ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠣᠷᠢ
1 ᠳᠠᠷᠠᠰᠤ ᠨᠢ ᠪᠠᠰᠤᠮᠵᠢᠯᠠᠭᠴᠢ᠂ ᠠᠷᠢᠬᠢ ᠨᠢ ᠠᠭᠰᠤᠮᠨᠠᠭᠴᠢ ᠡᠳᠡᠭᠡᠷ ᠡᠴᠡ ᠪᠣᠯᠵᠤ ᠪᠦᠳᠦᠷᠢᠳᠡᠭ ᠬᠥᠮᠦᠨ ᠪᠦᠷᠢ ᠤᠬᠠᠭᠠᠨ ᠦᠭᠡᠢ᠃
2 ᠬᠠᠭᠠᠨ ᠤ ᠬᠢᠯᠢᠩ ᠠᠷᠰᠯᠠᠨ ᠤ ᠠᠷᠬᠢᠷᠠᠭᠠᠨ ᠲᠡᠭᠦᠨ ᠢ ᠠᠭᠤᠷᠯᠠᠭᠤᠯᠬᠤ ᠨᠢ ᠠᠮᠢ ᠪᠠᠷ ᠢᠶᠠᠨ ᠪᠠᠷᠢᠴᠠᠭᠠ ᠪᠣᠯᠭᠠᠬᠤ ᠤᠴᠢᠷ ᠪᠢᠯᠡ᠃
3 ᠮᠠᠷᠭᠤᠭᠠᠨ ᠠᠴᠠ ᠵᠠᠢᠯᠠᠰᠬᠢᠬᠦ ᠨᠢ ᠬᠥᠮᠦᠨ ᠦ ᠠᠯᠳᠠᠷ ᠮᠤᠩ᠋ᠬᠠᠭ ᠪᠣᠯᠭᠠᠨ ᠨᠢ ᠬᠡᠷᠡᠭᠦᠯ ᠳᠡᠭᠳᠡᠭᠡᠨᠡ᠃
4 ᠤᠯᠠᠷᠢᠯ ᠳᠤᠨᠢ ᠭᠠᠵᠠᠷ ᠢᠶᠠᠨ ᠬᠠᠭᠠᠯᠤᠭᠠ ᠦᠭᠡᠢ ᠬᠣᠢᠷᠭᠣ ᠤᠷᠭᠤᠴᠠ ᠶᠢᠨ ᠦᠶᠡ ᠪᠡᠷ ᠬᠠᠢᠭᠠᠳ ᠴᠤ ᠶᠠᠭᠤᠮᠠ ᠦᠭᠡᠢ᠃
5 ᠬᠥᠮᠦᠨ ᠦ ᠳᠣᠲᠣᠷᠠᠬᠢ ᠪᠣᠳᠣᠯ ᠭᠦᠨ ᠤᠰᠤ ᠤᠬᠠᠭᠠᠨᠲᠤ ᠬᠥᠮᠦᠨ ᠯᠠ ᠲᠠᠲᠠᠵᠤ ᠭᠠᠷᠭᠠᠨᠠ᠃
6 ᠣᠯᠠᠨ ᠬᠥᠮᠦᠨ ᠥᠪᠡᠷ ᠢ ᠪᠠᠨ ᠦᠨᠡᠨᠴᠢ ᠭᠡᠵᠦ ᠬᠠᠰᠬᠢᠷᠳᠠᠭ ᠴᠤ ᠢᠲᠡᠭᠡᠮᠵᠢᠲᠦ ᠬᠥᠮᠦᠨ ᠢ ᠬᠠᠮᠢᠭᠠ ᠠᠴᠠ ᠣᠯᠬᠤ ᠪᠤᠢ︖
7 ᠵᠥᠪᠲᠡᠨ ᠪᠤᠷᠤᠭᠤ ᠦᠭᠡᠢ ᠠᠯᠬᠤᠭᠰᠠᠭᠠᠷ ᠪᠠᠢᠳᠠᠭ ᠲᠡᠭᠦᠨ ᠦ ᠦᠷᠡ ᠬᠣᠢᠴᠢᠰ ᠪᠤᠶᠠᠨ ᠲᠠᠢ᠃
8 ᠬᠠᠭᠠᠨ ᠪᠣᠯ ᠰᠢᠭᠦᠯᠲᠡ ᠶᠢᠨ ᠰᠡᠨᠲᠢ ᠳᠤ ᠵᠠᠯᠠᠷᠠᠭᠴᠢ ᠬᠠᠮᠤᠭ ᠮᠠᠭᠤ ᠶᠢ ᠬᠠᠷᠠᠴᠠ ᠪᠠᠷ ᠢᠶᠠᠨ ᠰᠢᠭ᠍ᠰᠢᠭ᠍ᠴᠢ᠃
9 《ᠪᠢ ᠵᠢᠷᠦᠬᠡ ᠪᠡᠨ ᠴᠡᠪᠡᠷᠯᠡᠪᠡ ᠪᠢ ᠨᠢᠭᠦᠯ ᠡᠴᠡ ᠪᠡᠨ ᠴᠡᠪᠡᠷᠰᠢᠪᠡ》 ᠭᠡᠵᠦ ᠬᠡᠨ ᠬᠡᠯᠡᠵᠦ ᠴᠢᠳᠠᠬᠤ ᠪᠤᠢ︖
10 ᠵᠢᠩᠯᠡᠭᠦᠷ ᠪᠢᠰᠢ ᠵᠢᠩᠯᠡᠭᠦᠷ᠂ ᠬᠡᠮᠵᠢᠭᠦᠷ ᠪᠢᠰᠢ ᠬᠡᠮᠵᠢᠭᠦᠷ ᠠᠯᠢ ᠨᠢ ᠴᠤ ᠶᠣᠬᠣᠸᠠ ᠶᠢᠨ ᠵᠢᠭᠰᠢᠭᠦᠷᠢ᠃
11 ᠪᠠᠯᠴᠢᠷ ᠨᠢ ᠴᠤ ᠦᠢᠯᠡᠰ ᠢᠶᠡᠷ ᠢᠶᠠᠨ ᠴᠡᠪᠡᠷ ᠰᠢᠳᠤᠷᠭᠤ ᠡᠰᠡᠬᠦ ᠨᠢ ᠲᠠᠨᠢᠭᠳᠠᠨᠠ᠃
12 ᠰᠣᠨᠣᠰᠬᠤ ᠴᠢᠬᠢ᠂ ᠬᠠᠷᠠᠬᠤ ᠨᠢᠳᠦ ᠬᠣᠶᠠᠭᠤᠯᠠ ᠶᠢ ᠶᠣᠬᠣᠸᠠ ᠪᠦᠲᠦᠭᠡᠭᠰᠡᠨ᠃
13 ᠨᠣᠢᠷ ᠢᠶᠠᠨ ᠪᠦᠦ ᠬᠠᠷᠠᠮᠨᠠ᠂ ᠶᠠᠳᠠᠭᠤ ᠪᠣᠯᠣᠨᠠ ᠨᠢᠳᠦ ᠪᠡᠨ ᠨᠡᠭᠡᠭᠡ᠂ ᠬᠣᠭᠣᠯᠠ ᠪᠠᠷ ᠴᠠᠳᠬᠤ ᠪᠣᠯᠣᠨᠠ᠃
14 ᠬᠤᠳᠠᠯᠳᠤᠨ ᠠᠪᠬᠤ ᠳᠠᠭᠠᠨ 《ᠮᠠᠭᠤ᠂ ᠮᠠᠭᠤ》 ᠭᠡᠵᠦ ᠶᠠᠪᠤᠬᠤ ᠳᠠᠭᠠᠨ ᠲᠡᠭᠦᠨ ᠢᠶᠡᠷ ᠢᠶᠠᠨ ᠰᠠᠢᠷᠬᠠᠳᠠᠭ᠃
15 ᠠᠯᠲᠠ ᠬᠢᠭᠡᠳ ᠱᠢᠷᠦ ᠰᠤᠪᠤᠳ ᠠᠷᠪᠢᠨ ᠴᠤ ᠮᠡᠳᠡᠯᠭᠡ ᠶᠢᠨ ᠣᠷᠣᠭᠤᠯ ᠪᠦᠷ ᠦᠨᠡᠲᠦ ᠭᠣᠶᠣᠯ ᠶᠤᠮ᠃
