ᠬᠣᠶᠠᠳᠤᠭᠠᠷ ᠺᠣᠷᠢᠨᠲ ᠠᠷᠪᠠᠨ ᠨᠢᠭᠡ
ᠬᠠᠭᠤᠷᠮᠠᠭ ᠰᠢᠳᠠᠷ ᠱᠠᠪᠢ ᠨᠠᠷ
1 ᠥᠴᠦᠬᠡᠨ ᠮᠤᠩ᠋ᠬᠠᠭᠯᠠᠯ ᠢ ᠮᠢᠨᠢ ᠲᠠ ᠨᠠᠷ ᠠᠭᠤᠴᠢᠯᠠᠨᠠ ᠤᠤ︖ ᠠᠭᠤᠴᠢᠯᠠᠭᠠᠴᠢ᠃ 2 ᠪᠢ ᠪᠤᠷᠬᠠᠨ ᠤ ᠬᠠᠷᠠᠳᠠᠯᠲᠠ ᠪᠠᠷ ᠲᠠ ᠨᠠᠷ ᠢ ᠬᠠᠷᠠᠳᠠᠵᠤ ᠪᠠᠢᠨᠠ᠂ ᠤᠴᠢᠷ ᠨᠢ᠂ ᠪᠢ ᠲᠠ ᠨᠠᠷ ᠢ ᠣᠩ᠋ᠭᠣᠨ ᠪᠠᠢᠳᠠᠯ ᠢᠶᠠᠷ ᠴᠢᠨᠢ ᠨᠢᠭᠡ ᠡᠷᠡ᠂ ᠲᠤᠬᠠᠢᠯᠠᠪᠠᠯ ᠾᠷᠢᠰᠲ᠋ᠣᠰ ᠲᠠᠢ ᠨᠡᠢᠯᠡᠭᠦᠯᠬᠦ ᠭᠡᠵᠦ ᠰᠦᠢ ᠲᠠᠯᠪᠢᠭᠰᠠᠨ ᠶᠤᠮ᠃ 3 ᠬᠠᠷᠢᠨ ᠬᠠᠸᠠ ᠮᠣᠭᠠᠢ ᠶᠢᠨ ᠪᠠᠴᠢ ᠳᠤ ᠮᠡᠬᠡᠯᠡᠭᠳᠡᠭᠰᠡᠨ ᠮᠡᠲᠦ᠂ ᠲᠠ ᠨᠠᠷ ᠤᠨ ᠰᠠᠨᠠᠭᠠ ᠾᠷᠢᠰᠲ᠋ᠣᠰ ᠲᠤ ᠬᠠᠨᠳᠤᠭᠰᠠᠨ ᠴᠠᠢᠯᠭᠠᠨ᠂ ᠠᠷᠢᠭᠤᠨ ᠪᠠᠢᠳᠠᠯ ᠠᠴᠠ ᠪᠠᠨ ᠮᠠᠭᠤᠳᠠᠬᠤ ᠠᠴᠠ ᠪᠢ ᠠᠶᠤᠵᠤ ᠪᠠᠢᠨᠠ᠃ 4 ᠤᠴᠢᠷ ᠨᠢ᠂ ᠬᠡᠨ ᠨᠢᠭᠡ ᠨᠢ ᠢᠷᠡᠭᠡᠳ ᠪᠢᠳᠡᠨ ᠦ ᠤᠯᠠᠮᠵᠢᠯᠠᠭᠰᠠᠨ ᠠᠴᠠ ᠥᠭᠡᠷᠡ ᠢᠰᠦ᠋ᠰ ᠢ ᠤᠯᠠᠮᠵᠢᠯᠠᠭᠰᠠᠨ ᠴᠤ᠂ ᠲᠠ ᠨᠠᠷ ᠤᠨ ᠬᠦᠷᠲᠡᠭᠰᠡᠨ ᠡᠴᠡ ᠥᠭᠡᠷᠡ ᠰᠦᠨᠡᠰᠦ ᠶᠢ ᠬᠦᠷᠲᠡᠭᠡᠭᠰᠡᠨ ᠴᠤ᠂ ᠲᠠ ᠨᠠᠷ ᠤᠨ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠠᠴᠠ ᠥᠭᠡᠷᠡ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠬᠦᠯᠢᠶᠡᠨ ᠠᠪᠤᠭᠤᠯᠤᠭᠰᠠᠨ ᠴᠤ ᠲᠠ ᠨᠠᠷ ᠠᠮᠠᠷᠬᠠᠨ ᠵᠥᠪᠰᠢᠶᠡᠷᠡᠳᠡᠭ ᠶᠤᠮ᠃ 5 ᠲᠡᠳᠡᠭᠡᠷ ᠠᠭᠤᠤ ᠶᠡᠬᠡ ᠰᠢᠳᠠᠷ ᠱᠠᠪᠢ 7 ᠭᠡᠭᠴᠢ ᠡᠴᠡ ᠶᠠᠭᠤ ᠪᠠᠷ ᠴᠤ ᠳᠤᠲᠠᠬᠤ ᠦᠭᠡᠢ ᠭᠡᠵᠦ ᠪᠢ ᠥᠪᠡᠷ ᠢ ᠪᠠᠨ ᠦᠵᠡᠳᠡᠭ᠃ 6 ᠪᠢ ᠬᠡᠯᠡ ᠶᠠᠷᠢᠶᠠᠨ ᠳᠠᠭᠠᠨ ᠪᠢᠳᠠᠭᠤ ᠭᠡᠭᠳᠡᠳᠡᠭ ᠴᠤ᠂ ᠮᠡᠳᠡᠯᠭᠡ ᠪᠡᠷ ᠲᠡᠢᠮᠦ ᠪᠢᠰᠢ ᠭᠡᠳᠡᠭ ᠢᠶᠡᠨ ᠲᠠ ᠨᠠᠷ ᠲᠤ ᠪᠦᠬᠦ ᠲᠠᠯᠠ ᠪᠠᠷ ᠭᠦᠢᠴᠡᠳ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃
7 ᠪᠢ ᠲᠠ ᠨᠠᠷ ᠢ ᠳᠡᠭᠡᠳᠦᠯᠡᠬᠦ ᠶᠢᠨ ᠲᠤᠯᠠᠳᠠ ᠥᠪᠡᠷ ᠢ ᠪᠠᠨ ᠳᠣᠣᠷᠠᠳᠤ ᠪᠣᠯᠭᠠᠵᠤ ᠪᠤᠷᠬᠠᠨ ᠤ ᠪᠠᠶᠠᠷ ᠤᠨ ᠮᠡᠳᠡᠭᠡ ᠶᠢ ᠦᠨᠡ ᠦᠭᠡᠢ ᠤᠯᠠᠮᠵᠢᠯᠠᠭᠰᠠᠨ ᠨᠢ ᠨᠢᠭᠦᠯ ᠦᠢᠯᠡᠳᠦᠭᠰᠡᠨ ᠭᠡᠵᠢ ᠤᠤ︖ 8 ᠪᠢ ᠲᠠ ᠨᠠᠷ ᠲᠤ ᠦᠢᠯᠡᠴᠢᠯᠡᠬᠦ ᠶᠢᠨ ᠲᠤᠯᠠᠳᠠ ᠪᠤᠰᠤᠳ ᠴᠢᠭᠤᠯᠭᠠᠨ ᠠᠴᠠ ᠬᠥᠯᠥᠰᠥ ᠠᠪᠤᠭᠰᠠᠨ ᠨᠢ ᠲᠡᠳᠡᠨ ᠢ ᠴᠥᠯᠪᠡᠭᠰᠡᠨ ᠬᠡᠷᠡᠭ ᠪᠤᠶᠤ᠃ 9 ᠪᠢ ᠲᠠ ᠨᠠᠷ ᠲᠠᠢ ᠬᠠᠮᠲᠤ ᠪᠠᠢᠬᠤ ᠳᠠᠭᠠᠨ ᠭᠠᠴᠢᠭᠳᠠᠯ ᠲᠠᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠬᠡᠨ ᠳᠦ ᠴᠤ ᠳᠠᠷᠤᠭᠠᠰᠤ ᠪᠣᠯᠣᠭᠰᠠᠨ ᠦᠭᠡᠢ᠂ ᠮᠠᠺᠧᠳᠣᠨᠢᠶᠠ ᠠᠴᠠ ᠢᠷᠡᠭᠰᠡᠨ ᠠᠬᠠ ᠳᠡᠭᠦᠦᠰ ᠭᠠᠴᠢᠭᠳᠠᠯ ᠢ ᠮᠢᠨᠢ ᠨᠥᠬᠥᠭᠰᠡᠨ ᠶᠤᠮ᠃ ᠪᠢ ᠠᠯᠢ ᠲᠠᠯᠠ ᠪᠠᠷ ᠴᠤ ᠲᠠ ᠨᠠᠷ ᠲᠤ ᠲᠡᠭᠡᠭᠡᠷᠡ ᠪᠣᠯᠬᠤ ᠦᠭᠡᠢ ᠶᠢᠨ ᠲᠤᠯᠠᠳᠠ ᠬᠢᠴᠢᠶᠡᠭᠰᠡᠨ ᠪᠥᠭᠡᠳ ᠴᠠᠭᠠᠰᠢᠳᠠ ᠴᠤ ᠬᠢᠴᠢᠶᠡᠨᠡ᠃ 10 ᠪᠢ ᠮᠢᠨᠦ ᠳᠣᠲᠣᠷᠠᠬᠢ ᠾᠷᠢᠰᠲ᠋ᠣᠰ ᠤᠨ ᠦᠨᠡᠨ ᠢᠶᠡᠷ ᠪᠠᠲᠤᠯᠠᠶᠠ᠃ ᠠᠺᠠᠢᠶᠠ ᠶᠢᠨ ᠨᠤᠲᠤᠭ ᠤᠳ ᠲᠤ ᠮᠢᠨᠦ ᠡᠨᠡ ᠰᠠᠢᠷᠬᠠᠯ ᠢ ᠬᠣᠷᠢᠭᠯᠠᠬᠤ ᠬᠥᠮᠦᠨ ᠦᠭᠡᠢ ᠶᠤᠮ᠃ 11 ᠶᠠᠭᠤᠨ ᠳᠤ ᠪᠢ ᠲᠡᠭᠡᠳᠡᠭ ᠪᠤᠢ︖ ᠪᠢ ᠲᠠ ᠨᠠᠷ ᠲᠤ ᠬᠠᠢᠷᠠ ᠦᠭᠡᠢ ᠳᠡᠭᠡᠨ ᠤᠤ︖ ᠪᠤᠷᠬᠠᠨ ᠮᠡᠳᠡᠨᠡ᠃
12 ᠬᠠᠷᠢᠨ ᠪᠢ ᠬᠢᠵᠦ ᠪᠠᠢᠭᠠ ᠪᠠᠨ ᠦᠷᠭᠦᠯᠵᠢᠯᠡᠨ ᠬᠢᠨᠡ᠂ ᠢᠩᠭᠢᠭᠰᠡᠨ ᠢᠶᠡᠷ ᠪᠢᠳᠡᠨ ᠲᠡᠢ ᠠᠳᠠᠯᠢ ᠬᠡᠮᠡᠨ ᠰᠠᠭᠰᠠᠭᠤᠷᠠᠬᠤ ᠵᠠᠪᠰᠢᠶᠠᠨ ᠢ ᠡᠷᠢᠵᠦ ᠪᠠᠢᠭᠠ ᠬᠥᠮᠦᠰ ᠦᠨ ᠲᠡᠷᠡ ᠬᠦ ᠵᠠᠪᠰᠢᠶᠠᠨ ᠢ ᠲᠠᠰᠤᠯᠬᠤ ᠶᠤᠮ᠃ 13 ᠲᠡᠳᠡ ᠨᠠᠷ ᠬᠠᠭᠤᠷᠮᠠᠭ ᠰᠢᠳᠠᠷ ᠱᠠᠪᠢ᠂ ᠵᠠᠯᠢᠲᠠᠢ ᠠᠵᠢᠯᠴᠢᠨ ᠪᠠᠢᠲᠠᠯᠠ ᠪᠠᠨ ᠾᠷᠢᠰᠲ᠋ᠣᠰ ᠤᠨ ᠰᠢᠳᠠᠷ ᠱᠠᠪᠢ ᠪᠠᠷ ᠣᠪᠯᠠᠳᠠᠭ᠃ 14 ᠭᠠᠢᠬᠠᠬᠤ ᠶᠠᠭᠤᠮᠠ ᠠᠯᠠᠭᠠ᠂ ᠰᠠᠲ᠋ᠠᠨ ᠴᠤ ᠲᠩᠷᠢ ᠶᠢᠨ ᠭᠡᠷᠡᠯᠲᠦ ᠡᠯᠴᠢ ᠪᠠᠷ ᠣᠪᠯᠠᠳᠠᠭ᠃ 15 ᠡᠢᠨ ᠬᠦ ᠰᠠᠲ᠋ᠠᠨ ᠤ ᠵᠠᠷᠤᠴᠠ ᠵᠥᠪ ᠦᠨ ᠵᠠᠷᠤᠴᠠ ᠪᠣᠯᠵᠤ ᠣᠪᠯᠠᠭᠰᠠᠨ ᠴᠤ ᠰᠦᠷᠡᠬᠡᠢ ᠶᠠᠭᠤᠮᠠ ᠪᠢᠰᠢ᠃ ᠲᠡᠳᠡᠨ ᠦ ᠲᠡᠭᠦᠰᠬᠡᠯ ᠥᠪᠡᠷᠰᠡᠳ ᠦᠨ ᠬᠢᠨᠢ ᠬᠢᠭᠰᠡᠨ ᠶᠣᠰᠣᠭᠠᠷ ᠪᠣᠯᠬᠤ ᠪᠣᠯᠣᠨᠠ᠃
ᠰᠢᠳᠠᠷ ᠱᠠᠪᠢ ᠶᠢᠨ ᠠᠵᠢᠯ ᠪᠠ ᠵᠣᠪᠠᠭᠤᠷᠢ
16 ᠳᠠᠬᠢᠨ ᠬᠡᠯᠡᠶᠡ᠂ ᠬᠡᠨ ᠴᠤ ᠨᠠᠮᠠᠶᠢ ᠮᠤᠩ᠋ᠬᠠᠭ ᠭᠡᠵᠦ ᠪᠦᠦ ᠪᠣᠳᠣ᠂ ᠬᠠᠷᠢᠨ ᠲᠡᠭᠡᠵᠦ ᠪᠣᠳᠣᠬᠤ ᠶᠤᠮ ᠪᠣᠯ ᠮᠤᠩ᠋ᠬᠠᠭ ᠪᠠᠢᠳᠠᠯ ᠢᠶᠠᠷ ᠮᠢᠨᠢ ᠬᠦᠯᠢᠶᠡᠨ ᠠᠪᠤᠭᠠᠴᠢ᠂ ᠪᠢ ᠴᠤ ᠵᠢᠭᠠᠬᠠᠨ ᠰᠠᠢᠷᠬᠠᠶᠠ᠃ 17 ᠡᠢᠮᠦ ᠵᠣᠷᠢᠭᠲᠠᠢ ᠪᠠᠷ ᠰᠠᠢᠷᠬᠠᠬᠤ ᠳᠤ᠂ ᠶᠠᠷᠢᠬᠤ ᠮᠢᠨᠢ ᠡᠵᠡᠨ ᠦ ᠶᠣᠰᠣᠭᠠᠷ ᠶᠠᠷᠢᠬᠤ ᠪᠢᠰᠢ᠂ ᠬᠠᠷᠢᠨ ᠮᠤᠩ᠋ᠬᠠᠭᠯᠠᠯ ᠤᠨ ᠶᠠᠷᠢᠶᠠ ᠶᠤᠮ᠃ 18 ᠣᠯᠠᠨ ᠬᠥᠮᠦᠨ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠦ ᠶᠣᠰᠣᠭᠠᠷ ᠰᠠᠢᠷᠬᠠᠳᠠᠭ ᠪᠣᠯᠬᠣᠷ ᠪᠢ ᠴᠤ ᠰᠠᠢᠷᠬᠠᠶᠠ᠃ 19 ᠤᠴᠢᠷ ᠨᠢ᠂ ᠲᠠ ᠨᠠᠷ ᠤᠬᠠᠭᠠᠯᠢᠭ ᠠᠲᠠᠯᠠ ᠪᠠᠨ ᠤᠬᠠᠭᠠᠨ ᠦᠭᠡᠢ ᠬᠥᠮᠦᠨ ᠢ ᠳᠤᠷᠠᠲᠠᠶᠠ ᠪᠠᠭᠲᠠᠭᠠᠳᠠᠭ᠃ 20 ᠬᠡᠨ ᠨᠢᠭᠡ ᠨᠢ ᠲᠠ ᠨᠠᠷ ᠢ ᠪᠣᠭᠣᠯᠴᠢᠯᠠᠭᠰᠠᠨ ᠴᠤ᠂ ᠬᠡᠨ ᠨᠢᠭᠡ ᠨᠢ ᠮᠥᠯᠵᠢᠭᠰᠡᠨ ᠴᠤ᠂ ᠬᠡᠨ ᠨᠢᠭᠡ ᠨᠢ ᠪᠤᠯᠢᠶᠠᠭᠰᠠᠨ ᠴᠤ᠂ ᠬᠡᠨ ᠨᠢᠭᠡ ᠨᠢ ᠣᠩᠭᠢᠷᠠᠭᠰᠠᠨ ᠴᠤ᠂ ᠬᠡᠨ ᠨᠢᠭᠡ ᠨᠢ ᠬᠠᠴᠠᠷ ᠢ ᠴᠢᠨᠢ ᠠᠯᠠᠭᠠᠳᠠᠭᠰᠠᠨ ᠴᠤ ᠪᠠᠭᠲᠠᠭᠠᠵᠤ ᠪᠠᠢᠨᠠ᠃ 21 ᠪᠢ ᠬᠡᠯᠡᠬᠦ ᠡᠴᠡ ᠪᠡᠨ ᠢᠴᠢᠵᠦ ᠪᠠᠢᠨᠠ᠂ ᠪᠢᠳᠡ ᠳᠡᠩᠳᠡᠭᠦᠦ ᠵᠣᠷᠢᠭ ᠦᠭᠡᠢ ᠪᠠᠢᠭᠰᠠᠨ᠃
22 ᠲᠡᠳᠡ ᠨᠠᠷ ᠢᠪᠷᠠᠢᠴᠤᠳ ᠮᠥᠨ ᠤᠤ︖ ᠪᠢ ᠴᠤ ᠮᠥᠨ᠃ ᠲᠡᠳᠡ ᠨᠠᠷ ᠢᠰᠷᠧᠯᠴᠦᠳ ᠮᠥᠨ ᠤᠤ︖ ᠪᠢ ᠴᠤ ᠮᠥᠨ᠃ ᠲᠡᠳᠡ ᠨᠠᠷ ᠠᠪᠷᠠᠬᠠᠮ ᠤᠨ ᠦᠷᠡ ᠮᠥᠨ ᠤᠤ︖ ᠪᠢ ᠴᠤ ᠮᠥᠨ᠃ 23 ᠲᠡᠳᠡ ᠾᠷᠢᠰᠲ᠋ᠣᠰ ᠤᠨ ᠵᠠᠷᠤᠴᠠ ᠤᠤ︖ (ᠪᠢ ᠰᠣᠯᠢᠶᠠ ᠲᠠᠢ ᠶᠤᠮ ᠰᠢᠭ᠋ ᠬᠡᠯᠡᠶᠡ᠂) ᠪᠢ ᠪᠣᠯ ᠨᠡᠩ ᠢᠯᠡᠭᠦᠦ ᠮᠥᠨ᠃ ᠪᠢ ᠢᠯᠡᠭᠦᠦ ᠵᠦᠳᠡᠷᠡᠵᠦ᠂ ᠢᠯᠡᠭᠦᠦ ᠬᠣᠷᠢᠭᠳᠠᠭᠰᠠᠨ᠂ ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ ᠲᠠᠰᠢᠭᠤᠷᠳᠠᠭᠤᠯᠵᠤ ᠣᠯᠠᠨ ᠤᠳᠠᠭᠠ ᠦᠬᠦᠬᠦ ᠰᠢᠬᠠᠭᠰᠠᠨ᠃ 24 ᠪᠢ ᠶᠦᠳᠠᠢᠴᠤᠳ ᠲᠤ ᠳᠥᠴᠢ ᠳᠤ ᠨᠢᠭᠡ ᠯᠠ ᠳᠤᠲᠠᠭᠤ ᠪᠠᠷ ᠲᠠᠪᠤ ᠤᠳᠠᠭᠠ ᠲᠠᠰᠢᠭᠤᠷᠳᠠᠭᠤᠯᠤᠭᠰᠠᠨ᠂ 25 ᠭᠤᠷᠪᠠ ᠤᠳᠠᠭᠠ ᠰᠠᠪᠠᠭᠠᠳᠠᠭᠳᠠᠭᠰᠠᠨ᠂ ᠨᠢᠭᠡ ᠤᠳᠠᠭᠠ ᠴᠢᠯᠠᠭᠤ ᠪᠠᠷ ᠴᠣᠬᠢᠭᠳᠠᠭᠰᠠᠨ᠂ ᠭᠤᠷᠪᠠ ᠤᠳᠠᠭᠠ ᠣᠩ᠋ᠭᠣᠴᠠ ᠰᠦᠢᠷᠡᠵᠦ᠂ ᠨᠢᠭᠡ ᠰᠥᠨᠢ ᠨᠢᠭᠡ ᠡᠳᠦᠷ ᠳᠠᠯᠠᠢ ᠳᠤ ᠬᠥᠪᠪᠥᠭᠰᠡᠨ᠂ 26 ᠣᠯᠠᠨ ᠤᠳᠠᠭᠠᠨ ᠤ ᠠᠶᠠᠯᠠᠯ᠂ ᠭᠣᠣᠯ ᠮᠥᠷᠡᠨ ᠦ ᠠᠶᠤᠯ᠂ ᠳᠡᠭᠡᠷᠡᠮᠴᠢᠳ ᠤᠨ ᠠᠶᠤᠯ᠂ ᠥᠪᠡᠷ ᠦᠨ ᠦᠨᠳᠦᠰᠦᠲᠡᠨ ᠦ ᠠᠶᠤᠯ᠂ ᠬᠠᠷᠢ ᠦᠨᠳᠦᠰᠦᠲᠡᠨ ᠦ ᠠᠶᠤᠯ᠂ ᠬᠣᠲᠠ ᠶᠢᠨ ᠠᠶᠤᠯ᠂ ᠴᠥᠯ ᠦᠨ ᠠᠶᠤᠯ᠂ ᠳᠠᠯᠠᠢ ᠶᠢᠨ ᠠᠶᠤᠯ᠂ ᠬᠠᠭᠤᠷᠮᠠᠭ ᠠᠬᠠ ᠳᠡᠭᠦᠦ ᠶᠢᠨ ᠠᠶᠤᠯ᠂ 27 ᠵᠣᠪᠠᠯᠠᠩ᠂ ᠵᠦᠳᠡᠷᠡᠯ᠂ ᠨᠣᠢᠷ ᠦᠭᠡᠢ ᠣᠯᠠᠨ ᠰᠥᠨᠢ᠂ ᠥᠯᠥᠰᠬᠥᠯᠡᠩ᠂ ᠴᠠᠩ᠋ᠭᠠᠭᠠ᠂ ᠣᠯᠠᠨ ᠤᠳᠠᠭᠠ ᠶᠢᠨ ᠬᠦᠨᠡᠰᠦ ᠲᠠᠰᠤᠷᠠᠯ᠂ ᠲᠠᠭᠠᠷᠠᠯ ᠪᠡᠬᠡᠷᠡᠯ᠂ ᠬᠤᠪᠴᠠᠰᠤᠨ ᠤ ᠭᠠᠴᠢᠭᠳᠠᠯ᠂ 28 ᠡᠳᠡᠭᠡᠷ ᠡᠴᠡ ᠭᠠᠳᠠᠨᠠ ᠡᠳᠦᠷ ᠪᠦᠷᠢ ᠶᠢᠨ ᠳᠠᠷᠤᠭᠠᠰᠤ ᠴᠤ ᠨᠠᠳᠠ ᠳᠤ ᠪᠤᠢ᠂ ᠪᠢ ᠬᠠᠮᠤᠭ ᠴᠢᠭᠤᠯᠭᠠᠨ ᠤ ᠲᠥᠯᠥᠭᠡ ᠰᠠᠨᠠᠭᠠᠰᠢᠷᠠᠳᠠᠭ᠃ 29 ᠬᠡᠨ ᠨᠢ ᠳᠣᠷᠣᠢ ᠪᠠᠢᠬᠤ ᠳᠤ ᠪᠢ ᠳᠣᠷᠣᠢ ᠪᠠᠢᠬᠤ ᠦᠭᠡᠢ ᠪᠤᠢ︖ ᠬᠡᠨ ᠨᠢ ᠪᠦᠳᠦᠷᠢᠬᠦ ᠳᠦ ᠮᠢᠨᠦ ᠳᠣᠲᠣᠷᠠ ᠰᠢᠲᠠᠬᠤ ᠦᠭᠡᠢ ᠪᠤᠢ︖
30 ᠬᠡᠷᠪᠡ ᠪᠢ ᠰᠠᠢᠷᠬᠠᠬᠤ ᠶᠣᠰᠣᠲᠠᠢ ᠶᠤᠮ ᠪᠣᠯ ᠳᠣᠷᠣᠢ ᠪᠠᠷ ᠢᠶᠠᠨ ᠰᠠᠢᠷᠬᠠᠶᠠ᠃ 31 ᠮᠥᠩᠬᠡᠳᠡ ᠮᠠᠭᠲᠠᠭᠳᠠᠭᠤᠰᠢᠲᠠᠢ ᠡᠵᠡᠨ ᠢᠰᠦ᠋ᠰ ᠤᠨ ᠡᠴᠢᠭᠡ ᠪᠤᠷᠬᠠᠨ ᠮᠢᠨᠦ ᠬᠤᠳᠠᠯ ᠶᠠᠷᠢᠳᠠᠭ ᠦᠭᠡᠢ ᠶᠢ ᠮᠡᠳᠡᠨᠡ᠃ 32 ᠳ᠋ᠠᠮᠠᠰᠺᠦ᠋ᠰ ᠲᠤ ᠪᠠᠢᠬᠤ ᠳᠤ ᠮᠢᠨᠢ ᠠᠷᠧᠲ᠋ᠠ ᠬᠠᠭᠠᠨ ᠤ ᠨᠣᠶᠠᠨ ᠨᠠᠮᠠᠶᠢ ᠪᠠᠷᠢᠪᠴᠢᠯᠠᠬᠤ ᠪᠠᠷ ᠳ᠋ᠠᠮᠠᠰᠺᠦ᠋ᠰ ᠬᠣᠲᠠ ᠶᠢ ᠰᠠᠬᠢᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ 33 ᠪᠢ ᠰᠠᠭᠰᠤᠨ ᠳᠤ ᠰᠠᠭᠤᠵᠤ᠂ ᠬᠡᠷᠡᠮ ᠦᠨ ᠴᠣᠩ᠋ᠬᠣ ᠪᠠᠷ ᠪᠠᠭᠤᠯᠭᠠᠭᠳᠠᠭᠠᠳ ᠲᠡᠭᠦᠨ ᠦ ᠭᠠᠷ ᠠᠴᠠ ᠮᠤᠯᠲᠤᠷᠠᠭᠰᠠᠨ ᠶᠤᠮ᠃