ᠮᠢᠺᠠ ᠬᠣᠶᠠᠷ
ᠡᠷᠬᠡ ᠪᠡᠨ ᠬᠡᠲᠦᠷᠡᠭᠦᠯᠦᠭᠴᠢ ᠨᠢ ᠰᠢᠳᠬᠡᠭᠳᠡᠨᠡ
1 ᠬᠣᠷᠣᠨ ᠮᠠᠭᠤ ᠶᠢ ᠰᠡᠳᠦᠨ᠂ ᠣᠷᠣ ᠳᠡᠭᠡᠷᠡ ᠪᠡᠨ ᠮᠠᠭᠤ ᠶᠢ ᠲᠥᠯᠥᠪᠯᠡᠵᠦ ᠥᠪᠡᠷ ᠢᠶᠡᠨ ᠡᠷᠬᠡ ᠲᠠᠢ ᠭᠡᠳ ᠦᠷ ᠴᠠᠢᠮᠠᠭᠴᠠ ᠡᠭᠦᠨ ᠢ ᠪᠠᠨ ᠦᠢᠯᠡᠳᠦᠭᠴᠢᠳ ᠭᠠᠰᠠᠯᠠᠩᠲᠠᠶᠠ︕
2 ᠲᠡᠳᠡ ᠰᠢᠨᠤᠵᠤ᠂ ᠪᠤᠰᠤᠳ ᠤᠨ ᠲᠠᠯᠠᠪᠠᠢ ᠶᠢ ᠪᠤᠯᠢᠶᠠᠵᠤ ᠭᠡᠷ ᠤᠳ ᠢ ᠨᠢ ᠴᠤ ᠠᠪᠴᠤ ᠶᠠᠪᠤᠳᠠᠭ ᠲᠡᠳᠡ ᠭᠡᠷ ᠦᠨ ᠡᠵᠡᠨ ᠡᠴᠡ ᠭᠡᠷ ᠢ ᠨᠢ ᠨᠠᠢᠵᠢ ᠡᠴᠡ ᠪᠡᠨ ᠥᠪ ᠢ ᠨᠢ ᠬᠠᠭᠤᠷᠴᠤ ᠠᠪᠤᠨᠠ᠃
3 ᠲᠡᠢᠮᠦ ᠡᠴᠡ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠡᠨᠡ ᠦᠨᠳᠦᠰᠦᠲᠡᠨ ᠦ ᠳᠡᠭᠡᠷᠡ ᠬᠣᠷᠣᠨ ᠮᠠᠭᠤ ᠶᠢ ᠰᠡᠳᠦᠵᠦ ᠪᠠᠢᠨᠠ ᠲᠠ ᠨᠠᠷ ᠲᠡᠭᠦᠨ ᠡᠴᠡ ᠬᠦᠵᠦᠭᠦᠦ ᠪᠡᠨ ᠮᠤᠯᠲᠤᠯᠵᠤ ᠦᠯᠦ ᠴᠢᠳᠠᠨᠠ ᠲᠠ ᠨᠠᠷ ᠲᠡᠷᠡ ᠬᠣᠷᠣᠨ ᠮᠠᠭᠤ ᠦᠶᠡ ᠳᠦ ᠶᠡᠬᠡᠮᠰᠦᠭ ᠢᠶᠡᠷ ᠠᠯᠬᠤᠵᠤ ᠴᠢᠳᠠᠬᠤ ᠦᠭᠡᠢ᠂
4 ᠲᠡᠷᠡ ᠡᠳᠦᠷ ᠬᠥᠮᠦᠰ ᠲᠠ ᠨᠠᠷ ᠢ ᠶᠥᠭᠡᠳᠡᠨᠡ᠃ ᠲᠡᠳᠡ ᠭᠠᠰᠢᠭᠤᠨ ᠡᠮᠭᠡᠨᠢᠯ ᠢᠶᠠᠷ ᠭᠠᠰᠢᠭᠤᠳᠠᠨ᠄ 〈ᠪᠢᠳᠡ ᠭᠦᠢᠴᠡᠳ ᠰᠦᠢᠷᠡᠯᠡ ᠲᠡᠷᠡ ᠪᠡᠷ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠥᠮᠴᠢ ᠶᠢ ᠰᠢᠯᠵᠢᠭᠦᠯᠵᠦ ᠨᠠᠳᠠ ᠠᠴᠠ ᠰᠠᠯᠭᠠᠨ ᠲᠡᠷᠰᠯᠡᠭᠴᠢᠳ ᠲᠤ ᠲᠠᠯᠠᠪᠠᠢ ᠨᠤᠭᠤᠳ ᠢ ᠮᠢᠨᠢ ᠲᠦᠭᠡᠭᠡᠵᠡᠢ︕〉 ᠭᠡᠨᠡ᠃
