ᠮᠢᠺᠠ ᠵᠢᠷᠭᠤᠭᠠ
ᠶᠣᠬᠣᠸᠠ ᠢᠰᠷᠧᠯ ᠲᠠᠢ ᠵᠠᠷᠭᠤᠯᠳᠤᠨᠠ
1 ᠶᠣᠬᠣᠸᠠ ᠶᠠᠭᠤ ᠠᠢᠯᠠᠳᠴᠤ ᠪᠤᠢ ᠶᠢ ᠲᠠ ᠨᠠᠷ ᠰᠣᠨᠣᠰᠴᠠᠭᠠ᠄ 《ᠴᠢ ᠪᠣᠰᠴᠤ᠂ ᠠᠭᠤᠯᠠᠰ ᠤᠨ ᠡᠮᠦᠨᠡ ᠵᠠᠷᠭᠤ ᠪᠠᠨ ᠮᠡᠳᠡᠭᠦᠯᠵᠦ ᠲᠣᠯᠣᠭᠠᠳ ᠲᠤ ᠳᠠᠭᠤ ᠬᠣᠭᠣᠯᠠᠢ ᠪᠠᠨ ᠰᠣᠨᠣᠰᠬᠠ
2 ᠶᠣᠬᠣᠸᠠ ᠶᠢᠨ ᠵᠠᠷᠭᠤ ᠶᠢ ᠰᠣᠨᠣᠰ᠂ ᠠᠭᠤᠯᠠᠰ ᠡ᠂ ᠳᠡᠯᠡᠬᠡᠢ ᠶᠢᠨ ᠪᠠᠲᠤ ᠰᠠᠭᠤᠷᠢ ᠡ ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠡᠰᠡᠷᠭᠦ ᠵᠠᠷᠭᠤ ᠲᠠᠢ᠂ ᠲᠡᠷᠡ ᠢᠰᠷᠧᠯ ᠲᠠᠢ ᠵᠠᠷᠭᠤᠯᠳᠤᠨᠠ᠃
3 ᠠᠷᠠᠳ ᠲᠦᠮᠡᠨ ᠮᠢᠨᠢ ᠡ᠂ ᠲᠠ ᠨᠠᠷ ᠲᠤ ᠪᠢ ᠶᠠᠭᠤ ᠬᠢᠭᠰᠡᠨ ᠪᠤᠢ︖ ᠪᠢ ᠲᠠ ᠨᠠᠷ ᠢ ᠶᠠᠭᠠᠬᠢᠵᠤ ᠶᠠᠳᠠᠷᠠᠭᠠᠭᠰᠠᠨ ᠶᠤᠮ ᠪᠤᠢ︖ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠭᠲᠤᠨ︕
4 ᠪᠢ ᠲᠠ ᠨᠠᠷ ᠢ ᠶᠧᠵᠢᠫᠲ ᠡᠴᠡ ᠠᠪᠴᠢᠷᠠᠭᠰᠠᠨ ᠪᠣᠭᠣᠯᠴᠢᠯᠠᠯ ᠤᠨ ᠭᠡᠷ ᠡᠴᠡ ᠵᠣᠯᠢᠨ ᠠᠪᠤᠭᠰᠠᠨ ᠲᠠ ᠨᠠᠷ ᠤᠨ ᠡᠮᠦᠨᠡ ᠮᠣᠰᠧ᠂ ᠠᠷᠣᠨ᠂ ᠮᠢᠷᠢᠶᠠᠮ ᠨᠠᠷ ᠢ ᠢᠯᠡᠭᠡᠭᠰᠡᠨ᠃
5 ᠠᠷᠠᠳ ᠲᠦᠮᠡᠨ ᠮᠢᠨᠢ ᠡ᠂ ᠮᠣᠶᠠᠪ ᠤᠨ ᠬᠠᠭᠠᠨ ᠪᠠᠯᠠᠺ ᠶᠠᠭᠤ ᠰᠡᠳᠦᠵᠦ ᠪᠧᠶᠣᠷ ᠤᠨ ᠬᠦᠦ ᠪᠠᠯᠠᠮ ᠲᠡᠭᠦᠨ ᠳᠦ ᠶᠠᠭᠠᠬᠢᠵᠤ ᠬᠠᠷᠢᠭᠤᠯᠤᠭᠰᠠᠨ ᠢ ᠰᠠᠨᠠᠭᠠᠴᠢ ᠮᠥᠨ ᠱᠢᠲ᠋ᠢᠮ ᠡᠴᠡ ᠭᠢᠯᠭᠠᠯ ᠬᠦᠷᠲᠡᠯᠡᠬᠢ ᠮᠥᠷ ᠢᠶᠡᠨ ᠳᠤᠷᠠᠰᠤᠭᠠᠴᠢ ᠲᠡᠭᠡᠪᠡᠯ ᠶᠣᠬᠣᠸᠠ ᠵᠥᠪ ᠭᠡᠳᠡᠭ ᠢ ᠲᠠᠨ ᠤ ᠬᠢᠨ ᠮᠡᠳᠡᠬᠦ ᠪᠣᠯᠣᠨᠠ᠃》
