ᠽᠧᠹᠠᠨᠢᠶᠠ ᠭᠤᠷᠪᠠ
ᠭᠡᠮᠰᠢᠯ ᠦᠭᠡᠢ ᠶᠧᠷᠦ᠋ᠰᠠᠯᠧᠮ
1 ᠪᠤᠵᠠᠷ ᠪᠤᠯᠠᠢ᠂ ᠳᠠᠷᠤᠯᠠᠭᠴᠢᠳ ᠤᠨ ᠬᠣᠲᠠ ᠭᠠᠰᠠᠯᠠᠩᠲᠠᠶᠠ︕
2 ᠲᠡᠷᠡ ᠪᠡᠷ ᠳᠠᠭᠤ ᠶᠢ ᠰᠣᠨᠣᠰᠳᠠᠭ ᠦᠭᠡᠢ ᠵᠢᠭᠠᠪᠤᠷᠢ ᠶᠢ ᠬᠦᠯᠢᠶᠡᠨ ᠠᠪᠳᠠᠭ ᠦᠭᠡᠢ ᠶᠣᠬᠣᠸᠠ ᠳᠤ ᠢᠲᠡᠭᠡᠳᠡᠭ ᠦᠭᠡᠢ ᠥᠪᠡᠷ ᠦᠨ ᠢᠶᠠᠨ ᠪᠤᠷᠬᠠᠨ ᠳᠤ ᠣᠢᠷᠠᠲᠤᠳᠠᠭ ᠦᠭᠡᠢ᠂
3 ᠲᠡᠭᠦᠨ ᠦ ᠳᠣᠲᠣᠷᠠᠬᠢ ᠲᠦᠰᠢᠮᠡᠳ ᠨᠢ ᠠᠷᠬᠢᠷᠠᠭᠴᠢ ᠠᠷᠰᠯᠠᠨ ᠰᠢᠭᠦᠭᠴᠢᠳ ᠨᠢ ᠥᠷᠯᠥᠭᠡ ᠪᠣᠯᠲᠠᠯᠠ ᠶᠠᠭᠤ ᠴᠤ ᠦᠯᠡᠳᠡᠭᠡᠳᠡᠭ ᠦᠭᠡᠢ ᠦᠳᠡᠰᠢ ᠶᠢᠨ ᠴᠢᠨᠣᠠ
4 ᠡᠰᠢ ᠦᠵᠡᠭᠦᠯᠦᠭᠴᠢᠳ ᠨᠢ ᠪᠣᠳᠣᠯᠭᠠ ᠦᠭᠡᠢ᠂ ᠢᠲᠡᠭᠡᠮᠵᠢ ᠦᠭᠡᠢ ᠡᠲᠡᠭᠡᠳ ᠲᠠᠬᠢᠯᠴᠢᠳ ᠨᠢ ᠠᠷᠢᠭᠤᠨ ᠭᠠᠵᠠᠷ ᠢ ᠪᠤᠵᠠᠷᠯᠠᠵᠤ ᠬᠠᠤᠯᠢ ᠶᠢ ᠵᠥᠷᠢᠴᠡᠳᠡᠭ᠃
5 ᠭᠡᠪᠡᠴᠦ ᠲᠡᠭᠦᠨ ᠦ ᠳᠣᠲᠣᠷᠠ ᠶᠣᠬᠣᠸᠠ ᠪᠣᠯ ᠵᠥᠪᠲᠦ᠂ ᠪᠤᠷᠤᠭᠤ ᠶᠢ ᠦᠢᠯᠡᠳᠳᠡᠭ ᠦᠭᠡᠢ ᠥᠷᠯᠥᠭᠡ ᠪᠦᠷᠢ ᠠᠯᠳᠠᠯ ᠦᠭᠡᠢ ᠰᠢᠳᠤᠷᠭᠤ ᠶᠣᠰᠣ ᠪᠠᠨ ᠢᠯᠡᠷᠬᠡᠶᠢᠯᠡᠳᠡᠭ ᠪᠣᠯ᠂ ᠪᠤᠷᠤᠭᠤᠲᠠᠨ ᠢᠴᠢᠬᠦ ᠪᠡᠨ ᠮᠡᠳᠡᠳᠡᠭ ᠦᠭᠡᠢ᠃
