ᠶᠣᠶᠧᠯ ᠬᠣᠶᠠᠷ
1 ᠽᠢᠶᠣᠨ ᠳᠤ ᠪᠦᠷᠢᠶᠡ ᠦᠯᠢᠶᠡ ᠠᠷᠢᠭᠤᠨ ᠠᠭᠤᠯᠠᠨ ᠳᠡᠭᠡᠷᠡ ᠮᠢᠨᠢ ᠲᠦᠭᠰᠢᠭᠦᠷᠢ ᠶᠢ ᠵᠠᠷᠯᠠ ᠡᠨᠡ ᠨᠤᠲᠤᠭ ᠤᠨ ᠰᠠᠭᠤᠭᠠᠯᠢᠴᠢᠳ ᠪᠦᠭᠦᠳᠡ ᠴᠡᠴᠡᠷᠡᠭ ᠶᠣᠬᠣᠸᠠ ᠶᠢᠨ ᠡᠳᠦᠷ ᠢᠷᠡᠵᠦ ᠪᠠᠢᠨᠠ᠂
2 ᠪᠦᠷᠦᠩᠬᠦᠢ᠂ ᠬᠠᠷᠠᠩ᠋ᠭᠤᠢ ᠡᠳᠦᠷ᠂ ᠡᠭᠦᠯᠡ ᠲᠠᠢ ᠪᠠᠷᠠᠭᠠᠨ ᠡᠳᠦᠷ ᠣᠢᠷᠠᠬᠠᠨ ᠪᠠᠢᠨᠠ ᠤᠷᠢᠳᠤ ᠪᠠᠢᠭᠠ ᠦᠭᠡᠢ᠂ ᠦᠶᠡ ᠶᠢᠨ ᠦᠶᠡ ᠳᠦ ᠳᠠᠬᠢᠨ ᠭᠠᠷᠬᠤ ᠦᠭᠡᠢ ᠠᠭᠤᠤ ᠬᠦᠴᠦᠷᠬᠡᠭ ᠴᠡᠷᠢᠭ ᠦᠷ ᠦᠨ ᠲᠤᠶᠠᠭᠠ ᠠᠭᠤᠯᠠᠰ ᠤᠨ ᠳᠡᠭᠡᠭᠦᠷ ᠨᠥᠮᠥᠷᠬᠦ ᠮᠡᠲᠦ ᠢᠷᠡᠨᠡ
3 ᠲᠡᠳᠡᠨ ᠦ ᠡᠮᠦᠨᠡ ᠭᠠᠯ ᠳᠦᠷᠡᠯᠵᠡᠵᠦ᠂ ᠲᠡᠳᠡᠨ ᠦ ᠠᠷᠤ ᠳᠤ ᠳᠥᠯᠥ ᠪᠠᠳᠠᠷᠠᠨᠠ᠃ ᠲᠡᠳᠡᠨ ᠦ ᠡᠮᠦᠨᠡ ᠡᠳᠧᠨ ᠴᠡᠴᠡᠷᠯᠢᠭ ᠮᠡᠲᠦ ᠭᠠᠵᠠᠷ ᠨᠢ ᠴᠤ ᠲᠡᠳᠡᠨ ᠦ ᠠᠷᠤ ᠳᠤ ᠡᠵᠡᠭᠦᠢ ᠴᠥᠯ ᠪᠣᠯᠣᠨᠠ ᠶᠠᠭᠤ ᠴᠤ ᠲᠡᠳᠡᠨ ᠡᠴᠡ ᠵᠢᠭᠤᠲᠠᠵᠤ ᠡᠰᠡ ᠴᠢᠳᠠᠨᠠ
4 ᠲᠡᠳᠡ ᠮᠣᠷᠢᠳ ᠤᠨ ᠲᠥᠷᠬᠥ ᠲᠠᠢ ᠳᠠᠢᠨ ᠤ ᠮᠣᠷᠢᠳ ᠤᠨ ᠳᠠᠪᠬᠢᠭᠠ ᠲᠠᠢ
5 ᠲᠡᠳᠡ ᠠᠭᠤᠯᠠᠰ ᠤᠨ ᠣᠷᠣᠢ ᠪᠠᠷ ᠬᠠᠷᠠᠢᠨᠠ ᠲᠡᠳᠡᠨ ᠦ ᠴᠢᠮᠡᠭᠡ ᠲᠡᠷᠭᠡᠨ ᠦ ᠬᠢ ᠮᠡᠲᠦ ᠭᠠᠯ ᠳᠤ ᠰᠦᠷᠡᠯ ᠰᠢᠲᠠᠵᠤ ᠪᠠᠢᠭᠠ ᠮᠡᠲᠦ ᠲᠤᠯᠤᠯᠳᠤᠭᠠᠨ ᠤ ᠵᠢᠭᠰᠠᠭᠠᠯ ᠳᠠᠬᠢ ᠬᠦᠴᠦᠲᠦ ᠴᠡᠷᠢᠭ ᠤᠨ ᠬᠢ ᠮᠡᠲᠦ᠃