ᠬᠥᠮᠦᠨ ᠡᠴᠡ ᠪᠤᠷᠬᠠᠨ ᠤ ᠬᠦᠰᠡᠳᠡᠭ ᠵᠦᠢᠯ
6 ᠪᠢ ᠶᠠᠭᠤ ᠲᠠᠢ ᠪᠠᠷ ᠶᠣᠬᠣᠸᠠ ᠳᠤ ᠪᠠᠷᠠᠭᠠᠯᠬᠠᠵᠤ ᠳᠡᠭᠡᠳᠦ ᠪᠤᠷᠬᠠᠨ ᠤ ᠡᠮᠦᠨᠡ ᠪᠥᠬᠥᠢᠬᠦ ᠪᠤᠢ︖ ᠰᠢᠲᠠᠭᠠᠯᠭᠠᠲᠤ ᠲᠠᠬᠢᠯ ᠤᠳ ᠪᠤᠶᠤ ᠲᠤᠭᠤᠯ ᠤᠳ ᠲᠠᠢ ᠪᠠᠷ ᠪᠠᠷᠠᠭᠠᠯᠬᠠᠬᠤ ᠤᠤ︖
7 ᠮᠢᠩ᠋ᠭᠠ ᠮᠢᠩ᠋ᠭᠠᠨ ᠬᠤᠴᠠ ᠲᠦᠮᠡ ᠲᠦᠮᠡᠨ ᠲᠣᠰᠣᠨ ᠭᠣᠣᠯ ᠢ ᠶᠣᠬᠣᠸᠠ ᠲᠠᠭᠠᠯᠠᠬᠤ ᠤᠤ︖ ᠥᠪᠡᠷ ᠦᠨ ᠢᠶᠠᠨ ᠭᠡᠮ ᠦᠨ ᠲᠥᠯᠥᠭᠡ ᠤᠤᠭᠠᠨ ᠬᠦᠦ ᠪᠡᠨ ᠥᠪᠡᠷ ᠦᠨ ᠢᠶᠠᠨ ᠨᠢᠭᠦᠯ ᠦᠨ ᠲᠥᠯᠥᠭᠡ ᠪᠡᠶᠡ ᠶᠢᠨ ᠢᠶᠠᠨ ᠦᠷᠡ ᠶᠢ ᠡᠷᠭᠦᠬᠦ ᠤᠤ︖
8 ᠬᠥᠮᠦᠨ ᠡ᠂ ᠶᠠᠭᠤ ᠨᠢ ᠰᠠᠢᠨ ᠪᠣᠯᠬᠤ ᠶᠢ ᠲᠡᠷᠡ ᠠᠢᠯᠠᠳᠤᠭᠰᠠᠨ ᠰᠢᠳᠤᠷᠭᠤ ᠶᠢ ᠪᠡᠶᠡᠯᠡᠭᠦᠯᠦᠨ᠂ ᠡᠨᠡᠷᠢᠯ ᠢ ᠬᠠᠢᠷᠠᠯᠠ ᠳᠠᠷᠤᠤᠬᠠᠨ ᠢᠶᠠᠷ ᠥᠪᠡᠷ ᠦᠨ ᠢᠶᠠᠨ ᠪᠤᠷᠬᠠᠨ ᠲᠠᠢ ᠬᠠᠮᠲᠤ ᠠᠯᠬᠤ ᠶᠣᠬᠣᠸᠠ ᠶᠢᠨ ᠴᠢᠮᠠ ᠠᠴᠠ ᠬᠦᠰᠡᠳᠡᠭ ᠨᠢ ᠡᠨᠡ ᠶᠤᠮ᠃
9 ᠰᠣᠨᠣᠰ᠂ ᠶᠣᠬᠣᠸᠠ ᠬᠣᠲᠠ ᠤᠷᠤᠭᠤ ᠬᠠᠰᠬᠢᠷᠴᠤ ᠪᠠᠢᠨᠠ᠄ (ᠲᠠᠨ ᠤ ᠨᠡᠷᠡ ᠡᠴᠡ ᠡᠮᠢᠶᠡᠬᠦ ᠨᠢ ᠰᠠᠷᠠᠭᠤᠯ ᠤᠬᠠᠭᠠᠨ ᠪᠢᠯᠡ) 〈ᠲᠠᠰᠢᠭᠤᠷ ᠪᠠ ᠲᠡᠭᠦᠨ ᠢ ᠲᠣᠮᠢᠯᠠᠭᠰᠠᠨ ᠨᠢᠭᠡᠨ ᠳᠦ ᠳᠤᠭᠤᠯᠭᠠᠪᠤᠷᠢ ᠲᠠᠢ ᠪᠠᠢ᠂
10 ᠭᠡᠮᠲᠡᠨ ᠦ ᠭᠡᠷ ᠡ᠂ ᠲᠠᠨ ᠤ ᠳᠤ ᠭᠡᠮᠲᠦ ᠡᠷᠳᠡᠨᠢᠰ᠂ ᠰᠢᠳᠤᠷᠭᠤ ᠪᠤᠰᠤ ᠵᠢᠪᠡᠭᠦᠨ ᠬᠡᠮᠵᠢᠭᠦᠷ ᠪᠠᠢᠭᠰᠠᠭᠠᠷ ᠪᠠᠢᠨᠠ ᠤᠤ︖
