ᠭᠠᠯᠠᠲ᠋ᠢᠶᠠ ᠳᠥᠷᠪᠡ
1 ᠨᠡᠮᠡᠵᠦ ᠬᠡᠯᠡᠶᠡ᠂ ᠥᠪ ᠵᠠᠯᠭᠠᠮᠵᠢᠯᠠᠭᠴᠢ ᠨᠢ ᠬᠡᠳᠦᠢᠪᠡᠷ ᠪᠦᠬᠦ ᠥᠮᠴᠢ ᠶᠢᠨ ᠡᠵᠡᠨ ᠪᠣᠯᠪᠠᠴᠤ ᠬᠡᠦᠬᠡᠳ ᠪᠠᠢᠬᠤ ᠳᠠᠭᠠᠨ ᠵᠠᠷᠤᠴᠠ ᠠᠴᠠ ᠢᠯᠭᠠᠭᠠ ᠦᠭᠡᠢ ᠪᠥᠭᠡᠳ 2 ᠡᠴᠢᠭᠡ ᠶᠢᠨ ᠢᠶᠠᠨ ᠲᠣᠭᠲᠠᠭᠠᠭᠰᠠᠨ ᠴᠠᠭ ᠪᠣᠯᠲᠠᠯᠠ ᠠᠰᠠᠷᠠᠭᠴᠢ ᠪᠠ ᠭᠡᠷ ᠦᠨ ᠬᠠᠮᠢᠶᠠᠷᠤᠭᠴᠢ ᠶᠢᠨ ᠳᠣᠣᠷᠠ ᠪᠠᠢᠳᠠᠭ᠃ 3 ᠲᠡᠭᠦᠨᠴᠢᠯᠡᠨ ᠪᠢᠳᠡ ᠴᠤ ᠬᠡᠦᠬᠡᠳ ᠪᠠᠢᠬᠤ ᠳᠠᠭᠠᠨ ᠶᠢᠷᠲᠢᠨᠴᠦ ᠶᠢᠨ ᠡᠩ ᠦᠨ ᠵᠢᠷᠤᠮ ᠳᠤ ᠪᠣᠭᠣᠯᠴᠢᠯᠠᠭᠳᠠᠵᠤ ᠪᠠᠢᠭᠰᠠᠨ᠃ 4 ᠬᠠᠷᠢᠨ ᠨᠥᠭᠥᠭᠡ ᠴᠠᠭ ᠪᠣᠯᠬᠤ ᠳᠤ᠂ ᠪᠤᠷᠬᠠᠨ ᠬᠦᠦ ᠪᠡᠨ ᠢᠯᠡᠭᠡᠭᠰᠡᠨ ᠪᠥᠭᠡᠳ ᠲᠡᠭᠦᠨ ᠢ ᠡᠮᠡᠭᠲᠡᠢ ᠬᠥᠮᠦᠨ ᠡᠴᠡ ᠲᠥᠷᠥᠭᠦᠯᠦᠨ᠂ 5 ᠬᠠᠤᠯᠢ ᠶᠢᠨ ᠳᠣᠣᠷᠠ ᠪᠠᠢᠯᠭᠠᠭᠰᠠᠨ ᠢᠶᠠᠷ ᠢᠶᠠᠨ ᠬᠠᠤᠯᠢ ᠶᠢᠨ ᠳᠣᠣᠷᠠᠬᠢ ᠬᠥᠮᠦᠰ ᠢ ᠵᠣᠯᠢᠶᠠᠰᠤᠯᠠᠨ ᠠᠪᠴᠤ᠂ ᠪᠢᠳᠡᠨ ᠳᠦ ᠬᠦᠦ ᠶᠢᠨ ᠡᠷᠬᠡ ᠶᠢ ᠣᠯᠭᠣᠪᠠ᠃ 6 ᠲᠠ ᠨᠠᠷ ᠬᠦᠦ ᠨᠢ ᠤᠴᠢᠷ ᠠᠴᠠ 《ᠠᠪᠪᠠ 5 ᠡ᠂ ᠠᠪᠤ ᠡ》 ᠭᠡᠵᠦ ᠳᠠᠭᠤᠳᠠᠬᠤ ᠬᠦᠦ ᠶᠢᠨ ᠰᠦᠨᠡᠰᠦ ᠶᠢ ᠪᠤᠷᠬᠠᠨ ᠪᠢᠳᠡᠨ ᠦ ᠵᠢᠷᠦᠬᠡᠨ ᠳᠦ ᠢᠯᠡᠭᠡᠭᠰᠡᠨ᠃ 7 ᠡᠢᠮᠦ ᠡᠴᠡ ᠡᠳᠦᠭᠡ ᠲᠠ ᠪᠣᠭᠣᠯ ᠪᠢᠰᠢ᠂ ᠬᠦᠦ ᠨᠢ ᠪᠣᠯᠣᠯᠠ᠃ ᠬᠦᠦ ᠨᠢ ᠪᠣᠯᠬᠣᠷ ᠪᠤᠷᠬᠠᠨ ᠲᠠᠨ ᠢ ᠪᠠᠰᠠ ᠥᠪ ᠵᠠᠯᠭᠠᠮᠵᠢᠯᠠᠭᠴᠢ ᠪᠣᠯᠭᠠᠪᠠ᠃
