ᠬᠠᠭᠠᠳ ᠤᠨ ᠳᠡᠳ᠋ ᠨᠢᠭᠡ
ᠠᠬᠠᠽᠢᠶᠠ ᠳᠤ ᠪᠠᠭᠤᠭᠰᠠᠨ ᠰᠢᠳᠬᠡᠯ
1 ᠠᠬᠠᠪ ᠥᠭᠡᠳᠡ ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ᠂ ᠮᠣᠶᠠᠪ ᠢᠰᠷᠧᠯ ᠢ ᠡᠰᠡᠷᠭᠦᠴᠡᠨ ᠪᠣᠰᠣᠭᠰᠠᠨ ᠪᠠᠢᠨᠠ᠃ 2 ᠠᠬᠠᠽᠢᠶᠠ ᠰᠠᠮᠠᠷᠢᠶᠠ ᠳᠤ ᠳᠡᠭᠡᠷᠡ ᠲᠠᠯᠠ ᠶᠢᠨ ᠥᠷᠥᠭᠡᠨ ᠦ ᠪᠠᠨ ᠰᠠᠷᠠᠯᠵᠢᠨ ᠡᠴᠡ ᠤᠨᠠᠨ ᠪᠡᠷᠲᠡᠵᠡᠢ᠃ ᠲᠡᠷᠡ᠄ 《ᠡᠺᠷᠣᠨ ᠤ ᠪᠤᠷᠬᠠᠨ ᠪᠠᠯ ᠽᠧᠪᠣᠪ ᠲᠤ ᠣᠴᠢᠭᠠᠳ ᠮᠢᠨᠦ ᠡᠨᠡ ᠪᠡᠷᠲᠡᠯ ᠦᠨ ᠰᠠᠢᠨ ᠪᠣᠯᠬᠤ ᠡᠰᠡᠬᠦ ᠢ ᠠᠰᠠᠭᠤ》 ᠭᠡᠳ ᠡᠯᠴᠢᠳ ᠢ ᠢᠯᠡᠭᠡᠪᠡ᠃ 3 ᠶᠣᠬᠣᠸᠠ ᠶᠢᠨ ᠡᠯᠴᠢ ᠪᠠᠷ ᠲᠢᠱᠪ ᠬᠥᠮᠦᠨ ᠧᠯᠢᠶᠠ ᠳᠤ᠄ 《ᠰᠠᠮᠠᠷᠢᠶᠠ ᠶᠢᠨ ᠬᠠᠭᠠᠨ ᠤ ᠡᠯᠴᠢᠳ ᠳᠡᠭᠡᠷᠡ ᠣᠴᠢᠵᠤ ᠲᠡᠳᠡᠨ ᠲᠡᠢ ᠠᠭᠤᠯᠵᠠᠭᠠᠳ᠄ 〈ᠢᠰᠷᠧᠯ ᠳᠤ ᠪᠤᠷᠬᠠᠨ ᠦᠭᠡᠢ ᠪᠣᠯᠣᠭᠠᠳ ᠲᠠ ᠨᠠᠷ ᠡᠺᠷᠣᠨ ᠤ ᠪᠤᠷᠬᠠᠨ ᠪᠠᠯ ᠽᠧᠪᠣᠪ ᠠᠴᠠ ᠠᠰᠠᠭᠤᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠨᠠ ᠤᠤ︖ 4 ᠡᠢᠮᠦ ᠡᠴᠡ ᠴᠢ ᠬᠡᠪᠲᠡᠭᠰᠡᠨ ᠣᠷᠣ ᠠᠴᠠ ᠪᠠᠨ ᠪᠠᠭᠤᠵᠤ ᠴᠢᠳᠠᠬᠤ ᠦᠭᠡᠢ᠂ ᠯᠠᠪᠲᠠᠢ ᠦᠬᠦᠬᠦ ᠪᠣᠯᠣᠨᠠ ᠭᠡᠵᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ〉 ᠭᠡᠭᠡᠷᠡᠢ》 ᠭᠡᠵᠦ ᠬᠡᠯᠡᠭᠰᠡᠨ ᠳᠦ᠂ ᠧᠯᠢᠶᠠ ᠶᠠᠪᠤᠯᠠ᠃
5 ᠡᠯᠴᠢᠳ ᠪᠤᠴᠠᠵᠤ ᠢᠷᠡᠬᠦ ᠳᠦ ᠬᠠᠭᠠᠨ᠄ 《ᠶᠠᠭᠠᠬᠢᠭᠠᠳ ᠪᠤᠴᠠᠭᠠᠳ ᠢᠷᠡᠴᠢᠭᠡᠪᠡ︖》 ᠭᠡᠵᠦ ᠠᠰᠠᠭᠤᠭᠰᠠᠨ ᠳᠤ᠂ 6 ᠲᠡᠳᠡ᠄ 《ᠨᠢᠭᠡᠨ ᠬᠥᠮᠦᠨ ᠭᠠᠷᠴᠤ ᠢᠷᠡᠨ ᠪᠢᠳᠡᠨ ᠲᠡᠢ ᠠᠭᠤᠯᠵᠠᠵᠤ᠂ ᠲᠠ ᠨᠠᠷ ᠥᠪᠡᠷᠰᠡᠳ ᠢ ᠴᠢᠨᠢ ᠢᠯᠡᠭᠡᠭᠰᠡᠨ ᠬᠠᠭᠠᠨ ᠳᠤ ᠪᠤᠴᠠᠵᠤ ᠣᠴᠢᠭᠠᠳ ᠬᠡᠯᠡᠭᠲᠦᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠢᠰᠷᠧᠯ ᠳᠤ ᠪᠤᠷᠬᠠᠨ ᠦᠭᠡᠢ ᠪᠣᠯᠣᠭᠠᠳ ᠴᠢ ᠡᠺᠷᠣᠨ ᠤ ᠪᠤᠷᠬᠠᠨ ᠪᠠᠯ ᠽᠧᠪᠣᠪ ᠠᠴᠠ ᠠᠰᠠᠭᠤᠯᠭᠠᠬᠤ ᠪᠠᠷ ᠬᠥᠮᠦᠨ ᠢᠯᠡᠭᠡᠵᠦ ᠪᠠᠢᠨᠠ ᠤᠤ︖ ᠡᠢᠮᠦ ᠡᠴᠡ ᠴᠢ ᠬᠡᠪᠲᠡᠭᠰᠡᠨ ᠣᠷᠣ ᠠᠴᠠ ᠪᠠᠨ ᠪᠠᠭᠤᠵᠤ ᠴᠢᠳᠠᠬᠤ ᠦᠭᠡᠢ᠂ ᠯᠠᠪᠲᠠᠢ ᠦᠬᠦᠬᠦ ᠪᠣᠯᠣᠨᠠ〉 ᠭᠡᠵᠦ ᠬᠡᠯᠡᠭᠰᠡᠨ》 ᠭᠡᠵᠡᠭᠡᠪᠡ᠃ 7 ᠬᠠᠭᠠᠨ᠄ 《ᠲᠠ ᠨᠠᠷ ᠲᠠᠢ ᠠᠭᠤᠯᠵᠠᠵᠤ ᠡᠳᠡᠭᠡᠷ ᠦᠭᠡᠰ ᠢ ᠬᠡᠯᠡᠭᠰᠡᠨ ᠲᠡᠷᠡ ᠬᠥᠮᠦᠨ ᠶᠠᠮᠠᠷᠬᠠᠨ ᠲᠥᠷᠬᠥ ᠲᠠᠢ ᠪᠤᠢ︖》 ᠭᠡᠵᠦ ᠠᠰᠠᠭᠤᠪᠠ᠃ 8 ᠲᠡᠳᠡ᠄ 《ᠲᠡᠷᠡ ᠬᠥᠮᠦᠨ ᠨᠣᠣᠰᠣᠨ ᠬᠤᠪᠴᠠᠰᠤ ᠲᠠᠢ ᠪᠥᠭᠡᠳ ᠪᠦᠰᠡᠯᠡᠭᠦᠷ ᠲᠡᠭᠡᠨ ᠰᠣᠷ ᠪᠦᠰᠡ ᠪᠦᠰᠡᠯᠡᠵᠡᠢ》 ᠭᠡᠰᠡᠨ ᠳᠦ᠂ ᠬᠠᠭᠠᠨ᠄ 《ᠲᠡᠷᠡ ᠪᠣᠯ ᠲᠢᠱᠪ ᠬᠥᠮᠦᠨ ᠧᠯᠢᠶᠠ ᠪᠠᠢᠨᠠ︕》 ᠭᠡᠳ 9 ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠶᠢ ᠲᠠᠪᠢᠲᠤ ᠶᠢᠨ ᠬᠢᠨᠢ ᠬᠠᠮᠲᠤ ᠲᠡᠭᠦᠨ ᠤᠷᠤᠭᠤ ᠢᠯᠡᠭᠡᠪᠡ᠃ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠲᠡᠭᠦᠨ ᠥᠭᠡᠳᠡ ᠣᠴᠢᠵᠤ ᠧᠯᠢᠶᠠ ᠶᠢᠨ ᠲᠣᠯᠣᠭᠠᠳ ᠤᠨ ᠣᠷᠣᠢ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠬᠤ ᠶᠢ ᠬᠠᠷᠠᠭᠠᠳ ᠲᠡᠭᠦᠨ ᠳᠦ᠄ 《ᠪᠤᠷᠬᠠᠨ ᠤ ᠬᠥᠮᠦᠨ ᠡ᠂ ᠬᠠᠭᠠᠨ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠪᠠᠭᠤᠵᠤ ᠢᠷᠡ︕〉》 ᠭᠡᠬᠦ ᠳᠦ᠂ 10 ᠧᠯᠢᠶᠠ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠶᠢᠨ ᠬᠠᠷᠢᠭᠤ ᠳᠤ᠄ 《ᠬᠡᠷᠪᠡ ᠪᠢ ᠪᠤᠷᠬᠠᠨ ᠤ ᠬᠥᠮᠦᠨ ᠮᠥᠨ ᠶᠤᠮ ᠪᠣᠯ ᠲᠩᠷᠢ ᠡᠴᠡ ᠭᠠᠯ ᠪᠠᠭᠤᠵᠤ᠂ ᠴᠢᠮᠠ ᠶᠢ ᠪᠣᠯᠣᠨ ᠴᠢᠨᠦ ᠲᠠᠪᠢᠲᠤ ᠶᠢ ᠵᠠᠯᠭᠢᠬᠤ ᠪᠣᠯᠣᠨᠠ》 ᠭᠡᠪᠡ᠃ ᠲᠡᠭᠡᠲᠡᠯᠡ ᠲᠩᠷᠢ ᠡᠴᠡ ᠭᠠᠯ ᠪᠠᠭᠤᠵᠤ᠂ ᠲᠡᠭᠦᠨ ᠢ ᠪᠣᠯᠣᠨ ᠲᠡᠭᠦᠨ ᠦ ᠲᠠᠪᠢᠲᠤ ᠶᠢ ᠵᠠᠯᠭᠢᠪᠠ᠃
11 ᠬᠠᠭᠠᠨ ᠥᠭᠡᠷᠡ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠶᠢ ᠲᠠᠪᠢᠲᠤ ᠶᠢᠨ ᠬᠢᠨᠢ ᠬᠠᠮᠲᠤ ᠧᠯᠢᠶᠠ ᠤᠷᠤᠭᠤ ᠢᠯᠡᠭᠡᠯᠡ᠃ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠧᠯᠢᠶᠠ ᠳᠤ᠄ 《ᠪᠤᠷᠬᠠᠨ ᠤ ᠬᠥᠮᠦᠨ ᠡ᠂ ᠬᠠᠭᠠᠨ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠲᠦᠷᠭᠡᠨ ᠪᠠᠭᠤᠵᠤ ᠢᠷᠡ︕〉》 ᠭᠡᠬᠦ ᠳᠦ᠂ 12 ᠧᠯᠢᠶᠠ ᠲᠡᠳᠡᠨ ᠦ ᠬᠠᠷᠢᠭᠤ ᠳᠤ᠄ 《ᠬᠡᠷᠪᠡ ᠪᠢ ᠪᠤᠷᠬᠠᠨ ᠤ ᠬᠥᠮᠦᠨ ᠮᠥᠨ ᠶᠤᠮ ᠪᠣᠯ ᠲᠩᠷᠢ ᠡᠴᠡ ᠭᠠᠯ ᠪᠠᠭᠤᠵᠤ᠂ ᠴᠢᠮᠠᠶᠢ ᠪᠣᠯᠣᠨ ᠴᠢᠨᠦ ᠲᠠᠪᠢᠲᠤ ᠶᠢ ᠵᠠᠯᠭᠢᠬᠤ ᠪᠣᠯᠣᠨᠠ》 ᠭᠡᠪᠡ᠃ ᠲᠡᠭᠡᠲᠡᠯᠡ ᠲᠩᠷᠢ ᠡᠴᠡ ᠪᠤᠷᠬᠠᠨ ᠤ ᠭᠠᠯ ᠪᠠᠭᠤᠵᠤ᠂ ᠲᠡᠭᠦᠨ ᠢ ᠪᠣᠯᠣᠨ ᠲᠠᠪᠢᠲᠤ ᠶᠢ ᠨᠢ ᠵᠠᠯᠭᠢᠪᠠ᠃
13 ᠬᠠᠭᠠᠨ ᠭᠤᠷᠪᠠᠳᠠᠬᠢ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠶᠢ ᠲᠠᠪᠢᠲᠤ ᠶᠢᠨ ᠬᠢᠨᠢ ᠬᠠᠮᠲᠤ ᠢᠯᠡᠭᠡᠯᠡ᠃ ᠭᠤᠷᠪᠠᠳᠠᠬᠢ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠳᠡᠭᠡᠭᠰᠢ ᠪᠠᠨ ᠭᠠᠷᠤᠭᠠᠳ᠂ ᠧᠯᠢᠶᠠ ᠶᠢᠨ ᠡᠮᠦᠨᠡ ᠡᠪᠦᠳᠦᠭ ᠰᠥᠭᠥᠳᠴᠦ᠂ ᠲᠡᠭᠦᠨ ᠡᠴᠡ ᠭᠤᠶᠤᠨ᠄ 《ᠪᠤᠷᠬᠠᠨ ᠤ ᠬᠥᠮᠦᠨ ᠡ᠂ ᠮᠢᠨᠦ ᠠᠮᠢ ᠪᠣᠯᠣᠨ ᠲᠠᠨ ᠤ ᠡᠳᠡᠭᠡᠷ ᠲᠠᠪᠢᠨ ᠵᠠᠷᠤᠴᠠ ᠶᠢᠨ ᠠᠮᠢ ᠶᠢ ᠲᠠᠭᠠᠯᠠᠯ ᠳᠠᠭᠠᠨ ᠪᠠᠭᠲᠠᠭᠠᠨᠠ ᠤᠤ︖ 14 ᠬᠠᠷᠠ᠂ ᠲᠩᠷᠢ ᠡᠴᠡ ᠭᠠᠯ ᠪᠠᠭᠤᠵᠤ᠂ ᠲᠦᠷᠦᠭᠦᠴᠢ ᠶᠢᠨ ᠬᠣᠶᠠᠷ ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠶᠢ ᠲᠠᠪᠢᠲᠤ ᠨᠤᠭᠤᠳ ᠲᠠᠢ ᠨᠢ ᠬᠠᠮᠲᠤ ᠵᠠᠯᠭᠢᠭᠰᠠᠨ᠃ ᠭᠡᠪᠡᠴᠦ ᠣᠳᠣ ᠮᠢᠨᠦ ᠠᠮᠢ ᠶᠢ ᠲᠠᠭᠠᠯᠠᠯ ᠳᠠᠭᠠᠨ ᠪᠠᠭᠲᠠᠭᠠᠭᠠᠴᠢ》 ᠭᠡᠪᠡ᠃ 15 ᠶᠣᠬᠣᠸᠠ ᠶᠢᠨ ᠡᠯᠴᠢ ᠧᠯᠢᠶᠠ ᠳᠤ᠄ 《ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠭᠤᠭᠲᠤᠨ᠃ ᠲᠡᠭᠦᠨ ᠡᠴᠡ ᠪᠦᠦ ᠠᠶᠤ》 ᠭᠡᠵᠦ ᠬᠡᠯᠡᠬᠦ ᠳᠦ᠂ ᠧᠯᠢᠶᠠ ᠪᠣᠰᠣᠭᠠᠳ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠭᠤᠨ ᠬᠠᠭᠠᠨ ᠤᠷᠤᠭᠤ ᠶᠠᠪᠤᠯᠠ᠃ 16 ᠧᠯᠢᠶᠠ ᠬᠠᠭᠠᠨ ᠳᠤ᠄ 《ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠢᠰᠷᠧᠯ ᠳᠤ ᠪᠤᠷᠬᠠᠨ ᠦᠭᠡᠢ ᠪᠣᠯᠣᠭᠠᠳ ᠴᠢ ᠡᠺᠷᠣᠨ ᠤ ᠪᠤᠷᠬᠠᠨ ᠪᠠᠯ ᠽᠧᠪᠣᠪ ᠠᠴᠠ ᠠᠰᠠᠭᠤᠯᠭᠠᠬᠤ ᠪᠠᠷ ᠡᠯᠴᠢᠳ ᠢᠯᠡᠭᠡᠭᠰᠡᠨ ᠤᠤ︖ ᠡᠢᠮᠦ ᠡᠴᠡ ᠴᠢ ᠬᠡᠪᠲᠡᠭᠰᠡᠨ ᠣᠷᠣ ᠠᠴᠠ ᠪᠠᠨ ᠪᠠᠭᠤᠵᠤ ᠴᠢᠳᠠᠬᠤ ᠦᠭᠡᠢ᠂ ᠯᠠᠪᠲᠠᠢ ᠦᠬᠦᠬᠦ ᠪᠣᠯᠣᠨᠠ〉》 ᠭᠡᠵᠦ ᠬᠡᠯᠡᠪᠡ᠃
17 ᠢᠩᠭᠢᠭᠡᠳ ᠠᠬᠠᠽᠢᠶᠠ ᠦᠬᠦᠪᠡ᠃ ᠡᠨᠡ ᠨᠢ ᠶᠣᠬᠣᠸᠠ ᠶᠢᠨ ᠧᠯᠢᠶᠠ ᠪᠠᠷ ᠬᠡᠯᠡᠭᠦᠯᠦᠭᠰᠡᠨ ᠦᠭᠡ ᠶᠢᠨ ᠶᠣᠰᠣᠭᠠᠷ ᠪᠣᠯᠵᠠᠢ᠃ ᠠᠬᠠᠽᠢᠶᠠ ᠬᠦᠦ ᠦᠭᠡᠢ ᠪᠣᠯᠬᠣᠷ ᠳᠡᠭᠦᠦ ᠶᠣᠷᠠᠮ ᠨᠢ ᠲᠡᠭᠦᠨ ᠢ ᠵᠠᠯᠭᠠᠮᠵᠢᠯᠠᠵᠤ᠂ ᠶᠦᠳᠠ ᠶᠢᠨ ᠬᠠᠭᠠᠨ ᠶᠧᠬᠣᠱᠠᠹᠠᠲ ᠤᠨ ᠬᠦᠦ ᠶᠧᠬᠣᠷᠠᠮ ᠤᠨ ᠬᠣᠶᠠᠳᠤᠭᠠᠷ ᠣᠨ ᠳᠤ ᠬᠠᠭᠠᠨ ᠪᠣᠯᠪᠠ᠃ 18 ᠠᠬᠠᠽᠢᠶᠠ ᠶᠢᠨ ᠦᠢᠯᠡᠳᠦᠭᠰᠡᠨ ᠪᠤᠰᠤᠳ ᠶᠠᠪᠤᠳᠠᠯ ᠢᠰᠷᠧᠯ ᠤᠨ ᠬᠠᠭᠠᠳ ᠤᠨ ᠨᠠᠮᠲᠠᠷ ᠲᠤ ᠪᠢᠴᠢᠭᠳᠡᠭᠰᠡᠨ ᠪᠢᠰᠢ ᠤᠤ︖