ᠮᠢᠺᠠ ᠨᠢᠭᠡ
1 ᠶᠦᠳᠠ ᠶᠢᠨ ᠬᠠᠭᠠᠳ ᠶᠣᠲ᠋ᠠᠮ᠂ ᠠᠬᠠᠽ᠂ ᠾᠧᠽᠧᠺᠢᠶᠠ ᠶᠢᠨ ᠡᠳᠦᠷ ᠤᠳ ᠲᠤ᠂ ᠮᠣᠷᠧᠱᠧᠲ ᠤᠨ ᠬᠥᠮᠦᠨ ᠮᠢᠺᠠ ᠳᠤ ᠢᠷᠡᠭᠰᠡᠨ ᠶᠣᠬᠣᠸᠠ ᠶᠢᠨ ᠦᠭᠡᠰ᠂ ᠰᠠᠮᠠᠷᠢᠶᠠ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠤᠨ ᠲᠠᠯᠠ ᠪᠠᠷ ᠬᠢ ᠦᠵᠡᠭᠳᠡᠯ᠄
2 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡ᠂ ᠪᠦᠭᠦᠳᠡ ᠰᠣᠨᠣᠰᠴᠠᠭᠠ ᠭᠠᠵᠠᠷ ᠪᠣᠯᠣᠨ ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠪᠦᠬᠦᠨ ᠡ᠂ ᠴᠢᠩᠨᠠᠵᠠᠭᠠ ᠡᠵᠡᠨ ᠶᠣᠬᠣᠸᠠ ᠲᠠ ᠨᠠᠷ ᠤᠨ ᠡᠰᠡᠷᠭᠦ ᠭᠡᠷᠡᠴᠢᠯᠡᠨᠡ ᠡᠵᠡᠨ ᠠᠷᠢᠭᠤᠨ ᠥᠷᠭᠥᠭᠡᠨ ᠡᠴᠡ ᠪᠡᠨ ᠠᠢᠯᠠᠳᠤᠨᠠ᠃
ᠢᠰᠷᠧᠯ ᠳᠤ ᠪᠠᠭᠤᠬᠤ ᠰᠢᠳᠬᠡᠯ
3 ᠬᠠᠷᠠ᠂ ᠶᠣᠬᠣᠸᠠ ᠣᠷᠣᠰᠢᠬᠤ ᠭᠠᠵᠠᠷ ᠠᠴᠠ ᠪᠠᠨ ᠭᠠᠷᠴᠤ ᠪᠠᠢᠨᠠ ᠲᠡᠷᠡ ᠪᠠᠭᠤᠨ ᠢᠷᠡᠵᠦ ᠭᠠᠵᠠᠷ ᠤᠨ ᠥᠨᠳᠥᠷᠯᠢᠭ ᠤᠳ ᠢ ᠭᠢᠰᠬᠢᠨᠡ᠂
4 ᠲᠡᠭᠦᠨ ᠦ ᠳᠣᠣᠷᠠ ᠠᠭᠤᠯᠠᠰ ᠬᠠᠢᠯᠵᠤ᠂ ᠬᠥᠨᠳᠡᠢ ᠨᠦᠭᠦᠳ ᠬᠤᠪᠢᠶᠠᠭᠳᠠᠨ ᠭᠠᠯ ᠤᠨ ᠡᠮᠦᠨᠡᠬᠢ ᠯᠠ ᠶᠢᠨ ᠲᠣᠰᠣ ᠬᠢᠰᠠᠭᠠ ᠠᠴᠠ ᠴᠢᠳᠬᠤᠬᠤ ᠤᠰᠤ ᠮᠡᠲᠦ ᠪᠣᠯᠣᠨᠠ᠃
