ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠣᠷᠢᠨ ᠨᠢᠭᠡ
1 ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠲᠤ ᠬᠠᠭᠠᠨ ᠤ ᠵᠢᠷᠦᠬᠡ ᠤᠰᠤᠨ ᠤ ᠤᠷᠤᠰᠬᠠᠯ ᠲᠡᠷᠡ ᠲᠡᠭᠦᠨ ᠢ ᠲᠠᠭᠠᠯᠠᠭᠰᠠᠨ ᠵᠦᠭ ᠲᠡᠭᠡᠨ ᠴᠢᠭᠯᠡᠭᠦᠯᠦᠨᠡ᠃
2 ᠬᠥᠮᠦᠨ ᠦ ᠵᠠᠮ ᠪᠣᠯᠭᠠᠨ ᠥᠪᠡᠷ ᠦᠨ ᠬᠢᠨᠢ ᠨᠢᠳᠦᠨ ᠳᠦ ᠴᠢᠭ᠍ᠴᠢ ᠭᠡᠪᠡᠴᠦ ᠵᠢᠷᠦᠬᠡ ᠶᠢ ᠰᠢᠯᠭᠠᠭᠴᠢ ᠨᠢ ᠶᠣᠬᠣᠸᠠ᠃
3 ᠵᠥᠪ ᠪᠠ ᠰᠢᠳᠤᠷᠭᠤ ᠦᠢᠯᠡ ᠨᠢ ᠲᠠᠬᠢᠯ ᠠᠴᠠ ᠴᠤ ᠢᠯᠡᠭᠦᠦ ᠪᠡᠷ ᠶᠣᠬᠣᠸᠠ ᠳᠤ ᠲᠠᠭᠠᠯᠠᠮᠵᠢᠲᠠᠢ᠃
4 ᠶᠡᠬᠡᠮᠰᠦᠭ ᠬᠠᠷᠠᠴᠠ᠂ ᠪᠠᠷᠳᠠᠮ ᠵᠢᠷᠦᠬᠡ᠂ ᠪᠤᠷᠤᠭᠤᠲᠠᠨ ᠤ ᠳ᠋ᠧᠩ ᠨᠢ ᠨᠢᠭᠦᠯ᠃
5 ᠠᠵᠢᠯᠰᠠᠭ ᠤᠨ ᠲᠥᠯᠥᠪᠯᠡᠭᠡ ᠯᠠᠪᠲᠠᠢ ᠡᠯᠪᠡᠭ 22 ᠢ ᠠᠪᠴᠢᠷᠠᠨᠠ᠂ ᠶᠠᠭᠠᠷᠠᠭᠴᠢ ᠪᠣᠯᠭᠠᠨ ᠯᠠᠪᠲᠠᠢ ᠶᠠᠳᠠᠭᠤᠷᠠᠯ ᠳᠤ ᠬᠦᠷᠦᠨᠡ᠃
6 ᠵᠠᠯᠢᠲᠤ ᠬᠡᠯᠡ ᠪᠡᠷ ᠬᠥᠷᠥᠩᠭᠡ ᠬᠤᠷᠢᠶᠠᠬᠤ ᠨᠢ ᠵᠠᠮᠬᠠᠷᠠᠬᠤ ᠮᠠᠨᠠᠨ᠂ ᠦᠬᠦᠯ ᠦᠨ ᠤᠷᠠᠬᠠ᠃
7 ᠵᠥᠪ ᠢ ᠦᠢᠯᠡᠳᠬᠦ ᠳᠤᠷᠠ ᠦᠭᠡᠢ ᠪᠤᠷᠤᠭᠤᠲᠠᠨ ᠬᠦᠴᠦᠷᠬᠡᠭᠯᠡᠯ ᠳᠡᠭᠡᠨ ᠰᠥᠨᠥᠨᠡ᠃
8 ᠭᠡᠮᠲᠦ ᠬᠥᠮᠦᠨ ᠦ ᠵᠠᠮ ᠬᠠᠵᠠᠭᠠᠢ ᠭᠡᠮ ᠦᠭᠡᠢ ᠶᠢᠨ ᠦᠢᠯᠡᠰ ᠴᠢᠭ᠍ᠴᠢ᠃
9 ᠬᠡᠷᠡᠭᠦᠯᠴᠢ ᠡᠬᠡᠨᠡᠷ ᠲᠡᠢ ᠨᠢᠭᠡ ᠭᠡᠷ ᠲᠦ ᠰᠠᠭᠤᠬᠤ ᠠᠴᠠ ᠳᠡᠭᠡᠪᠦᠷ ᠦᠨ ᠪᠤᠯᠤᠩ ᠳᠤ ᠠᠮᠢᠳᠤᠷᠠᠭᠰᠠᠨ ᠨᠢ ᠳᠡᠭᠡᠷᠡ᠃
10 ᠪᠤᠷᠤᠭᠤᠲᠠᠨ ᠮᠠᠭᠤ ᠶᠢ ᠬᠦᠰᠡᠳᠡᠭ ᠬᠥᠷᠰᠢ ᠨᠢ ᠲᠡᠭᠦᠨ ᠦ ᠨᠢᠳᠦᠨ ᠳᠦ ᠲᠠᠭᠠᠯᠠᠭᠳᠠᠬᠤ ᠦᠭᠡᠢ᠃
11 ᠪᠠᠰᠤᠮᠵᠢᠯᠠᠭᠴᠢ ᠭᠡᠰᠬᠡᠭᠳᠡᠬᠦ ᠳᠦ᠂ ᠭᠡᠨᠡᠨ ᠬᠥᠮᠦᠨ ᠮᠡᠷᠭᠡᠨ ᠪᠣᠯᠣᠨᠠ ᠮᠡᠷᠭᠡᠨ ᠨᠢ ᠰᠤᠷᠭᠠᠬᠤ ᠳᠠᠭᠠᠨ ᠮᠡᠳᠡᠯᠭᠡ ᠶᠢ ᠣᠯᠣᠨᠠ᠃
12 ᠵᠥᠪᠲᠦ ᠨᠢᠭᠡᠨ ᠨᠢ ᠪᠤᠷᠤᠭᠤᠲᠠᠳ ᠤᠨ ᠭᠡᠷ ᠢ ᠠᠩ᠋ᠬᠠᠷᠤᠭᠰᠠᠨ ᠢᠶᠠᠨ ᠪᠤᠷᠤᠭᠤᠲᠠᠳ ᠢ ᠰᠦᠢᠷᠡᠯ ᠤᠷᠤᠭᠤ ᠬᠠᠶᠠᠨᠠ᠃
13 ᠶᠠᠳᠠᠭᠤ ᠶᠢᠨ ᠬᠠᠰᠬᠢᠷᠤᠭᠠᠨ ᠳᠤ ᠴᠢᠬᠢ ᠪᠠᠨ ᠲᠠᠭᠯᠠᠭᠴᠢ ᠨᠢ ᠥᠪᠡᠷ ᠢᠶᠡᠨ ᠬᠠᠰᠬᠢᠷᠪᠠᠴᠤ ᠬᠠᠷᠢᠭᠤ ᠣᠯᠬᠤ ᠦᠭᠡᠢ᠃
14 ᠨᠢᠭᠤᠴᠠ ᠪᠡᠯᠡᠭ ᠠᠭᠤᠷ ᠢ ᠳᠠᠷᠤᠵᠤ ᠬᠠᠨᠴᠤᠢ ᠶᠢᠨ ᠬᠠᠬᠤᠤᠯᠢ ᠬᠢᠯᠢᠩ ᠢ ᠨᠠᠮᠳᠠᠭᠠᠨᠠ᠃
15 ᠰᠢᠳᠤᠷᠭᠤ ᠶᠢ ᠪᠡᠶᠡᠯᠡᠭᠦᠯᠬᠦ ᠨᠢ ᠵᠥᠪᠲᠡᠨ ᠦ ᠵᠢᠷᠭᠠᠯ ᠬᠠᠭᠤᠷᠮᠠᠭ ᠢ ᠬᠢᠭ᠍ᠴᠢᠳ ᠲᠤ ᠲᠦᠭᠰᠢᠭᠦᠷᠢ᠃
