ᠳᠠᠭᠤᠤ ᠨᠤᠭᠤᠳ ᠤᠨ ᠳᠠᠭᠤᠤ ᠲᠠᠪᠤ
〔ᠠᠮᠠᠷᠠᠭ ᠵᠠᠯᠠᠭᠤ᠄〕
1 《ᠴᠡᠴᠡᠷᠯᠢᠭ ᠲᠡᠭᠡᠨ ᠪᠢ ᠣᠷᠣᠯᠠ ᠰᠦᠢᠲᠦ ᠳᠡᠭᠦᠦᠳᠡᠢ ᠮᠢᠨᠢ ᠡ ᠮᠢᠷᠷᠠ ᠦᠨᠦᠷᠲᠡᠨ ᠢᠶᠡᠨ ᠪᠢ ᠬᠤᠷᠢᠶᠠᠯᠠ ᠰᠠᠷᠬᠢᠨᠠᠭ ᠢᠶᠠᠨ ᠪᠠᠯ ᠲᠠᠢ ᠪᠠᠨ ᠢᠳᠡᠯᠡ ᠳᠠᠷᠠᠰᠤ ᠪᠠᠨ ᠰᠦ᠋ ᠲᠠᠢ ᠪᠠᠨ ᠤᠤᠭᠤᠯᠠ᠃》
〔ᠨᠠᠢᠵᠠ ᠨᠠᠷ᠄〕 ᠢᠳᠡᠵᠡᠭᠡ᠂ ᠠᠨᠳᠠ ᠨᠠᠷ ᠮᠢᠨᠢ ᠤᠤᠭᠤᠵᠠᠭᠠ᠂ ᠬᠠᠨᠲᠠᠯᠠ ᠪᠠᠨ ᠤᠤᠭᠤᠵᠠᠭᠠ᠂ ᠬᠠᠢᠷᠠᠲᠤ ᠨᠤᠭᠤᠳ ᠡ᠃
ᠬᠠᠢᠷᠠ ᠶᠢᠨ ᠲᠥᠯᠥᠪᠰᠢᠷᠡᠯ
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
2 《ᠬᠠᠷᠢᠨ ᠪᠢ ᠵᠡᠭᠦᠷᠮᠡᠭᠯᠡᠨ ᠪᠠᠢᠪᠠ ᠵᠢᠷᠦᠬᠡ ᠮᠢᠨᠢ ᠰᠡᠷᠡᠭᠦᠨ ᠪᠠᠢᠯᠠ ᠰᠣᠨᠣᠰᠣᠭᠠᠴᠢ︕ ᠠᠮᠠᠷᠠᠭ ᠮᠢᠨᠢ ᠲᠣᠭᠰᠢᠵᠤ ᠪᠠᠢᠨᠠ 〈ᠳᠡᠭᠦᠦᠳᠡᠢ ᠮᠢᠨᠢ᠂ ᠬᠠᠨᠢ ᠮᠢᠨᠢ ᠣᠩ᠋ᠭᠣᠢᠯᠭᠠᠭᠠᠷᠠᠢ᠂ ᠥ᠂ ᠲᠠᠭᠲᠠᠭᠠᠬᠠᠨ ᠮᠢᠨᠢ᠂ ᠥ ᠦᠭᠡᠢ ᠴᠢ ᠮᠢᠨᠢ︕ ᠥᠪᠡᠷ ᠦᠨ ᠮᠢᠨᠢ ᠲᠣᠯᠣᠭᠠᠢ ᠶᠢ ᠰᠢᠭᠦᠳᠡᠷᠢ ᠪᠦᠷᠢᠭᠡᠳ ᠦᠳᠡᠰᠢ ᠶᠢᠨ ᠴᠢᠭᠢᠭ ᠲᠤ ᠭᠡᠵᠢᠭᠡ ᠮᠢᠨᠢ ᠨᠣᠷᠴᠠᠢ〉 ᠭᠡᠨᠡ᠃
