ᠬᠠᠭᠠᠳ ᠤᠨ ᠳᠡᠳ᠋ ᠠᠷᠪᠠ ᠶᠢᠰᠦ
ᠵᠥᠪᠯᠡᠭᠴᠢ ᠠᠪᠤᠷᠠᠯ ᠤᠨ ᠲᠤᠬᠠᠢ ᠡᠰᠢ ᠦᠵᠡᠭᠦᠯᠪᠡ
1 ᠾᠧᠽᠧᠺᠢᠶᠠ ᠬᠠᠭᠠᠨ ᠡᠭᠦᠨ ᠢ ᠰᠣᠨᠣᠰᠣᠭᠠᠳ ᠬᠤᠪᠴᠠᠰᠤ ᠪᠠᠨ ᠤᠷᠠᠵᠤ᠂ ᠲᠠᠭᠠᠷ ᠨᠥᠮᠥᠷᠥᠨ᠂ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠳᠦ ᠣᠷᠣᠭᠰᠠᠨ ᠪᠥᠭᠡᠳ 2 ᠣᠷᠳᠣᠨ ᠤ ᠳᠠᠭᠠᠭᠠᠮᠠᠯ ᠡᠯᠢᠶᠠᠺᠢᠮ᠂ ᠪᠢᠴᠢᠭᠡᠴᠢ ᠱᠧᠪᠨᠠ ᠪᠣᠯᠣᠨ ᠲᠠᠬᠢᠯᠴᠢᠳ ᠤᠨ ᠠᠬᠠᠮᠠᠳ ᠤᠳ ᠢ ᠲᠠᠭᠠᠷ ᠨᠥᠮᠥᠷᠥᠭᠰᠡᠨ ᠬᠡᠪ ᠢᠶᠡᠷ ᠨᠢ ᠠᠮᠣᠽ ᠤᠨ ᠬᠦᠦ ᠡᠰᠢ ᠦᠵᠡᠭᠦᠯᠦᠭᠴᠢ ᠢᠰᠠᠢᠶᠠ ᠤᠷᠤᠭᠤ ᠢᠯᠡᠭᠡᠪᠡ᠃ 3 ᠲᠡᠳᠡ ᠢᠰᠠᠢᠶᠠ ᠳᠤ᠄ 《ᠾᠧᠽᠧᠺᠢᠶᠠ ᠡᠢᠨ ᠬᠦ ᠬᠡᠯᠡᠪᠡ᠄ 〈ᠥᠨᠥᠳᠥᠷ ᠪᠣᠯ ᠵᠣᠪᠠᠯᠠᠩ᠂ ᠵᠢᠮᠡᠯᠡᠯ ᠪᠠ ᠪᠠᠰᠤᠮᠵᠢᠯᠠᠯ ᠤᠨ ᠡᠳᠦᠷ ᠶᠤᠮ᠃ ᠬᠡᠦᠬᠡᠳ ᠤᠳ ᠨᠢ ᠲᠥᠷᠥᠬᠦ ᠶᠢᠨ ᠠᠮᠠᠰᠠᠷ ᠳᠡᠭᠡᠷᠡ ᠢᠷᠡᠭᠰᠡᠨ ᠪᠠᠢᠬᠤ ᠳᠤ᠂ ᠲᠥᠷᠥᠭᠦᠯᠬᠦ ᠬᠦᠴᠦ ᠦᠭᠡᠢ ᠪᠠᠢᠨᠠ᠃ 4 ᠲᠠᠨ ᠤ ᠪᠤᠷᠬᠠᠨ ᠶᠣᠬᠣᠸᠠ ᠷᠠᠪᠱᠠᠺᠧ ᠶᠢᠨ ᠬᠡᠯᠡᠭᠰᠡᠨ ᠪᠦᠭᠦᠳᠡ ᠶᠢ ᠰᠣᠨᠣᠰᠣᠭᠰᠠᠨ ᠪᠠᠢᠬᠠ᠃ ᠲᠡᠭᠦᠨ ᠦ ᠡᠵᠡᠨ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠲᠡᠭᠦᠨ ᠢ ᠢᠯᠡᠭᠡᠵᠦ ᠠᠮᠢᠳᠤ ᠪᠤᠷᠬᠠᠨ ᠢ ᠳᠣᠷᠣᠮᠵᠢᠯᠠᠭᠤᠯᠤᠭᠰᠠᠨ ᠶᠤᠮ᠃ ᠲᠠᠨ ᠤ ᠪᠤᠷᠬᠠᠨ ᠶᠣᠬᠣᠸᠠ ᠰᠣᠨᠣᠰᠣᠭᠰᠠᠨ ᠦᠭᠡ ᠪᠡᠷ ᠢᠶᠠᠨ ᠲᠡᠭᠦᠨ ᠢ ᠵᠢᠮᠡᠯᠡᠨᠡ᠃ ᠲᠡᠭᠡᠬᠦᠯᠡᠷ ᠲᠠ ᠡ᠊ᠨᠳᠡ ᠦᠯᠡᠳᠡᠭᠰᠡᠨ ᠬᠥᠮᠦᠰ ᠦᠨ ᠲᠥᠯᠥᠭᠡ ᠳᠠᠭᠠᠳᠬᠠᠨᠠ ᠤᠤ︖〉》 ᠭᠡᠵᠡᠢ᠃ 5 ᠲᠡᠢᠨ ᠬᠦ ᠾᠧᠽᠧᠺᠢᠶᠠ ᠬᠠᠭᠠᠨ ᠤ ᠲᠦᠰᠢᠮᠡᠳ ᠢᠰᠠᠢᠶᠠ ᠤᠷᠤᠭᠤ ᠢᠷᠡᠬᠦ ᠳᠦ᠂ 6 ᠢᠰᠠᠢᠶᠠ ᠲᠡᠳᠡᠨ ᠳᠦ᠄ 《ᠡᠵᠡᠨ ᠳᠡᠭᠡᠨ ᠬᠡᠯᠡᠭᠲᠦᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠴᠢ ᠰᠣᠨᠣᠰᠣᠭᠰᠠᠨ ᠦᠭᠡᠨ ᠡᠴᠡ ᠪᠡᠨ᠂ ᠨᠠᠮᠠᠶᠢ ᠳᠣᠷᠣᠮᠵᠢᠯᠠᠭᠰᠠᠨ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠵᠠᠷᠤᠴᠠ ᠨᠠᠷ ᠤᠨ ᠦᠭᠡᠨ ᠡᠴᠡ ᠪᠦᠦ ᠠᠶᠤ᠃ 7 ᠬᠠᠷᠠ᠂ ᠪᠢ ᠲᠡᠭᠦᠨ ᠦ ᠳᠣᠲᠣᠷᠠ ᠨᠢᠭᠡ ᠰᠦᠨᠡᠰᠦ ᠶᠢ ᠣᠷᠣᠭᠤᠯᠤᠨᠠ᠂ ᠲᠡᠷᠡ ᠨᠢᠭᠡ ᠮᠡᠳᠡᠭᠡ ᠰᠣᠨᠣᠰᠣᠭᠠᠳ ᠨᠤᠲᠤᠭ ᠤᠷᠤᠭᠤ ᠪᠠᠨ ᠪᠤᠴᠠᠬᠤ ᠪᠥᠭᠡᠳ ᠪᠢ ᠲᠡᠭᠦᠨ ᠢ ᠥᠪᠡᠷ ᠦᠨ ᠬᠢᠨᠢ ᠨᠤᠲᠤᠭ ᠲᠤ ᠢᠯᠳᠦ ᠪᠡᠷ ᠤᠨᠠᠭᠠᠨᠠ〉》 ᠭᠡᠪᠡ᠃
8 ᠲᠡᠭᠡᠬᠦ ᠳᠦ ᠷᠠᠪᠱᠠᠺᠧ ᠡᠷᠭᠢᠵᠦ᠂ ᠯᠢᠪᠨᠠ ᠳᠤ ᠳᠠᠢᠲᠤᠵᠤ ᠪᠤᠢ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠲᠠᠢ ᠪᠠᠨ ᠨᠠᠢᠯᠠᠪᠠ᠃ ᠤᠴᠢᠷ ᠨᠢ ᠬᠠᠭᠠᠨ ᠤ ᠪᠠᠨ ᠯᠠᠺᠢᠱ ᠡᠴᠡ ᠲᠡᠰᠢ ᠬᠥᠳᠡᠯᠬᠦ ᠶᠢ ᠷᠠᠪᠱᠠᠺᠧ ᠰᠣᠨᠣᠰᠣᠭᠰᠠᠨ ᠪᠠᠢᠪᠠ᠃ 9 ᠡᠲ᠋ᠢᠶᠤᠫᠢᠶᠠ ᠶᠢᠨ ᠬᠠᠭᠠᠨ ᠲᠢᠷᠬᠠᠺᠠ ᠶᠢᠨ ᠥᠪᠡᠷ ᠲᠡᠢ ᠨᠢ ᠳᠠᠢᠲᠤᠬᠤ ᠪᠠᠷ ᠭᠠᠷᠴᠤ ᠪᠤᠢ ᠮᠡᠳᠡᠭᠡ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠳᠤ ᠬᠦᠷᠪᠡ᠃ ᠲᠡᠷᠡ ᠾᠧᠽᠧᠺᠢᠶᠠ ᠳᠤ ᠡᠯᠴᠢᠳ ᠢᠯᠡᠭᠡᠨ᠄ 10 《ᠶᠦᠳᠠ ᠶᠢᠨ ᠬᠠᠭᠠᠨ ᠾᠧᠽᠧᠺᠢᠶᠠ ᠳᠤ ᠶᠠᠷᠢ᠄ 〈ᠴᠢᠨᠦ ᠢᠲᠡᠭᠡᠵᠦ ᠪᠤᠢ ᠪᠤᠷᠬᠠᠨ ᠶᠧᠷᠦ᠋ᠰᠠᠯᠧᠮ ᠢ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠭᠠᠷ ᠲᠤ ᠲᠤᠰᠢᠶᠠᠬᠤ ᠦᠭᠡᠢ〉 ᠭᠡᠵᠦ ᠴᠢᠮᠠᠶᠢ ᠪᠦᠦ ᠮᠡᠬᠡᠯᠡᠭ᠃ 11 ᠠᠰᠢᠷᠢᠶᠠ ᠶᠢᠨ ᠬᠠᠭᠠᠳ ᠬᠠᠮᠤᠭ ᠭᠦᠷᠦᠨ ᠳᠦ ᠶᠠᠭᠤ ᠬᠢᠭᠰᠡᠨ ᠢ᠂ ᠲᠡᠳᠡᠨ ᠢ ᠬᠡᠷᠬᠢᠨ ᠤᠰᠠᠳᠬᠠᠭᠰᠠᠨ ᠢ ᠴᠢ ᠯᠠᠪ ᠰᠣᠨᠣᠰᠣᠭᠰᠠᠨ ᠪᠠᠢᠬᠠ᠂ ᠬᠠᠷᠢᠨ ᠴᠢ ᠯᠠ ᠠᠪᠤᠷᠠᠭᠳᠠᠨᠠ ᠭᠡᠵᠢ ᠤᠤ︖ 12 ᠮᠠᠨ ᠤ ᠡᠴᠢᠭᠡ ᠡᠪᠦᠭᠡᠳ ᠭᠣᠽᠠᠨ᠂ ᠾᠠᠷᠠᠨ᠂ ᠷᠧᠽᠧᠹ ᠬᠢᠭᠡᠳ ᠲᠧᠯᠠᠰᠠᠷ ᠳᠠᠬᠢ ᠡᠳᠧᠨᠴᠤᠳ ᠢ ᠤᠰᠠᠳᠬᠠᠬᠤ ᠳᠤ᠂ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠦ ᠪᠤᠷᠬᠠᠳ ᠲᠡᠳᠡᠨ ᠢ ᠠᠪᠤᠷᠠᠵᠤ ᠪᠠᠢᠭᠰᠠᠨ ᠤᠤ︖ 13 ᠬᠠᠮᠠᠲ ᠤᠨ ᠬᠠᠭᠠᠨ᠂ ᠠᠷᠫᠠᠳ᠋ ᠤᠨ ᠬᠠᠭᠠᠨ᠂ ᠰᠧᠹᠠᠷ ᠸᠠᠢᠮ ᠤᠨ ᠬᠣᠲᠠ ᠶᠢᠨ ᠬᠠᠭᠠᠨ᠂ ᠾᠧᠨᠠ ᠶᠢᠨ ᠬᠠᠭᠠᠨ ᠪᠣᠯᠣᠨ ᠢᠸᠠ ᠶᠢᠨ ᠬᠠᠭᠠᠨ ᠣᠳᠣ ᠬᠠᠮᠢᠭᠠ ᠪᠠᠢᠨᠠ︖〉》 ᠭᠡᠪᠡ᠃
ᠾᠧᠽᠧᠺᠢᠶᠠ ᠶᠢᠨ ᠳᠠᠭᠠᠳᠬᠠᠯ
14 ᠾᠧᠽᠧᠺᠢᠶᠠ ᠡᠯᠴᠢᠳ ᠤᠨ ᠭᠠᠷ ᠠᠴᠠ ᠵᠠᠬᠢᠳᠠᠯ ᠢ ᠠᠪᠴᠤ ᠤᠩ᠋ᠰᠢᠭᠠᠳ᠂ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡ ᠥᠭᠡᠳᠡ ᠣᠴᠢᠵᠤ᠂ ᠨᠥᠭᠥᠭᠡ ᠵᠠᠬᠢᠳᠠᠯ ᠢ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠳᠡᠯᠭᠡᠪᠡ᠃ 15 ᠾᠧᠽᠧᠺᠢᠶᠠ ᠶᠣᠬᠣᠸᠠ ᠳᠤ ᠳᠠᠭᠠᠳᠬᠠᠨ᠄ 《ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠺᠧᠷᠣᠪ ᠤᠳ ᠤᠨ ᠳᠡᠭᠡᠷᠡ ᠵᠠᠯᠠᠷᠠᠭᠴᠢ᠂ ᠭᠠᠭᠴᠠ ᠬᠦ ᠲᠠ ᠯᠠ ᠬᠠᠮᠤᠭ ᠬᠠᠭᠠᠨᠴᠢᠯᠠᠯ ᠤᠨ ᠪᠤᠷᠬᠠᠨ᠂ ᠲᠠ ᠯᠠ ᠲᠩᠷᠢ ᠪᠠ ᠭᠠᠵᠠᠷ ᠢ ᠪᠦᠲᠦᠭᠡᠭᠰᠡᠨ ᠪᠢᠯᠡ᠂ 16 ᠶᠣᠬᠣᠸᠠ ᠡ᠂ ᠴᠢᠬᠢ ᠲᠠᠯᠪᠢᠨ ᠰᠣᠨᠣᠰᠣᠭᠠᠴᠢ᠂ ᠶᠣᠬᠣᠸᠠ ᠡ᠂ ᠮᠡᠯᠮᠡᠢ ᠨᠡᠭᠡᠭᠡᠨ ᠬᠠᠷᠠᠭᠠᠴᠢ᠂ ᠠᠮᠢᠳᠤ ᠪᠤᠷᠬᠠᠨ ᠢ ᠳᠣᠷᠣᠮᠵᠢᠯᠠᠬᠤ ᠪᠠᠷ ᠢᠯᠡᠭᠡᠭᠰᠡᠨ ᠰᠧᠨᠠᠾᠧᠷᠢᠪ ᠤᠨ ᠦᠭᠡᠰ ᠢ ᠰᠣᠨᠣᠰᠣᠭᠠᠴᠢ᠃ 17 ᠶᠣᠬᠣᠸᠠ ᠡ᠂ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠳ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠢ ᠭᠠᠵᠠᠷ ᠨᠤᠲᠤᠭ ᠲᠠᠢ ᠨᠢ ᠬᠠᠮᠲᠤ ᠰᠦᠢᠳᠬᠡᠵᠦ᠂ 18 ᠲᠡᠳᠡᠨ ᠦ ᠪᠤᠷᠬᠠᠳ ᠢ ᠭᠠᠯ ᠳᠤ ᠬᠠᠶᠠᠭᠰᠠᠨ ᠨᠢ ᠦᠨᠡᠨ᠃ ᠦᠨᠡᠨ ᠳᠡᠭᠡᠨ ᠲᠡᠳᠡᠭᠡᠷ ᠨᠢ ᠪᠤᠷᠬᠠᠨ ᠪᠢᠰᠢ᠂ ᠵᠥᠪᠬᠡᠨ ᠮᠣᠳᠣ ᠴᠢᠯᠠᠭᠤ᠂ ᠬᠥᠮᠦᠨ ᠦ ᠭᠠᠷ ᠤᠨ ᠪᠦᠲᠦᠭᠡᠯ ᠪᠠᠢᠭᠰᠠᠨ᠂ ᠡᠢᠮᠦ ᠡᠴᠡ ᠯᠠ ᠲᠡᠳᠡ ᠤᠰᠠᠳᠬᠠᠭᠳᠠᠭᠰᠠᠨ ᠪᠢᠯᠡ᠃ 19 ᠣᠳᠣ ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ ᠡ᠂ ᠪᠢᠳᠡᠨ ᠢ ᠲᠡᠭᠦᠨ ᠦ ᠭᠠᠷ ᠠᠴᠠ ᠠᠪᠤᠷᠠᠭᠠᠴᠢ᠂ ᠲᠡᠭᠡᠪᠡᠯ ᠭᠠᠭᠴᠠ ᠬᠦ ᠶᠣᠬᠣᠸᠠ ᠲᠠ ᠯᠠ ᠪᠤᠷᠬᠠᠨ ᠭᠡᠳᠡᠭ ᠢ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠬᠠᠭᠠᠨᠴᠢᠯᠠᠯ ᠮᠡᠳᠡᠬᠦ ᠪᠣᠯᠣᠨᠠ》 ᠭᠡᠪᠡ᠃
