ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠣᠷᠢᠨ ᠲᠠᠪᠤ
ᠰᠣᠯᠣᠮᠣᠨ ᠬᠠᠭᠠᠨ ᠤ ᠪᠤᠰᠤᠳ ᠵᠦᠢᠷ ᠦᠭᠡᠰ
1 ᠳᠠᠷᠠᠭᠠᠬᠢ ᠨᠢ ᠴᠤ ᠰᠣᠯᠣᠮᠣᠨ ᠤ ᠵᠦᠢᠷ ᠮᠡᠷᠭᠡᠨ ᠦᠭᠡᠰ᠂ ᠶᠦᠳᠠ ᠶᠢᠨ ᠬᠠᠭᠠᠨ ᠾᠧᠽᠧᠺᠢᠶᠠ ᠶᠢᠨ ᠬᠥᠮᠦᠰ ᠡᠮᠬᠢᠳᠬᠡᠨ ᠰᠡᠢᠷᠡᠭᠦᠯᠪᠡ᠃
2 ᠤᠳᠬᠠ ᠶᠢ ᠨᠢᠭᠤᠴᠠᠯᠠᠬᠤ ᠨᠢ ᠪᠤᠷᠬᠠᠨ ᠤ ᠠᠯᠳᠠᠷ ᠤᠴᠢᠷ ᠢ ᠤᠬᠠᠬᠤ ᠨᠢ ᠬᠠᠭᠠᠨ ᠤ ᠠᠯᠳᠠᠷ᠂
3 ᠲᠩᠷᠢ ᠥᠨᠳᠥᠷ᠂ ᠭᠠᠵᠠᠷ ᠭᠦᠨ ᠬᠠᠭᠠᠳ ᠤᠨ ᠰᠠᠨᠠᠭᠠ ᠲᠡᠢᠨ ᠬᠦ ᠤᠬᠠᠭᠳᠠᠰᠢ ᠦᠭᠡᠢ᠃
4 ᠮᠥᠩᠭᠥ ᠡᠴᠡ ᠰᠢᠭᠠᠷᠤ ᠶᠢ ᠨᠢ ᠠᠷᠢᠯᠭᠠ ᠳᠠᠷᠬᠠᠨ ᠤ ᠪᠦᠲᠦᠭᠡᠯ ᠭᠠᠷᠬᠤ ᠪᠣᠯᠣᠨᠠ
5 ᠬᠠᠭᠠᠨ ᠤ ᠡᠮᠦᠨᠡ ᠡᠴᠡ ᠪᠤᠷᠤᠭᠤᠲᠠᠨ ᠢ ᠠᠷᠢᠯᠭᠠ ᠰᠡᠨᠲᠢ ᠨᠢ ᠵᠥᠪ ᠶᠣᠰᠣ ᠪᠠᠷ ᠪᠡᠬᠢᠵᠢᠬᠦ ᠪᠣᠯᠣᠨᠠ᠃
6 ᠬᠠᠭᠠᠨ ᠤ ᠡᠮᠦᠨᠡ ᠥᠪᠡᠷ ᠢ ᠪᠠᠨ ᠪᠦᠦ ᠡᠷᠭᠦᠮᠵᠢᠯᠡ ᠶᠡᠬᠡᠰ ᠦᠨ ᠣᠷᠣᠨ ᠳᠤ ᠴᠤ ᠪᠦᠦ ᠵᠣᠭᠰᠣ᠂
7 ᠴᠢ ᠨᠣᠶᠠᠨ ᠤ ᠡᠮᠦᠨᠡ ᠳᠣᠣᠷᠠᠳᠤ ᠪᠣᠯᠬᠤ ᠠᠴᠠ 《ᠳᠡᠭᠡᠭᠰᠢ ᠪᠠᠨ ᠮᠣᠷᠢᠯᠠ》 ᠭᠡᠵᠦ ᠬᠡᠯᠡᠭᠦᠯᠬᠦ ᠨᠢ ᠳᠡᠭᠡᠷᠡ᠃
