ᠽᠧᠹᠠᠨᠢᠶᠠ ᠨᠢᠭᠡ
1 ᠶᠦᠳᠠ ᠶᠢᠨ ᠬᠠᠭᠠᠨ᠂ ᠠᠮᠣᠨ ᠤ ᠬᠦᠦ ᠶᠣᠰᠢᠶᠠ ᠶᠢᠨ ᠡᠳᠦᠷ ᠤᠳ ᠲᠤ ᠾᠧᠽᠧᠺᠢᠶᠠ ᠶᠢᠨ ᠭᠤᠴᠢ᠂ ᠠᠮᠠᠷᠢᠶᠠ ᠶᠢᠨ ᠵᠢᠴᠢ᠂ ᠭᠧᠳᠠᠯᠢᠶᠠ ᠶᠢᠨ ᠠᠴᠢ᠂ ᠺᠦᠱᠢ ᠶᠢᠨ ᠬᠥᠪᠡᠭᠦᠨ ᠽᠧᠹᠠᠨᠢᠶᠠ ᠳᠤ ᠢᠷᠡᠭᠰᠡᠨ ᠶᠣᠬᠣᠸᠠ ᠶᠢᠨ ᠦᠭᠡ᠄
ᠪᠦᠬᠦ ᠭᠠᠵᠠᠷ ᠲᠤ ᠪᠠᠭᠤᠬᠤ ᠰᠢᠳᠬᠡᠯ
2 ᠪᠢ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠡᠴᠡ ᠪᠦᠬᠦᠨ ᠢ ᠱᠦᠭᠦᠷᠳᠡᠨᠡ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
3 ᠪᠢ ᠬᠥᠮᠦᠨ ᠠᠮᠢᠲᠠᠨ ᠢ ᠱᠦᠭᠦᠷᠳᠡᠨᠡ ᠪᠢ ᠲᠩᠷᠢ ᠶᠢᠨ ᠰᠢᠪᠠᠭᠤᠳ᠂ ᠳᠠᠯᠠᠢ ᠶᠢᠨ ᠵᠢᠭᠠᠰᠤ ᠨᠤᠭᠤᠳ ᠮᠥᠨ ᠪᠤᠷᠤᠭᠤᠲᠠᠳ ᠢ᠂ ᠪᠦᠳᠦᠷᠢᠭᠦᠯᠦᠭᠴᠢ ᠰᠢᠲᠦᠭᠡᠨ ᠨᠦᠭᠦᠳ ᠢ ᠨᠢ ᠱᠦᠭᠦᠷᠳᠡᠵᠦ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠢ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠡᠴᠡ ᠲᠠᠰᠤᠯᠬᠤ ᠪᠣᠯᠣᠨᠠ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