3 ᠲᠡᠷᠯᠢᠭ ᠢᠶᠠᠨ ᠪᠢ ᠲᠠᠢᠯᠴᠢᠬᠠᠭᠰᠠᠨ ᠳᠠᠬᠢᠭᠠᠳ ᠡᠮᠦᠰᠴᠦ ᠶᠠᠭᠠᠬᠢᠬᠤ ᠶᠤᠮ ᠪᠤᠢ︖ ᠬᠥᠯ ᠢᠶᠡᠨ ᠪᠠᠰᠠ ᠤᠬᠢᠶᠠᠴᠢᠬᠠᠭᠰᠠᠨ ᠭᠬᠢᠷ ᠪᠣᠯᠭᠠᠵᠤ ᠶᠠᠭᠠᠬᠢᠬᠤ ᠶᠤᠮ ᠪᠤᠢ︖
4 ᠬᠣᠩ᠋ᠭᠣᠷ ᠮᠢᠨᠢ ᠭᠠᠷ ᠢᠶᠠᠨ ᠬᠠᠲᠠᠪᠴᠢ ᠪᠠᠷ ᠶᠠᠪᠤᠭᠤᠯᠤᠯᠠ ᠬᠠᠷᠢᠨ ᠳᠣᠲᠣᠷᠠ ᠮᠢᠨᠢ ᠪᠣᠯᠭᠢᠯᠠᠯᠠ᠂
5 ᠬᠣᠩ᠋ᠭᠣᠷ ᠲᠠᠭᠠᠨ ᠣᠩ᠋ᠭᠣᠢᠯᠭᠠᠬᠤ ᠪᠠᠷ ᠪᠣᠰᠣᠯᠠ ᠬᠣᠶᠠᠷ ᠭᠠᠷ ᠠᠴᠠ ᠮᠢᠨᠢ ᠮᠢᠷᠷᠠ ᠳᠤᠰᠤᠯᠠᠯᠠ ᠬᠤᠷᠤᠭᠤ ᠨᠤᠭᠤᠳ ᠮᠢᠨᠢ ᠮᠢᠷᠷᠠ ᠶᠢ ᠬᠠᠭᠠᠯᠭᠠᠨ ᠤ ᠪᠠᠷᠢᠭᠤᠯ ᠳᠡᠭᠡᠷᠡ ᠳᠤᠰᠤᠭᠠᠯᠠ᠃
6 ᠬᠣᠩ᠋ᠭᠣᠷ ᠲᠠᠭᠠᠨ ᠪᠢ ᠣᠩ᠋ᠭᠣᠢᠯᠭᠠᠯᠠ ᠬᠠᠷᠢᠨ ᠬᠣᠩ᠋ᠭᠣᠷ ᠮᠢᠨᠢ ᠶᠠᠪᠤᠴᠢᠬᠠᠵᠠᠢ︕ ᠡᠷᠭᠢᠭᠡᠳ ᠲᠡᠷᠡ ᠶᠠᠪᠤᠬᠤ ᠳᠤᠨᠢ ᠡᠭᠡᠭᠡ ᠯᠠ ᠤᠬᠠᠭᠠᠨ ᠠᠯᠳᠠᠭᠰᠠᠨ ᠦᠭᠡᠢ ᠬᠠᠢᠭᠠᠳ ᠴᠤ ᠲᠡᠭᠦᠨ ᠢ ᠪᠠᠨ ᠣᠯᠣᠭᠰᠠᠨ ᠦᠭᠡᠢ ᠬᠠᠰᠬᠢᠷᠤᠭᠠᠳ ᠴᠤ ᠲᠡᠷᠡ ᠬᠠᠷᠢᠭᠤᠯᠤᠭᠰᠠᠨ ᠦᠭᠡᠢ᠃
