ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠨᠢᠭᠡ
1 ᠵᠥᠷᠢᠭᠦᠦ ᠲᠡᠩᠨᠡᠭᠦᠷ ᠶᠣᠬᠣᠸᠠ ᠳᠤ ᠵᠢᠭ᠍ᠰᠢᠯ ᠵᠥᠪ ᠲᠠᠤᠬᠠᠢ ᠲᠡᠭᠦᠨ ᠦ ᠲᠠᠭᠠᠰᠢᠶᠠᠯ᠃
2 ᠪᠠᠷᠳᠠᠮ ᠢᠷᠡᠬᠦ ᠳᠦ ᠰᠢᠪᠰᠢᠭ ᠴᠤ ᠢᠷᠡᠨᠡ ᠳᠠᠷᠤᠤ ᠨᠢ ᠮᠡᠷᠭᠡᠨ ᠲᠡᠢ ᠬᠠᠮᠲᠤ ᠪᠠᠢᠨᠠ᠃
3 ᠴᠢᠭ᠍ᠴᠢ ᠬᠥᠮᠦᠨ ᠰᠢᠯᠤᠭᠤᠨ ᠳᠠᠭᠠᠨ ᠤᠳᠤᠷᠢᠳᠤᠨᠠ ᠮᠡᠬᠡᠲᠦ ᠬᠥᠮᠦᠨ ᠮᠤᠷᠤᠢ ᠳᠠᠭᠠᠨ ᠤᠰᠠᠲᠤᠨᠠ᠃
4 ᠬᠢᠯᠢᠩ ᠤᠨ ᠡᠳᠦᠷ ᠬᠥᠷᠥᠩᠭᠡ ᠨᠡᠮᠡᠷᠢ ᠦᠭᠡᠢ ᠦᠬᠦᠯ ᠡᠴᠡ ᠬᠡᠯᠲᠦᠷᠢᠭᠦᠯᠬᠦ ᠨᠢ ᠵᠥᠪᠲᠦ ᠪᠠᠢᠳᠠᠯ᠃
5 ᠪᠤᠷᠤᠭᠤ ᠦᠭᠡᠢ ᠬᠥᠮᠦᠨ ᠵᠥᠪ ᠢᠶᠡᠷ ᠢᠶᠠᠨ ᠵᠠᠮ ᠢᠶᠠᠨ ᠰᠢᠯᠤᠭᠤᠳᠬᠠᠨᠠ ᠪᠤᠷᠤᠭᠤᠲᠠᠨ ᠨᠢ ᠪᠤᠷᠤᠭᠤ ᠳᠠᠭᠠᠨ ᠤᠨᠠᠨᠠ᠃
6 ᠴᠢᠭ᠍ᠴᠢ ᠬᠥᠮᠦᠨ ᠵᠥᠪ ᠢᠶᠡᠷ ᠢᠶᠠᠨ ᠠᠪᠤᠷᠠᠭᠳᠠᠵᠤ ᠲᠡᠷᠰᠯᠡᠭᠴᠢ ᠰᠢᠨᠤᠯ ᠢᠶᠠᠷ ᠢᠶᠠᠨ ᠪᠠᠷᠢᠭᠳᠠᠨᠠ᠃
7 ᠬᠠᠷᠠ ᠰᠠᠨᠠᠭᠠᠲᠠᠨ ᠦᠬᠦᠪᠡᠯ ᠨᠠᠢᠳᠠᠪᠤᠷᠢ ᠨᠢ ᠠᠷᠢᠯᠤᠨᠠ ᠵᠥᠪ ᠪᠤᠰᠤ ᠬᠦᠰᠡᠯ ᠨᠢ ᠠᠷᠢᠯᠤᠨᠠ᠃
8 ᠵᠥᠪᠲᠡᠨ ᠭᠠᠮᠰᠢᠭ ᠠᠴᠠ ᠠᠪᠤᠷᠠᠭᠳᠠᠵᠤ ᠪᠤᠷᠤᠭᠤᠲᠠᠨ ᠣᠷᠣᠨ ᠳᠤᠨᠢ ᠣᠷᠣᠨᠠ᠃
