ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠲᠠᠪᠤ
1 ᠵᠥᠭᠡᠯᠡᠨ ᠬᠠᠷᠢᠭᠤ ᠠᠭᠤᠷ ᠨᠠᠮᠳᠠᠭᠠᠨᠠ ᠬᠠᠲᠠᠭᠤ ᠦᠭᠡ ᠤᠴᠠᠭᠠᠷ ᠬᠥᠳᠡᠯᠭᠡᠨᠡ᠃
2 ᠮᠡᠷᠭᠡᠳ ᠦᠨ ᠬᠡᠯᠡ ᠮᠡᠳᠡᠯᠭᠡ ᠶᠢ ᠰᠠᠢᠨ ᠠᠰᠢᠭᠯᠠᠨᠠ ᠮᠤᠩ᠋ᠬᠠᠭ ᠤᠨ ᠠᠮᠠ ᠮᠡᠨᠡᠭ ᠢ ᠴᠢᠳᠬᠤᠨᠠ᠃
3 ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠭᠠᠵᠠᠷ ᠪᠣᠯᠭᠠᠨ ᠳᠤ ᠪᠠᠢᠭᠰᠠᠭᠠᠷ ᠰᠠᠢᠨ ᠮᠠᠭᠤ ᠶᠢ ᠬᠠᠷᠠᠭᠤᠯᠳᠠᠭᠰᠠᠭᠠᠷ᠃
4 ᠡᠳᠡᠭᠡᠭᠡᠭᠴᠢ ᠬᠡᠯᠡ ᠠᠮᠢ ᠶᠢᠨ ᠮᠣᠳᠣ ᠪᠠᠴᠢ ᠨᠢ ᠬᠠᠷᠢᠨ ᠰᠡᠳᠬᠢᠯ ᠢ ᠰᠢᠷᠬᠠᠲᠤᠭᠤᠯᠤᠨᠠ᠃
5 ᠡᠴᠢᠭᠡ ᠶᠢᠨ ᠢᠶᠠᠨ ᠰᠤᠷᠭᠠᠯ ᠢ ᠣᠭᠣᠷᠣᠭᠴᠢ ᠨᠢ ᠮᠤᠩ᠋ᠬᠠᠭ ᠵᠢᠮᠡᠯᠡᠯ ᠢ ᠨᠢ ᠠᠩ᠋ᠬᠠᠷᠤᠭᠴᠢ ᠨᠢ ᠬᠡᠷᠰᠡᠦ᠃
6 ᠵᠥᠪᠲᠡᠨ ᠦ ᠭᠡᠷ ᠲᠦ ᠬᠥᠷᠥᠩᠭᠡ ᠡᠯᠪᠡᠭ ᠪᠤᠷᠤᠭᠤᠲᠠᠨ ᠤ ᠣᠷᠣᠯᠭᠠ ᠨᠢ ᠤᠷᠰᠢᠭ᠃
7 ᠮᠡᠷᠭᠡᠨ ᠣᠷᠣᠭᠤᠯ ᠮᠡᠳᠡᠯᠭᠡ ᠶᠢ ᠲᠠᠷᠬᠠᠭᠠᠭᠴᠢ ᠮᠤᠩ᠋ᠬᠠᠭ ᠤᠨ ᠪᠣᠳᠣᠯ ᠬᠠᠷᠢᠨ ᠲᠡᠢᠮᠦ ᠪᠢᠰᠢ᠃
8 ᠪᠤᠷᠤᠭᠤᠲᠠᠨ ᠤ ᠲᠠᠬᠢᠯ ᠶᠣᠬᠣᠸᠠ ᠳᠤ ᠵᠢᠭ᠍ᠰᠢᠯ ᠴᠢᠭ᠍ᠴᠢ ᠬᠥᠮᠦᠨ ᠦ ᠳᠠᠭᠠᠳᠬᠠᠯ ᠲᠡᠭᠦᠨ ᠦ ᠲᠠᠭᠠᠯᠠᠯ᠂
