ᠭᠠᠯᠠᠲ᠋ᠢᠶᠠ ᠨᠢᠭᠡ
1 ᠬᠥᠮᠦᠰ ᠡᠴᠡ ᠪᠢᠰᠢ᠂ ᠬᠥᠮᠦᠨ ᠢᠶᠡᠷ ᠴᠤ ᠪᠢᠰᠢ᠂ ᠬᠠᠷᠢᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠪᠠ ᠲᠡᠭᠦᠨ ᠢ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠠᠴᠠ ᠠᠮᠢᠯᠠᠭᠤᠯᠤᠭᠰᠠᠨ ᠡᠴᠢᠭᠡ ᠪᠤᠷᠬᠠᠨ ᠢᠶᠠᠷ ᠰᠢᠳᠠᠷ ᠱᠠᠪᠢ ᠪᠣᠯᠣᠭᠰᠠᠨ ᠫᠠᠦ᠋ᠯ ᠪᠢ ᠪᠣᠯᠣᠨ 2 ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠭᠠ ᠪᠦᠬᠦ ᠠᠬᠠ ᠳᠡᠭᠦᠦ ᠡᠴᠡ ᠭᠠᠯᠠᠲ᠋ᠢᠶᠠ ᠶᠢᠨ ᠴᠢᠭᠤᠯᠭᠠᠨ ᠨᠤᠭᠤᠳ ᠲᠤ᠄
3 ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ ᠪᠠ ᠡᠵᠡᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠤᠨ ᠢᠪᠡᠭᠡᠯ᠂ ᠠᠮᠤᠭᠤᠯᠠᠩ ᠲᠠ ᠨᠠᠷ ᠲᠤ ᠪᠠᠢᠬᠤ ᠪᠣᠯᠲᠤᠭᠠᠢ᠃ 4 ᠢᠰᠦ᠋ᠰ ᠪᠢᠳᠡᠨ ᠦ ᠡᠴᠢᠭᠡ ᠪᠤᠷᠬᠠᠨ ᠤ ᠰᠠᠨᠠᠭᠠ ᠶᠢ ᠳᠠᠭᠠᠨ ᠪᠢᠳᠡᠨ ᠢ ᠣᠳᠣ ᠶᠢᠨ ᠬᠣᠷᠣᠨ ᠮᠠᠭᠤ ᠦᠶᠡ ᠡᠴᠡ ᠭᠡᠲᠦᠯᠭᠡᠬᠦ ᠭᠡᠰᠡᠨ ᠳᠡᠭᠡᠨ ᠪᠢᠳᠡᠨ ᠦ ᠭᠡᠮ ᠨᠢᠭᠦᠯ ᠦᠨ ᠲᠥᠯᠥᠭᠡ ᠥᠪᠡᠷ ᠢ ᠪᠠᠨ ᠡᠷᠭᠦᠵᠡᠢ᠃ 5 ᠠᠯᠳᠠᠷ ᠰᠤᠤ ᠮᠥᠩᠬᠡ ᠶᠢᠨ ᠮᠥᠩᠬᠡᠳᠡ ᠡᠴᠢᠭᠡ ᠪᠤᠷᠬᠠᠨ ᠤ ᠬᠢ᠂ ᠠᠮᠧᠨ︕
ᠭᠤᠢᠪᠢᠯᠵᠠᠬᠤ ᠶᠢᠨ ᠠᠶᠤᠯ
