ᠷᠦᠲ ᠨᠢᠭᠡ
ᠷᠦᠲ ᠨᠠᠶᠣᠮᠢ ᠲᠠᠢ ᠬᠠᠮᠲᠤ ᠪᠧᠲ᠋ᠯᠧᠾᠧᠮ ᠤᠷᠤᠭᠤ ᠨᠡᠭᠦᠪᠡ
1 ᠰᠢᠭᠦᠭᠴᠢᠳ ᠤᠨ ᠵᠠᠬᠢᠷᠴᠤ ᠪᠠᠢᠭᠰᠠᠨ ᠡᠳᠦᠷ ᠤᠳ ᠲᠤ ᠲᠡᠷᠡ ᠭᠠᠵᠠᠷ ᠲᠤ ᠥᠯᠥᠰᠬᠥᠯᠡᠩ ᠪᠣᠯᠪᠠ᠃ ᠶᠦᠳᠠ ᠶᠢᠨ ᠪᠧᠲ᠋ᠯᠧᠾᠧᠮ ᠡᠴᠡ ᠨᠢᠭᠡᠨ ᠡᠷᠡ ᠡᠬᠡᠨᠡᠷ ᠪᠣᠯᠣᠨ ᠬᠣᠶᠠᠷ ᠬᠥᠪᠡᠭᠦᠨ ᠲᠡᠢ ᠪᠡᠨ ᠭᠠᠷᠴᠤ ᠮᠣᠶᠠᠪ ᠤᠨ ᠨᠤᠲᠤᠭ ᠲᠤ ᠲᠦᠷ ᠰᠠᠭᠤᠬᠤ ᠪᠠᠷ ᠶᠠᠪᠤᠪᠠ᠃ 2 ᠲᠡᠷᠡ ᠬᠥᠮᠦᠨ ᠦ ᠨᠡᠷᠡ ᠡᠯᠢᠮᠧᠯᠧᠺ᠂ ᠡᠬᠡᠨᠡᠷ ᠦᠨ ᠬᠢᠨᠢ ᠨᠡᠷᠡ ᠨᠠᠶᠣᠮᠢ᠂ ᠬᠣᠶᠠᠷ ᠬᠥᠪᠡᠭᠦᠨ ᠦ ᠬᠢᠨᠢ ᠨᠡᠷᠡ ᠮᠠᠯᠣᠨ ᠪᠠ ᠺᠢᠯᠢᠶᠣᠨ ᠪᠠᠢᠪᠠ᠃ ᠲᠡᠳᠡ ᠪᠣᠯ ᠶᠦᠳᠠ ᠶᠢᠨ ᠪᠧᠲ᠋ᠯᠧᠾᠧᠮ ᠤᠨ ᠡᠹᠷᠠᠲ ᠤᠨ ᠬᠢᠨ ᠠᠵᠢ᠃ ᠲᠡᠳᠡ ᠨᠠᠷ ᠮᠣᠶᠠᠪ ᠤᠨ ᠨᠤᠲᠤᠭ ᠲᠤ ᠬᠦᠷᠴᠦ᠂ ᠲᠡᠨᠳᠡ ᠪᠡᠨ ᠰᠠᠭᠤᠵᠤ ᠪᠠᠢᠲᠠᠯᠠ 3 ᠨᠠᠶᠣᠮᠢ ᠶᠢᠨ ᠨᠥᠬᠥᠷ ᠡᠯᠢᠮᠧᠯᠧᠺ ᠨᠠᠶᠣᠮᠢ ᠪᠣᠯᠣᠨ ᠬᠣᠶᠠᠷ ᠬᠥᠪᠡᠭᠦᠨ ᠢᠶᠡᠨ ᠣᠷᠬᠢᠵᠤ ᠨᠠᠰᠤ ᠪᠠᠷᠠᠪᠠ᠃ 4 ᠬᠥᠪᠡᠭᠦᠳ ᠨᠢ ᠮᠣᠶᠠᠪ ᠡᠮᠡᠭᠲᠡᠢᠴᠦᠳ ᠡᠴᠡ ᠡᠬᠡᠨᠡᠷ ᠠᠪᠴᠠᠭᠠᠵᠠᠢ᠃ ᠨᠢᠭᠡᠨ ᠦ ᠬᠢᠨᠢ ᠨᠡᠷᠡ ᠣᠷᠫᠠ᠂ ᠨᠥᠭᠥᠭᠡ ᠶᠢᠨ ᠬᠢᠨᠢ ᠨᠡᠷᠡ ᠷᠦᠲ ᠪᠠᠢᠪᠠ᠃ ᠲᠡᠳᠡ ᠲᠡᠨᠳᠡ ᠪᠡᠨ ᠠᠷᠪᠠᠭᠠᠳ ᠵᠢᠯ ᠰᠠᠭᠤᠵᠤ ᠪᠠᠢᠲᠠᠯᠠ 5 ᠮᠠᠯᠣᠨ᠂ ᠺᠢᠯᠢᠶᠣᠨ ᠬᠣᠶᠠᠷ ᠴᠤ ᠦᠬᠦᠪᠡ᠃ ᠢᠩᠭᠢᠭᠡᠳ ᠲᠡᠷᠡ ᠡᠮᠡᠭᠲᠡᠢ ᠬᠣᠶᠠᠷ ᠬᠥᠪᠡᠭᠦᠨ ᠴᠤ ᠦᠭᠡᠢ᠂ ᠨᠥᠬᠥᠷ ᠴᠤ ᠦᠭᠡᠢ ᠬᠣᠴᠣᠷᠪᠠ᠃
6 ᠲᠡᠭᠡᠬᠦ ᠳᠦ᠂ ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠠᠩ᠋ᠬᠠᠷᠤᠨ ᠬᠣᠭᠣᠯᠠ ᠬᠦᠨᠡᠰᠦ ᠥᠭᠴᠦ ᠪᠤᠢ ᠶᠢ ᠨᠠᠶᠣᠮᠢ ᠮᠣᠶᠠᠪ ᠤᠨ ᠨᠤᠲᠤᠭ ᠲᠤ ᠣᠯᠵᠤ ᠳᠤᠭᠤᠯᠤᠭᠠᠳ ᠪᠡᠷᠢᠶᠡᠳ ᠲᠡᠢ ᠪᠡᠨ ᠬᠠᠮᠲᠤ ᠲᠡᠨᠳᠡ ᠡᠴᠡ ᠪᠤᠴᠠᠬᠤ ᠪᠠᠷ ᠰᠢᠢᠳᠪᠡ᠃ 7 ᠲᠡᠭᠡᠭᠡᠳ ᠲᠡᠷᠡ ᠰᠠᠭᠤᠭᠰᠠᠨ ᠭᠠᠵᠠᠷ ᠢᠶᠠᠨ ᠣᠷᠬᠢᠨ ᠬᠣᠶᠠᠷ ᠪᠡᠷᠢ ᠲᠠᠢ ᠪᠠᠨ ᠬᠠᠮᠲᠤ ᠶᠦᠳᠠ ᠨᠤᠲᠤᠭ ᠤᠷᠤᠭᠤ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠭᠠᠷᠴᠠᠢ᠃ 8 ᠨᠠᠶᠣᠮᠢ ᠬᠣᠶᠠᠷ ᠪᠡᠷᠢ ᠳᠡᠭᠡᠨ᠄ 《ᠠᠯᠢ ᠪᠤᠢ᠂ ᠥᠪᠡᠷ ᠥᠪᠡᠷ ᠦᠨ ᠢᠶᠠᠨ ᠡᠬᠡ ᠶᠢᠨ ᠭᠡᠷ ᠲᠦ ᠪᠤᠴᠠᠭᠠᠷᠠᠢ᠂ ᠪᠦᠷᠢᠯᠡᠭᠡᠴᠢ ᠨᠠᠷ ᠲᠤ ᠮᠢᠨᠢ᠂ ᠪᠠᠰᠠ ᠨᠠᠳᠠ ᠳᠤ ᠬᠠᠨᠳᠤᠭᠰᠠᠨ ᠤ ᠴᠢᠨᠢ ᠠᠳᠠᠯᠢ ᠶᠣᠬᠣᠸᠠ ᠲᠠ ᠨᠠᠷ ᠲᠤ ᠴᠤ ᠬᠠᠢᠷᠠ ᠡᠨᠡᠷᠢᠯ ᠢᠶᠠᠷ ᠬᠠᠨᠳᠤᠬᠤ ᠪᠣᠯᠲᠤᠭᠠᠢ︕ 9 ᠶᠣᠬᠣᠸᠠ ᠥᠪᠡᠷ ᠥᠪᠡᠷ ᠲᠦ ᠴᠢᠨᠢ᠂ ᠰᠢᠨᠡ ᠨᠥᠬᠥᠷ ᠦᠨ ᠴᠢᠨᠢ ᠭᠡᠷ ᠲᠦ ᠠᠮᠠᠷᠠᠯ ᠢ ᠣᠯᠭᠣᠭ》 ᠬᠡᠮᠡᠨ ᠥᠭᠦᠯᠡᠭᠡᠳ ᠲᠡᠳᠡᠨ ᠢ ᠦᠨᠦᠰᠦᠭᠰᠡᠨ ᠳᠦ᠂ ᠲᠡᠳᠡ ᠳᠠᠭᠤ ᠲᠠᠯᠪᠢᠨ ᠤᠬᠢᠯᠠᠯᠳᠤᠵᠤ᠄ 10 《ᠪᠢᠳᠡ ᠵᠠᠪᠠᠯ ᠲᠠᠨ ᠲᠠᠢ ᠬᠠᠮᠲᠤ ᠲᠠᠨ ᠤ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠶᠠᠪᠤᠨᠠ》 ᠭᠡᠵᠦ ᠬᠡᠯᠡᠪᠡ᠃ 11 ᠬᠠᠷᠢᠨ ᠨᠠᠶᠣᠮᠢ᠄ 《ᠪᠤᠴᠠᠵᠠᠭᠠ᠂ ᠥᠬᠢᠳ ᠮᠢᠨᠢ︕ ᠲᠠ ᠨᠠᠷ ᠶᠠᠭᠤᠨ ᠳᠤ ᠨᠠᠳᠠ ᠲᠠᠢ ᠬᠠᠮᠲᠤ ᠶᠠᠪᠤᠬᠤ ᠭᠡᠳ ᠪᠠᠢᠭᠠ ᠶᠤᠮ ᠪᠤᠢ︖ ᠲᠠ ᠨᠠᠷ ᠲᠤ ᠨᠥᠬᠥᠷ ᠪᠣᠯᠴᠢᠬᠠᠬᠤ ᠪᠠᠷ ᠬᠥᠪᠡᠭᠦᠳ ᠮᠢᠨᠦ ᠬᠡᠪᠡᠯᠢ ᠳᠤ ᠣᠳᠣ ᠴᠤ ᠪᠠᠢᠨᠠ ᠭᠡᠵᠢ ᠤᠤ︖ 12 ᠪᠤᠴᠠ ᠯᠠ ᠳᠠ᠂ ᠥᠬᠢᠳ ᠮᠢᠨᠢ︕ ᠶᠠᠪᠤ᠂ ᠬᠥᠭᠰᠢᠨ ᠪᠢ ᠬᠡᠵᠢᠶᠡ ᠨᠥᠬᠥᠷ ᠲᠦ ᠭᠠᠷᠤᠨᠠ ᠭᠡᠵᠢ︖ ᠨᠠᠢᠳᠠᠪᠤᠷᠢ ᠪᠤᠢ ᠭᠡᠳ ᠡᠨᠡ ᠰᠥᠨᠢ ᠨᠥᠬᠥᠷ ᠲᠡᠢ ᠪᠣᠯᠣᠯᠠ ᠭᠡᠵᠦ ᠪᠣᠳᠣᠬᠤ ᠳᠤ᠂ ᠲᠠ ᠨᠠᠷ ᠲᠥᠷᠥᠬᠦ ᠬᠥᠪᠡᠭᠦᠳ ᠢ 13 ᠲᠣᠮᠣ ᠪᠣᠯᠵᠤ ᠥᠰᠲᠡᠯᠡ ᠨᠢ ᠬᠦᠯᠢᠶᠡᠨᠡ ᠤᠤ︖ ᠲᠡᠷᠡ ᠦᠶᠡ ᠪᠣᠯᠲᠠᠯᠠ ᠲᠠ ᠨᠠᠷ ᠨᠥᠬᠥᠷ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠠᠢᠬᠤ ᠤᠤ︖ ᠦᠭᠡᠢ᠂ ᠥᠬᠢᠳ ᠮᠢᠨᠢ᠃ ᠲᠠ ᠨᠠᠷ ᠤᠨ ᠤᠯᠠᠮ ᠢᠶᠠᠷ ᠪᠢ ᠠᠰᠤᠷᠤ ᠶᠡᠬᠡ ᠰᠢᠨᠠᠯᠵᠤ ᠪᠠᠢᠨᠠ᠃ ᠶᠣᠬᠣᠸᠠ ᠨᠠᠳᠠ ᠤᠷᠤᠭᠤ ᠮᠤᠲᠤᠷ ᠢᠶᠠᠨ ᠳᠠᠯᠠᠢᠭᠰᠠᠨ ᠨᠢ ᠯᠠᠪᠲᠠᠢ ᠪᠠᠢᠨᠠ》 ᠭᠡᠪᠡ᠃ 14 ᠲᠡᠳᠡ ᠳᠠᠬᠢᠭᠠᠳ ᠯᠠ ᠳᠠᠭᠤ ᠪᠠᠨ ᠥᠨᠳᠥᠷᠰᠡᠭᠡᠨ ᠤᠬᠢᠯᠠᠯᠳᠤᠯᠠ᠃ ᠣᠷᠫᠠ ᠬᠠᠳᠠᠮ ᠡᠬᠡ ᠪᠡᠨ ᠦᠨᠦᠰᠭᠡᠳ ᠶᠠᠪᠤᠵᠠᠢ᠂ ᠬᠠᠷᠢᠨ ᠷᠦᠲ ᠲᠡᠭᠦᠨ ᠡᠴᠡ ᠵᠢᠭᠤᠷᠠᠪᠠ᠃ 15 ᠲᠡᠭᠡᠬᠦ ᠳᠦ ᠨᠠᠶᠣᠮᠢ᠄ 《ᠬᠠᠷᠠ᠂ ᠠᠪᠢᠰᠤᠨ ᠴᠢᠨᠢ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠪᠣᠯᠣᠨ ᠥᠪᠡᠷ ᠦᠨ ᠢᠶᠠᠨ ᠪᠤᠷᠬᠠᠳ ᠤᠷᠤᠭᠤ ᠪᠤᠴᠠᠵᠤ ᠶᠠᠪᠤᠯᠠ᠃ ᠴᠢ ᠴᠤ ᠠᠪᠢᠰᠤᠨ ᠤ ᠪᠠᠨ ᠠᠷᠤ ᠠᠴᠠ ᠪᠤᠴᠠᠭᠠᠷᠠᠢ》 ᠭᠡᠪᠡ᠃ 16 ᠬᠠᠷᠢᠨ ᠷᠦᠲ᠄
