ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠ ᠶᠢᠰᠦ
1 ᠶᠠᠳᠠᠭᠤ ᠪᠣᠯᠪᠠᠴᠤ ᠥ ᠦᠭᠡᠢ ᠶᠠᠪᠤᠳᠠᠯ ᠲᠠᠢ ᠨᠢ ᠭᠠᠵᠢ ᠶᠠᠷᠢᠶᠠ ᠲᠠᠢ ᠮᠤᠩ᠋ᠬᠠᠭ ᠠᠴᠠ ᠳᠡᠭᠡᠷᠡ᠃
2 ᠮᠡᠳᠡᠯᠭᠡ ᠦᠭᠡᠢ ᠪᠠᠷ ᠮᠥᠷᠥᠭᠡᠳᠬᠦ ᠮᠡᠩᠳᠡᠭᠦᠦ ᠬᠥᠯ ᠢᠶᠡᠷ ᠪᠤᠷᠤᠭᠤᠳᠬᠤ ᠨᠢ ᠰᠠᠢᠨ ᠪᠢᠰᠢ᠃
3 ᠬᠥᠮᠦᠨ ᠮᠤᠩ᠋ᠬᠠᠭ ᠢᠶᠠᠷ ᠢᠶᠠᠨ ᠵᠠᠮ ᠢᠶᠠᠨ ᠮᠤᠷᠤᠢᠯᠭᠠᠳᠠᠭ ᠠᠲᠠᠯᠠ ᠪᠠᠨ ᠶᠣᠬᠣᠸᠠ ᠳᠤ ᠠᠭᠤᠷ ᠢᠶᠠᠨ ᠭᠠᠷᠭᠠᠳᠠᠭ᠃
4 ᠡᠳ᠋ ᠪᠠᠶᠠᠯᠢᠭ ᠨᠠᠢᠵᠠ ᠶᠢ ᠣᠯᠠᠰᠢᠷᠠᠭᠤᠯᠵᠤ ᠶᠠᠳᠠᠭᠤᠷᠠᠯ ᠨᠠᠢᠵᠠ ᠠᠴᠠ ᠰᠠᠯᠭᠠᠨᠠ᠃
5 ᠬᠠᠭᠤᠷᠮᠠᠴᠢ ᠭᠡᠷᠡᠴᠢ ᠰᠢᠳᠬᠡᠯ ᠦᠭᠡᠢ ᠥᠩᠭᠡᠷᠡᠬᠦ ᠦᠭᠡᠢ ᠬᠤᠳᠠᠯ ᠦᠯᠢᠶᠡᠭᠴᠢ ᠴᠤ ᠮᠤᠯᠲᠤᠷᠠᠬᠤ ᠦᠭᠡᠢ᠃
6 ᠨᠣᠶᠠᠳ ᠢ ᠣᠯᠠᠨ ᠬᠥᠮᠦᠨ ᠴᠢᠷᠠᠢᠴᠢᠯᠠᠳᠠᠭ ᠪᠡᠯᠡᠭ ᠥᠭᠭᠥᠭᠴᠢ ᠳᠤ ᠬᠥᠮᠦᠨ ᠪᠦᠷᠢ ᠨᠠᠢᠵᠠ᠃
7 ᠠᠬᠠ ᠳᠡᠭᠦᠦᠰ ᠨᠢ ᠴᠤ ᠶᠠᠳᠠᠭᠤ ᠶᠢ ᠦᠵᠡᠨ ᠶᠠᠳᠠᠪᠠᠯ ᠠᠨᠳᠠ ᠨᠠᠷ ᠨᠢ ᠲᠡᠭᠦᠨ ᠡᠴᠡ ᠶᠠᠮᠠᠷ ᠶᠡᠬᠡ ᠬᠣᠯᠠᠳᠠᠬᠤ ᠪᠣᠯ︕ ᠠᠷᠤ ᠠᠴᠠ ᠨᠢ ᠳᠠᠭᠤᠳᠠᠭᠰᠠᠨ ᠴᠤ ᠲᠡᠳᠡ ᠠᠯᠠᠭᠠ ᠪᠣᠯᠣᠨᠠ᠃