5 ᠲᠡᠢᠮᠦ ᠡᠴᠡ ᠲᠠ ᠨᠠᠷ ᠤᠨ ᠳᠤᠮᠳᠠ᠂ ᠶᠣᠬᠣᠸᠠ ᠶᠢᠨ ᠴᠢᠭᠤᠯᠭᠠᠨ ᠳᠤ ᠰᠢᠪᠠᠭᠠ ᠲᠠᠲᠠᠵᠤ ᠭᠠᠵᠠᠷ ᠬᠤᠪᠢᠶᠠᠬᠤ ᠬᠥᠮᠦᠨ ᠪᠠᠢᠬᠤ ᠦᠭᠡᠢ ᠪᠣᠯᠣᠨᠠ᠃
6 ᠲᠡᠳᠡᠨ ᠦ ᠡᠰᠢ ᠦᠵᠡᠭᠦᠯᠦᠭᠴᠢᠳ᠄ 〈ᠪᠦᠦ ᠡᠰᠢ ᠦᠵᠡᠭᠦᠯ〉 ᠭᠡᠵᠦ᠂ 〈ᠢᠴᠢᠭᠦᠷᠢ ᠡ᠊ᠨᠳᠡ ᠢᠷᠡᠬᠦ ᠦᠭᠡᠢ〉 ᠭᠡᠵᠡᠭᠡᠳᠡᠭ᠃
7 ᠶᠠᠺᠣᠪ ᠤᠨ ᠭᠡᠷ ᠡ᠂ ᠲᠠ ᠨᠠᠷ 〈ᠶᠣᠬᠣᠸᠠ ᠶᠢᠨ ᠰᠦᠨᠡᠰᠦ ᠲᠡᠪᠴᠢᠶᠡᠷᠢ ᠦᠭᠡᠢ ᠭᠡᠵᠢ ᠤᠤ︖ ᠲᠡᠷᠡ ᠲᠡᠭᠡᠵᠦ ᠬᠢᠨᠡ ᠭᠡᠵᠢ ᠤᠤ︖〉 ᠭᠡᠯᠴᠡᠵᠦ ᠪᠣᠯᠬᠤ ᠤᠤ︖ ᠦᠭᠡᠰ ᠮᠢᠨᠢ ᠰᠢᠳᠤᠷᠭᠤ ᠠᠮᠢᠳᠤᠷᠠᠭᠰᠠᠳ ᠲᠤ ᠲᠤᠰᠠ ᠲᠠᠢ ᠪᠢᠰᠢ ᠤᠤ︖
8 ᠰᠠᠶ᠋ᠢᠬᠠᠨ ᠠᠷᠠᠳ ᠲᠦᠮᠡᠨ ᠮᠢᠨᠢ ᠳᠠᠢᠰᠤᠨ ᠮᠡᠲᠦ ᠪᠣᠰᠴᠠᠭᠠᠭᠰᠠᠨ ᠳᠠᠢᠨ ᠠᠴᠠ ᠪᠤᠴᠠᠵᠤ ᠶᠠᠪᠤᠬᠤ ᠮᠡᠲᠦ ᠲᠠᠢᠪᠤᠩ ᠥᠩᠭᠡᠷᠡᠭᠴᠢᠳ ᠡᠴᠡ ᠲᠠ ᠨᠠᠷ ᠳᠡᠪᠡᠯ ᠬᠤᠪᠴᠠᠰᠤ ᠶᠢ ᠨᠢ ᠲᠠᠢᠯᠵᠤ ᠠᠪᠳᠠᠭ
9 ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠡᠮᠡᠭᠲᠡᠢᠴᠦᠳ ᠢ ᠠᠶᠠᠳᠠᠢᠬᠠᠨ ᠰᠠᠭᠤᠴᠠ ᠠᠴᠠ ᠨᠢ ᠬᠥᠭᠡᠭᠡᠵᠦ ᠦᠷᠡ ᠬᠡᠦᠬᠡᠳ ᠤᠳ ᠠᠴᠠ ᠨᠢ ᠠᠯᠳᠠᠷ ᠬᠦᠨᠳᠦ ᠶᠢ ᠮᠢᠨᠢ ᠦᠷᠭᠦᠯᠵᠢ ᠠᠪᠠᠴᠢᠳᠠᠭ᠃
