ᠨᠠᠾᠦ᠋ᠮ ᠬᠣᠶᠠᠷ
ᠮᠠᠭᠤ ᠬᠣᠲᠠ ᠮᠥᠬᠥᠨᠡ
1 ᠰᠦᠢᠷᠡᠭᠦᠯᠦᠭᠴᠢ ᠴᠢᠨᠦ ᠡᠮᠦᠨᠡ ᠭᠠᠷᠴᠤ ᠢᠷᠡᠯᠡ᠂ ᠨᠢᠨᠧᠸᠧ ᠡ᠂ ᠴᠠᠢᠵᠠ ᠪᠠᠨ ᠬᠠᠮᠠᠭᠠᠯᠠᠭᠠᠳ ᠦᠵᠡ᠂ ᠵᠠᠮ ᠢᠶᠠᠨ ᠠᠵᠢᠭᠯᠠᠭᠠᠳ ᠦᠵᠡ ᠬᠠᠵᠠᠭᠤ ᠲᠠᠯᠠ ᠪᠠᠨ ᠪᠠᠬᠢᠯᠡᠵᠦ᠂ ᠬᠠᠮᠤᠭ ᠬᠦᠴᠦ ᠪᠡᠨ ᠳᠠᠢᠴᠢᠯᠠ᠃
2 (ᠲᠣᠨᠣᠭᠴᠢᠳ ᠲᠣᠨᠣᠵᠤ ᠦᠵᠦᠮ ᠦᠨ ᠮᠣᠳᠣ ᠶᠢ ᠨᠢ ᠰᠦᠢᠳᠬᠡᠭᠰᠡᠨ ᠪᠣᠯᠪᠠᠴᠤ ᠶᠣᠬᠣᠸᠠ ᠶᠠᠺᠣᠪ ᠤᠨ ᠰᠦᠷ ᠬᠦᠴᠦ ᠶᠢ᠂ ᠢᠰᠷᠧᠯ ᠤᠨ ᠰᠦᠷ ᠬᠦᠴᠦ ᠶᠢ ᠰᠡᠷᠭᠦᠭᠡᠬᠦ ᠪᠣᠯᠣᠨᠠ᠃)
3 ᠪᠠᠢᠯᠳᠤᠭᠴᠢᠳ ᠤᠨ ᠬᠢᠨᠢ ᠪᠠᠮᠪᠠᠢ ᠤᠯᠠᠭᠠᠨ ᠪᠠᠭᠠᠲᠤᠷᠴᠤᠳ ᠤᠨ ᠬᠢᠨᠢ ᠬᠤᠪᠴᠠᠰᠤ ᠴᠢᠰ ᠤᠯᠠᠭᠠᠨ ᠪᠠᠢᠯᠳᠤᠭᠠᠨ ᠤ ᠡᠳᠦᠷ ᠲᠡᠷᠭᠡᠨ ᠦ ᠬᠢᠨᠢ ᠲᠡᠮᠦᠷ ᠭᠢᠯᠠᠯᠵᠠᠵᠤ ᠨᠠᠷᠠᠰᠤᠨ ᠵᠢᠳᠠ ᠨᠤᠭᠤᠳ ᠨᠢ ᠨᠠᠢᠭᠤᠨᠠ᠃
4 ᠲᠡᠷᠭᠡ ᠨᠦᠭᠦᠳ ᠭᠤᠳᠤᠮᠵᠢ ᠪᠠᠷ ᠳᠣᠪᠲᠣᠯᠵᠤ ᠲᠠᠯᠠᠪᠠᠢ ᠪᠠᠷ ᠨᠠᠰᠢ ᠴᠠᠰᠢ ᠳᠠᠪᠬᠢᠯᠳᠣᠨᠠ᠂ ᠪᠠᠮᠪᠠᠷ ᠮᠡᠲᠦ ᠲᠥᠷᠬᠥ ᠲᠠᠢ᠂ ᠬᠢᠯᠪᠢᠭᠡᠨ ᠮᠡᠲᠦ ᠭᠦᠶᠦᠳᠡᠯ ᠲᠡᠢ᠂