8 ᠬᠡᠷᠡᠭ ᠵᠠᠷᠭᠤ ᠬᠢᠬᠦ ᠪᠡᠷ ᠬᠡᠷᠬᠢᠪᠡᠴᠦ ᠪᠦᠦ ᠶᠠᠭᠠᠷᠠ ᠬᠥᠷᠰᠢ ᠴᠢᠨᠢ ᠴᠢᠮᠠᠶᠢ ᠢᠴᠢᠭᠡᠪᠡᠯ ᠬᠣᠵᠢᠮ ᠴᠢ ᠶᠠᠭᠠᠬᠢᠬᠤ ᠪᠤᠢ︖
9 ᠬᠥᠷᠰᠢ ᠯᠦᠭᠡ ᠪᠡᠨ ᠮᠠᠷᠭᠤᠯᠳᠤᠪᠠᠯ ᠮᠠᠷᠭᠤᠯᠳᠤ ᠬᠥᠮᠦᠨ ᠦ ᠨᠢᠭᠤᠴᠠ ᠶᠢ ᠪᠦᠦ ᠳᠡᠯᠭᠡ
10 ᠡᠰᠡ ᠲᠡᠭᠡᠪᠡᠰᠦ ᠰᠣᠨᠣᠰᠣᠭᠴᠢ ᠨᠢ ᠴᠢᠮᠠᠶᠢ ᠢᠴᠢᠭᠡᠵᠦ ᠰᠢᠪᠰᠢᠭ ᠴᠢᠨᠢ ᠠᠷᠢᠯᠬᠤ ᠦᠭᠡᠢ᠃
11 ᠤᠨᠤᠵᠤ ᠬᠡᠯᠡᠭᠰᠡᠨ ᠦᠭᠡ ᠮᠥᠩᠭᠥᠨ ᠲᠠᠪᠠᠭ ᠳᠠᠬᠢ ᠠᠯᠲᠠᠨ ᠠᠯᠮᠤᠷᠠᠳ᠃
12 ᠳᠤᠭᠤᠯᠭᠠᠪᠤᠷᠢᠲᠠᠢ ᠴᠢᠬᠢᠨ ᠳᠤ ᠮᠡᠷᠭᠡᠨ ᠦ ᠵᠢᠮᠡᠯᠡᠯ ᠨᠢ ᠠᠯᠲᠠᠨ ᠡᠭᠡᠮᠦᠭ᠂ ᠰᠢᠵᠢᠷ ᠠᠯᠲᠠᠨ ᠴᠢᠮᠡᠭ᠃
13 ᠢᠲᠡᠭᠡᠮᠵᠢᠲᠦ ᠡᠯᠴᠢ ᠨᠢ ᠢᠯᠡᠭᠡᠭᠴᠢᠳ ᠲᠡᠭᠡᠨ ᠬᠤᠷᠢᠶᠠᠯᠲᠠ ᠶᠢᠨ ᠡᠳᠦᠷ ᠳᠠᠬᠢ ᠴᠠᠰᠤᠨ ᠤ ᠬᠠᠢᠯ ᠮᠡᠲᠦ ᠡᠵᠡᠨ ᠦ ᠪᠠᠨ ᠰᠡᠳᠬᠢᠯ ᠢ ᠰᠡᠷᠭᠦᠭᠡᠨᠡ᠃
14 ᠪᠡᠯᠡᠭᠯᠡᠨᠡ ᠭᠡᠵᠦ ᠰᠠᠢᠷᠬᠠᠳᠠᠭ ᠴᠤ ᠥᠭᠳᠡᠭ ᠦᠭᠡᠢ ᠬᠥᠮᠦᠨ ᠪᠣᠷᠣᠭᠠᠨ ᠦᠭᠡᠢ ᠡᠭᠦᠯᠡ ᠪᠠ ᠰᠠᠯᠬᠢ᠃