ᠶᠧᠷᠦ᠋ᠰᠠᠯᠧᠮ ᠴᠢᠯᠥᠭᠡᠯᠡᠭᠳᠡᠪᠡ
20 ᠠᠮᠣᠽ ᠤᠨ ᠬᠦᠦ ᠢᠰᠠᠢᠶᠠ ᠾᠧᠽᠧᠺᠢᠶᠠ ᠳᠤ ᠦᠭᠡ ᠢᠯᠡᠭᠡᠨ᠄ 《ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠰᠧᠨᠠᠾᠧᠷᠢᠪ ᠤᠨ ᠤᠯᠠᠮ ᠢᠶᠠᠷ ᠴᠢᠨᠦ ᠨᠠᠳᠠ ᠳᠤ ᠳᠠᠭᠠᠳᠬᠠᠭᠰᠠᠨ ᠢ ᠪᠢ ᠰᠣᠨᠣᠰᠣᠯᠠ᠂ 21 ᠲᠡᠭᠦᠨ ᠦ ᠲᠤᠬᠠᠢ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠤᠭᠰᠠᠨ ᠦᠭᠡ ᠡᠨᠡ ᠪᠠᠢᠨᠠ᠄ ᠽᠢᠶᠣᠨ ᠤ ᠣᠩ᠋ᠭᠣᠨ ᠥᠬᠢᠨ ᠴᠢᠮᠠᠶᠢ ᠳᠣᠭᠣᠭᠢᠯᠠᠵᠤ᠂ ᠡᠯᠡᠭᠯᠡᠪᠡ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠨ ᠴᠢᠨᠦ ᠠᠷᠤ ᠠᠴᠠ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠪᠡ᠃
22 ᠬᠡᠨ ᠢ ᠴᠢ ᠳᠣᠷᠣᠮᠵᠢᠯᠠᠵᠤ᠂ ᠲᠣᠬᠣᠭᠤᠷᠬᠠᠪᠠ︖ ᠬᠡᠨ ᠦ ᠡᠰᠡᠷᠭᠦ ᠳᠠᠭᠤ ᠪᠠᠨ ᠥᠨᠳᠥᠷᠰᠡᠭᠡᠨ᠂ ᠶᠡᠬᠡᠮᠰᠦᠭ ᠢᠶᠡᠷ ᠨᠢᠳᠦ ᠪᠡᠨ ᠡᠷᠭᠦᠪᠡ︖ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠡᠰᠡᠷᠭᠦ︕
23 ᠴᠢ ᠡᠯᠴᠢᠳ ᠢᠶᠠᠷ ᠢᠶᠠᠨ ᠶᠣᠬᠣᠸᠠ ᠶᠢ ᠳᠣᠷᠣᠮᠵᠢᠯᠠᠭᠤᠯᠵᠤ᠄ 〈ᠪᠢ ᠦᠢ ᠣᠯᠠᠨ ᠲᠡᠷᠭᠡ ᠪᠡᠷ ᠢᠶᠠᠨ ᠠᠭᠤᠯᠠᠰ ᠤᠨ ᠥᠨᠳᠥᠷᠯᠢᠭ ᠤᠳ ᠲᠤ ᠯᠧᠪᠠᠨᠣᠨ ᠤ ᠬᠠᠮᠤᠭ ᠤᠨ ᠠᠯᠤᠰ ᠬᠡᠰᠡᠭ ᠤᠳ ᠲᠤ ᠬᠦᠷᠦᠯᠡ ᠪᠢ ᠥᠨᠳᠥᠷ ᠬᠤᠱᠢ᠂ ᠰᠢᠯᠢᠮᠡᠯ ᠨᠠᠷᠠᠰᠤᠨ ᠮᠣᠳᠣᠳ ᠢ ᠨᠢ ᠲᠠᠰᠤ ᠴᠠᠪᠴᠢᠨ ᠵᠠᠬᠠ ᠬᠢᠵᠠᠭᠠᠷ ᠭᠠᠵᠠᠷ ᠲᠤᠨᠢ᠂ ᠬᠠᠮᠤᠭ ᠤᠨ ᠥᠳᠬᠡᠨ ᠣᠢ ᠳᠤᠨᠢ ᠬᠦᠷᠴᠦ ᠣᠴᠢᠯᠠ᠃