ᠴᠢᠭᠤᠯᠭᠠᠨ ᠤ ᠲᠥᠯᠥᠭᠡᠬᠢ ᠰᠠᠨᠠᠭᠠᠰᠢᠷᠠᠯ
8 ᠬᠠᠷᠢᠨ ᠲᠠ ᠨᠠᠷ ᠤᠷᠢᠳᠤ ᠨᠢ ᠪᠤᠷᠬᠠᠨ ᠢ ᠲᠠᠨᠢᠭᠠ ᠦᠭᠡᠢ ᠲᠤᠯᠠ ᠪᠤᠷᠬᠠᠨ ᠪᠤᠰᠤ ᠨᠤᠭᠤᠳ ᠲᠤ ᠪᠣᠭᠣᠯᠴᠢᠯᠠᠭᠳᠠᠵᠤ ᠪᠠᠢᠭᠰᠠᠨ᠂ 9 ᠭᠡᠪᠡᠴᠦ ᠣᠳᠣ ᠲᠠ ᠨᠠᠷ ᠪᠤᠷᠬᠠᠨ ᠢ ᠲᠠᠨᠢᠭᠰᠠᠨ᠂ ᠡᠭᠦᠨ ᠡᠴᠡ ᠢᠯᠡᠭᠦᠦ ᠪᠡᠷ ᠪᠤᠷᠬᠠᠨ ᠳᠤ ᠲᠠᠨᠢᠭᠳᠠᠭᠰᠠᠨ ᠠᠲᠠᠯᠠ ᠪᠠᠨ ᠶᠠᠭᠤᠨ ᠳᠤ ᠲᠡᠷᠡ ᠬᠦ ᠴᠢᠳᠠᠪᠤᠷᠢ ᠦᠭᠡᠢ᠂ ᠥᠴᠦᠬᠡᠨ ᠡᠩ ᠦᠨ ᠶᠣᠰᠣ ᠵᠢᠷᠤᠮ ᠳᠤ ᠪᠤᠴᠠᠵᠤ ᠪᠠᠢᠭᠠ ᠪᠤᠢ︖ ᠳᠠᠬᠢᠨ ᠪᠣᠭᠣᠯᠴᠢᠯᠠᠭᠳᠠᠬᠤ ᠪᠠᠷ ᠪᠠᠢᠨᠠ ᠤᠤ︖ 10 ᠲᠠ ᠨᠠᠷ ᠡᠳᠦᠷ᠂ ᠰᠠᠷᠠ᠂ ᠤᠯᠠᠷᠢᠯ ᠪᠠ ᠵᠢᠯ ᠢ ᠰᠠᠬᠢᠳᠠᠭ ᠭᠡᠨᠡ᠂ 11 ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠵᠢᠳᠬᠦᠭᠰᠡᠨ ᠮᠢᠨᠢ ᠲᠠᠯᠠᠭᠠᠷ ᠪᠣᠯᠬᠤ ᠪᠤᠢ ᠭᠡᠵᠦ ᠪᠢ ᠠᠶᠤᠵᠤ ᠪᠠᠢᠨᠠ᠃
12 ᠠᠬᠠ ᠳᠡᠭᠦᠦ ᠨᠠᠷ ᠡ︕ ᠪᠢ ᠲᠠ ᠨᠠᠷ ᠠᠴᠠ ᠭᠤᠶᠤᠶᠠ᠂ ᠨᠠᠳᠠ ᠲᠠᠢ ᠠᠳᠠᠯᠢ ᠪᠣᠯᠵᠠᠭᠠ᠂ ᠪᠢ ᠴᠤ ᠲᠠ ᠨᠠᠷ ᠲᠠᠢ ᠠᠳᠠᠯᠢ ᠪᠣᠯᠣᠭᠰᠠᠨ᠃ ᠭᠡᠬᠦ ᠳᠡᠭᠡᠨ ᠲᠠ ᠨᠠᠷ ᠨᠠᠳᠠ ᠳᠤ ᠪᠤᠷᠤᠭᠤ ᠬᠢᠯᠡ ᠭᠡᠰᠡᠨ ᠦᠭᠡ ᠪᠢᠰᠢ᠃ 13 ᠲᠠ ᠨᠠᠷ ᠤᠨ ᠮᠡᠳᠡᠭᠰᠡᠨᠴᠢᠯᠡᠨ ᠮᠢᠨᠦ ᠪᠡᠶᠡ ᠲᠠᠮᠢᠷ ᠦᠭᠡᠢ ᠪᠠᠢᠭᠰᠠᠨ ᠪᠣᠯᠬᠣᠷ ᠲᠠ ᠨᠠᠷ ᠲᠤ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠠᠩᠬᠠ ᠲᠤᠩ᠋ᠬᠠᠭᠯᠠᠭᠰᠠᠨ ᠪᠥᠭᠡᠳ 14 ᠪᠡᠶᠡ ᠶᠢᠨ ᠪᠠᠢᠳᠠᠯ ᠮᠢᠨᠢ ᠲᠠ ᠨᠠᠷ ᠲᠤ ᠰᠣᠷᠢᠯᠲᠠ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠠ ᠨᠠᠷ ᠪᠠᠰᠤᠮᠵᠢᠯᠠᠭᠰᠠᠨ ᠦᠭᠡᠢ᠂ ᠣᠭᠣᠷᠣᠭᠰᠠᠨ ᠴᠤ ᠦᠭᠡᠢ᠂ ᠬᠠᠷᠢᠨ ᠪᠤᠷᠬᠠᠨ ᠤ ᠡᠯᠴᠢ ᠪᠤᠶᠤ ᠾᠷᠢᠰᠲ᠋ᠣᠰ ᠢᠰᠦ᠋ᠰ ᠢ ᠬᠦᠯᠢᠶᠡᠨ ᠠᠪᠬᠤ ᠮᠡᠲᠦ ᠨᠠᠮᠠᠶᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ᠃ 15 ᠲᠡᠷᠡ ᠪᠤᠶᠠᠨ ᠴᠢᠨᠢ ᠣᠳᠣ ᠬᠠᠮᠢᠭᠠ ᠪᠠᠢᠨᠠ︖ ᠲᠠ ᠨᠠᠷ ᠲᠤ ᠭᠡᠷᠡᠴᠢᠯᠡᠶᠡ᠂ ᠪᠣᠯᠣᠮᠵᠢ ᠲᠠᠢ ᠰᠠᠨ ᠪᠣᠯ ᠲᠠ ᠨᠠᠷ ᠨᠠᠳᠠ ᠳᠤ ᠨᠢᠳᠦ ᠪᠡᠨ ᠴᠤ ᠤᠬᠤᠭᠠᠳ ᠥᠭᠬᠦ ᠪᠠᠢᠭᠰᠠᠨ᠃ 16 ᠭᠡᠪᠡᠴᠦ ᠣᠳᠣ ᠪᠢ ᠦᠨᠡᠨ ᠢ ᠬᠡᠯᠡᠭᠰᠡᠨ ᠢᠶᠡᠷ ᠲᠠ ᠨᠠᠷ ᠤᠨ ᠥᠰᠢᠶᠡᠲᠡᠨ ᠪᠣᠯᠴᠢᠬᠠᠭᠰᠠᠨ ᠶᠤᠮ ᠭᠡᠵᠢ ᠤᠤ︖ 17 