9 ᠪᠤᠷᠤᠭᠤᠲᠠᠨ ᠤ ᠵᠠᠮ ᠶᠣᠬᠣᠸᠠ ᠳᠤ ᠵᠢᠭᠰᠢᠭᠦᠷᠢ ᠵᠥᠪ ᠢ ᠳᠠᠭᠠᠭᠴᠢ ᠶᠢ ᠲᠡᠷᠡ ᠬᠠᠢᠷᠠᠯᠠᠨᠠ᠃
10 ᠵᠢᠮ ᠢ ᠣᠷᠬᠢᠭᠴᠢ ᠳᠤ ᠭᠡᠰᠬᠡᠯᠲᠡ ᠬᠠᠲᠠᠭᠤ ᠵᠢᠮᠡᠯᠡᠯ ᠢ ᠵᠢᠭ᠍ᠰᠢᠭ᠍ᠴᠢ ᠦᠬᠦᠨᠡ᠃
11 ᠦᠬᠦᠭᠰᠡᠳ ᠦᠨ ᠣᠷᠣᠨ ᠪᠠ ᠰᠦᠢᠷᠡᠯ ᠦᠨ ᠭᠠᠵᠠᠷ ᠬᠦᠷᠲᠡᠯᠡ ᠡᠵᠡᠨ ᠦ ᠡᠮᠦᠨᠡ ᠢᠯᠡ ᠪᠠᠢᠬᠤ ᠳᠤ᠂ ᠬᠥᠮᠦᠨ ᠦ ᠬᠥᠪᠡᠭᠦᠳ ᠦᠨ ᠵᠢᠷᠦᠬᠡ ᠪᠦᠷ ᠴᠤ ᠢᠯᠡ ᠪᠢᠰᠢ ᠤᠤ︖
12 ᠪᠠᠰᠤᠮᠵᠢᠯᠠᠭᠴᠢ ᠨᠢ ᠵᠢᠮᠡᠯᠡᠭᠴᠢ ᠳᠤ ᠳᠤᠷᠠ ᠦᠭᠡᠢ ᠪᠠᠰᠠ ᠮᠡᠷᠭᠡᠨ ᠳᠡᠭᠡᠷᠡ ᠣᠴᠢᠬᠤ ᠦᠭᠡᠢ᠃
13 ᠰᠡᠳᠬᠢᠯ ᠤᠨ ᠵᠢᠷᠭᠠᠯ ᠵᠢᠰᠦ ᠶᠢ ᠰᠡᠷᠭᠦᠭᠡᠵᠦ ᠰᠡᠳᠬᠢᠯ ᠤᠨ ᠵᠣᠪᠠᠯᠠᠩ ᠤᠷᠮᠠ ᠶᠢ ᠬᠤᠭᠤᠯᠤᠨᠠ᠃
14 ᠤᠬᠠᠭᠠᠯᠢᠭ ᠰᠡᠳᠬᠢᠯ ᠮᠡᠳᠡᠯᠭᠡ ᠶᠢ ᠬᠠᠢᠨᠠ ᠮᠤᠩ᠋ᠬᠠᠭ ᠤᠨ ᠠᠮᠠ ᠲᠡᠨᠡᠭᠯᠡᠯ ᠳᠡᠭᠡᠷᠡ ᠪᠡᠯᠴᠢᠨᠡ᠃
15 ᠰᠢᠨᠠᠯᠤᠭᠴᠢ ᠶᠢᠨ ᠡᠳᠦᠷ ᠪᠣᠯᠭᠠᠨ ᠨᠢ ᠪᠡᠷᠬᠡ ᠰᠠᠢᠬᠠᠨ ᠰᠡᠳᠬᠢᠯ ᠳᠤ ᠦᠷᠭᠦᠯᠵᠢ ᠶᠢᠨ ᠪᠠᠶᠠᠷ᠃
16 ᠪᠠᠭᠠᠬᠠᠨ ᠶᠠᠭᠤᠮᠠ ᠲᠠᠢ ᠴᠤ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠪᠠᠶᠠᠯᠢᠭ ᠶᠡᠬᠡ ᠲᠠᠢ ᠤᠢᠮᠤᠷᠠᠬᠤ ᠠᠴᠠ ᠳᠡᠭᠡᠷᠡ᠃