16 ᠲᠠᠨᠢᠯ ᠪᠤᠰᠤ ᠶᠢ ᠪᠠᠲᠤᠯᠠᠨ ᠳᠠᠭᠠᠭᠠᠭᠴᠢ ᠶᠢᠨ ᠳᠡᠪᠡᠯ ᠢ ᠠᠪ ᠬᠠᠷᠢ ᠬᠥᠮᠦᠨ ᠢ ᠪᠠᠲᠤᠯᠠᠨ ᠳᠠᠭᠠᠭᠠᠭᠴᠢ ᠶᠢ ᠪᠠᠷᠢᠴᠠᠭᠠᠨ ᠳᠤ ᠠᠪ᠃
17 ᠬᠤᠳᠠᠯ ᠢᠶᠠᠷ ᠣᠯᠣᠭᠰᠠᠨ ᠬᠦᠨᠡᠰᠦ ᠬᠥᠮᠦᠨ ᠳᠦ ᠠᠮᠲᠠᠲᠠᠢ ᠪᠠᠢᠯᠠ ᠴᠤ ᠬᠣᠵᠢᠮ ᠠᠮᠠ ᠨᠢ ᠬᠠᠢᠷ ᠢᠶᠠᠷ ᠳᠦᠭᠦᠷᠦᠨᠡ᠃
18 ᠲᠥᠯᠥᠪᠯᠡᠭᠡ ᠵᠥᠪᠯᠡᠯᠭᠡ ᠪᠡᠷ ᠪᠡᠶᠡᠯᠡᠨᠡ ᠮᠡᠷᠭᠡᠨ ᠵᠥᠪᠯᠡᠯᠭᠡ ᠪᠡᠷ ᠳᠠᠢᠨ ᠬᠢ᠃
19 ᠴᠤᠤ ᠲᠠᠷᠬᠠᠭᠠᠭᠴᠢ ᠨᠢᠭᠤᠴᠠ ᠶᠢ ᠵᠠᠳᠠᠷᠠᠭᠤᠯᠤᠭᠴᠢ ᠠᠮᠠ ᠵᠠᠳᠠᠭᠠᠢ ᠬᠥᠮᠦᠨ ᠲᠡᠢ ᠪᠦᠦ ᠨᠡᠢᠯᠡ᠃
20 ᠡᠴᠢᠭᠡ ᠡᠬᠡ ᠪᠡᠨ ᠮᠠᠭᠤᠯᠠᠭᠴᠢ ᠶᠢᠨ ᠳ᠋ᠧᠩ ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠳᠤ ᠪᠥᠬᠥᠨᠡ᠃
21 ᠲᠦᠷᠦᠭᠦᠨ ᠳᠦᠨᠢ ᠲᠦᠷᠭᠡᠨ ᠣᠯᠳᠠᠭᠰᠠᠨ ᠥᠪ ᠲᠡᠭᠦᠰᠬᠡᠯ ᠳᠦᠨᠢ ᠢᠪᠡᠭᠡᠯ ᠪᠣᠯᠬᠤ ᠦᠭᠡᠢ᠃
22 《ᠬᠣᠷᠣᠨ ᠮᠠᠭᠤ ᠶᠢᠨ ᠬᠠᠷᠢᠭᠤ ᠶᠢ ᠠᠪᠤᠶᠠ》 ᠭᠡᠵᠦ ᠪᠦᠦ ᠬᠡᠯᠡ ᠶᠣᠬᠣᠸᠠ ᠶᠢ ᠬᠦᠯᠢᠶᠡ᠂ ᠲᠡᠷᠡ ᠴᠢᠮᠠᠶᠢ ᠠᠪᠤᠷᠠᠨᠠ᠃
