ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠣᠷᠢ ᠶᠢᠰᠦ
1 ᠵᠢᠮᠡᠯᠡᠭᠳᠡᠳᠡᠭ ᠪᠣᠯᠪᠠᠴᠤ ᠵᠥᠷᠢᠭᠦᠳᠯᠡᠳᠡᠭ᠌ ᠬᠥᠮᠦᠨ ᠵᠠᠰᠠᠷᠠᠯᠲᠠ ᠦᠭᠡᠢ ᠪᠠᠷ ᠭᠡᠨᠡᠳᠲᠡ ᠰᠦᠢᠷᠡᠨᠡ᠃
2 ᠵᠥᠪᠲᠡᠨ ᠣᠯᠠᠰᠢᠷᠠᠬᠤ ᠳᠤ ᠠᠷᠠᠳ ᠪᠠᠶᠠᠷᠯᠠᠨᠠ ᠪᠤᠷᠤᠭᠤᠲᠠᠨ ᠨᠣᠶᠠᠷᠬᠠᠬᠤ ᠳᠤ ᠠᠷᠠᠳ ᠭᠠᠰᠠᠯᠤᠨᠠ᠃
3 ᠮᠡᠷᠭᠡᠨ ᠤᠬᠠᠭᠠᠨ ᠢ ᠬᠠᠢᠷᠠᠯᠠᠭᠴᠢ ᠡᠴᠢᠭᠡ ᠪᠡᠨ ᠪᠠᠶᠠᠰᠬᠠᠨᠠ ᠶᠠᠩ᠋ᠬᠠᠨ ᠲᠠᠢ ᠨᠡᠢᠯᠡᠭᠴᠢ ᠬᠥᠷᠥᠩᠭᠡ ᠪᠡᠨ ᠪᠠᠷᠠᠨᠠ᠃
4 ᠬᠠᠭᠠᠨ ᠭᠣᠣᠯᠴᠢ ᠪᠠᠷ ᠭᠠᠵᠠᠷ ᠨᠤᠲᠤᠭ ᠢᠶᠠᠨ ᠪᠡᠬᠢᠵᠢᠭᠦᠯᠦᠨᠡ ᠬᠠᠬᠤᠤᠯᠢ ᠠᠪᠤᠭᠴᠢ ᠨᠢ ᠲᠡᠭᠦᠨ ᠢ ᠪᠠᠨ ᠰᠦᠢᠷᠡᠭᠦᠯᠦᠨᠡ᠃
5 ᠬᠥᠷᠰᠢ ᠪᠠᠨ ᠪᠢᠯᠳᠠᠤᠴᠢᠯᠠᠬᠤ ᠨᠢ ᠬᠥᠯ ᠳᠦᠨᠢ ᠲᠣᠣᠷ ᠲᠠᠯᠪᠢᠬᠤ᠃
6 ᠬᠣᠷᠣᠨ ᠬᠥᠮᠦᠨ ᠭᠡᠮ ᠳᠡᠭᠡᠨ ᠤᠷᠠᠬᠠᠳᠠᠭᠤᠯᠤᠨᠠ ᠵᠥᠪᠲᠡᠨ ᠳᠠᠭᠤᠯᠠᠨ ᠪᠠᠶᠠᠰᠤᠨᠠ᠃
7 ᠵᠥᠪᠲᠡᠨ ᠶᠠᠳᠠᠭᠤᠰ ᠤᠨ ᠬᠡᠷᠡᠭ ᠢ ᠠᠩ᠋ᠬᠠᠷᠳᠠᠭ ᠪᠤᠷᠤᠭᠤᠲᠠᠨ ᠡᠭᠦᠨ ᠦ ᠤᠴᠢᠷ ᠢ ᠣᠢᠯᠠᠭᠠᠳᠠᠭ ᠦᠭᠡᠢ᠃
8 ᠪᠠᠰᠤᠮᠵᠢᠯᠠᠭᠴᠢᠳ ᠬᠣᠲᠠ ᠶᠢ ᠦᠢᠮᠡᠭᠦᠯᠦᠨᠡ ᠮᠡᠷᠭᠡᠳ ᠠᠭᠤᠷ ᠢ ᠨᠢ ᠨᠠᠮᠳᠠᠭᠠᠨᠠ᠃
9 ᠮᠡᠷᠭᠡᠨ ᠬᠢᠭᠡᠳ ᠮᠤᠩ᠋ᠬᠠᠭ ᠮᠡᠳᠬᠡᠯᠴᠡᠬᠦ ᠳᠦ ᠬᠢᠯᠢᠩᠨᠡᠯ ᠳᠣᠭᠣᠭᠢᠯᠠᠯ ᠪᠣᠯᠵᠤ᠂ ᠠᠮᠠᠷᠠᠯ ᠦᠭᠡᠢ᠃
10 ᠴᠢᠰᠤ ᠤᠷᠤᠰᠬᠠᠳᠠᠭ ᠬᠥᠮᠦᠰ ᠪᠤᠷᠤᠭᠤ ᠦᠭᠡᠢ ᠬᠥᠮᠦᠨ ᠢ ᠵᠠᠨᠤᠨ ᠴᠢᠭ᠍ᠴᠢ ᠬᠥᠮᠦᠰ ᠦᠨ ᠠᠮᠢ ᠶᠢ ᠬᠠᠢᠵᠤ ᠪᠠᠢᠨᠠ᠃
11 ᠮᠤᠩ᠋ᠬᠠᠭ ᠨᠢ ᠪᠦᠬᠦ ᠠᠭᠤᠷ ᠢᠶᠠᠨ ᠢᠯᠡᠷᠬᠡᠶᠢᠯᠡᠳᠡᠭ᠌ ᠪᠣᠯ ᠮᠡᠷᠭᠡᠨ ᠨᠢ ᠲᠡᠰᠪᠦᠷᠢᠯᠡᠨᠡ᠃
12 ᠨᠣᠶᠠᠨ ᠨᠢ ᠬᠤᠳᠠᠯ ᠢ ᠠᠩ᠋ᠬᠠᠷᠪᠠᠯ ᠪᠦᠬᠦ ᠲᠦᠰᠢᠮᠡᠯ ᠨᠢ ᠪᠤᠷᠤᠭᠤᠲᠠᠨ ᠪᠣᠯᠣᠨᠠ᠃
13 ᠶᠠᠳᠠᠭᠤ ᠬᠢᠭᠡᠳ ᠳᠠᠷᠤᠯᠠᠭᠴᠢ ᠶᠢᠨ ᠨᠡᠢᠲᠡᠯᠢᠭ ᠲᠠᠯᠠ ᠭᠡᠪᠡᠯ ᠶᠣᠬᠣᠸᠠ ᠬᠣᠶᠠᠭᠤᠯᠠ ᠶᠢᠨ ᠬᠢᠨᠢ ᠨᠢᠳᠦᠨ ᠳᠦ ᠭᠡᠷᠡᠯ ᠰᠣᠶᠣᠷᠬᠠᠭᠰᠠᠨ ᠬᠡᠷᠡᠭ᠃
14 ᠬᠠᠭᠠᠨ ᠶᠠᠳᠠᠭᠤᠰ ᠢ ᠦᠨᠡᠨ ᠢᠶᠡᠷ ᠰᠢᠭᠦᠪᠡᠯ ᠰᠡᠨᠲᠢ ᠨᠢ ᠡᠭᠦᠷᠢᠳᠡ ᠪᠡᠬᠢᠵᠢᠨᠡ᠃
15 ᠵᠢᠮᠡᠯᠡᠯ ᠦᠨ ᠰᠢᠯᠪᠢᠭᠦᠷ ᠮᠡᠷᠭᠡᠨ ᠤᠬᠠᠭᠠᠨ ᠢ ᠣᠯᠭᠣᠬᠤ ᠪᠣᠯᠪᠠᠴᠤ ᠳᠤᠷᠠ ᠪᠠᠷ ᠨᠢ ᠲᠠᠯᠪᠢᠭᠰᠠᠨ ᠬᠡᠦᠬᠡᠳ ᠡᠬᠡ ᠶᠢᠨ ᠢᠶᠠᠨ ᠢᠴᠢᠭᠦᠷᠢ ᠪᠣᠯᠣᠨᠠ᠃
16 ᠪᠤᠷᠤᠭᠤᠲᠠᠨ ᠣᠯᠠᠰᠢᠷᠠᠬᠤ ᠳᠤ ᠭᠡᠮ ᠣᠯᠠᠰᠢᠷᠠᠨᠠ ᠵᠥᠪᠲᠡᠨ ᠲᠡᠳᠡᠨ ᠦ ᠤᠨᠠᠬᠤ ᠶᠢ ᠬᠠᠷᠠᠨᠠ᠃
17 ᠦᠷᠡ ᠬᠡᠦᠬᠡᠳ ᠢᠶᠡᠨ ᠰᠠᠬᠢᠯᠭᠠᠵᠢᠭᠤᠯ ᠥᠪᠡᠷ ᠢ ᠴᠢᠨᠢ ᠲᠡᠷᠡ ᠠᠮᠠᠷᠠᠭᠠᠵᠤ ᠰᠡᠳᠬᠢᠯ ᠢ ᠴᠢᠨᠢ ᠪᠠᠶᠠᠰᠬᠠᠨᠠ᠃
18 ᠠᠯᠤᠰ ᠤᠨ ᠬᠠᠷᠠᠭᠠ 28 ᠪᠠᠢᠬᠤ ᠦᠭᠡᠢ ᠪᠣᠯ ᠠᠷᠠᠳ ᠵᠢᠯᠣᠭᠣ ᠦᠭᠡᠢ ᠬᠠᠤᠯᠢ ᠶᠢ ᠰᠠᠬᠢᠭᠴᠢ ᠬᠠᠷᠢᠨ ᠪᠤᠶᠠᠨ ᠲᠠᠢ᠃
