ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠣᠷᠢᠨ ᠭᠤᠷᠪᠠ
1 ᠵᠠᠬᠢᠷᠤᠭᠴᠢ ᠲᠠᠢ ᠬᠠᠮᠲᠤ ᠬᠣᠭᠣᠯᠠᠯᠠᠬᠤ ᠪᠠᠷ ᠰᠠᠭᠤᠬᠤ ᠳᠠᠭᠠᠨ ᠡᠮᠦᠨᠡ ᠪᠡᠨ ᠪᠠᠢᠭᠠ ᠶᠢ ᠰᠠᠢᠲᠤᠷ ᠪᠤᠯᠭᠤᠭᠠ᠂
2 ᠬᠣᠭᠣᠯᠠᠨ ᠳᠤ ᠴᠢ ᠬᠣᠪᠳᠣᠭᠯᠠᠭᠠᠳ ᠪᠠᠢᠪᠠᠯ ᠬᠣᠭᠣᠯᠠᠢ ᠳᠠᠭᠠᠨ ᠬᠢᠲᠤᠭᠠ ᠲᠤᠯᠭᠠ
3 ᠠᠮᠲᠠᠲᠤ ᠬᠣᠭᠣᠯᠠᠨ ᠳᠤᠨᠢ ᠪᠦᠦ ᠰᠢᠨᠤ ᠬᠣᠭᠣᠯᠠᠨ ᠤ ᠬᠢᠨᠢ ᠴᠠᠭᠠᠨᠠ ᠵᠠᠯᠢ ᠮᠡᠬᠡ ᠪᠠᠢᠬᠤ ᠪᠤᠢ᠃
4 ᠪᠠᠶᠠᠨ ᠪᠣᠯᠬᠤ ᠭᠡᠵᠦ ᠪᠦᠦ ᠦᠬᠦᠯᠳᠡ ᠮᠡᠷᠭᠡᠨ ᠪᠠᠢᠵᠤ ᠲᠡᠭᠡᠬᠦ ᠶᠢ ᠪᠣᠯᠢ᠂
5 ᠠᠯᠠᠭᠠ ᠪᠣᠯᠬᠤ ᠲᠡᠭᠦᠨ ᠤᠷᠤᠭᠤ ᠠᠩ᠋ᠬᠠᠷᠤᠯ ᠲᠠᠯᠪᠢᠵᠤ ᠶᠠᠭᠠᠬᠢᠬᠤ ᠪᠤᠢ︖ ᠲᠡᠷᠡ ᠪᠡᠷ ᠭᠡᠨᠡᠳᠲᠡ ᠵᠢᠭᠦᠷ ᠤᠷᠭᠤᠭᠠᠳ ᠲᠩᠷᠢ ᠳᠤ ᠪᠦᠷᠭᠦᠳ ᠰᠢᠭ ᠨᠢᠰᠦᠨᠡ᠃
6 ᠬᠠᠷᠠᠮᠴᠢ ᠬᠥᠮᠦᠨ ᠦ ᠢᠳᠡᠭᠡ ᠶᠢ ᠪᠦᠦ ᠢᠳᠡ ᠠᠮᠲᠠᠲᠤ ᠬᠣᠭᠣᠯᠠᠨ ᠳᠤᠨᠢ ᠴᠤ ᠪᠦᠦ ᠰᠢᠨᠤ᠂
7 ᠪᠣᠳᠣᠯ ᠨᠢ ᠡᠢᠮᠦ᠂ ᠰᠡᠳᠬᠢᠯ ᠨᠢ ᠲᠡᠢᠮᠦ᠂ ᠥᠪᠡᠷ ᠲᠦ ᠴᠢᠨᠢ 《ᠢᠳᠡ᠂ ᠤᠤᠭᠤ︕》 ᠬᠡᠮᠡᠪᠡᠴᠦ ᠰᠠᠨᠠᠭᠠ ᠨᠢ ᠴᠢᠮᠠ ᠲᠠᠢ ᠨᠡᠢᠯᠡᠬᠦ ᠦᠭᠡᠢ᠂
8 ᠢᠳᠡᠭᠰᠡᠨ ᠵᠢᠭᠠᠬᠠᠨ ᠶᠠᠭᠤᠮᠠ ᠪᠠᠨ ᠴᠤ ᠴᠢ ᠤᠭᠢᠵᠤ ᠭᠠᠷᠭᠠᠨᠠ ᠬᠡᠯᠡᠭᠰᠡᠨ ᠰᠠᠢᠬᠠᠨ ᠦᠭᠡᠰ ᠴᠢᠨᠢ ᠲᠠᠯᠠᠭᠠᠷ ᠪᠣᠯᠣᠨᠠ᠃
