ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ ᠳᠥᠷᠪᠡ
〔ᠠᠮᠠᠷᠠᠭ ᠵᠠᠯᠠᠭᠤ᠄〕
1 ᠬᠥᠭᠡᠷᠦᠬᠦᠨ ᠡ᠂ ᠬᠠᠨᠢ ᠮᠢᠨᠢ ᠬᠥᠭᠡᠷᠦᠬᠦᠨ ᠡ ᠬᠥᠷᠬᠥᠨ 6 ᠤ ᠴᠠᠭᠠᠨᠠ ᠪᠠᠨ ᠨᠢᠳᠦ ᠴᠢᠨᠢ ᠲᠠᠭᠲᠠᠭᠠᠨ ᠤ ᠬᠢ ᠡ ᠠᠰᠬᠠᠷᠠᠨ ᠪᠠᠭᠤᠬᠤ ᠭᠡᠵᠢᠭᠡ ᠴᠢᠨᠢ ᠭᠢᠯᠧᠶᠠᠳ᠋ ᠠᠭᠤᠯᠠ ᠠᠴᠠ ᠤᠷᠤᠭᠤᠳᠠᠬᠤ ᠢᠮᠠᠭᠠᠨ ᠰᠦᠷᠦᠭ ᠠᠳᠠᠯᠢ᠃
2 ᠰᠢᠳᠦ ᠴᠢᠨᠢ ᠬᠢᠷᠭᠠᠭᠤᠯᠵᠤ ᠤᠬᠢᠶᠠᠯᠭᠠᠭᠠᠳ ᠭᠠᠷᠤᠭᠰᠠᠨ ᠰᠦᠷᠦᠭ ᠬᠣᠨᠢ ᠠᠳᠠᠯᠢ ᠰᠤᠪᠠᠢᠷᠠᠯ ᠦᠭᠡᠢ ᠢᠬᠡᠷᠡᠯᠡᠭᠰᠡᠨ ᠯᠦᠭᠡ ᠠᠳᠠᠯᠢ᠂
3 ᠣᠷᠣᠭᠤᠯ ᠴᠢᠨᠢ ᠤᠯᠠᠭᠠᠬᠠᠨ ᠲᠠᠰᠠᠮᠠ ᠬᠣᠰᠢᠭᠤ ᠴᠢᠨᠢ ᠳᠤᠷᠠ ᠲᠠᠲᠠᠮᠠ ᠬᠠᠴᠠᠷ ᠨᠢ ᠬᠥᠷᠬᠥᠨ ᠴᠠᠭᠠᠨᠠ ᠪᠠᠨ ᠠᠨᠠᠷ ᠵᠢᠮᠢᠰᠦᠨ ᠵᠦᠰᠦᠮ᠃
4 ᠬᠦᠵᠦᠭᠦᠦ ᠴᠢᠨᠢ ᠳ᠋ᠠᠸᠢᠳ᠋ ᠬᠠᠭᠠᠨ ᠤ ᠬᠦᠴᠦᠲᠦ ᠡᠷᠡᠰ ᠦᠨ ᠮᠢᠩ᠋ᠭᠠᠨ ᠲᠣᠯᠢ 7 ᠪᠠᠮᠪᠠᠢ ᠡᠯᠭᠦᠭᠰᠡᠨ ᠪᠠᠭᠠᠨᠠ 8 ᠠᠳᠠᠯᠢ᠃
5 ᠢᠵᠢᠯᠢᠬᠡᠨ ᠬᠥᠬᠥ ᠨᠢ ᠰᠠᠷᠠᠨᠠ ᠴᠡᠴᠡᠭ ᠦᠨ ᠳᠤᠮᠳᠠ ᠢᠳᠡᠰᠢᠯᠡᠨ ᠪᠠᠢᠭᠠ ᠢᠬᠡᠷᠡ ᠢᠨᠵᠠᠭᠠ ᠮᠡᠲᠦ
