ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠨᠢᠭᠡ
ᠵᠣᠷᠢᠯᠭᠠ ᠪᠠ ᠭᠣᠣᠯ ᠰᠡᠳᠦᠪ
1 ᠡᠨᠡ ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠪᠣᠯ ᠢᠰᠷᠧᠯ ᠤᠨ ᠬᠠᠭᠠᠨ᠂ ᠳ᠋ᠠᠸᠢᠳ᠋ ᠤᠨ ᠬᠥᠪᠡᠭᠦᠨ ᠰᠣᠯᠣᠮᠣᠨ ᠤ ᠬᠢ ᠪᠥᠭᠡᠳ
2 ᠮᠡᠷᠭᠡᠨ ᠤᠬᠠᠭᠠᠨ ᠬᠢᠭᠡᠳ ᠵᠢᠭᠠᠪᠤᠷᠢ ᠶᠢ ᠮᠡᠳᠡᠬᠦ ᠮᠡᠳᠡᠯᠭᠡ ᠤᠬᠠᠭᠠᠨ ᠤ ᠦᠭᠡ ᠬᠡᠯᠡ ᠶᠢ ᠣᠢᠯᠠᠭᠠᠬᠤ
3 ᠵᠥᠪ᠂ ᠰᠢᠳᠤᠷᠭᠤ᠂ ᠭᠣᠣᠯᠴᠢ ᠶᠣᠰᠣ ᠶᠢ ᠤᠬᠠᠭᠠᠷᠠᠬᠤ ᠵᠢᠭᠠᠪᠤᠷᠢ ᠶᠢ ᠠᠪᠬᠤ
4 ᠬᠡᠷᠰᠡᠦ ᠤᠬᠠᠭᠠᠨ ᠢ ᠭᠡᠨᠡᠨ ᠨᠢᠭᠡᠨ ᠳᠦ ᠮᠡᠳᠡᠯᠭᠡ ᠪᠠ ᠪᠣᠳᠣᠯᠭᠠ ᠶᠢ ᠢᠳᠡᠷ ᠵᠠᠯᠠᠭᠤ ᠳᠤ ᠥᠭᠬᠦ ᠶᠢᠨ ᠲᠤᠯᠠᠳᠠ ᠶᠤᠮ᠃
5 《ᠮᠡᠷᠭᠡᠨ ᠨᠢ ᠰᠣᠨᠣᠰᠴᠤ ᠮᠡᠳᠡᠯᠭᠡ ᠪᠡᠨ ᠳᠡᠯᠡᠨᠡ ᠤᠬᠠᠭᠠᠯᠢᠭ ᠨᠢ ᠴᠢᠭᠯᠡᠯ ᠢᠶᠡᠨ ᠣᠯᠣᠨᠠ᠂》
6 ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠢᠭᠡᠳ ᠶᠣᠭᠲᠠ ᠶᠠᠷᠢᠶᠠ ᠮᠡᠷᠭᠡᠳ ᠦᠨ ᠦᠭᠡᠰ ᠬᠢᠭᠡᠳ ᠣᠨᠢᠰᠣᠭᠠ ᠲᠠᠭᠠᠪᠤᠷᠢ ᠶᠢ ᠣᠢᠯᠠᠭᠠᠬᠤ ᠪᠣᠯᠣᠨᠠ᠃