19 ᠵᠠᠷᠤᠴᠠ ᠶᠢ ᠦᠭᠡ ᠪᠡᠷ ᠯᠠ ᠰᠠᠬᠢᠯᠭᠠᠵᠢᠭᠤᠯᠤᠭᠠᠳ ᠪᠣᠯᠬᠤ ᠦᠭᠡᠢ᠂ ᠲᠡᠷᠡ ᠮᠡᠳᠡᠪᠡᠴᠦ ᠡᠰᠡ ᠣᠢᠰᠢᠶᠠᠬᠤ ᠪᠤᠢ᠃
20 ᠠᠮᠠ ᠲᠦᠷᠭᠡᠨ ᠬᠥᠮᠦᠨ ᠢ ᠴᠢ ᠦᠵᠡᠭᠰᠡᠨ ᠪᠢᠵᠡ ᠮᠤᠩ᠋ᠬᠠᠭ ᠨᠢ ᠲᠡᠭᠦᠨ ᠡᠴᠡ ᠢᠯᠡᠭᠦᠦ ᠨᠠᠢᠳᠠᠯᠭᠠ ᠲᠠᠢ᠃
21 ᠪᠠᠭᠠ ᠠᠴᠠ ᠨᠢ ᠡᠷᠬᠡᠯᠡᠭᠦᠯᠦᠭᠰᠡᠨ ᠵᠠᠷᠤᠴᠠ ᠡᠴᠦᠰ ᠲᠡᠭᠡᠨ ᠵᠣᠪᠠᠯᠠᠩ ᠪᠣᠯᠬᠤ ᠪᠤᠢ᠃
22 ᠠᠭᠤᠷ ᠲᠠᠢ ᠬᠥᠮᠦᠨ ᠬᠡᠷᠡᠭᠦᠯ ᠥᠳᠥᠭᠡᠨᠡ ᠠᠭᠰᠤᠮ ᠨᠢᠭᠡᠨ ᠳᠦ ᠭᠡᠮ ᠣᠯᠠᠨ᠃
23 ᠪᠠᠷᠳᠠᠮ ᠵᠠᠩ ᠬᠥᠮᠦᠨ ᠢ ᠢᠴᠢᠭᠦᠷᠢ ᠳᠤ ᠣᠷᠣᠭᠤᠯᠵᠤ ᠳᠠᠷᠤᠤ ᠵᠠᠩ ᠠᠯᠳᠠᠷ ᠬᠦᠨᠳᠦ ᠶᠢ ᠣᠯᠭᠣᠨᠠ᠃
24 ᠬᠤᠯᠠᠭᠠᠢᠴᠢ ᠶᠢᠨ ᠬᠠᠮᠰᠠᠭᠠᠲᠠᠨ ᠠᠮᠢ ᠪᠠᠨ ᠬᠣᠬᠢᠷᠠᠭᠠᠭᠴᠢ ᠬᠠᠷᠢᠶᠠᠯ ᠰᠣᠨᠣᠰᠣᠭᠰᠠᠨ ᠴᠤ ᠲᠡᠷᠡ ᠦᠯᠦ ᠮᠡᠳᠡᠭᠦᠯᠦᠨᠡ᠃
25 ᠬᠥᠮᠦᠨ ᠡᠴᠡ ᠠᠶᠤᠪᠠᠯ ᠤᠷᠠᠬᠠᠨ ᠳᠤ ᠣᠷᠣᠨᠠ ᠶᠣᠬᠣᠸᠠ ᠳᠤ ᠨᠠᠢᠳᠠᠭᠴᠢ ᠨᠢ ᠠᠶᠤᠯ ᠦᠭᠡᠢ᠃
26 ᠣᠯᠠᠨ ᠬᠥᠮᠦᠨ ᠵᠠᠬᠢᠷᠤᠭᠴᠢ ᠶᠢᠨ ᠴᠢᠷᠠᠢ ᠶᠢ ᠬᠠᠷᠠᠪᠠᠴᠤ ᠬᠥᠮᠦᠨ ᠪᠦᠷᠢ ᠶᠢ ᠰᠢᠭᠦᠭᠴᠢ ᠨᠢ ᠶᠣᠬᠣᠸᠠ᠃
27 ᠵᠥᠪᠲᠡᠨ ᠳᠦ ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠵᠢᠭᠰᠢᠭᠦᠷᠢ ᠪᠤᠷᠤᠭᠤᠲᠠᠨ ᠳᠤ ᠴᠢᠭ᠍ᠴᠢ ᠵᠠᠮᠨᠠᠭᠴᠢ ᠵᠢᠭᠰᠢᠭᠦᠷᠢ᠃