9 ᠰᠦᠰᠦᠭ ᠦᠭᠡᠢ ᠨᠢ ᠠᠮᠠ ᠪᠠᠷ ᠢᠶᠠᠨ ᠬᠥᠷᠰᠢ ᠪᠠᠨ ᠬᠥᠨᠥᠭᠡᠨ ᠵᠥᠪᠲᠡᠨ ᠮᠡᠳᠡᠯᠭᠡ ᠪᠡᠷ ᠭᠡᠲᠦᠯᠭᠡᠭᠳᠡᠨᠡ᠃
10 ᠵᠥᠪᠲᠡᠨ ᠮᠠᠨᠳᠤᠬᠤ ᠳᠤ ᠬᠣᠲᠠ ᠪᠠᠷ ᠢᠶᠠᠨ ᠪᠠᠶᠠᠰᠤᠨᠠ ᠪᠤᠷᠤᠭᠤᠲᠠᠨ ᠮᠥᠬᠥᠬᠦ ᠳᠦ ᠪᠠᠶᠠᠷ ᠤᠨ ᠳᠠᠭᠤᠤ ᠪᠠᠢᠬᠤ ᠪᠣᠯᠣᠨᠠ᠃
11 ᠬᠣᠲᠠ ᠵᠥᠪᠲᠡᠨ ᠦ ᠢᠷᠥᠭᠡᠯ ᠢᠶᠡᠷ ᠮᠠᠨᠳᠤᠵᠤ ᠪᠤᠷᠤᠭᠤᠲᠠᠨ ᠤ ᠠᠮᠠ ᠪᠠᠷ ᠨᠤᠷᠠᠨᠠ᠃
12 ᠤᠬᠠᠭᠠᠨ ᠦᠭᠡᠢ ᠨᠢ ᠬᠥᠷᠰᠢ ᠪᠠᠨ ᠳᠣᠷᠣᠮᠵᠢᠯᠠᠵᠤ ᠤᠬᠠᠭᠠᠯᠢᠭ ᠬᠥᠮᠦᠨ ᠳᠠᠭᠤ ᠦᠭᠡᠢ ᠪᠠᠢᠳᠠᠭ᠃
13 ᠬᠣᠪ ᠵᠥᠭᠡᠭᠡᠭᠴᠢ ᠨᠢᠭᠤᠴᠠ ᠶᠢ ᠵᠠᠳᠠᠷᠠᠭᠤᠯᠤᠭᠴᠢ ᠢᠲᠡᠭᠡᠮᠵᠢᠲᠦ ᠵᠢᠷᠦᠬᠡ ᠲᠠᠢ ᠨᠢ ᠤᠴᠢᠷ ᠶᠠᠪᠤᠳᠠᠯ ᠢ ᠨᠢᠭᠤᠴᠠᠯᠠᠭᠴᠢ᠃
14 ᠤᠳᠤᠷᠢᠳᠤᠯᠭᠠ ᠦᠭᠡᠢ ᠡᠴᠡ ᠠᠷᠠᠳ ᠣᠯᠠᠨ ᠤᠨᠠᠨᠠ ᠵᠥᠪᠯᠡᠭᠴᠢ ᠶᠢᠨ ᠣᠯᠠᠨ ᠢᠶᠠᠷ ᠢᠯᠠᠯᠲᠠ ᠣᠯᠣᠨᠠ᠃
15 ᠭᠠᠳᠠᠨᠠ ᠶᠢᠨ ᠬᠥᠮᠦᠨ ᠢ ᠪᠠᠲᠤᠯᠠᠨ ᠳᠠᠭᠠᠭᠠᠭᠴᠢ ᠦᠢᠯᠡ ᠪᠡᠨ ᠦᠵᠡᠨᠡ ᠡᠭᠦᠨ ᠢ ᠵᠢᠭ᠍ᠰᠢᠵᠦ ᠲᠦᠯᠬᠢᠭ᠍ᠴᠢ ᠨᠢ ᠤᠰᠤᠯ ᠦᠭᠡᠢ ᠪᠠᠢᠬᠤ ᠪᠣᠯᠣᠨᠠ᠃