6 ᠲᠡᠳᠡᠨ ᠢ ᠬᠠᠷᠠᠭᠠᠳ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠵᠣᠪᠠᠭᠤᠷᠢᠯᠠᠨᠠ ᠴᠢᠷᠠᠢ ᠪᠣᠯᠭᠠᠨ ᠴᠣᠩᠬᠢᠢᠨᠠ
7 ᠲᠡᠳᠡ ᠳᠠᠢᠴᠢᠳ ᠮᠡᠲᠦ ᠭᠦᠶᠦᠯᠳᠦᠨᠡ᠂ ᠪᠠᠭᠠᠲᠤᠷ ᠤᠳ ᠮᠡᠲᠦ ᠬᠡᠷᠡᠮ ᠠᠪᠠᠷᠢᠨᠠ ᠲᠡᠳᠡ ᠡᠩᠨᠡᠭᠡ ᠡᠴᠡ ᠪᠡᠨ ᠭᠠᠷᠤᠯ ᠦᠭᠡᠢ᠂ ᠬᠥᠮᠦᠨ ᠪᠦᠷᠢ ᠵᠢᠭᠰᠠᠵᠤ ᠶᠠᠪᠤᠨᠠ
8 ᠲᠡᠳᠡ ᠪᠡᠶᠡ ᠪᠡᠶᠡ ᠲᠠᠢ ᠪᠠᠨ ᠲᠦᠯᠬᠢᠯᠴᠡᠯ ᠦᠭᠡᠢ᠂ ᠥᠪᠡᠷ ᠥᠪᠡᠷᠰᠡᠳ ᠦᠨ ᠢᠶᠠᠨ ᠵᠠᠮ ᠢᠶᠠᠷ ᠤᠷᠤᠭᠰᠢᠯᠠᠨᠠ ᠬᠠᠷᠪᠤᠭᠰᠠᠨ ᠰᠤᠮᠤᠨ ᠳᠤᠮᠳᠠᠭᠤᠷ ᠴᠤ ᠡᠩᠨᠡᠭᠡ ᠡᠴᠡ ᠪᠡᠨ ᠭᠠᠷᠤᠯ ᠦᠭᠡᠢ ᠶᠠᠪᠤᠨᠠ
9 ᠲᠡᠳᠡ ᠬᠣᠲᠠ ᠤᠷᠤᠭᠤ ᠳᠠᠭᠠᠷᠢᠨ᠂ ᠬᠡᠷᠡᠮ ᠳᠡᠭᠡᠭᠦᠷ ᠭᠦᠶᠦᠯᠳᠦᠵᠦ ᠪᠠᠢᠰᠢᠩ ᠥᠭᠡᠳᠡ ᠠᠪᠠᠷᠢᠨ᠂ ᠴᠣᠩ᠋ᠬᠣ ᠪᠠᠷ ᠨᠢ ᠬᠤᠯᠠᠭᠠᠢᠴᠢ ᠮᠡᠲᠦ ᠣᠷᠣᠨᠠ
10 ᠲᠡᠳᠡᠨ ᠦ ᠡᠮᠦᠨᠡ ᠭᠠᠵᠠᠷ ᠬᠥᠳᠡᠯᠵᠦ᠂ ᠲᠩᠷᠢ ᠳᠣᠷᠭᠢᠨ᠂ ᠨᠠᠷᠠ ᠰᠠᠷᠠ ᠬᠠᠷᠠᠩ᠋ᠭᠤᠢᠯᠠᠵᠤ᠂ ᠣᠳᠣᠳ ᠭᠡᠷᠡᠯ ᠢᠶᠡᠨ ᠬᠤᠷᠢᠶᠠᠨᠠ᠃
11 ᠶᠣᠬᠣᠸᠠ ᠴᠡᠷᠢᠭ ᠤᠨ ᠢᠶᠠᠨ ᠲᠡᠷᠢᠭᠦᠨ ᠳᠦ ᠤᠤᠬᠠᠢᠯᠠᠨᠠ ᠲᠡᠭᠦᠨ ᠦ ᠬᠤᠸᠠᠷᠠᠨ ᠠᠰᠤᠷᠤ ᠲᠣᠮᠣ ᠲᠤᠰᠢᠶᠠᠯ ᠢ ᠨᠢ ᠪᠡᠶᠡᠯᠡᠭᠦᠯᠦᠭᠴᠢ ᠨᠢ ᠬᠦᠴᠦᠲᠡᠢ ᠶᠣᠬᠣᠸᠠ ᠶᠢᠨ ᠡᠳᠦᠷ ᠠᠭᠤᠤ᠂ ᠠᠶᠤᠮᠰᠢᠭᠲᠠᠢ ᠬᠡᠨ ᠲᠡᠰᠪᠦᠷᠢᠯᠡᠵᠦ ᠴᠢᠳᠠᠬᠤ ᠪᠢᠯᠡ︖
12 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠶᠠᠭ ᠣᠳᠣ ᠴᠤ ᠭᠡᠰᠡᠨ ᠲᠠ ᠨᠠᠷ ᠪᠠᠴᠠᠭ ᠪᠠᠷᠢᠨ᠂ ᠤᠬᠢᠯᠠᠵᠤ᠂ ᠭᠠᠰᠢᠭᠤᠳᠠᠵᠤ ᠪᠦᠬᠦ ᠵᠢᠷᠦᠬᠡ ᠪᠡᠷ ᠢᠶᠠᠨ ᠨᠠᠳᠠ ᠤᠷᠤᠭᠤ ᠡᠷᠭᠢᠭᠲᠦᠨ︕
13 ᠬᠤᠪᠴᠠᠰᠤ ᠪᠠᠨ ᠪᠤᠰᠤ᠂ ᠵᠢᠷᠦᠬᠡ ᠪᠡᠨ ᠤᠷᠠᠵᠤ ᠶᠣᠬᠣᠸᠠ ᠪᠤᠷᠬᠠᠨ ᠳᠠᠭᠠᠨ ᠡᠷᠭᠢ ᠲᠡᠷᠡ ᠪᠡᠷ ᠥᠷᠥᠰᠢᠶᠡᠩᠭᠦᠢ᠂ ᠨᠢᠭᠦᠯᠡᠰᠦᠯ ᠲᠡᠢ᠂ ᠠᠭᠤᠷᠯᠠᠬᠤ ᠳᠠᠭᠠᠨ ᠤᠳᠠᠭᠠᠨ ᠡᠨᠡᠷᠢᠯ ᠢᠶᠠᠷ ᠪᠢᠯᠬᠠᠮᠠ ᠰᠢᠳᠬᠡᠯ ᠢᠶᠡᠨ ᠡᠷᠭᠢᠭᠦᠯᠬᠦ ᠳᠦ ᠪᠡᠯᠡᠨ᠃
14 ᠬᠡᠨ ᠮᠡᠳᠡᠬᠦ ᠪᠢᠯᠡ᠂ ᠶᠣᠬᠣᠸᠠ ᠪᠣᠳᠣᠯ ᠢᠶᠠᠨ ᠥᠭᠡᠷᠡᠴᠢᠯᠡᠵᠦ᠂ ᠵᠥᠭᠡᠯᠡᠷᠡᠨ ᠢᠪᠡᠭᠡᠯ ᠢ ᠠᠷᠤ ᠳᠠᠭᠠᠨ ᠦᠯᠡᠳᠡᠭᠡᠬᠦ ᠪᠠ ᠲᠠ ᠨᠠᠷ ᠶᠣᠬᠣᠸᠠ ᠪᠤᠷᠬᠠᠨ ᠳᠠᠭᠠᠨ ᠢᠳᠡᠭᠡᠨ ᠡᠷᠭᠦᠯ᠂ ᠤᠮᠳᠠᠭᠠᠨ ᠡᠷᠭᠦᠯ ᠡᠷᠭᠦᠬᠦ ᠪᠣᠯᠵᠤ ᠮᠠᠭᠠᠳ ᠦᠭᠡᠢ
