ᠮᠢᠺᠠ ᠳᠣᠯᠣᠭᠠ
ᠪᠦᠭᠦᠳᠡᠭᠡᠷ ᠳᠣᠷᠣᠢᠲᠠᠪᠠ
1 ᠪᠢ ᠴᠥᠬᠥᠷᠡᠯᠡ︕ ᠪᠢ ᠪᠣᠯᠪᠠᠰᠤᠷᠠᠭᠰᠠᠨ ᠵᠢᠮᠢᠰ ᠬᠤᠷᠢᠶᠠᠭᠴᠢ᠂ ᠦᠵᠦᠮ ᠠᠪᠬᠤ ᠦᠶᠡ ᠶᠢᠨ ᠲᠦᠷᠦᠭᠦᠦ ᠲᠡᠭᠦᠭᠴᠢ ᠮᠡᠲᠦ ᠪᠣᠯᠵᠠᠢ᠂ ᠬᠠᠷᠢᠨ ᠠᠮᠰᠠᠬᠤ ᠪᠠᠭᠴᠠ ᠦᠵᠦᠮ ᠠᠯᠠᠭᠠ ᠬᠦᠰᠡᠭᠰᠡᠨ ᠠᠩ᠋ᠬᠠᠨ ᠤ ᠢᠨᠵᠢᠷ ᠴᠤ ᠠᠯᠠᠭᠠ
2 ᠢᠲᠡᠭᠡᠯ ᠲᠡᠢ ᠨᠢ ᠡᠨᠡ ᠭᠠᠵᠠᠷ ᠠᠴᠠ ᠤᠰᠠᠳᠪᠠ ᠴᠢᠬᠡ ᠰᠢᠳᠤᠷᠭᠤ ᠨᠢ ᠬᠥᠮᠦᠰ ᠦᠨ ᠳᠤᠮᠳᠠ ᠠᠯᠠᠭᠠ ᠴᠢᠰᠤ ᠤᠷᠤᠰᠬᠠᠬᠤ ᠪᠠᠷ ᠲᠡᠳᠡ ᠪᠦᠭᠦᠳᠡ ᠪᠦᠭᠬᠦᠨ ᠬᠦᠯᠢᠶᠡᠵᠦ ᠠᠬᠠ ᠳᠡᠭᠦᠦ ᠪᠡᠨ ᠲᠣᠣᠷ ᠢᠶᠠᠷ ᠠᠩᠨᠠᠨᠠ᠃
3 ᠬᠣᠶᠠᠷ ᠭᠠᠷ ᠨᠢ ᠬᠣᠷᠣᠨ ᠮᠠᠭᠤ ᠳᠤ ᠭᠠᠷᠮᠠᠭᠠᠢ ᠨᠣᠶᠠᠨ᠂ ᠰᠢᠭᠦᠭᠴᠢ ᠬᠠᠬᠤᠤᠯᠢ ᠱᠠᠭᠠᠷᠳᠠᠨ ᠳᠡᠭᠡᠳᠦ ᠲᠤᠰᠢᠶᠠᠯᠲᠠᠨ ᠳᠤᠷᠠᠲᠠᠢ ᠪᠠᠨ ᠲᠤᠰᠢᠶᠠᠳᠠᠭ ᠡᠢᠨ ᠬᠦ ᠲᠡᠳᠡ ᠰᠢᠳᠤᠷᠭᠤ ᠶᠢ ᠮᠤᠰᠬᠢᠳᠠᠭ
4 ᠬᠠᠮᠤᠭ ᠤᠨ ᠰᠠᠢᠨ ᠨᠢ ᠴᠤ ᠥᠷᠭᠡᠰᠦᠲᠦ ᠤᠷᠭᠤᠮᠠᠯ ᠬᠠᠮᠤᠭ ᠤᠨ ᠴᠢᠭ᠍ᠴᠢ ᠨᠢ ᠴᠤ ᠦᠭᠦᠷᠭᠡᠨᠡ ᠶᠢᠨ ᠰᠢᠪᠡᠭᠡ ᠮᠡᠲᠦ ᠭᠡᠪᠡᠴᠦ ᠬᠠᠷᠠᠭᠤᠯ ᠤᠳ ᠤᠨ ᠴᠢᠨᠢ ᠠᠩ᠋ᠬᠠᠷᠤᠭᠤᠯᠤᠭᠰᠠᠨ ᠡᠳᠦᠷ ᠴᠢᠮᠠᠶᠢ ᠰᠢᠳᠬᠡᠬᠦ ᠡᠳᠦᠷ ᠢᠷᠡᠯᠡ ᠴᠢᠨᠦ ᠦᠢᠮᠡᠭᠡᠨ ᠰᠠᠮᠠᠭᠤᠨ ᠣᠢᠷᠠᠲᠤᠯᠠ᠂
5 ᠠᠨᠳᠠ ᠳᠠᠭᠠᠨ ᠪᠦᠦ ᠢᠲᠡᠭᠡ᠂ ᠨᠠᠢᠵᠠ ᠳᠠᠭᠠᠨ ᠪᠦᠦ ᠨᠠᠢᠳᠠ ᠡᠪᠦᠷ ᠲᠦ ᠴᠢᠨᠢ ᠬᠡᠪᠲᠡᠬᠦ ᠡᠮᠡᠭᠲᠡᠢ ᠡᠴᠡ ᠴᠤ ᠠᠮᠠ ᠪᠠᠨ ᠬᠢᠴᠢᠶᠡ᠃