6 ᠾᠷᠢᠰᠲ᠋ᠣᠰ ᠤᠨ ᠢᠪᠡᠭᠡᠯ ᠳᠦ ᠳᠠᠭᠤᠳᠠᠭᠰᠠᠨ ᠨᠢᠭᠡᠨ ᠡᠴᠡ ᠲᠠ ᠨᠠᠷ ᠡᠢᠮᠦ ᠲᠦᠷᠭᠡᠨ ᠵᠠᠢᠳᠠᠵᠤ᠂ ᠥᠭᠡᠷᠡ ᠲᠥᠷᠥᠯ ᠦᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠤᠷᠤᠭᠤ ᠰᠢᠯᠵᠢᠵᠦ ᠪᠠᠢᠭᠠ ᠳᠤ ᠪᠢ ᠭᠠᠢᠬᠠᠵᠤ ᠪᠠᠢᠨᠠ᠃ 7 ᠦᠨᠡᠨ ᠳᠡᠭᠡᠨ ᠥᠭᠡᠷᠡ ᠲᠥᠷᠥᠯ ᠦᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠭᠡᠵᠦ ᠪᠠᠢᠬᠤ ᠦᠭᠡᠢ᠂ ᠬᠠᠷᠢᠨ ᠵᠠᠷᠢᠮ ᠨᠢ ᠲᠠ ᠨᠠᠷ ᠢ ᠦᠢᠮᠡᠭᠦᠯᠦᠨ᠂ ᠾᠷᠢᠰᠲ᠋ᠣᠰ ᠤᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠭᠤᠢᠪᠢᠭᠤᠯᠬᠤ ᠭᠡᠵᠦ ᠪᠠᠢᠨᠠ᠃ 8 ᠭᠡᠪᠡᠴᠦ ᠪᠢᠳᠡ ᠴᠤ ᠭᠡᠰᠡᠨ᠂ ᠲᠩᠷᠢ ᠶᠢᠨ ᠡᠯᠴᠢ ᠴᠤ ᠭᠡᠰᠡᠨ᠂ ᠪᠢᠳᠡᠨ ᠦ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠭᠰᠠᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠡᠴᠡ ᠥᠭᠡᠷᠡ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠪᠠᠯ ᠲᠡᠷᠡ ᠵᠦᠬᠡᠭᠳᠡᠲᠦᠭᠡᠢ᠃ 9 ᠤᠷᠢᠳᠤ ᠨᠢ ᠬᠡᠯᠡᠭᠰᠡᠨ ᠲᠡᠢ ᠠᠳᠠᠯᠢ ᠣᠳᠣ ᠳᠠᠬᠢᠨ ᠬᠡᠯᠡᠶᠡ᠂ ᠬᠡᠨ ᠴᠤ ᠪᠠᠢ᠂ ᠲᠠ ᠨᠠᠷ ᠤᠨ ᠬᠦᠷᠲᠡᠭᠰᠡᠨ ᠡᠴᠡ ᠥᠭᠡᠷᠡ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠲᠠ ᠨᠠᠷ ᠲᠤ ᠤᠯᠠᠮᠵᠢᠯᠠᠪᠠᠯ ᠵᠦᠬᠡᠭᠳᠡᠲᠦᠭᠡᠢ᠃