5 ᠡᠨᠡ ᠪᠦᠭᠦᠳᠡ ᠨᠢ ᠶᠠᠺᠣᠪ ᠤᠨ ᠭᠡᠮ ᠢᠰᠷᠧᠯ ᠤᠨ ᠭᠡᠷ ᠦᠨ ᠨᠢᠭᠦᠯ ᠡᠴᠡ ᠪᠣᠯᠣᠭᠰᠠᠨ ᠶᠤᠮ ᠶᠠᠺᠣᠪ ᠤᠨ ᠭᠡᠮ ᠨᠢ ᠬᠠᠮᠢᠭᠠ ᠪᠠᠢᠨᠠ︖ ᠰᠠᠮᠠᠷᠢᠶᠠ ᠳᠤ ᠪᠢᠰᠢ ᠤᠤ︖ ᠶᠦᠳᠠ ᠶᠢᠨ ᠮᠥᠷᠭᠥᠯ ᠦᠨ ᠮᠠᠨᠳᠠᠯ ᠤᠳ ᠬᠠᠮᠢᠭᠠ ᠪᠠᠢᠨᠠ︖ ᠶᠧᠷᠦ᠋ᠰᠠᠯᠧᠮ ᠳᠤ ᠪᠢᠰᠢ ᠤᠤ︖
6 ᠡᠢᠮᠦ ᠡᠴᠡ ᠪᠢ ᠰᠠᠮᠠᠷᠢᠶᠠ ᠶᠢ ᠬᠡᠭᠡᠷᠡ ᠲᠠᠯᠠ ᠳᠠᠬᠢ ᠣᠪᠣᠭᠠ ᠦᠵᠦᠮ ᠦᠨ ᠲᠠᠯᠠᠪᠠᠢ ᠪᠠᠢᠭᠤᠯᠬᠤ ᠭᠠᠵᠠᠷ ᠪᠣᠯᠭᠠᠨ ᠴᠢᠯᠠᠭᠤ ᠶᠢ ᠨᠢ ᠬᠥᠨᠳᠡᠢ ᠤᠷᠤᠭᠤ ᠬᠠᠶᠠᠵᠤ᠂ ᠰᠠᠭᠤᠷᠢ ᠶᠢ ᠨᠢ ᠢᠯᠡ ᠭᠠᠷᠭᠠᠨᠠ᠃
7 ᠰᠢᠲᠦᠭᠡᠨ ᠨᠦᠭᠦᠳ ᠨᠢ ᠬᠠᠭᠠ ᠴᠣᠬᠢᠭᠳᠠᠵᠤ ᠶᠠᠩ᠋ᠬᠠᠨ ᠤ ᠬᠥᠯᠥᠰᠥ ᠨᠢ ᠪᠦᠭᠦᠳᠡ ᠭᠠᠯ ᠳᠤ ᠰᠢᠲᠠᠭᠠᠭᠳᠠᠬᠤ ᠳᠤ ᠪᠢ ᠪᠦᠬᠦ ᠬᠥᠷᠥᠭ ᠢ ᠨᠢ ᠤᠰᠠᠳᠬᠠᠨᠠ ᠶᠠᠩ᠋ᠬᠠᠨ ᠤ ᠬᠥᠯᠥᠰᠥ ᠪᠡᠷ ᠴᠤᠭᠯᠠᠭᠤᠯᠤᠭᠰᠠᠨ ᠡᠳᠡᠭᠡᠷ ᠵᠦᠢᠯ ᠳᠠᠬᠢᠨ ᠶᠠᠩ᠋ᠬᠠᠨ ᠤ ᠬᠥᠯᠥᠰᠥ ᠪᠡᠷ ᠬᠡᠷᠡᠭᠯᠡᠭᠳᠡᠨᠡ᠃
8 ᠡᠢᠮᠦ ᠡᠴᠡ ᠪᠢ ᠭᠠᠰᠢᠭᠤᠳᠠᠨ ᠤᠬᠢᠯᠠᠵᠤ ᠬᠥᠯ ᠨᠢᠴᠦᠭᠦᠨ᠂ ᠱᠠᠯᠳᠠᠩ ᠶᠠᠪᠤᠨᠠ ᠴᠢᠨᠣᠠ ᠮᠡᠲᠦ ᠤᠯᠢᠨ᠂ ᠬᠢᠷᠭᠤᠤᠯ ᠮᠡᠲᠦ ᠣᠷᠢᠯᠠᠨᠠ᠃
9 ᠰᠢᠷᠬᠠ ᠨᠢ ᠡᠳᠡᠭᠡᠷᠡᠰᠢ ᠦᠭᠡᠢ ᠪᠥᠭᠡᠳ ᠶᠦᠳᠠ ᠳᠤ ᠬᠦᠷᠴᠦ ᠪᠠᠰᠠ ᠶᠧᠷᠦ᠋ᠰᠠᠯᠧᠮ ᠳᠤ᠂ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠬᠠᠭᠠᠯᠭᠠᠨ ᠳᠤ ᠢᠷᠡᠭᠰᠡᠨ ᠪᠠᠢᠨᠠ᠃
10 ᠭᠠᠲ ᠲᠤ ᠪᠦᠦ ᠮᠡᠳᠡᠭᠦᠯ᠂ ᠣᠭᠲᠣᠬᠠᠨ ᠴᠤ ᠪᠦᠦ ᠤᠬᠢᠯᠠ ᠪᠧᠲ ᠯᠧ ᠠᠹᠷᠠ 1 ᠳᠤ ᠰᠢᠷᠣᠢ ᠳᠡᠭᠡᠷᠡ ᠥᠩᠬᠥᠷᠢ᠃