7 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠮᠡᠳᠡᠯᠭᠡ ᠶᠢᠨ ᠡᠬᠢᠯᠡᠯ ᠮᠤᠩ᠋ᠬᠠᠭ ᠨᠢ ᠬᠠᠷᠢᠨ ᠮᠡᠷᠭᠡᠨ ᠤᠬᠠᠭᠠᠨ᠂ ᠵᠢᠭᠠᠪᠤᠷᠢ ᠶᠢ ᠪᠠᠰᠤᠮᠵᠢᠯᠠᠳᠠᠭ᠃
ᠭᠡᠮ ᠨᠢᠭᠦᠯ ᠦᠨ ᠤᠷᠤᠭᠤ ᠲᠠᠲᠠᠯᠲᠠ
8 ᠬᠦᠦ ᠮᠢᠨᠢ ᠡᠴᠢᠭᠡ ᠶᠢᠨ ᠢᠶᠠᠨ ᠵᠢᠭᠠᠪᠤᠷᠢ ᠶᠢ ᠰᠣᠨᠣᠰ ᠡᠬᠡ ᠶᠢᠨ ᠢᠶᠠᠨ ᠰᠤᠷᠭᠠᠯ ᠢ ᠪᠦᠦ ᠣᠭᠣᠷ
9 ᠡᠳᠡ ᠯᠠ ᠲᠡᠷᠢᠭᠦᠨ ᠦ ᠴᠢᠨᠢ ᠭᠣᠶᠣᠮᠰᠣᠭ ᠲᠢᠲᠢᠮ ᠬᠦᠵᠦᠭᠦᠨ ᠦ ᠴᠢᠨᠢ ᠵᠡᠭᠦᠯᠲᠡ ᠶᠤᠮ᠃
10 ᠬᠦᠦ ᠮᠢᠨᠢ᠂ ᠨᠢᠭᠦᠯᠲᠡᠳ ᠤᠷᠤᠭᠤ ᠲᠠᠲᠠᠪᠠᠯ᠂ ᠪᠦᠦ ᠵᠥᠪᠰᠢᠶᠡᠷᠡ
11 ᠬᠡᠷᠪᠡ ᠲᠡᠳᠡ ᠴᠢᠮᠠ ᠳᠤ᠄ 《ᠪᠢᠳᠡᠨ ᠲᠡᠢ ᠶᠠᠪᠤᠶᠠ ᠬᠡᠨ ᠨᠢᠭᠡᠨ ᠦ ᠴᠢᠰᠤ ᠶᠢ ᠭᠡᠲᠡᠨ ᠲᠣᠰᠣᠶᠠ ᠭᠡᠮ ᠦᠭᠡᠢ ᠨᠢᠭᠡᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠣᠳᠣᠶᠠ
12 ᠪᠦᠬᠦᠯᠢ ᠪᠠᠷ ᠨᠢ ᠠᠯᠮᠠᠨ 1 ᠳᠤ ᠤᠨᠠᠭᠠᠳᠠᠭ ᠰᠢᠭ᠋ ᠠᠮᠢᠳᠤ ᠪᠠᠷ ᠨᠢ ᠲᠡᠳᠡᠨ ᠢ ᠲᠠᠮᠤ ᠰᠢᠭ᠋ ᠵᠠᠯᠭᠢᠶᠠ