15 ᠲᠡᠰᠪᠦᠷᠢᠯᠡᠭᠰᠡᠨ ᠠᠭᠤᠷ ᠲᠤ ᠵᠠᠬᠢᠷᠤᠭᠴᠢ ᠢᠳᠬᠠᠭᠳᠠᠨᠠ ᠵᠥᠭᠡᠯᠡᠨ ᠬᠡᠯᠡ ᠶᠠᠰᠤ ᠶᠢ ᠴᠤ ᠬᠤᠭᠤᠯᠤᠨᠠ᠃
16 ᠵᠥᠭᠡᠢ ᠶᠢᠨ ᠪᠠᠯ ᠣᠯᠪᠠᠯ ᠬᠢᠷᠢ ᠪᠠᠨ ᠮᠡᠳᠡᠵᠦ ᠢᠳᠡ ᠬᠡᠲᠦ ᠢᠳᠡᠵᠦ ᠪᠥᠭᠡᠯᠵᠢᠬᠦ ᠪᠤᠢ᠃
17 ᠬᠥᠷᠰᠢ ᠶᠢᠨ ᠢᠶᠠᠨ ᠭᠡᠷ ᠡᠴᠡ ᠬᠥᠯ ᠢᠶᠡᠨ ᠲᠠᠲᠠ ᠲᠡᠳᠡ ᠴᠢᠮᠠ ᠠᠴᠠ ᠵᠠᠯᠬᠠᠭᠠᠳ ᠵᠢᠭᠰᠢᠬᠦ ᠪᠤᠢ᠃
18 ᠬᠥᠷᠰᠢ ᠶᠢᠨ ᠢᠶᠠᠨ ᠲᠠᠯᠠ ᠪᠠᠷ ᠬᠤᠳᠠᠯ ᠭᠡᠷᠡᠴᠢᠯᠡᠭᠴᠢ ᠨᠢ ᠰᠢᠳᠠᠮ᠂ ᠢᠯᠳᠦ ᠬᠢᠭᠡᠳ ᠬᠤᠷᠴᠠᠯᠠᠭᠰᠠᠨ ᠰᠤᠮᠤ᠃
19 ᠪᠡᠷᠬᠡ ᠡᠳᠦᠷ ᠲᠦ ᠢᠲᠡᠭᠡᠮᠵᠢ ᠦᠭᠡᠢ ᠬᠥᠮᠦᠨ ᠳᠦ ᠨᠠᠢᠳᠠᠬᠤ ᠨᠢ ᠡᠮᠲᠡᠷᠡᠭᠰᠡᠨ ᠰᠢᠳᠦ ᠪᠤᠯᠵᠢᠭᠰᠠᠨ ᠬᠥᠯ᠃
20 ᠳᠠᠷᠤᠮᠲᠠ ᠲᠠᠢ ᠵᠢᠷᠦᠬᠡᠨ ᠳᠦ ᠳᠠᠭᠤᠤ ᠳᠠᠭᠤᠯᠠᠭᠴᠢ ᠨᠢ ᠳᠠᠭᠠᠷᠠᠭᠰᠠᠨ ᠬᠥᠮᠦᠨ ᠦ ᠳᠠᠬᠤ ᠶᠢ ᠲᠠᠢᠯᠬᠤ᠂ ᠰᠢᠷᠬᠠᠨ ᠳᠡᠭᠡᠷᠡ ᠳᠠᠪᠤᠰᠤ ᠪᠠ ᠼᠤᠤ ᠶᠢ ᠬᠢᠬᠦ ᠲᠠᠢ ᠠᠳᠠᠯᠢ᠃
21 ᠥᠰᠲᠡᠨ ᠴᠢᠨᠢ ᠥᠯᠥᠰᠥᠭᠰᠡᠨ ᠪᠣᠯ ᠬᠣᠭᠣᠯᠠ ᠢᠳᠡᠭᠦᠯ ᠴᠠᠩ᠋ᠭᠠᠭᠰᠠᠨ ᠪᠣᠯ ᠤᠰᠤ ᠤᠤᠭᠤᠯᠭᠠ
