ᠽᠧᠺᠠᠷᠢᠶᠠ ᠨᠢᠭᠡ
ᠡᠵᠡᠨ ᠤᠷᠤᠭᠤ ᠡᠷᠭᠢ
1 ᠳ᠋ᠠᠷᠢᠶᠦ᠋ ᠬᠠᠭᠠᠨ ᠤ ᠬᠣᠶᠠᠳᠠᠬᠢ ᠵᠢᠯ ᠤᠨ ᠨᠠᠢ᠌ᠮᠠᠳᠤᠭᠠᠷ ᠰᠠᠷᠠ ᠳᠤ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠢᠳᠣ᠋ ᠶᠢᠨ ᠠᠴᠢ᠂ ᠪᠧᠷᠧᠺᠢᠶᠠ ᠶᠢᠨ ᠬᠥᠪᠡᠭᠦᠨ᠂ ᠡᠰᠢ ᠦᠵᠡᠭᠦᠯᠦᠭᠴᠢ ᠽᠧᠺᠠᠷᠢᠶᠠ ᠳᠤ ᠢᠷᠡᠪᠡ᠄ 2 《ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠡᠴᠢᠭᠡ ᠡᠪᠦᠭᠡᠳ ᠲᠦ ᠶᠡᠬᠡᠳᠡ ᠬᠢᠯᠢᠩᠨᠡᠭᠰᠡᠨ᠃ 3 ᠲᠡᠢᠮᠦ ᠡᠴᠡ ᠴᠢ ᠠᠷᠠᠳ ᠲᠦᠮᠡᠨ ᠳᠦ ᠶᠠᠷᠢ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠨᠠᠳᠠ ᠤᠷᠤᠭᠤ ᠡᠷᠭᠢᠵᠡᠭᠡ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠲᠡᠭᠡᠪᠡᠯ ᠪᠢ ᠲᠠ ᠨᠠᠷ ᠤᠷᠤᠭᠤ ᠡᠷᠭᠢᠨᠡ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃〉 4 ᠲᠠ ᠨᠠᠷ ᠡᠴᠢᠭᠡ ᠡᠪᠦᠭᠡᠳ ᠢᠶᠡᠨ ᠪᠦᠦ ᠳᠠᠭᠤᠷᠢᠶᠠ᠂ ᠡᠷᠲᠡᠨ ᠦ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠡᠳᠡᠨ ᠳᠦ ᠲᠤᠩ᠋ᠬᠠᠭᠯᠠᠨ᠄ 〈ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠣᠳᠣ ᠲᠠ ᠨᠠᠷ ᠮᠠᠭᠤ ᠵᠠᠮ᠂ ᠮᠠᠭᠤ ᠦᠢᠯᠡᠰ ᠡᠴᠡ ᠪᠡᠨ ᠡᠷᠭᠢᠭᠲᠦᠨ〉 ᠭᠡᠵᠦ ᠬᠡᠯᠡᠭᠰᠡᠨ ᠪᠣᠯᠪᠠᠴᠤ ᠲᠡᠳᠡ ᠮᠢᠨᠦᠬᠢ ᠶᠢ ᠰᠣᠨᠣᠰᠣᠭᠠ ᠦᠭᠡᠢ᠂ ᠠᠩ᠋ᠬᠠᠷᠤᠭᠠ ᠦᠭᠡᠢ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 5 ᠲᠠᠨ ᠤ ᠡᠴᠢᠭᠡ ᠡᠪᠦᠭᠡᠳ ᠣᠳᠣ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖ ᠲᠡᠳᠡᠭᠡᠷ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠠᠮᠢᠳᠤ ᠪᠠᠢᠭᠰᠠᠭᠠᠷ ᠭᠡᠵᠢ ᠤᠤ︖ 6 ᠬᠠᠷᠢᠨ ᠵᠠᠷᠤᠴᠠ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠡᠭᠡᠨ ᠲᠤᠰᠢᠶᠠᠭᠰᠠᠨ ᠦᠭᠡᠰ ᠪᠠ ᠲᠣᠭᠲᠠᠭᠠᠯ ᠤᠳ ᠮᠢᠨᠢ ᠲᠠ ᠨᠠᠷ ᠤᠨ ᠡᠴᠢᠭᠡ ᠡᠪᠦᠭᠡᠳ ᠳᠡᠭᠡᠷᠡ ᠪᠡᠶᠡᠯᠡᠭᠰᠡᠨ ᠲᠤᠯᠠ ᠬᠣᠵᠢᠮ ᠨᠢ ᠲᠡᠳᠡ ᠭᠡᠮᠰᠢᠨ᠄ 〈ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠰᠢᠢᠳᠦᠭᠰᠡᠨ ᠶᠣᠰᠣᠭᠠᠷ ᠢᠶᠠᠨ ᠪᠢᠳᠡᠨ ᠦ ᠦᠢᠯᠡᠰ ᠮᠥᠷ ᠦᠨ ᠳᠠᠭᠠᠤ ᠪᠢᠳᠡᠨ ᠳᠦ ᠬᠠᠷᠢᠭᠤᠯᠵᠠᠢ〉 ᠭᠡᠵᠡᠭᠡᠭᠰᠡᠨ ᠪᠢᠯᠡ᠃》
ᠠᠩ᠋ᠬᠠᠨ ᠤ ᠬᠣᠶᠠᠷ ᠦᠵᠡᠭᠳᠡᠯ
7 ᠳ᠋ᠠᠷᠢᠶᠦ᠋ ᠬᠠᠭᠠᠨ ᠤ ᠬᠣᠶᠠᠳᠠᠬᠢ ᠵᠢᠯ ᠤᠨ ᠱᠧᠪᠠᠲ ᠰᠠᠷᠠ᠂ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠬᠣᠷᠢᠨ ᠳᠥᠷᠪᠡᠨ ᠦ ᠡᠳᠦᠷ᠂ ᠶᠣᠬᠣᠸᠠ ᠶᠢᠨ ᠦᠭᠡ ᠢᠳᠣ᠋ ᠶᠢᠨ ᠠᠴᠢ᠂ ᠪᠧᠷᠧᠺᠢᠶᠠ ᠶᠢᠨ ᠬᠥᠪᠡᠭᠦᠨ ᠡᠰᠢ ᠦᠵᠡᠭᠦᠯᠦᠭᠴᠢ ᠽᠧᠺᠠᠷᠢᠶᠠ ᠳᠤ ᠢᠷᠡᠪᠡ᠃ 8 ᠰᠥᠨᠢ ᠪᠠᠷ ᠪᠢ ᠦᠵᠡᠪᠡ᠄ ᠬᠠᠷᠠ᠂ ᠤᠯᠠᠭᠠᠨ ᠮᠣᠷᠢ ᠤᠨᠤᠭᠰᠠᠨ ᠨᠢᠭᠡᠨ ᠬᠥᠮᠦᠨ ᠪᠠᠢᠪᠠ᠂ ᠲᠡᠷᠡ ᠪᠡᠷ ᠬᠥᠨᠳᠡᠢ ᠳᠠᠬᠢ ᠰᠢᠷᠠᠰᠤᠨ ᠮᠣᠳᠣᠳ ᠤᠨ ᠳᠤᠮᠳᠠ ᠵᠣᠭᠰᠣᠵᠤ ᠪᠠᠢᠯᠠ᠃ ᠲᠡᠭᠦᠨ ᠦ ᠠᠷᠤ ᠳᠤ ᠤᠯᠠᠭᠠᠨ᠂ ᠬᠡᠭᠡᠷ᠂ ᠴᠠᠭᠠᠨ ᠮᠣᠷᠢ ᠪᠠᠢᠪᠠ᠃ 9 ᠪᠢ᠄ 《ᠡᠳᠡᠭᠡᠷ ᠨᠢ ᠶᠠᠭᠤ ᠪᠤᠢ︖ ᠡᠵᠡᠨ ᠮᠢᠨᠢ》 ᠭᠡᠬᠦ ᠳᠦ᠂ ᠨᠠᠳᠠ ᠲᠠᠢ ᠶᠠᠷᠢᠵᠤ ᠪᠠᠢᠭᠰᠠᠨ ᠲᠩᠷᠢ ᠡᠯᠴᠢ᠄ 《ᠡᠳᠡᠭᠡᠷ ᠨᠢ ᠶᠠᠭᠤ ᠪᠣᠯᠬᠤ ᠶᠢ ᠪᠢ ᠴᠢᠮᠠ ᠳᠤ ᠦᠵᠡᠭᠦᠯᠦᠶᠡ》 ᠭᠡᠪᠡ᠃ 10 ᠲᠡᠭᠡᠬᠦ ᠳᠦ ᠰᠢᠷᠠᠰᠤᠨ ᠮᠣᠳᠣᠳ ᠤᠨ ᠳᠤᠮᠳᠠ ᠵᠣᠭᠰᠣᠵᠤ ᠪᠠᠢᠭᠠ ᠨᠥᠭᠥᠭᠡ ᠬᠥᠮᠦᠨ᠄ 《ᠡᠳᠡ ᠨᠠᠷ ᠪᠣᠯ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠬᠠᠢᠭᠤᠯ ᠬᠢᠭ᠍ᠴᠢᠳ ᠶᠤᠮ᠂ ᠶᠣᠬᠣᠸᠠ ᠲᠡᠳᠡᠨ ᠢ ᠶᠠᠪᠤᠭᠤᠯᠤᠭᠰᠠᠨ》 ᠭᠡᠵᠦ ᠬᠠᠷᠢᠭᠤᠯᠬᠤ ᠳᠤ᠂ 11 ᠪᠤᠰᠤᠳ ᠨᠢ ᠰᠢᠷᠠᠰᠤᠨ ᠮᠣᠳᠣᠳ ᠤᠨ ᠳᠤᠮᠳᠠ ᠵᠣᠭᠰᠣᠵᠤ ᠪᠠᠢᠭᠠ ᠶᠣᠬᠣᠸᠠ ᠶᠢᠨ ᠡᠯᠴᠢ ᠳᠤ᠄ 《ᠪᠢᠳᠡ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠬᠠᠢᠭᠤᠯ ᠬᠢᠵᠦ ᠦᠵᠡᠭᠰᠡᠨ ᠳᠦ᠂ ᠪᠦᠬᠦ ᠳᠡᠯᠡᠬᠡᠢ ᠠᠮᠤᠷ ᠲᠠᠢᠪᠤᠩ ᠪᠠᠢᠯᠠ》 ᠭᠡᠵᠡᠭᠡᠪᠡ᠃ 12 ᠶᠣᠬᠣᠸᠠ ᠶᠢᠨ ᠡᠯᠴᠢ᠄ 《ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡ᠂ ᠶᠧᠷᠦ᠋ᠰᠠᠯᠧᠮ ᠪᠣᠯᠣᠨ ᠶᠦᠳᠠ ᠶᠢᠨ ᠬᠣᠲᠠ ᠲᠣᠰᠬᠣᠳ ᠢ ᠲᠠ ᠬᠡᠳᠦᠢ ᠪᠣᠯᠲᠠᠯᠠ ᠥᠷᠥ ᠡᠪᠡᠳᠬᠦ ᠦᠭᠡᠢ ᠣᠷᠬᠢᠨᠠ ᠪᠤᠢ︖ ᠲᠠ ᠲᠡᠳᠡᠨ ᠳᠦ ᠬᠢᠯᠢᠩᠨᠡᠭᠡᠳ ᠳᠠᠯᠠᠨ ᠵᠢᠯ ᠪᠣᠯᠴᠢᠬᠠᠯᠠ》 ᠭᠡᠬᠦ ᠳᠦ᠂ 13 ᠶᠣᠬᠣᠸᠠ ᠨᠠᠳᠠ ᠲᠠᠢ ᠶᠠᠷᠢᠯᠴᠠᠵᠤ ᠪᠠᠢᠭᠰᠠᠨ ᠲᠩᠷᠢ ᠡᠯᠴᠢ ᠳᠤ ᠰᠠᠢᠨ ᠦᠭᠡ᠂ ᠲᠠᠢᠪᠤᠰᠢᠷᠠᠯ ᠤᠨ ᠦᠭᠡ ᠪᠡᠷ ᠬᠠᠷᠢᠭᠤᠯᠪᠠ᠃ 14 ᠨᠠᠳᠠ ᠲᠠᠢ ᠶᠠᠷᠢᠯᠴᠠᠵᠤ ᠪᠠᠢᠭᠰᠠᠨ ᠲᠩᠷᠢ ᠡᠯᠴᠢ ᠨᠠᠳᠠ ᠳᠤ᠄ 《ᠴᠢ ᠢᠩᠭᠢᠵᠦ ᠵᠠᠷᠯᠠᠭᠲᠤᠨ᠄ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠪᠢ ᠶᠧᠷᠦ᠋ᠰᠠᠯᠧᠮ ᠪᠣᠯᠣᠨ ᠽᠢᠶᠣᠨ ᠢ ᠦᠯᠡᠮᠵᠢ ᠶᠡᠬᠡ ᠬᠠᠷᠠᠳᠠᠵᠤ ᠪᠠᠢᠨᠠ᠃ 15 ᠠᠮᠤᠷᠯᠢᠩ᠋ᠭᠤᠢ ᠪᠠᠢᠭᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠦ ᠪᠢ ᠶᠡᠬᠡ ᠬᠢᠯᠢᠩᠨᠡᠵᠦ ᠪᠠᠢᠨᠠ᠃ ᠪᠢ ᠵᠢᠭᠠᠬᠠᠨ ᠬᠢᠯᠢᠩᠨᠡᠭᠰᠡᠨ ᠠᠲᠠᠯᠠ ᠲᠡᠳᠡ ᠪᠦᠷ ᠢᠯᠡᠭᠦᠦ ᠬᠣᠬᠢᠷᠠᠭᠠᠵᠠᠢ᠃ 16 ᠡᠢᠮᠦ ᠡᠴᠡ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠪᠢ ᠶᠧᠷᠦ᠋ᠰᠠᠯᠧᠮ ᠢ ᠥᠷᠥ ᠡᠪᠡᠳᠦᠨ ᠲᠡᠭᠦᠨ ᠤᠷᠤᠭᠤ ᠪᠤᠴᠠᠵᠤ ᠢᠷᠡᠯᠡ᠃ ᠮᠢᠨᠦ ᠥᠷᠭᠥᠭᠡ ᠲᠡᠭᠦᠨ ᠦ ᠳᠣᠲᠣᠷᠠ ᠪᠣᠰᠬᠠᠭᠳᠠᠨᠠ᠂ ᠬᠡᠮᠵᠢᠭᠦᠷ ᠶᠧᠷᠦ᠋ᠰᠠᠯᠧᠮ ᠤᠨ ᠳᠡᠭᠡᠭᠦᠷ ᠲᠠᠲᠠᠭᠳᠠᠨᠠ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂〉 17 ᠴᠢ ᠪᠠᠰᠠ ᠡᠭᠦᠨ ᠢ ᠵᠠᠷᠯᠠ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠬᠣᠲᠠ ᠲᠣᠰᠬᠣᠳ ᠮᠢᠨᠢ ᠳᠠᠬᠢᠨ ᠰᠠᠢᠨ ᠰᠠᠢᠬᠠᠨ ᠢᠶᠠᠷ ᠪᠢᠯᠬᠠᠨᠠ᠃ ᠶᠣᠬᠣᠸᠠ ᠽᠢᠶᠣᠨ ᠢ ᠳᠠᠬᠢᠨ ᠲᠠᠢᠳᠬᠤᠷᠠᠭᠤᠯᠤᠨᠠ᠂ ᠶᠧᠷᠦ᠋ᠰᠠᠯᠧᠮ ᠢ ᠳᠠᠬᠢᠨ ᠰᠣᠩ᠋ᠭᠣᠵᠤ ᠠᠪᠤᠨᠠ〉》 ᠭᠡᠪᠡ᠃
18 ᠪᠢ ᠨᠢᠳᠦ ᠪᠡᠨ ᠡᠷᠭᠦᠭᠡᠳ ᠦᠵᠡᠪᠡ᠃ ᠬᠠᠷᠠ᠂ ᠳᠥᠷᠪᠡᠨ ᠡᠪᠡᠷ ᠪᠠᠢᠪᠠ᠃ 19 ᠨᠠᠳᠠ ᠲᠠᠢ ᠶᠠᠷᠢᠯᠴᠠᠵᠤ ᠪᠠᠢᠭᠰᠠᠨ ᠲᠩᠷᠢ ᠡᠯᠴᠢ ᠳᠤ ᠪᠢ᠄ 《ᠡᠳᠡᠭᠡᠷ ᠨᠢ ᠶᠠᠭᠤ ᠪᠤᠢ︖》 ᠭᠡᠬᠦ ᠳᠦ᠂ ᠲᠡᠷᠡ᠄ 《ᠡᠳᠡᠭᠡᠷ ᠨᠢ ᠶᠦᠳᠠ᠂ ᠢᠰᠷᠧᠯ᠂ ᠶᠧᠷᠦ᠋ᠰᠠᠯᠧᠮ ᠢ ᠪᠤᠲᠠᠷᠠᠭᠠᠭᠰᠠᠨ ᠡᠪᠡᠷ ᠤᠳ ᠶᠤᠮ》 ᠭᠡᠯᠡ᠃ 20 ᠳᠠᠷᠠᠭᠠ ᠨᠢ ᠶᠣᠬᠣᠸᠠ ᠨᠠᠳᠠ ᠳᠤ ᠳᠥᠷᠪᠡᠨ ᠳᠠᠷᠬᠠᠨ ᠢ ᠦᠵᠡᠭᠦᠯᠪᠡ᠃ 21 ᠪᠢ᠄ 《ᠲᠡᠳᠡ ᠶᠠᠭᠤ ᠬᠢᠬᠦ ᠪᠡᠷ ᠢᠷᠡᠵᠦ ᠪᠠᠢᠨᠠ︖》 ᠭᠡᠬᠦ ᠳᠦ᠂ ᠲᠡᠷᠡ᠄ 《ᠲᠡᠳᠡᠭᠡᠷ ᠡᠪᠡᠷ ᠨᠢ ᠶᠦᠳᠠ ᠶᠢ ᠪᠤᠲᠠᠷᠠᠭᠠᠵᠤ᠂ ᠲᠡᠳᠡᠨ ᠦ ᠬᠡᠨ ᠢ ᠨᠢ ᠴᠤ ᠲᠣᠯᠣᠭᠠᠢ ᠥᠨᠳᠡᠢᠯᠭᠡᠬᠦ ᠦᠭᠡᠢ ᠪᠣᠯᠭᠠᠭᠰᠠᠨ᠃ ᠬᠠᠷᠢᠨ ᠡᠳᠡᠭᠡᠷ ᠳᠠᠷᠬᠠᠨ ᠲᠡᠳᠡᠨ ᠢ ᠰᠦᠷᠳᠡᠭᠦᠯᠬᠦ ᠪᠡᠷ ᠢᠷᠡᠭᠰᠡᠨ᠂ ᠡᠳᠡᠭᠡᠷ ᠳᠠᠷᠬᠠᠨ ᠨᠥᠭᠥᠭᠡ ᠡᠪᠡᠷ ᠪᠦᠬᠦᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ᠂ ᠶᠦᠳᠠ ᠨᠤᠲᠤᠭ ᠤᠨ ᠡᠰᠡᠷᠭᠦ ᠡᠪᠡᠷ ᠢᠶᠡᠨ ᠡᠷᠭᠦᠵᠦ ᠲᠡᠳᠡᠨ ᠢ ᠪᠤᠲᠠᠷᠠᠭᠠᠭᠰᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠬᠥᠮᠥᠷᠢᠬᠦ ᠪᠣᠯᠣᠨᠠ》 ᠭᠡᠯᠡ᠃