ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠨᠠᠢ᠌ᠮᠠ
1 ᠬᠠᠵᠢᠭ ᠬᠥᠮᠦᠨ ᠥᠪᠡᠷ ᠦᠨ ᠢᠶᠠᠨ ᠬᠦᠰᠡᠯ ᠢ ᠯᠠ ᠬᠠᠢᠵᠤ ᠬᠠᠮᠤᠭ ᠴᠡᠴᠡᠨ ᠤᠬᠠᠭᠠᠨ ᠢ ᠵᠢᠭ᠍ᠰᠢᠨᠡ᠃
2 ᠮᠤᠩ᠋ᠬᠠᠭ ᠨᠢ ᠤᠬᠠᠭᠠᠷᠠᠯ ᠳᠤ ᠳᠤᠷᠠ ᠦᠭᠡᠢ ᠥᠪᠡᠷ ᠦᠨ ᠢᠶᠠᠨ ᠪᠣᠳᠣᠯ ᠢ ᠢᠯᠡᠷᠬᠡᠶᠢᠯᠡᠬᠦ ᠳᠤᠷᠠᠲᠠᠢ᠃
3 ᠪᠤᠷᠤᠭᠤᠲᠠᠨ ᠢᠷᠡᠬᠦ ᠳᠦ ᠪᠠᠰᠤᠮᠵᠢᠯᠠᠯ ᠢᠷᠡᠨᠡ ᠰᠢᠪᠰᠢᠭ ᠢᠷᠡᠬᠦ ᠳᠦ ᠢᠴᠢᠭᠦᠷᠢ ᠢᠷᠡᠨᠡ᠃
4 ᠬᠥᠮᠦᠨ ᠦ ᠠᠮᠠᠨ ᠳᠠᠬᠢ ᠦᠭᠡᠰ ᠭᠦᠨ ᠦ ᠤᠰᠤ ᠪᠠᠢᠭ ᠮᠡᠷᠭᠡᠨ ᠤᠬᠠᠭᠠᠨ ᠤ ᠤᠨᠳᠤᠷᠤᠭᠠ ᠨᠢ ᠣᠷᠭᠢᠯᠬᠤ ᠪᠤᠯᠠᠭ᠃
5 ᠰᠢᠭᠦᠯᠲᠡ ᠳᠡᠭᠡᠷᠡ ᠪᠤᠷᠤᠭᠤᠲᠠᠨ ᠢ ᠬᠡᠯᠲᠦᠷᠢᠭᠦᠯᠵᠦ ᠵᠥᠪᠲᠡᠨ ᠢ ᠬᠢᠯᠢᠰᠳᠡᠭᠦᠯᠬᠦ ᠨᠢ ᠰᠠᠢᠨ ᠪᠢᠰᠢ᠃
6 ᠮᠤᠩ᠋ᠬᠠᠭ ᠨᠢ ᠣᠷᠣᠭᠤᠯ ᠢᠶᠠᠷ ᠢᠶᠠᠨ ᠬᠡᠷᠡᠭᠦᠯ ᠥᠳᠥᠭᠡᠵᠦ ᠠᠮᠠ ᠪᠠᠷ ᠢᠶᠠᠨ ᠲᠠᠰᠢᠭᠤᠷ ᠳᠠᠭᠤᠳᠠᠨᠠ᠃
7 ᠮᠤᠩ᠋ᠬᠠᠭ ᠤᠨ ᠣᠷᠣᠭᠤᠯ ᠥᠪᠡᠷ ᠦᠨ ᠬᠢᠨᠢ ᠰᠦᠢᠷᠡᠯ ᠠᠮᠠ ᠨᠢ ᠥᠪᠡᠷ ᠦᠨ ᠬᠢᠨᠢ ᠤᠷᠠᠬᠠ᠃