7 ᠭᠡᠲᠡᠯᠡ ᠨᠠᠳᠠ ᠲᠠᠢ ᠲᠠᠭᠠᠷᠠᠪᠠ᠂ ᠬᠣᠲᠠ ᠡᠷᠭᠢᠬᠦ ᠬᠠᠷᠠᠭᠤᠯ ᠤᠨ ᠬᠢᠨ ᠭᠡᠮᠲᠦᠯ ᠰᠢᠷᠬᠠ ᠣᠯᠲᠠᠯᠠ ᠲᠡᠳᠡ ᠨᠠᠮᠠᠶᠢ ᠵᠣᠳᠣᠪᠠ ᠬᠡᠪᠡᠨᠡᠭ ᠢ ᠮᠢᠨᠢ ᠨᠠᠳᠠ ᠠᠴᠠ ᠬᠡᠷᠡᠮ ᠦᠨ ᠮᠠᠨᠠᠭᠠᠴᠢᠳ ᠬᠠᠭᠤᠯᠪᠠ᠃
8 ᠲᠠ ᠨᠠᠷ ᠠᠴᠠ ᠭᠤᠶᠤᠶᠠ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠳ ᠡ ᠲᠠᠭᠠᠷᠠᠯᠳᠤᠬᠤ ᠶᠤᠮ ᠪᠣᠯ ᠬᠠᠢᠷᠠᠲᠤ ᠳᠤ ᠮᠢᠨᠢ ᠳᠤᠷᠠᠯᠠᠯ ᠳᠠᠭᠠᠨ ᠪᠣᠯᠣᠭᠠᠳ ᠪᠡᠲᠡᠷᠡᠵᠦ ᠪᠤᠢ ᠶᠢ ᠮᠢᠨᠢ ᠳᠤᠭᠤᠯᠭᠠᠭᠠᠷᠠᠢ ᠯᠠ ᠭᠡᠰᠡᠨ ᠶᠤᠮ᠃》
〔ᠨᠠᠢᠵᠠ ᠨᠠᠷ᠄〕
9 《ᠢᠨᠠᠭ ᠴᠢᠨᠢ ᠢᠨᠠᠭ ᠠᠴᠠ ᠢᠯᠭᠠᠭᠠ ᠨᠢ ᠶᠠᠭᠤ ᠪᠤᠢ︖ ᠶᠠᠩᠵᠤ ᠶᠢᠨ ᠰᠠᠢᠬᠠᠨ ᠪᠦᠰᠡᠭᠦᠢ ᠮᠢᠨᠢ ᠢᠨᠠᠭ ᠴᠢᠨᠢ ᠢᠨᠠᠭ ᠠᠴᠠ ᠢᠯᠭᠠᠭᠠ ᠨᠢ ᠶᠠᠭᠤ ᠪᠤᠢ︖ ᠶᠠᠭᠠᠬᠢᠬᠤ ᠭᠡᠵᠦ ᠪᠢᠳᠡᠨ ᠢ ᠭᠤᠶᠤᠵᠤ ᠪᠠᠢᠨᠠ ᠪᠤᠢ︖》
〔ᠬᠣᠩ᠋ᠭᠣᠷ ᠪᠦᠰᠡᠭᠦᠢ᠄〕
10 《ᠬᠣᠩ᠋ᠭᠣᠷ ᠮᠢᠨᠢ ᠤᠯᠠᠭᠠ ᠪᠤᠲᠠᠷᠠᠨ ᠲᠦᠮᠡᠨ ᠦ ᠳᠤᠮᠳᠠ ᠪᠠᠨ ᠲᠣᠳᠣ᠂
11 ᠲᠣᠯᠣᠭᠠᠢ ᠨᠢ ᠭᠡᠪᠡᠯ ᠰᠢᠵᠢᠷ ᠠᠯᠲᠠ ᠳᠣᠯᠭᠢᠶᠠᠯᠠᠭ ᠦᠰᠦ ᠨᠢ ᠬᠡᠷᠢᠶᠡ ᠠᠳᠠᠯᠢ ᠬᠠᠷᠠᠬᠠᠨ᠃
