ᠵᠦᠢᠷ ᠮᠡᠷᠭᠡᠨ ᠦᠭᠡᠰ ᠠᠷᠪᠠᠨ ᠳᠥᠷᠪᠡ
1 ᠮᠡᠷᠭᠡᠨ ᠡᠮᠡᠭᠲᠡᠢ ᠭᠡᠷ ᠢᠶᠡᠨ ᠪᠣᠰᠬᠠᠨᠠ ᠮᠤᠩ᠋ᠬᠠᠭ ᠨᠢ ᠭᠠᠷ ᠢᠶᠠᠷ ᠢᠶᠠᠨ ᠨᠤᠷᠠᠭᠠᠨᠠ᠃
2 ᠭᠣᠣᠯᠴᠢ ᠠᠯᠬᠤᠭᠴᠢ ᠨᠢ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠴᠢ ᠭᠠᠵᠢᠭᠤ ᠵᠠᠮᠨᠠᠭᠴᠢ ᠨᠢ ᠲᠡᠭᠦᠨ ᠢ ᠪᠠᠰᠤᠭᠴᠢ᠃
3 ᠮᠤᠩ᠋ᠬᠠᠭ ᠤᠨ ᠠᠮᠠ ᠪᠠᠷᠳᠠᠮᠨᠠᠯ ᠤᠨ ᠢᠶᠠᠨ ᠲᠠᠰᠢᠭᠤᠷ ᠮᠡᠷᠭᠡᠨ ᠦ ᠣᠷᠣᠭᠤᠯ ᠥᠪᠡᠷ ᠦᠨ ᠢᠶᠠᠨ ᠬᠠᠷᠠᠭᠤᠯ᠃
4 ᠦᠬᠡᠷ ᠦᠭᠡᠢ ᠪᠣᠯ ᠣᠩ᠋ᠭᠣᠴᠠ ᠴᠡᠪᠡᠷᠬᠡᠨ ᠴᠤ ᠡᠯᠪᠡᠭ ᠣᠷᠣᠯᠭᠠ ᠨᠢ ᠦᠬᠡᠷ ᠦᠨ ᠬᠦᠴᠦ ᠪᠡᠷ᠃
5 ᠦᠨᠡᠨᠴᠢ ᠭᠡᠷᠡᠴᠢ ᠬᠤᠳᠠᠯ ᠬᠡᠯᠡᠬᠦ ᠦᠭᠡᠢ ᠬᠠᠭᠤᠷᠮᠠᠴᠢ ᠭᠡᠷᠡᠴᠢ ᠬᠤᠳᠠᠯ ᠴᠠᠯᠴᠢᠳᠠᠭ᠃
6 ᠪᠠᠰᠤᠮᠵᠢᠯᠠᠭᠴᠢ ᠨᠢ ᠮᠡᠷᠭᠡᠨ ᠤᠬᠠᠭᠠᠨ ᠢ ᠡᠷᠢᠭᠰᠡᠨ ᠴᠤ ᠣᠯᠬᠤ ᠦᠭᠡᠢ ᠤᠬᠠᠭᠠᠷᠠᠭᠴᠢ ᠳᠤ ᠮᠡᠳᠡᠯᠭᠡ ᠬᠠᠷᠢᠨ ᠲᠦᠪᠡᠭ ᠦᠭᠡᠢ᠃
7 ᠮᠤᠩ᠋ᠬᠠᠭ ᠬᠥᠮᠦᠨ ᠡᠴᠡ ᠵᠠᠢᠯᠠ ᠲᠡᠭᠦᠨ ᠦ ᠣᠷᠣᠭᠤᠯ ᠠᠴᠠ ᠮᠡᠳᠡᠯᠭᠡ ᠣᠯᠳᠠᠬᠤ ᠦᠭᠡᠢ᠃
8 ᠬᠡᠷᠰᠡᠦ ᠨᠢ ᠵᠠᠮ ᠢ ᠮᠡᠳᠡᠳᠡᠭ ᠢᠶᠡᠷ ᠢᠶᠠᠨ ᠮᠡᠷᠭᠡᠨ ᠮᠤᠯᠭᠤᠤ ᠨᠢ ᠵᠠᠯᠢ ᠮᠡᠬᠡ ᠲᠠᠢ ᠪᠠᠷ ᠢᠶᠠᠨ ᠮᠤᠩ᠋ᠬᠠᠭ 18 ᠃