6 ᠤᠴᠢᠷ ᠨᠢ ᠬᠦᠦ ᠨᠢ ᠡᠴᠢᠭᠡ ᠪᠡᠨ ᠦᠯᠦ ᠬᠦᠨᠳᠦᠯᠡᠨ ᠥᠬᠢᠨ ᠨᠢ ᠡᠬᠡ ᠶᠢᠨ ᠢᠶᠠᠨ ᠡᠰᠡᠷᠭᠦ ᠪᠡᠷᠢ ᠨᠢ ᠬᠠᠳᠠᠮ ᠡᠬᠡ ᠶᠢᠨ ᠢᠶᠠᠨ ᠡᠰᠡᠷᠭᠦ ᠪᠣᠰᠳᠠᠭ ᠬᠥᠮᠦᠨ ᠦ ᠳᠠᠢᠰᠤᠨ ᠪᠣᠯ ᠥᠪᠡᠷ ᠦᠨ ᠬᠢᠨᠢ ᠭᠡᠷ ᠦᠨ ᠬᠢᠨ ᠶᠤᠮ᠃
7 ᠬᠠᠷᠢᠨ ᠪᠢ ᠶᠣᠬᠣᠸᠠ ᠤᠷᠤᠭᠤ ᠲᠡᠮᠡᠦᠯᠦᠨᠡ ᠪᠢ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠳᠠᠭᠠᠨ ᠨᠠᠢᠳᠠᠵᠤ ᠮᠢᠨᠦ ᠪᠤᠷᠬᠠᠨ ᠮᠢᠨᠦᠬᠢ ᠶᠢ ᠰᠣᠨᠣᠰᠬᠤ ᠪᠣᠯᠣᠨᠠ᠃
ᠢᠰᠷᠧᠯ ᠳᠠᠬᠢᠨ ᠮᠠᠨᠳᠤᠨᠠ
8 ᠳᠠᠢᠰᠤᠨ ᠮᠢᠨᠢ᠂ ᠨᠠᠳᠠ ᠠᠴᠠ ᠪᠣᠯᠵᠤ ᠪᠦᠦ ᠪᠠᠶᠠᠰ︕ ᠪᠢ ᠤᠨᠠᠪᠠᠴᠤ ᠪᠣᠰᠣᠨᠠ ᠬᠠᠷᠠᠩ᠋ᠭᠤᠢ ᠳᠤ ᠰᠠᠭᠤᠪᠠᠴᠤ ᠶᠣᠬᠣᠸᠠ ᠮᠢᠨᠦ ᠭᠡᠷᠡᠯ ᠶᠤᠮ᠃
9 ᠪᠢ ᠲᠡᠭᠦᠨ ᠳᠦ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠲᠤᠯᠠ ᠲᠡᠷᠡ ᠪᠡᠷ ᠮᠢᠨᠦ ᠬᠡᠷᠡᠭ ᠢ ᠥᠮᠥᠭᠯᠡᠵᠦ ᠮᠢᠨᠦ ᠲᠥᠯᠥᠭᠡ ᠰᠢᠳᠬᠡᠯ ᠢ ᠭᠦᠢᠴᠡᠳᠬᠡᠬᠦ ᠬᠦᠷᠲᠡᠯᠡ ᠪᠢ ᠶᠣᠬᠣᠸᠠ ᠶᠢᠨ ᠬᠢᠯᠢᠩ ᠢ ᠳᠠᠭᠠᠭᠠᠬᠤ ᠶᠣᠰᠣᠲᠠᠢ ᠲᠡᠷᠡ ᠨᠠᠮᠠᠶᠢ ᠭᠡᠷᠡᠯ ᠳᠦ ᠭᠠᠷᠭᠠᠵᠤ ᠪᠢ ᠲᠡᠭᠦᠨ ᠦ ᠵᠥᠪᠲᠥᠭᠡᠯ ᠢ ᠬᠠᠷᠠᠬᠤ ᠪᠣᠯᠣᠨᠠ᠃
10 ᠨᠠᠳᠠ ᠳᠤ᠄ 《ᠪᠤᠷᠬᠠᠨ ᠶᠣᠬᠣᠸᠠ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ︖》 ᠭᠡᠵᠦ ᠬᠡᠯᠡᠳᠡᠭ ᠳᠠᠢᠰᠤᠨ ᠮᠠᠨᠢ ᠡᠭᠦᠨ ᠢ ᠬᠠᠷᠠᠵᠤ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠪᠣᠯᠣᠨᠠ᠃ ᠨᠢᠳᠦ ᠮᠢᠨᠢ ᠲᠡᠭᠦᠨ ᠢ ᠬᠠᠷᠠᠨᠠ ᠲᠡᠷᠡ ᠪᠡᠷ ᠭᠤᠳᠤᠮᠵᠢᠨ ᠤ ᠱᠠᠯᠪᠠᠭ ᠮᠡᠲᠦ ᠭᠢᠰᠬᠢᠭᠳᠡᠨᠡ᠃
