ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠶᠢᠰᠦ
ᠮᠡᠷᠭᠡᠨ ᠤᠬᠠᠭᠠᠨ ᠬᠢᠭᠡᠳ ᠮᠤᠩ᠋ᠬᠠᠭᠯᠠᠯ ᠤᠨ ᠤᠷᠢᠶᠠᠯᠭᠠ
1 ᠮᠡᠷᠭᠡᠨ ᠤᠬᠠᠭᠠᠨ ᠭᠡᠷ ᠢᠶᠡᠨ ᠪᠠᠷᠢᠵᠠᠢ ᠳᠣᠯᠣᠭᠠᠨ ᠪᠠᠭᠠᠨᠠ ᠪᠠᠨ ᠴᠠᠪᠴᠢᠵᠤ ᠭᠠᠷᠭᠠᠵᠠᠢ᠂
2 ᠮᠠᠯ ᠢᠶᠠᠨ ᠨᠢᠳᠤᠯᠤᠨ ᠳᠠᠷᠠᠰᠤ ᠪᠠᠨ ᠨᠠᠢᠷᠠᠵᠤ ᠰᠢᠷᠡᠭᠡ ᠪᠡᠨ ᠵᠠᠰᠠᠭᠠᠳ
3 ᠰᠢᠪᠡᠭᠴᠢᠳ ᠢᠶᠠᠨ ᠢᠯᠡᠭᠡᠨ ᠬᠣᠲᠠ ᠶᠢᠨ ᠥᠨᠳᠥᠷ ᠣᠷᠣᠢ ᠠᠴᠠ ᠬᠠᠰᠬᠢᠷᠴᠤ
4 《ᠬᠡᠨ ᠭᠡᠨᠡᠨ ᠪᠣᠯ ᠨᠠᠰᠢ ᠡᠷᠭᠢᠵᠦ ᠢᠷᠡ》 ᠭᠡᠳ ᠤᠬᠠᠭᠠᠨ ᠳᠤᠲᠠᠮᠠᠭ ᠲᠤᠨᠢ ᠥᠭᠦᠯᠡᠨ᠄
5 《ᠨᠠᠰᠢ ᠢᠷᠡ᠂ ᠮᠢᠨᠦ ᠬᠣᠭᠣᠯᠠᠨ ᠠᠴᠠ ᠢᠳᠡ ᠨᠠᠢᠷᠠᠭᠤᠯᠤᠭᠰᠠᠨ ᠳᠠᠷᠠᠰᠤ ᠠᠴᠠ ᠮᠢᠨᠢ ᠤᠤᠭᠤ
6 ᠣᠢ ᠦᠭᠡᠢ ᠭᠡᠨᠡᠨ ᠢᠶᠡᠨ ᠣᠷᠬᠢᠵᠤ ᠠᠮᠢᠳᠤᠷᠠᠵᠠᠭᠠ ᠤᠬᠠᠭᠠᠷᠠᠯ ᠤᠨ ᠵᠠᠮ ᠢᠶᠠᠷ ᠰᠢᠯᠤᠭᠤᠳᠵᠠᠭᠠ》
7 ᠪᠠᠰᠤᠮᠵᠢᠯᠠᠭᠴᠢ ᠶᠢ ᠵᠠᠰᠠᠭᠴᠢ ᠰᠢᠪᠰᠢᠭ ᠢ᠂ ᠪᠤᠷᠤᠭᠤᠲᠠᠨ ᠢ ᠵᠢᠮᠡᠯᠡᠭᠴᠢ ᠰᠡᠪ ᠢ ᠣᠯᠣᠨᠠ᠃
8 ᠪᠠᠰᠤᠮᠵᠢᠯᠠᠭᠴᠢ ᠶᠢ ᠪᠦᠦ ᠵᠢᠮᠡᠯᠡ ᠲᠡᠷᠡ ᠴᠢᠮᠠᠶᠢ ᠬᠣᠷᠣᠰᠣᠨᠠ ᠮᠡᠷᠭᠡᠨ ᠢ ᠵᠢᠮᠡᠯᠡ ᠲᠡᠷᠡ ᠴᠢᠮᠠᠶᠢ ᠬᠠᠢᠷᠠᠯᠠᠨᠠ᠃
9 ᠮᠡᠷᠭᠡᠨ ᠢ ᠵᠢᠭᠠᠪᠤᠷᠢᠯᠠᠪᠠᠯ ᠤᠯᠠᠮ ᠮᠡᠷᠭᠡᠨ ᠪᠣᠯᠵᠤ ᠵᠥᠪᠲᠡᠨ ᠢ ᠰᠤᠷᠭᠠᠪᠠᠯ ᠡᠷᠳᠡᠮ ᠨᠢ ᠨᠡᠮᠡᠭᠳᠡᠨᠡ᠃
