ᠨᠠᠾᠦ᠋ᠮ ᠭᠤᠷᠪᠠ
ᠵᠠᠢᠯᠠᠰᠢ ᠦᠭᠡᠢ ᠰᠦᠢᠷᠡᠯ
1 ᠭᠠᠰᠠᠯᠠᠩᠲᠠᠶᠠ᠂ ᠴᠢᠰᠤᠲᠤ ᠬᠣᠲᠠ ᠡ᠂ ᠬᠤᠳᠠᠯ ᠪᠠ ᠳᠡᠭᠡᠷᠡᠮᠳᠠᠯ ᠢᠶᠠᠷ ᠳᠦᠭᠦᠷᠴᠦ ᠬᠣᠣᠷ ᠬᠥᠨᠥᠭᠡᠯ ᠴᠢᠨᠢ ᠳᠠᠭᠤᠰᠤᠰᠢ ᠦᠭᠡᠢ ᠪᠠᠢᠨᠠ᠃
2 ᠲᠠᠰᠢᠭᠤᠷ ᠤᠨ ᠳᠠᠭᠤ᠂ ᠳᠤᠭᠤᠢ ᠨᠤᠭᠤᠳ ᠤᠨ ᠱᠤᠤᠭᠢᠶᠠᠨ᠂ ᠳᠠᠪᠬᠢᠳᠠᠭ ᠮᠣᠷᠢᠳ᠂ ᠳᠠᠴᠢᠬᠢᠨᠠᠳᠠᠭ ᠲᠡᠷᠭᠡ ᠨᠦᠭᠦᠳ ᠪᠠᠢᠨᠠ︕
3 ᠮᠣᠷᠢᠲᠠᠨ ᠮᠣᠷᠳᠠᠵᠤ᠂ ᠢᠯᠳᠦ ᠭᠢᠯᠠᠯᠵᠠᠵᠤ᠂ ᠵᠢᠳᠠ ᠨᠤᠭᠤᠳ ᠬᠢᠯᠠᠰᠤᠨᠠ᠂ ᠶᠡᠬᠡ ᠠᠯᠠᠯᠭᠠ᠂ ᠦᠬᠦᠳᠡᠯ ᠦᠨ ᠣᠪᠣᠭᠠ᠂ ᠲᠣᠭᠠᠯᠠᠰᠢ ᠦᠭᠡᠢ ᠬᠡᠭᠦᠷ ᠪᠠᠢᠨᠠ ᠲᠡᠭᠦᠨ ᠳᠡᠭᠡᠷᠡ ᠨᠢ ᠬᠥᠮᠦᠨ ᠪᠦᠳᠦᠷᠢᠨᠠ᠂
4 ᠡᠨᠡ ᠪᠦᠬᠦᠨ ᠨᠢ ᠭᠤᠸᠠ ᠦᠵᠡᠰᠬᠦᠯᠡᠩ ᠶᠢᠯᠸᠢᠴᠢᠨ ᠶᠠᠩ᠋ᠬᠠᠨ ᠤ ᠶᠡᠬᠡ ᠵᠠᠪᠬᠠᠢᠷᠠᠯ ᠠᠴᠠ ᠪᠣᠯᠣᠭᠰᠠᠨ ᠲᠡᠷᠡ ᠵᠠᠪᠬᠠᠢᠷᠠᠯ ᠢᠶᠠᠷ ᠢᠶᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠥᠳᠥᠭᠡᠵᠦ ᠰᠢᠳᠢ ᠪᠠᠷ ᠢᠶᠠᠨ ᠶᠠᠰᠤᠲᠠᠨ ᠨᠤᠭᠤᠳ ᠢ ᠡᠵᠡᠮᠳᠡᠪᠡ᠃
5 《ᠬᠠᠷᠠ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ᠃》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠴᠢᠨᠦ ᠪᠠᠩ᠋ᠵᠠᠯ ᠢ ᠨᠢᠭᠤᠷ ᠲᠤ ᠴᠢᠨᠢ ᠬᠦᠷᠲᠡᠯᠡ ᠢᠷᠠᠵᠤ ᠴᠢᠨᠦ ᠨᠢᠴᠦᠭᠦᠨ ᠪᠠᠢᠳᠠᠯ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠦ ᠴᠢᠨᠦ ᠢᠴᠢᠭᠦᠷᠢ ᠶᠢ ᠬᠠᠭᠠᠨᠴᠢᠯᠠᠯ ᠤᠳ ᠲᠤ ᠬᠠᠷᠠᠭᠤᠯᠤᠨᠠ᠃
6 ᠪᠢ ᠴᠢᠨᠦ ᠳᠡᠭᠡᠷᠡ ᠵᠢᠭᠰᠢᠭᠦᠷᠢ ᠶᠢ ᠰᠢᠳᠡᠨ ᠴᠢᠮᠠᠶᠢ ᠰᠢᠪᠰᠢᠭ ᠪᠣᠯᠭᠠᠵᠤ᠂ ᠦᠵᠡᠮᠦᠷᠢ ᠪᠣᠯᠭᠠᠨᠠ᠃
7 ᠴᠢᠮᠠᠶᠢ ᠬᠠᠷᠠᠬᠤ ᠬᠥᠮᠦᠨ ᠪᠣᠯᠭᠠᠨ ᠴᠢᠮᠠ ᠠᠴᠠ ᠪᠤᠯᠳᠠᠵᠤ 〈ᠨᠢᠨᠧᠸᠧ ᠰᠦᠢᠷᠡᠵᠡᠢ ᠬᠡᠨ ᠲᠡᠭᠦᠨ ᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠬᠤ ᠪᠤᠢ︖〉 ᠭᠡᠬᠦ ᠪᠣᠯᠣᠨᠠ ᠴᠢᠮᠠᠶᠢ ᠲᠠᠢᠪᠤᠰᠢᠷᠠᠭᠤᠯᠤᠭᠴᠢ ᠶᠢ ᠪᠢ ᠬᠠᠮᠢᠭᠠ ᠠᠴᠠ ᠴᠤ ᠣᠯᠬᠤ ᠦᠭᠡᠢ᠃》
8 ᠨᠢᠨᠧᠸᠧ ᠡ᠂ ᠴᠢ ᠨᠢᠯ ᠮᠥᠷᠡᠨ ᠦ ᠳᠡᠷᠭᠡᠳᠡᠬᠢ ᠤᠰᠤ ᠪᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠲᠧᠪᠧ ᠡᠴᠡ ᠳᠡᠭᠡᠷᠡ ᠭᠡᠵᠢ ᠤᠤ︖ ᠳᠠᠯᠠᠢ ᠨᠢ ᠲᠡᠭᠦᠨ ᠦ ᠴᠠᠢᠵᠠ᠂ ᠭᠣᠣᠯ ᠨᠢ ᠲᠡᠭᠦᠨ ᠦ ᠬᠡᠷᠡᠮ ᠪᠠᠢᠭᠰᠠᠨ
9 ᠺᠦᠱ ᠪᠣᠯᠣᠨ ᠶᠧᠵᠢᠫᠲ ᠲᠡᠭᠦᠨ ᠦ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠬᠦᠴᠦ ᠫᠦᠲ ᠪᠣᠯᠣᠨ ᠯᠦᠪᠢᠮ ᠴᠤ ᠲᠡᠭᠦᠨ ᠦ ᠬᠠᠮᠰᠠᠭᠠᠲᠠᠨ ᠪᠠᠢᠭᠰᠠᠨ᠃
