ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠭᠤᠷᠪᠠ
ᠮᠡᠷᠭᠡᠨ ᠤᠬᠠᠭᠠᠨ ᠤ ᠬᠡᠰᠢᠭ
1 ᠬᠦᠦ ᠮᠢᠨᠢ᠂ ᠵᠢᠭᠠᠪᠤᠷᠢ ᠶᠢ ᠮᠢᠨᠢ ᠪᠦᠦ ᠮᠠᠷᠲᠠ᠂ ᠵᠠᠷᠯᠢᠭ ᠢ ᠮᠢᠨᠢ ᠴᠢ ᠵᠢᠷᠦᠬᠡᠨ ᠳᠡᠭᠡᠨ ᠰᠠᠬᠢ
2 ᠡᠳᠡᠭᠡᠷ ᠨᠢ ᠠᠮᠢᠳᠤᠷᠠᠯ ᠤᠨ ᠴᠢᠨᠢ ᠡᠳᠦᠷ ᠵᠢᠯ ᠢ ᠤᠷᠲᠤᠰᠬᠠᠵᠤ ᠥᠪᠡᠷ ᠲᠦ ᠴᠢᠨᠢ ᠠᠮᠤᠷ ᠠᠮᠤᠭᠤᠯᠠᠩ ᠢ ᠨᠡᠮᠡᠵᠦ ᠥᠭᠭᠥᠨᠡ᠃
3 ᠡᠨᠡᠷᠢᠯ ᠪᠠ ᠦᠨᠡᠨ ᠴᠢᠮᠠᠶᠢ ᠪᠦᠦ ᠣᠷᠬᠢᠭ ᠡᠳᠡᠭᠡᠷ ᠢ ᠬᠦᠵᠦᠭᠦᠨ ᠳᠡᠭᠡᠨ ᠵᠠᠩᠭᠢᠳᠴᠤ᠂ ᠵᠢᠷᠦᠬᠡᠨ ᠰᠠᠮᠪᠠᠷᠠ ᠳᠠᠭᠠᠨ ᠪᠢᠴᠢ
4 ᠲᠡᠭᠡᠪᠡᠯ ᠴᠢ ᠪᠤᠷᠬᠠᠨ ᠬᠢᠭᠡᠳ ᠬᠥᠮᠦᠨ ᠦ ᠨᠢᠳᠦᠨ ᠳᠦ ᠲᠠᠭᠠᠰᠢᠶᠠᠯ ᠬᠢᠭᠡᠳ ᠰᠠᠢᠰᠢᠶᠠᠯ ᠢ ᠬᠦᠷᠲᠡᠨᠡ᠃
5 ᠥᠪᠴᠢ ᠵᠢᠷᠦᠬᠡ ᠪᠡᠷ ᠢᠶᠠᠨ ᠶᠣᠬᠣᠸᠠ ᠳᠤ ᠢᠲᠡᠭᠡ ᠥᠪᠡᠷ ᠦᠨ ᠢᠶᠠᠨ ᠤᠬᠠᠭᠠᠨ ᠳᠤ ᠪᠦᠦ ᠲᠦᠰᠢ᠂
6 ᠠᠯᠬᠤᠮ ᠪᠦᠷᠢ ᠳᠡᠭᠡᠨ ᠴᠢ ᠲᠡᠭᠦᠨ ᠢ ᠣᠢᠯᠠᠭᠠ ᠲᠡᠷᠡ ᠴᠢᠨᠦ ᠵᠠᠮ ᠢ ᠰᠢᠯᠤᠭᠤᠳᠬᠠᠬᠤ ᠪᠣᠯᠣᠨᠠ᠃
7 ᠥᠪᠡᠷ ᠢ ᠪᠠᠨ ᠪᠢᠲᠡᠭᠡᠢ ᠮᠡᠷᠭᠡᠨ ᠭᠡᠵᠦ ᠦᠵᠡ ᠬᠠᠷᠢᠨ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠵᠦ᠂ ᠬᠣᠷᠣᠨ ᠮᠠᠭᠤ ᠠᠴᠠ ᠡᠷᠭᠢ
8 ᠢᠩᠭᠢᠬᠦ ᠨᠢ ᠪᠡᠶᠡ ᠳᠦ ᠴᠢᠨᠢ ᠡᠳᠡᠭᠡᠷᠡᠯ ᠶᠠᠰᠤᠨ ᠳᠤ ᠴᠢᠨᠢ ᠰᠢᠮᠡ᠃