15 ᠽᠢᠶᠣᠨ ᠳᠤ ᠪᠦᠷᠢᠶᠡ ᠦᠯᠢᠶᠡ ᠪᠠᠴᠠᠭ ᠪᠠᠷᠢᠬᠤ ᠡᠳᠦᠷ ᠢᠶᠡᠨ ᠲᠤᠰᠠᠭᠠᠷᠯᠠ᠂ ᠠᠷᠢᠭᠤᠨ ᠴᠢᠭᠤᠯᠭᠠᠨ ᠢᠶᠠᠨ ᠳᠠᠭᠤᠳᠠ᠃
16 ᠠᠷᠠᠳ ᠲᠦᠮᠡᠨ ᠢ ᠴᠤᠭᠯᠠᠭᠤᠯᠵᠤ᠂ ᠴᠢᠭᠤᠯᠭᠠᠨ ᠢ ᠠᠷᠢᠭᠤᠰᠬᠠ ᠠᠬᠠᠮᠠᠳ ᠤᠳ ᠢ ᠠᠪᠴᠢᠷᠠᠵᠤ᠂ ᠪᠠᠭᠠᠴᠤᠳ ᠪᠣᠯᠣᠨ ᠬᠥᠬᠥᠭᠦᠯ ᠬᠡᠦᠬᠡᠳ ᠤᠳ ᠢ ᠴᠤᠭᠯᠠᠭᠤᠯ ᠰᠢᠨᠡ ᠬᠦᠷᠭᠡᠨ ᠥᠷᠥᠭᠡᠨ ᠡᠴᠡ ᠪᠡᠨ᠂ ᠰᠢᠨᠡ ᠪᠡᠷᠢ ᠤᠨᠲᠠᠯᠭᠠ ᠶᠢᠨ ᠥᠷᠥᠭᠡᠨ ᠡᠴᠡ ᠪᠡᠨ ᠭᠠᠷᠴᠤ ᠢᠷᠡᠭ᠃
17 ᠶᠣᠬᠣᠸᠠ ᠳᠤ ᠦᠢᠯᠡᠴᠢᠯᠡᠭᠴᠢ ᠲᠠᠬᠢᠯᠴᠢᠳ ᠡᠭᠦᠳᠡᠨ ᠦ ᠬᠣᠩᠭᠢᠯ ᠪᠣᠯᠣᠨ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠦ ᠬᠣᠭᠣᠷᠣᠨᠳᠣ ᠤᠬᠢᠯᠠᠨ 《ᠶᠣᠬᠣᠸᠠ᠂ ᠠᠷᠠᠳ ᠲᠦᠮᠡᠨ ᠢᠶᠡᠨ ᠬᠡᠯᠲᠦᠷᠢᠭᠦᠯᠦᠭᠡᠴᠢ ᠥᠪᠡᠷ ᠦᠨ ᠢᠶᠠᠨ ᠥᠮᠴᠢ ᠶᠢ ᠳᠣᠭᠣᠭᠢ ᠪᠦᠦ ᠪᠣᠯᠭᠠᠭᠠᠴᠢ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠠᠮᠠᠨ ᠤ ᠵᠤᠭᠠ ᠪᠦᠦ ᠪᠣᠯᠭᠠᠭᠠᠴᠢ ᠶᠠᠭᠠᠬᠢᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ 〈ᠲᠡᠳᠡᠨ ᠦ ᠪᠤᠷᠬᠠᠨ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖〉 ᠭᠡᠵᠦ ᠶᠠᠷᠢᠭᠳᠠᠬᠤ ᠶᠣᠰᠣᠲᠠᠢ ᠪᠢᠯᠡ︖》 ᠭᠡᠵᠦ ᠬᠡᠯᠡ᠃
ᠪᠤᠷᠬᠠᠨ ᠤ ᠬᠠᠷᠢᠭᠤ ᠬᠢᠭᠡᠳ ᠠᠮᠠᠯᠠᠯᠲᠠ
18 ᠲᠡᠭᠡᠪᠡᠯ ᠶᠣᠬᠣᠸᠠ ᠥᠪᠡᠷ ᠦᠨ ᠢᠶᠠᠨ ᠭᠠᠵᠠᠷ ᠤᠨ ᠲᠥᠯᠥᠭᠡ ᠮᠡᠷᠡᠢᠵᠦ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠢ ᠥᠷᠥ ᠡᠪᠡᠳᠦᠨᠡ᠃
19 ᠶᠣᠬᠣᠸᠠ ᠬᠠᠷᠢᠭᠤᠯᠵᠤ᠂ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠠᠢᠯᠠᠳᠤᠨ᠄ 《ᠬᠠᠷᠠ᠂ ᠪᠢ ᠦᠷᠡ ᠲᠠᠷᠢᠶᠠ᠂ ᠦᠵᠦᠮ ᠦᠨ ᠳᠠᠷᠠᠰᠤ ᠪᠠ ᠲᠣᠰᠣ ᠶᠢ ᠢᠯᠡᠭᠡᠨ ᠲᠠ ᠨᠠᠷ ᠢ ᠬᠠᠩ᠋ᠭᠠᠨᠠ ᠳᠠᠬᠢᠨ ᠲᠠ ᠨᠠᠷ ᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠣᠭᠣᠭᠢ ᠪᠣᠯᠭᠠᠬᠤ ᠦᠭᠡᠢ᠃
20 ᠬᠣᠢᠲᠤ ᠵᠦᠭ ᠦᠨ ᠴᠡᠷᠢᠭ ᠢ ᠲᠠ ᠨᠠᠷ ᠠᠴᠠ ᠬᠣᠯᠠᠳᠠᠭᠤᠯᠵᠤ ᠬᠠᠲᠠᠭᠰᠠᠨ ᠵᠡᠯᠢᠭᠦᠳ ᠨᠤᠲᠤᠭ ᠤᠷᠤᠭᠤ ᠬᠥᠭᠡᠭᠡᠨᠡ ᠲᠡᠷᠢᠭᠦᠨ ᠢ ᠨᠢ ᠳᠣᠷᠣᠨᠠ ᠶᠢᠨ ᠲᠠᠩᠭᠢᠰ ᠤᠷᠤᠭᠤ ᠰᠡᠭᠦᠯ ᠢ ᠨᠢ ᠥᠷᠥᠨᠡ ᠶᠢᠨ ᠲᠠᠩᠭᠢᠰ ᠤᠷᠤᠭᠤ ᠣᠷᠣᠭᠤᠯᠬᠤ ᠳᠤ ᠮᠠᠭᠤᠬᠠᠢ ᠦᠨᠦᠷ ᠨᠢ ᠳᠡᠭᠳᠡᠨᠡ ᠥᠮᠡᠬᠡᠢ ᠦᠨᠦᠷ ᠭᠠᠷᠤᠨᠠ》 ᠭᠡᠬᠦ ᠪᠣᠯᠣᠨᠠ᠃ ᠲᠡᠷᠡ ᠪᠡᠷ ᠠᠭᠤᠤ ᠵᠦᠢᠯᠡᠰ ᠢ ᠦᠢᠯᠡᠳᠦᠭᠰᠡᠨ ᠶᠤᠮ︕
21 ᠭᠠᠵᠠᠷ ᠡ᠂ ᠪᠦᠦ ᠠᠶᠤ᠂ ᠬᠥᠭᠰᠡᠨ ᠪᠠᠶᠠᠰ ᠶᠣᠬᠣᠸᠠ ᠠᠭᠤᠤ ᠵᠦᠢᠯᠡᠰ ᠢ ᠦᠢᠯᠡᠳᠦᠭᠰᠡᠨ ᠶᠤᠮ︕
22 ᠲᠠᠯᠠ ᠶᠢᠨ ᠠᠮᠢᠲᠠᠳ ᠡ᠂ ᠪᠦᠦ ᠠᠶᠤ ᠬᠡᠭᠡᠷᠡ ᠶᠢᠨ ᠡᠪᠡᠰᠦ ᠨᠣᠭᠣᠭᠠᠷᠠᠵᠤ ᠮᠣᠳᠣᠳ ᠵᠢᠮᠢᠰ ᠢᠶᠠᠨ ᠭᠠᠷᠭᠠᠨ ᠢᠨᠵᠢᠷ ᠤᠨ ᠮᠣᠳᠣᠳ᠂ ᠦᠵᠦᠮ ᠦᠨ ᠮᠣᠳᠣᠳ ᠪᠦᠬᠦ ᠭᠠᠷᠤᠯᠲᠠ ᠪᠠᠨ ᠥᠭᠭᠥᠨᠡ᠃
23 ᠽᠢᠶᠣᠨᠴᠤᠳ ᠡ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠳᠣᠲᠣᠷᠠ ᠬᠥᠭᠰᠡᠨ ᠪᠠᠶᠠᠰ ᠲᠠ ᠨᠠᠷ ᠢ ᠵᠥᠪᠲᠥᠭᠡᠬᠦ ᠪᠡᠷ ᠲᠡᠷᠡ ᠡᠷᠲᠡ ᠶᠢᠨ ᠪᠣᠷᠣᠭᠠᠨ 1 ᠰᠣᠶᠣᠷᠬᠠᠨᠠ ᠲᠠ ᠨᠠᠷ ᠤᠨ ᠲᠥᠯᠥᠭᠡ ᠡᠷᠲᠡ ᠶᠢᠨ ᠪᠣᠷᠣᠭᠠᠨ᠂ ᠣᠷᠣᠢ ᠶᠢᠨ ᠪᠣᠷᠣᠭᠠᠨ ᠢ ᠤᠷᠢᠳᠤ ᠶᠢᠨ ᠠᠳᠠᠯᠢ ᠴᠢᠳᠬᠤᠨᠠ᠃
24 ᠦᠲᠦᠷᠮᠡ ᠨᠦᠭᠦᠳ ᠴᠢᠨᠢ ᠦᠷᠡ ᠲᠠᠷᠢᠶᠠ ᠪᠠᠷ ᠳᠦᠭᠦᠷᠴᠦ ᠲᠣᠷᠬᠠ ᠨᠤᠭᠤᠳ ᠴᠢᠨᠢ ᠦᠵᠦᠮ ᠦᠨ ᠳᠠᠷᠠᠰᠤ ᠪᠠ ᠲᠣᠰᠣ ᠪᠠᠷ ᠪᠢᠯᠬᠠᠬᠤ ᠪᠣᠯᠣᠨᠠ᠃