24 ᠪᠢ ᠮᠠᠯᠲᠠᠵᠤ᠂ ᠬᠠᠷᠢ ᠶᠢᠨ ᠤᠰᠤ ᠶᠢ ᠤᠤᠭᠤᠵᠤ ᠬᠥᠯ ᠦᠨ ᠢᠶᠠᠨ ᠤᠯᠠ ᠪᠠᠷ ᠶᠧᠵᠢᠫᠲ ᠤᠨ ᠪᠦᠬᠦ ᠭᠣᠣᠯ ᠢ ᠬᠠᠲᠠᠭᠠᠭᠰᠠᠨ ᠪᠢᠯᠡ〉 ᠭᠡᠵᠡᠢ᠃
25 ᠴᠢ ᠬᠠᠷᠢᠨ ᠰᠣᠨᠣᠰᠣᠭᠠ ᠦᠭᠡᠢ ᠶᠤᠮ ᠤᠤ︖ ᠥᠨᠢ ᠡᠷᠲᠡᠨ ᠡᠴᠡ ᠪᠢ ᠡᠭᠦᠨ ᠢ ᠬᠢᠵᠦ ᠡᠷᠲᠡ ᠴᠠᠭ ᠲᠤ ᠡᠭᠦᠨ ᠢ ᠲᠥᠯᠥᠪᠯᠡᠵᠦ ᠡᠳᠦᠭᠡ ᠪᠡᠶᠡᠯᠡᠭᠦᠯᠦᠭᠰᠡᠨ ᠢᠶᠡᠷ ᠴᠢ ᠪᠡᠬᠢᠯᠡᠯᠲᠡᠲᠦ ᠬᠣᠲᠠ ᠨᠤᠭᠤᠳ ᠢ ᠰᠦᠢᠷᠡᠭᠦᠯᠦᠨ ᠲᠡᠳᠡᠭᠡᠷ ᠢ ᠨᠤᠷᠠᠩᠬᠢ ᠪᠠᠯᠭᠠᠰᠤ ᠪᠣᠯᠭᠠᠭᠰᠠᠨ ᠶᠤᠮ
26 ᠡᠢᠮᠦ ᠡᠴᠡ ᠲᠡᠳᠡᠨ ᠦ ᠰᠠᠭᠤᠭᠠᠯᠢᠴᠢᠳ ᠬᠦᠴᠦ ᠮᠡᠬᠦᠰᠳᠡᠵᠦ ᠠᠶᠤᠨ ᠲᠦᠭᠰᠢᠵᠦ᠂ ᠢᠴᠢᠭᠦᠷᠢ ᠳᠤ ᠣᠷᠣᠭᠰᠠᠨ ᠲᠡᠳᠡ ᠬᠡᠭᠡᠷᠡ ᠲᠠᠯᠠ ᠶᠢᠨ ᠡᠪᠡᠰᠦ᠂ ᠨᠢᠯᠬᠠ ᠨᠣᠭᠣᠭᠠ ᠰᠢᠭ᠋ ᠪᠠᠢᠰᠢᠩ ᠤᠨ ᠣᠷᠣᠢ ᠳᠡᠭᠡᠷᠡ ᠤᠷᠭᠤᠵᠤ ᠨᠠᠬᠢᠶᠠᠯᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠬᠠᠲᠠᠳᠠᠭ ᠡᠪᠡᠰᠦ ᠮᠡᠲᠦ ᠪᠣᠯᠪᠠ᠃
27 ᠬᠠᠷᠢᠨ ᠪᠢ ᠴᠢᠨᠦ ᠰᠠᠭᠤᠬᠤ ᠪᠣᠯᠣᠨ ᠭᠠᠷᠬᠤ᠂ ᠣᠷᠣᠬᠤ ᠶᠢ᠂ ᠮᠥᠨ ᠨᠠᠳᠠ ᠳᠤ ᠳᠣᠭᠰᠢᠷᠠᠬᠤ ᠶᠢ ᠴᠢᠨᠢ ᠴᠤ ᠮᠡᠳᠡᠨᠡ᠃
28 ᠨᠠᠳᠠ ᠤᠷᠤᠭᠤ ᠬᠠᠨᠳᠤᠭᠰᠠᠨ ᠴᠢᠨᠦ ᠳᠣᠭᠰᠢᠨ ᠠᠪᠤᠷᠢ ᠴᠢᠨᠦ ᠳᠡᠭᠡᠷᠡᠯᠬᠡᠦ ᠵᠠᠩ ᠮᠢᠨᠦ ᠰᠣᠨᠣᠷ ᠲᠤ ᠬᠦᠷᠦᠭᠰᠡᠨ ᠤᠴᠢᠷ ᠠᠴᠠ ᠪᠢ ᠥᠪᠡᠷ ᠦᠨ ᠢᠶᠠᠨ ᠳᠥᠷᠥ ᠶᠢ ᠴᠢᠨᠦ ᠬᠠᠮᠠᠷ ᠲᠤ ᠵᠡᠭᠦᠯᠭᠡᠵᠦ ᠠᠮᠠ ᠶᠢ ᠴᠢᠨᠢ ᠬᠠᠵᠠᠭᠠᠷᠯᠠᠵᠤ ᠢᠷᠡᠭᠰᠡᠨ ᠵᠠᠮ ᠢᠶᠠᠷ ᠴᠢᠨᠢ ᠴᠢᠮᠠᠶᠢ ᠪᠤᠴᠠᠭᠠᠨᠠ᠃