17 ᠦᠬᠡᠷ ᠦᠨ ᠥᠭᠡᠬᠦ ᠢᠳᠡᠵᠦ ᠥᠰᠢᠯᠳᠦᠭᠰᠡᠨ ᠡᠴᠡ ᠬᠠᠷᠠᠰᠤ ᠬᠣᠭᠣᠯᠠ ᠢᠳᠡᠵᠦ ᠬᠠᠢᠷᠠᠯᠠᠯᠴᠠᠭᠰᠠᠨ ᠨᠢ ᠳᠡᠭᠡᠷᠡ᠃
18 ᠠᠭᠤᠷᠯᠠᠮᠠᠲᠠᠭᠠᠢ ᠬᠥᠮᠦᠨ ᠮᠠᠷᠭᠤᠭᠠᠨ ᠥᠳᠥᠭᠡᠵᠦ ᠠᠭᠤᠷᠯᠠᠬᠤ ᠳᠠᠭᠠᠨ ᠤᠳᠠᠭᠠᠨ ᠨᠢ ᠬᠡᠷᠡᠭᠦᠯ ᠨᠠᠮᠵᠢᠭᠠᠨᠠ᠃
19 ᠵᠠᠯᠬᠠᠭᠤ ᠶᠢᠨ ᠵᠠᠮ ᠥᠷᠭᠡᠰᠦᠨ ᠰᠢᠪᠡᠭᠡ ᠲᠠᠢ ᠴᠢᠭ᠍ᠴᠢ ᠬᠥᠮᠦᠨ ᠦ ᠵᠢᠮ ᠲᠡᠭᠰᠢᠬᠡᠨ᠃
20 ᠮᠡᠷᠭᠡᠨ ᠬᠦᠦ ᠡᠴᠢᠭᠡ ᠪᠡᠨ ᠪᠠᠶᠠᠰᠬᠠᠨᠠ ᠮᠤᠩ᠋ᠬᠠᠭ ᠬᠥᠮᠦᠨ ᠡᠬᠡ ᠪᠡᠨ ᠪᠠᠰᠤᠨᠠ᠃
21 ᠤᠬᠠᠭᠠᠨ ᠳᠤᠲᠠᠮᠠᠭ ᠤᠨ ᠪᠠᠶᠠᠷ ᠨᠢ ᠲᠡᠨᠡᠭᠯᠡᠯ ᠤᠬᠠᠭᠠᠯᠢᠭ ᠬᠥᠮᠦᠨ ᠦ ᠠᠯᠬᠤᠮ ᠨᠢ ᠰᠢᠯᠤᠭᠤᠨ᠃
22 ᠵᠥᠪᠯᠡᠯᠭᠡ ᠦᠭᠡᠢ ᠲᠥᠯᠥᠪᠯᠡᠭᠡ ᠰᠦᠢᠷᠡᠨᠡ ᠵᠥᠪᠯᠡᠭᠴᠢ ᠶᠢᠨ ᠣᠯᠠᠨ ᠳᠤ ᠪᠡᠶᠡᠯᠡᠨᠡ᠃
23 ᠵᠦᠢ ᠲᠡᠢ ᠬᠠᠷᠢᠭᠤ ᠨᠢ ᠬᠥᠮᠦᠨ ᠦ ᠪᠠᠶᠠᠷ ᠴᠠᠭ ᠢᠶᠠᠨ ᠣᠯᠣᠭᠰᠠᠨ ᠦᠭᠡ ᠶᠠᠭᠤᠲᠠᠢ ᠰᠠᠢᠬᠠᠨ ᠪᠤᠢ︕
24 ᠤᠬᠠᠭᠠᠯᠢᠭ ᠬᠥᠮᠦᠨ ᠠᠮᠢ ᠶᠢᠨ ᠵᠢᠮ ᠢᠶᠠᠷ ᠥᠭᠰᠥᠭᠰᠡᠨ ᠢᠶᠡᠷ ᠢᠶᠠᠨ ᠤᠷᠤᠭᠤᠳᠠᠬᠤ ᠦᠬᠦᠯ ᠦᠨ ᠣᠷᠣᠨ ᠠᠴᠠ ᠠᠩᠭᠢᠵᠢᠷᠠᠨᠠ᠃