17 ᠲᠠ ᠬᠠᠮᠢᠭᠠ ᠦᠬᠦᠪᠡᠯ ᠪᠢ ᠦᠬᠦᠵᠦ᠂ ᠲᠡᠨᠳᠡ ᠪᠤᠯᠠᠰᠢᠯᠠᠭᠳᠠᠨᠠ᠃
18 ᠨᠠᠶᠣᠮᠢ ᠷᠦᠲ ᠤᠨ ᠥᠪᠡᠷ ᠲᠡᠢ ᠨᠢ ᠬᠠᠮᠲᠤ ᠶᠠᠪᠤᠬᠤ ᠪᠠᠷ ᠡᠷᠡᠰ ᠰᠢᠢᠳᠦᠭᠰᠡᠨ ᠢ ᠬᠠᠷᠠᠭᠠᠳ ᠲᠡᠭᠦᠨ ᠢ ᠳᠠᠬᠢᠨ ᠢᠳᠬᠠᠭᠰᠠᠨ ᠦᠭᠡᠢ᠃
19 ᠲᠡᠭᠡᠭᠡᠳ ᠲᠡᠷᠡ ᠬᠣᠶᠠᠭᠤᠯᠠ ᠶᠠᠪᠤᠭᠰᠠᠭᠠᠷ ᠪᠧᠲ᠋ᠯᠧᠾᠧᠮ ᠳᠤ ᠬᠦᠷᠴᠦ ᠢᠷᠡᠪᠡ᠃ ᠲᠡᠳᠡ ᠪᠧᠲ᠋ᠯᠧᠾᠧᠮ ᠳᠤ ᠢᠷᠡᠲᠡᠯᠡ ᠲᠡᠳᠡᠨ ᠡᠴᠡ ᠪᠣᠯᠣᠭᠠᠳ ᠪᠦᠬᠦ ᠬᠣᠲᠠ ᠶᠢᠨ ᠬᠢᠨ ᠦᠢᠮᠡᠭᠡᠨ ᠪᠣᠯᠵᠤ ᠡᠮᠡᠭᠲᠡᠢᠴᠦᠳ ᠨᠢ᠄
20 ᠲᠡᠷᠡ ᠪᠡᠷ᠄
21 ᠪᠢ ᠳᠦᠭᠦᠷᠡᠩ ᠭᠠᠷᠴᠤ ᠶᠠᠪᠤᠭᠰᠠᠨ ᠪᠣᠯᠪᠠᠴᠤ ᠶᠣᠬᠣᠸᠠ ᠨᠠᠮᠠᠶᠢ ᠬᠣᠭᠣᠰᠣᠨ ᠪᠤᠴᠠᠭᠠᠵᠤ ᠠᠪᠴᠢᠷᠠᠪᠠ᠃
22 ᠨᠠᠶᠣᠮᠢ ᠪᠤᠴᠠᠵᠤ ᠢᠷᠡᠭᠰᠡᠨ ᠪᠥᠭᠡᠳ ᠲᠡᠭᠦᠨ ᠦ ᠳᠡᠷᠭᠡᠳᠡ ᠮᠣᠶᠠᠪ ᠨᠤᠲᠤᠭ ᠠᠴᠠ ᠡᠷᠭᠢᠵᠦ ᠢᠷᠡᠭᠰᠡᠨ ᠮᠣᠶᠠᠪ ᠡᠮᠡᠭᠲᠡᠢ ᠷᠦᠲ ᠬᠠᠮᠲᠤ ᠪᠠᠢᠪᠠ᠃ ᠲᠡᠷᠡ ᠬᠣᠶᠠᠷ ᠢ ᠪᠧᠲ᠋ᠯᠧᠾᠧᠮ ᠳᠤ ᠢᠷᠡᠬᠦ ᠳᠦ᠂ ᠠᠷᠪᠠᠢ ᠶᠢᠨ ᠬᠤᠷᠢᠶᠠᠯᠲᠠ ᠶᠢᠨ ᠡᠬᠢᠨ ᠦᠶᠡ ᠪᠠᠢᠯᠠ᠃