ᠮᠢᠺᠠ ᠳᠥᠷᠪᠡ
ᠰᠡᠭᠦᠯᠴᠢ ᠶᠢᠨ ᠦᠶᠡ ᠶᠢᠨ ᠨᠣᠶᠠᠷᠬᠠᠯ
1 ᠰᠡᠭᠦᠯᠴᠢ ᠶᠢᠨ ᠡᠳᠦᠷ ᠤᠳ ᠲᠤ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠦ ᠠᠭᠤᠯᠠ ᠨᠢ ᠠᠭᠤᠯᠠᠰ ᠤᠨ ᠣᠷᠣᠢ ᠳᠤ ᠲᠣᠭᠲᠠᠨ ᠲᠣᠯᠣᠭᠠᠳ ᠠᠴᠠ ᠳᠡᠭᠡᠭᠦᠷ ᠡᠷᠭᠦᠮᠵᠢᠯᠡᠭᠳᠡᠨᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠡᠭᠦᠨ ᠤᠷᠤᠭᠤ ᠤᠷᠤᠰᠬᠤ ᠪᠣᠯᠣᠨᠠ᠃
2 ᠣᠯᠠᠨ ᠦᠨᠳᠦᠰᠦᠲᠡᠨ᠄ 《ᠵᠠ︕ ᠪᠢᠳᠡ ᠶᠣᠬᠣᠸᠠ ᠶᠢᠨ ᠠᠭᠤᠯᠠ᠂ ᠶᠠᠺᠣᠪ ᠤᠨ ᠪᠤᠷᠬᠠᠨ ᠤ ᠥᠷᠭᠥᠭᠡ ᠥᠭᠡᠳᠡ ᠶᠠᠪᠤᠵᠠᠭᠠᠶᠠ ᠲᠡᠷᠡ ᠪᠢᠳᠡᠨ ᠳᠦ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢ ᠵᠢᠭᠠᠨᠠ ᠪᠢᠳᠡ ᠲᠡᠭᠦᠨ ᠦ ᠵᠠᠮ ᠢᠶᠠᠷ ᠠᠯᠬᠤᠶᠠ》 ᠬᠡᠮᠡᠨ ᠢᠷᠡᠵᠡᠭᠡᠬᠦ ᠪᠣᠯᠣᠨᠠ᠃ ᠤᠴᠢᠷ ᠨᠢ ᠰᠤᠷᠭᠠᠯ ᠽᠢᠶᠣᠨ ᠠᠴᠠ ᠶᠣᠬᠣᠸᠠ ᠶᠢᠨ ᠦᠭᠡ ᠶᠧᠷᠦ᠋ᠰᠠᠯᠧᠮ ᠡᠴᠡ ᠭᠠᠷᠤᠨᠠ᠃
3 ᠣᠯᠠᠨ ᠦᠨᠳᠦᠰᠦᠲᠡᠨ ᠦ ᠬᠣᠭᠣᠷᠣᠨᠳᠣᠬᠢ ᠶᠢ ᠲᠡᠷᠡ ᠰᠢᠭᠦᠵᠦ ᠠᠯᠤᠰ ᠤᠨ ᠬᠦᠴᠦᠲᠦ ᠭᠦᠷᠦᠨ ᠨᠦᠭᠦᠳ ᠦᠨ ᠲᠠᠯᠠ ᠪᠠᠷ ᠴᠤ ᠲᠡᠷᠡ ᠰᠢᠢᠳᠦᠨᠡ ᠲᠡᠳᠡ ᠢᠯᠳᠦ ᠪᠡᠨ ᠳᠠᠪᠲᠠᠨ ᠠᠨᠵᠢᠰᠤ᠂ ᠵᠢᠳᠠ ᠪᠠᠨ ᠳᠠᠪᠲᠠᠨ ᠬᠠᠳᠤᠭᠤᠷ ᠪᠣᠯᠭᠠᠨᠠ ᠦᠨᠳᠦᠰᠦᠲᠡᠨ ᠦᠨᠳᠦᠰᠦᠲᠡᠨ ᠦ ᠪᠠᠨ ᠡᠰᠡᠷᠭᠦ ᠢᠯᠳᠦ ᠳᠠᠯᠠᠢᠬᠤ ᠦᠭᠡᠢ ᠳᠠᠢᠲᠤᠬᠤ ᠪᠠᠷ ᠳᠠᠬᠢᠨ ᠰᠤᠷᠭᠠᠭᠤᠯᠢᠯ ᠬᠢᠬᠦ ᠦᠭᠡᠢ᠃
