ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠳᠣᠯᠣᠭᠠ
ᠵᠠᠪᠬᠠᠢ ᠡᠮᠡ ᠡᠴᠡ ᠵᠠᠢᠯᠠ
1 ᠬᠦᠦ ᠮᠢᠨᠢ᠂ ᠦᠭᠡ ᠶᠢ ᠮᠢᠨᠢ ᠰᠠᠬᠢ ᠲᠤᠰᠢᠶᠠᠯ ᠢ ᠮᠢᠨᠢ ᠥᠪᠡᠷ ᠲᠡᠭᠡᠨ ᠬᠠᠳᠠᠭᠠᠯᠠ᠂
2 ᠲᠤᠰᠢᠶᠠᠯ ᠢ ᠮᠢᠨᠢ ᠰᠠᠬᠢᠵᠤ ᠠᠮᠢᠳᠤᠷᠠ ᠵᠢᠭᠠᠪᠤᠷᠢ ᠶᠢ ᠮᠢᠨᠢ ᠨᠢᠳᠦᠨ ᠦ ᠪᠠᠨ ᠴᠡᠴᠡᠭᠡᠢ ᠮᠡᠲᠦ ᠬᠠᠮᠠᠭᠠᠯᠠ
3 ᠡᠳᠡᠭᠡᠷ ᠢ ᠬᠤᠷᠤᠭᠤᠨ ᠳᠠᠭᠠᠨ ᠤᠶᠠᠵᠤ ᠵᠢᠷᠦᠬᠡᠨ ᠰᠠᠮᠪᠠᠷᠠ ᠳᠠᠭᠠᠨ ᠪᠢᠴᠢ᠃
4 ᠮᠡᠷᠭᠡᠨ ᠤᠬᠠᠭᠠᠨ ᠢ ᠴᠢ 《ᠮᠢᠨᠦ ᠡᠭᠡᠴᠢ》 ᠬᠡᠮᠡᠨ ᠣᠶᠤᠨ ᠤᠬᠠᠭᠠᠨ ᠢ ᠪᠠᠰᠠ ᠣᠢᠷᠠ ᠲᠥᠷᠥᠯ ᠭᠡᠵᠦ ᠳᠠᠭᠤᠳᠠ᠂
5 ᠰᠠᠳᠤᠷ ᠡᠮᠡ᠂ ᠵᠢᠰᠤᠷ ᠦᠭᠡ ᠲᠠᠢ ᠬᠠᠷᠢ ᠡᠮᠡ ᠡᠴᠡ ᠲᠡᠳᠡ ᠴᠢᠮᠠᠶᠢ ᠬᠠᠮᠠᠭᠠᠯᠠᠨᠠ᠃
6 ᠣᠷᠣᠨ ᠭᠡᠷ ᠦᠨ ᠢᠶᠠᠨ ᠴᠣᠩ᠋ᠬᠣ ᠪᠠᠷ᠂ ᠰᠠᠷᠠᠯᠵᠢᠲᠤ ᠴᠣᠩ᠋ᠬᠣ ᠪᠠᠷ ᠱᠠᠭᠠᠢᠲᠠᠯᠠ
7 ᠤᠤᠯ ᠬᠡᠨᠡᠭᠡᠨ ᠵᠠᠯᠠᠭᠤᠰ ᠢ ᠪᠢ ᠬᠠᠷᠠᠯᠠ᠂ ᠵᠠᠯᠠᠭᠤᠰ ᠤᠨ ᠳᠤᠮᠳᠠᠬᠢ ᠤᠬᠠᠭᠠᠨ ᠳᠤᠯᠢᠮᠠᠭ ᠨᠢᠭᠡ ᠶᠢ ᠨᠢ ᠠᠵᠢᠭᠯᠠᠵᠤ ᠪᠠᠢᠯᠠ᠂
8 ᠲᠡᠭᠡᠲᠡᠯᠡ ᠥᠨᠥᠬᠢ ᠴᠢᠨᠢ ᠬᠠᠵᠠᠭᠤ ᠶᠢᠨ ᠭᠤᠳᠤᠮᠵᠢ ᠶᠢ ᠣᠭᠲᠣᠯᠵᠤ ᠲᠡᠷᠡ ᠡᠮᠡ ᠶᠢᠨ ᠪᠠᠢᠷᠢ ᠶᠢ ᠵᠣᠷᠢᠵᠤ ᠪᠠᠢᠪᠠ
9 ᠬᠠᠷᠠ ᠪᠦᠷᠦᠢ ᠦᠳᠡᠰᠢ ᠪᠠᠷ ᠬᠠᠷᠠᠩ᠋ᠭᠤᠢ ᠰᠥᠨᠢ ᠳᠤᠮᠳᠠ
