ᠬᠠᠪᠠᠺᠦ᠋ᠺ ᠭᠤᠷᠪᠠ
ᠡᠰᠢ ᠦᠵᠡᠭᠦᠯᠦᠭᠴᠢ ᠶᠢᠨ ᠳᠠᠭᠠᠳᠬᠠᠯ
1 ᠰᠢᠭᠢᠶᠣᠨᠣᠲ 2 ᠲᠤ ᠨᠡᠢᠴᠡᠭᠦᠯᠦᠭᠰᠡᠨ ᠡᠰᠢ ᠦᠵᠡᠭᠦᠯᠦᠭᠴᠢ ᠬᠠᠪᠠᠺᠦ᠋ᠺ ᠤᠨ ᠳᠠᠭᠠᠳᠬᠠᠯ᠄
2 ᠶᠣᠬᠣᠸᠠ᠂ ᠪᠢ ᠲᠠᠨ ᠤ ᠰᠣᠨᠣᠰᠬᠠᠭᠰᠠᠨ ᠢ ᠰᠣᠨᠣᠰᠣᠭᠠᠳ ᠡᠮᠢᠶᠡᠪᠡ ᠶᠣᠬᠣᠸᠠ ᠪᠢᠳᠡᠨ ᠦ ᠵᠢᠯ ᠤᠳ ᠢᠶᠠᠷ ᠦᠢᠯᠡ ᠪᠡᠨ ᠰᠡᠷᠭᠦᠭᠡᠭᠡᠴᠢ ᠪᠢᠳᠡᠨ ᠦ ᠵᠢᠯ ᠤᠳ ᠲᠤ ᠮᠡᠳᠡᠭᠦᠯᠦᠭᠡᠴᠢ ᠠᠭᠤᠷᠯᠠᠬᠤ ᠳᠠᠭᠠᠨ ᠥᠷᠥᠰᠢᠶᠡᠯ ᠢᠶᠡᠨ ᠰᠠᠨᠠᠭᠠᠴᠢ᠃
3 ᠪᠤᠷᠬᠠᠨ ᠲᠧᠮᠠᠨ ᠠᠴᠠ ᠠᠢᠰᠤᠢ ᠠᠷᠢᠭᠤᠨ ᠨᠢᠭᠡᠨ ᠫᠠᠷᠠᠨ ᠠᠭᠤᠯᠠ ᠠᠴᠠ ᠠᠢᠰᠤᠢ
ᠰᠧᠯᠠ
ᠰᠦᠷ ᠵᠢᠪᠬᠤᠯᠠᠩ ᠨᠢ ᠲᠩᠷᠢ ᠶᠢ ᠪᠦᠷᠬᠦᠵᠦ ᠮᠠᠭᠲᠠᠭᠠᠯ ᠨᠢ ᠳᠡᠯᠡᠬᠡᠢ ᠶᠢ ᠪᠢᠯᠬᠠᠭᠠᠪᠠ᠂
4 ᠭᠡᠭᠡ ᠨᠢ ᠨᠠᠷᠠ ᠮᠡᠲᠦ ᠬᠦᠴᠦ ᠨᠢᠭᠤᠭᠳᠠᠭᠰᠠᠨ ᠮᠤᠲᠤᠷ ᠠᠴᠠ ᠨᠢ ᠬᠣᠣᠰ ᠭᠡᠷᠡᠯ ᠰᠠᠴᠤᠷᠠᠨᠠ᠂
5 ᠡᠮᠦᠨᠡ ᠨᠢ ᠲᠠᠬᠤᠯ ᠶᠠᠪᠤᠵᠤ ᠠᠷᠤ ᠠᠴᠠ ᠨᠢ ᠳᠥᠯᠥ ᠪᠣᠷᠪᠢᠳᠠᠳᠠᠭ᠃
6 ᠲᠡᠷᠡ ᠵᠣᠭᠰᠣᠵᠤ᠂ ᠭᠠᠵᠠᠷ ᠢ ᠰᠡᠭᠰᠦᠷᠪᠡ ᠲᠡᠷᠡ ᠬᠠᠷᠠᠵᠤ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠣᠴᠢᠭᠠᠪᠠ ᠡᠭᠦᠷᠢᠳᠡ ᠶᠢᠨ ᠠᠭᠤᠯᠠᠰ ᠪᠤᠲᠠᠷᠠᠵᠤ ᠥᠨᠢ ᠡᠷᠲᠡᠨ ᠦ ᠲᠣᠯᠣᠭᠠᠳ ᠬᠣᠲᠣᠢᠪᠠ ᠬᠠᠷᠢᠨ ᠲᠡᠭᠦᠨ ᠦ ᠦᠢᠯᠡᠰ ᠡᠭᠦᠷᠢᠳᠡ ᠶᠢᠨ ᠬᠢ ᠶᠤᠮ᠃
7 ᠪᠢ ᠬᠠᠷᠠᠬᠤ ᠳᠤ ᠺᠦᠱᠠᠨ ᠤ ᠭᠡᠷ ᠤᠳ ᠭᠤᠲᠤᠷᠠᠪᠠ ᠮᠢᠳᠢᠶᠠᠨ ᠨᠤᠲᠤᠭ ᠤᠨ ᠮᠠᠢᠬᠠᠨ ᠤ ᠬᠥᠰᠢᠭᠡ ᠴᠡᠴᠡᠷᠡᠪᠡ᠂
8 ᠶᠣᠬᠣᠸᠠ ᠲᠠ ᠮᠥᠷᠡᠨ ᠳᠦ ᠬᠢᠯᠢᠩᠨᠡᠭᠰᠡᠨ ᠭᠡᠵᠢ ᠤᠤ︖ ᠲᠠ ᠮᠥᠷᠡᠨ ᠳᠦ ᠠᠭᠤᠷᠯᠠᠭᠰᠠᠨ ᠭᠡᠵᠢ ᠤᠤ︖ ᠲᠠ ᠲᠠᠩᠭᠢᠰ ᠢ ᠵᠢᠭ᠍ᠰᠢᠭᠰᠡᠨ ᠲᠤᠯᠠ ᠮᠣᠷᠢᠨ ᠳᠠᠭᠠᠨ ᠮᠣᠷᠳᠠᠨ ᠠᠪᠤᠷᠠᠯ ᠤᠨ ᠲᠡᠷᠭᠡᠨ ᠳᠡᠭᠡᠨ ᠭᠠᠷᠤᠭᠰᠠᠨ ᠤᠤ︖
9 ᠲᠠ ᠨᠤᠮᠤ ᠪᠠᠨ ᠲᠠᠲᠠᠪᠠ ᠰᠤᠮᠤᠨ ᠳᠠᠭᠠᠨ ᠲᠤᠰᠢᠶᠠᠪᠠ᠂
ᠰᠧᠯᠠ
ᠲᠠ ᠭᠠᠵᠠᠷ ᠢ ᠮᠥᠷᠡᠨ ᠢᠶᠡᠷ ᠬᠤᠪᠢᠶᠠᠭᠰᠠᠨ ᠪᠢᠯᠡ
10 ᠠᠭᠤᠯᠠᠰ ᠲᠠᠨ ᠢ ᠬᠠᠷᠠᠭᠠᠳ ᠭᠠᠩ᠋ᠬᠤᠪᠠ ᠤᠰᠤ ᠬᠦᠷᠬᠢᠷᠡᠨ ᠥᠩᠭᠡᠷᠡᠪᠡ ᠭᠦᠨ ᠳᠠᠯᠠᠢ ᠬᠦᠷᠴᠢᠭᠢᠨᠡᠨ ᠭᠠᠷ ᠢᠶᠠᠨ ᠥᠨᠳᠥᠷ ᠲᠦ ᠡᠷᠭᠦᠪᠡ᠂
11 ᠬᠠᠷᠪᠤᠬᠤ ᠰᠤᠮᠤ ᠨᠤᠭᠤᠳ ᠲᠠᠨᠢ ᠭᠢᠯᠪᠠᠬᠤ ᠳᠤ ᠭᠢᠯᠠᠯᠵᠠᠬᠤ ᠵᠢᠳᠠ ᠲᠠᠨᠢ ᠴᠠᠢᠯᠵᠠᠬᠤ ᠳᠤ ᠨᠠᠷᠠ ᠰᠠᠷᠠ ᠪᠠᠢᠷᠢᠨ ᠳᠠᠭᠠᠨ ᠲᠣᠭᠲᠠᠪᠠ᠂
