ᠬᠠᠪᠠᠺᠦ᠋ᠺ ᠬᠣᠶᠠᠷ
1 ᠪᠢ ᠬᠠᠷᠠᠭᠤᠯ ᠳᠠᠭᠠᠨ ᠭᠠᠷᠴᠤ ᠴᠠᠮᠬᠠᠭ ᠳᠡᠭᠡᠷᠡ ᠵᠣᠭᠰᠣᠨᠠ ᠡᠢᠨ ᠬᠦ ᠪᠢ ᠲᠡᠭᠦᠨ ᠦ ᠨᠠᠳᠠ ᠳᠤ ᠶᠠᠭᠤ ᠠᠢᠯᠠᠳᠬᠤ ᠶᠢ ᠦᠵᠡᠶᠡ ᠮᠥᠨ ᠵᠢᠮᠡᠯᠡᠭᠦᠯᠬᠦ ᠦᠶᠡ ᠳᠡᠭᠡᠨ ᠬᠡᠷᠬᠢᠨ ᠬᠠᠷᠢᠭᠤᠯᠬᠤ ᠪᠠᠨ ᠮᠡᠳᠡᠶᠡ᠃
ᠪᠤᠷᠬᠠᠨ ᠤ ᠬᠠᠷᠢᠭᠤ
2 ᠶᠣᠬᠣᠸᠠ ᠨᠠᠳᠠ ᠳᠤ ᠡᠢᠨ ᠬᠦ ᠬᠠᠷᠢᠭᠤᠯᠪᠠ᠄ 《ᠴᠢ ᠡᠨᠡ ᠢᠯᠡᠷᠬᠡᠶᠢᠯᠡᠯᠭᠡ ᠶᠢ ᠪᠢᠴᠢᠵᠦ ᠠᠪ ᠤᠩ᠋ᠰᠢᠭᠴᠢ ᠶᠢ ᠲᠦᠭᠳᠡᠷᠡᠭᠦᠯᠬᠦ ᠦᠭᠡᠢ ᠶᠢᠨ ᠲᠥᠯᠥᠭᠡ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠲᠣᠪ ᠲᠣᠳᠣᠷᠬᠠᠢ ᠪᠢᠴᠢ᠃
3 ᠡᠨᠡ ᠦᠵᠡᠭᠳᠡᠯ ᠲᠣᠪᠯᠠᠭᠰᠠᠨ ᠴᠠᠭ ᠲᠠᠭᠠᠨ ᠵᠣᠷᠢᠭᠤᠯᠤᠭᠳᠠᠪᠠ᠂ ᠬᠣᠵᠢᠮ ᠶᠠᠭᠤ ᠪᠣᠯᠬᠤ ᠶᠢ ᠲᠡᠷᠡ ᠬᠤᠳᠠᠯ ᠦᠭᠡᠢ ᠭᠡᠷᠡᠴᠢᠯᠡᠨᠡ ᠬᠣᠢᠰᠢᠯᠠᠯ ᠦᠭᠡᠢ ᠵᠠᠪᠠᠯ ᠪᠡᠶᠡᠯᠡᠭᠳᠡᠬᠦ ᠲᠤᠯᠠ ᠬᠣᠴᠣᠷᠣᠭᠰᠠᠨ ᠴᠤ ᠬᠦᠯᠢᠶᠡ᠃
4 ᠰᠠᠭᠰᠠᠭᠤᠷᠠᠭᠴᠢ ᠶᠢ ᠬᠠᠷᠠ᠂ ᠲᠡᠭᠦᠨ ᠦ ᠬᠦᠰᠡᠯ ᠪᠣᠳᠣᠯ ᠴᠢᠭ᠍ᠴᠢ ᠪᠢᠰᠢ ᠬᠠᠷᠢᠨ ᠵᠥᠪᠲᠦ ᠬᠥᠮᠦᠨ ᠢᠲᠡᠭᠡᠯ ᠢᠶᠡᠷ ᠢᠶᠠᠨ ᠠᠮᠢᠳᠤᠷᠠᠨᠠ᠃
