ᠽᠧᠹᠠᠨᠢᠶᠠ ᠬᠣᠶᠠᠷ
1 ᠢᠴᠢᠬᠦ ᠦᠭᠡᠢ ᠦᠨᠳᠦᠰᠦᠲᠡᠨ ᠡ᠂ ᠲᠠ ᠨᠠᠷ ᠬᠤᠷᠠᠨ ᠴᠤᠭᠯᠠᠷᠠᠵᠠᠭᠠ᠃
2 ᠡᠳᠦᠷ ᠨᠢ ᠬᠡᠪᠡᠭ ᠮᠡᠲᠦ ᠬᠡᠶᠢᠰᠴᠦ ᠲᠣᠪᠯᠠᠭᠰᠠᠨ ᠴᠠᠭ ᠪᠣᠯᠬᠤ ᠶᠢᠨ ᠡᠮᠦᠨᠡ ᠶᠣᠬᠣᠸᠠ ᠶᠢᠨ ᠳᠣᠭᠰᠢᠨ ᠠᠭᠤᠷ ᠲᠠ ᠨᠠᠷ ᠳᠡᠭᠡᠷᠡ ᠪᠠᠭᠤᠵᠤ ᠶᠣᠬᠣᠸᠠ ᠶᠢᠨ ᠬᠢᠯᠢᠩ ᠤᠨ ᠡᠳᠦᠷ ᠲᠠ ᠨᠠᠷ ᠳᠡᠭᠡᠷᠡ ᠢᠷᠡᠬᠦ ᠡᠴᠡ ᠡᠮᠦᠨᠡ ᠴᠤᠭᠯᠠᠷᠠᠵᠠᠭᠠ᠃
3 ᠲᠡᠭᠦᠨ ᠦ ᠵᠢᠷᠤᠮ ᠢ ᠰᠠᠬᠢᠳᠠᠭ ᠳᠡᠯᠡᠬᠡᠢ ᠶᠢᠨ ᠪᠦᠬᠦᠢᠯᠡ ᠳᠠᠷᠤᠤ ᠬᠥᠮᠦᠰ ᠡ ᠶᠣᠬᠣᠸᠠ ᠶᠢ ᠬᠠᠢ᠂ ᠵᠥᠪ ᠢ᠂ ᠳᠠᠷᠤᠤ ᠶᠢ ᠬᠠᠢ ᠲᠡᠭᠡᠪᠡᠯ ᠲᠠ ᠨᠠᠷ ᠶᠣᠬᠣᠸᠠ ᠶᠢᠨ ᠬᠢᠯᠢᠩ ᠤᠨ ᠡᠳᠦᠷ ᠨᠢᠭᠤᠭᠳᠠᠬᠤ ᠪᠠᠢᠬᠠ᠃
ᠦᠨᠳᠦᠰᠦᠲᠡᠨ ᠨᠦᠭᠦᠳ ᠰᠢᠳᠬᠡᠭᠳᠡᠨᠡ
4 ᠭᠠᠽᠠ ᠬᠠᠶᠠᠭᠳᠠᠵᠤ ᠠᠱᠺᠧᠯᠣᠨ ᠡᠵᠡᠭᠦᠢᠷᠡᠵᠦ ᠠᠱᠢᠳᠣᠳ᠋ ᠦᠳᠡ ᠳᠤᠮᠳᠠ ᠬᠥᠭᠡᠭᠡᠭᠳᠡᠵᠦ ᠡᠺᠷᠣᠨ ᠦᠨᠳᠦᠰᠦ ᠪᠡᠷ ᠢᠶᠠᠨ ᠰᠤᠭᠤᠯᠤᠭᠳᠠᠨᠠ᠃
5 ᠳᠠᠯᠠᠢ ᠶᠢᠨ ᠡᠷᠭᠢ ᠳᠤ ᠰᠠᠭᠤᠳᠠᠭ ᠬᠧᠷᠧᠲ᠋ᠴᠦᠳ ᠭᠠᠰᠠᠯᠠᠩᠲᠠᠶᠠ ᠹᠢᠯᠢᠰᠲ᠋ᠴᠦᠳ ᠦᠨ ᠨᠤᠲᠤᠭ᠂ ᠺᠠᠨᠠᠨ ᠡ 《ᠪᠢ ᠴᠢᠮᠠᠶᠢ ᠤᠰᠠᠳᠬᠠᠨᠠ᠂ ᠬᠡᠨ ᠴᠤ ᠦᠯᠡᠳᠡᠬᠦ ᠦᠭᠡᠢ》 ᠭᠡᠵᠦ ᠴᠢᠨᠦ ᠡᠰᠡᠷᠭᠦ ᠠᠢᠯᠠᠳᠤᠭᠰᠠᠨ ᠶᠣᠬᠣᠸᠠ ᠶᠢᠨ ᠦᠭᠡ ᠪᠠᠢᠨᠠ᠂
6 ᠲᠡᠢᠮᠦ ᠡᠴᠡ ᠳᠠᠯᠠᠢ ᠶᠢᠨ ᠡᠷᠭᠢ ᠨᠢ ᠪᠡᠯᠴᠢᠭᠡᠷ ᠪᠣᠯᠵᠤ ᠮᠠᠯᠴᠢᠳ ᠤᠨ ᠵᠤᠰᠠᠯᠠᠩ᠂ ᠮᠠᠯ ᠤᠨ ᠬᠠᠰᠢᠶᠠ ᠲᠡᠨᠳᠡ ᠪᠠᠢᠬᠤ ᠪᠣᠯᠣᠨᠠ᠃