5 ᠵᠠᠩᠵᠤᠨ ᠨᠢ ᠪᠠᠭᠠᠲᠤᠷ ᠤᠳ ᠢᠶᠠᠨ ᠳᠠᠭᠤᠳᠠᠪᠠᠯ ᠲᠡᠳᠡ ᠵᠠᠮ ᠳᠠᠭᠠᠨ ᠪᠦᠳᠦᠷᠢᠭᠰᠡᠨ ᠴᠤ ᠬᠡᠷᠡᠮ ᠤᠷᠤᠭᠤ ᠨᠢ ᠶᠠᠭᠠᠷᠠᠨ ᠬᠦᠷᠴᠦ᠂ ᠪᠦᠰᠡᠯᠡᠯᠲᠡ ᠶᠢᠨ ᠴᠠᠮᠬᠠᠭ ᠪᠣᠰᠬᠠᠨᠠ᠃
6 ᠭᠣᠣᠯ ᠤᠨ ᠳᠠᠯᠠᠩ ᠰᠡᠲᠡᠷᠡᠬᠦ ᠳᠦ ᠣᠷᠳᠣᠨ ᠵᠢᠪᠴᠠᠢ᠂
7 ᠬᠣᠲᠠ ᠶᠢᠨ ᠬᠢᠨ ᠢ ᠴᠥᠯᠡᠬᠦ᠂ ᠬᠥᠭᠡᠭᠡᠬᠦ ᠵᠠᠷᠯᠢᠭ ᠭᠠᠷᠤᠨᠠ ᠰᠢᠪᠡᠭᠴᠢᠳ ᠨᠢ ᠴᠡᠭᠡᠵᠢ ᠪᠠᠨ ᠳᠡᠯᠡᠳᠴᠦ᠂ ᠲᠠᠭᠲᠠᠭᠠ ᠳᠤᠤᠭᠠᠷᠬᠤ ᠮᠡᠲᠦ ᠭᠠᠰᠢᠭᠤᠳᠠᠨᠠ᠃
8 ᠤᠤᠯ ᠠᠴᠠ ᠪᠠᠨ ᠨᠢᠨᠧᠸᠧ ᠤᠰᠤᠨ ᠴᠥᠭᠥᠷᠥᠮ ᠮᠡᠲᠦ ᠪᠠᠢᠭᠰᠠᠨ ᠣᠳᠣ ᠲᠡᠳᠡ ᠵᠢᠭᠤᠲᠠᠵᠤ ᠪᠠᠢᠨᠠ 《ᠵᠣᠭᠰᠣ᠂ ᠵᠣᠭᠰᠣ》 ᠭᠡᠰᠡᠨ ᠴᠤ ᠡᠷᠭᠢᠬᠦ ᠬᠥᠮᠦᠨ ᠠᠯᠠᠭᠠ᠃
9 ᠮᠥᠩᠭᠥ ᠶᠢ ᠨᠢ ᠲᠣᠨᠣ᠂ ᠠᠯᠲᠠ ᠶᠢ ᠨᠢ ᠲᠣᠨᠣ ᠲᠡᠭᠦᠨ ᠦ ᠨᠥᠭᠡᠴᠡ ᠬᠢᠵᠠᠭᠠᠷ ᠦᠭᠡᠢ ᠲᠥᠷᠥᠯ ᠪᠦᠷᠢ ᠶᠢᠨ ᠡᠷᠳᠡᠨᠢᠰ ᠢᠶᠠᠷ ᠳᠦᠭᠦᠷᠡᠩ᠂
10 ᠬᠣᠲᠠ ᠬᠣᠭᠣᠰᠣᠷᠠᠪᠠ ᠰᠦᠢᠷᠡᠨ ᠰᠦᠢᠳᠴᠡᠢ ᠵᠢᠷᠦᠬᠡ ᠨᠢ ᠦᠬᠦᠵᠦ᠂ ᠡᠪᠦᠳᠦᠭ ᠨᠢ ᠴᠡᠴᠡᠷᠡᠵᠦ ᠪᠠᠢᠨᠠ ᠤᠭᠤᠴᠠ ᠪᠣᠯᠭᠠᠨ ᠡᠪᠡᠳᠴᠦ᠂ ᠴᠢᠷᠠᠢ ᠪᠣᠯᠭᠠᠨ ᠴᠤᠩᠬᠢᠢᠵᠠᠢ᠃