9 ᠮᠤᠩ᠋ᠬᠠᠭ ᠤᠨ ᠴᠢᠬᠢᠨ ᠳᠤ ᠶᠠᠭᠤᠮᠠ ᠪᠦᠦ ᠶᠠᠷᠢ ᠮᠡᠷᠭᠡᠨ ᠦᠭᠡ ᠶᠢ ᠴᠢᠨᠢ ᠲᠡᠷᠡ ᠪᠠᠰᠤᠮᠵᠢᠯᠠᠨᠠ᠃
10 ᠡᠷᠲᠡᠨ ᠦ ᠬᠢᠯᠢ ᠶᠢᠨ ᠲᠡᠮᠳᠡᠭ ᠢ ᠪᠦᠦ ᠥᠭᠡᠷᠡᠴᠢᠯᠡ ᠥᠨᠥᠴᠢᠨ ᠤ ᠲᠠᠯᠠᠪᠠᠢ ᠲᠠᠢ ᠪᠦᠦ ᠬᠠᠯᠳᠠ
11 ᠲᠡᠭᠦᠨ ᠢ ᠵᠣᠯᠢᠭᠴᠢ ᠨᠢᠭᠡᠨ ᠨᠢ ᠬᠦᠴᠦᠲᠡᠢ ᠲᠡᠷᠡ ᠲᠡᠳᠡᠨ ᠢ ᠥᠮᠥᠭᠯᠡᠨᠡ᠃
12 ᠵᠢᠷᠦᠬᠡ ᠪᠡᠨ ᠵᠢᠭᠠᠪᠤᠷᠢ ᠳᠤ ᠵᠦᠭᠯᠡᠭᠦᠯ ᠴᠢᠬᠢ ᠪᠠᠨ ᠮᠡᠳᠡᠯᠭᠡ ᠶᠢᠨ ᠦᠭᠡᠨ ᠳᠦ ᠬᠠᠨᠳᠤᠭᠤᠯ᠃
13 ᠬᠡᠦᠬᠡᠳ ᠢ ᠰᠠᠬᠢᠯᠭᠠᠵᠢᠭᠤᠯᠬᠤ ᠠᠴᠠ ᠪᠦᠦ ᠤᠬᠤᠷᠢ ᠰᠢᠯᠪᠢᠭᠦᠷᠳᠡᠭᠰᠡᠨ ᠴᠤ ᠲᠡᠷᠡ ᠦᠬᠦᠴᠢᠬᠡᠬᠦ ᠦᠭᠡᠢ
14 ᠡᠢᠮᠦ ᠡᠴᠡ ᠴᠢ ᠰᠢᠯᠪᠢᠭᠦᠷᠳᠡ ᠠᠮᠢ ᠶᠢ ᠨᠢ ᠦᠬᠦᠯ ᠡᠴᠡ ᠠᠪᠤᠷᠠ᠃
15 ᠬᠦᠦ ᠮᠢᠨᠢ᠂ ᠴᠢᠨᠦ ᠵᠢᠷᠦᠬᠡ ᠮᠡᠷᠭᠡᠨ ᠪᠣᠯ ᠮᠢᠨᠦ ᠵᠢᠷᠦᠬᠡ ᠪᠠᠶᠠᠷᠯᠠᠨᠠ᠂
16 ᠴᠢᠨᠦ ᠣᠷᠣᠭᠤᠯ ᠴᠢᠭ᠍ᠴᠢ ᠶᠢ ᠶᠠᠷᠢᠬᠤ ᠳᠤ ᠮᠢᠨᠦ ᠰᠡᠳᠬᠢᠯ ᠪᠠᠶᠠᠰᠤᠨᠠ᠂
17 ᠵᠢᠷᠦᠬᠡ ᠴᠢᠨᠢ ᠨᠢᠭᠦᠯᠲᠡᠨ ᠳᠦ ᠪᠦᠦ ᠠᠲᠠᠭᠠᠷᠬᠠᠭ ᠡᠳᠦᠷ ᠪᠦᠷᠢ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠳᠣᠲᠣᠷᠠ ᠪᠠᠢ᠃
18 ᠲᠡᠢᠨ ᠬᠦ ᠴᠢ ᠦᠨᠡᠬᠡᠷ ᠢᠷᠡᠭᠡᠳᠦᠢ ᠲᠡᠢ ᠪᠠᠢᠵᠤ ᠨᠠᠢᠳᠠᠪᠤᠷᠢ ᠴᠢᠨᠢ ᠲᠠᠰᠤᠷᠠᠬᠤ ᠦᠭᠡᠢ
