ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠬᠣᠶᠠᠷ
ᠮᠡᠷᠭᠡᠨ ᠤᠬᠠᠭᠠᠨ ᠤ ᠠᠴᠢ ᠲᠤᠰᠠ
1 ᠬᠦᠦ ᠮᠢᠨᠢ᠂ ᠬᠡᠷᠪᠡ ᠮᠢᠨᠦ ᠦᠭᠡ ᠶᠢ ᠬᠦᠯᠢᠶᠡᠵᠦ ᠠᠪᠤᠭᠠᠳ ᠮᠢᠨᠦ ᠲᠤᠰᠢᠶᠠᠯ ᠢ ᠳᠣᠲᠣᠷᠠ ᠪᠠᠨ ᠬᠠᠳᠠᠭᠠᠯᠠᠭᠠᠳ
2 ᠴᠡᠴᠡᠨ ᠮᠡᠷᠭᠡᠨ ᠳᠦ ᠴᠢᠬᠢ ᠪᠠᠨ ᠴᠢᠭᠯᠡᠭᠦᠯᠵᠦ ᠰᠡᠴᠡᠨ ᠤᠬᠠᠭᠠᠨ ᠳᠤ ᠵᠢᠷᠦᠬᠡ ᠪᠡᠨ ᠵᠦᠭᠯᠡᠭᠦᠯᠵᠦ
3 ᠣᠶᠤᠨ ᠮᠡᠳᠡᠯᠭᠡ ᠶᠢ ᠳᠠᠯᠠᠯᠤᠨ ᠳᠠᠭᠤᠳᠠᠵᠤ ᠤᠬᠠᠭᠠᠷᠠᠯ ᠤᠨ ᠲᠥᠯᠥᠭᠡ ᠳᠠᠭᠤ ᠪᠠᠨ ᠬᠠᠲᠠᠭᠠᠪᠠᠰᠤ 5
4 ᠮᠥᠩᠭᠥ ᠠᠳᠠᠯᠢ ᠮᠥᠰᠬᠢᠵᠦ ᠡᠷᠳᠡᠨᠢ ᠮᠡᠲᠦ ᠡᠷᠢᠪᠡᠰᠦ
5 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠶᠢ ᠴᠢ ᠤᠬᠠᠭᠠᠷᠠᠨᠠ ᠪᠤᠷᠬᠠᠨ ᠤ ᠲᠠᠯᠠ ᠪᠠᠷ ᠮᠡᠳᠡᠯᠭᠡ ᠶᠢ ᠣᠯᠣᠨᠠ᠂
6 ᠮᠡᠷᠭᠡᠨ ᠤᠬᠠᠭᠠᠨ ᠢ ᠰᠣᠶᠣᠷᠬᠠᠭᠴᠢ ᠨᠢ ᠶᠣᠬᠣᠸᠠ ᠮᠡᠳᠡᠯᠭᠡ ᠬᠢᠭᠡᠳ ᠤᠬᠠᠭᠠᠷᠠᠯ ᠲᠡᠭᠦᠨ ᠦ ᠠᠮᠠᠨ ᠠᠴᠠ᠂
7 ᠴᠢᠭ᠍ᠴᠢ ᠬᠥᠮᠦᠨ ᠳᠦ ᠲᠡᠷᠡ ᠴᠡᠴᠡᠨ ᠤᠬᠠᠭᠠᠨ ᠢ ᠬᠠᠳᠠᠭᠠᠯᠠᠨᠠ ᠲᠡᠭᠦᠰ ᠶᠠᠪᠤᠳᠠᠯᠲᠠᠨ ᠳᠤ ᠬᠠᠯᠬᠠᠪᠴᠢ ᠪᠠᠮᠪᠠᠢ ᠨᠢ ᠪᠣᠯᠣᠨᠠ᠃
8 ᠲᠡᠷᠡ ᠭᠣᠣᠯᠴᠢ ᠰᠢᠳᠤᠷᠭᠤ ᠶᠢᠨ ᠵᠢᠮ ᠢ ᠥᠮᠥᠭᠯᠡᠨ ᠰᠦᠰᠦᠭ ᠲᠡᠢ ᠬᠥᠮᠦᠰ ᠦᠨ ᠢᠶᠠᠨ ᠵᠠᠮ ᠢ ᠬᠠᠮᠠᠭᠠᠯᠠᠨᠠ
9 ᠲᠡᠭᠡᠪᠡᠯ ᠴᠢ ᠵᠥᠪ ᠬᠢᠭᠡᠳ ᠰᠢᠯᠤᠭᠤᠨ ᠰᠢᠳᠤᠷᠭᠤ ᠶᠢ ᠠᠯᠢᠪᠠ ᠰᠠᠢᠬᠠᠨ ᠮᠥᠷ ᠢ ᠤᠬᠠᠭᠠᠷᠠᠨᠠ᠃
10 ᠮᠡᠷᠭᠡᠨ ᠤᠬᠠᠭᠠᠨ ᠵᠢᠷᠦᠬᠡᠨ ᠳᠦ ᠴᠢᠨᠢ ᠣᠷᠣᠵᠤ ᠮᠡᠳᠡᠯᠭᠡ ᠣᠶᠤᠨ ᠰᠡᠳᠬᠢᠯ ᠳᠤ ᠴᠢᠨᠢ ᠨᠡᠢᠴᠡᠬᠦ ᠳᠦ