11 ᠭᠡᠮᠲᠦ ᠵᠢᠩᠯᠡᠭᠦᠷ᠂ ᠬᠠᠭᠤᠷᠮᠠᠴᠢ ᠳᠡᠩᠰᠡ ᠶᠢ ᠪᠢ ᠵᠥᠪᠲᠥᠭᠡᠨᠡ ᠭᠡᠵᠢ ᠤᠤ︖
12 ᠪᠠᠶᠠᠴᠤᠳ ᠨᠢ ᠪᠠᠯᠠᠮᠠᠳ ᠰᠠᠭᠤᠭᠠᠯᠢᠴᠢᠳ ᠨᠢ ᠬᠤᠳᠠᠯᠴᠢ ᠬᠡᠯᠡ ᠠᠮᠠᠨ ᠳᠤᠨᠢ ᠵᠠᠯᠢ ᠮᠡᠬᠡ ᠲᠠᠢ᠃
13 ᠴᠢᠨᠦ ᠡᠳᠡᠭᠡᠷ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠴᠢᠮᠠᠶᠢ ᠪᠢ ᠥᠪᠡᠷ ᠢᠶᠡᠨ ᠴᠣᠬᠢᠨᠠ ᠴᠢᠮᠠᠶᠢ ᠪᠢ ᠡᠵᠡᠭᠦᠢᠷᠡᠭᠦᠯᠦᠨᠡ᠃
14 ᠬᠣᠭᠣᠯᠠᠯᠠᠭᠰᠠᠨ ᠴᠤ ᠴᠢ ᠡᠰᠡ ᠴᠠᠳᠤᠨ ᠭᠡᠳᠡᠰᠦ ᠴᠢᠨᠢ ᠬᠣᠭᠣᠰᠣᠷᠠᠨᠠ ᠬᠠᠳᠠᠭᠠᠯᠠᠭᠰᠠᠨ ᠴᠤ ᠴᠢ ᠡᠰᠡ ᠦᠯᠡᠳᠡᠭᠡᠨᠡ ᠦᠯᠡᠳᠡᠭᠡᠭᠰᠡᠨ ᠢ ᠴᠢᠨᠢ ᠪᠢ ᠢᠯᠳᠦᠨ ᠳᠦ ᠲᠤᠰᠢᠶᠠᠨᠠ᠃
15 ᠲᠠᠷᠢᠶᠠᠯᠠᠭᠰᠠᠨ ᠴᠤ ᠴᠢ ᠦᠯᠦ ᠬᠤᠷᠢᠶᠠᠨᠠ ᠴᠢᠳᠦᠨ ᠰᠢᠬᠠᠭᠰᠠᠨ ᠴᠤ ᠲᠡᠷᠡ ᠲᠣᠰᠣ ᠪᠠᠷ ᠥᠪᠡᠷ ᠢ ᠪᠠᠨ ᠦᠯᠦ ᠲᠣᠰᠣᠯᠠᠨᠠ ᠦᠵᠦᠮ ᠰᠢᠬᠠᠭᠰᠠᠨ ᠴᠤ ᠲᠡᠷᠡ ᠳᠠᠷᠠᠰᠤ ᠶᠢ ᠴᠢ ᠦᠯᠦ ᠤᠤᠭᠤᠨᠠ᠃
16 ᠲᠠ ᠨᠠᠷ ᠣᠮᠷᠢ ᠶᠢᠨ ᠲᠣᠭᠲᠠᠭᠠᠯ ᠤᠳ ᠪᠣᠯᠣᠨ ᠠᠬᠠᠪ ᠤᠨ ᠭᠡᠷ ᠦᠨ ᠪᠦᠬᠦ ᠦᠢᠯᠡᠰ ᠢ ᠳᠠᠭᠠᠨ ᠲᠡᠳᠡᠨ ᠦ ᠵᠠᠩᠰᠢᠯ ᠢ ᠮᠥᠷᠳᠡᠳᠡᠭ ᠲᠤᠯᠠ ᠪᠢ ᠲᠠ ᠨᠠᠷ ᠢ ᠠᠢᠳᠠᠰ ᠲᠤ ᠠᠪᠲᠠᠭᠤᠯᠵᠤ ᠰᠠᠭᠤᠭᠠᠯᠢᠴᠢᠳ ᠢ ᠴᠢᠨᠢ ᠠᠮᠠᠨ ᠤ ᠵᠤᠭᠠ ᠪᠣᠯᠭᠠᠨᠠ ᠲᠡᠢᠨ ᠬᠦ ᠲᠠ ᠨᠠᠷ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠳᠣᠷᠣᠮᠵᠢᠯᠠᠯ ᠢ ᠡᠭᠦᠷᠬᠦ ᠪᠣᠯᠣᠨᠠ᠃〉》