13 ᠣᠯᠠᠨ ᠦᠨᠡᠲᠦ ᠡᠷᠳᠡᠨᠢᠰ ᠣᠯᠵᠤ ᠣᠷᠣᠨ ᠭᠡᠷ ᠢᠶᠡᠨ ᠣᠯᠵᠠ ᠪᠠᠷ ᠳᠦᠭᠦᠷᠭᠡᠶᠡ
14 ᠨᠢᠭᠡᠳᠴᠦ 2 ᠬᠣᠷᠰᠢᠵᠠᠭᠠᠶᠠ ᠨᠢᠭᠡ ᠲᠦᠷᠡᠢᠪᠴᠢ ᠲᠠᠢ ᠪᠠᠢᠵᠠᠭᠠᠶᠠ》 ᠭᠡᠪᠡᠯ᠂
15 ᠬᠦᠦ ᠮᠢᠨᠢ᠂ ᠲᠡᠳᠡᠨ ᠦ ᠵᠠᠮ ᠢᠶᠠᠷ ᠪᠦᠦ ᠶᠠᠪᠤ ᠬᠥᠯ ᠢᠶᠡᠨ ᠲᠡᠳᠡᠨ ᠦ ᠵᠢᠮ ᠡᠴᠡ ᠲᠠᠲᠠᠵᠤ ᠠᠪ
16 ᠲᠡᠳᠡᠨ ᠦ ᠬᠥᠯ ᠬᠣᠷᠣᠨ ᠮᠠᠭᠤ ᠤᠷᠤᠭᠤ ᠤᠬᠤᠰᠬᠢᠳᠠᠭ ᠲᠡᠳᠡ ᠴᠢᠰᠤ ᠤᠷᠤᠰᠬᠠᠬᠤ ᠪᠠᠷ ᠶᠠᠭᠠᠷᠠᠳᠠᠭ᠃
17 ᠠᠯᠢ ᠴᠤ ᠵᠢᠭᠦᠷᠲᠡᠨ ᠦ ᠨᠢᠳᠦᠨ ᠳᠣᠣᠷᠠ ᠲᠣᠣᠷ ᠲᠠᠯᠪᠢᠬᠤ ᠨᠢ ᠴᠤᠬᠤᠮ ᠲᠠᠯᠠᠭᠠᠷ ᠠᠲᠠᠯᠠ
18 ᠥᠪᠡᠷᠰᠡᠳ ᠦᠨ ᠢᠶᠠᠨ ᠴᠢᠰᠤ ᠶᠢ ᠲᠡᠳᠡ ᠭᠡᠲᠡᠨ ᠳᠤᠰᠤᠨᠠ ᠥᠪᠡᠷᠰᠡᠳ ᠦᠨ ᠢᠶᠠᠨ ᠠᠮᠢ ᠶᠢ ᠯᠠ ᠣᠳᠣᠨᠠ᠃
19 ᠪᠤᠯᠢᠶᠠᠵᠤ ᠣᠯᠣᠭᠴᠢ ᠪᠦᠬᠦᠨ ᠦ ᠵᠠᠮ ᠡᠢᠮᠦ ᠪᠢᠯᠡ ᠪᠤᠵᠠᠷ ᠣᠯᠵᠠ ᠨᠢ ᠡᠵᠡᠮᠰᠢᠭ᠍ᠴᠢ ᠶᠢᠨ ᠢᠶᠠᠨ ᠠᠮᠢ ᠶᠢ ᠠᠪᠳᠠᠭ ᠪᠢᠯᠡ᠃
ᠮᠡᠷᠭᠡᠨ ᠤᠬᠠᠭᠠᠨ ᠤ ᠤᠷᠢᠶᠠᠯᠭᠠ
20 ᠮᠡᠷᠭᠡᠨ ᠤᠬᠠᠭᠠᠨ 3 ᠭᠤᠳᠤᠮᠵᠢᠨ ᠳᠤ ᠬᠠᠰᠬᠢᠷᠴᠤ ᠲᠠᠯᠠᠪᠠᠢ ᠳᠤ ᠳᠠᠭᠤ ᠪᠠᠨ ᠬᠠᠲᠠᠭᠠᠵᠤ 4