11 ᠪᠣᠯᠭᠣᠮᠵᠢᠯᠠᠯ ᠴᠢᠮᠠᠶᠢ ᠬᠠᠮᠠᠭᠠᠯᠠᠵᠤ ᠤᠬᠠᠭᠠᠷᠠᠯ ᠴᠢᠮᠠᠶᠢ ᠬᠠᠷᠠᠭᠤᠯᠳᠠᠵᠤ᠂
12 ᠴᠢᠮᠠᠶᠢ ᠪᠤᠷᠤᠭᠤᠲᠠᠨ ᠤ ᠵᠠᠮ ᠠᠴᠠ ᠪᠠᠴᠢᠲᠤ ᠶᠠᠷᠢᠶᠠᠲᠠᠨ ᠠᠴᠠ
13 ᠬᠠᠷᠠᠩ᠋ᠭᠤᠢ ᠶᠢᠨ ᠵᠠᠮ ᠢᠶᠠᠷ ᠠᠯᠬᠤᠬᠤ ᠭᠡᠳ ᠭᠣᠣᠯᠴᠢ ᠵᠢᠮ ᠢ ᠣᠷᠬᠢᠭᠰᠠᠳ ᠠᠴᠠ
14 ᠪᠤᠷᠤᠭᠤ ᠶᠢ ᠦᠢᠯᠡᠳᠬᠦ ᠳᠦ ᠪᠠᠶᠠᠰᠳᠠᠭ ᠪᠤᠵᠠᠷ ᠪᠠᠰᠢᠷ ᠲᠤ ᠪᠠᠶᠠᠷᠯᠠᠳᠠᠭ ᠬᠥᠮᠦᠰ ᠡᠴᠡ ᠠᠪᠤᠷᠠᠨᠠ᠂
15 ᠲᠡᠳᠡᠨ ᠦ ᠵᠢᠮ ᠮᠤᠷᠤᠢ᠂ ᠲᠡᠳᠡᠨ ᠦ ᠵᠠᠮ ᠭᠠᠵᠢᠭᠤ᠂
16 ᠮᠥᠨ ᠴᠢᠮᠠᠶᠢ ᠵᠠᠪᠬᠠᠢ ᠡᠮᠡᠭᠲᠡᠢ ᠡᠴᠡ ᠨᠢᠯᠤᠭᠤᠨ ᠦᠭᠡ ᠪᠡᠷ ᠤᠷᠤᠭᠤ ᠲᠠᠲᠠᠭᠴᠢ ᠡᠴᠡ᠂
17 ᠢᠳᠡᠷ ᠨᠠᠰᠤᠨ ᠤ ᠬᠠᠨᠢ ᠶᠣ ᠪᠠᠨ ᠣᠷᠬᠢᠵᠤ ᠪᠤᠷᠬᠠᠨ ᠤ ᠪᠠᠨ ᠭᠡᠷᠡ ᠶᠢ ᠤᠮᠠᠷᠲᠠᠭᠰᠠᠨ ᠡᠮᠡ ᠡᠴᠡ ᠠᠪᠤᠷᠠᠨᠠ᠂
18 ᠲᠡᠭᠦᠨ ᠦ ᠭᠡᠷ ᠦᠬᠦᠯ ᠤᠷᠤᠭᠤ᠂ ᠲᠡᠭᠦᠨ ᠦ ᠵᠢᠮ ᠦᠬᠦᠭᠡᠷ ᠤᠳ ᠤᠷᠤᠭᠤ ᠴᠢᠭᠯᠡᠵᠡᠢ᠂
19 ᠲᠡᠭᠦᠨ ᠳᠦ ᠣᠴᠢᠭᠰᠠᠨ ᠪᠦᠭᠦᠳᠡ ᠪᠤᠴᠠᠵᠤ ᠡᠷᠭᠢᠬᠦ ᠦᠭᠡᠢ ᠠᠮᠢ ᠶᠢᠨ ᠵᠢᠮ ᠳᠡᠭᠡᠷᠡ ᠲᠡᠳᠡ ᠭᠠᠷᠬᠤ ᠦᠭᠡᠢ᠃
20 ᠡᠢᠮᠦ ᠡᠴᠡ ᠴᠢ ᠰᠠᠢᠨ ᠤ ᠵᠠᠮ ᠢᠶᠠᠷ ᠠᠯᠬᠤᠵᠤ ᠵᠥᠪᠲᠡᠳ ᠦᠨ ᠵᠢᠮ ᠢ ᠳᠠᠭᠠ᠃
21 ᠭᠣᠣᠯᠴᠢ ᠬᠥᠮᠦᠨ ᠭᠠᠵᠠᠷ ᠳᠡᠭᠡᠷᠡ ᠠᠮᠢᠳᠤᠷᠠᠨᠠ ᠭᠡᠮ ᠦᠭᠡᠢ ᠨᠢ ᠲᠡᠨᠳᠡ ᠪᠡᠨ ᠦᠯᠡᠳᠡᠨᠡ
22 ᠬᠣᠷᠣᠨ ᠮᠠᠭᠤ ᠬᠥᠮᠦᠨ ᠭᠠᠵᠠᠷ ᠠᠴᠠ ᠲᠠᠰᠤᠯᠤᠭᠳᠠᠨᠠ ᠢᠲᠡᠭᠡᠮᠵᠢ ᠦᠭᠡᠢ ᠨᠢ ᠡ᠊ᠨᠳᠡ ᠡᠴᠡ ᠰᠤᠭᠤᠯᠤᠭᠳᠠᠨᠠ᠃