12 ᠲᠠ ᠠᠭᠤᠷ ᠲᠠᠢ ᠪᠠᠷ ᠭᠠᠵᠠᠷ ᠢ ᠳᠡᠪᠰᠡᠨᠡ ᠬᠢᠯᠢᠩ ᠲᠠᠢ ᠪᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠲᠠᠯᠬᠢᠳᠠᠨᠠ᠃
13 ᠲᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠠᠪᠤᠷᠠᠬᠤ ᠪᠠᠷ ᠲᠣᠰᠣᠯᠠᠭᠳᠠᠭᠰᠠᠨ ᠨᠢᠭᠡᠨ ᠢᠶᠡᠨ ᠠᠪᠤᠷᠠᠬᠤ ᠪᠠᠷ ᠭᠠᠷᠴᠤ ᠢᠷᠡᠪᠡ ᠪᠤᠷᠤᠭᠤᠲᠠᠨ ᠤ ᠭᠡᠷ ᠦᠨ ᠳᠡᠭᠡᠪᠦᠷ ᠢ ᠴᠣᠬᠢᠨ ᠰᠠᠭᠤᠷᠢ ᠡᠴᠡ ᠨᠢ ᠣᠷᠣᠢ ᠬᠦᠷᠲᠡᠯᠡ ᠨᠢ ᠢᠯᠡ ᠭᠠᠷᠭᠠᠪᠠ᠃
ᠰᠧᠯᠠ
14 ᠲᠡᠳᠡ ᠬᠤᠢ ᠰᠠᠯᠬᠢ ᠮᠡᠲᠦ ᠢᠷᠡᠵᠦ ᠪᠢᠳᠡᠨ ᠢ ᠪᠤᠲᠠᠷᠠᠭᠠᠬᠤ ᠭᠡᠬᠦ ᠳᠦ ᠲᠡᠳᠡ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠤᠨ ᠶᠠᠳᠠᠭᠤᠰ ᠢ ᠵᠠᠯᠭᠢᠵᠤ ᠪᠠᠶᠠᠷᠯᠠᠬᠤ ᠭᠡᠬᠦ ᠳᠦ ᠲᠠ ᠥᠪᠡᠷ ᠦᠨ ᠢᠶᠠᠨ ᠵᠢᠳᠠ ᠪᠠᠷ ᠳᠠᠢᠴᠢᠳ ᠤᠨ ᠬᠢᠨᠢ ᠲᠣᠯᠣᠭᠠᠢ ᠶᠢ ᠬᠠᠳᠬᠤᠭᠰᠠᠨ ᠪᠢᠯᠡ᠂
15 ᠲᠠ ᠮᠣᠷᠢ ᠪᠠᠷ ᠳᠠᠯᠠᠢ ᠶᠢ ᠶᠡᠬᠡ ᠤᠰᠤᠨ ᠤ ᠳᠠᠪᠠᠯᠭᠠᠨ ᠢ ᠳᠡᠪᠰᠡᠯᠡᠪᠡ᠃