11 ᠬᠡᠷᠡᠮ ᠢ ᠴᠢᠨᠢ ᠪᠠᠷᠢᠬᠤ ᠡᠳᠦᠷ ᠢᠷᠡᠨᠡ ᠬᠢᠯᠢ ᠬᠢᠵᠠᠭᠠᠷ ᠴᠢᠨᠢ ᠲᠡᠷᠡ ᠡᠳᠦᠷ ᠥᠷᠭᠡᠵᠢᠨᠡ᠂
12 ᠲᠡᠷᠡ ᠡᠳᠦᠷ ᠠᠰᠢᠷᠢᠶᠠ ᠠᠴᠠ ᠶᠧᠵᠢᠫᠲ ᠤᠨ ᠬᠣᠲᠠ ᠨᠤᠭᠤᠳ ᠬᠦᠷᠲᠡᠯᠡᠬᠢ ᠶᠧᠵᠢᠫᠲ ᠡᠴᠡ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠬᠦᠷᠲᠡᠯᠡᠬᠢ ᠳᠠᠯᠠᠢ ᠠᠴᠠ ᠳᠠᠯᠠᠢ ᠬᠦᠷᠲᠡᠯᠡᠬᠢ ᠠᠭᠤᠯᠠ ᠠᠴᠠ ᠠᠭᠤᠯᠠ ᠬᠦᠷᠲᠡᠯᠡᠬᠢ ᠭᠠᠵᠠᠷ ᠠᠴᠠ ᠬᠥᠮᠦᠰ ᠴᠢᠮᠠ ᠤᠷᠤᠭᠤ ᠢᠷᠡᠨᠡ᠃
13 ᠭᠠᠵᠠᠷ ᠰᠠᠭᠤᠭᠠᠯᠢᠴᠢᠳ ᠤᠨ ᠢᠶᠠᠨ ᠦᠢᠯᠡ ᠶᠢᠨ ᠦᠷᠡ ᠡᠴᠡ ᠪᠣᠯᠵᠤ ᠵᠡᠯᠢᠭᠦᠳ ᠪᠣᠯᠣᠨᠠ᠃
ᠳᠠᠭᠠᠳᠬᠠᠯ ᠪᠠ ᠮᠠᠭᠲᠠᠭᠠᠯ
14 ᠲᠠ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠢ ᠴᠡᠴᠡᠷᠯᠢᠭᠲᠦ ᠨᠤᠲᠤᠭ ᠤᠨ ᠳᠣᠲᠣᠷᠠᠬᠢ ᠣᠢ ᠳᠤ ᠭᠠᠭᠴᠠᠭᠠᠷ ᠰᠠᠭᠤᠳᠠᠭ ᠥᠮᠴᠢ ᠰᠦᠷᠦᠭ ᠢᠶᠡᠨ ᠥᠪᠡᠷ ᠦᠨ ᠢᠶᠠᠨ ᠲᠠᠶᠠᠭ ᠢᠶᠠᠷ ᠬᠠᠷᠢᠭᠤᠯᠤᠭᠠᠴᠢ ᠤᠷᠢᠳᠤ ᠶᠢᠨ ᠬᠢ ᠰᠢᠭ᠋ ᠢᠶᠠᠨ ᠪᠠᠱᠠᠨ ᠪᠣᠯᠣᠨ ᠭᠢᠯᠧᠶᠠᠳ᠋ ᠲᠤ ᠬᠠᠷᠢᠭᠤᠯᠤᠭᠠᠴᠢ᠂
15 《ᠪᠢ ᠴᠢᠮᠠᠶᠢ ᠶᠧᠵᠢᠫᠲ ᠡᠴᠡ ᠭᠠᠷᠭᠠᠭᠰᠠᠨ ᠡᠳᠦᠷ ᠤᠳ ᠤᠨ ᠬᠢ ᠰᠢᠭ ᠢᠶᠠᠨ ᠴᠢᠮᠠ ᠳᠤ ᠭᠠᠢᠬᠠᠮᠰᠢᠭ ᠤᠳ ᠢ ᠦᠵᠡᠭᠦᠯᠬᠦ ᠪᠣᠯᠣᠨᠠ᠃》