4 ᠪᠢ ᠶᠦᠳᠠ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠤᠨ ᠪᠦᠬᠦ ᠰᠠᠭᠤᠭᠠᠯᠢᠴᠢ ᠳᠡᠭᠡᠷᠡ ᠭᠠᠷ ᠢᠶᠠᠨ ᠰᠤᠩ᠋ᠭᠠᠨᠠ ᠪᠠᠯ ᠤᠨ ᠦᠯᠡᠳᠡᠭᠳᠡᠯ᠂ ᠮᠥᠨ ᠰᠢᠲᠦᠭᠡᠨ ᠦ ᠲᠠᠬᠢᠯᠴᠢᠳ ᠤᠨ ᠨᠡᠷᠡᠰ ᠢ ᠡᠨᠡ ᠭᠠᠵᠠᠷ ᠠᠴᠠ ᠲᠠᠰᠤᠯᠤᠨᠠ᠂
5 ᠮᠥᠨ ᠳᠡᠭᠡᠪᠦᠷ ᠳᠡᠭᠡᠷᠡ ᠪᠡᠨ ᠲᠩᠷᠢ ᠶᠢᠨ ᠡᠷᠬᠡᠰ ᠲᠦ ᠪᠥᠬᠥᠢᠭ᠍ᠴᠢᠳ ᠶᠣᠬᠣᠸᠠ ᠳᠤ ᠪᠥᠬᠥᠢᠨ ᠲᠠᠩ᠋ᠭᠠᠷᠢᠭᠯᠠᠳᠠᠭ ᠤᠨ ᠬᠠᠵᠠᠭᠤ ᠪᠠᠷ ᠮᠢᠯᠺᠣᠮ ᠢᠶᠠᠷ ᠲᠠᠩ᠋ᠭᠠᠷᠢᠭᠯᠠᠭᠴᠢᠳ
6 ᠶᠣᠬᠣᠸᠠ ᠶᠢ ᠬᠠᠢᠳᠠᠭ ᠦᠭᠡᠢ ᠶᠣᠬᠣᠸᠠ ᠠᠴᠠ ᠭᠤᠶᠤᠳᠠᠭ ᠦᠭᠡᠢ ᠶᠣᠬᠣᠸᠠ ᠠᠴᠠ ᠤᠷᠪᠠᠭᠴᠢᠳ ᠢ ᠲᠠᠰᠤᠯᠤᠨᠠ᠃
7 ᠡᠵᠡᠨ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠳᠠᠭᠤ ᠦᠭᠡᠢ ᠪᠠᠢ︕ ᠶᠣᠬᠣᠸᠠ ᠶᠢᠨ ᠡᠳᠦᠷ ᠣᠢᠷᠠᠬᠠᠨ ᠶᠣᠬᠣᠸᠠ ᠲᠠᠬᠢᠯ ᠢ ᠪᠡᠯᠡᠳᠬᠡᠭᠰᠡᠨ ᠤᠷᠢᠭᠳᠠᠭᠰᠠᠳ ᠢᠶᠠᠨ ᠲᠤᠰᠠᠭᠠᠷᠯᠠᠭᠰᠠᠨ
8 ᠶᠣᠬᠣᠸᠠ ᠶᠢᠨ ᠲᠠᠬᠢᠯ ᠤᠨ ᠡᠳᠦᠷ ᠶᠣᠬᠣᠸᠠ ᠪᠢ ᠨᠣᠶᠠᠳ ᠬᠢᠭᠡᠳ ᠬᠠᠭᠠᠨ ᠤ ᠬᠥᠪᠡᠭᠦᠳ ᠢ ᠮᠥᠨ ᠬᠠᠷᠢ ᠶᠢᠨ ᠬᠤᠪᠴᠠᠰᠤ ᠪᠠᠷ ᠬᠤᠪᠴᠠᠰᠤᠯᠠᠭᠰᠠᠨ ᠪᠦᠬᠦᠨ ᠢ ᠰᠢᠳᠬᠡᠨᠡ᠂
9 ᠲᠡᠷᠡ ᠡᠳᠦᠷ ᠪᠢ ᠪᠣᠱᠣᠭᠠᠨ ᠳᠡᠭᠡᠷᠡ ᠳᠡᠪᠬᠡᠴᠡᠳᠡᠭ ᠪᠦᠭᠦᠳᠡ ᠶᠢ ᠪᠣᠯᠣᠨ ᠶᠣᠬᠣᠸᠠ ᠶᠢᠨ ᠢᠶᠠᠨ ᠥᠷᠭᠥᠭᠡ ᠶᠢ ᠬᠦᠴᠦᠷᠬᠡᠭᠯᠡᠯ᠂ ᠮᠡᠬᠡᠯᠡᠯ ᠢᠶᠡᠷ ᠳᠦᠭᠦᠷᠭᠡᠭᠴᠢᠳ ᠢ ᠰᠢᠳᠬᠡᠬᠦ ᠪᠣᠯᠣᠨᠠ᠃