10 ᠭᠡᠪᠡᠴᠦ ᠲᠡᠷᠡ ᠣᠯᠵᠠᠯᠠᠭᠳᠠᠵᠤ ᠴᠥᠯᠡᠯᠭᠡ ᠳᠦ ᠶᠠᠪᠤᠭᠰᠠᠨ ᠪᠠᠯᠴᠢᠷ ᠬᠡᠦᠬᠡᠳ ᠤᠳ ᠨᠢ ᠭᠤᠳᠤᠮᠵᠢ ᠪᠣᠯᠭᠠᠨ ᠤ ᠡᠬᠢᠨ ᠳᠤ ᠰᠠᠪᠠᠭᠳᠠᠵᠤ ᠨᠣᠶᠠᠳ ᠨᠢ ᠰᠢᠪᠠᠭᠠ ᠪᠠᠷ ᠣᠯᠵᠠᠯᠠᠭᠤᠯᠵᠤ ᠠᠯᠳᠠᠷᠲᠠᠳ ᠨᠢ ᠳᠥᠩᠭᠡᠯᠡᠭᠦᠯᠦᠭᠰᠡᠨ ᠪᠢᠯᠡ᠃
11 ᠴᠢ ᠴᠤ ᠰᠣᠭᠲᠣᠨ᠂ ᠤᠬᠠᠭᠠᠨ ᠵᠢᠯᠣᠭᠣ ᠦᠭᠡᠢ ᠪᠣᠯᠵᠤ ᠳᠠᠢᠰᠤᠨ ᠠᠴᠠ ᠳᠠᠯᠳᠠᠯᠠᠬᠤ ᠭᠠᠵᠠᠷ ᠢ ᠬᠠᠢᠬᠤ ᠪᠣᠯᠣᠨᠠ᠃
12 ᠴᠠᠢᠵᠠ ᠴᠢᠨᠢ ᠪᠦᠭᠦᠳᠡ ᠪᠣᠯᠪᠠᠰᠤᠷᠠᠭᠰᠠᠨ ᠵᠢᠮᠢᠰ ᠲᠠᠢ ᠢᠨᠵᠢᠷ ᠤᠨ ᠮᠣᠳᠣ ᠮᠡᠲᠦ ᠰᠡᠭᠰᠦᠷᠬᠦ ᠳᠦ ᠯᠠ ᠢᠳᠡᠭᠴᠢ ᠶᠢᠨ ᠠᠮᠠᠨ ᠳᠤ ᠤᠨᠠᠨᠠ᠃
13 ᠬᠠᠷᠠ᠂ ᠴᠡᠷᠢᠭ ᠤᠳ ᠴᠢᠨᠢ ᠲᠠ ᠨᠠᠷ ᠤᠨ ᠳᠤᠮᠳᠠᠬᠢ ᠡᠮᠡᠭᠲᠡᠢᠴᠦᠳ ᠲᠡᠢ ᠠᠳᠠᠯᠢ ᠨᠤᠲᠤᠭ ᠤᠨ ᠴᠢᠨᠢ ᠬᠠᠭᠠᠯᠭᠠ ᠨᠤᠭᠤᠳ ᠳᠠᠢᠰᠤᠨ ᠨᠤᠭᠤᠳ ᠤᠨ ᠴᠢᠨᠢ ᠡᠮᠦᠨᠡ ᠤᠩ᠋ᠭᠤᠢᠨ ᠴᠤᠩ᠋ᠭᠤᠢᠵᠤ ᠬᠠᠭᠠᠯᠲᠠ ᠨᠤᠭᠤᠳ ᠴᠢᠨᠢ ᠭᠠᠯ ᠳᠤ ᠰᠢᠲᠠᠬᠤ ᠪᠣᠯᠣᠨᠠ᠃
14 ᠪᠦᠰᠡᠯᠡᠭᠳᠡᠬᠦ ᠶᠢᠨ ᠡᠮᠦᠨᠡ ᠤᠰᠤ ᠲᠠᠲᠠᠭᠠᠳ ᠠᠪ︕ ᠪᠡᠬᠢᠯᠡᠯᠲᠡ ᠨᠦᠭᠦᠳ ᠢᠶᠡᠨ ᠪᠡᠬᠢᠵᠢᠭᠦᠯᠦᠭᠡᠳ ᠦᠵᠡ ᠰᠢᠪᠠᠷ ᠲᠤ ᠣᠷᠣᠭᠠᠳ ᠭᠢᠰᠬᠢᠨ ᠵᠢᠭᠤᠷᠠᠵᠤ ᠲᠣᠭᠣᠰᠬᠠ ᠶᠢᠨ ᠬᠡᠪ ᠢᠶᠡᠨ ᠰᠡᠯᠪᠢᠭᠡᠳ ᠦᠵᠡ᠃