8 ᠬᠣᠪᠴᠢ ᠬᠥᠮᠦᠨ ᠦ ᠦᠭᠡ ᠪᠤᠷᠠᠮ ᠮᠡᠲᠦ ᠪᠡᠶᠡ ᠳᠣᠲᠣᠷᠠ ᠭᠦᠨ ᠣᠷᠣᠳᠠᠭ᠃
9 ᠥᠪᠡᠷ ᠦᠨ ᠢᠶᠠᠨ ᠠᠵᠢᠯ ᠳᠤ ᠬᠠᠰᠢ ᠶᠠᠰᠢ ᠬᠥᠮᠦᠨ ᠰᠦᠢᠳᠬᠡᠭᠴᠢ ᠶᠢᠨ ᠠᠬᠠᠨ ᠳᠡᠭᠦᠦ᠃
10 ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠣᠯ ᠪᠠᠲᠤ ᠴᠠᠮᠬᠠᠭ ᠵᠥᠪᠲᠡᠨ ᠲᠡᠰᠢ ᠭᠦᠶᠦᠵᠦ ᠠᠶᠤᠯ ᠦᠭᠡᠢ ᠪᠣᠯᠣᠨᠠ᠃
11 ᠪᠠᠶᠠᠨ ᠤ ᠬᠥᠷᠥᠩᠭᠡ ᠥᠪᠡᠷ ᠦᠨ ᠬᠢᠨᠢ ᠪᠡᠬᠢᠯᠡᠯᠲᠡᠲᠦ ᠬᠣᠲᠠ ᠪᠣᠳᠣᠯ ᠳᠤᠨᠢ ᠥᠨᠳᠥᠷ ᠬᠡᠷᠡᠮ ᠮᠡᠲᠦ᠃
12 ᠰᠦᠢᠷᠡᠯ ᠦᠨ ᠡᠮᠦᠨᠡ ᠪᠠᠷᠳᠠᠮ ᠵᠠᠩ ᠠᠯᠳᠠᠷ ᠤᠨ ᠡᠮᠦᠨᠡ ᠳᠠᠷᠤᠤ ᠵᠠᠩ᠃
13 ᠰᠣᠨᠣᠰᠬᠤ ᠶᠢᠨ ᠡᠮᠦᠨᠡ ᠬᠠᠷᠢᠭᠤᠯᠤᠭᠴᠢ ᠨᠢ ᠮᠤᠩ᠋ᠬᠠᠭ ᠪᠥᠭᠡᠳ ᠰᠢᠪᠰᠢᠭ᠃
14 ᠤᠷᠮᠠ ᠲᠠᠢ ᠬᠥᠮᠦᠨ ᠡᠪᠡᠳᠴᠢᠨ ᠢᠶᠠᠨ ᠲᠡᠰᠪᠦᠷᠢᠯᠡᠨᠡ ᠤᠷᠮᠠ ᠬᠤᠭᠤᠷᠠᠪᠠᠯ ᠬᠡᠨ ᠳᠠᠭᠠᠭᠠᠵᠤ ᠴᠢᠳᠠᠬᠤ ᠪᠢᠯᠡ︖
15 ᠤᠬᠠᠭᠠᠨᠲᠤ ᠵᠢᠷᠦᠬᠡ ᠡᠷᠳᠡᠮ ᠢ ᠣᠯᠣᠨᠠ ᠮᠡᠷᠭᠡᠨ ᠰᠣᠨᠣᠷ ᠮᠡᠳᠡᠯᠭᠡ ᠶᠢ ᠡᠷᠢᠨᠡ᠃
16 ᠪᠡᠯᠡᠭ ᠨᠢ ᠬᠥᠮᠦᠨ ᠳᠦ ᠵᠠᠮ ᠢ ᠨᠢ ᠨᠡᠭᠡᠭᠡᠵᠦ ᠠᠭᠤᠤ ᠬᠥᠮᠦᠰ ᠦᠨ ᠡᠮᠦᠨᠡ ᠬᠦᠷᠭᠡᠨᠡ᠃