10 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠡᠷᠡ ᠡᠳᠦᠷ ᠵᠢᠭᠠᠰᠤᠨ ᠬᠠᠭᠠᠯᠭᠠᠨ ᠳᠤ ᠣᠷᠢ ᠳᠠᠭᠤ ᠰᠢᠨᠡ ᠳᠡᠭᠦᠷᠭᠡ 1 ᠳᠤ ᠤᠢ ᠭᠠᠰᠢᠭᠤ ᠲᠣᠯᠣᠭᠠᠳ ᠲᠤ ᠶᠡᠬᠡ ᠨᠦᠵᠢᠭᠢᠨᠡᠭᠡᠨ ᠪᠠᠢᠬᠤ ᠪᠣᠯᠣᠨᠠ᠃
11 ᠬᠤᠳᠠᠯᠳᠤᠭᠠᠨ ᠤ ᠳᠡᠭᠦᠷᠭᠡ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠡ᠂ ᠲᠠ ᠨᠠᠷ ᠭᠠᠰᠢᠭᠤᠳᠠᠭᠲᠤᠨ ᠬᠤᠳᠠᠯᠳᠤᠭᠠᠴᠢᠳ ᠪᠦᠭᠦᠳᠡ ᠤᠰᠠᠲᠤᠨᠠ ᠮᠥᠩᠭᠥ ᠲᠣᠭᠠᠯᠠᠭᠴᠢᠳ ᠪᠦᠭᠦᠳᠡ ᠠᠷᠢᠯᠤᠨᠠ᠃
12 ᠲᠡᠷᠡ ᠦᠶᠡ ᠳᠦ ᠪᠢ ᠳ᠋ᠧᠩ ᠪᠠᠷᠢᠵᠤ ᠶᠧᠷᠦ᠋ᠰᠠᠯᠧᠮ ᠢ ᠨᠡᠩᠵᠢᠨ ᠠᠮᠤᠷᠯᠢᠩ᠋ᠭᠤᠢ ᠬᠥᠮᠦᠰ ᠢ᠂ ᠮᠥᠨ ᠵᠢᠷᠦᠬᠡᠨ ᠳᠡᠭᠡᠨ᠄ 〈ᠶᠣᠬᠣᠸᠠ ᠰᠠᠢᠨ ᠢ ᠴᠤ᠂ ᠮᠠᠭᠤ ᠶᠢ ᠴᠤ ᠦᠢᠯᠡᠳᠬᠦ ᠦᠭᠡᠢ〉 ᠭᠡᠭᠴᠢᠳ ᠢ ᠰᠢᠳᠬᠡᠨᠡ᠃
13 ᠪᠠᠶᠠᠯᠢᠭ ᠨᠢ ᠲᠣᠨᠣᠭᠳᠠᠵᠤ ᠪᠠᠢᠰᠢᠩ ᠤᠳ ᠨᠢ ᠪᠠᠯᠭᠠᠰᠤ ᠪᠣᠯᠣᠨᠠ ᠲᠡᠳᠡ ᠪᠠᠢᠰᠢᠩ ᠪᠠᠷᠢᠭᠰᠠᠨ ᠴᠤ ᠲᠡᠨᠳᠡ ᠪᠡᠨ ᠰᠠᠭᠤᠬᠤ ᠦᠭᠡᠢ ᠦᠵᠦᠮ ᠦᠨ ᠲᠠᠯᠠᠪᠠᠢ ᠪᠠᠢᠭᠤᠯᠤᠭᠰᠠᠨ ᠴᠤ ᠳᠠᠷᠠᠰᠤᠨ ᠠᠴᠠ ᠪᠠᠨ ᠤᠤᠭᠤᠬᠤ ᠦᠭᠡᠢ᠃