ᠲᠡᠳᠡᠭᠡᠷ ᠬᠥᠮᠦᠨ ᠦ ᠲᠠ ᠨᠠᠷ ᠲᠤ ᠬᠠᠯᠠᠭᠤᠮᠰᠤᠭ ᠪᠠᠢᠭᠠ ᠨᠢ ᠰᠠᠢᠨ ᠳᠠᠭᠠᠨ ᠪᠢᠰᠢ᠂ ᠬᠠᠷᠢᠨ ᠲᠠ ᠨᠠᠷ ᠢ ᠪᠢᠳᠡᠨ ᠡᠴᠡ ᠬᠥᠨᠳᠡᠢᠷᠡᠭᠦᠯᠵᠦ᠂ ᠥᠪᠡᠷᠰᠡᠳ ᠲᠡᠭᠡᠨ ᠬᠠᠯᠠᠭᠤᠮᠰᠤᠭ ᠪᠠᠢᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠶᠤᠮ᠃ 18 ᠨᠠᠮᠠᠶᠢ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠳᠤ ᠴᠤ ᠪᠠᠢ᠂ ᠦᠭᠡᠢ ᠳᠦ ᠴᠤ ᠪᠠᠢ᠂ ᠰᠠᠢᠨ ᠰᠠᠨᠠᠭᠠᠨ ᠠᠴᠠ ᠬᠠᠯᠠᠭᠤᠮᠰᠤᠭ ᠪᠠᠢᠬᠤ ᠨᠢ ᠬᠡᠵᠢᠶᠡᠳᠡ ᠰᠠᠢᠨ᠃ 19 ᠬᠡᠦᠬᠡᠳ ᠤᠳ ᠮᠢᠨᠢ᠂ ᠲᠠ ᠨᠠᠷ ᠤᠨ ᠳᠣᠲᠣᠷᠠ ᠾᠷᠢᠰᠲ᠋ᠣᠰ ᠬᠡᠯᠪᠡᠷᠢᠵᠢᠨ ᠲᠣᠭᠲᠠᠲᠠᠯᠠ ᠪᠢ ᠲᠥᠷᠥᠬᠦ ᠶᠢᠨ ᠵᠣᠪᠠᠯᠠᠩ ᠢ ᠳᠠᠬᠢᠨ ᠠᠮᠰᠠᠬᠤ ᠪᠣᠯᠣᠯᠠ᠃ 20 ᠣᠳᠣ ᠴᠤ ᠪᠢ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠵᠤ᠂ ᠥᠭᠡᠷᠡ ᠠᠶᠠᠰ ᠢᠶᠠᠷ ᠶᠠᠷᠢᠬᠤ ᠶᠤᠮ ᠰᠠᠨ᠃ ᠲᠠ ᠨᠠᠷ ᠠᠴᠠ ᠪᠣᠯᠵᠤ ᠪᠢ ᠡᠷᠡᠭᠡᠯᠵᠡᠨ ᠵᠣᠪᠠᠵᠤ ᠪᠠᠢᠨᠠ᠃
ᠬᠣᠶᠠᠷ ᠡᠮᠡᠭᠲᠡᠢ ᠶᠢᠨ ᠦᠯᠢᠭᠡᠷᠯᠡᠯ