17 ᠲᠦᠷᠦᠭᠦᠯᠡᠨ ᠵᠠᠭᠠᠯᠳᠤᠭᠴᠢ ᠨᠢ ᠵᠥᠪ ᠮᠡᠲᠦ ᠬᠠᠷᠠᠭᠳᠠᠪᠠᠴᠤ ᠳᠠᠷᠠᠭᠠ ᠬᠥᠮᠦᠨ ᠢᠷᠡᠭᠡᠳ ᠰᠢᠯᠭᠠᠬᠤ ᠶᠣᠰᠣᠲᠠᠢ᠃
18 ᠰᠢᠪᠠᠭᠠ ᠬᠠᠶᠠᠬᠤ ᠨᠢ ᠮᠠᠷᠭᠤᠭᠠᠨ ᠢ ᠵᠣᠭᠰᠣᠭᠠᠨ ᠳᠠᠢᠴᠢᠳ ᠤᠨ ᠬᠣᠭᠣᠷᠣᠨᠳᠣᠬᠢ ᠶᠢ ᠴᠤ ᠰᠢᠢᠳᠦᠨᠡ᠃
19 ᠭᠣᠮᠣᠳᠠᠭᠰᠠᠨ ᠠᠬᠠ ᠳᠡᠭᠦᠦ ᠨᠢ ᠪᠡᠬᠢᠯᠡᠭᠰᠡᠨ ᠬᠣᠲᠠ ᠠᠴᠠ ᠪᠡᠷᠬᠡ ᠬᠡᠷᠡᠭᠦᠯ ᠨᠢ ᠴᠠᠢᠵᠠ ᠶᠢᠨ ᠬᠠᠭᠠᠯᠲᠠ ᠮᠡᠲᠦ᠃
20 ᠬᠥᠮᠦᠨ ᠠᠮᠠᠨ ᠤ ᠪᠠᠨ ᠦᠭᠡ ᠪᠡᠷ ᠭᠡᠳᠡᠰᠦ ᠪᠡᠨ ᠳᠦᠭᠦᠷᠭᠡᠵᠦ ᠣᠷᠣᠭᠤᠯ ᠤᠨ ᠢᠶᠠᠨ ᠨᠥᠭᠡᠴᠡ ᠪᠡᠷ ᠬᠠᠨᠤᠨᠠ᠃
21 ᠬᠡᠯᠡᠨ ᠳᠦ ᠠᠮᠢ ᠪᠠ ᠦᠬᠦᠯ ᠦᠨ ᠮᠡᠳᠡᠯ ᠪᠤᠢ ᠡᠭᠦᠨ ᠢ ᠬᠠᠢᠷᠠᠯᠠᠭᠴᠢ ᠦᠷᠡ ᠵᠢᠮᠢᠰ ᠢ ᠨᠢ ᠠᠮᠰᠠᠨᠠ᠂
22 ᠡᠬᠡᠨᠡᠷ ᠣᠯᠣᠭᠴᠢ ᠨᠢ ᠰᠠᠢᠨ ᠢ ᠣᠯᠣᠭᠰᠠᠨ ᠶᠣᠬᠣᠸᠠ ᠶᠢᠨ ᠲᠠᠭᠠᠯᠠᠯ ᠢ ᠬᠦᠷᠲᠡᠭᠰᠡᠨ᠃
23 ᠶᠠᠳᠠᠭᠤ ᠨᠢ ᠲᠠᠭᠠᠯᠠᠯ ᠭᠤᠶᠤᠬᠤ ᠳᠤ ᠪᠠᠶᠠᠨ ᠨᠢ ᠰᠢᠷᠦᠭᠦᠨ ᠢᠶᠡᠷ ᠬᠠᠷᠢᠭᠤᠯᠤᠨᠠ᠃
24 ᠰᠦᠢᠷᠡᠭᠦᠯᠦᠭᠴᠢ ᠨᠠᠢᠵᠠ ᠨᠠᠷ ᠪᠠᠢᠳᠠᠭ ᠴᠤ ᠠᠬᠠ ᠳᠡᠭᠦᠦᠰ ᠡᠴᠡ ᠳᠣᠲᠣᠨᠣ ᠨᠠᠢᠵᠠ ᠴᠤ ᠪᠠᠢᠳᠠᠭ᠃