ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠳᠣᠯᠣᠭᠠ
1 ᠬᠠᠲᠠᠭᠰᠠᠨ ᠵᠦᠰᠦᠮ ᠪᠣᠣᠪᠣ ᠲᠠᠢ ᠡᠶᠡ ᠲᠠᠢ ᠪᠠᠢᠬᠤ ᠨᠢ ᠮᠢᠬᠠ ᠪᠠᠷ ᠳᠦᠭᠦᠷᠡᠩ ᠭᠡᠷ ᠲᠦ ᠮᠠᠷᠭᠤᠯᠳᠤᠬᠤ ᠠᠴᠠ ᠳᠡᠭᠡᠷᠡ᠃
2 ᠠᠪᠬᠠᠯᠵᠢ ᠲᠠᠢ ᠵᠠᠷᠤᠴᠠ ᠠᠷᠴᠠᠭᠠ ᠦᠭᠡᠢ ᠬᠦᠦ ᠶᠢ ᠠᠬᠠᠯᠠᠵᠤ ᠠᠬᠠᠨ ᠳᠡᠭᠦᠦᠰ ᠲᠡᠢ ᠨᠢ ᠥᠪ ᠬᠤᠪᠢᠶᠠᠯᠴᠠᠨᠠ᠃
3 ᠬᠠᠢᠯᠤᠭᠤᠷ ᠢᠶᠠᠷ ᠮᠥᠩᠭᠥ ᠶᠢ ᠬᠢᠰᠠ 20 ᠪᠠᠷ ᠠᠯᠲᠠ ᠶᠢ ᠬᠠᠷᠢᠨ ᠶᠣᠬᠣᠸᠠ ᠵᠢᠷᠦᠬᠡ ᠶᠢ ᠰᠢᠯᠭᠠᠳᠠᠭ᠃
4 ᠪᠤᠵᠠᠷ ᠦᠢᠯᠡᠳᠡᠨ ᠬᠠᠭᠤᠷᠮᠠᠴᠢ ᠣᠷᠣᠭᠤᠯ ᠢ ᠠᠩ᠋ᠬᠠᠷᠳᠠᠭ ᠬᠣᠣᠷᠲᠤ ᠬᠡᠯᠡᠨ ᠳᠦ ᠴᠢᠬᠢ ᠲᠠᠯᠪᠢᠳᠠᠭ᠃
5 ᠶᠠᠳᠠᠭᠤ ᠶᠢ ᠪᠠᠰᠤᠭᠴᠢ ᠨᠢ ᠪᠦᠲᠦᠭᠡᠭᠴᠢ ᠶᠢ ᠨᠢ ᠳᠣᠭᠣᠭᠢᠯᠠᠭᠴᠢ ᠭᠠᠮᠰᠢᠭ ᠲᠤ ᠪᠠᠶᠠᠰᠤᠭᠴᠢ ᠰᠢᠳᠬᠡᠯ ᠡᠴᠡ ᠵᠠᠢᠯᠠᠵᠤ ᠴᠢᠳᠠᠬᠤ ᠦᠭᠡᠢ᠃
6 ᠦᠷᠡ ᠠᠴᠢ ᠥᠲᠡᠭᠦᠰ ᠦᠨ ᠲᠢᠲᠢᠮ ᠡᠴᠢᠭᠡ ᠡᠬᠡ ᠨᠢ ᠬᠡᠦᠬᠡᠳ ᠦᠨ ᠠᠯᠳᠠᠷ᠃
7 ᠡᠷᠭᠢᠭᠦᠦ ᠳᠦ ᠤᠷᠠᠨ ᠦᠭᠡ ᠨᠡᠢᠴᠡᠬᠦ ᠦᠭᠡᠢ ᠡᠷᠬᠢᠮᠰᠦᠭ ᠲᠦ ᠬᠤᠳᠠᠯ ᠣᠷᠣᠭᠤᠯ ᠪᠦᠷ ᠴᠤ ᠨᠡᠢᠴᠡᠬᠦ ᠦᠭᠡᠢ᠃
8 ᠬᠠᠬᠤᠤᠯᠢ ᠨᠢ ᠥᠭᠭᠥᠭᠴᠢ ᠳᠡᠭᠡᠨ ᠰᠢᠳᠢᠲᠦ ᠴᠢᠯᠠᠭᠤ ᠮᠡᠲᠦ ᠬᠠᠨᠳᠤᠭᠰᠠᠨ ᠵᠦᠭ ᠲᠡᠭᠡᠨ ᠠᠮᠵᠢᠯᠲᠠ ᠣᠯᠭᠣᠮᠠᠷ ᠪᠠᠢᠳᠠᠭ᠃
9 ᠠᠯᠳᠠᠭᠠ ᠶᠢ ᠨᠢᠭᠤᠭᠴᠢ ᠨᠢ ᠬᠠᠢᠷᠠ ᠶᠢ ᠬᠠᠢᠭᠴᠢ ᠠᠬᠢᠵᠤ ᠶᠠᠷᠢᠭᠴᠢ ᠨᠢ ᠠᠨᠳᠠ ᠶᠢ ᠰᠠᠯᠭᠠᠭᠴᠢ᠃