25 ᠶᠣᠬᠣᠸᠠ ᠪᠠᠷᠳᠠᠮ ᠤᠨ ᠭᠡᠷ ᠢ ᠨᠤᠷᠠᠭᠠᠵᠤ ᠪᠡᠯᠪᠡᠰᠦᠨ ᠦ ᠬᠢᠯᠢ ᠶᠢ ᠪᠠᠲᠤᠯᠠᠳᠠᠭ᠃
26 ᠬᠠᠷᠠ ᠰᠠᠨᠠᠭᠠ ᠶᠣᠬᠣᠸᠠ ᠳᠤ ᠵᠢᠭᠰᠢᠭᠦᠷᠢ ᠴᠡᠪᠡᠷ ᠶᠠᠷᠢᠶᠠ ᠲᠠᠭᠠᠯᠠᠮᠵᠢᠲᠠᠢ᠃
27 ᠵᠥᠪ ᠪᠤᠰᠤ ᠠᠰᠢᠭ ᠬᠣᠨᠵᠢᠭᠴᠢ ᠠᠮᠠ ᠪᠦᠯᠢ ᠪᠠᠨ ᠵᠣᠪᠠᠭᠠᠨᠠ ᠬᠠᠬᠤᠤᠯᠢ ᠶᠢ ᠦᠵᠡᠨ ᠶᠠᠳᠠᠭᠴᠢ ᠠᠮᠢᠳᠤ ᠶᠠᠪᠤᠨᠠ᠃
28 ᠵᠥᠪᠲᠦ ᠵᠢᠷᠦᠬᠡ ᠬᠠᠷᠢᠭᠤ ᠪᠠᠨ ᠲᠤᠩ᠋ᠭᠠᠵᠤ ᠪᠤᠷᠤᠭᠤᠲᠤ ᠠᠮᠠ ᠮᠠᠭᠤ ᠶᠢ ᠴᠢᠳᠬᠤᠨᠠ᠃
29 ᠶᠣᠬᠣᠸᠠ ᠪᠤᠷᠤᠭᠤᠲᠠᠨ ᠠᠴᠠ ᠬᠥᠨᠳᠡᠢ ᠵᠥᠪᠲᠡᠨ ᠦ ᠭᠤᠶᠤᠯᠲᠠ ᠶᠢ ᠲᠡᠷᠡ ᠰᠣᠨᠣᠰᠣᠨᠠ᠃
30 ᠭᠡᠷᠡᠯᠲᠦ ᠮᠡᠯᠮᠡᠢ ᠵᠢᠷᠦᠬᠡ ᠶᠢ ᠪᠠᠶᠠᠰᠬᠠᠨᠠ ᠰᠠᠢᠨ ᠮᠡᠳᠡᠭᠡ ᠶᠠᠰᠤ ᠶᠢ ᠴᠢᠩ᠋ᠭᠠᠯᠠᠨᠠ᠃
31 ᠠᠮᠢ ᠥᠭᠬᠦ ᠵᠢᠮᠡᠯᠡᠯ ᠢ ᠠᠩ᠋ᠬᠠᠷᠤᠭᠴᠢ ᠴᠢᠬᠢ ᠮᠡᠷᠭᠡᠳ ᠦᠨ ᠳᠤᠮᠳᠠ ᠪᠠᠢᠬᠤ ᠪᠣᠯᠣᠨᠠ᠃
32 ᠵᠢᠭᠠᠪᠤᠷᠢ ᠶᠢ ᠦᠯᠦ ᠣᠢᠰᠢᠶᠠᠭᠴᠢ ᠠᠮᠢ ᠪᠠᠨ ᠣᠭᠣᠷᠣᠭᠴᠢ ᠵᠢᠮᠡᠯᠡᠯ ᠢ ᠠᠩ᠋ᠬᠠᠷᠤᠭᠴᠢ ᠤᠬᠠᠭᠠᠷᠠᠯ ᠢ ᠣᠯᠣᠭᠴᠢ᠃
33 ᠮᠡᠷᠭᠡᠨ ᠵᠠᠷᠴᠢᠮ ᠨᠢ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠳᠥᠯᠭᠡᠨ ᠵᠠᠩ ᠨᠢ ᠠᠯᠳᠠᠷ ᠤᠨ ᠲᠦᠷᠦᠭᠦᠦ᠃