ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ ᠨᠠᠢ᠌ᠮᠠ
1 《ᠨᠡᠭᠡᠷᠡᠨ ᠴᠢ ᠮᠢᠨᠦ ᠠᠬᠠ ᠪᠠᠢᠭᠰᠠᠨ ᠰᠠᠨ ᠪᠣᠯ ᠨᠢᠭᠡ ᠡᠬᠡ ᠶᠢ ᠪᠢᠳᠡ ᠬᠥᠬᠥᠵᠦ ᠥᠰᠥᠭᠰᠡᠨ ᠪᠣᠯ ᠭᠠᠳᠠᠨᠠ ᠲᠠᠭᠠᠷᠠᠭᠰᠠᠨ ᠴᠤ ᠴᠢᠮᠠᠶᠢ ᠪᠢ ᠦᠨᠦᠰᠦᠨᠡ ᠭᠠᠭᠴᠠ ᠴᠤ ᠬᠥᠮᠦᠨ ᠨᠠᠮᠠᠶᠢ ᠡᠰᠡ ᠵᠢᠭ᠍ᠰᠢᠨᠡ᠃
2 ᠬᠥᠮᠦᠵᠢᠭᠦᠯᠵᠦ ᠥᠭᠭᠥᠭᠰᠡᠨ ᠡᠬᠡ ᠶᠢᠨ ᠳᠡᠭᠡᠨ ᠬᠥᠲᠥᠯᠵᠦ ᠴᠢᠮᠠᠶᠢ ᠠᠪᠠᠴᠢᠭᠠᠳ ᠠᠮᠲᠠᠲᠠᠨ ᠤ ᠳᠠᠷᠠᠰᠤ ᠠᠨᠠᠷ ᠤᠨ ᠢᠶᠠᠨ ᠰᠢᠭᠦᠰᠦ ᠶᠢ ᠤᠤᠭᠤᠯᠭᠠᠬᠤ ᠰᠠᠨ᠃
3 ᠵᠡᠭᠦᠨ ᠭᠠᠷ ᠨᠢ ᠲᠣᠯᠣᠭᠠᠢ ᠳᠣᠣᠷᠠ ᠮᠢᠨᠢ ᠵᠥᠪ ᠭᠠᠷ ᠨᠢ ᠨᠠᠮᠠᠶᠢ ᠲᠡᠪᠡᠷᠢᠨᠡ᠃
4 《ᠲᠠ ᠨᠠᠷ ᠢ ᠠᠨᠳᠠᠭᠠᠢᠯᠠᠭᠤᠯᠤᠶᠠ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠳ ᠡ ᠬᠠᠢᠷᠠ ᠶᠢ ᠮᠢᠨᠢ ᠬᠠᠨᠲᠠᠯᠠ ᠨᠢ ᠪᠢᠲᠡᠭᠡᠢ ᠥᠳᠥᠭᠡᠨ ᠰᠡᠷᠢᠭᠡᠭᠡ᠃》
〔ᠨᠠᠢᠵᠠ ᠨᠠᠷ᠄〕
5 《ᠬᠣᠩ᠋ᠭᠣᠷ ᠢᠶᠠᠨ ᠨᠠᠯᠠᠭᠰᠠᠭᠠᠷ ᠴᠥᠯ ᠡᠴᠡ ᠠᠢᠰᠤᠢ ᠬᠡᠨ ᠪᠣᠯ︖》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕 《ᠠᠯᠢᠮᠠ ᠶᠢᠨ ᠲᠡᠷᠡ ᠮᠣᠳᠣᠨ ᠳᠣᠣᠷᠠ ᠴᠢᠮᠠᠶᠢ ᠪᠢ ᠰᠡᠷᠢᠭᠡᠯᠡ ᠡᠵᠢ ᠨᠢ ᠡ᠊ᠨᠳᠡ ᠴᠢᠮᠠ ᠠᠴᠠ ᠪᠣᠯᠵᠤ ᠡᠪᠡᠳᠦᠭᠰᠡᠨ ᠡ᠊ᠨᠳᠡ ᠡᠪᠡᠳᠴᠦ᠂ ᠴᠢᠮᠠᠶᠢ ᠲᠥᠷᠥᠭᠦᠯᠦᠭᠰᠡᠨ᠃
6 ᠥᠪᠡᠷ ᠢ ᠮᠢᠨᠢ ᠴᠢ ᠥᠷᠥ ᠵᠢᠷᠦᠬᠡᠨ ᠳᠡᠭᠡᠨ ᠲᠠᠮᠠᠭᠠ ᠭᠠᠷ ᠳᠡᠭᠡᠷᠡ ᠪᠡᠨ ᠴᠤ ᠲᠠᠮᠠᠭᠠ ᠪᠣᠯᠭᠠᠨ ᠲᠠᠯᠪᠢ᠃ ᠬᠠᠢᠷᠠ ᠭᠡᠳᠡᠭ ᠨᠢ ᠦᠬᠦᠯ ᠮᠡᠲᠦ ᠬᠦᠴᠦᠲᠡᠢ ᠬᠠᠷᠠᠳᠠᠯᠭᠠ ᠦᠬᠦᠯ ᠦᠨ ᠣᠷᠣᠨ ᠮᠡᠲᠦ ᠬᠠᠷᠭᠢᠰ ᠤᠴᠢᠷ ᠲᠡᠭᠦᠨ ᠦ ᠳᠥᠯᠥ᠂ ᠲᠦᠢᠮᠡᠷ ᠦᠨ ᠳᠥᠯᠥ — ᠶᠣᠬᠣᠸᠠ ᠶᠢᠨ ᠭᠠᠯ᠃
7 ᠶᠡᠬᠡ ᠤᠰᠤ ᠨᠢ ᠪᠣᠯᠪᠠᠴᠤ ᠬᠠᠢᠷᠠ ᠶᠢ ᠤᠨᠲᠠᠷᠠᠭᠠᠵᠤ ᠡᠰᠡ ᠳᠡᠢᠯᠦᠨᠡ ᠦᠶᠡᠷ ᠤᠰᠤ ᠨᠢ ᠪᠣᠯᠪᠠᠴᠤ ᠵᠢᠪᠪᠦᠭᠦᠯᠵᠦ ᠲᠡᠭᠦᠨ ᠢ ᠦᠯᠦ ᠴᠢᠳᠠᠨᠠ ᠭᠡᠷ ᠬᠣᠭᠰᠢᠯ ᠪᠦᠭᠦᠳᠡ ᠪᠡᠨ ᠬᠠᠢᠷᠠ ᠶᠢᠨ ᠲᠥᠯᠥᠭᠡ ᠥᠭᠭᠥᠪᠡᠴᠦ ᠲᠡᠷᠡ ᠨᠢ ᠪᠠᠰᠤᠭᠳᠠᠨ ᠪᠠᠰᠤᠭᠳᠠᠬᠤ ᠪᠣᠯᠣᠨᠠ᠃》
〔ᠨᠠᠢᠵᠠ ᠨᠠᠷ᠄〕
8 《ᠬᠠᠷᠠᠬᠠᠨ ᠬᠥᠬᠥ ᠲᠠᠢ ᠪᠣᠯᠣᠭᠠ ᠦᠭᠡᠢ ᠵᠢᠭᠠᠬᠠᠨ ᠳᠡᠭᠦᠦ ᠮᠠᠨ ᠤ ᠬᠢᠨ ᠳᠤ ᠪᠤᠢ ᠲᠡᠭᠦᠨ ᠢ ᠤᠷᠤᠭ ᠭᠤᠶᠤᠬᠤ ᠶᠢᠨ ᠲᠡᠷᠡ ᠴᠠᠭ ᠲᠤ ᠳᠡᠭᠦᠦ ᠶᠢᠨ ᠢᠶᠠᠨ ᠲᠥᠯᠥᠭᠡ ᠪᠢᠳᠡ ᠶᠠᠭᠤ ᠬᠢᠬᠦ ᠪᠤᠢ︖
9 ᠬᠡᠷᠪᠡ ᠲᠡᠷᠡ ᠬᠠᠨᠠ ᠪᠠᠢᠭᠰᠠᠨ ᠪᠣᠯ᠂ ᠳᠡᠭᠡᠭᠦᠷ ᠨᠢ ᠮᠥᠩᠭᠥᠨ ᠴᠠᠢᠵᠠ ᠪᠠᠷᠢᠬᠤ ᠰᠠᠨ ᠬᠡᠷᠪᠡ ᠲᠡᠷᠡ ᠬᠠᠭᠠᠯᠭᠠ ᠶᠤᠮ ᠪᠣᠯ᠂ ᠲᠡᠭᠦᠨ ᠢ ᠪᠠᠨ ᠬᠤᠱᠢ ᠶᠢᠨ ᠪᠠᠩ᠋ᠵᠠ ᠪᠠᠷ ᠬᠠᠰᠢᠬᠤ ᠰᠠᠨ᠃》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