9 ᠲᠡᠨᠡᠭ ᠨᠢ ᠨᠢᠭᠦᠯ ᠦᠨ ᠲᠠᠬᠢᠯ ᠢ ᠪᠠᠰᠤᠮᠵᠢᠯᠠᠬᠤ ᠳᠤ ᠴᠢᠭ᠍ᠴᠢ ᠬᠥᠮᠦᠰ ᠦᠨ ᠳᠤᠮᠳᠠ ᠲᠠᠭᠠᠯᠠᠯ ᠪᠤᠢ᠃
10 ᠰᠡᠳᠬᠢᠯ ᠤᠨ ᠵᠣᠪᠠᠯᠠᠩ ᠢ ᠥᠪᠡᠷ ᠢᠶᠡᠨ ᠯᠠ ᠮᠡᠳᠡᠨᠡ ᠰᠡᠳᠬᠢᠯ ᠤᠨ ᠵᠢᠷᠭᠠᠯ ᠢ ᠥᠷᠥᠭᠡᠯ ᠨᠢ ᠬᠤᠪᠢᠶᠠᠯᠴᠠᠬᠤ ᠦᠭᠡᠢ᠃
11 ᠪᠤᠷᠤᠭᠤᠲᠠᠨ ᠤ ᠭᠡᠷ ᠮᠥᠬᠥᠨᠡ ᠵᠥᠪᠲᠡᠨ ᠦ ᠣᠷᠣᠮᠵᠢ ᠮᠠᠨᠳᠤᠨᠠ᠃
12 ᠬᠥᠮᠦᠨ ᠳᠦ ᠰᠢᠯᠤᠭᠤᠨ ᠬᠠᠷᠠᠭᠳᠠᠪᠠᠴᠤ ᠬᠣᠵᠢᠮ ᠨᠢ ᠦᠬᠦᠯ ᠳᠦ ᠬᠦᠷᠭᠡᠬᠦ ᠵᠠᠮ ᠪᠤᠢ᠃
13 ᠢᠨᠢᠶᠡᠬᠦ ᠳᠦ ᠴᠤ ᠰᠡᠳᠬᠢᠯ ᠤᠨ ᠵᠣᠪᠠᠨᠢᠯ ᠪᠠᠢᠬᠤ ᠨᠢ ᠪᠤᠢ ᠵᠢᠷᠭᠠᠯ ᠤᠨ ᠬᠣᠢᠨᠠ ᠭᠠᠰᠢᠭᠤᠳᠠᠯ ᠪᠠᠢᠬᠤ ᠨᠢ ᠪᠤᠢ᠃
14 ᠤᠷᠪᠠᠮᠠᠲᠠᠭᠠᠢ ᠰᠠᠨᠠᠭᠠᠲᠠᠨ ᠴᠤ ᠰᠠᠢᠨ ᠬᠥᠮᠦᠨ ᠴᠤ ᠦᠢᠯᠡᠰ ᠦᠨ ᠢᠶᠠᠨ ᠬᠠᠷᠢᠭᠤ ᠶᠢ ᠬᠠᠨᠲᠠᠯᠠ ᠪᠠᠨ ᠠᠮᠰᠠᠨᠠ᠃
15 ᠭᠡᠨᠡᠨ ᠨᠢ ᠪᠦᠬᠦ ᠦᠭᠡ ᠶᠢ ᠦᠨᠡᠮᠰᠢᠵᠦ ᠬᠠᠰᠢᠷ ᠨᠢ ᠠᠯᠬᠤᠮ ᠢᠶᠠᠨ ᠬᠢᠨᠠᠨᠠ᠃
16 ᠮᠡᠷᠭᠡᠨ ᠨᠢ ᠡᠮᠢᠶᠡᠵᠦ ᠮᠠᠭᠤ ᠠᠴᠠ ᠵᠠᠢᠯᠠᠳᠠᠭ ᠮᠤᠩ᠋ᠬᠠᠭ ᠨᠢ ᠶᠡᠬᠡᠷᠬᠡᠵᠦ ᠪᠡᠶᠡ ᠪᠡᠨ ᠲᠣᠭᠣᠳᠠᠭ᠃
17 ᠣᠭᠵᠣᠮ ᠠᠭᠤᠷᠯᠠᠭᠴᠢ ᠮᠤᠯᠭᠤᠤ ᠶᠢ ᠦᠢᠯᠡᠳᠦᠨᠡ ᠣᠪ ᠮᠡᠬᠡᠲᠡᠨ ᠵᠢᠭ᠍ᠰᠢᠭᠳᠡᠨᠡ᠃