10 ᠶᠠᠩ᠋ᠬᠠᠨ ᠰᠢᠭ᠋ ᠬᠤᠪᠴᠠᠰᠤᠯᠠᠭᠰᠠᠨ ᠶᠠᠩᠵᠤ ᠶᠢᠨ ᠵᠠᠯᠢ ᠲᠠᠢ ᠥᠨᠥᠬᠢ ᠡᠮᠡ ᠬᠠᠷᠠ᠂ ᠥᠭᠡᠳᠡ ᠡᠴᠡ ᠨᠢ ᠲᠣᠰᠣᠭᠠᠳ ᠭᠠᠷᠴᠤ ᠢᠷᠡᠯᠡ
11 ᠣᠷᠢᠯᠠᠭᠠ ᠪᠥᠭᠡᠳ ᠤᠪᠯᠢᠭᠠ ᠦᠭᠡᠢ 7 ᠲᠡᠷᠡ ᠣᠷᠣᠨ ᠭᠡᠷ ᠲᠡᠭᠡᠨ ᠬᠥᠯ ᠲᠣᠭᠲᠠᠬᠤ ᠦᠭᠡᠢ
12 ᠬᠠᠶᠠ ᠭᠤᠳᠤᠮᠵᠢᠨ ᠳᠤ᠂ ᠬᠠᠶᠠ ᠲᠠᠯᠠᠪᠠᠢ ᠳᠤ᠂ ᠪᠤᠯᠤᠩ ᠪᠣᠯᠭᠠᠨ ᠳᠤ ᠳᠠᠯᠳᠠᠯᠠᠨ ᠬᠦᠯᠢᠶᠡᠨᠡ᠃
13 ᠲᠡᠷᠡ ᠪᠡᠷ ᠵᠠᠯᠠᠭᠤ ᠠᠴᠠ ᠵᠢᠭᠤᠷᠠᠵᠤ᠂ ᠲᠡᠭᠡᠭᠡᠳ ᠲᠡᠭᠦᠨ ᠢ ᠦᠨᠦᠰᠴᠦ ᠢᠴᠢᠬᠦ ᠨᠢᠭᠤᠷ ᠦᠭᠡᠢ᠂ ᠡᠢᠨ ᠬᠦ ᠲᠡᠭᠦᠨ ᠳᠦ ᠬᠡᠯᠡᠪᠡ᠄
14 《ᠡᠪ ᠦᠨ ᠲᠠᠬᠢᠯ ᠢ ᠪᠢ ᠡᠷᠭᠦᠬᠦ ᠶᠣᠰᠣᠲᠠᠢ ᠪᠠᠢᠭᠰᠠᠨ ᠥᠨᠥᠳᠥᠷ ᠪᠢ ᠲᠠᠩ᠋ᠭᠠᠷᠢᠭ ᠢᠶᠠᠨ ᠰᠠᠬᠢᠯᠠ
15 ᠢᠩᠭᠢᠭᠡᠳ ᠴᠢᠮᠠ ᠲᠠᠢ ᠨᠢᠭᠤᠷ ᠲᠤᠯᠵᠤ ᠤᠴᠠᠷᠠᠬᠤ ᠪᠠᠷ ᠭᠠᠷᠤᠯᠠ ᠡᠷᠢᠨ ᠡᠷᠢᠭᠰᠡᠭᠡᠷ ᠴᠢᠮᠠᠶᠢ ᠣᠯᠣᠯᠠ
16 ᠶᠧᠵᠢᠫᠲ ᠤᠨ ᠡᠷᠢᠶᠡᠨ ᠪᠦᠲᠡᠭᠡᠯᠭᠡ ᠪᠡᠷ ᠢᠰᠡᠷᠢ ᠪᠠᠨ ᠪᠦᠲᠡᠭᠡᠯᠡ
17 ᠮᠢᠷᠷᠠ᠂ ᠠᠭᠠᠷᠤ᠂ ᠱᠠᠩᠴᠠ ᠶᠢ ᠣᠷᠣ ᠳᠡᠭᠡᠷᠡ ᠪᠡᠨ ᠰᠠᠴᠤᠯᠠ
18 ᠬᠦᠷᠦᠭᠡᠳ ᠢᠷᠡ ᠨᠠᠰᠢ ᠪᠠᠨ᠂ ᠥᠷᠯᠥᠭᠡ ᠪᠣᠯᠲᠠᠯᠠ ᠬᠦᠰᠡᠯ ᠳᠤᠷᠠ ᠪᠠᠨ ᠬᠠᠩ᠋ᠭᠠᠵᠤ ᠬᠠᠢᠷᠠ ᠪᠠᠷ ᠵᠢᠷᠭᠠᠶᠠ
19 ᠡᠷᠡ ᠨᠥᠬᠥᠷ ᠮᠢᠨᠢ ᠭᠡᠷ ᠲᠡᠭᠡᠨ ᠪᠠᠢᠬᠤ ᠦᠭᠡᠢ ᠬᠠᠷᠢ ᠬᠣᠯᠠ ᠶᠢᠨ ᠠᠶᠠᠨ ᠳᠤ ᠶᠠᠪᠤᠭᠰᠠᠨ