5 ᠭᠡᠪᠡᠴᠦ ᠶᠡᠬᠡᠷᠬᠡᠭ᠂ ᠬᠦᠴᠦᠲᠡᠨ ᠡᠳ᠋ ᠪᠠᠶᠠᠯᠢᠭ 1 ᠲᠤ ᠬᠠᠭᠤᠷᠲᠠᠨ ᠵᠦᠭᠡᠷ ᠰᠠᠭᠤᠵᠤ ᠴᠢᠳᠠᠳᠠᠭ ᠦᠭᠡᠢ ᠰᠢᠨᠤᠯ ᠨᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠮᠡᠲᠦ ᠥᠷᠭᠡᠨ ᠦᠬᠦᠯ ᠲᠡᠢ ᠠᠳᠠᠯᠢ ᠬᠠᠨᠤᠰᠢ ᠦᠭᠡᠢ ᠲᠡᠷᠡ ᠪᠦᠬᠦ ᠭᠦᠷᠦᠨ ᠢ ᠥᠪᠡᠷ ᠤᠷᠤᠭᠤ ᠪᠠᠨ ᠴᠤᠭᠯᠠᠭᠤᠯᠤᠨ ᠪᠦᠬᠦ ᠦᠨᠳᠦᠰᠦᠲᠡᠨ ᠢ ᠥᠪᠡᠷ ᠲᠡᠭᠡᠨ ᠬᠤᠷᠢᠶᠠᠨᠠ᠃
6 ᠲᠡᠳᠡ ᠪᠦᠭᠦᠳᠡ ᠲᠡᠭᠦᠨ ᠢ ᠶᠣᠭᠲᠠ ᠦᠭᠡ ᠪᠡᠷ ᠳᠣᠭᠣᠭᠢᠯᠠᠨ ᠳᠣᠷᠣᠮᠵᠢᠯᠠᠵᠤ 〈ᠥᠪᠡᠷ ᠦᠨ ᠢᠶᠠᠨ ᠪᠤᠰᠤ ᠵᠦᠢᠯ ᠢ ᠣᠯᠠᠰᠢᠷᠠᠭᠤᠯᠵᠤ ᠠᠪᠤᠭᠰᠠᠨ ᠪᠠᠷᠢᠴᠠᠭᠠ ᠪᠠᠷ ᠢᠶᠠᠨ ᠥᠪᠡᠷ ᠢ ᠪᠠᠨ ᠪᠠᠶᠠᠵᠢᠭᠤᠯᠤᠭᠴᠢ ᠨᠢ ᠭᠠᠰᠠᠯᠠᠩᠲᠠᠶᠠ︕ ᠬᠡᠳᠦᠢ ᠪᠣᠯᠲᠠᠯᠠ ᠢᠩᠭᠢᠭᠰᠡᠭᠡᠷ ᠪᠠᠢᠬᠤ ᠶᠤᠮ ᠪᠣᠯ︖〉 ᠭᠡᠬᠦ ᠦᠭᠡᠢ ᠭᠡᠵᠢ ᠤᠤ︖
7 ᠴᠢᠮᠠ ᠳᠤ ᠵᠢᠭᠡᠯᠡᠭᠦᠯᠬᠦ ᠬᠥᠮᠦᠰ ᠭᠡᠨᠡᠳᠲᠡ ᠪᠣᠰᠬᠤ ᠦᠭᠡᠢ ᠭᠡᠵᠢ ᠤᠤ︖ ᠴᠢᠮᠠᠶᠢ ᠴᠡᠴᠡᠷᠡᠭᠦᠯᠬᠦ ᠬᠥᠮᠦᠰ ᠰᠡᠷᠢᠬᠦ ᠦᠭᠡᠢ ᠭᠡᠵᠢ ᠤᠤ︖ ᠴᠢ ᠲᠡᠳᠡᠨ ᠳᠦ ᠣᠯᠵᠠᠯᠠᠭᠳᠠᠨᠠ᠃