21 ᠬᠠᠤᠯᠢ ᠶᠢᠨ ᠳᠣᠣᠷᠠ ᠪᠠᠢᠬᠤ ᠳᠤᠷᠠᠲᠠᠢ ᠬᠥᠮᠦᠰ ᠡ᠂ ᠨᠠᠳᠠ ᠳᠤ ᠬᠡᠯᠡᠭᠡᠴᠢ︕ ᠲᠠ ᠨᠠᠷ ᠬᠠᠤᠯᠢ ᠶᠢᠨ ᠲᠤᠬᠠᠢ ᠰᠣᠨᠣᠰᠬᠤ ᠭᠡᠵᠦ ᠪᠠᠢᠨᠠ ᠤᠤ︖ 22 ᠠᠪᠷᠠᠬᠠᠮ ᠳᠤ ᠬᠣᠶᠠᠷ ᠬᠦᠦ ᠪᠠᠢᠭᠰᠠᠨ ᠪᠥᠭᠡᠳ ᠨᠢᠭᠡ ᠨᠢ ᠰᠢᠪᠡᠭᠴᠢᠨ ᠡᠴᠡ᠂ ᠨᠥᠭᠥᠭᠡ ᠨᠢ ᠡᠷᠬᠡ ᠴᠢᠯᠥᠭᠡᠲᠦ ᠡᠮᠡᠭᠲᠡᠢ ᠡᠴᠡ ᠲᠥᠷᠥᠭᠰᠡᠨ ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ 23 ᠰᠢᠪᠡᠭᠴᠢᠨ ᠤ ᠬᠦᠦ ᠮᠢᠬᠠᠨ ᠪᠡᠶᠡ ᠶᠢᠨ ᠶᠣᠰᠣᠭᠠᠷ᠂ ᠡᠷᠬᠡ ᠴᠢᠯᠥᠭᠡᠲᠦ ᠡᠮᠡᠭᠲᠡᠢ ᠶᠢᠨ ᠬᠦᠦ ᠠᠮᠠᠯᠠᠯᠲᠠ ᠶᠢᠨ ᠶᠣᠰᠣᠭᠠᠷ ᠲᠥᠷᠥᠭᠰᠡᠨ᠃ 24 ᠡᠨᠡ ᠨᠢ ᠵᠦᠢᠷᠯᠡᠯ ᠪᠥᠭᠡᠳ ᠬᠣᠶᠠᠷ ᠡᠮᠡᠭᠲᠡᠢ ᠨᠢ ᠬᠣᠶᠠᠷ ᠭᠡᠷᠡ ᠶᠢ ᠵᠢᠭᠠᠵᠤ ᠪᠠᠢᠨᠠ᠃ ᠨᠢᠭᠡ ᠨᠢ ᠰᠢᠨᠠᠢ ᠠᠭᠤᠯᠠᠨ ᠠᠴᠠ ᠭᠠᠷᠴᠤ ᠪᠣᠭᠣᠯᠴᠢᠯᠠᠯ ᠳᠤ ᠣᠷᠣᠬᠤ ᠬᠡᠦᠬᠡᠳ ᠤᠳ ᠢ ᠲᠥᠷᠥᠭᠰᠡᠨ ᠬᠠᠭᠠᠷ ᠮᠥᠨ᠃ 25 ᠡᠨᠡ ᠬᠦ ᠬᠠᠭᠠᠷ ᠪᠣᠯ ᠠᠷᠠᠪ ᠤᠨ ᠰᠢᠨᠠᠢ ᠠᠭᠤᠯᠠ ᠪᠥᠭᠡᠳ ᠬᠡᠦᠬᠡᠳ ᠲᠡᠢ ᠪᠡᠨ ᠬᠠᠮᠲᠤ ᠪᠣᠭᠣᠯᠴᠢᠯᠠᠭᠳᠠᠵᠤ ᠪᠠᠢᠭᠠ ᠶᠧᠷᠦ᠋ᠰᠠᠯᠧᠮ ᠢ ᠬᠡᠯᠡᠨᠡ᠂ 26 ᠭᠡᠲᠡᠯᠡ ᠳᠡᠭᠡᠷᠡ ᠪᠠᠢᠳᠠᠭ ᠶᠧᠷᠦ᠋ᠰᠠᠯᠧᠮ ᠨᠢ ᠡᠷᠬᠡ ᠴᠢᠯᠥᠭᠡ ᠲᠠᠢ ᠪᠥᠭᠡᠳ ᠪᠢᠳᠡᠨ ᠦ ᠡᠵᠢ ᠮᠥᠨ᠃ 27 ᠤᠴᠢᠷ ᠨᠢ᠂ 《ᠪᠠᠶᠠᠷᠯᠠᠭᠲᠤᠨ᠂ ᠬᠡᠦᠬᠡᠳ ᠲᠥᠷᠥᠭᠦᠯᠦᠭᠡ ᠦᠭᠡᠢ ᠬᠡᠭᠦᠰᠡᠷ ᠴᠢ︕ ᠬᠣᠭᠣᠯᠠᠢ ᠮᠡᠳᠡᠨ ᠬᠠᠰᠬᠢᠷᠤᠭᠲᠤᠨ᠂ ᠲᠥᠷᠥᠯᠲᠡ ᠶᠢᠨ ᠵᠣᠪᠠᠯᠠᠩ ᠦᠵᠡᠭᠡ ᠦᠭᠡᠢ ᠴᠢ︕ ᠭᠠᠭᠴᠠ ᠪᠡᠶᠡ ᠠᠲᠠᠯᠠ ᠪᠠᠨ ᠨᠥᠬᠥᠷ ᠲᠡᠢ ᠠᠴᠠ ᠣᠯᠠᠨ ᠬᠡᠦᠬᠡᠳ ᠲᠡᠢ ᠪᠣᠯᠪᠠ》
ᠭᠡᠵᠦ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ 28 ᠠᠬᠠ ᠳᠡᠭᠦᠦ ᠨᠠᠷ ᠡ︕ ᠲᠠ ᠨᠠᠷ ᠪᠣᠯ ᠢᠰᠠᠺ ᠰᠢᠭ᠋ ᠠᠮᠠᠯᠠᠯᠲᠠ ᠶᠢᠨ ᠬᠡᠦᠬᠡᠳ ᠪᠢᠯᠡ᠃ 29 ᠬᠠᠷᠢᠨ ᠲᠤᠬᠠᠢ ᠶᠢᠨ ᠦᠶᠡ ᠳᠦ ᠮᠢᠬᠠᠨ ᠪᠡᠶᠡ ᠪᠡᠷ ᠲᠥᠷᠥᠭᠰᠡᠨ ᠨᠢ ᠰᠦᠨᠡᠰᠦ ᠪᠡᠷ ᠲᠥᠷᠥᠭᠰᠡᠨ ᠢ ᠬᠠᠪᠴᠢᠭᠰᠠᠨ ᠲᠠᠢ ᠠᠳᠠᠯᠢ ᠥᠨᠥ ᠦᠶᠡ ᠳᠦ ᠴᠤ ᠲᠡᠭᠡᠵᠦ ᠪᠠᠢᠨᠠ᠃ 30 ᠭᠡᠪᠡᠴᠦ ᠠᠷᠢᠭᠤᠨ ᠨᠣᠮ ᠶᠠᠭᠤ ᠭᠡᠪᠡ︖ 《ᠰᠢᠪᠡᠭᠴᠢᠨ ᠢ ᠬᠦᠦ ᠲᠠᠢ ᠨᠢ ᠬᠠᠮᠲᠤ ᠵᠠᠢᠯᠠᠭᠤᠯ᠂ ᠰᠢᠪᠡᠭᠴᠢᠨ ᠤ ᠬᠦᠦ ᠨᠢ ᠡᠷᠬᠡ ᠴᠢᠯᠥᠭᠡᠲᠦ ᠡᠮᠡᠭᠲᠡᠢ ᠶᠢᠨ ᠬᠦᠦ ᠲᠠᠢ ᠬᠠᠮᠲᠤ ᠥᠪ ᠵᠠᠯᠭᠠᠮᠵᠢᠯᠠᠬᠤ ᠤᠴᠢᠷ ᠦᠭᠡᠢ》 ᠭᠡᠰᠡᠨ᠃ 31 ᠲᠡᠢᠮᠦ ᠡᠴᠡ ᠠᠬᠠ ᠳᠡᠭᠦᠦ ᠨᠠᠷ ᠡ︕ ᠪᠢᠳᠡ ᠪᠣᠯ ᠰᠢᠪᠡᠭᠴᠢᠨ ᠤ ᠬᠡᠦᠬᠡᠳ ᠤᠳ ᠪᠢᠰᠢ᠂ ᠡᠷᠬᠡ ᠴᠢᠯᠥᠭᠡᠲᠦ ᠡᠮᠡᠭᠲᠡᠢ ᠶᠢᠨ ᠬᠡᠦᠬᠡᠳ ᠤᠳ ᠮᠥᠨ᠃