29 ᠾᠧᠽᠧᠺᠢᠶᠠ᠂ ᠴᠢᠮᠠ ᠳᠤ ᠡᠢᠮᠦ ᠲᠡᠮᠳᠡᠭ ᠪᠠᠢᠨᠠ᠄ ᠲᠠ ᠨᠠᠷ ᠥᠨᠥ ᠵᠢᠯ ᠬᠤᠷ ᠲᠠᠷᠢᠶᠠ ᠢᠳᠡᠵᠦ᠂ ᠬᠣᠶᠠᠳᠠᠬᠢ ᠵᠢᠯ ᠳᠤ ᠮᠥᠨ ᠬᠤᠷ ᠲᠠᠷᠢᠶᠠ ᠢᠳᠡᠬᠦ ᠪᠣᠯᠣᠨᠠ᠂ ᠬᠠᠷᠢᠨ ᠭᠤᠷᠪᠠᠳᠠᠬᠢ ᠵᠢᠯ ᠳᠦᠨᠢ ᠦᠷᠡ ᠲᠠᠷᠢᠵᠤ ᠬᠤᠷᠢᠶᠠᠵᠠᠭᠠ᠂ ᠦᠵᠦᠮ ᠲᠠᠷᠢᠶᠠᠯᠠᠵᠤ᠂ ᠵᠢᠮᠢᠰ ᠢ ᠨᠢ ᠢᠳᠡᠵᠡᠭᠡ᠃ 30 ᠶᠦᠳᠠ ᠶᠢᠨ ᠭᠡᠷ ᠡᠴᠡ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠳᠠᠬᠢᠨ ᠳᠣᠭᠣᠭᠰᠢ ᠪᠠᠨ ᠦᠨᠳᠦᠰᠦ ᠬᠠᠳᠬᠤᠨ᠂ ᠳᠡᠭᠡᠭᠰᠢ ᠪᠠᠨ ᠵᠢᠮᠢᠰ ᠢᠶᠠᠨ ᠭᠠᠷᠭᠠᠨᠠ᠃ 31 ᠤᠴᠢᠷ ᠨᠢ ᠶᠧᠷᠦ᠋ᠰᠠᠯᠧᠮ ᠡᠴᠡ ᠦᠯᠡᠳᠡᠭᠰᠡᠳ᠂ ᠽᠢᠶᠣᠨ ᠠᠭᠤᠯᠠ ᠠᠴᠠ ᠠᠪᠤᠷᠠᠭᠳᠠᠭᠰᠠᠳ ᠭᠠᠷᠴᠤ ᠢᠷᠡᠨᠡ᠃ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠬᠠᠯᠠᠭᠤᠨ ᠰᠡᠳᠬᠢᠯ ᠡᠭᠦᠨ ᠢ ᠪᠡᠶᠡᠯᠡᠭᠦᠯᠦᠨᠡ᠃
32 ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠲᠠᠯᠠ ᠪᠠᠷ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 〈ᠡᠨᠡ ᠬᠣᠲᠠ ᠳᠤ ᠲᠡᠷᠡ ᠣᠷᠣᠵᠤ ᠢᠷᠡᠬᠦ ᠦᠭᠡᠢ᠂ ᠡᠰᠢ ᠪᠠᠨ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ ᠦᠭᠡᠢ᠂ ᠪᠠᠮᠪᠠᠢ ᠪᠠᠷᠢᠨ ᠳᠠᠪᠰᠢᠬᠤ ᠦᠭᠡᠢ᠂ ᠪᠡᠬᠢᠯᠡᠯᠲᠡ ᠪᠣᠰᠬᠠᠬᠤ ᠦᠭᠡᠢ᠂ 33 ᠢᠷᠡᠭᠰᠡᠨ ᠵᠠᠮ ᠢᠶᠠᠷ ᠢᠶᠠᠨ ᠪᠤᠴᠠᠬᠤ ᠪᠥᠭᠡᠳ ᠡᠨᠡ ᠬᠣᠲᠠ ᠳᠤ ᠣᠷᠣᠵᠤ ᠢᠷᠡᠬᠦ ᠦᠭᠡᠢ〉᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ 34 〈ᠪᠢ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡ ᠡᠴᠡ᠂ ᠮᠥᠨ ᠵᠠᠷᠤᠴᠠ ᠳ᠋ᠠᠸᠢᠳ᠋ ᠤᠨ ᠢᠶᠠᠨ ᠡᠮᠦᠨᠡ ᠡᠴᠡ ᠡᠨᠡ ᠬᠣᠲᠠ ᠶᠢ ᠬᠠᠮᠠᠭᠠᠯᠠᠵᠤ ᠠᠪᠤᠷᠠᠨᠠ〉》 ᠭᠡᠵᠦ ᠬᠡᠯᠡᠵᠡᠢ᠃
35 ᠲᠡᠷᠡ ᠰᠥᠨᠢ ᠶᠣᠬᠣᠸᠠ ᠶᠢᠨ ᠡᠯᠴᠢ ᠭᠠᠷᠴᠤ ᠢᠷᠡᠭᠡᠳ᠂ ᠠᠰᠢᠷᠢᠶᠠᠴᠤᠳ ᠤᠨ ᠬᠤᠸᠠᠷᠠᠨ ᠳᠤ ᠠᠷᠪᠠᠨ ᠨᠠᠢ᠌ᠮᠠᠨ ᠲᠦᠮᠡ ᠲᠠᠪᠤᠨ ᠮᠢᠩ᠋ᠭᠠᠨ ᠬᠥᠮᠦᠨ ᠢ ᠴᠣᠬᠢᠪᠠ᠃ ᠬᠥᠮᠦᠰ ᠥᠷᠯᠥᠭᠡ ᠡᠷᠲᠡ ᠪᠣᠰᠴᠤ ᠦᠵᠡᠬᠦ ᠳᠦ᠂ ᠲᠡᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠦᠬᠦᠵᠦ᠂ ᠬᠡᠭᠦᠷ ᠪᠣᠯᠵᠠᠢ︕ 36 ᠢᠩᠭᠢᠭᠡᠳ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠰᠧᠨᠠᠾᠧᠷᠢᠪ ᠲᠡᠨᠳᠡ ᠡᠴᠡ ᠬᠥᠳᠡᠯᠦᠨ᠂ ᠨᠢᠨᠧᠸᠧ ᠤᠷᠤᠭᠤ ᠪᠤᠴᠠᠵᠤ ᠲᠡᠨᠳᠡ ᠪᠡᠨ ᠦᠯᠡᠳᠡᠪᠡ᠃ 37 ᠨᠢᠭᠡᠨ ᠡᠳᠦᠷ ᠲᠡᠷᠡ ᠨᠢᠰᠷᠣᠺ ᠪᠤᠷᠬᠠᠨ ᠤ ᠪᠠᠨ ᠳᠤᠭᠠᠩ ᠳᠤ ᠮᠥᠷᠭᠥᠯ ᠦᠢᠯᠡᠳᠴᠦ ᠪᠠᠢᠬᠤ ᠳᠤ᠂ ᠠᠳ᠋ᠷᠠᠮᠧᠯᠧᠺ᠂ ᠱᠠᠷᠧᠽᠧᠷ ᠵᠡᠷᠭᠡ ᠬᠥᠪᠡᠭᠦᠳ ᠨᠢ ᠲᠡᠭᠦᠨ ᠢ ᠢᠯᠳᠦ ᠪᠡᠷ ᠠᠯᠠᠭᠠᠳ ᠥᠪᠡᠷᠰᠡᠳ ᠢᠶᠡᠨ ᠠᠷᠠᠷᠠᠲ ᠨᠤᠲᠤᠭ ᠤᠷᠤᠭᠤ ᠵᠢᠭᠤᠲᠠᠪᠠ᠃ ᠲᠡᠭᠦᠨ ᠦ ᠣᠷᠣᠨ ᠳᠤ ᠬᠦᠦ ᠡᠰᠠᠷᠬᠠᠳᠣᠨ ᠨᠢ ᠬᠠᠭᠠᠨ ᠪᠣᠯᠵᠠᠢ᠃