ᠬᠣᠶᠠᠳᠤᠭᠠᠷ ᠺᠣᠷᠢᠨᠲ ᠲᠠᠪᠤ
1 ᠪᠢᠳᠡᠨ ᠦ ᠭᠠᠵᠠᠷ ᠳᠡᠭᠡᠷᠡᠬᠢ ᠭᠡᠷ ᠪᠣᠯᠬᠤ ᠮᠢᠬᠠᠨ ᠪᠡᠶᠡ 3 ᠨᠤᠷᠠᠪᠠᠯ᠂ ᠪᠢᠳᠡᠨ ᠳᠦ ᠪᠤᠷᠬᠠᠨ ᠤ ᠪᠠᠷᠢᠯᠭᠠ᠂ ᠲᠤᠬᠠᠢᠯᠠᠪᠠᠯ ᠭᠠᠷ ᠢᠶᠠᠷ ᠬᠢᠭᠰᠡᠨ ᠪᠢᠰᠢ᠂ ᠲᠩᠷᠢ ᠳᠤ ᠪᠠᠢᠭᠠ ᠮᠥᠩᠬᠡ ᠶᠢᠨ ᠭᠡᠷ ᠪᠠᠢᠬᠤ ᠪᠣᠯᠣᠨᠠ ᠭᠡᠳᠡᠭ ᠢᠶᠡᠨ ᠮᠡᠳᠡᠨᠡ᠃ 2 ᠦᠨᠡᠨ ᠳᠡᠭᠡᠨ ᠪᠢᠳᠡ ᠲᠩᠷᠢᠯᠢᠭ ᠭᠡᠷ ᠢ ᠡᠮᠦᠰᠬᠦ ᠶᠢ ᠡᠷᠡᠮᠡᠯᠵᠡᠵᠦ᠂ ᠶᠣᠣᠯᠠᠵᠤ ᠪᠠᠢᠳᠠᠭ᠃ 3 ᠡᠮᠦᠰᠴᠢᠭᠡᠪᠡᠯ ᠪᠢᠳᠡ ᠨᠢᠴᠦᠭᠦᠨ ᠢᠶᠡᠷ ᠢᠯᠡᠷᠡᠬᠦ ᠦᠭᠡᠢ᠃ 4 ᠪᠢᠳᠡ ᠪᠡᠶᠡ 4 ᠶᠢᠨ ᠳᠣᠲᠣᠷᠠ ᠪᠠᠢᠬᠤ ᠳᠠᠭᠠᠨ ᠳᠠᠷᠤᠭᠳᠠᠭᠠᠳ ᠰᠢᠨᠠᠯᠳᠠᠭ ᠬᠢᠷᠢ ᠨᠢ ᠡᠭᠦᠨ ᠢᠶᠡᠨ ᠲᠠᠢᠯᠬᠤ ᠳᠤᠷᠠ ᠦᠭᠡᠢ᠂ ᠬᠠᠷᠢᠨ ᠲᠩᠷᠢᠯᠢᠭ ᠭᠡᠷ ᠢ ᠡᠮᠦᠰᠬᠦ ᠶᠢ ᠬᠦᠰᠡᠳᠡᠭ᠃ ᠤᠴᠢᠷ ᠨᠢ᠂ ᠡᠮᠦᠰᠪᠡᠯ ᠦᠬᠦᠬᠦ ᠶᠣᠰᠣᠲᠠᠢ ᠨᠢ ᠠᠮᠢ ᠪᠠᠷ ᠵᠠᠯᠭᠢᠭᠤᠯᠬᠤ ᠪᠣᠯᠣᠨᠠ᠃ 5 ᠡᠨᠡ ᠵᠣᠷᠢᠯᠭᠠ ᠪᠠᠷ ᠪᠤᠷᠬᠠᠨ ᠪᠢᠳᠡᠨ ᠢ ᠪᠦᠲᠦᠭᠡᠭᠰᠡᠨ ᠪᠥᠭᠡᠳ ᠠᠷᠢᠭᠤᠨ ᠰᠦᠨᠡᠰᠦᠨ ᠦ ᠪᠠᠲᠤᠯᠠᠭᠠ ᠶᠢ ᠪᠢᠳᠡᠨ ᠳᠦ ᠰᠣᠶᠣᠷᠬᠠᠵᠠᠢ᠃