8 ᠰᠡᠴᠡᠨ ᠤᠬᠠᠭᠠᠨ ᠢ ᠡᠵᠡᠮᠰᠢᠭ᠍ᠴᠢ ᠨᠢ ᠥᠪᠡᠷ ᠢ ᠪᠠᠨ ᠬᠠᠢᠷᠠᠯᠠᠭᠴᠢ ᠮᠡᠳᠡᠯᠭᠡ ᠤᠬᠠᠭᠠᠨ ᠢ ᠡᠷᠬᠢᠮᠯᠡᠭᠴᠢ ᠨᠢ ᠰᠠᠢᠨ ᠢ ᠣᠯᠣᠨᠠ᠃
9 ᠬᠠᠭᠤᠷᠮᠠᠴᠢ ᠭᠡᠷᠡᠴᠢ ᠰᠢᠳᠬᠡᠯ ᠦᠭᠡᠢ ᠥᠩᠭᠡᠷᠡᠬᠦ ᠦᠭᠡᠢ ᠬᠤᠳᠠᠯ ᠦᠯᠢᠶᠡᠭᠴᠢ ᠴᠤ ᠮᠥᠬᠥᠨᠡ᠃
10 ᠮᠤᠩ᠋ᠬᠠᠭ ᠲᠤ ᠲᠠᠩᠰᠤᠭᠯᠠᠯ ᠵᠣᠬᠢᠰ ᠦᠭᠡᠢ ᠪᠣᠭᠣᠯ ᠨᠣᠶᠠᠳ ᠢ ᠵᠠᠬᠢᠷᠬᠤ ᠨᠢ ᠪᠦᠷ ᠲᠠᠭᠠᠷᠠᠬᠤ ᠦᠭᠡᠢ᠃
11 ᠠᠯᠭᠤᠷ ᠠᠭᠤᠷᠯᠠᠬᠤ ᠨᠢ ᠬᠥᠮᠦᠨ ᠦ ᠬᠡᠷᠰᠡᠦ ᠠᠯᠳᠠᠭᠠ ᠶᠢ ᠬᠦᠯᠢᠴᠡᠬᠦ ᠨᠢ ᠲᠡᠭᠦᠨ ᠦ ᠠᠯᠳᠠᠷ᠃
12 ᠬᠠᠭᠠᠨ ᠤ ᠬᠢᠯᠢᠩ ᠨᠢ ᠠᠷᠰᠯᠠᠨ ᠤ ᠠᠷᠬᠢᠷᠠᠭᠠᠨ ᠠᠳᠠᠯᠢ ᠲᠠᠭᠠᠯᠠᠯ ᠨᠢ ᠡᠪᠡᠰᠦᠨ ᠳᠡᠭᠡᠷᠡᠬᠢ ᠰᠢᠭᠦᠳᠡᠷᠢ ᠮᠡᠲᠦ᠃
13 ᠮᠤᠩ᠋ᠬᠠᠭ ᠬᠦᠦ ᠡᠴᠢᠭᠡ ᠶᠢᠨ ᠢᠶᠠᠨ ᠰᠦᠢᠷᠡᠯ ᠬᠡᠷᠡᠭᠦᠯᠴᠢ ᠡᠬᠡᠨᠡᠷ ᠲᠠᠰᠤᠷᠠᠯ ᠦᠭᠡᠢ ᠭᠣᠭᠣᠵᠢᠬᠤ ᠳᠤᠰᠤᠯ᠃
14 ᠭᠡᠷ ᠬᠥᠷᠥᠩᠭᠡ ᠶᠢ ᠡᠴᠢᠭᠡ ᠡᠴᠡ ᠥᠪᠯᠡᠨᠡ ᠤᠬᠠᠭᠠᠯᠢᠭ ᠭᠡᠷᠭᠡᠢ ᠨᠢ ᠶᠣᠬᠣᠸᠠ ᠠᠴᠠ᠃
15 ᠠᠯᠵᠠᠭᠤᠷᠠᠯ ᠨᠣᠢᠷ ᠲᠤ ᠠᠪᠲᠠᠭᠤᠯᠤᠨᠠ ᠠᠯᠬᠠᠭ ᠬᠥᠮᠦᠨ ᠥᠯᠥᠰᠥᠨᠡ᠃
16 ᠵᠠᠷᠯᠢᠭ ᠰᠠᠬᠢᠭᠴᠢ ᠠᠮᠢ ᠪᠠᠨ ᠰᠠᠬᠢᠨᠠ ᠵᠠᠮ ᠢᠶᠠᠨ ᠪᠠᠰᠤᠭᠴᠢ ᠠᠮᠢ ᠪᠠᠨ ᠠᠯᠳᠠᠨᠠ᠃
17 ᠦᠭᠡᠭᠦᠦ ᠶᠢ ᠡᠨᠡᠷᠢᠭ᠍ᠴᠢ ᠶᠣᠬᠣᠸᠠ ᠳᠤ ᠵᠢᠭᠡᠯᠡᠭᠦᠯᠦᠭᠴᠢ ᠲᠡᠷᠡ ᠲᠡᠭᠦᠨ ᠦ ᠦᠢᠯᠡᠰ ᠦᠨ ᠬᠠᠷᠢᠭᠤ ᠶᠢ ᠪᠤᠴᠠᠭᠠᠨᠠ᠃
18 ᠨᠠᠢᠳᠠᠪᠤᠷᠢ ᠪᠠᠢᠬᠤ ᠳᠤᠨᠢ ᠬᠦᠦ ᠪᠡᠨ ᠰᠠᠬᠢᠯᠭᠠᠵᠢᠭᠤᠯ ᠦᠬᠦᠯ ᠢ ᠨᠢ ᠪᠦᠦ ᠬᠦᠰᠡ᠃
19 ᠰᠢᠷᠦᠭᠦᠨ ᠠᠭᠠᠰᠢᠲᠠᠨ ᠰᠢᠳᠬᠡᠯ ᠬᠦᠯᠢᠶᠡᠬᠦ ᠶᠣᠰᠣᠲᠠᠢ ᠨᠢᠭᠡ ᠬᠡᠯᠲᠦᠷᠢᠭᠦᠯᠬᠦ ᠳᠦ ᠳᠠᠬᠢᠭᠠᠳ ᠳᠠᠪᠲᠠᠨᠠ᠃
20 ᠵᠥᠪᠯᠡᠯᠭᠡ ᠶᠢ ᠰᠣᠨᠣᠰ᠂ ᠵᠢᠭᠠᠪᠤᠷᠢ ᠶᠢ ᠬᠦᠯᠢᠶᠡ ᠬᠣᠵᠢᠮ ᠴᠢ ᠮᠡᠷᠭᠡᠨ ᠪᠣᠯᠣᠨᠠ᠃
21 ᠬᠥᠮᠦᠨ ᠦ ᠳᠣᠲᠣᠷᠠ ᠣᠯᠠᠨ ᠲᠥᠯᠥᠪᠯᠡᠭᠡ ᠪᠠᠢᠪᠠᠴᠤ ᠶᠣᠬᠣᠸᠠ ᠶᠢᠨ ᠵᠣᠷᠢᠯᠭᠠ ᠯᠠ ᠪᠡᠶᠡᠯᠡᠨᠡ᠃
22 ᠬᠥᠮᠦᠨ ᠦ ᠬᠦᠰᠡᠳᠡᠭ ᠨᠢ ᠢᠲᠡᠭᠡᠮᠵᠢ ᠬᠤᠳᠠᠯᠴᠢ ᠶᠠᠪᠤᠬᠤ ᠠᠴᠠ ᠦᠭᠡᠭᠦᠦ ᠨᠢ ᠳᠡᠭᠡᠷᠡ᠃
23 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠠᠮᠢ ᠲᠡᠰᠢ ᠡᠭᠦᠨ ᠢᠶᠡᠷ ᠶᠠᠷᠰᠢᠭ ᠦᠭᠡᠢ ᠠᠮᠤᠭᠤᠯᠠᠩ ᠪᠠᠢᠬᠤ ᠪᠣᠯᠣᠨᠠ᠃