11 ᠣᠳᠣ ᠠᠷᠰᠯᠠᠨ ᠤ ᠡᠭᠦᠷ᠂ ᠵᠠᠯᠠᠭᠤ ᠠᠷᠰᠯᠠᠨ ᠤ ᠬᠣᠭᠣᠯᠠᠯᠠᠬᠤ ᠭᠠᠵᠠᠷ ᠬᠠᠮᠢᠭᠠ ᠪᠠᠢᠨᠠ︖ ᠲᠡᠨᠳᠡ ᠡᠷᠡ ᠡᠮᠡ ᠠᠷᠰᠯᠠᠨ ᠪᠠ ᠭᠦᠶᠦᠭ ᠠᠢᠳᠠᠰ ᠦᠭᠡᠢ ᠶᠠᠪᠤᠵᠤ ᠪᠠᠢᠭᠰᠠᠨ
12 ᠠᠷᠰᠯᠠᠨ ᠭᠦᠶᠦᠭ ᠤᠳ ᠤᠨ ᠢᠶᠠᠨ ᠲᠥᠯᠥᠭᠡ ᠬᠠᠩ᠋ᠭᠠᠯᠲᠠᠲᠠᠢ ᠶᠡᠬᠡ ᠶᠢ ᠲᠠᠰᠤᠳᠠᠵᠤ ᠡᠮᠡ ᠠᠷᠰᠯᠠᠨ ᠨᠤᠭᠤᠳ ᠤᠨ ᠢᠶᠠᠨ ᠲᠥᠯᠥᠭᠡ ᠬᠠᠩ᠋ᠭᠠᠯᠲᠠᠲᠠᠢ ᠶᠡᠬᠡ ᠶᠢ ᠠᠯᠠᠵᠤ ᠢᠴᠡᠭᠡ ᠪᠡᠨ ᠢᠳᠡᠰᠢ ᠪᠠᠷ᠂ ᠡᠭᠦᠷ ᠢᠶᠡᠨ ᠮᠢᠬᠠ ᠪᠠᠷ ᠳᠦᠭᠦᠷᠭᠡᠳᠡᠭ ᠪᠠᠢᠭᠰᠠᠨ᠃
13 《ᠬᠠᠷᠠ᠂ ᠪᠢ ᠴᠢᠨᠦ ᠡᠰᠡᠷᠭᠦ ᠪᠠᠢᠨᠠ᠃》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠄ 《ᠴᠢᠨᠦ ᠲᠡᠷᠭᠡ ᠨᠦᠭᠦᠳ ᠢ ᠪᠢ ᠤᠲᠤᠭᠠᠨ ᠳᠤᠮᠳᠠ ᠰᠢᠲᠠᠭᠠᠨᠠ ᠴᠢᠨᠦ ᠵᠠᠯᠠᠭᠤ ᠠᠷᠰᠯᠠᠨ ᠨᠤᠭᠤᠳ ᠢ ᠢᠯᠳᠦ ᠰᠥᠨᠥᠭᠡᠨᠡ ᠴᠢᠨᠦ ᠣᠯᠵᠠ ᠶᠢ ᠪᠢ ᠭᠠᠵᠠᠷ ᠠᠴᠠ ᠠᠷᠴᠢᠨᠠ ᠡᠯᠴᠢᠳ ᠤᠨ ᠴᠢᠨᠢ ᠳᠠᠭᠤ ᠰᠣᠨᠣᠰᠳᠠᠬᠤ ᠪᠠᠨ ᠪᠣᠯᠢᠨᠠ᠃》