6 ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠤᠰᠠᠳᠬᠠᠬᠤ ᠳᠤ ᠪᠡᠬᠢᠯᠡᠯᠲᠡ ᠨᠦᠭᠦᠳ ᠨᠢ ᠪᠠᠯᠭᠠᠰᠤ ᠪᠣᠯᠪᠠ᠂ ᠪᠢ ᠭᠤᠳᠤᠮᠵᠢ ᠨᠤᠭᠤᠳ ᠢ ᠨᠢ ᠬᠣᠭᠣᠰᠣᠷᠠᠭᠤᠯᠬᠤ ᠳᠤ ᠲᠡᠷᠡᠭᠦᠷ ᠥᠩᠭᠡᠷᠡᠭᠴᠢ ᠨᠢ ᠠᠯᠠᠭᠠ ᠡᠢᠨ ᠬᠦ ᠲᠡᠳᠡᠨ ᠦ ᠬᠣᠲᠠ ᠨᠤᠭᠤᠳ ᠬᠥᠮᠦᠨ ᠦᠭᠡᠢ᠂ ᠰᠠᠭᠤᠭᠠᠯᠢᠴᠢᠳ ᠦᠭᠡᠢ ᠡᠵᠡᠭᠦᠢᠷᠡᠵᠡᠢ᠃
7 《ᠵᠠᠪᠠᠯ ᠴᠢ ᠨᠠᠮᠠᠶᠢ ᠬᠦᠨᠳᠦᠳᠬᠡᠵᠦ ᠵᠢᠭᠠᠪᠤᠷᠢ ᠶᠢ ᠬᠦᠯᠢᠶᠡᠨ ᠠᠪᠬᠤ ᠶᠣᠰᠣᠲᠠᠢ》 ᠭᠡᠵᠦ ᠪᠢ ᠬᠡᠯᠡᠭᠰᠡᠨ 《ᠲᠡᠭᠡᠪᠡᠯ ᠰᠠᠭᠤᠳᠠᠭ ᠭᠠᠵᠠᠷ ᠨᠢ ᠤᠰᠠᠳᠬᠠᠭᠳᠠᠬᠤ ᠦᠭᠡᠢ ᠰᠢᠳᠬᠡᠯ ᠮᠢᠨᠢ ᠶᠡᠷᠦ ᠲᠡᠭᠦᠨ ᠳᠦ ᠪᠠᠭᠤᠬᠤ ᠦᠭᠡᠢ》 ᠭᠡᠰᠡᠨ ᠭᠡᠪᠡᠴᠦ ᠲᠡᠳᠡ ᠨᠡᠩ ᠢᠳᠡᠪᠬᠢᠲᠡᠢ ᠪᠠᠷ ᠪᠤᠵᠠᠷ ᠦᠢᠯᠡ ᠶᠢ ᠬᠢᠪᠡ᠃
ᠰᠢᠳᠬᠡᠯ ᠪᠠ ᠰᠢᠨᠡᠴᠢᠯᠡᠯᠲᠡ
8 ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠨᠠᠮᠠᠶᠢ ᠬᠦᠯᠢᠶᠡᠵᠦ ᠪᠠᠢ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ ᠨᠢᠭᠡᠨ ᠡᠳᠦᠷ ᠪᠢ ᠪᠣᠰᠴᠤ ᠲᠡᠳᠡᠨ ᠢ ᠲᠣᠨᠣᠨᠠ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠬᠤᠷᠢᠶᠠᠨ᠂ ᠬᠠᠭᠠᠨᠴᠢᠯᠠᠯ ᠤᠳ ᠢ ᠴᠤᠭᠯᠠᠭᠤᠯᠵᠤ ᠳᠦᠷᠡᠯᠵᠡᠵᠦ ᠪᠤᠢ ᠪᠦᠬᠦ ᠬᠢᠯᠢᠩ ᠢᠶᠠᠨ ᠲᠡᠳᠡᠨ ᠳᠡᠭᠡᠷᠡ ᠠᠰᠬᠠᠬᠤ ᠪᠠᠷ ᠰᠢᠢᠳᠴᠡᠢ ᠪᠦᠬᠦ ᠳᠡᠯᠡᠬᠡᠢ ᠮᠢᠨᠦ ᠬᠠᠷᠠᠳᠠᠯᠲᠠ ᠶᠢᠨ ᠭᠠᠯ ᠳᠤ ᠴᠥᠯᠮᠦᠭᠳᠡᠬᠦ ᠪᠣᠯᠣᠨᠠ᠃