25 ᠲᠠ ᠨᠠᠷ ᠲᠤ ᠢᠯᠡᠭᠡᠭᠰᠡᠨ ᠮᠢᠨᠦ ᠠᠭᠤᠤ ᠶᠡᠬᠡ ᠴᠡᠷᠢᠭ᠂ ᠰᠦᠷᠦᠭ ᠴᠠᠷᠴᠠᠬᠠᠢ᠂ ᠲᠣᠮᠣ ᠴᠠᠷᠴᠠᠬᠠᠢ᠂ ᠵᠢᠵᠢᠭ ᠴᠠᠷᠴᠠᠬᠠᠢ᠂ ᠪᠤᠰᠤᠳ ᠴᠠᠷᠴᠠᠬᠠᠢ ᠨᠤᠭᠤᠳ ᠤᠨ ᠴᠥᠯᠮᠥᠭᠰᠡᠨ ᠣᠨ ᠵᠢᠯ ᠤᠳ ᠢ ᠪᠢ ᠨᠥᠬᠥᠨ ᠲᠥᠯᠥᠨᠡ᠃
26 ᠲᠠ ᠨᠠᠷ ᠬᠠᠨᠲᠠᠯᠠ ᠪᠠᠨ ᠢᠳᠡᠵᠦ ᠴᠠᠳᠤᠭᠠᠳ ᠭᠠᠢᠬᠠᠮᠰᠢᠭ ᠢ ᠬᠢᠵᠦ ᠥᠭᠭᠥᠭᠰᠡᠨ ᠶᠣᠬᠣᠸᠠ ᠪᠤᠷᠬᠠᠨ ᠤ ᠪᠠᠨ ᠨᠡᠷᠡ ᠶᠢ ᠮᠠᠭᠲᠠᠬᠤ ᠪᠣᠯᠣᠨᠠ ᠠᠷᠠᠳ ᠲᠦᠮᠡᠨ ᠮᠢᠨᠢ ᠬᠡᠵᠢᠶᠡ ᠴᠤ ᠢᠴᠢᠭᠦᠷᠢ ᠳᠤ ᠤᠨᠠᠬᠤ ᠦᠭᠡᠢ︕
27 ᠲᠡᠢᠨ ᠬᠦ ᠪᠢ ᠢᠰᠷᠧᠯ ᠤᠨ ᠳᠤᠮᠳᠠ ᠪᠠᠢᠭᠠ ᠶᠢ᠂ ᠲᠠ ᠨᠠᠷ ᠤᠨ ᠪᠤᠷᠬᠠᠨ ᠪᠣᠯ ᠶᠣᠬᠣᠸᠠ ᠪᠢ᠂ ᠥᠭᠡᠷᠡ ᠪᠠᠢᠬᠤ ᠦᠭᠡᠢ ᠭᠡᠳᠡᠭ ᠢ ᠲᠠ ᠨᠠᠷ ᠮᠡᠳᠡᠬᠦ ᠪᠣᠯᠣᠨᠠ ᠮᠢᠨᠦ ᠠᠷᠠᠳ ᠲᠦᠮᠡᠨ ᠬᠡᠵᠢᠶᠡ ᠴᠤ ᠢᠴᠢᠭᠦᠷᠢ ᠳᠤ ᠤᠨᠠᠬᠤ ᠦᠭᠡᠢ᠃
ᠠᠷᠢᠭᠤᠨ ᠰᠦᠨᠡᠰᠦᠨ ᠦ ᠴᠢᠳᠬᠤᠯᠲᠠ
28 ᠬᠣᠵᠢᠮ ᠨᠢ ᠪᠢ ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦᠨ ᠦ ᠳᠡᠭᠡᠷᠡ ᠰᠦᠨᠡᠰᠦ ᠪᠡᠨ ᠴᠢᠳᠬᠤᠨᠠ ᠬᠥᠪᠡᠭᠦᠳ ᠥᠬᠢᠳ ᠴᠢᠨᠢ ᠡᠰᠢ ᠦᠵᠡᠭᠦᠯᠦᠨ᠂ ᠥᠲᠡᠭᠦᠰ ᠴᠢᠨᠢ ᠵᠡᠭᠦᠳᠦ ᠵᠡᠭᠦᠳᠦᠯᠡᠵᠦ᠂ ᠵᠠᠯᠠᠭᠤᠰ ᠴᠢᠨᠢ ᠦᠵᠡᠭᠳᠡᠯ ᠦᠵᠡᠨᠡ᠃
