ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠬᠣᠶᠠᠷ
1 ᠵᠢᠭᠠᠪᠤᠷᠢ ᠶᠢ ᠬᠠᠢᠷᠠᠯᠠᠭᠴᠢ ᠮᠡᠳᠡᠯᠭᠡ ᠶᠢ ᠬᠠᠢᠷᠠᠯᠠᠭᠴᠢ ᠵᠢᠮᠡᠯᠡᠯ ᠢ ᠵᠠᠨᠤᠭᠴᠢ ᠪᠦᠳᠦᠭᠦᠯᠢᠭ᠃
2 ᠰᠠᠢᠨ ᠬᠥᠮᠦᠨ ᠶᠣᠬᠣᠸᠠ ᠶᠢᠨ ᠲᠠᠭᠠᠰᠢᠶᠠᠯ ᠢ ᠣᠯᠵᠤ ᠵᠠᠯᠢᠲᠤ ᠬᠥᠮᠦᠨ ᠢ ᠲᠡᠷᠡ ᠶᠠᠯᠠᠯᠠᠨᠠ᠃
3 ᠬᠣᠷᠣᠨ ᠮᠠᠭᠤ ᠪᠠᠷ ᠬᠥᠮᠦᠨ ᠪᠠᠲᠤᠵᠢᠬᠤ ᠦᠭᠡᠢ ᠵᠥᠪᠲᠦ ᠶᠢᠨ ᠦᠨᠳᠦᠰᠦ ᠬᠡᠷᠬᠢᠪᠡᠴᠦ ᠬᠥᠳᠡᠯᠬᠦ ᠦᠭᠡᠢ᠃
4 ᠴᠢᠳᠠᠮᠠᠭᠠᠢ ᠭᠡᠷᠭᠡᠢ ᠡᠷᠡ ᠶᠢᠨ ᠢᠶᠠᠨ ᠲᠢᠲᠢᠮ ᠭᠤᠲᠤᠭᠠᠭᠴᠢ ᠨᠢ ᠨᠥᠬᠥᠷ ᠦᠨ ᠢᠶᠠᠨ ᠶᠠᠰᠤᠨ ᠳᠠᠬᠢ ᠢᠯᠵᠢᠷᠡᠯ᠃
5 ᠵᠥᠪᠲᠦ ᠶᠢᠨ ᠰᠠᠨᠠᠭᠠ ᠵᠦᠢᠲᠡᠢ ᠪᠤᠷᠤᠭᠤᠲᠠᠨ ᠤ ᠰᠠᠨᠠᠯ ᠵᠠᠯᠢ ᠲᠠᠢ᠃
6 ᠪᠤᠷᠤᠭᠤᠲᠠᠨ ᠤ ᠦᠭᠡ ᠴᠢᠰᠤ ᠣᠳᠣᠨᠠ ᠴᠢᠭ᠍ᠴᠢ ᠨᠢᠭᠡᠨ ᠦ ᠠᠮᠠ ᠲᠡᠳᠡᠨ ᠢ ᠠᠪᠤᠷᠠᠨᠠ᠃
7 ᠪᠤᠷᠤᠭᠤᠲᠠᠨ ᠬᠥᠮᠥᠷᠢᠭᠳᠡᠵᠦ ᠠᠷᠢᠯᠬᠤ ᠳᠤ ᠵᠥᠪᠲᠡᠨ ᠦ ᠭᠡᠷ ᠲᠣᠭᠲᠠᠨᠢᠨᠠ᠃
8 ᠴᠡᠴᠡᠨ ᠣᠶᠤᠨ ᠢᠶᠠᠷ ᠢᠶᠠᠨ ᠬᠥᠮᠦᠨ ᠮᠠᠭᠲᠠᠭᠳᠠᠬᠤ ᠳᠤ ᠭᠠᠵᠢᠭᠤ ᠰᠠᠨᠠᠭᠠ ᠪᠠᠰᠤᠮᠵᠢᠯᠠᠭᠳᠠᠨᠠ᠃
9 ᠪᠣᠣᠪᠣ ᠦᠭᠡᠢ ᠪᠠᠷ ᠶᠡᠬᠡᠮᠰᠦᠭᠯᠡᠬᠦ ᠡᠴᠡ ᠪᠣᠭᠣᠯ ᠲᠠᠢ ᠪᠠᠢᠵᠤ ᠬᠥᠩᠭᠡᠪᠴᠢᠯᠡᠭᠳᠡᠬᠦ ᠨᠢ ᠳᠡᠭᠡᠷᠡ᠃