16 ᠤᠬᠠᠭᠠᠷᠠᠯ ᠤᠨ ᠵᠠᠮ ᠠᠴᠠ ᠭᠠᠵᠢᠭᠴᠢ ᠬᠥᠮᠦᠨ ᠦᠬᠦᠭᠡᠷ ᠦᠨ ᠴᠤᠭᠯᠠᠷᠠᠯ ᠳᠤ ᠪᠠᠢᠬᠤ ᠪᠣᠯᠣᠨᠠ᠃
17 ᠵᠤᠭᠠ ᠴᠡᠩᠭᠡᠯ ᠢ ᠬᠠᠢᠷᠠᠯᠠᠭᠴᠢ ᠶᠠᠳᠠᠭᠤᠷᠠᠨ ᠲᠣᠰᠣ ᠳᠠᠷᠠᠰᠤ ᠶᠢ ᠬᠠᠢᠷᠠᠯᠠᠭᠴᠢ ᠪᠠᠶᠠᠵᠢᠬᠤ ᠦᠭᠡᠢ᠃
18 ᠪᠤᠷᠤᠭᠤᠲᠠᠨ ᠨᠢ ᠵᠥᠪᠲᠡᠨ ᠦ᠂ ᠵᠠᠯᠢᠬᠠᠢ ᠨᠢ ᠰᠢᠳᠤᠷᠭᠤ ᠶᠢᠨ ᠵᠣᠯᠢᠶᠠᠰᠤ᠃
19 ᠤᠴᠠᠭᠠᠷ ᠲᠠᠢ᠂ ᠬᠡᠷᠡᠭᠦᠯᠴᠢ ᠡᠮᠡ ᠲᠠᠢ ᠴᠤᠭ ᠪᠠᠢᠬᠤ ᠠᠴᠠ ᠴᠥᠯ ᠭᠠᠵᠠᠷ ᠲᠤ ᠰᠠᠭᠤᠬᠤ ᠨᠢ ᠳᠡᠭᠡᠷᠡ᠃
20 ᠮᠡᠷᠭᠡᠨ ᠦ ᠰᠠᠭᠤᠴᠠᠨ ᠳᠤ ᠦᠨᠡᠲᠦ ᠡᠷᠳᠡᠨᠢᠰ ᠪᠣᠯᠣᠨ ᠲᠣᠰᠣ ᠪᠠᠢᠪᠠᠴᠤ ᠮᠤᠩ᠋ᠬᠠᠭ ᠬᠥᠮᠦᠨ ᠲᠡᠳᠡᠭᠡᠷ ᠢ ᠴᠥᠯᠪᠡᠨᠡ᠃
21 ᠵᠥᠪᠲᠦ ᠶᠣᠰᠣ ᠪᠠ ᠬᠠᠢᠷᠠ ᠡᠨᠡᠷᠢᠯ ᠢ ᠬᠥᠭᠡᠭᠡᠴᠡᠯᠳᠦᠭᠴᠢ ᠠᠮᠢ᠂ ᠠᠮᠵᠢᠯᠲᠠ 23 ᠂ ᠠᠯᠳᠠᠷ ᠢ ᠣᠯᠣᠨᠠ᠃
22 ᠮᠡᠷᠭᠡᠨ ᠬᠥᠮᠦᠨ ᠬᠦᠴᠦᠲᠡᠨ ᠦ ᠬᠣᠲᠠ ᠶᠢ ᠳᠠᠪᠠᠨ ᠢᠲᠡᠭᠡᠮᠵᠢᠲᠦ ᠴᠠᠢᠵᠠ ᠶᠢ ᠨᠤᠷᠠᠭᠠᠳᠠᠭ᠃
23 ᠠᠮᠠ ᠬᠡᠯᠡ ᠪᠡᠨ ᠬᠠᠮᠠᠭᠠᠯᠠᠭᠴᠢ ᠠᠮᠢ ᠪᠠᠨ ᠠᠶᠤᠯ ᠠᠴᠠ ᠬᠠᠮᠠᠭᠠᠯᠠᠨᠠ᠃