4 ᠬᠥᠮᠦᠨ ᠪᠦᠷᠢ ᠦᠵᠦᠮ ᠪᠣᠯᠣᠨ ᠢᠨᠵᠢᠷ ᠤᠨ ᠮᠣᠳᠣᠨ ᠤ ᠪᠠᠨ ᠳᠣᠣᠷᠠ ᠰᠠᠭᠤᠨᠠ᠃ ᠬᠡᠨ ᠴᠤ ᠲᠡᠳᠡᠨ ᠢ ᠰᠦᠷᠳᠡᠭᠦᠯᠬᠦ ᠦᠭᠡᠢ ᠲᠡᠭᠦᠰ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠠᠮᠠ ᠡᠭᠦᠨ ᠢ ᠠᠢᠯᠠᠳᠪᠠ︕
5 ᠦᠨᠳᠦᠰᠦᠲᠡᠨ ᠪᠣᠯᠭᠠᠨ ᠥᠪᠡᠷ ᠦᠨ ᠪᠤᠷᠬᠠᠨ ᠤ ᠨᠡᠷᠡ ᠪᠡᠷ ᠠᠯᠬᠤᠬᠤ ᠪᠣᠯᠪᠠᠴᠤ ᠪᠢᠳᠡ ᠦᠶᠡ ᠶᠢᠨ ᠦᠶᠡ ᠳᠦ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠨᠡᠷᠡ ᠪᠡᠷ ᠠᠯᠬᠤᠨᠠ᠃
6 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠡᠷᠡ ᠡᠳᠦᠷ ᠪᠢ ᠳᠣᠭᠣᠯᠠᠩ ᠤᠳ ᠪᠣᠯᠣᠨ ᠬᠥᠭᠡᠭᠡᠵᠦ ᠵᠣᠪᠠᠭᠠᠭᠰᠠᠨ ᠬᠥᠮᠦᠰ ᠢᠶᠡᠨ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠵᠤ
7 ᠳᠣᠭᠣᠯᠠᠩ ᠤᠳ ᠢ ᠨᠢ ᠦᠯᠡᠳᠡᠭᠰᠡᠳ᠂ ᠴᠥᠯᠡᠭᠳᠡᠭᠰᠡᠳ ᠢ ᠨᠢ ᠬᠦᠴᠦᠲᠦ ᠦᠨᠳᠦᠰᠦᠲᠡᠨ ᠪᠣᠯᠭᠠᠨᠠ᠂ ᠶᠣᠬᠣᠸᠠ ᠪᠢ ᠽᠢᠶᠣᠨ ᠠᠭᠤᠯᠠᠨ ᠳᠤ ᠲᠡᠳᠡᠨ ᠢ ᠡᠳᠦᠭᠡ ᠡᠴᠡ ᠮᠥᠩᠬᠡᠳᠡ ᠬᠠᠭᠠᠨᠴᠢᠯᠠᠨᠠ᠃》
8 ᠴᠢᠨᠦ ᠲᠤᠬᠠᠢ ᠳᠤ ᠭᠡᠪᠡᠯ᠂ ᠰᠦᠷᠦᠭ ᠦᠨ ᠴᠠᠮᠬᠠᠭ ᠡ ᠽᠢᠶᠣᠨ ᠥᠬᠢᠨ ᠤ ᠲᠣᠯᠣᠭᠠᠳ ᠡ ᠴᠢᠮᠠ ᠳᠤ ᠤᠷᠢᠳᠤ ᠶᠢᠨ ᠨᠣᠶᠠᠷᠬᠠᠯ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠨ ᠤ ᠬᠠᠭᠠᠨᠴᠢᠯᠠᠯ ᠪᠤᠴᠠᠵᠤ ᠢᠷᠡᠨᠡ︕
ᠴᠥᠯᠡᠯᠭᠡ ᠡᠴᠡ ᠢᠷᠡᠨᠡ