9 ᠥᠪ ᠬᠥᠷᠥᠩᠭᠡ ᠬᠢᠭᠡᠳ ᠦᠢᠯᠡᠳᠬᠦᠨ ᠪᠦᠷᠢ ᠶᠢᠨ ᠢᠶᠠᠨ ᠳᠡᠭᠡᠵᠢ ᠪᠠᠷ ᠶᠣᠬᠣᠸᠠ ᠶᠢ ᠬᠦᠨᠳᠦᠯᠡ᠃
10 ᠬᠥᠮᠥᠷᠭᠡ ᠴᠢᠨᠢ ᠡᠯᠪᠡᠭ ᠳᠡᠯᠪᠡᠭ ᠪᠣᠯᠵᠤ ᠬᠥᠬᠦᠦᠷ ᠴᠢᠨᠢ ᠰᠢᠨᠡ ᠳᠠᠷᠠᠰᠤ ᠪᠠᠷ ᠬᠠᠯᠭᠢᠨᠠ
11 ᠬᠦᠦ ᠮᠢᠨᠢ᠂ ᠶᠣᠬᠣᠸᠠ ᠶᠢᠨ ᠰᠠᠬᠢᠯᠭᠠ ᠶᠢ ᠪᠦᠦ ᠪᠠᠰᠤᠮᠵᠢᠯᠠ ᠲᠡᠭᠦᠨ ᠦ ᠵᠢᠮᠡᠯᠡᠯ ᠢ ᠪᠦᠦ ᠵᠢᠪᠡᠭᠦᠴᠡ᠂
12 ᠡᠴᠢᠭᠡ ᠨᠢ ᠲᠠᠭᠠᠯᠠᠳᠠᠭ ᠬᠦᠦ ᠪᠡᠨ ᠵᠢᠮᠡᠯᠡᠬᠦ ᠶᠢᠨ ᠠᠳᠠᠯᠢ ᠶᠣᠬᠣᠸᠠ ᠬᠠᠢᠷᠠᠯᠠᠳᠠᠭ ᠬᠥᠮᠦᠨ ᠢᠶᠡᠨ ᠵᠢᠮᠡᠯᠡᠨᠡ᠃
13 ᠮᠡᠷᠭᠡᠨ ᠤᠬᠠᠭᠠᠨ ᠢ ᠣᠯᠣᠭᠰᠠᠨ ᠬᠥᠮᠦᠨ ᠤᠬᠠᠭᠠᠷᠠᠯ ᠢ ᠬᠦᠷᠲᠡᠭᠰᠡᠨ ᠬᠥᠮᠦᠨ ᠵᠢᠷᠭᠠᠯ ᠲᠠᠢ᠂
14 ᠤᠴᠢᠷ ᠨᠢ ᠣᠷᠣᠯᠭᠠ ᠨᠢ ᠮᠥᠩᠭᠥᠨ ᠦ ᠣᠷᠣᠯᠭᠠ ᠠᠴᠠ ᠢᠯᠡᠭᠦᠦ ᠠᠰᠢᠭ ᠨᠢ ᠠᠯᠲᠠᠨ ᠠᠴᠠ ᠠᠬᠢᠭᠤ᠂
15 ᠡᠷᠳᠡᠨᠢᠰ ᠡᠴᠡ ᠴᠤ ᠦᠨᠡ ᠲᠠᠢ ᠡᠷᠡᠮᠡᠯᠵᠡᠳᠡᠭ᠌ ᠪᠦᠬᠦᠨ ᠲᠡᠢ ᠴᠢᠨᠢ ᠵᠦᠢᠷᠯᠡᠰᠢ ᠦᠭᠡᠢ᠃
16 ᠪᠠᠷᠠᠭᠤᠨ ᠭᠠᠷ ᠲᠤᠨᠢ ᠤᠷᠲᠤ ᠨᠠᠰᠤ ᠵᠡᠭᠦᠨ ᠭᠠᠷ ᠲᠤᠨᠢ ᠬᠥᠷᠥᠩᠭᠡ ᠬᠢᠭᠡᠳ ᠬᠦᠨᠳᠦᠯᠡᠯ
17 ᠵᠠᠮ ᠨᠢ ᠲᠠᠭᠠᠯᠠᠮᠵᠢᠲᠠᠢ ᠵᠠᠮ ᠪᠦᠬᠦ ᠵᠢᠮ ᠨᠢ ᠠᠮᠤᠭᠤᠯᠠᠩ᠂
18 ᠲᠡᠷᠡ ᠥᠪᠡᠷ ᠢ ᠨᠢ ᠲᠡᠪᠡᠷᠢᠭᠰᠡᠳ ᠲᠦ ᠠᠮᠢ ᠶᠢᠨ ᠮᠣᠳᠣ ᠲᠡᠭᠦᠨ ᠡᠴᠡ ᠵᠢᠭᠤᠷᠠᠭᠰᠠᠳ ᠵᠢᠷᠭᠠᠯ ᠲᠠᠢ᠃
