ᠽᠧᠺᠠᠷᠢᠶᠠ ᠠᠷᠪᠠ
ᠢᠰᠷᠧᠯ ᠢ ᠴᠤᠭᠯᠠᠭᠤᠯᠬᠤ ᠠᠮᠠᠯᠠᠯᠲᠠ
1 ᠬᠠᠪᠤᠷ ᠤᠨ ᠦᠶᠡ ᠪᠡᠷ ᠶᠣᠬᠣᠸᠠ ᠠᠴᠠ ᠪᠣᠷᠣᠭᠠᠨ ᠭᠤᠶᠤᠭᠲᠤᠨ ᠠᠶᠤᠩ᠋ᠭᠠᠲᠤ ᠡᠭᠦᠯᠡᠰ ᠢ ᠪᠦᠲᠦᠭᠡᠭᠴᠢ ᠨᠢ ᠶᠣᠬᠣᠸᠠ ᠬᠤᠷᠠ ᠪᠣᠷᠣᠭᠠ ᠶᠢ ᠲᠡᠷᠡ ᠣᠷᠣᠭᠤᠯᠵᠤ ᠬᠥᠮᠦᠨ ᠪᠦᠬᠦᠨ ᠳᠦ ᠲᠠᠯᠠᠪᠠᠢ ᠶᠢᠨ ᠨᠣᠭᠣᠭᠠ ᠶᠢ ᠥᠭᠭᠥᠨᠡ᠃
2 ᠭᠡᠷ ᠦᠨ ᠰᠢᠲᠦᠭᠡᠨ ᠬᠣᠭᠣᠰᠣᠨ ᠢ ᠶᠠᠷᠢᠳᠠᠭ ᠮᠡᠷᠭᠡᠴᠢ ᠬᠤᠳᠠᠯ ᠦᠵᠡᠭᠳᠡᠯ ᠦᠵᠡᠵᠦ ᠬᠠᠭᠤᠷᠮᠠᠴᠢ ᠵᠡᠭᠦᠳᠦ ᠶᠠᠷᠢᠨ ᠳᠡᠮᠡᠢ ᠦᠭᠡ ᠪᠡᠷ ᠲᠠᠢᠳᠬᠤᠷᠠᠭᠤᠯᠳᠠᠭ ᠲᠡᠢᠮᠦ ᠡᠴᠡ ᠠᠷᠠᠳ ᠲᠦᠮᠡᠨ ᠬᠣᠨᠢ ᠮᠡᠲᠦ ᠲᠡᠨᠦᠨ᠂ ᠬᠣᠨᠢᠴᠢᠨ ᠦᠭᠡᠢ ᠤᠴᠢᠷ ᠠᠴᠠ ᠭᠤᠲᠤᠷᠠᠨᠠ᠃
3 ᠠᠭᠤᠷ ᠮᠢᠨᠢ ᠬᠣᠨᠢᠴᠢᠳ ᠤᠨ ᠡᠰᠡᠷᠭᠦ ᠰᠢᠲᠠᠵᠤ ᠤᠳᠤᠷᠢᠳᠤᠭᠴᠢᠳ ᠢ ᠪᠢ ᠰᠢᠳᠬᠡᠨᠡ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠥᠪᠡᠷ ᠦᠨ ᠢᠶᠠᠨ ᠰᠦᠷᠦᠭ ᠪᠣᠯᠬᠤ ᠶᠦᠳᠠ ᠶᠢᠨ ᠭᠡᠷ ᠲᠦ ᠰᠠᠨᠠᠭᠠ ᠲᠠᠯᠪᠢᠵᠤ ᠲᠡᠳᠡᠨ ᠢ ᠲᠤᠯᠤᠯᠳᠤᠭᠠᠨ ᠳᠠᠬᠢ ᠥᠪᠡᠷ ᠦᠨ ᠢᠶᠠᠨ ᠠᠵᠢᠨᠠᠢ ᠬᠦᠯᠦᠭ ᠮᠡᠲᠦ ᠪᠣᠯᠭᠠᠬᠤ ᠲᠤᠯᠠ
4 ᠲᠡᠳᠡᠨ ᠡᠴᠡ ᠲᠤᠯᠭᠠᠭᠤᠷᠢ ᠴᠢᠯᠠᠭᠤ ᠲᠡᠳᠡᠨ ᠡᠴᠡ ᠮᠠᠢᠬᠠᠨ ᠤ ᠭᠠᠳᠠᠰᠤ ᠲᠡᠳᠡᠨ ᠡᠴᠡ ᠲᠤᠯᠤᠯᠳᠤᠭᠠᠨ ᠤ ᠨᠤᠮᠤ ᠲᠡᠳᠡᠨ ᠡᠴᠡ ᠬᠠᠮᠤᠭ ᠵᠠᠬᠢᠷᠤᠭᠴᠢ ᠭᠠᠷᠬᠤ ᠪᠣᠯᠣᠨᠠ᠃