16 ᠡᠯᠢᠭᠡᠰᠡᠭ ᠡᠮᠡᠭᠲᠡᠢ ᠠᠯᠳᠠᠷ ᠬᠦᠨᠳᠦ ᠶᠢ ᠴᠤ ᠣᠯᠵᠤ ᠡᠷᠡᠯᠬᠡᠭ ᠡᠷᠡ ᠡᠳ᠋ ᠬᠥᠷᠥᠩᠭᠡ ᠶᠢ ᠯᠠ ᠣᠯᠣᠨᠠ᠃
17 ᠥᠷᠥᠪᠴᠢ ᠬᠥᠮᠦᠨ ᠨᠢ ᠥᠪᠡᠷ ᠢ ᠪᠠᠨ ᠬᠠᠯᠠᠮᠵᠢᠯᠠᠭᠴᠢ ᠥᠷᠥᠰᠢᠶᠡᠯ ᠦᠭᠡᠢ ᠨᠢ ᠥᠪᠡᠷ ᠢ ᠪᠠᠨ ᠵᠣᠪᠠᠭᠠᠭᠴᠢ᠃
18 ᠪᠤᠷᠤᠭᠤᠲᠠᠨ ᠤ ᠣᠷᠣᠯᠭᠠ ᠪᠠᠲᠤ ᠦᠭᠡᠢ ᠵᠥᠪ ᠢ ᠲᠠᠷᠢᠭᠴᠢ ᠶᠢᠨ ᠱᠠᠩᠨᠠᠯ ᠪᠠᠲᠤ ᠲᠠᠢ᠃
19 ᠵᠥᠪᠲᠡᠨ ᠠᠮᠢ ᠲᠡᠰᠢ ᠮᠠᠭᠤ ᠶᠢ ᠳᠠᠭᠠᠭᠴᠢ ᠦᠬᠦᠯ ᠲᠡᠰᠢ᠃
20 ᠪᠠᠰᠢᠷ ᠰᠠᠨᠠᠭᠠᠲᠠᠨ ᠶᠣᠬᠣᠸᠠ ᠶᠢᠨ ᠵᠢᠭ᠍ᠰᠢᠯ ᠪᠤᠷᠤᠭᠤ ᠦᠭᠡᠢ ᠵᠠᠮᠲᠠᠨ ᠲᠡᠭᠦᠨ ᠳᠦ ᠲᠠᠭᠠᠯᠠᠯ᠃
21 ᠪᠠᠲᠤᠲᠠᠢ ᠮᠡᠳᠡᠲᠦᠭᠡᠢ᠂ ᠮᠠᠭᠤ ᠬᠥᠮᠦᠨ ᠯᠠᠪ ᠰᠢᠳᠬᠡᠯ ᠦᠭᠡᠢ ᠥᠩᠭᠡᠷᠡᠬᠦ ᠦᠭᠡᠢ ᠵᠥᠪᠲᠡᠨ ᠦ ᠦᠷᠡ ᠬᠣᠢᠴᠢ ᠭᠡᠲᠦᠯᠭᠡᠭᠳᠡᠨᠡ᠃
22 ᠭᠠᠩ᠋ᠭᠠᠩ ᠠᠲᠠᠯᠠ ᠪᠠᠨ ᠪᠣᠳᠣᠯ ᠦᠭᠡᠢ ᠬᠡᠦᠬᠡᠨ ᠭᠠᠬᠠᠢ ᠶᠢᠨ ᠬᠠᠮᠠᠷ ᠲᠤ ᠵᠡᠭᠦᠯᠲᠡ ᠲᠠᠢ ᠠᠯᠲᠠᠨ ᠭᠠᠷᠠᠬᠠ ᠠᠳᠠᠯᠢ᠃
23 ᠵᠥᠪᠲᠡᠨ ᠦ ᠬᠦᠰᠡᠯ ᠵᠥᠪᠬᠡᠨ ᠰᠠᠢᠨ ᠰᠠᠢᠬᠠᠨ ᠳᠤ ᠪᠤᠷᠤᠭᠤᠲᠠᠨ ᠤ ᠭᠣᠷᠢᠳᠠᠯᠭᠠ ᠬᠠᠷᠢᠨ ᠠᠭᠤᠷ ᠬᠢᠯᠢᠩ ᠳᠤ᠃