18 ᠭᠡᠨᠡᠨ ᠨᠢ ᠮᠤᠩ᠋ᠬᠠᠭ ᠢ ᠥᠮᠴᠢᠯᠡᠨᠡ ᠬᠠᠰᠢᠷ ᠨᠢ ᠮᠡᠳᠡᠯᠭᠡ ᠪᠡᠷ ᠲᠢᠲᠢᠮᠯᠡᠨᠡ᠃
19 ᠰᠠᠢᠨ ᠤ ᠡᠮᠦᠨᠡ ᠮᠠᠭᠤ ᠨᠢ ᠪᠥᠬᠥᠢᠵᠦ ᠵᠥᠪᠲᠡᠨ ᠦ ᠡᠭᠦᠳᠡᠨ ᠳᠦ ᠪᠤᠷᠤᠭᠤᠲᠠᠨ ᠪᠥᠬᠥᠢᠨᠡ᠃
20 ᠶᠠᠳᠠᠭᠤ ᠨᠢ ᠬᠥᠷᠰᠢ ᠳᠡᠭᠡᠨ ᠵᠢᠭ᠍ᠰᠢᠯ ᠲᠠᠢ ᠪᠠᠶᠠᠨ ᠨᠢ ᠣᠯᠠᠨ ᠨᠠᠢᠵᠢ ᠲᠠᠢ᠃
21 ᠬᠥᠷᠰᠢ ᠪᠠᠨ ᠱᠣᠣᠯᠠᠬᠤ ᠨᠢ ᠨᠢᠭᠦᠯ ᠪᠠᠭᠤᠷᠠᠢ ᠶᠢ ᠡᠨᠡᠷᠢᠬᠦ ᠨᠢ ᠪᠤᠶᠠᠨ᠃
22 ᠮᠠᠭᠤ ᠶᠢ ᠪᠣᠳᠣᠭᠴᠢ ᠨᠢ ᠲᠥᠭᠡᠷᠢᠬᠦ ᠪᠢᠰᠢ ᠤᠤ︖ ᠰᠠᠢᠨ ᠢ ᠪᠣᠳᠣᠭᠴᠢ ᠳᠤ ᠡᠨᠡᠷᠢᠯ ᠪᠠ ᠦᠨᠡᠨ ᠪᠤᠢ᠃
23 ᠬᠥᠳᠡᠯᠮᠦᠷᠢ ᠪᠦᠬᠦᠨ ᠳᠦ ᠠᠰᠢᠭ ᠪᠤᠢ ᠶᠠᠷᠢᠭᠰᠠᠭᠠᠷ ᠯᠠ ᠪᠠᠢᠪᠠᠯ ᠶᠠᠳᠠᠭᠤᠷᠠᠬᠤ ᠨᠢ ᠪᠤᠢ᠃
24 ᠮᠡᠷᠭᠡᠨ ᠳᠦ ᠪᠠᠶᠠᠯᠢᠭ ᠨᠢ ᠲᠢᠲᠢᠮ ᠮᠤᠩ᠋ᠬᠠᠭ ᠬᠠᠷᠢᠨ ᠲᠡᠨᠡᠭᠯᠡᠨ ᠲᠡᠨᠡᠭᠯᠡᠳᠡᠭ᠃
25 ᠦᠨᠡᠨ ᠦ ᠭᠡᠷᠡᠴᠢ ᠠᠮᠢ ᠠᠪᠤᠷᠠᠭᠴᠢ ᠬᠤᠳᠠᠯ ᠢ ᠤᠷᠤᠰᠬᠠᠭᠴᠢ ᠢᠲᠡᠭᠡᠯ ᠡᠪᠳᠡᠭᠴᠢ᠃
26 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠴᠢ ᠳᠤ ᠪᠠᠲᠤ ᠴᠠᠢᠵᠠ ᠦᠷᠡ ᠬᠡᠦᠬᠡᠳ ᠲᠤᠨᠢ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠪᠠᠢᠬᠤ ᠪᠣᠯᠣᠨᠠ᠃