29 ᠲᠡᠷᠡ ᠡᠳᠦᠷ ᠤᠳ ᠲᠤ ᠪᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠵᠠᠷᠤᠴᠠ ᠨᠠᠷ ᠳᠡᠭᠡᠷᠡ ᠪᠡᠨ ᠥᠪᠡᠷ ᠦᠨ ᠢᠶᠠᠨ ᠰᠦᠨᠡᠰᠦ ᠶᠢ ᠴᠢᠳᠬᠤᠬᠤ ᠪᠥᠭᠡᠳ
30 ᠲᠩᠷᠢ ᠳᠤ ᠴᠤ᠂ ᠭᠠᠵᠠᠷ ᠲᠤ ᠴᠤ ᠭᠠᠢᠬᠠᠮᠰᠢᠭ ᠤᠳ ᠢ ᠥᠭᠴᠦ ᠴᠢᠰᠤ᠂ ᠭᠠᠯ᠂ ᠤᠲᠤᠭᠠᠨ ᠪᠠᠭᠠᠨᠠ ᠨᠤᠭᠤᠳ ᠢ ᠦᠵᠡᠭᠦᠯᠦᠨᠡ
31 ᠨᠠᠷᠠ ᠬᠠᠷᠠᠩ᠋ᠭᠤᠢ ᠪᠣᠯᠵᠤ᠂ ᠰᠠᠷᠠ ᠬᠤᠪᠢᠷᠠᠨ ᠴᠢᠰᠤ ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ ᠶᠣᠬᠣᠸᠠ ᠶᠢᠨ ᠠᠭᠤᠤ᠂ ᠰᠦᠷ ᠲᠡᠢ ᠡᠳᠦᠷ ᠢᠷᠡᠨᠡ
32 ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠭᠴᠢ ᠪᠣᠯᠭᠠᠨ ᠠᠪᠤᠷᠠᠭᠳᠠᠨᠠ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠤᠭᠰᠠᠨ ᠶᠣᠰᠣᠭᠠᠷ ᠽᠢᠶᠣᠨ ᠠᠭᠤᠯᠠ ᠪᠠ ᠶᠧᠷᠦ᠋ᠰᠠᠯᠧᠮ ᠳᠤ ᠮᠥᠨ ᠶᠣᠬᠣᠸᠠ ᠳᠤ ᠳᠠᠭᠤᠳᠠᠭᠳᠠᠭᠰᠠᠨ ᠦᠯᠡᠳᠡᠭᠰᠡᠳ ᠦᠨ ᠳᠤᠮᠳᠠ ᠠᠪᠤᠷᠠᠯ ᠪᠠᠢᠬᠤ ᠪᠣᠯᠣᠨᠠ᠃