5 ᠲᠡᠳᠡ ᠲᠤᠯᠤᠯᠳᠤᠭᠠᠨ ᠳᠤ ᠰᠢᠪᠠᠷ ᠲᠠᠢ ᠭᠤᠳᠤᠮᠵᠢᠨ ᠳᠤ ᠳᠠᠢᠰᠤᠨ ᠢᠶᠠᠨ ᠳᠡᠪᠰᠡᠯᠡᠬᠦ ᠬᠦᠴᠦᠲᠦ ᠡᠷᠡᠰ ᠮᠡᠲᠦ ᠪᠠᠢᠨᠠ᠂ ᠶᠣᠬᠣᠸᠠ ᠲᠡᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠳᠠᠭ ᠲᠤᠯᠠ ᠲᠡᠳᠡ ᠳᠠᠢᠲᠤᠵᠤ᠂ ᠮᠣᠷᠢᠲᠠᠳ ᠢ ᠢᠴᠢᠭᠡᠨᠡ᠃
6 ᠪᠢ ᠶᠦᠳᠠ ᠶᠢᠨ ᠭᠡᠷ ᠢ ᠲᠡᠩᠬᠡᠷᠡᠭᠦᠯᠵᠦ ᠶᠣᠰᠧᠹ ᠤᠨ ᠭᠡᠷ ᠢ ᠠᠪᠤᠷᠠᠨᠠ ᠪᠢ ᠲᠡᠳᠡᠨ ᠢ ᠥᠷᠥ ᠡᠪᠡᠳᠳᠡᠭ ᠲᠤᠯᠠ ᠲᠡᠳᠡᠨ ᠢ ᠪᠤᠴᠠᠭᠠᠨ ᠠᠪᠴᠢᠷᠠᠨᠠ ᠪᠢ ᠪᠣᠯ ᠲᠡᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠪᠢ ᠲᠡᠳᠡᠨ ᠳᠦ ᠬᠠᠷᠢᠭᠤᠯᠬᠤ ᠤᠴᠢᠷ ᠠᠴᠠ ᠲᠡᠳᠡ ᠨᠠᠳᠠ ᠳᠤ ᠭᠣᠯᠣᠭᠳᠠᠵᠤ ᠪᠠᠢᠭᠠ ᠦᠭᠡᠢ ᠮᠡᠲᠦ ᠪᠠᠢᠬᠤ ᠪᠣᠯᠣᠨᠠ
7 ᠡᠹᠷᠠᠢᠮ ᠪᠠᠭᠠᠲᠤᠷ ᠮᠡᠲᠦ ᠪᠠᠢᠬᠤ ᠪᠣᠯᠣᠨᠠ ᠵᠢᠷᠦᠬᠡ ᠨᠢ ᠳᠠᠷᠠᠰᠤ ᠤᠤᠭᠤᠭᠰᠠᠨ ᠮᠡᠲᠦ ᠬᠥᠭᠰᠡᠵᠦ ᠦᠷᠡ ᠬᠡᠦᠬᠡᠳ ᠤᠳ ᠨᠢ ᠲᠡᠭᠦᠨ ᠢ ᠬᠠᠷᠠᠭᠠᠳ ᠬᠥᠭᠰᠡᠨᠡ ᠡᠢᠨ ᠬᠦ ᠲᠡᠳᠡᠨ ᠦ ᠵᠢᠷᠦᠬᠡ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠪᠠᠶᠠᠷᠯᠠᠨᠠ᠃
8 ᠪᠢ ᠢᠰᠭᠡᠷᠴᠦ ᠲᠡᠳᠡᠨ ᠢ ᠴᠤᠭᠯᠠᠭᠤᠯᠤᠨᠠ ᠪᠢ ᠵᠠᠪᠠᠯ ᠲᠡᠳᠡᠨ ᠢ ᠵᠣᠯᠢᠨ ᠠᠪᠤᠨᠠ ᠲᠡᠳᠡ ᠤᠷᠢᠳᠤ ᠨᠢ ᠣᠯᠠᠨ ᠪᠠᠢᠭᠰᠠᠨ ᠰᠢᠭ᠋ ᠢᠶᠠᠨ ᠣᠯᠠᠨ ᠪᠣᠯᠣᠨᠠ᠃
9 ᠲᠡᠳᠡᠨ ᠢ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠲᠠᠷᠬᠠᠭᠠᠵᠤ ᠲᠡᠳᠡ ᠠᠯᠤᠰ ᠬᠣᠯᠠ ᠠᠴᠠ ᠨᠠᠮᠠᠶᠢ ᠰᠠᠨᠠᠨᠠ ᠲᠡᠳᠡ ᠦᠷᠡ ᠬᠡᠦᠬᠡᠳ ᠤᠳ ᠤᠨ ᠢᠶᠠᠨ ᠬᠠᠮᠲᠤ ᠠᠮᠢᠳᠤ ᠦᠯᠡᠳᠡᠭᠡᠳ ᠪᠤᠴᠠᠵᠤ ᠢᠷᠡᠨᠡ᠃
10 ᠪᠢ ᠲᠡᠳᠡᠨ ᠢ ᠶᠧᠵᠢᠫᠲ ᠡᠴᠡ ᠪᠤᠴᠠᠭᠠᠨ ᠠᠪᠴᠢᠷᠠᠵᠤ ᠠᠰᠢᠷᠢᠶᠠ ᠠᠴᠠ ᠬᠤᠷᠢᠶᠠᠨ ᠭᠢᠯᠧᠶᠠᠳ᠋ ᠪᠣᠯᠣᠨ ᠯᠧᠪᠠᠨᠣᠨ ᠳᠤ ᠠᠪᠴᠢᠷᠠᠬᠤ ᠳᠤ ᠲᠡᠳᠡ ᠪᠠᠭᠲᠠᠬᠤ ᠦᠭᠡᠢ ᠪᠣᠯᠣᠨᠠ᠃
11 ᠲᠡᠷᠡ ᠵᠣᠪᠠᠯᠠᠩ ᠤᠨ ᠲᠠᠩᠭᠢᠰ ᠢ ᠲᠤᠭᠤᠯᠤᠨ ᠲᠠᠩᠭᠢᠰ ᠤᠨ ᠳᠠᠪᠠᠯᠭᠠᠨ ᠢ ᠴᠣᠬᠢᠨᠠ ᠨᠢᠯ ᠤᠨ ᠪᠦᠬᠦ ᠭᠦᠨ ᠬᠡᠰᠡᠭ ᠰᠢᠷᠭᠢᠵᠦ ᠠᠰᠢᠷᠢᠶᠠ ᠶᠢᠨ ᠪᠠᠷᠳᠠᠮᠨᠠᠯ ᠪᠠᠭᠤᠷᠠᠵᠤ ᠶᠧᠵᠢᠫᠲ ᠤᠨ ᠲᠠᠶᠠᠭ ᠳᠠᠯᠳᠠ ᠣᠷᠣᠨᠠ᠃
12 ᠪᠢ ᠲᠡᠳᠡᠨ ᠢ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠲᠡᠩᠬᠡᠷᠡᠭᠦᠯᠦᠨᠡ ᠲᠡᠳᠡ ᠮᠢᠨᠦ ᠨᠡᠷᠡ ᠪᠡᠷ ᠠᠯᠬᠤᠬᠤ ᠪᠣᠯᠣᠨᠠ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