯᠦᠭᠡᠴᠢ ᠨᠢᠳᠦ ᠴᠢᠨᠢ ᠨᠠᠮᠠᠶᠢ ᠰᠠᠨᠳᠤᠷᠤᠭᠠᠯᠠ ᠭᠡᠵᠢᠭᠡ ᠴᠢᠨᠢ ᠭᠢᠯᠧᠶᠠᠳ᠋ ᠡᠴᠡ ᠤᠷᠤᠭᠤᠳᠠᠬᠤ ᠢᠮᠠᠭᠠᠨ ᠰᠦᠷᠦᠭ ᠠᠳᠠᠯᠢ ᠡ᠃
6 ᠰᠢᠳᠦ ᠴᠢᠨᠢ ᠤᠬᠢᠶᠠᠯᠭᠠᠭᠠᠳ ᠭᠠᠷᠤᠭᠰᠠᠨ ᠰᠦᠷᠦᠭ ᠬᠣᠨᠢ ᠠᠳᠠᠯᠢ ᠰᠤᠪᠠᠢᠷᠠᠯ ᠦᠭᠡᠢ ᠢᠬᠡᠷᠡᠯᠡᠭᠰᠡᠨ ᠯᠦᠭᠡ ᠠᠳᠠᠯᠢ᠃
7 ᠬᠠᠴᠠᠷ ᠴᠢᠨᠢ ᠬᠥᠷᠬᠥᠨ ᠴᠠᠭᠠᠨᠠ ᠪᠠᠨ ᠠᠨᠠᠷ ᠵᠢᠮᠢᠰᠦᠨ ᠵᠦᠰᠦᠮ᠃
8 ᠬᠠᠲᠤᠳ ᠡᠮᠡᠰ ᠵᠢᠷᠠ᠂ ᠲᠠᠲᠠᠪᠤᠷᠢ ᠡᠮᠡ ᠨᠠᠶᠠ ᠥᠬᠢᠳ ᠪᠦᠰᠡᠭᠦᠢ ᠲᠣᠭᠠᠯᠠᠰᠢ ᠦᠭᠡᠢ ᠠᠲᠠᠯᠠ
9 ᠲᠡᠷᠡ ᠯᠠ ᠴᠣᠷᠢ ᠶᠢᠨ ᠭᠠᠭᠴᠠ᠂ ᠲᠠᠭᠲᠠᠭᠠᠬᠠᠨ ᠮᠢᠨᠢ᠂ ᠥ ᠦᠭᠡᠢ ᠮᠢᠨᠢ ᠡᠵᠢ ᠶᠢᠨ ᠢᠶᠠᠨ ᠭᠠᠭᠴᠠ ᠨᠢ ᠲᠥᠷᠥᠭᠦᠯᠦᠭᠴᠢ ᠶᠢᠨ ᠢᠶᠠᠨ ᠡᠩᠬᠦᠷᠡᠢ ᠨᠢ ᠥᠬᠢᠳ ᠴᠢᠮᠠᠶᠢ ᠬᠠᠷᠠᠭᠠᠳ ᠵᠢᠷᠭᠠᠯ ᠲᠠᠢ ᠭᠡᠵᠦ ᠣᠯᠠᠨ ᠬᠠᠲᠤᠳ᠂ ᠲᠠᠲᠠᠪᠤᠷᠢ ᠡᠮᠡᠰ ᠱᠠᠭᠰᠢᠬᠤ ᠨᠢ
〔ᠨᠠᠢᠵᠠ ᠨᠠᠷ᠄〕
10 〈ᠦᠷ ᠠᠳᠠᠯᠢ ᠭᠡᠭᠡᠯᠢᠭ᠂ ᠰᠠᠷᠠᠨ ᠮᠡᠲᠦ ᠦᠵᠡᠰᠬᠦᠯᠡᠩ ᠨᠠᠷᠠᠨ ᠰᠢᠭ᠋ ᠲᠤᠩ᠋ᠭᠠᠯᠠᠭ᠂ ᠲᠤᠭᠲᠤ ᠴᠡᠷᠢᠭ ᠤᠨ ᠰᠦᠷ ᠲᠡᠢ ᠲᠡᠷᠡ ᠬᠡᠨ ᠪᠤᠢ︖〉 ᠭᠡᠨᠡ᠃
〔ᠠᠮᠠᠷᠠᠭ ᠵᠠᠯᠠᠭᠤ᠄〕
11 ᠬᠥᠨᠳᠡᠢ ᠨᠣᠭᠣᠭᠠᠷᠠᠬᠤ ᠶᠢ ᠬᠠᠷᠠᠬᠤ ᠪᠠᠷ ᠦᠵᠦᠮ ᠨᠠᠬᠢᠶᠠᠯᠠᠭᠰᠠᠨ ᠢ ᠦᠵᠡᠬᠦ ᠪᠡᠷ ᠠᠨᠠᠷ ᠳᠡᠯᠭᠡᠷᠡᠭᠰᠡᠨ ᠢ ᠠᠵᠢᠬᠤ ᠪᠠᠷ ᠰᠠᠮᠤᠷ ᠤᠨ ᠲᠦᠭᠡᠯ ᠳᠦ ᠤᠷᠤᠭᠤᠳᠠᠵᠤ ᠣᠷᠣᠪᠠ ᠪᠢ᠃
12 ᠮᠡᠳᠡᠭᠡ ᠦᠭᠡᠢ ᠪᠠᠢᠲᠠᠯᠠ ᠮᠢᠨᠦ ᠬᠦᠰᠡᠯ ᠲᠦᠮᠡᠨ ᠦ ᠮᠠᠨᠢ ᠢᠵᠠᠭᠤᠷᠲᠠᠨ ᠤ ᠲᠡᠷᠭᠡᠨ ᠳᠦ ᠨᠠᠮᠠᠶᠢ ᠰᠠᠭᠤᠯᠭᠠᠪᠠ᠃》
〔ᠨᠠᠢᠵᠠ ᠨᠠᠷ᠄〕
13 《ᠡᠷᠭᠢᠭᠡᠷᠡᠢ᠂ ᠡᠷᠭᠢᠭᠡᠷᠡᠢ︕ ᠱᠦᠯᠠᠮ ᠤᠨ ᠥᠬᠢᠨ ᠡᠷᠭᠢᠭᠡᠷᠡᠢ᠂ ᠡᠷᠭᠢᠭᠡᠷᠡᠢ︕ ᠬᠠᠷᠠᠮᠠᠷ ᠪᠠᠢᠨᠠ ᠴᠢᠮᠠᠶᠢ︕》
〔ᠠᠮᠠᠷᠠᠭ ᠵᠠᠯᠠᠭᠤ᠄〕 《ᠬᠣᠶᠠᠷ ᠬᠤᠸᠠᠷᠠᠨ ᠤ ᠬᠣᠭᠣᠷᠣᠨᠳᠣ ᠪᠥᠵᠢᠭᠯᠡᠳᠡᠭ ᠮᠡᠲᠦ ᠱᠦᠯᠠᠮ ᠤᠨ ᠥᠬᠢᠨ ᠢ ᠰᠢᠷᠲᠡᠭᠡᠳ ᠶᠠᠭᠠᠬᠢᠬᠤ ᠪᠤᠢ︖