10 ᠵᠥᠪᠲᠡᠨ ᠮᠠᠯ ᠤᠨ ᠢᠶᠠᠨ ᠠᠮᠢᠨ ᠳᠤ ᠴᠤ ᠬᠠᠢᠷᠠᠲᠠᠢ ᠪᠤᠷᠤᠭᠤᠲᠠᠨ ᠤ ᠥᠷᠥ ᠡᠪᠡᠳᠦᠯ ᠨᠢ ᠴᠤ ᠬᠠᠷᠭᠢᠰᠯᠠᠯ᠃
11 ᠲᠠᠷᠢᠶᠠᠨ ᠳᠠᠭᠠᠨ ᠬᠥᠳᠡᠯᠮᠦᠷᠢᠯᠡᠭᠴᠢ ᠬᠣᠭᠣᠯᠠ ᠪᠠᠷ ᠡᠯᠪᠡᠭ ᠬᠣᠭᠣᠰᠣᠨ ᠢ ᠬᠥᠭᠡᠭᠡᠴᠡᠯᠳᠦᠭᠴᠢ ᠤᠬᠠᠭᠠᠨ ᠳᠤᠲᠠᠮᠠᠭ᠃
12 ᠪᠤᠷᠤᠭᠤᠲᠠᠨ ᠪᠤᠵᠠᠷ ᠣᠯᠵᠠᠨ ᠳᠤ ᠰᠢᠨᠤᠳᠠᠭ ᠵᠥᠪᠲᠡᠨ ᠦ ᠦᠨᠳᠦᠰᠦ ᠥᠭᠭᠥᠭᠡᠵᠢ ᠥᠭᠳᠡᠭ᠃
13 ᠮᠠᠭᠤᠴᠤᠤᠯ ᠭᠡᠮᠲᠦ ᠶᠠᠷᠢᠶᠠ ᠪᠠᠷ ᠢᠶᠠᠨ ᠤᠷᠠᠬᠠᠨ ᠳᠤ ᠣᠷᠣᠵᠤ ᠵᠥᠪᠲᠡᠨ ᠵᠣᠪᠠᠯᠠᠩ ᠠᠴᠠ ᠭᠠᠷᠤᠨᠠ᠃
14 ᠬᠥᠮᠦᠨ ᠣᠷᠣᠭᠤᠯ ᠤᠨ ᠢᠶᠠᠨ ᠦᠭᠡ ᠪᠡᠷ ᠰᠠᠢᠨ ᠢ ᠬᠠᠨᠲᠠᠯᠠ ᠪᠠᠨ ᠡᠳ᠋ᠯᠡᠨᠡ ᠭᠠᠷ ᠤᠨ ᠢᠶᠠᠨ ᠦᠢᠯᠡ ᠪᠡᠷ ᠱᠠᠩᠨᠠᠯ ᠠᠪᠤᠨᠠ᠃
15 ᠮᠤᠩ᠋ᠬᠠᠭ ᠤᠨ ᠨᠢᠳᠦᠨ ᠳᠦ ᠥᠪᠡᠷ ᠦᠨ ᠬᠢᠨᠢ ᠵᠠᠮ ᠵᠥᠪ ᠮᠡᠷᠭᠡᠨ ᠬᠥᠮᠦᠨ ᠵᠥᠪᠯᠡᠯᠭᠡ ᠶᠢ ᠰᠣᠨᠣᠰᠳᠠᠭ᠃
16 ᠮᠤᠩ᠋ᠬᠠᠭ ᠤᠨ ᠠᠭᠤᠷ ᠳᠣᠣᠷᠠ ᠪᠠᠨ ᠮᠡᠳᠡᠭᠳᠡᠨᠡ ᠬᠠᠰᠢᠷ ᠬᠥᠮᠦᠨ ᠳᠣᠷᠣᠮᠵᠢᠯᠠᠯ ᠢ ᠬᠦᠯᠢᠴᠡᠳᠡᠭ᠃
17 ᠦᠨᠡᠨ ᠢ ᠥᠴᠢᠭ᠍ᠴᠢ ᠰᠢᠳᠤᠷᠭᠤ ᠶᠢ ᠬᠠᠭᠤᠷᠮᠠᠭ ᠭᠡᠷᠡᠴᠢ ᠬᠤᠳᠠᠯ ᠢ ᠶᠠᠷᠢᠳᠠᠭ᠃
18 ᠪᠣᠳᠣᠯ ᠦᠭᠡᠢ ᠶᠠᠷᠢᠶᠠ ᠢᠯᠳᠦ ᠪᠡᠷ ᠵᠦᠰᠦᠬᠦ ᠮᠡᠲᠦ ᠮᠡᠷᠭᠡᠨ ᠬᠥᠮᠦᠨ ᠦ ᠬᠡᠯᠡ ᠡᠳᠡᠭᠡᠷᠡᠯ ᠢ ᠠᠪᠴᠢᠷᠠᠳᠠᠭ᠃