21 ᠱᠤᠤᠭᠢᠶᠠᠨᠲᠤ ᠭᠤᠳᠤᠮᠵᠢᠨ ᠤ ᠠᠮᠠᠨ ᠳᠡᠭᠡᠷᠡ ᠲᠡᠷᠡ ᠣᠷᠢᠯᠠᠵᠤ ᠬᠣᠲᠠ ᠶᠢᠨ ᠬᠠᠭᠠᠯᠭᠠᠨ ᠤ ᠠᠮᠠᠨ ᠳᠡᠭᠡᠷᠡ ᠥᠭᠦᠯᠡᠵᠦ ᠪᠠᠢᠨᠠ᠄
22 《ᠭᠡᠨᠡᠨ ᠬᠥᠮᠦᠰ ᠡ᠂ ᠬᠡᠵᠢᠶᠡ ᠪᠣᠯᠲᠠᠯᠠ ᠭᠡᠨᠡᠨ ᠪᠠᠢᠳᠠᠯ ᠢᠶᠠᠨ ᠬᠠᠢᠷᠠᠯᠠᠭᠰᠠᠭᠠᠷ ᠪᠠᠰᠤᠮᠵᠢᠯᠠᠭᠴᠢᠳ ᠲᠠ ᠨᠠᠷ ᠪᠠᠰᠤᠮᠵᠢᠯᠠᠯ ᠢᠶᠠᠷ ᠢᠶᠠᠨ ᠪᠠᠬᠠᠷᠬᠠᠭᠰᠠᠭᠠᠷ ᠮᠤᠩ᠋ᠬᠠᠭ ᠤᠳ ᠲᠠ ᠨᠠᠷ ᠮᠡᠳᠡᠯᠭᠡ ᠶᠢ ᠦᠵᠡᠨ ᠶᠠᠳᠠᠭᠰᠠᠭᠠᠷ ᠪᠠᠢᠬᠤ ᠶᠤᠮ ᠪᠤᠢ︖
23 ᠵᠢᠮᠡᠯᠡᠯ ᠳᠦ ᠮᠢᠨᠢ ᠡᠷᠭᠢᠵᠦ ᠬᠠᠨᠳᠤᠵᠠᠭᠠ ᠰᠦᠨᠡᠰᠦ ᠪᠡᠨ ᠪᠢ ᠲᠠ ᠨᠠᠷ ᠲᠤ ᠪᠢᠯᠬᠠᠭᠤᠯᠤᠶᠠ ᠦᠭᠡ ᠪᠡᠨ ᠲᠠ ᠨᠠᠷ ᠲᠤ ᠲᠠᠨᠢᠭᠤᠯᠤᠶᠠ
24 ᠪᠢ ᠳᠠᠭᠤᠳᠠᠬᠤ ᠳᠤ᠂ ᠲᠠ ᠨᠠᠷ ᠦᠯᠦ ᠬᠠᠢᠬᠤᠷᠤᠭᠰᠠᠨ ᠭᠠᠷ ᠢᠶᠠᠨ ᠰᠤᠩ᠋ᠭᠠᠬᠤ ᠳᠤ ᠮᠢᠨᠢ᠂ ᠦᠯᠦ ᠠᠩ᠋ᠬᠠᠷᠤᠭᠰᠠᠨ
25 ᠵᠥᠪᠯᠡᠯᠭᠡ ᠪᠦᠷᠢ ᠶᠢ ᠮᠢᠨᠢ ᠲᠠ ᠨᠠᠷ ᠦᠯᠦ ᠣᠢᠰᠢᠶᠠᠭᠰᠠᠨ ᠵᠢᠮᠡᠯᠡᠯ ᠢ ᠮᠢᠨᠢ ᠪᠠᠰᠠ ᠬᠦᠯᠢᠶᠡᠵᠦ ᠡᠰᠡ ᠠᠪᠤᠭᠰᠠᠨ ᠤᠴᠢᠷ ᠠᠴᠠ
26 ᠦᠢᠯᠡ ᠵᠣᠪᠠᠯᠠᠩ ᠤᠨ ᠴᠠᠭ ᠲᠤ ᠴᠢᠨᠢ ᠪᠢ ᠴᠤ ᠢᠨᠢᠶᠡᠨᠡ ᠠᠢᠳᠠᠰ ᠲᠤ ᠠᠪᠲᠠᠬᠤ ᠦᠶᠡ ᠳᠦ ᠴᠢᠨᠢ ᠪᠢ ᠴᠤ ᠲᠣᠬᠣᠭᠠᠷᠬᠠᠨᠠ᠂