10 ᠣᠳᠣ ᠪᠢ ᠬᠥᠮᠦᠨ ᠦ ᠰᠠᠢᠰᠢᠶᠠᠯ ᠢ ᠬᠦᠰᠡᠵᠦ ᠪᠠᠢᠨᠠ ᠤᠤ︖ ᠪᠤᠷᠬᠠᠨ ᠤ ᠰᠠᠢᠰᠢᠶᠠᠯ ᠢ ᠬᠦᠰᠡᠵᠦ ᠪᠠᠢᠨᠠ ᠤᠤ︖ ᠪᠢ ᠬᠥᠮᠦᠰ ᠢ ᠪᠠᠶᠠᠷᠯᠠᠭᠤᠯᠬᠤ ᠪᠠᠷ ᠬᠢᠴᠢᠶᠡᠵᠦ ᠪᠠᠢᠨᠠ ᠭᠡᠵᠢ ᠤᠤ︖ ᠬᠡᠷᠪᠡ ᠪᠢ ᠬᠥᠮᠦᠰ ᠢ ᠪᠠᠶᠠᠷᠯᠠᠭᠤᠯᠬᠤ ᠭᠡᠰᠡᠨ ᠶᠤᠮ ᠪᠣᠯ ᠾᠷᠢᠰᠲ᠋ᠣᠰ ᠤᠨ ᠵᠠᠷᠤᠴᠠ ᠪᠢᠰᠢ ᠪᠠᠢᠬᠤ ᠰᠠᠨ᠃
ᠤᠯᠠᠮᠵᠢᠯᠠᠭᠰᠠᠨ ᠪᠠᠶᠠᠷ ᠤᠨ ᠮᠡᠳᠡᠭᠡᠨ ᠦ ᠰᠤᠷᠪᠤᠯᠵᠢ
11 ᠠᠬᠠ ᠳᠡᠭᠦᠦ ᠨᠠᠷ ᠡ᠂ ᠲᠠ ᠨᠠᠷ ᠲᠤ ᠮᠡᠳᠡᠭᠳᠡᠶᠡ᠃ ᠤᠯᠠᠮᠵᠢᠯᠠᠭᠰᠠᠨ ᠪᠠᠶᠠᠷ ᠤᠨ ᠮᠡᠳᠡᠭᠡ ᠮᠢᠨᠢ ᠬᠥᠮᠦᠨ ᠦ ᠬᠢ ᠪᠢᠰᠢ᠃ 12 ᠤᠴᠢᠷ ᠨᠢ᠂ ᠲᠡᠭᠦᠨ ᠢ ᠬᠥᠮᠦᠨ ᠡᠴᠡ ᠠᠪᠤᠭᠰᠠᠨ ᠪᠤᠰᠤ᠂ ᠬᠥᠮᠦᠨ ᠢᠶᠡᠷ ᠵᠢᠭᠠᠯᠭᠠᠭᠰᠠᠨ ᠴᠤ ᠪᠤᠰᠤ᠂ ᠬᠠᠷᠢᠨ ᠢᠰᠦ᠋ᠰ ᠾᠷᠢᠰᠲ᠋ᠣᠰ ᠢᠯᠡᠷᠬᠡᠶᠢᠯᠡᠭᠰᠡᠨ ᠶᠤᠮ᠃
13 ᠶᠦᠳᠠᠢ ᠶᠢᠨ ᠱᠠᠰᠢᠨ ᠲᠠᠢ ᠪᠠᠢᠬᠤ ᠦᠶᠡ ᠶᠢᠨ ᠶᠠᠪᠤᠳᠠᠯ ᠢ ᠮᠢᠨᠢ ᠲᠠ ᠨᠠᠷ ᠰᠣᠨᠣᠰᠣᠭᠰᠠᠨ ᠪᠢᠯᠡ᠃ ᠪᠢ ᠪᠤᠷᠬᠠᠨ ᠤ ᠴᠢᠭᠤᠯᠭᠠᠨ ᠢ ᠰᠦᠷᠡᠬᠡᠢ ᠬᠠᠪᠴᠢᠨ ᠤᠰᠠᠳᠬᠠᠭᠰᠠᠭᠠᠷ 14 ᠶᠦᠳᠠᠢ ᠶᠢᠨ ᠱᠠᠰᠢᠨ ᠢ ᠰᠢᠲᠦᠳᠡᠭ ᠶᠠᠰᠤᠲᠠᠨ ᠤ ᠪᠠᠨ ᠦᠶᠡ ᠬᠤᠷᠠᠭᠴᠤᠤᠯ ᠢ ᠬᠣᠰᠢᠭᠤᠴᠢᠯᠠᠨ ᠳᠡᠭᠡᠳᠦᠰ ᠦᠨ ᠢᠶᠠᠨ ᠤᠯᠠᠮᠵᠢᠯᠠᠯ ᠳᠤ ᠦᠯᠡᠮᠵᠢ ᠵᠢᠳᠬᠦᠵᠦ ᠪᠠᠢᠭᠰᠠᠨ᠃ 15 ᠬᠠᠷᠢᠨ ᠨᠠᠮᠠᠶᠢ ᠡᠬᠡ ᠶᠢᠨ ᠬᠡᠪᠡᠯᠢ ᠳᠤ ᠪᠠᠢᠬᠤ ᠳᠤ ᠲᠤᠰᠠᠭᠠᠷᠯᠠᠵᠤ ᠢᠪᠡᠭᠡᠯ ᠢᠶᠡᠷ ᠢᠶᠠᠨ ᠳᠠᠭᠤᠳᠠᠭᠰᠠᠨ ᠪᠤᠷᠬᠠᠨ 16 ᠨᠠᠳᠠ ᠪᠠᠷ ᠬᠦᠦ ᠶᠢᠨ ᠢᠶᠠᠨ ᠮᠡᠳᠡᠭᠡ ᠶᠢ ᠬᠠᠷᠢᠴᠤᠳ ᠲᠤ ᠲᠤᠩ᠋ᠬᠠᠭᠯᠠᠭᠤᠯᠬᠤ ᠭᠡᠵᠦ ᠨᠠᠳᠠ ᠳᠤ ᠬᠦᠦ ᠪᠡᠨ ᠢᠯᠡᠷᠡᠭᠦᠯᠬᠦ ᠶᠢ ᠰᠠᠢᠨ ᠬᠡᠮᠡᠨ ᠦᠵᠡᠪᠡ᠃ ᠪᠢ ᠮᠢᠬᠠ ᠴᠢᠰᠤᠲᠤ ᠬᠥᠮᠦᠨ ᠡᠴᠡ ᠰᠠᠨᠠᠯ ᠠᠰᠠᠭᠤᠭᠰᠠᠨ ᠦᠭᠡᠢ᠂ 17 ᠨᠠᠳᠠ ᠠᠴᠠ ᠤᠷᠢᠳᠠ ᠰᠢᠳᠠᠷ ᠱᠠᠪᠢ ᠪᠣᠯᠣᠭᠰᠠᠨ ᠬᠥᠮᠦᠰ ᠲᠡᠢ ᠠᠭᠤᠯᠵᠠᠬᠤ ᠭᠡᠵᠦ ᠶᠧᠷᠦ᠋ᠰᠠᠯᠧᠮ ᠳᠤ ᠴᠤ ᠣᠴᠢᠭᠰᠠᠨ ᠦᠭᠡᠢ ᠪᠠᠷ ᠳᠠᠷᠤᠢ ᠳᠤᠨᠢ ᠠᠷᠠᠪ ᠤᠷᠤᠭᠤ ᠶᠠᠪᠤᠭᠰᠠᠨ ᠪᠥᠭᠡᠳ ᠳᠠᠷᠠᠭᠠ ᠨᠢ ᠳ᠋ᠠᠮᠠᠰᠺᠦ᠋ᠰ ᠲᠤ ᠪᠤᠴᠠᠪᠠ᠃
18 ᠭᠤᠷᠪᠠᠨ ᠵᠢᠯ ᠤᠨ ᠳᠠᠷᠠᠭᠠ ᠪᠢ ᠺᠧᠹᠠ 1 ᠲᠠᠢ ᠲᠠᠨᠢᠯᠴᠠᠬᠤ ᠪᠠᠷ ᠶᠧᠷᠦ᠋ᠰᠠᠯᠧᠮ ᠳᠤ ᠣᠴᠢᠵᠤ ᠠᠷᠪᠠᠨ ᠲᠠᠪᠤᠨ ᠬᠣᠨᠣᠭ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠭᠰᠠᠨ᠃ 19 ᠲᠡᠭᠦᠨ ᠡᠴᠡ ᠭᠠᠳᠠᠨᠠ᠂ ᠡᠵᠡᠨ ᠦ ᠳᠡᠭᠦᠦ ᠶᠠᠺᠣᠪ ᠠᠴᠠ ᠥᠭᠡᠷᠡ ᠰᠢᠳᠠᠷ ᠱᠠᠪᠢ ᠶᠢ ᠪᠢ ᠬᠠᠷᠠᠭᠰᠠᠨ ᠦᠭᠡᠢ᠃ 20 (ᠲᠠ ᠨᠠᠷ ᠲᠤ ᠪᠢᠴᠢᠵᠦ ᠪᠠᠢᠭᠠ ᠦᠭᠡᠰ ᠦᠨ ᠮᠢᠨᠢ ᠬᠤᠳᠠᠯ ᠪᠢᠰᠢ ᠶᠢ ᠪᠤᠷᠬᠠᠨ ᠤ ᠡᠮᠦᠨᠡ ᠪᠠᠲᠤᠯᠠᠶᠠ᠃) 21 ᠳᠠᠷᠠᠭᠠ ᠨᠢ ᠪᠢ ᠰᠢᠷᠢᠶᠠ ᠪᠣᠯᠣᠨ ᠺᠢᠯᠢᠺᠢᠶᠠ ᠶᠢᠨ ᠨᠤᠲᠤᠭ ᠤᠳ ᠢᠶᠠᠷ ᠶᠠᠪᠤᠪᠠ᠃ 22 ᠲᠡᠢᠮᠦ ᠡᠴᠡ ᠶᠦᠳᠠᠢ ᠳᠤ ᠪᠠᠢᠭᠠ ᠾᠷᠢᠰᠲ᠋ᠣᠰ ᠤᠨ ᠴᠢᠭᠤᠯᠭᠠᠨ ᠤ ᠬᠢᠨ ᠨᠠᠳᠠ ᠲᠠᠢ ᠨᠢᠭᠤᠷ ᠵᠣᠯᠭᠠᠨ ᠲᠠᠨᠢᠯᠴᠠᠯ ᠦᠭᠡᠢ ᠪᠠᠷ 23 《ᠤᠷᠢᠳᠤ ᠨᠢ ᠪᠢᠳᠡᠨ ᠢ ᠬᠠᠪᠴᠢᠳᠠᠭ ᠪᠠᠢᠭᠰᠠᠨ ᠲᠡᠷᠡ ᠬᠥᠮᠦᠨ ᠤᠰᠠᠳᠬᠠᠬᠤ ᠭᠡᠵᠦ ᠪᠠᠢᠭᠰᠠᠨ ᠲᠡᠷᠡ ᠢᠲᠡᠭᠡᠯ ᠢᠶᠡᠨ ᠳᠡᠯᠭᠡᠷᠡᠭᠦᠯᠵᠦ ᠪᠠᠢᠭᠠ》 ᠭᠡᠳᠡᠭ ᠢ ᠯᠠ ᠰᠣᠨᠣᠰᠣᠭᠠᠳ᠂ 24 ᠮᠢᠨᠦ ᠤᠴᠢᠷ ᠢᠶᠠᠷ ᠪᠤᠷᠬᠠᠨ ᠢ ᠠᠯᠳᠠᠷᠰᠢᠭᠤᠯᠵᠤ ᠪᠠᠢᠯᠠ᠃