15 ᠬᠠᠷᠢᠨ ᠲᠡᠨᠳᠡ ᠭᠠᠯ ᠴᠢᠮᠠᠶᠢ ᠵᠠᠯᠭᠢᠨᠠ ᠰᠡᠯᠡᠮᠡ ᠴᠢᠮᠠᠶᠢ ᠴᠠᠪᠴᠢᠨ᠂ ᠴᠠᠷᠴᠠᠬᠠᠢ ᠮᠡᠲᠦ ᠵᠠᠯᠭᠢᠨᠠ᠃ ᠴᠢ ᠪᠠᠰᠠ ᠴᠠᠷᠴᠠᠬᠠᠢ ᠮᠡᠲᠦ ᠣᠯᠠᠰᠢᠷᠠᠭᠠᠳ ᠦᠵᠡ ᠰᠦᠷᠦᠭ ᠴᠠᠷᠴᠠᠬᠠᠢ ᠮᠡᠲᠦ ᠣᠯᠠᠰᠢᠷᠠᠭᠠᠳ ᠦᠵᠡ᠃
16 ᠴᠢ ᠬᠤᠳᠠᠯᠳᠤᠭᠠᠴᠢᠳ ᠢᠶᠠᠨ ᠲᠩᠷᠢ ᠶᠢᠨ ᠣᠳᠣᠳ ᠠᠴᠠ ᠢᠯᠡᠭᠦᠦ ᠣᠯᠠᠰᠢᠷᠠᠭᠤᠯᠵᠠᠢ ᠬᠠᠷᠢᠨ ᠲᠡᠳᠡ ᠴᠠᠷᠴᠠᠬᠠᠢ ᠠᠳᠠᠯᠢ ᠭᠠᠵᠠᠷ ᠢ ᠴᠥᠯᠮᠥᠭᠡᠳ ᠨᠢᠰᠦᠨ ᠣᠳᠣᠨᠠ᠃
17 ᠬᠠᠷᠠᠭᠤᠯ ᠤᠳ ᠴᠢᠨᠢ ᠴᠠᠷᠴᠠᠬᠠᠢ ᠮᠡᠲᠦ ᠵᠠᠩᠵᠤᠨ ᠨᠠᠷ ᠴᠢᠨᠢ ᠬᠦᠢᠲᠡᠨ ᠡᠳᠦᠷ ᠬᠡᠷᠡᠮ ᠳᠡᠭᠡᠷᠡ ᠰᠠᠭᠤᠭᠰᠠᠨ ᠲᠣᠮᠣ ᠴᠠᠷᠴᠠᠬᠠᠢ ᠠᠳᠠᠯᠢ ᠨᠠᠷᠠ ᠮᠠᠨᠳᠤᠮᠠᠭᠴᠠ ᠲᠡᠳᠡ ᠣᠳᠴᠤ᠂ ᠲᠡᠳᠡᠨ ᠦ ᠪᠠᠢᠭᠠ ᠭᠠᠵᠠᠷ ᠢ ᠮᠡᠳᠡᠬᠦ ᠬᠥᠮᠦᠨ ᠠᠯᠠᠭᠠ᠃
18 ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠡ ᠬᠣᠨᠢᠴᠢᠳ ᠴᠢᠨᠢ ᠤᠨᠲᠠᠵᠤ᠂ ᠨᠣᠶᠠᠳ ᠴᠢᠨᠢ ᠨᠣᠢᠷᠰᠣᠵᠤ ᠪᠠᠢᠨᠠ ᠠᠷᠠᠳ ᠲᠦᠮᠡᠨ ᠴᠢᠨᠢ ᠠᠭᠤᠯᠠᠰ ᠢᠶᠠᠷ ᠲᠠᠷᠠᠭᠭᠰᠠᠨ ᠠᠲᠠᠯᠠ ᠲᠡᠳᠡᠨ ᠢ ᠴᠤᠭᠯᠠᠭᠤᠯᠬᠤ ᠬᠥᠮᠦᠨ ᠠᠯᠠᠭᠠ᠃
19 ᠰᠢᠷᠬᠠ ᠴᠢᠨᠢ ᠡᠳᠡᠭᠡᠷᠡᠰᠢ ᠦᠭᠡᠢ ᠭᠡᠮᠲᠦᠯ ᠴᠢᠨᠢ ᠬᠦᠨᠳᠦ ᠴᠢᠨᠦ ᠲᠤᠬᠠᠢ ᠰᠣᠨᠣᠰᠣᠭᠰᠠᠨ ᠪᠦᠭᠦᠳᠡ ᠴᠢᠨᠦ ᠳᠡᠭᠡᠷᠡ ᠠᠯᠠᠭᠠ ᠪᠠᠨ ᠲᠠᠰᠢᠬᠤ ᠪᠣᠯᠣᠨᠠ ᠤᠴᠢᠷ ᠨᠢ ᠴᠢᠨᠦ ᠪᠠᠢᠩ᠋ᠭᠤ ᠶᠢᠨ ᠬᠠᠷᠭᠢᠰᠯᠠᠯ ᠳᠤ ᠦᠷᠳᠣᠭᠡ ᠦᠭᠡᠢ ᠨᠢ ᠪᠠᠢᠨᠠ ᠭᠡᠵᠢ ᠤᠤ︖