27 ᠠᠢᠳᠠᠰ ᠬᠦᠢᠳᠡᠰ ᠬᠠᠷᠠ ᠰᠢᠭᠤᠷᠭᠠ ᠮᠡᠲᠦ ᠢᠷᠡᠵᠦ ᠠᠶᠤᠯ ᠭᠠᠮᠰᠢᠭ ᠬᠤᠢ ᠰᠠᠯᠬᠢ ᠰᠢᠭ᠋ ᠨᠥᠮᠥᠷᠴᠦ ᠲᠦᠢᠳᠬᠡᠷ ᠵᠣᠪᠠᠯᠠᠩ ᠲᠠ ᠨᠠᠷ ᠳᠡᠭᠡᠷᠡ ᠪᠠᠭᠤᠨᠠ
28 ᠲᠡᠭᠡᠬᠦ ᠳᠦ ᠨᠠᠮᠠᠶᠢ ᠳᠠᠭᠤᠳᠠᠪᠠᠴᠤ ᠪᠢ ᠬᠠᠷᠢᠭᠤ ᠡᠰᠡ ᠥᠭᠭᠥᠨᠡ ᠲᠡᠳᠡ ᠡᠷᠢᠪᠡᠴᠦ ᠨᠠᠮᠠᠶᠢ ᠡᠰᠡ ᠣᠯᠣᠨᠠ᠂
29 ᠲᠡᠳᠡ ᠮᠡᠳᠡᠯᠭᠡ ᠶᠢ ᠦᠵᠡᠨ ᠶᠠᠳᠠᠵᠤ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠶᠢ ᠰᠣᠩ᠋ᠭᠣᠯ ᠦᠭᠡᠢ
30 ᠵᠥᠪᠯᠡᠯᠭᠡ ᠶᠢ ᠮᠢᠨᠢ ᠬᠦᠯᠢᠶᠡᠵᠦ ᠠᠪᠤᠯ ᠦᠭᠡᠢ ᠵᠢᠮᠡᠯᠡᠯ ᠪᠦᠷᠢ ᠶᠢ ᠮᠢᠨᠢ ᠣᠭᠣᠷᠣᠭᠰᠠᠨ ᠲᠤᠯᠠ
31 ᠦᠢᠯᠡ ᠶᠢᠨ ᠢᠶᠠᠨ ᠦᠷᠡ ᠢ ᠢᠳᠡᠵᠦ ᠵᠠᠯᠢ ᠶᠢᠨ ᠢᠶᠠᠨ ᠵᠢᠮᠢᠰ ᠢᠶᠠᠷ ᠴᠠᠳᠤᠨᠠ᠂
32 ᠤᠴᠢᠷ ᠨᠢ ᠭᠡᠨᠡᠨ ᠨᠢᠭᠡᠨ ᠦ ᠤᠷᠪᠠᠯᠲᠠ ᠥᠪᠡᠷ ᠢ ᠨᠢ ᠬᠥᠨᠥᠭᠡᠨᠡ ᠮᠤᠩ᠋ᠬᠠᠭ ᠤᠨ ᠠᠯᠮᠠᠢᠷᠠᠯ ᠥᠪᠡᠷ ᠢ ᠨᠢ ᠰᠥᠨᠥᠭᠡᠨᠡ᠂
33 ᠬᠠᠷᠢᠨ ᠮᠢᠨᠦᠬᠢ ᠶᠢ ᠰᠣᠨᠣᠰᠣᠭᠴᠢ ᠠᠶᠤᠯ ᠦᠭᠡᠢ ᠠᠮᠢᠳᠤᠷᠠᠨᠠ ᠬᠣᠷᠣᠨ ᠮᠠᠭᠤ ᠶᠢᠨ ᠠᠢᠳᠠᠰ ᠦᠭᠡᠢ ᠠᠮᠤᠷ ᠲᠠᠢᠪᠤᠩ ᠪᠣᠯᠣᠨᠠ᠃》