12 ᠬᠣᠶᠠᠷ ᠨᠢᠳᠦ ᠨᠢ ᠭᠣᠣᠯ ᠤᠨ ᠬᠥᠪᠡᠭᠡᠨ ᠦ ᠬᠣᠣᠰ ᠲᠠᠭᠲᠠᠭᠠ ᠰᠦ᠋ ᠳᠤ ᠤᠬᠢᠶᠠᠵᠤ ᠰᠠᠭᠤᠯᠭᠠᠭᠰᠠᠨ ᠰᠢᠭᠢᠳᠬᠡᠭᠡ ᠠᠳᠠᠯᠢ᠃
13 ᠬᠣᠶᠠᠷ ᠬᠠᠴᠠᠷ ᠨᠢ ᠭᠡᠪᠡᠰᠦ ᠠᠩᠬᠢᠯᠤᠮᠠ ᠦᠨᠦᠷᠲᠡᠨ ᠦ ᠮᠠᠨᠳᠠᠯ ᠠᠩᠬᠢᠯᠤᠭᠤᠨ ᠴᠡᠴᠡᠭᠡᠰ ᠦᠨ ᠴᠣᠭᠴᠠᠯᠠᠯ ᠣᠷᠣᠭᠤᠯ ᠨᠢ ᠭᠡᠪᠡᠯ ᠤᠷᠤᠰᠬᠤ ᠮᠢᠷᠷᠠ ᠶᠢ ᠤᠨᠳᠤᠷᠠᠭᠠᠬᠤ ᠰᠠᠷᠠᠨᠠ᠃
14 ᠮᠤᠲᠤᠷ ᠨᠢ ᠭᠡᠪᠡᠯ ᠮᠣᠯᠣᠷ ᠰᠢᠭᠢᠳᠬᠡᠭᠰᠡᠨ ᠠᠯᠲᠠᠨ ᠲᠠᠶᠠᠭ ᠪᠡᠶᠡ ᠨᠢ ᠭᠡᠪᠡᠯ ᠪᠢᠳᠦᠷᠶᠡ ᠪᠡᠷ ᠪᠦᠷᠢᠭᠰᠡᠨ ᠵᠠᠭᠠᠨ ᠤ ᠶᠠᠰᠤᠨ ᠰᠡᠢᠯᠪᠦᠷᠢ᠃
15 ᠰᠢᠯᠪᠢ ᠭᠤᠶᠠ ᠨᠢ ᠪᠣᠯᠬᠤ ᠪᠠᠷ ᠰᠢᠵᠢᠷ ᠠᠯᠲᠠᠨ ᠰᠠᠭᠤᠷᠢ ᠲᠠᠢ ᠭᠠᠨᠲᠢᠭ ᠴᠢᠯᠠᠭᠤᠨ ᠲᠤᠯᠭᠠᠭᠤᠷᠢ ᠳᠦᠷᠢ ᠨᠢ ᠯᠧᠪᠠᠨᠣᠨ ᠰᠢᠭ᠋᠂ ᠪᠠᠰᠠ ᠬᠤᠱᠢ ᠮᠡᠲᠦ ᠰᠢᠯᠢᠳᠡᠭ᠃
16 ᠠᠮᠠ ᠨᠢ ᠰᠢᠬᠢᠷ ᠪᠤᠷᠠᠮ ᠥᠪᠴᠢ ᠪᠠᠷ ᠢᠶᠠᠨ ᠬᠠᠢᠷᠠ ᠶᠢ ᠲᠠᠲᠠᠮᠠ ᠠᠮᠠᠷᠠᠭ ᠮᠢᠨᠢ ᠡᠨᠡ ᠡ᠂ ᠠᠨᠳᠠ ᠮᠢᠨᠢ ᠡᠢᠮᠦ ᠡ ᠶᠧᠷᠦ᠋ᠰᠠᠯᠧᠮ ᠤᠨ ᠥᠬᠢᠳ ᠡ᠃》