24 ᠪᠠᠷᠳᠠᠮ᠂ ᠶᠡᠬᠡᠮᠰᠦᠭ᠂ ᠬᠡᠲᠦᠷᠬᠡᠢ ᠪᠠᠷᠳᠠᠮ ᠢᠶᠠᠷ ᠦᠢᠯᠡᠳᠦᠭᠴᠢ ᠶᠢ 《ᠪᠠᠰᠤᠮᠵᠢᠯᠠᠭᠴᠢ》 ᠭᠡᠵᠦ ᠨᠡᠷᠡᠯᠡᠳᠡᠭ᠃
25 ᠭᠠᠷ ᠢᠶᠠᠨ ᠬᠥᠳᠡᠯᠭᠡᠬᠦ ᠳᠤᠷᠠ ᠦᠭᠡᠢ ᠵᠠᠯᠬᠠᠭᠤ ᠬᠦᠰᠡᠭᠰᠡᠭᠡᠷ ᠪᠠᠢᠵᠤ ᠦᠬᠦᠨᠡ
26 ᠡᠳᠦᠷᠵᠢᠨ ᠲᠡᠷᠡ ᠰᠢᠨᠤᠭᠰᠠᠭᠠᠷ ᠪᠠᠢᠳᠠᠭ ᠪᠣᠯ ᠵᠥᠪᠲᠡᠨ ᠬᠠᠷᠢᠨ ᠥᠭᠭᠥᠭᠰᠡᠭᠡᠷ ᠪᠠᠢᠳᠠᠭ᠃
27 ᠪᠤᠷᠤᠭᠤᠲᠠᠨ ᠤ ᠲᠠᠬᠢᠯ ᠵᠢᠭᠰᠢᠭᠦᠷᠢ ᠬᠣᠷᠣᠨ ᠰᠠᠨᠠᠭᠠ ᠪᠠᠷ ᠠᠪᠴᠢᠷᠠᠪᠠᠯ ᠪᠦᠷ ᠢᠯᠡᠭᠦᠦ ᠵᠢᠭᠰᠢᠭᠦᠷᠢ᠃
28 ᠵᠠᠯᠢᠬᠠᠢ ᠭᠡᠷᠡᠴᠢ ᠮᠥᠬᠥᠭ ᠬᠠᠷᠢᠨ ᠰᠣᠨᠣᠰᠣᠭᠰᠠᠨ ᠬᠥᠮᠦᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠶᠠᠷᠢᠭ᠃
29 ᠪᠤᠷᠤᠭᠤᠲᠤ ᠬᠥᠮᠦᠨ ᠨᠢᠭᠤᠷ ᠢᠶᠠᠨ ᠰᠢᠷᠢᠯᠡᠬᠦ ᠳᠦ ᠴᠢᠭ᠍ᠴᠢ ᠬᠥᠮᠦᠨ ᠵᠠᠮ ᠢᠶᠠᠨ ᠰᠢᠨᠵᠢᠨᠡ᠃
30 ᠶᠣᠬᠣᠸᠠ ᠲᠠᠢ ᠡᠩ ᠵᠡᠷᠭᠡᠴᠡᠬᠦ ᠮᠡᠷᠭᠡᠨ ᠤᠬᠠᠭᠠᠨ ᠭᠡᠵᠦ ᠠᠯᠠᠭᠠ᠂ ᠣᠶᠤᠨ ᠪᠢᠯᠢᠭ ᠭᠡᠵᠦ ᠠᠯᠠᠭᠠ᠂ ᠵᠥᠪᠯᠡᠯᠭᠡ ᠭᠡᠵᠦ ᠠᠯᠠᠭᠠ᠃
31 ᠪᠠᠢᠯᠳᠤᠭᠠᠨ ᠤ ᠡᠳᠦᠷ ᠠᠭᠲᠠ ᠪᠡᠯᠡᠬᠡᠨ ᠪᠣᠯᠪᠠᠴᠤ ᠢᠯᠠᠯᠲᠠ ᠬᠠᠷᠢᠨ ᠶᠣᠬᠣᠸᠠ ᠶᠢᠨ ᠬᠢ᠃