19 ᠬᠦᠦ ᠮᠢᠨᠢ᠂ ᠰᠣᠨᠣᠰ᠂ ᠮᠡᠷᠭᠡᠨ ᠪᠠᠢ᠂ ᠵᠢᠷᠦᠬᠡ ᠪᠡᠨ ᠵᠥᠪ ᠵᠠᠮ ᠳᠤ ᠴᠢᠭᠯᠡᠭᠦᠯ᠃
20 ᠠᠷᠢᠬᠢᠨ ᠳᠤ ᠠᠪᠲᠠᠭᠰᠠᠳ ᠮᠢᠬᠠᠨ ᠳᠤ ᠬᠣᠪᠳᠣᠭᠯᠠᠭᠰᠠᠳ ᠲᠠᠢ ᠪᠦᠦ ᠨᠡᠢᠯᠡ᠃
21 ᠢᠳᠡᠮᠡᠬᠡᠢ ᠤᠤᠭᠤᠮᠠᠬᠠᠢ ᠬᠥᠮᠦᠰ ᠬᠣᠭᠣᠰᠣᠷᠠᠨᠠ ᠤᠨᠲᠠᠩ᠋ᠬᠠᠢ ᠪᠣᠯ ᠤᠷᠠᠩ᠋ᠬᠠᠢ ᠬᠤᠪᠴᠠᠰᠤᠯᠠᠨᠠ᠃
22 ᠥᠪᠡᠷ ᠦᠨ ᠲᠥᠷᠥᠭᠰᠡᠨ ᠡᠴᠢᠭᠡ ᠶᠢᠨ ᠬᠢ ᠶᠢ ᠰᠣᠨᠣᠰ ᠡᠬᠡ ᠪᠡᠨ ᠥᠲᠡᠯᠬᠦ ᠳᠦᠨᠢ ᠪᠦᠦ ᠪᠠᠰᠤ᠃
23 ᠦᠨᠡᠨ ᠢ ᠬᠤᠳᠠᠯᠳᠤᠵᠤ ᠠᠪ᠂ ᠪᠦᠦ ᠬᠤᠳᠠᠯᠳᠤ ᠮᠡᠷᠭᠡᠨ ᠤᠬᠠᠭᠠᠨ᠂ ᠵᠢᠭᠠᠪᠤᠷᠢ᠂ ᠣᠶᠤᠨ ᠢ ᠴᠤ ᠲᠡᠷᠡ᠃
24 ᠵᠥᠪᠲᠦ ᠬᠥᠮᠦᠨ ᠦ ᠡᠴᠢᠭᠡ ᠶᠡᠬᠡ ᠪᠡᠷ ᠪᠠᠶᠠᠷᠯᠠᠨᠠ ᠮᠡᠷᠭᠡᠨ ᠢ ᠲᠥᠷᠥᠭᠦᠯᠦᠭᠴᠢ ᠨᠢ ᠲᠡᠭᠦᠨ ᠳᠡᠭᠡᠨ ᠪᠠᠶᠠᠰᠤᠨᠠ᠃
25 ᠡᠴᠢᠭᠡ ᠡᠬᠡ ᠪᠡᠨ ᠪᠠᠶᠠᠰᠬᠠ ᠲᠥᠷᠥᠭᠦᠯᠦᠭᠰᠡᠨ ᠡᠬᠡ ᠪᠡᠨ ᠵᠢᠷᠭᠠᠭᠠ᠃
26 ᠬᠦᠦ ᠮᠢᠨᠢ᠂ ᠵᠢᠷᠦᠬᠡ ᠪᠡᠨ ᠨᠠᠳᠠ ᠳᠤ ᠥᠭ ᠨᠢᠳᠦ ᠴᠢᠨᠢ ᠵᠠᠮ ᠢ ᠮᠢᠨᠢ ᠲᠠᠭᠠᠯᠠᠭ᠃
27 ᠶᠠᠩ᠋ᠬᠠᠨ ᠭᠦᠨ ᠨᠦᠬᠡ ᠰᠠᠳᠤᠷ ᠡᠮᠡ ᠳᠠᠪᠴᠢᠭᠤ ᠬᠤᠳᠳᠤᠭ᠂
28 ᠲᠡᠷᠡ ᠡᠭᠡᠭᠡ ᠯᠠ ᠳᠡᠭᠡᠷᠡᠮᠴᠢᠨ ᠠᠳᠠᠯᠢ ᠣᠲᠣᠵᠤ ᠢᠲᠡᠭᠡᠯ ᠡᠪᠳᠡᠭᠰᠡᠳ ᠦᠨ ᠲᠣᠭᠠ ᠶᠢ ᠣᠯᠠᠰᠢᠷᠠᠭᠤᠯᠤᠨᠠ᠃