8 ᠴᠢ ᠬᠥᠮᠦᠨ ᠦ ᠴᠢᠰᠤ ᠶᠢ ᠤᠷᠤᠰᠬᠠᠨ᠂ ᠭᠠᠵᠠᠷ ᠪᠠ ᠬᠣᠲᠠ ᠨᠤᠭᠤᠳ ᠢ ᠬᠠᠮᠤᠭ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠨᠢ ᠬᠠᠮᠲᠤ ᠰᠦᠢᠷᠡᠭᠦᠯᠳᠡᠭ᠂ ᠴᠢ ᠣᠯᠠᠨ ᠭᠦᠷᠦᠨ ᠢ ᠳᠡᠭᠡᠷᠡᠮᠳᠡᠭᠰᠡᠨ ᠲᠤᠯᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠦᠯᠡᠳᠡᠭᠰᠡᠳ ᠴᠢᠮᠠᠶᠢ ᠳᠡᠭᠡᠷᠡᠮᠳᠡᠬᠦ ᠪᠣᠯᠣᠨᠠ᠃
9 ᠥᠪᠡᠷ ᠦᠨ ᠭᠡᠷ ᠦᠨ ᠬᠢᠨ ᠤ ᠪᠠᠨ ᠲᠥᠯᠥᠭᠡ ᠵᠥᠪ ᠪᠤᠰᠤ ᠠᠰᠢᠭ ᠬᠤᠷᠢᠶᠠᠭᠴᠢ ᠡ ᠠᠶᠤᠯ ᠭᠠᠮᠰᠢᠭ ᠠᠴᠠ ᠮᠤᠯᠲᠤᠷᠠᠬᠤ ᠭᠡᠳ ᠥᠨᠳᠥᠷ ᠲᠦ ᠡᠭᠦᠷ ᠢᠶᠡᠨ ᠵᠠᠰᠠᠭᠰᠠᠨ ᠴᠤ ᠭᠠᠰᠠᠯᠠᠩᠲᠠᠶᠠ︕
10 ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠤᠰᠠᠳᠬᠠᠭᠰᠠᠨ ᠢᠶᠠᠷ ᠢᠶᠠᠨ ᠴᠢ ᠥᠪᠡᠷ ᠦᠨ ᠢᠶᠠᠨ ᠭᠡᠷ ᠦᠨ ᠬᠢᠨ ᠢ ᠢᠴᠢᠭᠦᠷᠢ ᠳᠤ ᠣᠷᠣᠭᠤᠯᠵᠤ ᠠᠮᠢ ᠪᠠᠨ ᠠᠯᠳᠠᠬᠤ ᠪᠣᠯᠣᠯᠠ᠃
11 ᠴᠢᠯᠠᠭᠤ ᠴᠤ ᠬᠠᠨᠠ ᠠᠴᠠ ᠬᠠᠰᠬᠢᠷᠴᠤ ᠲᠠᠭᠠᠵᠠ ᠶᠢᠨ ᠨᠢᠷᠤᠭᠤ ᠲᠡᠭᠦᠨ ᠳᠦ ᠬᠠᠷᠢᠭᠤᠯᠬᠤ ᠪᠣᠯᠣᠨᠠ᠃
12 ᠴᠢᠰᠤ ᠪᠠᠷ ᠬᠣᠲᠠ ᠪᠣᠰᠬᠠᠵᠤ ᠬᠦᠴᠦᠷᠬᠡᠭᠯᠡᠯ ᠢᠶᠡᠷ ᠲᠣᠰᠬᠣᠨ ᠪᠠᠢᠭᠤᠯᠤᠭᠴᠢ ᠭᠠᠰᠠᠯᠠᠩᠲᠠᠶᠠ︕