6 ᠲᠡᠢᠮᠦ ᠡᠴᠡ ᠪᠢᠳᠡ ᠦᠷᠭᠦᠯᠵᠢ ᠤᠷᠮᠠ ᠵᠣᠷᠢᠭᠲᠠᠢ ᠪᠠᠢᠳᠠᠭ ᠪᠥᠭᠡᠳ ᠪᠡᠶᠡ ᠳᠣᠲᠣᠷᠠ ᠪᠠᠢᠬᠤ ᠳᠠᠭᠠᠨ ᠡᠵᠡᠨ ᠡᠴᠡ ᠭᠠᠳᠠᠨᠠ ᠪᠠᠢᠭᠠ ᠪᠠᠨ ᠮᠡᠳᠡᠭᠡᠳ 7 ᠦᠵᠡᠬᠦᠢ ᠪᠠᠷ ᠪᠤᠰᠤ᠂ ᠬᠠᠷᠢᠨ ᠢᠲᠡᠭᠡᠯ ᠢᠶᠡᠷ ᠠᠮᠢᠳᠤᠷᠠᠳᠠᠭ᠃ 8 ᠪᠢᠳᠡ ᠡᠢᠮᠦ ᠵᠣᠷᠢᠭᠲᠠᠢ ᠪᠠᠢᠳᠠᠭ ᠪᠥᠭᠡᠳ ᠪᠡᠶᠡ ᠡᠴᠡ ᠪᠡᠨ ᠭᠠᠳᠠᠨᠠ ᠭᠠᠷᠴᠤ ᠡᠵᠡᠨ ᠦ ᠳᠣᠲᠣᠷᠠ ᠪᠠᠢᠬᠤ ᠨᠢ ᠳᠡᠭᠡᠷᠡ ᠭᠡᠵᠦ ᠪᠣᠳᠣᠳᠠᠭ᠃ 9 ᠲᠡᠢᠮᠦ ᠡᠴᠡ ᠪᠢᠳᠡ ᠳᠣᠲᠣᠷᠠ ᠪᠠᠢᠭᠰᠠᠨ ᠴᠤ᠂ ᠭᠠᠳᠠᠨᠠ ᠪᠠᠢᠭᠰᠠᠨ ᠴᠤ ᠡᠵᠡᠨ ᠳᠦ ᠲᠠᠭᠠᠯᠠᠮᠵᠢᠲᠠᠢ ᠪᠠᠢᠬᠤ ᠪᠠᠷ ᠴᠢᠷᠮᠠᠢᠳᠠᠭ᠃ 10 ᠤᠴᠢᠷ ᠨᠢ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠡᠨ ᠾᠷᠢᠰᠲ᠋ᠣᠰ ᠤᠨ ᠰᠢᠭᠦᠬᠦ ᠰᠠᠭᠤᠳᠠᠯ ᠤᠨ ᠡᠮᠦᠨᠡ ᠢᠯᠡᠷᠡᠬᠦ ᠶᠣᠰᠣᠲᠠᠢ᠂ ᠬᠥᠮᠦᠨ ᠪᠣᠯᠭᠠᠨ ᠰᠠᠢᠨ ᠴᠤ ᠪᠠᠢᠭᠰᠠᠨ᠂ ᠮᠠᠭᠤ ᠴᠤ ᠪᠠᠢᠭᠰᠠᠨ ᠥᠪᠡᠷ ᠦᠨ ᠦᠢᠯᠡᠳᠦᠭᠰᠡᠨ ᠦ ᠪᠠᠨ ᠶᠣᠰᠣᠭᠠᠷ ᠣᠯᠬᠤ ᠪᠣᠯᠣᠨᠠ᠃
ᠡᠪᠯᠡᠷᠡᠭᠦᠯᠬᠦ ᠲᠤᠰᠢᠶᠠᠯ
11 ᠪᠢᠳᠡ ᠡᠵᠡᠨ ᠡᠴᠡ ᠡᠮᠢᠶᠡᠬᠦ ᠶᠣᠰᠣᠲᠠᠢ ᠶᠢ ᠮᠡᠳᠡᠳᠡᠭ ᠲᠤᠯᠠ ᠬᠥᠮᠦᠰ ᠢ ᠢᠳᠬᠠᠵᠤ ᠪᠠᠢᠨᠠ᠃ ᠬᠠᠷᠢᠨ ᠪᠢᠳᠡ ᠪᠤᠷᠬᠠᠨ ᠳᠤ ᠮᠡᠳᠡᠭᠳᠡᠭᠰᠡᠨ ᠪᠥᠭᠡᠳ ᠲᠠ ᠨᠠᠷ ᠤᠨ ᠮᠥᠰᠥ ᠴᠢᠨᠠᠷ ᠤᠨ ᠳᠣᠲᠣᠷᠠ ᠴᠤ ᠮᠡᠳᠡᠭᠳᠡᠬᠦ ᠶᠢ ᠬᠦᠰᠡᠨᠡ᠃ 12 ᠪᠢᠳᠡ ᠲᠠ ᠨᠠᠷ ᠲᠤ ᠳᠠᠬᠢᠭᠠᠳ ᠥᠪᠡᠷᠰᠡᠳ ᠢ ᠪᠠᠨ ᠮᠠᠭᠲᠠᠬᠤ ᠭᠡᠰᠡᠨ ᠪᠢᠰᠢ᠂ ᠬᠠᠷᠢᠨ ᠪᠢᠳᠡᠨ ᠢᠶᠡᠷ ᠪᠠᠬᠠᠷᠬᠠᠯ ᠪᠣᠯᠭᠠᠬᠤ ᠪᠣᠯᠣᠮᠵᠢ ᠶᠢ ᠲᠠ ᠨᠠᠷ ᠲᠤ ᠣᠯᠭᠣᠬᠤ ᠭᠡᠰᠡᠨ ᠶᠤᠮ᠂ ᠶᠠᠭᠠᠬᠢᠭᠠᠳ ᠭᠡᠪᠡᠯ᠂ ᠳᠣᠲᠣᠷᠠ ᠪᠠᠢᠳᠠᠯ ᠢᠶᠠᠷ ᠢᠶᠠᠨ ᠪᠤᠰᠤ᠂ ᠬᠠᠷᠢᠨ ᠭᠠᠳᠠᠷ ᠪᠠᠢᠳᠠᠯ ᠢᠶᠠᠷ ᠢᠶᠠᠨ ᠪᠠᠬᠠᠳᠤᠭᠴᠢᠳ ᠲᠤ ᠬᠠᠷᠢᠭᠤᠯᠬᠤ ᠦᠭᠡ ᠲᠠ ᠨᠠᠷ ᠲᠤ ᠪᠠᠢᠬᠤ ᠶᠣᠰᠣᠲᠠᠢ᠃ 13 ᠪᠢᠳᠡ ᠰᠣᠯᠢᠶᠠᠷᠠᠭᠰᠠᠨ ᠭᠡᠪᠡᠯ᠂ ᠪᠤᠷᠬᠠᠨ ᠤ ᠲᠥᠯᠥᠭᠡ ᠪᠥᠭᠡᠳ ᠡᠷᠡᠭᠦᠯ ᠪᠠᠢᠭᠰᠠᠨ ᠭᠡᠪᠡᠯ᠂ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠪᠢᠯᠡ᠃ 14 ᠦᠨᠡᠨ ᠳᠡᠭᠡᠨ ᠾᠷᠢᠰᠲ᠋ᠣᠰ ᠤᠨ ᠬᠠᠢᠷᠠ ᠪᠢᠳᠡᠨ ᠢ ᠰᠢᠪᠠᠳᠠᠭᠤᠯᠵᠤ ᠪᠠᠢᠳᠠᠭ᠂ ᠤᠴᠢᠷ ᠨᠢ᠂ ᠨᠢᠭᠡ ᠬᠥᠮᠦᠨ 5 ᠪᠦᠬᠦ ᠬᠥᠮᠦᠨ ᠦ ᠣᠷᠣᠨ ᠳᠤ ᠨᠠᠰᠤ ᠪᠠᠷᠠᠭᠰᠠᠨ ᠢᠶᠠᠷ ᠪᠦᠬᠦ ᠬᠥᠮᠦᠨ ᠦᠬᠦᠭᠰᠡᠨ ᠪᠥᠭᠡᠳ 15 ᠲᠡᠷᠡ ᠨᠢ ᠪᠦᠬᠦ ᠬᠥᠮᠦᠨ ᠦ ᠣᠷᠣᠨ ᠳᠤ ᠨᠠᠰᠤ ᠪᠠᠷᠠᠭᠠᠳ᠂ ᠠᠮᠢᠳᠤᠷᠠᠭᠰᠠᠳ ᠢ ᠥᠪᠡᠷᠰᠡᠳ ᠦᠨ ᠬᠢᠨᠢ ᠲᠥᠯᠥᠭᠡ ᠪᠤᠰᠤ᠂ ᠬᠠᠷᠢᠨ ᠥᠪᠡᠷᠰᠡᠳ ᠦᠨ ᠬᠢᠨᠢ ᠲᠥᠯᠥᠭᠡ ᠨᠠᠰᠤ ᠪᠠᠷᠠᠭᠠᠳ ᠠᠮᠢᠯᠠᠭᠰᠠᠨ ᠨᠢᠭᠡᠨ ᠦ ᠲᠥᠯᠥᠭᠡ ᠠᠮᠢᠳᠤᠷᠠᠭᠤᠯᠤᠭᠰᠠᠨ ᠭᠡᠵᠦ ᠪᠢᠳᠡ ᠪᠣᠳᠣᠳᠠᠭ᠃
16 ᠡᠢᠮᠦ ᠡᠴᠡ ᠪᠢᠳᠡ ᠡᠭᠦᠨ ᠡᠴᠡ ᠬᠣᠢᠰᠢ ᠬᠡᠨ ᠢ ᠴᠤ ᠮᠢᠬᠠᠨ ᠪᠡᠶᠡᠲᠦ ᠬᠥᠮᠦᠨ ᠦ ᠶᠣᠰᠣᠭᠠᠷ ᠦᠵᠡᠬᠦ ᠦᠭᠡᠢ᠂ ᠬᠡᠳᠦᠢᠪᠡᠷ ᠪᠢᠳᠡ ᠾᠷᠢᠰᠲ᠋ᠣᠰ ᠢ ᠮᠢᠬᠠᠨ ᠪᠡᠶᠡ ᠶᠢᠨ ᠶᠣᠰᠣᠭᠠᠷ ᠣᠢᠯᠠᠭᠠᠭᠰᠠᠨ ᠪᠣᠯᠪᠠᠴᠤ ᠣᠳᠣ ᠲᠡᠭᠡᠵᠦ ᠣᠢᠯᠠᠭᠠᠬᠤ ᠪᠠᠨ ᠪᠣᠯᠢᠶᠠ᠃ 17 ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠᠬᠢ ᠬᠡᠨ ᠨᠢ ᠴᠤ ᠰᠢᠨᠡ ᠪᠦᠲᠦᠭᠡᠯ ᠮᠥᠨ᠃ ᠠᠩ᠋ᠬᠠᠷᠤᠭᠲᠤᠨ᠂ ᠬᠠᠭᠤᠴᠢᠨ ᠵᠦᠢᠯᠡᠰ ᠨᠢ ᠥᠩᠭᠡᠷᠡᠵᠦ ᠰᠢᠨᠡ ᠵᠦᠢᠯᠡᠰ ᠪᠣᠯᠣᠭᠰᠠᠨ︕ 18 ᠡᠨᠡ ᠪᠦᠬᠦ ᠵᠦᠢᠯ ᠪᠤᠷᠬᠠᠨ ᠠᠴᠠ ᠢᠷᠡᠭᠰᠡᠨ᠂ ᠲᠡᠷᠡ ᠾᠷᠢᠰᠲ᠋ᠣᠰ ᠢᠶᠠᠷ ᠳᠠᠮᠵᠢᠭᠤᠯᠤᠨ ᠪᠢᠳᠡᠨ ᠢ ᠥᠪᠡᠷ ᠲᠡᠢ ᠪᠡᠨ ᠡᠪᠯᠡᠷᠡᠭᠦᠯᠦᠭᠰᠡᠨ ᠪᠥᠭᠡᠳ ᠡᠨᠡ ᠬᠦ ᠡᠪᠯᠡᠷᠡᠭᠦᠯᠬᠦ ᠲᠤᠰᠢᠶᠠᠯ ᠢ ᠪᠢᠳᠡᠨ ᠳᠦ ᠰᠣᠶᠣᠷᠬᠠᠵᠠᠢ᠃ 19 ᠡᠢᠨ ᠬᠦ ᠪᠤᠷᠬᠠᠨ ᠾᠷᠢᠰᠲ᠋ᠣᠰ ᠤᠨ ᠳᠣᠲᠣᠷᠠ ᠶᠢᠷᠲᠢᠨᠴᠦ ᠶᠢ ᠥᠪᠡᠷ ᠲᠡᠢ ᠪᠡᠨ ᠡᠪᠯᠡᠷᠡᠭᠦᠯᠵᠦ᠂ ᠲᠡᠳᠡᠨ ᠦ ᠪᠤᠷᠤᠭᠤ ᠭᠠᠵᠢᠭᠤ ᠶᠢ ᠡᠰᠡ ᠲᠣᠭᠠᠴᠠᠨ ᠡᠪᠯᠡᠷᠡᠭᠦᠯᠬᠦ ᠦᠭᠡ ᠶᠢ ᠪᠢᠳᠡᠨ ᠳᠦ ᠳᠠᠭᠠᠭᠠᠯᠭᠠᠭᠰᠠᠨ ᠶᠤᠮ᠃ 20 ᠪᠢᠳᠡ ᠪᠣᠯ ᠾᠷᠢᠰᠲ᠋ᠣᠰ ᠤᠨ ᠡᠯᠴᠢᠨ ᠰᠠᠢᠳ ᠮᠥᠨ᠃ ᠪᠤᠷᠬᠠᠨ ᠪᠢᠳᠡᠨ ᠢᠶᠡᠷ ᠳᠠᠮᠵᠢᠭᠤᠯᠤᠨ ᠲᠠ ᠨᠠᠷ ᠢ ᠢᠳᠬᠠᠵᠤ ᠪᠠᠢᠨᠠ᠃ ᠪᠢᠳᠡ ᠾᠷᠢᠰᠲ᠋ᠣᠰ ᠢ ᠣᠷᠣᠯᠠᠨ ᠲᠠ ᠨᠠᠷ ᠲᠤ ᠭᠤᠶᠤᠶᠠ᠃ ᠪᠤᠷᠬᠠᠨ ᠲᠠᠢ ᠡᠪᠯᠡᠷᠡ︕ 21 ᠪᠤᠷᠬᠠᠨ ᠪᠢᠳᠡᠨ ᠦ ᠣᠷᠣᠨ ᠳᠤ ᠨᠢᠭᠦᠯ ᠦᠭᠡᠢ ᠨᠢᠭᠡᠨ ᠢ ᠨᠢᠭᠦᠯ ᠦᠨ ᠲᠠᠬᠢᠯ 6 ᠪᠣᠯᠭᠠᠭᠰᠠᠨ ᠨᠢ ᠲᠡᠭᠦᠨ ᠦ ᠠᠴᠢ ᠪᠠᠷ ᠪᠢᠳᠡᠨ ᠢ ᠪᠤᠷᠬᠠᠨ ᠤ ᠵᠥᠪᠲᠦ ᠪᠣᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠶᠤᠮ᠃