10 ᠪᠣᠰᠴᠤ᠂ ᠲᠣᠨᠢᠯ︕ ᠡᠨᠡ ᠨᠢ ᠲᠠ ᠨᠠᠷ ᠤᠨ ᠠᠮᠠᠷᠠᠬᠤ ᠭᠠᠵᠠᠷ ᠪᠢᠰᠢ ᠡᠳᠦᠭᠡ ᠲᠡᠷᠡ ᠪᠤᠵᠠᠷᠲᠤᠭᠰᠠᠨ ᠲᠤᠯᠠ ᠠᠶᠤᠮᠰᠢᠭᠲᠠᠢ ᠰᠦᠢᠷᠡᠯ ᠢᠶᠡᠷ ᠰᠦᠢᠷᠡᠬᠦ ᠪᠣᠯᠣᠨᠠ᠃
11 ᠬᠡᠷᠪᠡ ᠬᠤᠳᠠᠯ ᠬᠣᠭᠣᠰᠣᠨ ᠦᠭᠡ ᠶᠠᠷᠢᠵᠤ ᠶᠠᠪᠤᠳᠠᠭ ᠬᠥᠮᠦᠨ ᠠᠷᠢᠬᠢ ᠳᠠᠷᠠᠰᠤᠨ ᠤ ᠲᠤᠬᠠᠢ ᠪᠢ ᠲᠠ ᠨᠠᠷ ᠲᠤ ᠶᠠᠷᠢᠶᠠ ᠭᠡᠪᠡᠯ ᠲᠡᠷᠡ ᠪᠡᠷ ᠡᠨᠡ ᠠᠷᠠᠳ ᠲᠦᠮᠡᠨ ᠦ ᠡᠰᠢ ᠦᠵᠡᠭᠦᠯᠦᠭᠴᠢ ᠪᠣᠯᠴᠢᠬᠠᠳᠠᠭ᠃
ᠦᠯᠡᠳᠡᠭᠰᠡᠳ ᠴᠤᠭᠯᠠᠷᠠᠨᠠ
12 ᠶᠠᠺᠣᠪ ᠡ᠂ ᠪᠢ ᠯᠠᠪᠲᠠᠢ ᠲᠠᠨ ᠤ ᠬᠢᠨ ᠢ ᠪᠦᠭᠦᠳᠡ ᠶᠢ ᠴᠤᠭᠯᠠᠭᠤᠯᠤᠨᠠ ᠢᠰᠷᠧᠯ ᠤᠨ ᠦᠯᠡᠳᠡᠭᠰᠡᠳ ᠢ ᠪᠢ ᠵᠠᠪᠠᠯ ᠪᠥᠭᠡᠮᠨᠡᠷᠡᠭᠦᠯᠦᠨᠡ ᠪᠢ ᠲᠡᠳᠡᠨ ᠢ ᠬᠠᠰᠢᠶᠠᠨ ᠳᠠᠬᠢ ᠬᠣᠨᠢᠳ᠂ ᠪᠡᠯᠴᠢᠭᠡᠷ ᠳᠠᠬᠢ ᠰᠦᠷᠦᠭ ᠮᠡᠲᠦ ᠨᠢᠭᠡ ᠭᠠᠵᠠᠷ ᠲᠤ ᠪᠠᠢᠯᠭᠠᠨᠠ ᠲᠡᠨᠳᠡ ᠬᠥᠮᠦᠨ ᠦ ᠶᠡᠬᠡ ᠱᠤᠤᠭᠢᠶᠠᠨ ᠪᠠᠢᠬᠤ ᠪᠣᠯᠣᠨᠠ᠃
13 ᠡᠪᠳᠡᠭᠴᠢ ᠲᠡᠳᠡᠨ ᠦ ᠡᠮᠦᠨᠡ ᠶᠠᠪᠤᠨᠠ ᠲᠡᠳᠡ ᠬᠠᠭᠠᠯᠭᠠ ᠶᠢ ᠡᠪᠳᠡᠨ ᠥᠩᠭᠡᠷᠡᠵᠦ ᠲᠡᠷᠡᠭᠦᠷ ᠭᠠᠷᠤᠨᠠ ᠬᠠᠭᠠᠨ ᠨᠢ ᠲᠡᠳᠡᠨ ᠦ ᠡᠮᠦᠨᠡ᠂ ᠶᠣᠬᠣᠸᠠ ᠲᠡᠳᠡᠨ ᠦ ᠲᠡᠷᠢᠭᠦᠨ ᠳᠦ ᠥᠩᠭᠡᠷᠡᠵᠦ ᠶᠠᠪᠤᠨᠠ᠃》