6 ᠡᠳᠦᠷ ᠠᠮᠢᠰᠬᠤᠯᠯᠠᠵᠤ᠂ ᠰᠡᠭᠦᠳᠡᠷ ᠳᠠᠢᠵᠢᠬᠤ ᠠᠴᠠ ᠤᠷᠢᠲᠠᠨ ᠮᠢᠷᠷᠠ ᠶᠢᠨ ᠠᠭᠤᠯᠠᠰ᠂ ᠭᠦᠭᠦᠯ ᠦᠨ ᠲᠣᠯᠣᠭᠠᠳ ᠢᠶᠠᠷ ᠮᠢᠨᠦ ᠪᠡᠶᠡ ᠬᠥᠳᠡᠯᠦᠨ ᠣᠳᠣᠨᠠ᠃
7 ᠬᠠᠨᠢ ᠮᠢᠨᠢ ᠲᠡᠭᠦᠰ ᠰᠠᠢᠬᠠᠨ ᠴᠢᠮᠠ ᠳᠤ ᠮᠢᠨᠢ ᠥ ᠦᠭᠡᠢ᠃
8 ᠬᠠᠮᠲᠤ ᠳᠠᠭᠠᠨ ᠯᠧᠪᠠᠨᠣᠨ ᠠᠴᠠ ᠨᠠᠳᠠ ᠲᠠᠢ ᠰᠦᠢᠲᠦ ᠪᠦᠰᠡᠭᠦᠢ ᠮᠢᠨᠢ ᠡ᠂ ᠯᠧᠪᠠᠨᠣᠨ ᠠᠴᠠ ᠨᠠᠳᠠ ᠲᠠᠢ ᠶᠠᠪᠤᠭᠠᠴᠢ ᠠᠮᠠᠨᠠ ᠶᠢᠨ 9 ᠣᠷᠭᠢᠯ ᠠᠴᠠ ᠰᠧᠨᠢᠷ᠂ ᠾᠧᠷᠮᠣᠨ ᠤ ᠣᠷᠣᠢ ᠠᠴᠠ ᠠᠷᠰᠯᠠᠨ ᠤ ᠡᠭᠦᠷ ᠡᠴᠡ ᠪᠠᠷᠰ ᠤᠨ ᠠᠭᠤᠯᠠᠨ ᠠᠴᠠ ᠪᠠᠭᠤᠵᠤ ᠢᠷᠡᠭᠡᠴᠢ᠃
9 ᠰᠦᠢᠲᠦ ᠪᠦᠰᠡᠭᠦᠢ ᠳᠡᠭᠦᠦᠳᠡᠢ ᠮᠢᠨᠢ ᠴᠢ ᠵᠢᠷᠦᠬᠡ ᠶᠢ ᠮᠢᠨᠢ ᠡᠵᠡᠮᠳᠡᠪᠡ ᠵᠥᠪᠬᠡᠨ ᠭᠠᠭᠴᠠ ᠬᠠᠷᠠᠴᠠ ᠪᠠᠷ ᠢᠶᠠᠨ ᠵᠡᠭᠦᠯᠲᠡ ᠶᠢᠨ ᠭᠠᠭᠴᠠ ᠮᠥᠬᠥᠯᠢᠭ ᠢᠶᠠᠷ ᠢᠶᠠᠨ ᠵᠢᠷᠦᠬᠡ ᠶᠢ ᠮᠢᠨᠢ ᠡᠵᠡᠮᠳᠡᠪᠡ᠃
10 ᠢᠨᠠᠭ ᠬᠠᠢᠷᠠ ᠴᠢᠨᠢ ᠶᠠᠭᠤᠲᠠᠢ ᠭᠣᠶᠣᠬᠠᠨ ᠰᠦᠢᠲᠦ ᠪᠦᠰᠡᠭᠦᠢ ᠳᠡᠭᠦᠦᠳᠡᠢ ᠮᠢᠨᠢ ᠡ ᠢᠨᠠᠭ ᠬᠠᠢᠷᠠ ᠴᠢᠨᠢ ᠳᠠᠷᠠᠰᠤᠨ ᠠᠴᠠ ᠠᠩᠬᠢᠯᠤᠮᠠ ᠲᠣᠰᠣ ᠴᠢᠨᠢ ᠶᠠᠮᠠᠷ ᠴᠤ ᠦᠨᠦᠷᠲᠡᠨ ᠡᠴᠡ ᠢᠯᠡᠭᠦᠦ︕
11 ᠣᠷᠣᠭᠤᠯ ᠠᠴᠠ ᠴᠢᠨᠢ ᠪᠠᠯ ᠳᠤᠰᠤᠯᠠᠮᠠ᠂ ᠰᠦᠢᠲᠦ ᠪᠦᠰᠡᠭᠦᠢ ᠮᠢᠨᠢ ᠪᠠᠯ ᠰᠦ᠋ ᠬᠣᠶᠠᠷ ᠴᠢᠨᠦ ᠮᠢᠨᠢ ᠬᠡᠯᠡ ᠳᠣᠣᠷᠠ ᠪᠠᠰᠠ ᠡᠮᠦᠰᠬᠡᠯ ᠦᠨ ᠴᠢᠨᠢ ᠠᠩᠬᠢᠯᠤᠭᠠᠨ ᠨᠢ ᠯᠧᠪᠠᠨᠣᠨ ᠤ ᠠᠩᠬᠢᠯᠤᠭ ᠠᠳᠠᠯᠢ᠂