22 ᠡᠢᠨ ᠬᠦ ᠴᠢ ᠲᠡᠭᠦᠨ ᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠭᠠᠯ ᠲᠠᠢ ᠨᠡᠭᠦᠷᠡᠰᠦ ᠣᠪᠣᠭᠠᠯᠠᠨᠠ ᠱᠠᠩᠨᠠᠯ ᠢ ᠶᠣᠬᠣᠸᠠ ᠴᠢᠮᠠ ᠳᠤ ᠣᠯᠭᠣᠨᠠ᠃
23 ᠤᠮᠠᠷᠠᠲᠤ ᠶᠢᠨ ᠰᠠᠯᠬᠢᠨ ᠤ ᠡᠴᠦᠰ ᠲᠦ ᠬᠤᠷᠠ ᠪᠣᠷᠣᠭᠠᠨ ᠭᠦᠳᠬᠡᠯ ᠶᠠᠷᠢᠶᠠᠨ ᠤ ᠡᠴᠦᠰ ᠲᠦ ᠠᠭᠤᠷᠲᠠᠢ ᠴᠢᠷᠠᠢ᠃
24 ᠬᠡᠷᠡᠭᠦᠯᠴᠢ ᠡᠬᠡᠨᠡᠷ ᠲᠡᠢ ᠨᠢᠭᠡ ᠭᠡᠷ ᠲᠦ ᠰᠠᠭᠤᠬᠤ ᠠᠴᠠ ᠳᠡᠭᠡᠪᠦᠷ ᠦᠨ ᠪᠤᠯᠤᠩ ᠳᠤ ᠠᠮᠢᠳᠤᠷᠠᠭᠰᠠᠨ ᠨᠢ ᠳᠡᠭᠡᠷᠡ᠃
25 ᠠᠯᠤᠰ ᠤᠨ ᠣᠷᠣᠨ ᠠᠴᠠ ᠢᠷᠡᠬᠦ ᠰᠠᠢᠨ ᠮᠡᠳᠡᠭᠡ ᠠᠩ᠋ᠭᠠᠭᠰᠠᠨ ᠬᠥᠮᠦᠨ ᠳᠦ ᠥᠭᠬᠦ ᠬᠦᠢᠲᠡᠨ ᠤᠰᠤ ᠮᠡᠲᠦ᠃
26 ᠵᠥᠪᠲᠡᠨ ᠪᠤᠷᠤᠭᠤᠲᠠᠨ ᠤ ᠡᠮᠦᠨᠡ ᠭᠤᠢᠪᠢᠬᠤ ᠨᠢ ᠱᠠᠩᠳᠠ ᠱᠠᠯᠪᠠᠭᠳᠠᠵᠤ᠂ ᠪᠤᠯᠠᠭ ᠪᠣᠬᠢᠷᠲᠣᠬᠤ ᠲᠠᠢ ᠠᠳᠠᠯᠢ᠃
27 ᠪᠠᠯ ᠢ ᠴᠤ ᠬᠡᠲᠦᠷᠬᠡᠢ ᠢᠳᠡᠬᠦ ᠨᠢ ᠰᠠᠢᠨ ᠪᠢᠰᠢ ᠠᠯᠳᠠᠷ ᠳᠡᠭᠡᠷᠡ ᠠᠯᠳᠠᠷ ᠢ ᠬᠠᠢᠬᠤ ᠨᠢ ᠴᠤ ᠲᠡᠢᠮᠦ᠃
28 ᠵᠠᠩ ᠢᠶᠠᠨ ᠵᠠᠬᠢᠷᠳᠠᠭ ᠦᠭᠡᠢ ᠬᠥᠮᠦᠨ ᠬᠡᠷᠡᠮ ᠦᠭᠡᠢ ᠨᠤᠷᠠᠭᠰᠠᠨ ᠬᠣᠲᠠ᠃