10 ᠮᠡᠷᠭᠡᠨ ᠤᠬᠠᠭᠠᠨ ᠤ ᠡᠬᠢᠯᠡᠯ ᠨᠢ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠠᠷᠢᠭᠤᠨ ᠨᠢᠭᠡᠨ ᠢ ᠮᠡᠳᠡᠬᠦ ᠨᠢ ᠤᠬᠠᠭᠠᠷᠠᠯ
11 ᠴᠢᠨᠦ ᠡᠳᠦᠷ ᠤᠳ ᠨᠠᠳᠠ ᠠᠴᠠ ᠪᠣᠯᠵᠤ ᠤᠷᠲᠤᠰᠤᠨᠠ ᠠᠮᠢᠳᠤᠷᠠᠯ ᠤᠨ ᠵᠢᠯ ᠤᠳ ᠴᠢᠨᠢ ᠨᠡᠮᠡᠭᠳᠡᠨᠡ᠃
12 ᠬᠡᠷᠪᠡ ᠴᠢ ᠮᠡᠷᠭᠡᠨ ᠠᠪᠠᠰᠤ ᠮᠡᠷᠭᠡᠨ ᠨᠢ ᠥᠪᠡᠷ ᠲᠦ ᠴᠢᠨᠢ ᠲᠤᠰᠠᠲᠠᠢ ᠬᠡᠷᠪᠡ ᠴᠢ ᠪᠠᠰᠤᠮᠵᠢᠯᠠᠭᠴᠢ ᠪᠣᠯ ᠲᠡᠭᠦᠨ ᠢ ᠪᠠᠨ ᠥᠪᠡᠷ ᠢᠶᠡᠨ ᠯᠠ ᠡᠭᠦᠷᠬᠦ ᠤᠴᠢᠷ ᠲᠠᠢ᠃
13 ᠮᠤᠩ᠋ᠬᠠᠭ ᠡᠮᠡ ᠳᠠᠭᠤ ᠶᠡᠬᠡ ᠲᠠᠢ ᠮᠤᠯᠭᠤᠤ ᠪᠥᠭᠡᠳ ᠮᠡᠳᠡᠬᠦ ᠶᠠᠭᠤᠮᠠ ᠦᠭᠡᠢ
14 ᠰᠠᠭᠤᠴᠠᠨ ᠤ ᠪᠠᠨ ᠡᠭᠦᠳᠡᠨ ᠳᠦ ᠬᠣᠲᠠ ᠶᠢᠨ ᠥᠨᠳᠥᠷ ᠭᠠᠵᠠᠷ ᠤᠨ ᠰᠠᠭᠤᠳᠠᠯ ᠳᠡᠭᠡᠷᠡ ᠰᠠᠭᠤᠭᠠᠳ
15 ᠵᠠᠮ ᠢᠶᠠᠷ ᠥᠩᠭᠡᠷᠡᠭᠰᠡᠳ ᠪᠣᠯᠣᠨ ᠰᠢᠯᠤᠭᠤᠨ ᠵᠠᠮᠨᠠᠭᠴᠢᠳ ᠢ ᠳᠠᠭᠤᠳᠠᠵᠤ
16 《ᠭᠡᠨᠡᠨ ᠨᠢᠭᠡᠨ ᠡ᠂ ᠭᠡᠳᠡᠷᠭᠦ ᠢᠷᠠ》 ᠭᠡᠳ ᠤᠬᠠᠭᠠᠨ ᠳᠤᠲᠠᠮᠠᠭ ᠲᠤᠨᠢ
17 《ᠬᠤᠯᠠᠭᠠᠢᠯᠠᠭᠰᠠᠨ ᠤᠰᠤ ᠠᠮᠲᠠ ᠲᠠᠢ ᠨᠢᠭᠤᠵᠤ ᠢᠳᠡᠭᠰᠡᠨ ᠬᠣᠭᠣᠯᠠ ᠲᠠᠭᠠᠲᠠᠢ》 ᠭᠡᠨᠡ᠃
18 ᠬᠠᠷᠢᠨ ᠦᠬᠦᠯ ᠨᠢ ᠲᠡᠨᠳᠡ ᠪᠠᠢᠭᠠ ᠶᠢ ᠲᠡᠭᠡᠵᠦ ᠳᠠᠭᠤᠳᠠᠭᠤᠯᠤᠭᠰᠠᠳ ᠨᠢ ᠦᠬᠦᠯ ᠦᠨ ᠣᠷᠣᠨ ᠤ ᠭᠦᠨ ᠳᠦ ᠪᠠᠢᠭᠠ ᠶᠢ ᠲᠡᠷᠡ ᠡᠷᠡ ᠮᠡᠳᠡᠳᠡᠭ ᠦᠭᠡᠢ ᠪᠦᠯᠦᠭᠡ᠃