13 ᠭᠠᠯ ᠳᠤ ᠰᠢᠲᠠᠭᠠᠭᠳᠠᠬᠤ ᠵᠦᠢᠯᠡᠰ ᠦᠨ ᠲᠥᠯᠥᠭᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠵᠦᠳᠡᠷᠡᠵᠦ ᠬᠣᠭᠣᠰᠣᠨ ᠤ ᠲᠥᠯᠥᠭᠡ ᠭᠦᠷᠦᠨ ᠨᠦᠭᠦᠳ ᠶᠠᠳᠠᠷᠠᠬᠤ ᠨᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠴᠠ ᠪᠢᠰᠢ ᠤᠤ︖
14 ᠬᠠᠷᠢᠨ ᠳᠠᠯᠠᠢ ᠨᠢ ᠤᠰᠤ ᠪᠠᠷ ᠪᠦᠷᠬᠦᠭᠳᠡᠳᠡᠭ ᠦᠨ ᠠᠳᠠᠯᠢ ᠳᠡᠯᠡᠬᠡᠢ ᠨᠢ ᠶᠣᠬᠣᠸᠠ ᠶᠢᠨ ᠠᠯᠳᠠᠷ ᠰᠤᠤᠲᠤ ᠮᠡᠳᠡᠯᠭᠡ ᠪᠡᠷ ᠳᠦᠭᠦᠷᠬᠦ ᠪᠣᠯᠣᠨᠠ᠃
15 ᠬᠥᠷᠰᠢ ᠳᠡᠭᠡᠨ ᠠᠷᠢᠬᠢ ᠤᠤᠭᠤᠯᠭᠠᠨ᠂ ᠬᠣᠣᠷ ᠨᠡᠮᠡᠨ ᠰᠣᠭᠲᠣᠭᠠᠵᠤ ᠨᠢᠴᠦᠭᠦᠨ ᠢ ᠨᠢ ᠦᠵᠡᠬᠦ ᠭᠡᠭᠴᠢ ᠨᠢ ᠭᠠᠰᠠᠯᠠᠩᠲᠠᠶᠠ︕
16 ᠴᠢ ᠠᠯᠳᠠᠷ ᠢᠶᠠᠷ ᠪᠤᠰᠤ᠂ ᠢᠴᠢᠭᠦᠷᠢ ᠪᠠᠷ ᠳᠦᠭᠦᠷᠬᠦ ᠪᠣᠯᠣᠨᠠ ᠴᠢ ᠪᠠᠰᠠ ᠤᠤᠭᠤᠵᠤ᠂ ᠬᠥᠨᠳᠡᠭᠦᠯᠦᠭᠡ ᠦᠭᠡᠢ ᠬᠥᠪᠴᠢᠷᠬᠡᠢ ᠪᠡᠨ ᠬᠠᠷᠠᠭᠤᠯᠤᠨᠠ᠂ ᠶᠣᠬᠣᠸᠠ ᠶᠢᠨ ᠪᠠᠷᠠᠭᠤᠨ ᠮᠤᠲᠤᠷ ᠳᠠᠬᠢ ᠠᠶᠠᠭᠠ ᠴᠢᠮᠠ ᠤᠷᠤᠭᠤ ᠢᠷᠡᠵᠦ ᠠᠯᠳᠠᠷ ᠤᠨ ᠴᠢᠨᠢ ᠣᠷᠣᠨ ᠳᠤ ᠢᠴᠢᠭᠦᠷᠢ ᠪᠠᠢᠬᠤ ᠪᠣᠯᠣᠨᠠ᠃