19 ᠦᠨᠡᠨ ᠣᠷᠣᠭᠤᠯ ᠡᠭᠦᠷᠢᠳᠡ ᠪᠠᠲᠤ ᠬᠤᠳᠠᠯ ᠬᠡᠯᠡ ᠵᠠᠭᠤᠷᠠᠳᠤ᠃
20 ᠮᠠᠭᠤ ᠶᠢ ᠰᠡᠳᠦᠭᠴᠢ ᠶᠢᠨ ᠵᠢᠷᠦᠬᠡᠨ ᠳᠦ ᠣᠪ ᠵᠠᠯᠢ ᠠᠮᠤᠭᠤᠯᠠᠩ ᠪᠠᠢᠬᠤ ᠶᠢ ᠵᠥᠪᠯᠡᠭᠴᠢ ᠳᠤ ᠪᠠᠶᠠᠷ ᠪᠠᠶᠠᠰᠤᠯ᠃
21 ᠵᠥᠪᠲᠡᠨ ᠳᠦ ᠬᠥᠨᠥᠭᠡᠯ ᠡᠰᠡ ᠤᠴᠠᠷᠠᠨᠠ ᠪᠤᠷᠤᠭᠤᠲᠠᠨ ᠳᠤ ᠮᠠᠭᠤ ᠨᠢ ᠳᠦᠭᠦᠷᠡᠩ᠃
22 ᠬᠤᠳᠠᠯ ᠣᠷᠣᠭᠤᠯ ᠶᠣᠬᠣᠸᠠ ᠶᠢᠨ ᠵᠢᠭ᠍ᠰᠢᠯ ᠦᠨᠡᠨᠴᠢ ᠪᠠᠷ ᠦᠢᠯᠡᠳᠦᠭᠴᠢ ᠲᠡᠭᠦᠨ ᠦ ᠲᠠᠭᠠᠯᠠᠯ᠃
23 ᠬᠠᠰᠢᠷ ᠬᠥᠮᠦᠨ ᠮᠡᠳᠡᠯᠭᠡ ᠪᠡᠨ ᠨᠢᠭᠤᠴᠠᠯᠠᠳᠠᠭ ᠮᠤᠩ᠋ᠬᠠᠭ ᠵᠢᠷᠦᠬᠡ ᠮᠤᠯᠭᠤᠤ ᠪᠠᠨ ᠲᠤᠩ᠋ᠬᠠᠭᠯᠠᠳᠠᠭ᠃
24 ᠠᠵᠢᠯᠰᠠᠭ 14 ᠭᠠᠷ ᠵᠠᠬᠢᠷᠤᠨᠠ᠂ ᠵᠠᠯᠬᠠᠭᠤ ᠨᠢ ᠵᠠᠷᠤᠴᠠᠯᠠᠭᠳᠠᠨᠠ᠃
25 ᠵᠣᠪᠠᠨᠢᠯ ᠬᠥᠮᠦᠨ ᠦ ᠵᠢᠷᠦᠬᠡ ᠶᠢ ᠬᠦᠨᠳᠦᠷᠡᠭᠦᠯᠳᠡᠭ᠌ ᠰᠠᠢᠨ ᠦᠭᠡ ᠲᠡᠭᠦᠨ ᠢ ᠪᠠᠶᠠᠰᠬᠠᠳᠠᠭ᠃
26 ᠵᠥᠪᠲᠡᠨ ᠬᠥᠷᠰᠢ ᠪᠠᠨ ᠬᠥᠲᠥᠯᠥᠨᠡ 15 ᠪᠤᠷᠤᠭᠤᠲᠠᠨ ᠲᠡᠭᠦᠨ ᠢ ᠲᠥᠭᠡᠷᠢᠭᠦᠯᠦᠨᠡ᠃
27 ᠠᠯᠬᠠᠭ ᠨᠢ ᠠᠩ ᠢᠶᠠᠨ ᠴᠤ ᠰᠢᠷᠠᠬᠤ ᠦᠭᠡᠢ ᠦᠨᠡᠲᠦ ᠡᠳ᠋ᠯᠡᠯ ᠨᠢ ᠠᠵᠢᠯᠴᠢ ᠬᠥᠮᠦᠨ ᠦ ᠬᠢ᠃
28 ᠵᠥᠪ ᠦᠨ ᠵᠢᠮ ᠳᠤ ᠠᠮᠢ ᠪᠤᠢ ᠵᠥᠷᠢᠭ ᠳᠡᠭᠡᠷᠡ ᠨᠢ ᠦᠬᠦᠯ ᠦᠭᠡᠢ᠃