19 ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠶᠣᠬᠣᠸᠠ ᠭᠠᠵᠠᠷ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠠᠢ ᠮᠡᠳᠡᠯᠭᠡ ᠣᠶᠤᠨ ᠢᠶᠠᠷ ᠢᠶᠠᠨ ᠲᠡᠷᠡ ᠲᠩᠷᠢᠰ ᠢ ᠲᠣᠭᠲᠠᠭᠠᠵᠠᠢ᠃
20 ᠮᠡᠳᠡᠯᠭᠡ ᠪᠡᠷ ᠨᠢ ᠭᠦᠨ ᠨᠦᠭᠦᠳ ᠴᠠᠪᠠᠲᠤᠵᠤ ᠡᠭᠦᠯᠡᠰ ᠰᠢᠭᠦᠳᠡᠷᠢ ᠪᠠᠭᠤᠯᠭᠠᠨᠠ᠃
21 ᠬᠦᠦ ᠮᠢᠨᠢ᠂ ᠬᠠᠰᠢᠷ ᠪᠣᠳᠣᠯ ᠴᠠᠴᠠᠨ ᠤᠬᠠᠭᠠᠨ ᠢ ᠬᠠᠳᠠᠭᠠᠯᠠᠵᠤ ᠬᠠᠷᠠᠭᠠᠨ ᠠᠴᠠ ᠪᠠᠨ ᠲᠡᠳᠡᠨ ᠢ ᠪᠦᠦ ᠰᠠᠯᠭᠠ᠂
22 ᠲᠡᠳᠡᠭᠡᠷ ᠨᠢ ᠬᠥᠮᠦᠨ ᠪᠡᠶᠡ ᠳᠦ ᠴᠢᠨᠢ ᠠᠮᠢ ᠬᠦᠵᠦᠭᠦᠨ ᠳᠦ ᠴᠢᠨᠢ ᠴᠢᠮᠡᠭ ᠪᠣᠯᠣᠨᠠ᠂
23 ᠲᠡᠭᠡᠪᠡᠯ ᠴᠢ ᠵᠠᠮ ᠢᠶᠠᠷ ᠢᠶᠠᠨ ᠠᠶᠤᠯ ᠦᠭᠡᠢ ᠠᠯᠬᠤᠵᠤ ᠴᠢᠨᠦ ᠬᠥᠯ ᠪᠦᠳᠦᠷᠢᠬᠦ ᠦᠭᠡᠢ᠂
24 ᠬᠡᠪᠲᠡᠬᠦ ᠳᠡᠭᠡᠨ ᠴᠢ ᠲᠦᠭᠰᠢᠬᠦ ᠦᠭᠡᠢ ᠬᠡᠪᠲᠡᠪᠡᠯ ᠨᠣᠢᠷ ᠴᠢᠨᠢ ᠠᠮᠲᠠᠲᠠᠢ ᠪᠣᠯᠣᠨᠠ᠃
25 ᠭᠡᠨᠡᠳᠲᠡ ᠶᠢᠨ ᠠᠶᠤᠯ ᠪᠤᠶᠤ ᠭᠡᠮᠲᠡᠨ ᠦ ᠬᠥᠨᠥᠭᠡᠯ ᠢᠷᠡᠬᠦ ᠳᠦ ᠪᠦᠦ ᠠᠶᠤ
26 ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠶᠣᠬᠣᠸᠠ ᠴᠢᠨᠦ ᠲᠦᠰᠢᠭ ᠪᠣᠯᠵᠤ ᠬᠥᠯ ᠢ ᠴᠢᠨᠢ ᠤᠷᠠᠬᠠᠨ ᠳᠤ ᠣᠷᠣᠬᠤ ᠠᠴᠠ ᠬᠠᠮᠠᠭᠠᠯᠠᠨᠠ᠃