7 ᠬᠣᠵᠢᠮ ᠲᠡᠷᠡ ᠡᠷᠭᠢ ᠶᠦᠳᠠ ᠶᠢᠨ ᠭᠡᠷ ᠦᠨ ᠦᠯᠡᠳᠡᠭᠰᠡᠳ ᠦᠨ ᠬᠢ ᠪᠣᠯᠣᠨᠠ ᠲᠡᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠲᠡᠳᠡᠨ ᠢ ᠬᠠᠯᠠᠮᠵᠢᠯᠠᠵᠤ ᠴᠥᠯᠡᠯᠭᠡ ᠡᠴᠡ ᠪᠤᠴᠠᠭᠠᠬᠤ ᠲᠤᠯᠠ ᠲᠡᠳᠡ ᠲᠡᠨᠳᠡ ᠪᠡᠯᠴᠢᠬᠦ ᠪᠥᠭᠡᠳ ᠦᠳᠡᠰᠢ ᠠᠱᠺᠧᠯᠣᠨ ᠤ ᠭᠡᠷ ᠤᠳ ᠲᠤ ᠠᠮᠠᠷᠠᠨᠠ
8 ᠮᠣᠶᠠᠪ ᠤᠨ ᠳᠣᠭᠣᠭᠢ ᠠᠮᠣᠨᠴᠤᠳ ᠤᠨ ᠳᠣᠷᠣᠮᠵᠢᠯᠠᠯ ᠢ ᠪᠢ ᠰᠣᠨᠣᠰᠣᠯᠠ ᠠᠷᠠᠳ ᠲᠦᠮᠡᠨ ᠢ ᠮᠢᠨᠢ ᠲᠡᠳᠡ ᠳᠣᠭᠣᠭᠢᠯᠠᠵᠤ ᠬᠢᠯᠢ ᠬᠢᠵᠠᠭᠠᠷ ᠲᠤᠨᠢ ᠬᠠᠯᠳᠠᠪᠠ᠂
9 ᠲᠡᠢᠮᠦ ᠡᠴᠡ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ ᠮᠣᠶᠠᠪ ᠨᠢ ᠰᠣᠳᠣᠮ ᠰᠢᠭ᠋ ᠠᠮᠣᠨᠴᠤᠳ ᠨᠢ ᠭᠣᠮᠣᠷᠠ ᠰᠢᠭ᠋ ᠬᠣᠭ ᠤᠨ ᠡᠪᠡᠰᠦ ᠪᠠ ᠳᠠᠪᠤᠰᠤᠨ ᠨᠦᠬᠡ ᠪᠡᠷ ᠳᠦᠭᠦᠷᠡᠩ ᠡᠭᠦᠷᠢᠳᠡ ᠶᠢᠨ ᠡᠵᠡᠭᠦᠢ ᠭᠠᠵᠠᠷ ᠪᠣᠯᠣᠨᠠ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠦᠯᠡᠳᠡᠭᠰᠡᠳ ᠲᠡᠳᠡᠨ ᠢ ᠲᠣᠨᠣᠨᠠ ᠦᠨᠳᠦᠰᠦᠲᠡᠨ ᠦ ᠮᠢᠨᠢ ᠦᠯᠡᠳᠡᠭᠰᠡᠳ ᠲᠡᠳᠡᠨ ᠦ ᠬᠢ ᠶᠢ ᠥᠪᠯᠡᠨᠡ᠃
10 ᠲᠡᠳᠡ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠠᠷᠠᠳ ᠲᠦᠮᠡᠨ ᠢ ᠳᠣᠭᠣᠭᠢᠯᠠᠨ ᠳᠣᠷᠣᠮᠵᠢᠯᠠᠵᠤ᠂ ᠪᠠᠷᠳᠠᠮᠨᠠᠭᠰᠠᠨ ᠤ ᠪᠠᠨ ᠤᠯᠠᠮ ᠢᠶᠠᠷ ᠡᠨᠡ ᠬᠠᠷᠢᠭᠤ ᠶᠢ ᠠᠪᠬᠤ ᠪᠣᠯᠣᠨᠠ᠃
