ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠ
ᠰᠣᠯᠣᠮᠣᠨ ᠬᠠᠭᠠᠨ ᠤ ᠵᠦᠢᠷ ᠮᠡᠷᠭᠡᠨ ᠦᠭᠡᠰ
1 ᠰᠣᠯᠣᠮᠣᠨ ᠤ ᠵᠦᠢᠷ ᠮᠡᠷᠭᠡᠨ ᠦᠭᠡᠰ᠄ ᠮᠡᠷᠭᠡᠨ ᠬᠦᠦ ᠡᠴᠢᠭᠡ ᠶᠢᠨ ᠪᠠᠶᠠᠰᠤᠯ᠂ ᠮᠤᠩ᠋ᠬᠠᠭ ᠬᠦᠦ ᠡᠬᠡ ᠶᠢᠨ ᠰᠢᠨᠠᠯᠤᠯ᠃
2 ᠬᠣᠷᠣᠨ ᠮᠠᠭᠤ ᠬᠥᠷᠥᠩᠭᠡ ᠬᠦᠷᠲᠡᠭᠡᠯ ᠦᠭᠡᠢ ᠬᠠᠷᠢᠨ ᠵᠥᠪᠲᠦ ᠪᠠᠢᠳᠠᠯ ᠨᠢ ᠦᠬᠦᠯ ᠡᠴᠡ ᠴᠤ ᠬᠡᠯᠲᠦᠷᠢᠭᠦᠯᠦᠨᠡ᠃
3 ᠵᠥᠪᠲᠡᠨ ᠢ ᠶᠣᠬᠣᠸᠠ ᠦᠯᠦ ᠥᠯᠥᠰᠭᠡᠨᠡ ᠬᠣᠷᠣᠨ ᠮᠠᠭᠤ ᠶᠢᠨ ᠰᠢᠨᠤᠯ ᠢ ᠲᠡᠷᠡ ᠦᠯᠦ ᠵᠥᠪᠰᠢᠶᠡᠷᠡᠨᠡ᠃
4 ᠬᠣᠢᠷᠭᠣ ᠭᠠᠷ ᠶᠠᠳᠠᠭᠤ ᠪᠣᠯᠭᠠᠵᠤ ᠬᠥᠳᠡᠯᠮᠦᠷᠢᠴᠢ ᠭᠠᠷ ᠬᠥᠷᠥᠩᠭᠡ ᠣᠯᠭᠣᠨᠠ᠃
5 ᠵᠤᠨ ᠢᠶᠠᠷ ᠬᠤᠷᠢᠶᠠᠭᠴᠢ ᠨᠢ ᠠᠪᠬᠠᠯᠵᠢᠲᠠᠢ ᠬᠦᠦ ᠬᠤᠷᠢᠶᠠᠯᠲᠠ ᠪᠠᠷ ᠳᠤᠭᠵᠢᠷᠠᠭᠴᠢ ᠨᠢ ᠢᠴᠢᠭᠦᠷᠢᠲᠡᠢ ᠬᠦᠦ᠃
6 ᠵᠥᠪᠲᠡᠨ ᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠢᠷᠥᠭᠡᠯ ᠣᠷᠣᠰᠢᠨᠠ ᠪᠤᠷᠤᠭᠤᠲᠠᠨ ᠠᠮᠠᠨ ᠳᠠᠭᠠᠨ ᠬᠦᠴᠦᠷᠬᠡᠭᠯᠡᠯ ᠢ ᠳᠠᠯᠳᠠᠯᠠᠨᠠ᠃