24 ᠥᠭᠭᠢᠶᠡᠮᠦᠷ ᠢᠶᠡᠷ ᠥᠭᠭᠥᠭᠡᠳ ᠤᠯᠠᠮ ᠪᠠᠶᠠᠵᠢᠳᠠᠭ ᠨᠢᠭᠡᠨ ᠪᠤᠢ ᠥᠭᠬᠦ ᠶᠣᠰᠣᠲᠠᠢ ᠪᠠᠨ ᠴᠤ ᠬᠠᠷᠠᠮᠨᠠᠵᠤ ᠶᠠᠳᠠᠭᠤᠷᠠᠬᠤ ᠯᠠ ᠨᠢᠭᠡᠨ ᠪᠤᠢ᠃
25 ᠥᠭᠭᠢᠶᠡᠮᠦᠷ ᠬᠥᠮᠦᠨ ᠴᠠᠳᠬᠤᠯᠠᠩ ᠥᠷᠥᠭᠡᠯ ᠢ ᠤᠮᠳᠠᠯᠠᠭᠴᠢ ᠥᠪᠡᠷ ᠢᠶᠡᠨ ᠴᠤ ᠤᠮᠳᠠᠯᠠᠭᠳᠠᠨᠠ᠃
26 ᠠᠮᠤ ᠬᠦᠨᠡᠰᠦ ᠪᠡᠨ ᠨᠢᠭᠤᠨ ᠳᠠᠷᠤᠭᠴᠢ ᠥᠷᠭᠡᠨ ᠲᠦᠮᠡᠨ ᠦ ᠬᠠᠷᠢᠶᠠᠯ ᠥᠭᠡᠷᠡ ᠪᠤᠰᠤᠳ ᠲᠤ ᠬᠤᠳᠠᠯᠳᠤᠭᠴᠢ ᠥᠪᠡᠷ ᠦᠨ ᠬᠢᠨᠢ ᠲᠣᠯᠣᠭᠠᠢ ᠳᠤ ᠢᠷᠥᠭᠡᠯ᠃
27 ᠰᠠᠢᠨ ᠳᠤ ᠰᠢᠮᠳᠠᠭᠴᠢ ᠲᠠᠭᠠᠯᠠᠯ ᠢ ᠣᠯᠬᠤ ᠮᠠᠭᠤ ᠶᠢ ᠡᠷᠢᠭ᠍ᠴᠢ ᠳᠤ ᠮᠠᠭᠤ ᠨᠢ ᠢᠷᠡᠬᠦ᠃
28 ᠪᠠᠶᠠᠯᠢᠭ ᠲᠠᠭᠠᠨ ᠢᠲᠡᠭᠡᠭᠴᠢ ᠤᠨᠠᠨ ᠵᠥᠪᠲᠡᠨ ᠬᠠᠷᠢᠨ ᠨᠣᠭᠣᠭᠠᠨ ᠨᠠᠪᠴᠢ ᠰᠢᠭ᠋ ᠳᠡᠯᠭᠡᠷᠡᠨᠡ᠃
29 ᠣᠷᠣᠨ ᠭᠡᠷ ᠢᠶᠡᠨ ᠰᠠᠨᠳᠠᠭᠠᠭᠴᠢ ᠬᠡᠢ ᠰᠠᠯᠬᠢ ᠶᠢ ᠯᠠ ᠥᠪᠯᠡᠵᠦ ᠣᠢ ᠦᠭᠡᠢ ᠮᠤᠩ᠋ᠬᠠᠭ ᠨᠢ ᠮᠡᠷᠭᠡᠨ ᠦ ᠵᠠᠷᠤᠴᠠ ᠪᠣᠯᠣᠨᠠ᠃
30 ᠵᠥᠪᠲᠦ ᠶᠢᠨ ᠦᠷᠡ ᠵᠢᠮᠢᠰ ᠠᠮᠢ ᠶᠢᠨ ᠮᠣᠳᠣ ᠬᠥᠮᠦᠨ ᠢ ᠣᠯᠣᠭᠴᠢ ᠨᠢ ᠮᠡᠷᠭᠡᠨ᠃
31 ᠵᠥᠪᠲᠡᠨ ᠭᠠᠵᠠᠷ ᠳᠡᠭᠡᠷᠡ ᠬᠠᠷᠢᠭᠤ ᠪᠠᠨ ᠠᠮᠰᠠᠨᠠ ᠪᠤᠷᠤᠭᠤᠲᠤ ᠭᠡᠮᠲᠡᠨ ᠦᠨᠡᠬᠡᠷ ᠶᠠᠭᠠᠬᠢᠬᠤ ᠪᠣᠯ ᠡ᠃