9 ᠣᠳᠣ ᠴᠢ ᠶᠠᠭᠤᠨ ᠳᠤ ᠴᠢᠩᠭ᠍ᠠ ᠪᠠᠷ ᠣᠷᠢᠯᠠᠨᠠ ᠪᠤᠢ︖ ᠴᠢᠮᠠ ᠳᠤ ᠬᠠᠭᠠᠨ ᠦᠭᠡᠢ ᠤᠤ︖ ᠵᠥᠪᠯᠡᠭᠴᠢ ᠴᠢᠨᠢ ᠠᠯᠠᠭᠠ ᠪᠣᠯᠣᠭᠰᠠᠨ ᠤᠤ︖ ᠨᠢᠷᠠᠢᠯᠠᠵᠤ ᠪᠤᠢ ᠡᠮᠡᠭᠲᠡᠢ ᠰᠢᠭ ᠴᠢ ᠰᠢᠨᠠᠯᠤᠨ ᠵᠣᠪᠠᠵᠤ ᠪᠠᠢᠬᠤ ᠨᠢ᠃
10 ᠽᠢᠶᠣᠨ ᠥᠬᠢᠨ ᠡ᠂ ᠨᠢᠷᠠᠢᠯᠠᠵᠤ ᠪᠤᠢ ᠡᠮᠡᠭᠲᠡᠢ ᠰᠢᠭ ᠳᠦᠯᠢᠵᠦ ᠬᠦᠴᠦᠯᠡ ᠣᠳᠣ ᠴᠢ ᠬᠣᠲᠠ ᠠᠴᠠ ᠭᠠᠷᠴᠤ᠂ ᠬᠡᠭᠡᠷᠡ ᠰᠠᠭᠤᠭᠰᠠᠨ ᠢᠶᠠᠨ ᠪᠠᠪᠢᠯᠣᠨ ᠬᠦᠷᠲᠡᠯᠡ ᠶᠠᠪᠤᠵᠤ᠂ ᠲᠡᠨᠳᠡ ᠠᠪᠤᠷᠠᠭᠳᠠᠨᠠ ᠲᠡᠨᠳᠡ ᠶᠣᠬᠣᠸᠠ ᠴᠢᠮᠠᠶᠢ ᠳᠠᠢᠰᠤᠨ ᠨᠤᠭᠤᠳ ᠤᠨ ᠴᠢᠨᠢ ᠭᠠᠷ ᠠᠴᠠ ᠵᠣᠯᠢᠨ ᠠᠪᠤᠨᠠ᠃
11 ᠣᠳᠣ ᠣᠯᠠᠨ ᠦᠨᠳᠦᠰᠦᠲᠡᠨ ᠴᠢᠨᠦ ᠡᠰᠡᠷᠭᠦ ᠴᠤᠭᠯᠠᠷᠠᠵᠤ᠄ 《ᠽᠢᠶᠣᠨ ᠤ ᠪᠤᠵᠠᠷᠯᠠᠭᠳᠠᠬᠤ ᠶᠢ ᠪᠢᠳᠡ ᠨᠢᠳᠦ ᠪᠡᠷ ᠢᠶᠠᠨ ᠬᠠᠷᠠᠨᠠ ᠳᠠ︕》 ᠭᠡᠵᠡᠭᠡᠵᠦ ᠪᠠᠢᠨᠠ᠃
12 ᠶᠡᠦᠵᠢᠯᠡᠭᠰᠡᠨ ᠲᠠᠷᠢᠶᠠ ᠶᠢ ᠦᠲᠦᠷᠮᠡ ᠳᠦ ᠴᠤᠭᠯᠠᠭᠤᠯᠳᠠᠭ ᠰᠢᠭ᠋ ᠶᠣᠬᠣᠸᠠ ᠲᠡᠳᠡᠨ ᠢ ᠴᠤᠭᠯᠠᠭᠤᠯᠤᠭᠰᠠᠨ ᠠᠲᠠᠯᠠ ᠲᠡᠳᠡ ᠲᠡᠭᠦᠨ ᠦ ᠰᠠᠨᠠᠭᠠ ᠶᠢ ᠮᠡᠳᠡᠳᠡᠭ ᠦᠭᠡᠢ ᠲᠡᠭᠦᠨ ᠦ ᠵᠣᠷᠢᠯᠭᠠ ᠶᠢ ᠣᠢᠯᠠᠭᠠᠳᠠᠭ ᠦᠭᠡᠢ᠃
13 ᠪᠣᠰᠴᠤ ᠭᠢᠰᠬᠢᠭᠲᠦᠨ᠂ ᠽᠢᠶᠣᠨ ᠥᠬᠢᠨ ᠡ ᠪᠢ ᠡᠪᠡᠷ ᠢ ᠴᠢᠨᠢ ᠲᠡᠮᠦᠷ᠂ ᠲᠤᠭᠤᠷᠠᠢ ᠶᠢ ᠴᠢᠨᠢ ᠬᠦᠷᠡᠯ ᠪᠣᠯᠭᠠᠨᠠ ᠴᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠪᠤᠲᠠ ᠴᠣᠬᠢᠵᠤ ᠣᠯᠵᠠ ᠶᠢ ᠨᠢ ᠶᠣᠬᠣᠸᠠ ᠳᠤ᠂ ᠡᠳ᠋ ᠪᠠᠶᠠᠯᠢᠭ ᠢ ᠨᠢ ᠪᠦᠬᠦ ᠳᠡᠯᠡᠬᠡᠢ ᠶᠢᠨ ᠡᠵᠡᠨ ᠳᠦ ᠵᠣᠷᠢᠭᠤᠯᠬᠤ 11 ᠪᠣᠯᠣᠨᠠ᠃