14 ᠶᠣᠬᠣᠸᠠ ᠶᠢᠨ ᠠᠭᠤᠤ ᠡᠳᠦᠷ ᠣᠢᠷᠠᠬᠠᠨ ᠣᠢᠷᠠᠬᠠᠨ ᠪᠥᠭᠡᠳ ᠮᠠᠰᠢ ᠬᠤᠷᠳᠤᠨ ᠶᠣᠬᠣᠸᠠ ᠶᠢᠨ ᠡᠳᠦᠷ ᠦᠨ ᠴᠢᠮᠡᠭᠡ ᠪᠠᠢᠨᠠ︕ ᠲᠡᠨᠳᠡ ᠳᠠᠢᠴᠢᠨ ᠤ ᠴᠢᠩᠭ᠍ᠠ ᠬᠠᠰᠬᠢᠷᠤᠭᠠᠨ ᠪᠠᠢᠨᠠ᠃
15 ᠲᠡᠷᠡ ᠡᠳᠦᠷ ᠪᠣᠯ ᠬᠢᠯᠢᠩ ᠤᠨ ᠡᠳᠦᠷ ᠵᠣᠪᠠᠯᠠᠩ ᠵᠦᠳᠡᠭᠦᠷᠢ ᠶᠢᠨ ᠡᠳᠦᠷ ᠬᠣᠬᠢᠷᠠᠯ ᠰᠦᠢᠷᠡᠯ ᠦᠨ ᠡᠳᠦᠷ ᠬᠠᠪ ᠬᠠᠷᠠᠩ᠋ᠭᠤᠢ ᠡᠳᠦᠷ ᠡᠭᠦᠯᠡ ᠮᠠᠨᠠᠨ ᠤ ᠡᠳᠦᠷ
16 ᠪᠡᠬᠢᠯᠡᠯᠲᠡᠲᠦ ᠬᠣᠲᠠ ᠪᠠ ᠥᠨᠳᠥᠷ ᠴᠠᠮᠬᠠᠭ ᠤᠳ ᠢ ᠴᠣᠬᠢᠬᠤ ᠪᠠᠷ ᠪᠦᠷᠢᠶᠡ ᠦᠯᠢᠶᠡᠵᠦ ᠤᠤᠬᠠᠢᠯᠠᠬᠤ ᠡᠳᠦᠷ ᠶᠤᠮ᠂
17 ᠪᠢ ᠬᠥᠮᠦᠰ ᠲᠦ ᠵᠣᠪᠠᠯᠠᠩ ᠠᠪᠴᠢᠷᠠᠨᠠ ᠲᠡᠳᠡ ᠶᠣᠬᠣᠸᠠ ᠳᠤ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠦ ᠤᠯᠠᠮ ᠢᠶᠠᠷ ᠰᠣᠬᠣᠷ ᠬᠥᠮᠦᠨ ᠰᠢᠭ ᠠᠯᠬᠤᠬᠤ ᠪᠣᠯᠣᠨᠠ ᠲᠡᠳᠡᠨ ᠦ ᠴᠢᠰᠤ ᠲᠣᠭᠣᠰᠣ ᠮᠡᠲᠦ ᠭᠡᠳᠡᠰᠦ ᠨᠢ ᠪᠠᠭᠠᠰᠤ ᠮᠡᠲᠦ ᠠᠰᠬᠠᠭᠳᠠᠬᠤ ᠪᠣᠯᠣᠨᠠ᠃
18 ᠶᠣᠬᠣᠸᠠ ᠶᠢᠨ ᠬᠢᠯᠢᠩ ᠤᠨ ᠡᠳᠦᠷ ᠠᠯᠲᠠ ᠮᠥᠩᠭᠥ ᠨᠢ ᠲᠡᠳᠡᠨ ᠢ ᠴᠢᠯᠥᠭᠡᠯᠡᠵᠦ ᠦᠯᠦ ᠴᠢᠳᠠᠨᠠ ᠲᠡᠷᠡ ᠪᠡᠷ ᠭᠠᠵᠠᠷ ᠤᠨ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠢ ᠭᠡᠨᠡᠳᠲᠡᠬᠡᠨ ᠡᠴᠦᠰᠯᠡᠭᠦᠯᠦᠨᠡ ᠲᠡᠭᠦᠨ ᠦ ᠬᠠᠷᠠᠳᠠᠯᠲᠠ ᠶᠢᠨ ᠭᠠᠯ ᠳᠤ ᠪᠦᠬᠦ ᠭᠠᠵᠠᠷ ᠴᠥᠯᠮᠦᠭᠳᠡᠬᠦ ᠪᠣᠯᠣᠨᠠ᠃