11 ᠱᠠᠹᠢᠷ 2 ᠤᠨ ᠰᠠᠭᠤᠭᠠᠯᠢᠴᠢᠳ ᠡ ᠰᠢᠪᠰᠢᠭ ᠲᠠᠢ ᠱᠠᠯᠳᠠᠩ ᠢᠶᠠᠷ ᠢᠶᠠᠨ ᠶᠠᠪᠤ ᠽᠠᠨᠠᠨ 3 ᠤ ᠰᠠᠭᠤᠭᠠᠯᠢᠴᠢᠳ ᠭᠠᠷᠴᠤ ᠢᠷᠡᠬᠦ ᠦᠭᠡᠢ ᠪᠠᠢᠨᠠ ᠪᠧᠲ ᠡᠽᠧᠯ 4 ᠰᠠᠭᠤᠷᠢ ᠪᠠᠨ ᠪᠤᠯᠢᠶᠠᠯᠭᠠᠭᠰᠠᠨ ᠳᠠᠭᠠᠨ ᠭᠠᠰᠢᠭᠤᠳᠠᠨᠠ᠃
12 ᠶᠣᠬᠣᠸᠠ ᠠᠴᠠ ᠵᠣᠪᠠᠯᠠᠩ ᠶᠧᠷᠦ᠋ᠰᠠᠯᠧᠮ ᠤᠨ ᠬᠠᠭᠠᠯᠭᠠ ᠤᠷᠤᠭᠤ ᠪᠠᠭᠤᠭᠰᠠᠨ ᠤᠴᠢᠷ ᠮᠠᠷᠣᠲ 5 ᠤᠨ ᠰᠠᠭᠤᠭᠠᠯᠢᠴᠢᠳ ᠵᠢᠷᠭᠠᠯ ᠢ ᠬᠦᠰᠡᠨ ᠲᠡᠮᠡᠦᠯᠦᠨᠡ᠃
13 ᠯᠠᠺᠢᠱ 6 ᠤᠨ ᠰᠠᠭᠤᠭᠠᠯᠢᠴᠢᠳ ᠡ᠂ ᠮᠣᠷᠢᠳ ᠢᠶᠠᠨ ᠲᠡᠷᠭᠡᠨ ᠳᠦ ᠬᠥᠯᠯᠡ ᠽᠢᠶᠣᠨ ᠥᠬᠢᠨ ᠤ ᠨᠢᠭᠦᠯ ᠴᠢᠮᠠ ᠠᠴᠠ ᠡᠬᠢ ᠲᠠᠢ ᠢᠰᠷᠧᠯ ᠤᠨ ᠭᠡᠮ ᠪᠤᠷᠤᠭᠤ ᠴᠢᠮᠠ ᠠᠴᠠ ᠣᠯᠳᠠᠳᠠᠭ᠃
14 ᠮᠣᠷᠧᠱᠧᠲ ᠭᠠᠳ᠋ 7 ᠲᠤ ᠴᠢ ᠰᠠᠯᠤᠯᠲᠠ ᠶᠢᠨ ᠪᠡᠯᠡᠭ ᠥᠭ ᠠᠺᠰᠢᠪ 8 ᠤᠨ ᠠᠢᠯ ᠤᠳ ᠢᠰᠷᠧᠯ ᠤᠨ ᠬᠠᠭᠠᠳ ᠤᠨ ᠤᠷᠮᠠ ᠶᠢ ᠬᠤᠭᠤᠯᠬᠤ ᠪᠣᠯᠣᠨᠠ᠃
15 ᠮᠠᠷᠧᠱᠠ 9 ᠶᠢᠨ ᠰᠠᠭᠤᠭᠠᠯᠢᠴᠢᠳ ᠡ᠂ ᠪᠢ ᠴᠢᠮᠠ ᠳᠡᠭᠡᠷᠡ ᠡᠵᠡᠯᠡᠭᠴᠢ ᠶᠢ ᠠᠪᠴᠢᠷᠠᠨᠠ ᠢᠰᠷᠧᠯ ᠤᠨ ᠠᠯᠳᠠᠷᠲᠠᠳ ᠠᠳᠦ᠋ᠯᠠᠮ 10 ᠳᠤ ᠢᠷᠡᠬᠦ ᠪᠣᠯᠣᠨᠠ᠃
16 ᠬᠥᠭᠡᠷᠦᠬᠦᠢ ᠬᠡᠦᠬᠡᠳ ᠦᠨ ᠢᠶᠠᠨ ᠲᠥᠯᠥᠭᠡ ᠴᠢ ᠭᠠᠰᠢᠭᠤᠳᠠᠵᠤ᠂ ᠦᠰᠦ ᠪᠡᠨ ᠬᠤᠰᠤ ᠲᠡᠳᠡ ᠴᠢᠮᠠ ᠠᠴᠠ ᠠᠪᠠᠴᠢᠭᠳᠠᠵᠤ᠂ ᠴᠥᠯᠡᠭᠳᠡᠬᠦ ᠲᠤᠯᠠ ᠴᠢ ᠥᠪᠡᠷ ᠢ ᠪᠠᠨ ᠪᠦᠷᠭᠦᠳ ᠮᠡᠲᠦ ᠬᠠᠯᠵᠠᠨ ᠪᠣᠯᠭᠠ᠃