27 ᠬᠦᠴᠦ ᠬᠦᠷᠴᠦ ᠪᠠᠢᠪᠠᠯ ᠰᠠᠢᠨ ᠰᠠᠢᠬᠠᠨ ᠢ ᠬᠦᠷᠲᠡᠪᠡᠯ ᠵᠣᠬᠢᠬᠤ ᠬᠥᠮᠦᠨ ᠳᠦᠨᠢ ᠬᠦᠷᠭᠡᠬᠦ ᠡᠴᠡ ᠪᠦᠦ ᠲᠠᠲᠠᠭᠠᠯᠵᠠ
28 ᠲᠡᠷᠡ ᠨᠢ ᠴᠢᠮᠠ ᠳᠤ ᠪᠠᠢᠭᠰᠠᠭᠠᠷ ᠠᠲᠠᠯᠠ 《ᠶᠠᠪᠤᠭᠠᠳ ᠢᠷᠡ᠂ ᠮᠠᠷᠭᠠᠰᠢ ᠥᠭᠭᠥᠶᠡ》 ᠭᠡᠵᠦ ᠬᠥᠷᠰᠢ ᠳᠡᠭᠡᠨ ᠪᠢᠲᠡᠭᠡᠢ ᠬᠡᠯᠡ᠃
29 ᠬᠠᠵᠠᠭᠤ ᠬᠥᠷᠰᠢ ᠴᠢᠨᠢ ᠠᠶᠤᠯ ᠦᠭᠡᠢ ᠠᠮᠢᠳᠤᠷᠠᠵᠤ ᠪᠠᠢᠬᠤ ᠳᠤ ᠬᠣᠷᠣᠨ ᠮᠠᠭᠤ ᠵᠦᠢᠯ ᠬᠡᠷᠬᠢᠪᠡᠴᠦ ᠪᠢᠲᠡᠭᠡᠢ ᠰᠡᠳᠦ
30 ᠬᠣᠣᠷᠯᠠᠯ ᠴᠢᠮᠠ ᠳᠤ ᠬᠦᠷᠭᠡᠭᠡ ᠦᠭᠡᠢ ᠬᠥᠮᠦᠨ ᠲᠡᠢ ᠬᠣᠭᠣᠰᠣᠨ ᠳᠡᠮᠡᠢ ᠪᠦᠦ ᠮᠠᠷᠭᠤᠯᠳᠤ
31 ᠬᠠᠷᠭᠢᠰ ᠬᠥᠮᠦᠨ ᠲᠡᠢ ᠪᠦᠦ ᠵᠢᠲᠥᠭᠡᠷᠬᠡ ᠶᠠᠮᠠᠷ ᠴᠤ ᠶᠠᠪᠤᠳᠠᠯ ᠠᠴᠠ ᠨᠢ ᠪᠦᠦ ᠰᠣᠩ᠋ᠭᠣ᠃
32 ᠪᠠᠴᠢᠲᠤ ᠬᠥᠮᠦᠨ ᠶᠣᠬᠣᠸᠠ ᠳᠤ ᠰᠢᠪᠰᠢᠭ ᠭᠣᠣᠯᠴᠢ ᠬᠥᠮᠦᠨ ᠳᠦ ᠲᠡᠷᠡ ᠳᠣᠲᠣᠨᠣᠰᠣᠭ᠃
33 ᠪᠤᠷᠤᠭᠤᠲᠠᠨ ᠤ ᠭᠡᠷ ᠳᠡᠭᠡᠷᠡ ᠶᠣᠬᠣᠸᠠ ᠶᠢᠨ ᠬᠠᠷᠢᠶᠠᠯ ᠵᠥᠪᠲᠡᠨ ᠦ ᠣᠷᠣᠮᠵᠢ ᠳᠡᠭᠡᠷᠡ ᠲᠡᠭᠦᠨ ᠦ ᠢᠷᠥᠭᠡᠯ᠃
34 ᠪᠤᠷᠬᠠᠨ ᠪᠠᠰᠤᠮᠵᠢᠯᠠᠭᠴᠢ ᠶᠢ ᠪᠠᠰᠤᠮᠵᠢᠯᠠᠵᠤ ᠳᠠᠷᠤᠤ ᠬᠥᠮᠦᠨ ᠳᠦ ᠲᠠᠭᠠᠯᠠᠯ ᠢᠶᠠᠨ ᠣᠯᠭᠣᠨᠠ᠃
35 ᠡᠷᠬᠢᠮ ᠬᠦᠨᠳᠦ ᠶᠢ ᠮᠡᠷᠭᠡᠳ ᠥᠪᠯᠡᠵᠦ ᠢᠴᠢᠭᠦᠷᠢ ᠶᠢ ᠮᠤᠩ᠋ᠬᠠᠭ ᠤᠳ ᠳᠡᠭᠡᠳᠦᠯᠡᠨᠡ᠃