10 ᠤᠰᠤᠨ ᠲᠡᠨᠡᠭ ᠢ ᠵᠠᠭᠤ ᠲᠠᠰᠢᠭᠤᠷᠳᠠᠬᠤ ᠠᠴᠠ ᠤᠬᠠᠭᠠᠷᠠᠭᠴᠢ ᠶᠢ ᠭᠠᠭᠴᠠ ᠵᠢᠮᠡᠯᠡᠬᠦ ᠳᠦ ᠭᠡᠭᠡᠷᠡᠨᠡ᠃
11 ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠲᠡᠷᠰᠯᠡᠯ ᠢ ᠡᠷᠢᠵᠦ ᠪᠠᠢᠲᠠᠯᠠ ᠬᠠᠷᠭᠢᠰ ᠡᠯᠴᠢ ᠥᠭᠡᠳᠡ ᠡᠴᠡ ᠨᠢ ᠢᠯᠡᠭᠡᠭᠳᠡᠨᠡ᠃
12 ᠪᠠᠯᠠᠢᠷᠠᠯ ᠳᠠᠭᠠᠨ ᠠᠪᠲᠠᠭᠰᠠᠨ ᠮᠤᠩ᠋ᠬᠠᠭ ᠲᠠᠢ ᠲᠠᠭᠠᠷᠠᠬᠤ ᠪᠠᠷ ᠪᠠᠮᠪᠤᠷᠠᠰᠢ ᠪᠠᠨ ᠠᠯᠳᠠᠭᠰᠠᠨ ᠡᠪᠰᠢ ᠲᠠᠢ ᠲᠠᠭᠠᠷᠠᠯᠳᠤᠬᠤ ᠨᠢ ᠳᠡᠭᠡᠷᠡ᠃
13 ᠰᠠᠢᠨ ᠢ ᠰᠠᠭᠠᠷ ᠢᠶᠠᠷ ᠬᠠᠷᠢᠭᠤᠯᠪᠠᠯ ᠰᠠᠭᠠᠷ ᠨᠢ ᠭᠡᠷ ᠡᠴᠡ ᠨᠢ ᠰᠠᠯᠬᠤ ᠦᠭᠡᠢ᠃
14 ᠬᠡᠷᠡᠭᠦᠯ ᠦᠨ ᠡᠬᠢ ᠨᠢ ᠤᠰᠤᠨ ᠤ ᠰᠡᠲᠡᠷᠡᠯᠲᠡ ᠮᠠᠷᠭᠤᠭᠠᠨ ᠢ ᠭᠠᠷᠬᠤ ᠠᠴᠠ ᠨᠢ ᠡᠮᠦᠨᠡ ᠵᠣᠭᠰᠣᠭᠠ᠃
15 ᠪᠤᠷᠤᠭᠤ ᠶᠢ ᠵᠥᠪᠲᠥᠭᠡᠭᠴᠢ ᠵᠥᠪ ᠢ ᠪᠤᠷᠤᠭᠤᠰᠢᠶᠠᠭᠴᠢ ᠬᠣᠶᠠᠭᠤᠯᠠ ᠪᠠᠨ ᠶᠣᠬᠣᠸᠠ ᠶᠢᠨ ᠵᠢᠭᠰᠢᠭᠦᠷᠢ᠃
16 ᠮᠡᠷᠭᠡᠨ ᠤᠬᠠᠭᠠᠨ ᠢ ᠬᠦᠰᠡᠬᠦ ᠦᠭᠡᠢ ᠶᠤᠮ ᠪᠣᠯ ᠮᠤᠩ᠋ᠬᠠᠭ ᠤᠨ ᠭᠠᠷ ᠲᠤ ᠮᠥᠩᠭᠥ ᠪᠠᠢᠭᠠᠳ ᠴᠤ ᠶᠠᠭᠠᠬᠢᠬᠤ ᠪᠤᠢ︖
17 ᠠᠨᠳᠠ ᠨᠥᠬᠥᠷ ᠢᠮᠠᠭᠲᠠ ᠬᠠᠢᠷᠠᠯᠠᠳᠠᠭ ᠠᠬᠠ ᠳᠡᠭᠦᠦ ᠨᠢ ᠶᠠᠳᠠᠷᠠᠬᠤ ᠳᠤ ᠲᠤᠰᠠᠯᠠᠬᠤ ᠪᠠᠷ ᠲᠥᠷᠥᠳᠡᠭ᠃
18 ᠤᠬᠠᠭᠠᠨ ᠳᠤᠲᠠᠮᠠᠭ ᠨᠢ ᠪᠠᠷᠢᠴᠠᠭᠠ ᠪᠣᠯᠳᠠᠭ ᠬᠥᠷᠰᠢ ᠪᠠᠨ ᠪᠠᠲᠤᠯᠠᠨ ᠳᠠᠭᠠᠭᠠᠳᠠᠭ᠃