7 ᠵᠥᠪᠲᠦ ᠶᠢᠨ ᠲᠤᠬᠠᠢ ᠳᠤᠷᠠᠰᠤᠮᠵᠢ ᠨᠢ ᠢᠷᠥᠭᠡᠯ ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠦ ᠨᠡᠷᠡ ᠢᠯᠵᠢᠷᠠᠯ᠃
8 ᠮᠡᠷᠭᠡᠨ ᠵᠢᠷᠦᠬᠡ ᠲᠠᠢ ᠨᠢ ᠵᠢᠭᠠᠪᠤᠷᠢ ᠶᠢ ᠠᠪᠤᠨᠠ ᠮᠤᠩ᠋ᠬᠠᠭ ᠣᠷᠣᠭᠤᠯ ᠲᠠᠢ ᠨᠢ ᠵᠠᠢᠯᠠᠭᠤᠯᠤᠭᠳᠠᠨᠠ᠃
9 ᠴᠢᠭ᠍ᠴᠢ ᠠᠯᠬᠤᠭᠴᠢ ᠨᠢ ᠠᠶᠤᠯ ᠦᠭᠡᠢ ᠠᠯᠬᠤᠨᠠ ᠵᠠᠮ ᠢᠶᠠᠨ ᠮᠤᠷᠤᠢᠯᠭᠠᠭᠴᠢ ᠨᠢ ᠢᠯᠡ ᠮᠡᠳᠡᠭᠳᠡᠨᠡ᠃
10 ᠨᠢᠳᠦ ᠪᠡᠨ ᠢᠷᠮᠡᠭᠴᠢ ᠨᠢ ᠲᠦᠪᠡᠭ ᠤᠴᠠᠷᠠᠭᠤᠯᠵᠤ 11 ᠮᠤᠩ᠋ᠬᠠᠭ ᠣᠷᠣᠭᠤᠯ ᠲᠠᠢ ᠨᠢ ᠵᠠᠢᠯᠠᠭᠤᠯᠤᠭᠳᠠᠨᠠ᠃
11 ᠵᠥᠪᠲᠦ ᠠᠮᠠ ᠨᠢ ᠠᠮᠢ ᠶᠢᠨ ᠪᠤᠯᠠᠭ ᠪᠤᠷᠤᠭᠤᠲᠠᠨ ᠤ ᠠᠮᠠ ᠬᠦᠴᠦᠷᠬᠡᠭᠯᠡᠯ ᠢ ᠨᠢᠭᠤᠳᠠᠭ᠃
12 ᠬᠣᠷᠣᠰᠣᠯ ᠮᠠᠷᠭᠤᠭᠠᠨ ᠥᠳᠥᠭᠡᠳᠡᠭ ᠪᠣᠯ ᠬᠠᠢᠷᠠ ᠪᠦᠬᠦ ᠭᠡᠮ ᠢ ᠬᠠᠯᠬᠠᠯᠠᠳᠠᠭ᠃
13 ᠮᠡᠳᠡᠯᠭᠡ ᠲᠠᠢ ᠬᠥᠮᠦᠨ ᠦ ᠣᠷᠣᠭᠤᠯ ᠳᠤ ᠮᠡᠷᠭᠡᠨ ᠰᠠᠨᠠᠭᠠ ᠣᠯᠳᠠᠨᠠ ᠤᠬᠠᠭᠠᠨ ᠳᠤᠲᠠᠮᠠᠭ ᠤᠨ ᠨᠢᠷᠤᠭᠤᠨ ᠳᠤ ᠰᠢᠯᠪᠢᠭᠦᠷ ᠪᠠᠢᠨᠠ᠃
14 ᠮᠡᠷᠭᠡᠨ ᠬᠥᠮᠦᠨ ᠮᠡᠳᠡᠯᠭᠡ ᠬᠤᠷᠢᠶᠠᠵᠤ ᠮᠤᠩ᠋ᠬᠠᠭ ᠤᠨ ᠠᠮᠠ ᠮᠥᠬᠥᠯ ᠡᠴᠡ ᠣᠢᠷᠠ᠃