27 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠠᠮᠢ ᠶᠢᠨ ᠤᠨᠳᠤᠷᠤᠭᠠ ᠦᠬᠦᠯ ᠦᠨ ᠲᠣᠣᠷ ᠠᠴᠠ ᠲᠡᠷᠡ ᠮᠤᠯᠲᠤᠯᠤᠨᠠ᠃
28 ᠣᠯᠠᠨ ᠠᠷᠠᠳ ᠨᠢ ᠬᠠᠭᠠᠨ ᠤ ᠰᠦᠷ ᠴᠥᠭᠡᠨ ᠠᠷᠠᠳ ᠨᠢ ᠨᠣᠶᠠᠨ ᠤ ᠰᠦᠢᠷᠡᠯ᠃
29 ᠠᠭᠤᠷᠯᠠᠬᠤ ᠳᠠᠭᠠᠨ ᠤᠳᠠᠭᠠᠨ ᠨᠢ ᠶᠡᠬᠡ ᠤᠬᠠᠭᠠᠨ ᠠᠳᠬᠤᠭᠤ ᠵᠠᠩ ᠲᠠᠢ ᠨᠢ ᠲᠡᠨᠡᠭ ᠢᠶᠡᠨ ᠢᠯᠡᠷᠬᠡᠶᠢᠯᠡᠨᠡ᠃
30 ᠡᠷᠡᠭᠦᠯ ᠰᠡᠳᠬᠢᠯ ᠪᠡᠶᠡ ᠳᠦ ᠠᠮᠢ ᠠᠲᠠᠭᠠᠷᠬᠠᠯ ᠶᠠᠰᠤᠨ ᠳᠤ ᠢᠯᠵᠢᠷᠠᠯ᠃
31 ᠪᠠᠭᠤᠷᠠᠢ ᠶᠢ ᠳᠠᠷᠤᠯᠠᠭᠴᠢ ᠪᠦᠲᠦᠭᠡᠭᠴᠢ ᠶᠢ ᠨᠢ ᠪᠠᠰᠤᠭᠴᠢ ᠦᠭᠡᠭᠦᠦ ᠶᠢ ᠡᠨᠡᠷᠢᠭ᠍ᠴᠢ ᠲᠡᠭᠦᠨ ᠢ ᠬᠦᠨᠳᠦᠯᠡᠭᠴᠢ᠃
32 ᠪᠤᠷᠤᠭᠤᠲᠠᠨ ᠬᠣᠷᠣᠨ ᠮᠠᠭᠤ ᠳᠠᠭᠠᠨ ᠬᠥᠭᠡᠭᠡᠭᠳᠡᠳᠡᠭ ᠪᠣᠯ ᠵᠥᠪᠲᠡᠨ ᠦᠬᠦᠬᠦ ᠳᠡᠭᠡᠨ ᠴᠤ ᠨᠠᠢᠳᠠᠪᠤᠷᠢ ᠲᠠᠢ᠃
33 ᠤᠬᠠᠭᠠᠯᠢᠭ ᠵᠢᠷᠦᠬᠡᠨ ᠳᠦ ᠮᠡᠷᠭᠡᠨ ᠤᠬᠠᠭᠠᠨ ᠣᠷᠣᠰᠢᠨᠠ ᠮᠤᠩ᠋ᠬᠠᠭ ᠤᠨ ᠳᠣᠲᠣᠷᠠ ᠪᠠᠢᠭᠠ ᠨᠢ ᠮᠡᠳᠡᠭᠳᠡᠨᠡ᠃
34 ᠵᠥᠪᠲᠦ ᠶᠣᠰᠣ ᠤᠯᠤᠰ ᠢ ᠮᠠᠨᠳᠤᠭᠤᠯᠵᠤ ᠭᠡᠮ ᠨᠢᠭᠦᠯ ᠨᠢ ᠠᠷᠠᠳ ᠤᠨ ᠢᠴᠢᠭᠦᠷᠢ᠃
35 ᠰᠡᠷᠭᠦᠯᠡᠩ ᠵᠠᠷᠤᠴᠠ ᠳᠤ ᠬᠠᠭᠠᠨ ᠤ ᠲᠠᠭᠠᠯᠠᠯ ᠰᠢᠪᠰᠢᠭ ᠲᠠᠷᠢᠭᠴᠢ ᠳᠤ ᠲᠡᠭᠦᠨ ᠦ ᠬᠢᠯᠢᠩ᠃