19 ᠬᠢᠯᠢᠨᠴᠡ ᠶᠢ ᠬᠠᠢᠷᠠᠯᠠᠭᠴᠢ ᠨᠢ ᠬᠡᠷᠡᠭᠦᠯ ᠳᠦ ᠳᠤᠷᠠᠯᠠᠭᠴᠢ ᠬᠠᠭᠠᠯᠭᠠ ᠪᠠᠨ ᠥᠨᠳᠥᠷᠰᠡᠭᠡᠭᠴᠢ 21 ᠨᠢ ᠰᠦᠢᠷᠡᠯ ᠬᠠᠢᠭᠴᠢ᠃
20 ᠵᠠᠯᠢᠲᠤ ᠰᠠᠨᠠᠭᠠᠲᠠᠨ ᠵᠢᠷᠭᠠᠯ ᠢ ᠣᠯᠬᠤ ᠦᠭᠡᠢ ᠭᠠᠵᠢᠭᠤ ᠬᠡᠯᠡᠲᠡᠨ ᠵᠣᠪᠠᠯᠠᠩ ᠳᠤ ᠤᠨᠠᠨᠠ᠃
21 ᠮᠤᠩ᠋ᠬᠠᠭ ᠢ ᠲᠥᠷᠥᠭᠦᠯᠦᠭᠴᠢ ᠰᠢᠨᠠᠯᠤᠯ ᠲᠠᠢ ᠮᠤᠯᠭᠤᠤ ᠶᠢᠨ ᠠᠪᠤ ᠳᠤ ᠪᠠᠶᠠᠷ ᠦᠭᠡᠢ᠃
22 ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯ ᠨᠢ ᠰᠠᠢᠨ ᠡᠮ ᠬᠤᠭᠤᠷᠠᠭᠰᠠᠨ ᠤᠷᠮᠠ ᠨᠢ ᠶᠠᠰᠤ ᠱᠠᠷᠬᠢᠷᠠᠭᠤᠯᠤᠨᠠ᠃
23 ᠪᠤᠷᠤᠭᠤᠲᠠᠨ ᠨᠢ ᠬᠥᠮᠦᠨ ᠦ ᠡᠪᠦᠷ ᠡᠴᠡ ᠬᠠᠬᠤᠤᠯᠢ ᠠᠪᠤᠭᠠᠳ ᠰᠢᠯᠤᠭᠤᠨ ᠵᠠᠮ ᠢ ᠮᠤᠷᠤᠢᠯᠭᠠᠨᠠ᠃
24 ᠤᠬᠠᠭᠠᠨ ᠨᠢ ᠤᠬᠠᠭᠠᠨᠲᠠᠨ ᠤ ᠨᠢᠭᠤᠷ ᠤᠷᠤᠭᠤ ᠤᠬᠠᠪᠤᠷᠢ ᠦᠭᠡᠢ ᠶᠢᠨ ᠨᠢᠳᠦ ᠭᠠᠵᠠᠷ ᠤᠨ ᠬᠢᠵᠠᠭᠠᠷ ᠲᠤ᠃
25 ᠲᠡᠨᠡᠭ ᠬᠦᠦ ᠡᠴᠢᠭᠡ ᠳᠡᠭᠡᠨ ᠬᠢᠯᠢᠩᠨᠡᠯ ᠲᠡᠭᠡᠭᠡᠵᠦ ᠲᠥᠷᠥᠭᠦᠯᠦᠭᠰᠡᠨ ᠨᠢᠭᠡᠨ ᠳᠡᠭᠡᠨ ᠭᠠᠰᠢᠭᠤᠳᠠᠯ᠃
26 ᠴᠢᠭ᠍ᠴᠢ ᠶᠢᠨ ᠬᠢᠨᠢ ᠤᠯᠠᠮ ᠢᠶᠠᠷ ᠵᠥᠪᠲᠡᠨ ᠢ ᠲᠣᠷᠭᠠᠬᠤ ᠬᠢᠭᠡᠳ ᠠᠯᠳᠠᠷᠲᠠᠨ ᠢ ᠲᠠᠰᠢᠭᠤᠷᠳᠠᠬᠤ ᠨᠢ ᠰᠠᠢᠨ ᠪᠢᠰᠢ᠃
27 ᠠᠮᠠ ᠪᠠᠨ ᠪᠠᠷᠢᠭᠴᠢ ᠨᠢ ᠮᠡᠳᠡᠯᠭᠡ ᠲᠠᠢ ᠤᠬᠠᠭᠠᠯᠢᠭ ᠬᠥᠮᠦᠨ ᠠᠭᠠᠰᠢ ᠳᠥᠯᠭᠡᠨ᠃
28 ᠮᠤᠩ᠋ᠬᠠᠭ ᠨᠢ ᠳᠠᠭᠤ ᠦᠭᠡᠢ ᠪᠣᠯ ᠮᠡᠷᠭᠡᠨ ᠳᠦ ᠲᠣᠭᠠᠴᠠᠭᠳᠠᠵᠤ ᠣᠷᠣᠭᠤᠯ ᠢᠶᠠᠨ ᠬᠠᠮᠬᠢᠪᠠᠯ ᠤᠬᠠᠭᠠᠨᠲᠠᠨ ᠳᠤ ᠲᠣᠭᠠᠴᠠᠭᠳᠠᠨᠠ᠃