11 ᠶᠣᠬᠣᠸᠠ ᠲᠡᠳᠡᠨ ᠳᠦ ᠠᠶᠤᠮᠰᠢᠭ ᠲᠠᠢ ᠪᠠᠷ ᠬᠠᠨᠳᠤᠨᠠ᠂ ᠳᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠪᠤᠷᠬᠠᠨ ᠢ ᠥᠴᠦᠬᠡᠨ ᠪᠣᠯᠭᠠᠵᠤ ᠳᠠᠯᠠᠢ ᠶᠢᠨ ᠡᠷᠭᠢ ᠪᠦᠷᠢ ᠶᠢᠨ ᠬᠠᠷᠢᠴᠤᠳ ᠥᠪᠡᠷ ᠥᠪᠡᠷᠰᠡᠳ ᠦᠨ ᠢᠶᠠᠨ ᠨᠤᠲᠤᠭ ᠲᠤ ᠶᠣᠬᠣᠸᠠ ᠳᠤ ᠮᠥᠷᠭᠥᠬᠦ ᠪᠣᠯᠣᠨᠠ᠃
12 ᠺᠦᠱᠴᠦᠳ ᠡ᠂ ᠲᠠ ᠨᠠᠷ ᠮᠥᠨ ᠮᠢᠨᠦ ᠢᠯᠳᠦᠨ ᠳᠦ ᠠᠯᠠᠭᠳᠠᠨᠠ᠃
13 ᠶᠣᠬᠣᠸᠠ ᠤᠮᠠᠷᠠ ᠲᠡᠰᠢ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠨ ᠠᠰᠢᠷᠢᠶᠠ ᠶᠢ ᠰᠥᠨᠥᠭᠡᠵᠦ᠂ ᠨᠢᠨᠧᠸᠧ ᠶᠢ ᠬᠣᠭᠣᠰᠣᠷᠠᠭᠤᠯᠤᠨ ᠴᠥᠯ ᠮᠡᠲᠦ ᠬᠠᠲᠠᠭᠠᠨᠠ᠃
14 ᠲᠥᠪ ᠲᠤᠨᠢ ᠮᠠᠯ ᠰᠦᠷᠦᠭ ᠲᠥᠷᠥᠯ ᠪᠦᠷᠢ ᠶᠢᠨ ᠠᠷᠢᠶᠠᠲᠠᠳ ᠬᠡᠪᠲᠡᠨᠡ ᠣᠷᠣᠢ ᠳᠡᠭᠡᠷᠡ ᠨᠢ ᠣᠭᠣᠯᠢ ᠨᠤᠭᠤᠳ᠂ ᠰᠢᠷᠠ ᠰᠢᠪᠠᠭᠤᠳ ᠬᠣᠨᠣᠭᠯᠠᠨᠠ ᠲᠡᠳᠡᠨ ᠦ ᠳᠠᠭᠤ ᠴᠣᠩ᠋ᠬᠣ ᠪᠠᠷ ᠰᠣᠨᠣᠰᠳᠠᠨᠠ ᠪᠣᠱᠣᠭᠠᠨ ᠳᠡᠭᠡᠷᠡ ᠨᠢ ᠬᠠᠢᠷ ᠴᠢᠯᠠᠭᠤ ᠰᠠᠴᠤᠭᠳᠠᠨᠠ ᠬᠤᠱᠢ ᠨᠢᠷᠤᠭᠤ ᠨᠤᠭᠤᠳ ᠢᠯᠡ ᠭᠠᠷᠬᠤ ᠪᠣᠯᠣᠨᠠ᠃
15 ᠤᠤᠯ ᠨᠢ ᠲᠡᠷᠡ ᠠᠶᠤᠯ ᠦᠭᠡᠢ ᠰᠠᠭᠤᠵᠤ ᠪᠣᠯᠬᠤ ᠠᠮᠤᠷᠯᠢᠩ᠋ᠭᠤᠢ ᠬᠣᠲᠠ᠂ ᠵᠢᠷᠦᠬᠡᠨ ᠳᠡᠭᠡᠨ᠄ 《ᠪᠢ ᠪᠠᠢᠨᠠ᠂ ᠥᠭᠡᠷᠡ ᠬᠡᠨ ᠴᠤ ᠬᠡᠷᠡᠭ ᠦᠭᠡᠢ》 ᠭᠡᠵᠦ ᠬᠡᠯᠡᠳᠡᠭ ᠪᠠᠢᠭᠰᠠᠨ ᠲᠡᠷᠡ ᠡᠳᠦᠭᠡ ᠬᠡᠷᠬᠢᠨ ᠡᠵᠡᠭᠦᠢᠷᠡᠵᠦ᠂ ᠠᠷᠢᠶᠠᠲᠠᠳ ᠤᠨ ᠠᠮᠠᠷᠠᠳᠠᠭ ᠭᠠᠵᠠᠷ ᠪᠣᠯᠣᠭᠰᠠᠨ ᠪᠣᠯ︕ ᠲᠡᠷᠡᠭᠦᠷ ᠥᠩᠭᠡᠷᠡᠬᠦ ᠬᠥᠮᠦᠨ ᠪᠣᠯᠭᠠᠨ ᠳᠣᠭᠣᠭᠢᠯᠠᠵᠤ᠂ ᠬᠤᠷᠤᠭᠤ ᠪᠠᠷ ᠢᠶᠠᠨ ᠴᠢᠴᠢᠯᠡᠬᠦ ᠪᠣᠯᠣᠨᠠ᠃