24 ᠠᠯᠬᠠᠭ ᠬᠥᠮᠦᠨ ᠭᠠᠷ ᠢᠶᠠᠨ ᠲᠠᠪᠠᠭ ᠲᠠᠭᠠᠨ ᠲᠥᠷᠥᠭᠰᠡᠨ ᠴᠤ ᠠᠮᠠ ᠤᠷᠤᠭᠤ ᠪᠠᠨ ᠠᠪᠴᠢᠷᠠᠬᠤ ᠦᠭᠡᠢ᠃
25 ᠪᠠᠰᠤᠮᠵᠢᠯᠠᠭᠴᠢ ᠶᠢ ᠲᠠᠰᠢᠭᠤᠷᠳᠠᠬᠤ ᠳᠤ ᠭᠡᠨᠡᠨ ᠨᠢᠭᠡ ᠨᠢ ᠬᠡᠷᠰᠡᠦ ᠶᠢ ᠰᠤᠷᠤᠨᠠ ᠤᠬᠠᠭᠠᠯᠢᠭ ᠨᠢᠭᠡᠨ ᠢ ᠵᠢᠮᠡᠯᠡᠬᠦ ᠳᠦ ᠲᠡᠷᠡ ᠮᠡᠳᠡᠯᠭᠡ ᠣᠯᠣᠨᠠ᠃
26 ᠡᠴᠢᠭᠡ ᠪᠡᠨ ᠬᠠᠷᠭᠢᠰᠯᠠᠵᠤ ᠡᠬᠡ ᠪᠡᠨ ᠭᠠᠳᠠᠭᠤᠷᠬᠠᠭᠴᠢ ᠨᠢ ᠢᠴᠢᠭᠦᠷᠢ ᠪᠠ ᠵᠢᠭᠰᠢᠭᠦᠷᠢ ᠶᠢ ᠤᠴᠠᠷᠠᠭᠤᠯᠳᠠᠭ ᠬᠡᠦᠬᠡᠳ᠃
27 ᠬᠦᠦ ᠮᠢᠨᠢ᠂ ᠵᠢᠭᠠᠪᠤᠷᠢ ᠶᠢ ᠰᠣᠨᠣᠰᠬᠤ ᠪᠠᠨ ᠪᠣᠯᠢᠪᠠᠯ ᠮᠡᠳᠡᠯᠭᠡ ᠶᠢᠨ ᠦᠭᠡ ᠡᠴᠡ ᠲᠥᠭᠡᠷᠢᠨᠡ᠃
28 ᠠᠳᠠᠭ ᠤᠨ ᠮᠠᠭᠤ ᠭᠡᠷᠡᠴᠢ ᠰᠢᠭᠦᠯᠲᠡ ᠶᠢ ᠪᠠᠰᠤᠮᠵᠢᠯᠠᠨᠠ ᠪᠤᠷᠤᠭᠤᠲᠠᠨ ᠤ ᠠᠮᠠ ᠭᠡᠮ ᠢ ᠵᠠᠯᠭᠢᠨᠠ᠃
29 ᠰᠢᠳᠬᠡᠯ ᠨᠢ ᠪᠠᠰᠤᠮᠵᠢᠯᠠᠭᠴᠢ ᠶᠢᠨ ᠳᠡᠭᠡᠷᠡ ᠪᠡᠯᠡᠬᠡᠨ ᠲᠠᠰᠢᠭᠤᠷ ᠨᠢ ᠮᠤᠩ᠋ᠬᠠᠭ ᠤᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠪᠡᠯᠡᠬᠡᠨ᠃