29 ᠵᠣᠯ ᠦᠭᠡᠢ ᠨᠢ ᠬᠡᠨ ᠪᠤᠢ︖ ᠵᠣᠪᠠᠯᠠᠩ ᠲᠠᠢ ᠨᠢ ᠬᠡᠨ ᠪᠤᠢ︖ ᠮᠠᠷᠭᠤᠭᠠᠨ ᠲᠠᠢ ᠨᠢ ᠬᠡᠨ ᠪᠤᠢ︖ ᠭᠣᠮᠣᠳᠠᠯ ᠲᠠᠢ ᠨᠢ ᠬᠡᠨ ᠪᠤᠢ︖ ᠤᠴᠢᠷ ᠰᠢᠯᠲᠠᠭᠠᠨ ᠦᠭᠡᠢ ᠰᠢᠷᠬᠠᠯᠠᠭᠴᠢ ᠨᠢ ᠬᠡᠨ ᠪᠤᠢ︖ ᠤᠯᠠᠭᠠᠨ ᠨᠢᠳᠦ ᠲᠠᠢ ᠨᠢ ᠬᠡᠨ ᠪᠤᠢ︖
30 ᠲᠡᠳᠡ ᠳᠠᠷᠠᠰᠤᠨ ᠳᠤ ᠬᠣᠷᠭᠣᠳᠠᠭᠰᠠᠳ ᠨᠡᠷᠡᠭᠰᠡᠨ ᠳᠠᠷᠠᠰᠤ ᠬᠠᠢᠭᠰᠠᠳ
31 ᠤᠤᠯ ᠳᠠᠷᠠᠰᠤ ᠤᠯᠠᠭᠠᠷᠠᠨ ᠪᠠᠢᠬᠤ ᠳᠤᠨᠢ ᠬᠤᠨᠳᠠᠭᠠᠨ ᠤ ᠥᠩᠭᠡ ᠶᠢ ᠬᠤᠪᠢᠷᠠᠭᠠᠵᠤ ᠪᠦᠬᠦᠢ ᠳᠦᠨᠢ ᠭᠣᠶᠣᠬᠠᠨ ᠢᠶᠠᠷ ᠳᠣᠷᠣᠭᠰᠢ ᠭᠣᠭᠣᠵᠢᠵᠤ ᠠᠬᠤᠢ ᠳᠤᠨᠢ ᠭᠣᠷᠢᠳᠠᠵᠤ ᠪᠢᠲᠡᠭᠡᠢ ᠬᠠᠷᠠ᠂
32 ᠰᠡᠭᠦᠯ ᠳᠦᠨᠢ ᠲᠡᠷᠡ ᠮᠣᠭᠠᠢ ᠮᠡᠲᠦ ᠬᠠᠵᠠᠨᠠ ᠬᠣᠣᠷᠲᠤ ᠮᠣᠭᠠᠢ ᠮᠡᠲᠦ ᠬᠠᠳᠬᠤᠨᠠ
33 ᠨᠢᠳᠦ ᠴᠢᠨᠢ ᠬᠠᠴᠢᠨ ᠶᠠᠭᠤᠮᠠ ᠬᠠᠷᠠᠨᠠ ᠰᠡᠳᠬᠢᠯ ᠡᠴᠡ ᠴᠢᠨᠢ ᠭᠠᠵᠢᠭᠤ ᠶᠠᠭᠤᠮᠠ ᠭᠠᠷᠤᠨᠠ᠂
34 ᠳᠠᠯᠠᠢ ᠶᠢᠨ ᠭᠦᠨ ᠳᠦ ᠬᠡᠪᠲᠡᠵᠦ ᠪᠠᠢᠭᠠ ᠮᠡᠲᠦ ᠳᠠᠷᠪᠠᠭᠤᠯ ᠤᠨ ᠳᠡᠭᠡᠷᠡ ᠬᠡᠪᠲᠡᠵᠦ ᠪᠠᠢᠭᠠ ᠮᠡᠲᠦ ᠪᠣᠯᠣᠨᠠ᠂
35 《ᠴᠣᠬᠢᠭᠤᠯᠤᠭᠰᠠᠨ ᠴᠤ ᠡᠪᠡᠳᠦᠭᠡ ᠦᠭᠡᠢ ᠵᠣᠳᠣᠭᠤᠯᠤᠭᠰᠠᠨ ᠴᠤ ᠮᠡᠳᠡᠭᠡ ᠦᠭᠡᠢ ᠪᠢ ᠬᠡᠵᠢᠶᠡ ᠰᠡᠷᠢᠬᠦ ᠶᠤᠮ ᠪᠣᠯ︖ ᠳᠠᠬᠢᠭᠠᠳ ᠲᠡᠭᠦᠨ ᠢ ᠪᠠᠨ ᠡᠷᠢᠶᠡ》 ᠭᠡᠵᠦ ᠬᠡᠯᠡᠨᠡ᠃