23 ᠲᠠᠤᠬᠠᠢ ᠪᠢᠰᠢ ᠲᠠᠤᠬᠠᠢ᠂ ᠡᠵᠡᠨ ᠳᠦ ᠵᠢᠭ᠍ᠰᠢᠯ ᠢᠲᠡᠭᠡᠮᠵᠢ ᠦᠭᠡᠢ ᠲᠡᠩᠨᠡᠭᠦᠷ ᠰᠠᠢᠨ ᠪᠢᠰᠢ᠃
24 ᠬᠥᠮᠦᠨ ᠦ ᠠᠯᠬᠤᠮ ᠶᠣᠬᠣᠸᠠ ᠠᠴᠠ ᠬᠥᠮᠦᠨ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢ ᠬᠡᠷᠬᠢᠨ ᠮᠡᠳᠡᠬᠦ ᠪᠤᠢ︖
25 ᠲᠦᠷᠭᠡᠨ ᠠᠮᠠᠯᠠᠭᠰᠠᠨ ᠤ ᠪᠠᠨ ᠬᠣᠢᠨᠠ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠢᠶᠠᠨ ᠪᠣᠳᠣᠬᠤ ᠨᠢ ᠬᠥᠮᠦᠨ ᠦ ᠤᠷᠠᠬᠠ᠃
26 ᠮᠡᠷᠭᠡᠨ ᠬᠠᠭᠠᠨ ᠪᠤᠷᠤᠭᠤᠲᠠᠨ ᠢ ᠰᠢᠭᠰᠢᠵᠦ ᠳᠡᠭᠡᠷᠡ ᠡᠴᠡ ᠨᠢ ᠲᠡᠭᠡᠷᠮᠡᠳᠡᠨᠡ᠃
27 ᠶᠣᠬᠣᠸᠠ ᠶᠢᠨ ᠳ᠋ᠧᠩ᠂ ᠬᠥᠮᠦᠨ ᠦ ᠰᠦᠨᠡᠰᠦ ᠭᠦᠨ ᠳᠣᠲᠣᠷᠠᠬᠢ ᠪᠦᠬᠦᠨ ᠢ ᠨᠢ ᠰᠢᠯᠭᠠᠭᠴᠢ᠃
28 ᠬᠠᠢᠷᠠ ᠬᠢᠭᠡᠳ ᠦᠨᠡᠨ ᠬᠠᠭᠠᠨ ᠢ ᠬᠠᠮᠠᠭᠠᠯᠠᠨᠠ ᠬᠠᠢᠷᠠ ᠨᠢ ᠲᠡᠭᠦᠨ ᠦ ᠰᠡᠨᠲᠢ ᠶᠢ ᠪᠡᠬᠢᠵᠢᠭᠦᠯᠦᠨᠡ᠃
29 ᠪᠢᠷᠠ ᠨᠢ ᠵᠠᠯᠠᠭᠤᠰ ᠤᠨ ᠠᠯᠳᠠᠷ ᠪᠤᠭᠤᠷᠤᠯ ᠨᠢ ᠥᠲᠡᠭᠦᠰ ᠦᠨ ᠰᠦᠷ᠃
30 ᠬᠣᠷᠣᠨ ᠮᠠᠭᠤ ᠶᠢ ᠲᠠᠰᠢᠭᠤᠷ ᠤᠨ ᠰᠢᠷᠬᠠ ᠤᠬᠢᠶᠠᠨᠠ ᠬᠠᠮᠤᠭ ᠤᠨ ᠳᠣᠲᠣᠷᠠ ᠵᠦᠢᠯᠡᠰ ᠢ ᠨᠢ ᠵᠣᠳᠣᠭᠤᠷ ᠴᠡᠪᠡᠷᠯᠡᠨᠡ᠃