16 ᠲᠡᠷᠡ ᠳᠠᠭᠤ ᠶᠢ ᠪᠢ ᠰᠣᠨᠣᠰᠣᠭᠠᠳ ᠵᠢᠷᠦᠬᠡ ᠮᠢᠨᠢ ᠳᠡᠯᠡᠰᠴᠦ ᠣᠷᠣᠭᠤᠯ ᠮᠢᠨᠢ ᠴᠡᠴᠡᠷᠡᠨ ᠶᠠᠰᠤᠨ ᠳᠤ ᠮᠢᠨᠢ ᠢᠯᠵᠠᠷᠠᠯ ᠣᠷᠣᠵᠤ ᠬᠥᠯ ᠮᠢᠨᠢ ᠰᠠᠯᠭᠠᠨᠠᠪᠠ ᠬᠠᠷᠢᠨ ᠪᠢ ᠪᠢᠳᠡᠨ ᠢ ᠳᠣᠪᠲᠣᠯᠣᠭᠴᠢ ᠦᠨᠳᠦᠰᠦᠲᠡᠨ ᠳᠦ ᠢᠷᠡᠬᠦ ᠵᠣᠪᠠᠯᠠᠩ ᠤᠨ ᠡᠳᠦᠷ ᠢ ᠴᠢᠮᠡᠭᠡ ᠦᠭᠡᠢ ᠬᠦᠯᠢᠶᠡᠨᠡ᠂
17 ᠬᠡᠳᠦᠢᠪᠡᠷ ᠢᠨᠵᠢᠷ ᠤᠨ ᠮᠣᠳᠣ ᠴᠡᠴᠡᠭ ᠦᠭᠡᠢ ᠦᠵᠦᠮ ᠦᠨ ᠮᠣᠳᠣ ᠵᠢᠮᠢᠰ ᠦᠭᠡᠢ ᠴᠢᠳᠦᠨ ᠮᠣᠳᠣᠨ ᠤ ᠭᠠᠷᠤᠯᠲᠠ ᠬᠣᠮᠰᠠᠳᠠᠵᠤ ᠲᠠᠯᠠᠪᠠᠢ ᠠᠴᠠ ᠬᠦᠨᠡᠰᠦ ᠭᠠᠷᠬᠤ ᠦᠭᠡᠢ ᠪᠠᠢᠭᠰᠠᠨ ᠴᠤ ᠮᠥᠨ ᠬᠠᠰᠢᠶᠠᠨ ᠳᠠᠭᠠᠨ ᠬᠣᠨᠢ ᠦᠭᠡᠢ ᠰᠠᠷᠠᠪᠴᠢᠨ ᠳᠠᠭᠠᠨ ᠦᠬᠡᠷ ᠦᠭᠡᠢ ᠪᠠᠢᠭᠰᠠᠨ ᠴᠤ
18 ᠪᠢ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠪᠠᠶᠠᠰᠤᠨᠠ ᠪᠢ ᠠᠪᠤᠷᠠᠯ ᠤᠨ ᠢᠶᠠᠨ ᠪᠤᠷᠬᠠᠨ ᠳᠣᠲᠣᠷᠠ ᠪᠠᠶᠠᠷᠯᠠᠨᠠ᠃
19 ᠡᠵᠡᠨ ᠶᠣᠬᠣᠸᠠ ᠪᠣᠯ ᠮᠢᠨᠦ ᠬᠦᠴᠦ︕ ᠲᠡᠷᠡ ᠬᠥᠯ ᠢ ᠮᠢᠨᠢ ᠰᠣᠭᠣ ᠶᠢᠨ ᠬᠥᠯ ᠮᠡᠲᠦ ᠪᠣᠯᠭᠠᠵᠤ ᠲᠡᠷᠡ ᠨᠠᠮᠠᠶᠢ ᠥᠨᠳᠥᠷ ᠭᠠᠵᠠᠷ ᠤᠳ ᠢᠶᠠᠷ ᠮᠢᠨᠢ ᠶᠠᠪᠤᠭᠤᠯᠤᠨᠠ᠃ ᠡᠨᠡ ᠳᠠᠭᠤᠤ ᠶᠢ ᠤᠳᠤᠷᠢᠳᠤᠭᠠᠴᠢ ᠳᠤ᠂ ᠬᠥᠭᠵᠢᠮ ᠳᠡᠭᠡᠷᠡ ᠲᠣᠭᠯᠠᠬᠤ ᠳᠤ ᠵᠣᠷᠢᠭᠤᠯᠪᠠ᠃