12 ᠰᠦᠢᠲᠦ ᠪᠦᠰᠡᠭᠦᠢ ᠳᠡᠭᠦᠦᠳᠡᠢ ᠴᠢ ᠮᠢᠨᠢ ᠬᠠᠭᠠᠯᠲᠠ ᠲᠠᠢ ᠴᠡᠴᠡᠷᠯᠢᠭ ᠬᠠᠭᠠᠯᠲᠠ ᠲᠠᠢ ᠬᠤᠳᠳᠤᠭ ᠬᠠᠪᠬᠠᠭᠠᠰᠤ ᠲᠠᠢ ᠪᠤᠯᠠᠭ᠃
13 ᠴᠢᠨᠦ ᠮᠢᠨᠢ ᠰᠦᠶᠡ ᠨᠦᠭᠦᠳ ᠠᠨᠠᠷ ᠤᠨ ᠴᠡᠴᠡᠷᠯᠢᠭ ᠰᠢᠯᠢᠮᠡᠯ ᠵᠢᠮᠢᠰ ᠲᠠᠢ ᠰᠤᠮᠤᠨ ᠴᠡᠴᠡᠭ ᠬᠦᠵᠢᠯᠢᠭ ᠡᠪᠡᠰᠦ ᠲᠠᠢ
14 ᠵᠢᠳᠠ ᠬᠢᠭᠡᠳ ᠭᠦᠷᠭᠦᠮ ᠴᠡᠴᠡᠭ ᠵᠢᠭᠠᠷᠲᠤ ᠮᠣᠳᠣ ᠪᠣᠯᠣᠨ ᠭᠠᠪᠢᠷᠠ ᠭᠦᠭᠦᠯ ᠪᠣᠯᠣᠨ ᠵᠠᠭᠤᠨ ᠨᠠᠰᠤᠲᠤ ᠨᠤᠭᠤᠳ ᠬᠠᠮᠤᠭ ᠲᠠᠩᠰᠤᠭ ᠦᠨᠦᠷᠲᠡᠨ
15 ᠴᠡᠴᠡᠷᠯᠢᠭ ᠤᠨ ᠪᠤᠯᠠᠭ᠂ ᠠᠮᠢᠳᠤ ᠤᠰᠤᠨ ᠬᠤᠳᠳᠤᠭ ᠯᠧᠪᠠᠨᠣᠨ ᠤ ᠤᠨᠳᠤᠷᠤᠭᠠ᠃》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
16 《ᠤᠮᠠᠷᠠ ᠶᠢᠨ ᠰᠠᠯᠬᠢ ᠪᠣᠰᠲᠤᠭᠠᠢ ᠡᠮᠦᠨᠡ ᠶᠢᠨ ᠰᠠᠯᠬᠢ ᠴᠤ ᠢᠷᠡᠲᠦᠭᠡᠢ ᠴᠡᠴᠡᠷᠯᠢᠭ ᠲᠤ ᠮᠢᠨᠢ ᠰᠡᠪᠰᠡᠭᠦᠯᠦᠨ ᠰᠡᠩᠬᠢ ᠦᠨᠦᠷ ᠢ ᠨᠢ ᠲᠠᠷᠬᠠᠭᠠᠲᠤᠭᠠᠢ ᠬᠣᠩ᠋ᠭᠣᠷ ᠮᠢᠨᠢ ᠴᠡᠴᠡᠷᠯᠢᠭ ᠲᠡᠭᠡᠨ ᠢᠷᠡᠭᠡᠰᠡᠢ ᠠᠮᠲᠠᠲᠠᠢᠬᠠᠨ ᠵᠢᠮᠢᠰ ᠢ ᠨᠢ ᠢᠲᠡᠭᠡᠰᠡᠢ᠃》