9 ᠲᠡᠷᠡ ᠦᠶᠡ ᠳᠦ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠢᠨᠡᠴᠢᠯᠡᠵᠦ ᠣᠷᠣᠭᠤᠯ ᠢ ᠨᠢ ᠴᠡᠪᠡᠷᠯᠡᠨᠡ ᠲᠡᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠵᠤ᠂ ᠮᠥᠷᠥ ᠵᠡᠷᠭᠡᠴᠡᠨ ᠲᠡᠭᠦᠨ ᠳᠦ ᠦᠢᠯᠡᠴᠢᠯᠡᠬᠦ ᠪᠣᠯᠣᠨᠠ᠃
10 ᠨᠠᠳᠠ ᠳᠤ ᠮᠥᠷᠭᠥᠭᠴᠢᠳ᠂ ᠲᠠᠷᠬᠠᠭᠰᠠᠨ ᠥᠬᠢᠳ ᠮᠢᠨᠢ ᠺᠦᠱ ᠤᠨ ᠮᠥᠷᠡᠨ ᠦ ᠴᠢᠨᠠᠳᠤ ᠠᠴᠠ ᠴᠤ ᠨᠠᠳᠠ ᠳᠤ ᠡᠷᠭᠦᠯ ᠠᠪᠴᠢᠷᠠᠬᠤ ᠪᠣᠯᠣᠨᠠ᠃
11 ᠮᠢᠨᠦ ᠡᠰᠡᠷᠭᠦ ᠦᠢᠯᠡᠳᠦᠭᠰᠡᠨ ᠪᠦᠬᠦ ᠦᠢᠯᠡ ᠶᠢᠨ ᠢᠶᠠᠨ ᠤᠯᠠᠮ ᠢᠶᠠᠷ ᠴᠢ ᠲᠡᠷᠡ ᠡᠳᠦᠷ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ ᠪᠢ ᠲᠠ ᠨᠠᠷ ᠤᠨ ᠳᠤᠮᠳᠠ ᠠᠴᠠ ᠬᠥᠭᠡᠷᠦᠨ ᠣᠩᠭᠢᠷᠠᠭᠴᠢᠳ ᠢ ᠵᠠᠢᠯᠠᠭᠤᠯᠬᠤ ᠲᠤᠯᠠ ᠲᠠ ᠨᠠᠷ ᠠᠷᠢᠭᠤᠨ ᠠᠭᠤᠯᠠᠨ ᠳᠡᠭᠡᠷᠡ ᠮᠢᠨᠢ ᠰᠠᠭᠰᠠᠭᠤᠷᠠᠬᠤ ᠪᠠᠨ ᠪᠣᠯᠢᠨᠠ᠃
12 ᠲᠠ ᠨᠠᠷ ᠤᠨ ᠳᠤᠮᠳᠠ ᠪᠤᠢ ᠳᠠᠷᠤᠤ᠂ ᠳᠥᠯᠭᠡᠨ ᠬᠥᠮᠦᠰ ᠢ ᠯᠠ ᠦᠯᠡᠳᠡᠭᠡᠨᠡ ᠲᠡᠳᠡ ᠶᠣᠬᠣᠸᠠ ᠶᠢᠨ ᠨᠡᠷᠡ ᠳᠦ ᠨᠠᠢᠳᠠᠬᠤ ᠪᠣᠯᠣᠨᠠ᠃
13 ᠢᠰᠷᠧᠯ ᠤᠨ ᠦᠯᠡᠳᠡᠭᠰᠡᠳ ᠵᠥᠪ ᠪᠤᠰᠤ ᠶᠢ ᠦᠢᠯᠡᠳᠬᠦ ᠦᠭᠡᠢ ᠬᠤᠳᠠᠯ ᠶᠠᠷᠢᠬᠤ ᠦᠭᠡᠢ ᠠᠮᠠᠨ ᠳᠤᠨᠢ ᠵᠠᠯᠢ ᠮᠡᠬᠡ ᠠᠯᠠᠭᠠ ᠲᠡᠳᠡᠨ ᠦ ᠬᠤᠪᠢ ᠳᠤ᠂ ᠬᠣᠭᠣᠯᠠᠯᠠᠬᠤ ᠪᠠ ᠬᠡᠪᠲᠡᠬᠦ ᠳᠦᠨᠢ ᠠᠶᠤᠯᠭᠠᠬᠤ ᠬᠥᠮᠦᠨ ᠠᠯᠠᠭᠠ᠃
ᠪᠠᠶᠠᠷ ᠤᠨ ᠳᠠᠭᠤᠯᠠᠯ
14 ᠳᠠᠭᠤᠯᠠ᠂ ᠽᠢᠶᠣᠨ ᠤ ᠥᠬᠢᠨ ᠡ︕ ᠤᠤᠬᠠᠢᠯᠠ᠂ ᠢᠰᠷᠧᠯ ᠡ᠂ ᠪᠦᠬᠦ ᠵᠢᠷᠦᠬᠡ ᠪᠡᠷ ᠢᠶᠠᠨ ᠪᠠᠶᠠᠰᠤᠨ᠂ ᠪᠠᠶᠠᠷᠯᠠ︕ ᠶᠧᠷᠦ᠋ᠰᠠᠯᠧᠮ ᠥᠬᠢᠨ ᠡ᠂
15 ᠶᠣᠬᠣᠸᠠ ᠰᠢᠳᠬᠡᠯ ᠢᠶᠡᠨ ᠪᠤᠴᠠᠭᠠᠨ ᠳᠠᠢᠰᠤᠨ ᠨᠤᠭᠤᠳ ᠢ ᠴᠢᠨᠢ ᠡᠷᠭᠢᠭᠦᠯᠵᠡᠢ ᠢᠰᠷᠧᠯ ᠤᠨ ᠬᠠᠭᠠᠨ᠂ ᠶᠣᠬᠣᠸᠠ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠢᠨᠠ ᠬᠣᠣᠷ ᠬᠥᠨᠥᠭᠡᠯ ᠡᠴᠡ ᠳᠠᠬᠢᠵᠤ ᠪᠦᠦ ᠠᠶᠤ᠃
16 ᠲᠡᠷᠡ ᠡᠳᠦᠷ ᠶᠧᠷᠦ᠋ᠰᠠᠯᠧᠮ ᠳᠤ ᠡᠢᠨ ᠬᠦ ᠶᠠᠷᠢᠭᠳᠠᠨᠠ᠄ 《ᠽᠢᠶᠣᠨ ᠡ᠂ ᠪᠦᠦ ᠠᠶᠤ᠂ ᠪᠦᠦ ᠵᠣᠷᠢᠭ ᠠᠯᠳᠠ᠃
17 ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠴᠢᠨᠦ ᠳᠤᠮᠳᠠ ᠪᠠᠢᠨᠠ ᠬᠦᠴᠦᠲᠦ ᠨᠢᠭᠡᠨ ᠴᠢᠮᠠᠶᠢ ᠠᠪᠤᠷᠠᠵᠤ ᠴᠢᠨᠦ ᠳᠡᠭᠡᠷᠡ ᠪᠠᠶᠠᠷᠯᠠᠨ ᠪᠠᠬᠠᠳᠤᠨᠠ ᠲᠡᠷᠡ ᠴᠢᠮᠠᠶᠢ ᠬᠠᠢᠷᠠ ᠪᠠᠷ ᠢᠶᠠᠨ ᠨᠠᠮ ᠭᠦᠮ ᠪᠣᠯᠭᠠᠵᠤ ᠴᠢᠨᠦ ᠳᠡᠭᠡᠷᠡ ᠤᠤᠬᠠᠢᠯᠠᠨ ᠪᠠᠶᠠᠰᠤᠨᠠ