10 《ᠬᠠᠷᠢᠨ ᠪᠢ ᠬᠠᠨᠠ᠂ ᠬᠥᠬᠥ ᠮᠢᠨᠢ ᠴᠠᠮᠬᠠᠭ ᠶᠤᠮ ᠠᠮᠠᠷᠠᠭ ᠤᠨ ᠢᠶᠠᠨ ᠨᠢᠳᠦᠨ ᠳᠦ ᠪᠢ ᠠᠮᠤᠷ ᠢ ᠣᠯᠣᠭᠰᠠᠨ ᠪᠦᠰᠡᠭᠦᠢ ᠪᠣᠯᠵᠠᠢ᠃
11 ᠪᠠᠯ ᠬᠠᠮᠣᠨ 11 ᠳᠤ ᠰᠣᠯᠣᠮᠣᠨ ᠦᠵᠦᠮ ᠦᠨ ᠴᠡᠴᠡᠷᠯᠢᠭ ᠲᠠᠢ ᠴᠡᠴᠡᠷᠯᠢᠭ ᠢᠶᠠᠨ ᠲᠡᠷᠡ ᠠᠷᠠᠴᠢᠯᠠᠬᠤ ᠬᠥᠮᠦᠰ ᠲᠦ ᠥᠭᠴᠦ ᠬᠥᠮᠦᠨ ᠪᠦᠷᠢ ᠦᠷᠡ ᠵᠢᠮᠢᠰ ᠤᠨ ᠬᠢᠨᠢ ᠲᠥᠯᠥᠭᠡ ᠮᠥᠩᠭᠥᠨ ᠵᠣᠭᠣᠰ ᠮᠢᠩ᠋ᠭᠠ ᠶᠢ ᠥᠭᠳᠡᠭ ᠠᠵᠢ᠃
12 ᠥᠪᠡᠷ ᠲᠦ ᠮᠢᠨᠢ ᠪᠤᠢ ᠥᠪᠡᠷ ᠦᠨ ᠭᠡᠰᠡᠨ ᠦᠵᠦᠮ ᠦᠨ ᠴᠡᠴᠡᠷᠯᠢᠭ ᠥ ᠶᠠᠭᠠᠬᠢᠬᠤ ᠪᠤᠢ᠂ ᠰᠣᠯᠣᠮᠣᠨ᠂ ᠮᠢᠩ᠋ᠭᠠ ᠨᠢ ᠲᠠᠨ ᠤ ᠬᠢ ᠬᠣᠶᠠᠷ ᠵᠠᠭᠤ ᠨᠢ ᠦᠷᠡ ᠵᠢᠮᠢᠰ ᠠᠷᠠᠴᠢᠯᠠᠭᠴᠢᠳ ᠤᠨ ᠬᠢ᠃》
〔ᠠᠮᠠᠷᠠᠭ ᠵᠠᠯᠠᠭᠤ᠄〕
13 《ᠴᠡᠴᠡᠷᠯᠢᠭ ᠲᠤ ᠰᠠᠭᠤᠭᠴᠢ ᠡ ᠳᠠᠭᠤ ᠬᠣᠭᠣᠯᠠᠢ ᠶᠢ ᠴᠢᠨᠢ ᠨᠥᠬᠥᠳ ᠮᠠᠨᠢ ᠠᠩ᠋ᠬᠠᠷᠴᠤ ᠪᠠᠢᠨᠠ ᠨᠠᠳᠠ ᠳᠤ ᠴᠤ ᠰᠣᠨᠣᠰᠬᠠᠭᠠᠷᠠᠢ ᠳᠠ︕》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
14 《ᠬᠣᠩ᠋ᠭᠣᠷ ᠮᠢᠨᠢ᠂ ᠬᠤᠷᠳᠤᠯᠠᠭᠠᠴᠢ ᠦᠨᠦᠷᠲᠡᠨ ᠦ ᠠᠭᠤᠯᠠᠰ ᠤᠨ ᠳᠡᠭᠡᠷᠡᠬᠢ ᠭᠥᠷᠥᠭᠡᠰᠦ ᠵᠣᠷᠭᠣᠯ ᠮᠡᠲᠦ ᠪᠠᠢᠭᠠᠷᠠᠢ᠃》