16 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠵᠡᠭᠡᠳ ᠥᠪᠡᠷ ᠦᠨ ᠢᠶᠠᠨ ᠪᠦᠬᠦ ᠬᠦᠴᠦ ᠴᠢᠳᠠᠯ ᠤᠨ ᠤᠯᠠᠮ ᠢᠶᠠᠷ ᠢᠴᠢᠵᠦ ᠭᠠᠷ ᠢᠶᠠᠷ ᠢᠶᠠᠨ ᠠᠮᠠ ᠪᠠᠨ ᠪᠠᠷᠢᠨᠠ ᠲᠡᠳᠡᠨ ᠦ ᠴᠢᠬᠢ ᠳᠦᠯᠡᠢ ᠪᠣᠯᠣᠨᠠ᠃
17 ᠲᠡᠳᠡ ᠮᠣᠭᠠᠢ ᠮᠡᠲᠦ ᠰᠢᠷᠣᠢ ᠳᠣᠯᠢᠶᠠᠨᠠ ᠭᠠᠵᠠᠷ ᠤᠨ ᠮᠥᠯᠬᠥᠭᠴᠢᠳ ᠮᠡᠲᠦ ᠨᠦᠬᠡᠨ ᠡᠴᠡ ᠪᠡᠨ ᠴᠡᠴᠡᠷᠡᠨ ᠭᠠᠷᠴᠤ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠥᠭᠡᠳᠡ ᠡᠷᠭᠢᠨᠡ ᠲᠡᠳᠡ ᠲᠠᠨ ᠠᠴᠠ ᠡᠮᠢᠶᠡᠬᠦ ᠪᠣᠯᠣᠨᠠ᠃
18 ᠲᠠᠨ ᠰᠢᠭ᠋ ᠪᠤᠷᠬᠠᠨ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖ ᠲᠠ ᠥᠮᠴᠢ ᠶᠢᠨ ᠢᠶᠠᠨ ᠦᠯᠡᠳᠡᠭᠰᠡᠳ ᠦᠨ ᠬᠢᠯᠢᠨᠴᠡ ᠶᠢ ᠠᠭᠤᠴᠢᠯᠠᠵᠤ᠂ ᠭᠡᠮ ᠢ ᠨᠢ ᠬᠡᠯᠲᠦᠷᠢᠭᠦᠯᠳᠡᠭ᠌ ᠲᠠ ᠬᠢᠯᠢᠩ ᠢᠶᠠᠨ ᠡᠭᠦᠷᠢᠳᠡ ᠲᠡᠭᠡᠭᠡᠬᠦ ᠪᠢᠰᠢ᠂ ᠥᠷᠥᠰᠢᠶᠡᠯ ᠢ ᠲᠠᠭᠠᠯᠠᠳᠠᠭ
19 ᠲᠠ ᠪᠢᠳᠡᠨ ᠢ ᠳᠠᠬᠢᠨ ᠥᠷᠥ ᠡᠪᠡᠳᠴᠦ ᠪᠢᠳᠡᠨ ᠦ ᠬᠢᠯᠢᠨᠴᠡ ᠶᠢ ᠬᠥᠯ ᠳᠣᠣᠷᠠ ᠪᠠᠨ ᠭᠢᠰᠬᠢᠨᠡ ᠲᠠ ᠪᠢᠳᠡᠨ ᠦ ᠪᠦᠬᠦ ᠨᠢᠭᠦᠯ ᠢ ᠳᠠᠯᠠᠢ ᠶᠢᠨ ᠭᠦᠨ ᠤᠷᠤᠭᠤ ᠬᠠᠶᠠᠨᠠ
20 ᠡᠷᠲᠡᠨ ᠦ ᠡᠳᠦᠷ ᠤᠳ ᠲᠤ ᠡᠴᠢᠭᠡ ᠡᠪᠦᠭᠡᠳ ᠲᠦ ᠮᠠᠨᠢ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠤ ᠪᠠᠨ ᠳᠠᠭᠠᠤ ᠶᠠᠺᠣᠪ ᠲᠤ ᠦᠨᠡᠨᠴᠢ᠂ ᠠᠪᠷᠠᠬᠠᠮ ᠳᠤ ᠥᠷᠥᠰᠢᠶᠡᠩᠭᠦᠢ ᠪᠠᠢᠬᠤ ᠪᠣᠯᠣᠨᠠ᠃