15 ᠬᠥᠷᠥᠩᠭᠡ ᠨᠢ ᠪᠠᠶᠠᠨ ᠤ ᠪᠡᠬᠢᠯᠡᠯᠲᠡ ᠬᠣᠮᠰᠠᠳᠠᠯ ᠨᠢ ᠶᠠᠳᠠᠭᠤᠰ ᠤᠨ ᠨᠤᠷᠠᠯᠲᠠ᠃
16 ᠵᠥᠪᠲᠦ ᠶᠢᠨ ᠬᠥᠯᠥᠰᠥ ᠠᠮᠢ ᠲᠡᠰᠢ ᠪᠤᠷᠤᠭᠤᠲᠠᠨ ᠤ ᠣᠷᠣᠯᠭᠠ ᠭᠡᠮ ᠲᠡᠰᠢ᠃
17 ᠵᠢᠭᠠᠪᠤᠷᠢ ᠰᠠᠬᠢᠭᠴᠢ ᠠᠮᠢ ᠶᠢᠨ ᠵᠢᠮ ᠢᠶᠠᠷ ᠵᠢᠮᠡᠯᠡᠯ ᠰᠥᠷᠥᠭᠴᠢ ᠪᠤᠷᠤᠭᠤ ᠵᠠᠮ ᠢᠶᠠᠷ᠃
18 ᠬᠣᠷᠣᠰᠣᠯ ᠨᠢᠭᠤᠭᠴᠢ ᠨᠢ ᠬᠤᠳᠠᠯᠴᠢ ᠣᠷᠣᠭᠤᠯ ᠲᠠᠢ ᠬᠣᠪ ᠵᠥᠭᠡᠭᠡᠭᠴᠢ ᠨᠢ ᠲᠡᠨᠡᠭ᠃
19 ᠦᠭᠡ ᠣᠯᠠᠰᠢᠷᠠᠪᠠᠰᠤ ᠠᠯᠳᠠᠭᠠ ᠳᠤᠲᠠᠬᠤ ᠦᠭᠡᠢ ᠠᠮᠠ ᠪᠠᠨ ᠪᠠᠷᠢᠪᠠᠰᠤ ᠠᠪᠬᠠᠯᠵᠢᠲᠠᠢ᠃
20 ᠵᠥᠪᠲᠦ ᠬᠡᠯᠡ ᠰᠣᠩ᠋ᠭᠣᠳᠠᠭ ᠮᠥᠩᠭᠥ ᠪᠤᠷᠤᠭᠤᠲᠠᠨ ᠤ ᠵᠢᠷᠦᠬᠡ ᠥᠴᠦᠬᠡᠨ
21 ᠵᠥᠪᠲᠦ ᠣᠷᠣᠭᠤᠯ ᠣᠯᠠᠨ ᠢ ᠲᠡᠵᠢᠭᠡᠳᠡᠭ ᠮᠤᠩ᠋ᠬᠠᠭ ᠨᠢ ᠪᠣᠳᠣᠯ ᠦᠭᠡᠢ ᠳᠡᠭᠡᠨ ᠮᠥᠬᠥᠨᠡ᠃
22 ᠶᠣᠬᠣᠸᠠ ᠢᠪᠡᠭᠡᠨ ᠪᠠᠶᠠᠵᠢᠭᠤᠯᠬᠤ ᠶᠤᠮ ᠪᠣᠯ ᠶᠠᠷᠰᠢᠭ ᠵᠣᠪᠠᠯᠠᠩ ᠨᠡᠮᠡᠬᠦ ᠦᠭᠡᠢ᠃
23 ᠮᠠᠭᠤ ᠶᠢ ᠦᠢᠯᠡᠳᠬᠦ ᠨᠢ ᠮᠤᠩ᠋ᠬᠠᠭ ᠤᠨ ᠴᠡᠩᠭᠡᠯ ᠮᠡᠷᠭᠡᠨ ᠤᠬᠠᠭᠠᠨ ᠨᠢ ᠤᠬᠠᠭᠠᠯᠢᠭ ᠬᠥᠮᠦᠨ ᠦ ᠬᠢ᠃
24 ᠪᠤᠷᠤᠭᠤᠲᠠᠨ ᠤ ᠠᠶᠤᠳᠠᠭ ᠶᠠᠭᠤᠮᠠ ᠥᠪᠡᠷ ᠳᠡᠭᠡᠷᠡ ᠨᠢ ᠪᠠᠭᠤᠨᠠ ᠵᠥᠪᠲᠡᠳ ᠦᠨ ᠬᠦᠰᠡᠯ ᠵᠥᠪᠰᠢᠶᠡᠷᠡᠭᠳᠡᠨᠡ᠃
25 ᠪᠤᠷᠤᠭᠤᠲᠠᠨ ᠨᠢᠭᠡ ᠵᠤᠳ ᠳᠤ ᠵᠥᠪᠲᠡᠨ ᠮᠥᠩᠬᠡ ᠰᠠᠭᠤᠷᠢᠨ ᠳᠤ᠃
26 ᠬᠥᠯᠥᠰᠥᠯᠡᠭᠴᠢ ᠳᠡᠭᠡᠨ ᠬᠣᠢᠷᠭᠣ ᠬᠥᠮᠦᠨ ᠨᠢ ᠰᠢᠳᠦᠨ ᠳᠦ ᠣᠷᠣᠭᠰᠠᠨ ᠮᠢᠬᠠ 12 ᠂ ᠨᠢᠳᠦᠨ ᠳᠦ ᠣᠷᠣᠭᠰᠠᠨ ᠬᠣᠭ 13 ᠃
27 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠠᠮᠢ ᠶᠢ ᠤᠷᠲᠤᠰᠬᠠᠨᠠ ᠪᠤᠷᠤᠭᠤᠲᠠᠨ ᠤ ᠵᠢᠯ ᠤᠳ ᠪᠣᠭᠣᠨᠢᠰᠤᠨᠠ᠃
28 ᠵᠥᠪᠲᠡᠨ ᠦ ᠬᠦᠰᠡᠯ ᠪᠠᠶᠠᠷ ᠬᠥᠷ ᠪᠤᠷᠤᠭᠤᠲᠠᠨ ᠤ ᠨᠠᠢᠳᠠᠯᠭᠠ ᠲᠠᠯᠠᠭᠠᠷ᠃
29 ᠶᠣᠬᠣᠸᠠ ᠶᠢᠨ ᠵᠠᠮ ᠪᠤᠷᠤᠭᠤ ᠦᠭᠡᠢ ᠬᠥᠮᠦᠨ ᠳᠦ ᠴᠠᠢᠵᠠ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠲᠤ ᠰᠦᠢᠷᠡᠯ᠃
30 ᠵᠥᠪᠲᠡᠨ ᠡᠭᠦᠷᠢᠳᠡ ᠭᠠᠩ᠋ᠬᠤᠬᠤ ᠦᠭᠡᠢ ᠪᠤᠷᠤᠭᠤᠲᠠᠨ ᠭᠠᠵᠠᠷ ᠲᠤ ᠰᠠᠭᠤᠷᠢᠰᠢᠬᠤ ᠦᠭᠡᠢ᠃
31 ᠵᠥᠪᠲᠡᠨ ᠦ ᠠᠮᠠ ᠮᠡᠷᠭᠡᠨ ᠤᠬᠠᠭᠠᠨ ᠢ ᠭᠠᠷᠭᠠᠨᠠ ᠵᠠᠯᠢᠲᠤ ᠬᠡᠯᠡ ᠲᠠᠰᠤᠯᠤᠭᠳᠠᠨᠠ᠃
32 ᠵᠥᠪᠲᠦ ᠶᠢᠨ ᠣᠷᠣᠭᠤᠯ ᠲᠠᠭᠠᠯᠠᠯ ᠢ ᠪᠤᠷᠤᠭᠤᠲᠠᠨ ᠤ ᠠᠮᠠ ᠭᠠᠵᠢᠭᠤᠳᠠᠯ ᠢ ᠮᠡᠳᠡᠨᠡ᠃