18 ᠨᠠᠢᠷ ᠨᠠᠭᠠᠳᠤᠮ ᠳᠤ ᠣᠴᠢᠵᠤ ᠴᠢᠳᠠᠬᠤ ᠦᠭᠡᠢ ᠭᠠᠴᠢᠭᠳᠠᠭᠰᠠᠳ ᠢ ᠪᠢ ᠴᠤᠭᠯᠠᠭᠤᠯᠤᠨᠠ ᠲᠠ ᠨᠠᠷ ᠢᠴᠢᠭᠦᠷᠢ ᠶᠢ ᠳᠠᠬᠢᠨ ᠡᠭᠦᠷᠬᠦ ᠦᠭᠡᠢ᠂
19 ᠬᠠᠷᠠ᠂ ᠲᠠ ᠨᠠᠷ ᠢ ᠵᠣᠪᠠᠭᠠᠵᠤ ᠪᠠᠢᠭᠠ ᠪᠦᠭᠦᠳᠡ ᠳᠦ ᠪᠢ ᠲᠡᠷᠡ ᠴᠠᠭ ᠲᠤ ᠬᠠᠷᠢᠭᠤᠯᠤᠨᠠ ᠪᠢ ᠳᠣᠭᠣᠯᠠᠩ ᠢ ᠠᠪᠤᠷᠠᠵᠤ᠂ ᠬᠥᠭᠡᠭᠡᠭᠳᠡᠭᠰᠡᠳ ᠢ ᠴᠤᠭᠯᠠᠭᠤᠯᠤᠨᠠ ᠢᠴᠢᠭᠦᠷᠢ ᠡᠭᠦᠷᠦᠭᠰᠡᠨ ᠭᠠᠵᠠᠷ ᠪᠣᠯᠭᠠᠨ ᠳᠤᠨᠢ ᠠᠯᠳᠠᠷ ᠮᠠᠭᠲᠠᠭᠠᠯ ᠢ ᠪᠢ ᠲᠡᠳᠡᠨ ᠳᠦ ᠬᠦᠷᠲᠡᠭᠡᠨᠡ᠃
20 ᠲᠡᠷᠡ ᠴᠠᠭ ᠲᠤ ᠪᠢ ᠲᠠ ᠨᠠᠷ ᠢ ᠴᠤᠭᠯᠠᠭᠤᠯᠤᠨᠠ ᠲᠡᠷᠡ ᠴᠠᠭ ᠲᠤ ᠪᠢ ᠲᠠ ᠨᠠᠷ ᠢ ᠪᠤᠴᠠᠭᠠᠨ ᠠᠪᠴᠢᠷᠠᠨᠠ ᠪᠢ ᠥᠪᠡᠷᠰᠡᠳ ᠦᠨ ᠴᠢᠨᠢ ᠨᠢᠳᠦᠨ ᠦ ᠡᠮᠦᠨᠡ ᠲᠠ ᠨᠠᠷ ᠢ ᠴᠥᠯᠡᠯᠭᠡ ᠡᠴᠡ ᠠᠪᠴᠢᠷᠠᠨᠠ ᠲᠡᠷᠡ ᠦᠶᠡ ᠳᠦ ᠪᠢ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠦᠨᠳᠦᠰᠦᠲᠡᠨ ᠦ ᠳᠤᠮᠳᠠ ᠲᠠ ᠨᠠᠷ ᠲᠤ ᠮᠠᠭᠲᠠᠭᠠᠯ᠂ ᠠᠯᠳᠠᠷ ᠢ ᠬᠦᠷᠲᠡᠭᠡᠨᠡ᠃》 ᠶᠣᠬᠣᠸᠠ ᠠᠢᠯᠠᠳᠤᠯᠠ᠃