17 ᠴᠢ ᠬᠥᠮᠦᠨ ᠦ ᠴᠢᠰᠤ ᠶᠢ ᠤᠷᠤᠰᠬᠠᠵᠤ ᠭᠠᠵᠠᠷ ᠤᠳ ᠪᠠ ᠬᠣᠲᠠ ᠨᠤᠭᠤᠳ ᠢ ᠪᠦᠬᠦ ᠰᠠᠭᠤᠭᠠᠯᠢᠴᠢᠳ ᠲᠠᠢ ᠨᠢ ᠬᠠᠮᠲᠤ ᠰᠦᠢᠷᠡᠭᠦᠯᠦᠭᠰᠡᠨ ᠦ ᠤᠯᠠᠮ ᠢᠶᠠᠷ ᠯᠧᠪᠠᠨᠣᠨ ᠳᠤ ᠦᠢᠯᠡᠳᠦᠭᠰᠡᠨ ᠬᠠᠷᠭᠢᠰᠯᠠᠯ ᠴᠢᠨᠢ ᠴᠢᠮᠠ ᠳᠡᠭᠡᠷᠡ ᠪᠠᠭᠤᠨᠠ ᠰᠦᠢᠷᠡᠭᠰᠡᠨ ᠠᠮᠢᠲᠠᠳ ᠴᠢᠮᠠᠶᠢ ᠰᠦᠷᠳᠡᠭᠦᠯᠦᠨᠡ᠂
18 ᠰᠢᠲᠦᠭᠡᠨ ᠢ ᠬᠥᠮᠦᠨ ᠰᠡᠢᠯᠵᠦ ᠪᠦᠲᠦᠭᠡᠭᠰᠡᠨ ᠬᠣᠢᠨᠠ ᠠᠰᠢᠭ ᠲᠤᠰᠠ ᠨᠢ ᠶᠠᠭᠤ ᠪᠤᠢ︖ ᠴᠢᠳᠬᠤᠮᠠᠯ ᠰᠢᠲᠦᠭᠡᠨ ᠪᠣᠯ ᠬᠠᠭᠤᠷᠮᠠᠭ ᠪᠠᠭᠰᠢ ᠶᠤᠮ᠂ ᠪᠦᠲᠦᠭᠡᠭᠴᠢ ᠨᠢ ᠬᠡᠯᠡ ᠦᠭᠡᠢ ᠪᠤᠷᠬᠠᠳ ᠢ ᠬᠢᠳᠡᠭ ᠠᠲᠠᠯᠠ ᠪᠠᠨ ᠥᠪᠡᠷ ᠦᠨ ᠢᠶᠠᠨ ᠪᠦᠲᠦᠭᠡᠯ ᠳᠦ ᠢᠲᠡᠭᠡᠳᠡᠭ ᠭᠡᠨᠡ︕
19 ᠮᠣᠳᠣᠨ ᠳᠤ᠄ 《ᠰᠡᠷᠢᠭᠡᠴᠢ︕》 ᠭᠡᠵᠦ ᠳᠦᠯᠡᠢ ᠴᠢᠯᠠᠭᠤᠨ ᠳᠤ᠄ 《ᠪᠣᠰᠣᠭᠠᠴᠢ︕》 ᠭᠡᠭᠴᠢ ᠨᠢ ᠭᠠᠰᠠᠯᠠᠩᠲᠠᠶᠠ︕ ᠲᠡᠷᠡ ᠶᠠᠭᠤᠮᠠᠰ ᠴᠢᠨᠢ ᠪᠠᠭᠰᠢᠯᠠᠨᠠ ᠭᠡᠵᠢ ᠳᠠ︕ ᠬᠠᠷᠠ᠂ ᠲᠡᠳᠡ ᠴᠢᠨᠢ ᠠᠯᠲᠠ ᠮᠥᠩᠭᠥ ᠪᠡᠷ ᠪᠦᠷᠢᠭᠦᠯᠦᠭᠰᠡᠨ︕ ᠳᠣᠲᠣᠷᠠ ᠨᠢ ᠶᠠᠮᠠᠷ ᠴᠤ ᠠᠮᠢᠰᠬᠤᠯ ᠪᠠᠢᠬᠤ ᠦᠭᠡᠢ᠃
20 ᠬᠠᠷᠢᠨ ᠶᠣᠬᠣᠸᠠ ᠠᠷᠢᠭᠤᠨ ᠣᠷᠳᠣᠨ ᠳᠠᠭᠠᠨ ᠪᠠᠢᠳᠠᠭ ᠪᠦᠬᠦ ᠳᠡᠯᠡᠬᠡᠢ ᠲᠡᠭᠦᠨ ᠦ ᠡᠮᠦᠨᠡ ᠳᠠᠭᠤ ᠦᠭᠡᠢ ᠪᠠᠢᠭ᠃》