20 ᠲᠡᠷᠡ ᠮᠥᠩᠭᠥ ᠲᠠᠢ ᠪᠣᠭᠴᠣ ᠪᠠᠨ ᠠᠪᠤᠭᠠᠳ ᠣᠳᠣᠭᠰᠠᠨ ᠲᠡᠷᠭᠡᠯ ᠰᠠᠷᠠᠨ ᠤ ᠦᠶᠡ ᠪᠡᠷ ᠯᠠ ᠭᠡᠷ ᠲᠡᠭᠡᠨ ᠢᠷᠡᠬᠦ ᠪᠣᠯᠣᠨᠠ᠃》
21 ᠤᠷᠠᠨ ᠦᠭᠡ ᠪᠡᠷ ᠢᠶᠠᠨ ᠲᠡᠷᠡ ᠥᠨᠥᠬᠢ ᠡᠷᠡ ᠶᠢ ᠲᠠᠲᠠᠯᠠ ᠣᠷᠣᠭᠤᠯ ᠤᠨ ᠨᠢᠯᠤᠭᠤᠨ ᠦᠭᠡ ᠪᠡᠷ ᠢᠶᠠᠨ ᠲᠡᠭᠦᠨ ᠢ ᠥᠳᠥᠭᠡᠯᠡ
22 ᠡᠨᠡ ᠭᠱᠠᠨ ᠳᠤ ᠬᠠᠷᠠ ᠬᠦᠦ ᠡᠮᠡ ᠶᠢ ᠳᠠᠭᠠᠵᠤ ᠪᠠᠢᠪᠠ ᠨᠢᠳᠤᠯᠤᠭᠠᠨ ᠳᠤ ᠣᠴᠢᠬᠤ ᠪᠤᠬᠠ ᠮᠡᠲᠦ ᠤᠷᠠᠬᠠᠨ ᠳᠤ ᠣᠷᠣᠬᠤ ᠪᠤᠭᠤ 8 ᠮᠡᠲᠦ᠂
23 ᠡᠯᠢᠭᠡ ᠶᠢ ᠨᠢ ᠨᠡᠪᠲᠡ ᠰᠦᠯᠪᠡᠲᠡᠯᠡ ᠳᠠᠭᠠᠨᠠ ᠠᠮᠢ ᠪᠠᠨ ᠠᠯᠳᠠᠬᠤ ᠪᠠᠨ ᠮᠡᠳᠡᠯ ᠦᠭᠡᠢ ᠲᠣᠣᠷ ᠤᠷᠤᠭᠤ ᠤᠬᠤᠰᠬᠢᠬᠤ ᠰᠢᠪᠠᠭᠤ ᠮᠡᠲᠦ᠃
24 ᠠᠯᠢ ᠪᠤᠢ᠂ ᠲᠡᠭᠡᠬᠦ ᠪᠡᠷ ᠬᠡᠦᠬᠡᠳ ᠤᠳ ᠡ᠂ ᠮᠢᠨᠦᠬᠢ ᠶᠢ ᠰᠣᠨᠣᠰ ᠠᠮᠠᠨ ᠠᠴᠠ ᠭᠠᠷᠬᠤ ᠦᠭᠡ ᠶᠢ ᠮᠢᠨᠢ ᠠᠩ᠋ᠬᠠᠷ᠃
25 ᠲᠡᠢᠮᠦ ᠡᠮᠡ ᠶᠢᠨ ᠵᠠᠮ ᠤᠷᠤᠭᠤ ᠰᠡᠳᠬᠢᠯ ᠪᠦᠦ ᠬᠠᠵᠠᠢ ᠲᠡᠢᠨ ᠬᠦ ᠲᠡᠭᠦᠨ ᠦ ᠵᠢᠮ ᠢᠶᠠᠷ ᠪᠢᠲᠡᠭᠡᠢ ᠲᠥᠭᠡᠷᠢ
26 ᠤᠴᠢᠷ ᠨᠢ ᠲᠡᠭᠦᠨ ᠦ ᠤᠨᠠᠭᠠᠵᠤ ᠰᠢᠷᠬᠠᠲᠤᠭᠤᠯᠤᠭᠰᠠᠨ ᠨᠢ ᠣᠯᠠᠨ ᠤᠯᠠᠮ ᠢᠶᠠᠷ ᠲᠡᠭᠦᠨ ᠳᠦ ᠠᠯᠠᠭᠤᠯᠤᠭᠰᠠᠨ ᠨᠢ ᠵᠥᠩᠳᠡᠭᠡᠨ
27 ᠲᠡᠭᠦᠨ ᠦ ᠭᠡᠷ ᠦᠬᠦᠯ ᠦᠨ ᠣᠷᠣᠨ ᠤ ᠵᠠᠮ ᠦᠬᠦᠭᠰᠡᠳ ᠦᠨ ᠳᠣᠲᠣᠭᠠᠳᠤ ᠲᠠᠩᠬᠢᠮ ᠤᠷᠤᠭᠤ ᠪᠠᠭᠤᠵᠤ ᠪᠠᠢᠨᠠ᠃